عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - Naseem2

صفحات: [1]
1
السلام عليكم حبيبي ابو قمر  والله يا اخي انته وردة والكلام قليل بحقك  ماكول غير  الله يوفقك ويسهل امورك يارب  , فد سؤال زغير  انا بالنسبة الي انكليزتي  ضعيفة  بس الحمد لله يعني امدبر اموري اجيبها منا واحطها منا ومدبر اموري  جنت اشتغل بالمحلات ويا العرب واستلم كاش لان انا على الفود ستام والكاش وماكدرت اشتغل بشيكات حتى لايقطعون عني المساعدات  لان انا عندي عائلة واذا اشتغلت شيكات معناها منها وأليها ويجوز مايكفي لسد المعيشة  وهسه حاليا كاعد بلا عمل صارلي شهرين  وضجت كلش وحبطت معنوياتي  والمحلات صار الشغل بيها ضعيف كلمن عنده واحد  وما اعرف وين اروح  اخر شي قررت اشتغل شيكات والله كريم   بس مشكلتي اللغة والشهادة وتعرف انته هنا مايقبلون اذا ماعندك لغة قوية  انا خايف بالمقابلات  من يسألوني عشرة اجاوب وعشرة ماجاواب  , هسه اني جاي احاول ادور شغلة سايق درايفر  بشركات او  اي مكان  وقبل يومين اجاني واحد كال ليش ماتشتغل بالمطار حاول تروح تسحب استمارة وتمليها  وتشتغل يخلوك على نقل جنط او امور ثانية  وهذا الولد الي كالي بعد ماشفته التقيت بيه مرة وفص ملح وذاب طبعا هوه يشتغل بالمطار  فهسه اني اريد اسألك شلون اقدم على شغل بالمطار او شغل سايق باي مكان اخر ,  ياريت تفيدني الله يوفقك ويسهل عليك لان اخوك ماعنده لغة قوية بالمقابلات والي ماعنده لغة مثل الاطرش بالزفة ياخوية  شلون بيه  طبعا اني احجي مو ما احجي كلش ولا طكه وافهم ويفهموني بس تقريبا هواي جمل ما افهمها  , اتمنى اشوف ردك الي هنا او برساله على الخاص  ,, ياغالي   طبعا هذا غير سؤال زغير ههههههه اسف على الاطالة واشكرك جدا على جهودك المبذولة لاخوانك العراقيين  ان شاء الله ربي يجعلها في ميزان حسناتك    .. اخوك نسيم  من مدينة روشستر نيويورك

4
 اضيف معلومة جديدة ربما لايعرفها اخوانا الكرام  وهو ان هنالك برنامج اسمه rynga للاتصال الدولي والخارجي  يمكنك من خلال هذا البرنامج الاتصال داخل امريكا مجانا موبايل وارضي وكندا واضافة الى ذلك 54 دولة مجانا  اما بالنسبة للعراق يمكنك الاتصال الى اي رقم للعراق بكلفة 4 سنت بالدقيقة وهذه اقل تكلفة وجدتها من خلال بحثي المتواصل لخدمة الاتصالات للعراق  يمكنك تنصيب هذا البرنامج في الكمبيوتر وفي الموبايل اذا كان لديك ايفون وبالنسبة للرسائل فهي 2 سنت للعراق يمكنك تنصيب هذا البرنامج على كمبيوترك من خلال هذا الموقع  http://www.rynga.com/    ومن الايفون  يمكنك الذهاب الى ابل ستور وتنصيبه مجانا .   عند تنصيب البرنامج يطلب منك رجستر بسيط للموقع معلوماتك ورقم تلفون بعد التسجيل راح يرسلك كود على رقم تلفونك وترجع ادخل الكود وراح يصير عندك اكوانت بالبرنامج بعد التنصيب راح يكون البرنامج جاهز ماعليك فقط الا تشتري رصيد بقيمة 10 دولار اعتقد راح يصير عليك 14 وشوية لان البرنامج يستخدم عملة اليورو  وذلك بادخال معلومات الكردت كارت بعدها تستخدمة للاتصال الدولي وخابر براحتك وهذا الكلام عن تجربة شخصية من اخوكم ..  ارجو ان افدكم بشي بسيط ولكم مني اجمل تحية.

5
والله الاخوان ماقصروا بالاجابة  لكن اضيف معلومة جديدة ربما لايعرفها اخوانا الكرام  وهو ان هنالك برنامج اسمه rynga للاتصال الدولي والخارجي  يمكنك من خلال هذا البرنامج الاتصال داخل امريكا مجانا موبايل وارضي وكندا واضافة الى ذلك 54 دولة مجانا  اما بالنسبة للعراق يمكنك الاتصال الى اي رقم للعراق بكلفة 4 سنت بالدقيقة وهذه اقل تكلفة وجدتها من خلال بحثي المتواصل لخدمة الاتصالات للعراق  يمكنك تنصيب هذا البرنامج في الكمبيوتر وفي الموبايل اذا كان لديك ايفون وبالنسبة للرسائل فهي مجانية للعراق يمكنك تنصيب هذا البرنامج على كمبيوترك من خلال هذا الموقع  http://www.rynga.com/    ومن الايفون  يمكنك الذهاب الى ابل ستور وتنصيبه مجانا .   عند تنصيب البرنامج يطلب منك رجستر بسيط للموقع معلوماتك ورقم تلفون بعد التسجيل راح يرسلك كود على رقم تلفونك وترجع ادخل الكود وراح يصير عندك اكوانت بالبرنامج بعد التنصيب راح يكون البرنامج جاهز ماعليك فقط الا تشتري رصيد بقيمة 10 دولار اعتقد راح يصير عليك 14 وشوية لان البرنامج يستخدم عملة اليورو  وذلك بادخال معلومات الكردت كارت بعدها تستخدمة للاتصال الدولي وخابر براحتك وهذا الكلام عن تجربة شخصية من اخوكم ..  ارجو ان افدكم بشي بسيط ولكم مني اجمل تحية.

6
شوف اخي العزيز اخذ مني تجربة شخصية والجهاز عندي دا استعملة بالبيت  الصراحة بيه اشتراك شهري 35 دولار بالشهر يعني اني اشوفة سعر مناسب لاشي بالنسبة للشهر  الميزة الحلوة بيه انه بيه 250 قناة عربية وبيه كل قنوات الافلام وكل الام بي سيات وقنوات الاطفال والاسلامية وقنوات الاغاني يعني نايلسات ومحطوط والشغلة الثانية انه معترف بيه ورسمي امام الحكومة الامريكية والشركة مقرها في فلوريدا وتبث القنوات بدقة واضحة جدا نفس ماتشوف بالستلايت الي بالعراق مجرد ربط انترنيت لاتقل السرعة عن 4 ميكا بايت بالثانية  والجهاز يختلف عن الاجهزة الاخرى الي مابيها اشتراك شهري فقط شرائك الجهاز لاول مرة وذلك لانها غير رسمية ومحتمل ان تتوقف في اي لحظة  والشي الثاني دقة الصورة اقل مما هيه في هذا الجهاز الذي احدثك عنه واسمه ip Tv NetSolutions وللمزيد من المعلومات ادخل على رابط موقعهم  ولك مني اجمل تحية .

http://tvnetsolutions.myshopify.com/

7
هههههههههههههههههه  اي والله صدك متاخر  لان صار هواي ماداخل المنتدى

8
انا بمدينة روشستر نيويورك    Rochester NY  حبيبي. حتى لو باي ولاية مو مشكلة اريد ناس تعرفوهم وارقام تلفوناتهم لحجز الطيران

9
بليز ارجو المساعدة من الجميع الاعضاء في امريكا والي عنده ارقام تلفونات مكاتب حجز طيران  وينطي عروض رخيصة  مو تكتبولي مواقع حجز طيران وهذا افضل ومدري شنو كلها جربتها  مابيه فايدة وغالية. المكاتب افضل لان عدهم عروض من شركات الطيران وعدهم خبرة بالحجوزات. اريد ارقام تلفونات ناس تحجز طيران للعراق والشرق الا وسط.  بلييييييييز. وانا اكون ممنون الكم حبايبي

10
اخت زينب ان شاء الله ماكو اي مخاطرة وعادي جدا هواي ناس مسوينها وان شاء الله ماكو شي وبالنسبة لروشستر هيه حلوة وموحلوة. حلوة بالصيف جوها كلش حلو وبيها اماكن ترفيهية حلوة بيها البحر وبيها شلالات نياكرا فولز  وناسها الزينيين  عدهم احترام وابتسامه لاي شخص وأي جنسية  بخلاف بعض الولايات اكو عنصرية شوية والشي المو حلو  بالشتاء  الثلج بيها مو طبيعي يلعب بينا لعب وباردة كلش. 

11
اخت زينب اني مسوي عمل رسمي بشيكات 20 ساعة بالاسبوع يعني 4 ساعات باليوم  بس بالحقيقي اني دا اشتغل 10 ساعات باليوم يعني باقي الساعات الي اشتغلها استلمها كاش من ابو المحل  يعني انا منسق ويا صاحب العمل  وتبقى هيه على نفسيات الناس الي تشتغلون عدهم اكو بيهم مايوافقون الا بشيك ورسمي وشكد تشتغل يحسبلك شيك وعادة همه الامريكان يعني اذا تشتغل ويا شركات او بزنس عام مديره اجنبي  هذا مابيه مجال ماتكدر  اتسوي مثل ما انا اسوي , واكو بيهم عادي تتفق وياه قبل بدء العمل  وعادة همه العرب اصحاب المحلات والي عنده بزنس خاص  بيه  وموجودين بكثرة ماكو ولاية مابيها محلات اصحابها عرب  عراقيين يمنيين فلسطنيين هواي  فاذا تحب تشتغل فابحث عن هذا العمل لان هوه الي يفيدك بالمساعدات وتكدر تستلم من الجهتين   وتحياتي الكم

12
شكر حبايبي على ردودكم واني جدا ممنون منكم وانا بخدمة كل عراقي مغترب واي سؤال اني حاضر وبالنسبة لسؤال الاخ بخصوص المساعدات في روشستر نيويورك   الولفير  ينطوك كاش وفود ستام لمدة سنة يسكتون عنك بعد السنة تجيك رسالة بالبريد موعد وياهم ورى السنة راح يشوفونك شنو سويت اشتغلت اتعلمت لغة شنو حياتك اذا ورى  سنة بعدك ماتشتغل راح يخلوك في برنامج اسمه الويب بركرام اداوم 8 ساعات باليوم مثل المدرسة  يعلموك لغة ويعلموك مهنه تاهلك للعمل في امريكا بس خلي نكون صريحين مال سالفة 8 ساعات باليوم اداوم هاي سالفة تعبانه لان شلون راح تعيش المساعدات الي ينطوك اياها ماتكفي يعني اذا همه يحسبولك اكل وايجار بس اكو شغلات ثانية ماتنحسب مثل فواتير الكهرباء والتلفون والانترنيت والشغلات الي مو اكل ملابس طلعة ونسة بانزين مدري شنو تطلعلك هواي سوالف هاي كلها مايفكرون بيها الولفير المهم همه ينطوك فقط بطاقات بيها فلوس اكل وايجار سكنك ومرات مايكفي ايجار السكن اذا انت ساكن بمكانات غالية شوي يعني خصم الحجي لازم تشتغل وخلي انطيكم فكرة الي سويته انا  , اني قبل لاتنتهي السنة حصلت شغل بمحلات عربية فجان عندي شغل وفود ستام وايجاري مسدود بعد السنة  تعال يابه احنه ساكتين عنك سنة شنو سويت  اني طبعا خو ما اكلهم اني اشتغل لان اذا اكلهم اشتغل يكطعون عني المساعدات خلوني بهذا البرنامج الي كتلكم عليه و8 ساعات بس شفتها ما اصرفلي ويصير تعب عليه كلش اطلع من الصبح للمدرسة وبعدين للشغل ماتكدر صعبة  فسويت 20 ساعة بالاسبوع شغل يعني كتلهم انا كل اسبوع اشتغل بس 20 ساعة بس بالاصل انا اشتغل اكثر من 20 ساعة  انا باليوم الواحد اشتغل 10 ساعات من الساعة 1 الظهر لحد 11 واحسب بالاسبوع شكد ... هسه تكولون ليش سويت 20 ساعة اني اكلكم ليش ؟ حته يعرفون الدخل مالتي بالشهر قليل مايكفي فراح يقطعون من المساعدات نص او مرات اقل يعني مايكطعوها كلها عليه  وخلال 20 ساعة الي اشتغل بيها بالاسبوع مايكدرون يخلوني ابرنامج الويب لان يطلع باليوم 4 ساعات وكتلهم من 9 لحد 1 يعني خلال هذا الوقت انا اشتغل مايكدرون يخلوني مدرسة فسكتو عني وقطعو من المساعدات شي قليل  بالمقابل استفدت من شغلتين اول شي المساعدات بقت وثاني شي  اشتغل رسمي امام الحكومة واستلم تاكس ريتينت نهاية السنة والمساعدات تبقى وياي لخمس سنين اما غير ولايات فاني سمعت سنة ويكطعوها سواء اشتغلت او لا يتركوك وهواي عراقيين شكو من هاي المعاناة لهذا انا افضل روشستر نيويورك افضل مدينة من حيث مراعاة اللاجئين هذا الي انا اشوفة وبصراحة اني مازاير غير ولايات وما ادري شكو بيها مابيها  وعلى كولة المثل اهل مكة  ادرى بشعابها وتحياتي الكم جميعا وعذرا على الرد المتاخر وذلك لان صار هواي ماداخل  منتديات عين كاة  بسبب ظروف

13
العراق / ابحث عن شغل بنيورك
« في: 22:54 17/08/2010  »
انا شاب عراقي خووووش شاغول  اريد اشتغل اي شغلة بمحل بمطعم باي شي يمعودين ابختكم انا

نيورك - مدينة روشستر  

الي عنده عرف جماعة يعرفهم عايشين هنا وصوهم عليه  

14
السلام عليكم  اخواني عندي فد سؤال جدا ضروري وهو
انه انا وزوجتي عايشين هنا بامريكا  واريد ادخل زوجتي معهد فنون الجميلة  لان هيه جانت طالبة بمعهد الفنون وسنة قبل الاخيرة بالعراق بس طلع سفرنا وماكملت شهادتها  وهسه اريد اخليها تكمل هنا المعهد مال الفنون   لان هيه عدها هواية الرسم ورسامه مضبوطه  لكن هيه شوي ماتعرف انكليزي  انطوني جواب الله يخليكم ويحفظكم

اخوكم نسيم العراقي ولكم مني اجمل تحية

15
السلام عليكم كايز يعني شياب وبنات بالانكليزي بالبداية اعرفكم بنفسي اني اسمي نسيم عراقي من البصرة اجيت على امريكا عن طريق منظمة اي او ام  ونفس الروتين مقابلات وفحص وشلعو كلبي يلا طلع سفري المهم وصلت والحمد لله لكن اني تقريبا اختلف عن بعض الناس الي اجو ما عندهم احد هنا اني اجيت وعائلتي موجودة قبلي وعندي اخوي الكبير صارله سنتين بامريكا وفاهم الحياة هنا وعلمني كلشي فصرت على صورة واضحة من الحياة هنا عكس الي يجي ومايعرف احد يحس نفسه مثل الغريب وراح يواجه صعوبة بالبداية لان كلشي مايعرف اطرش بالزفة الحياة اختلفت عنه فاريد انصح كلمن يجي لامريكا ياناس ترى والله العظيم هاي فرصة وحلم للي يطلع سفره لحد يخاف ولحد يشوش افكارك ترى الحياة حلوة هنا ويرادلها بس صبر بالبداية لاتياس المنظمة راح توفرلك شقة واكل ويدخلوك معهد لغة بس مو كل الاحتياجات فلازم تعتمد على نفسك وادور على شغل واهم شي ابحث عن عراقيين عايشين بمدينتك لان همه اصحاب خبرة قبلك وحط ابالك ان ثمرات مجيئك لامريكا ماتعرفها هسه الا ورى كم سنة من اقامتك هنا  صدكني لو تشتغل غسل اماعين احسلك من العيش بالعراق وانتم تعرفون مايحتاج اوضح الحياة بالعراق لكن الصبر لتحصل على الهدف والهدف من اقامتك هنا اول شي نظام وكلشي مرتب وثاني شي سياحة مستحيل تلكاها باي بلد وثالث شي استثمار وبزنس اذا عندك جم فلس او تجمع من ورى شغلك لان اكثر العراقيين هنا ماشاء الله من شغلهم يدزون لاهلهم وبنو بيوت وحطو محلات وثالث شي الدراسة اذا كنت من هواة الدراسة والحصول على شهادات عالية من امريكا تكدر ترجع للعراق او اي دولة عربية  وانت رافع راسك ورابع شي والاهم  هي الحصول على الجنسية وما ادراك مالجنسية  يعني صرت امريكي يعني محد يحجي وياك باجر عكبة اذا رجعت للعراق اووو انت فوك الفوك تعرف ليش لان انت مجنس وعندك لغة يعني تشتغل باحسن شركات واضافة الى ذلك تكدر تدخل اي دولة تعجبك وبدون فيزة لان عندك جواز امريكي مو مثل العراقي الي يتمنى يسافر بس محد يقبله المهم يا اخواني ياخواتي الحجي هواي والثمرات مراح تعرفها هسه

المهم خلي احجيلكم شوي عن روشستر وهي المدينة الي انا عايش بيها روشسير مدينة كلش حلوة ورخيصة نسبيا وبيها سياحة حلوة والمساعدات والولفير بيها احسن من هواي ولايات يعني مراح يكطعون عنك المساعدات الا ورى سنة تفريبا  وبيها عراقيين زينين وخوش ناس بس مو هواي مختصر الكلام  روشستر انا اشوفها كلش زينة وحلوة والواحد يكدر يتكيف بيها بسرعة وبالمناسبة هيه فريبة على كندا وبيها شلالات نياغرا اضحم شلالات بالعالم يعني اذا صار عندك كرين كارت تكدر اسافر لكندا بعد ساعة ونص عن روشسنر ... تحياتي لكم وطولت عليكم بالحجي

16
حبيبي الغالي لاتخاف وداعتك انت رجال هاي احلى فرصة بحياتك اذا ضيعتها راح تتندم والله ترى امريكا الاف الناس تتمتى تحصلهن هاي الفرصة ويدفعون ملايين فاستغلها وابدي حياتك الجديدة  ماتكلي شعاجبك بالعراق صخام الصخمة كلشي مامستفادين من  وراه  اخوية اني هم مثلك وهسه الحمد لله اموري استقرت والوضع كلش زين بس شوي بالبداية يرادلة صبر لاتياس شوي شوي  
اي سؤال عن الحياة هنا انا حاضر

17
شكرا اخت يارا   والاخت ساندي  وانا اسف لوضع ايميلي لم اكن اعلم ان هذا يخالف القوانين لاني جديد على المنتدى  لم اقصد  الا التعارف وتقوية علاقات بين اخواني واخواتي العراقيات  شكرا جزيلا لكم

18
مرحبا اني عراقي مقيم جديد بولاية نيورك مدينة روشستر  اريد اتعرف على عراقيين بنية او ولد مقييمن بامريكا  للصداقة  


19
هااااااااااااااااااااااااي شباب  وهاااااااااااااااااااااااااااااااااااااااااااااااااي بنات

اني اسمي نسيم عراقي عمري 26 سنة اريد اتعرف على اصدقاء عراقيين او عرب عايشين بامريكا بولاية نيورك مدينة روجستر
 

صفحات: [1]