الرسائل

1

الهجرة و واللاجئين / رد: هل يحق للمتقدم لل UN بتركيا الدراسه الجامعيه بنفس الوقت ؟

« في: اليوم في 05:18 »

بالحقيقه انا بالفعل كتبت هذا الموضوع هناك قبل ان اكتبه هنا و بعد ان لم احضى باي جوااب قررت كتابته كموضوع جديد هنا ..

2

الهجرة و واللاجئين / هل يحق للمتقدم لل UN بتركيا الدراسه الجامعيه بنفس الوقت ؟

« في: الأمس في 03:00 »

الاعضاء الاعزاء ممن يعيش بتركيا او لديه معلومات عن الموضوع، هل يحق لمن قدم على التسجيل على اليو ان بالدراسه الجامعيه  بكلوريوس/ او ماجستير ؟ ام ان الامنيات ستمانع دام ان المتقدم للدراسه هو لاجئ عند الامم المتحده بتركيا حسب ما سمعت من بعض الاعضاء، او ان يمنع سفر الطالب للبلد الثالث لحين اكمال ذاك الطالب تخرجه من الجامعه ثم يستطيع بعدها السفر لبلد التوطين ... ماذا عن تخيير المسجل لل UN بمحافظه من عشره لا تضم مدينة الجامعه ؟ المعلومات كثيره و متضاربه ارجو ممن لديه التجربه المباشره او غير المباشره الاجابه عن سؤالي قدر الامكان ..
شكرا جزيلا لكم

3

الهجرة و واللاجئين / رد: جــــمــــــــا عــة تـركـيــــــــــا

« في: 07:01 09/03/2015  »

السلام عليكم الاخوان بتركيا .. هل فعلا الي يجي يقدم بتركيا على اليو ان لايحق له الدراسه بجامعات تركيا سواء بكلوريوس او ماجستير ؟ الرجاء من الي عنده تجربه او اطلاع او عنده اقارب بنفس ظرفي ... ارجو ان يبلغني و اكون ممنون جدا منكم .. شكرا جزيلا

4

مواضيع الحياة العامة في بلاد المهجر ( كندا) / رد: امكانية قبول اللاجئين بكندا من داخل كندا

« في: 01:10 29/12/2013  »

شكرا اخت كندا
شكرا جزيلا

5

الهجرة و واللاجئين / رد: امكانية قبول اللاجئين بكندا من داخل كندا

« في: 22:07 28/12/2013  »

بالعكس ....... الموضوع واضح
كنت باوربا و رجعت بسبب الرفض و هسه اريد اطلع من جديد و ببالي كندا .. اكيد ممعقوله صديقي حوصل لكندا بطريقه غير شرعيه و بعدين اسال بالمنتدى اذا اكو اكو لجوء ..   بعدني دا افكر بصوت عالي و محتاج نصح من الاخوه الي بالمنتدى
شكرا حبيبي لاجوبتك فدتني كلش

6

الهجرة و واللاجئين / رد: امكانية قبول اللاجئين بكندا من داخل كندا

« في: 20:48 28/12/2013  »

شكرا للاخوه على الرفع جزاكم الله خير

الاخ steven_siv حضرتك بكندا لو تعرف احد هناك شكرا لردك اني كنت مرفوض باوربا من زمان 3 سنوات مو هسه مو هسه اني داخل العراق

7

مواضيع الحياة العامة في بلاد المهجر ( كندا) / امكانية قبول اللاجئين بكندا من داخل كندا

« في: 20:28 28/12/2013  »

مرحبا جميعا
ممكن احد يوضحلي عن امكانية استقبال اللاجئين في كندا من الي يوصلون بطرق غير شرعيه لكندا او من الي يدخل اعتيادي ثم يطلب اللجوء من داخل كندا. اني الي اعرفه كندا مثل اوربا من هايه الناحيه باستقبال اللاجئين مع عدم علمي بالنتائج لكن البعض ايضا يقول انه هذا الامر غير وارد بكندا و انه البلد بستقبل هجره من خارج البلد او لاجئين عن طريق الامم المتحده. ممكن احد رجاءا من الي متاكد من معلوماته يوضحلي لان محتاج اقرر اعرف عن هذا الموضوع و شكرا جزيلا للجميع

8

الهجرة و واللاجئين / امكانية قبول اللاجئين بكندا من داخل كندا

« في: 11:11 28/12/2013  »

مرحبا جميعا
ممكن احد يوضحلي عن امكانية استقبال اللاجئين في كندا من الي يوصلون بطرق غير شرعيه لكندا او من الي يدخل اعتيادي ثم يطلب اللجوء من داخل كندا. اني الي اعرفه كندا مثل اوربا من هايه الناحيه باستقبال اللاجئين مع عدم علمي بالنتائج لكن البعض ايضا يقول انه هذا الامر غير وارد بكندا و انه البلد بستقبل هجره من خارج البلد او لاجئين عن طريق الامم المتحده. ممكن احد رجاءا من الي متاكد من معلوماته يوضحلي لان محتاج اقرر اعرف عن هذا الموضوع و شكرا جزيلا للجميع

9

الهجرة و واللاجئين / رد: يو ان ام لجوء مباشر باوربا

« في: 09:54 30/11/2013  »

ما اعتقد اكو بدون بصمه لان هذا قرار صار بس يمكن الي بله بصمه تكون مزوره خصوصا من يكلولك بدون مقابله .. للاسف يمكن الحل هو التهريب

10

الهجرة و واللاجئين / رد: يو ان ام لجوء مباشر باوربا

« في: 19:56 29/11/2013  »

اني كلش اشكرك صديقي على المعلومه بس المشكله لفنلندا هو الوصول الها

11

الهجرة و واللاجئين / رد: يو ان عمان

« في: 08:37 28/11/2013  »

شكرا. جزيلا
الله يوفقك و يكتبلك الي تريده و ان شاء الله يهون الانتظار

12

الهجرة و واللاجئين / يو ان ام لجوء مباشر باوربا

« في: 16:14 27/11/2013  »

مرحبا جميعا
ممكن احد يقدملي نصيحه حسب تجربه او درايه بالموضوع
شنو الافضل اقدم لجوء باوربا بفنلندا او التقديم للامم المتحده علما انه عندي تجربة لجوء فاشله سابقا لكن يقال فنلنده بيهه مجال هذه الايام و العلم عند رب العالمين ... شكرا للنصح

13

الهجرة و واللاجئين / رد: يو ان عمان

« في: 15:16 27/11/2013  »

شكرا اعزائي
اني سمعت الخبر اليوم من شخص بعمان ... شكرا جزيلا

14

الهجرة و واللاجئين / يو ان عمان

« في: 12:49 27/11/2013  »

مرحبا شباب،
صحيح صار اليو ان بالاردن يعطي موعدالمقابله الاولى على سنة 2015 هذه الفتره؟

15

الهجرة و واللاجئين / رد: سؤال عن كليات الصيدله في عمان

« في: 00:45 16/11/2013  »

تعيش ابو الحكم على طيبتك يا ورده

16

الهجرة و واللاجئين / رد: سؤال عن كليات الصيدله في عمان

« في: 06:30 31/10/2013  »

شكرا جزيلا ابو شمس مقصرت الله يسهل كل امورك و مكن لازم اجي و اشوف الوضع بنفسي .. شكرا يا ورد

17

الهجرة و واللاجئين / رد: سؤال عن كليات الصيدله في عمان

« في: 14:38 30/10/2013  »

اشكرك اخي انتظر جوابك ... تسلم

18

الهجرة و واللاجئين / رد: سؤال عن كليات الصيدله في عمان

« في: 23:33 29/10/2013  »

اني شفت الجامعات المعترف بيهه بدائرة البعثات و العلاقات الثقافيه و هايه الجامعات المذكوره على هذا الاساس بس ما اعرف منا للصيف الجاي يمكن تتغير القوانين ... شكرا لدعواتك الله يخليك و يسهل امورك كلهه.

19

الهجرة و واللاجئين / رد: سؤال عن كليات الصيدله في عمان

« في: 21:10 29/10/2013  »

تعيش على النصيحه الحقيقه حجيك صحيح بشويه س اني اريد شي زين الي مو علمود بس المعادله .. تخيل اوصل للمعادله بس ما اعرف شلون اقره الماده

20

الهجرة و واللاجئين / رد: ايجارات السكن بعمان لطالب - استفسار

« في: 20:43 29/10/2013  »

شكرا جزيلا
من تقصد ستوديو تقصد صالح لسكن شخص واحد فقط؟؟

21

الهجرة و واللاجئين / سؤال عن كليات الصيدله في عمان

« في: 20:39 29/10/2013  »

مرحبا جميعا
اريد ادرس صيدله بعمان الجامعات الي امامي هي ( التطبيقيه - عمان الاهليه - فيلادلفيا - الاسراء - الزيتونه ) .. سؤالي هو للطلبه في عمان او الي عدهم المام بالجامعات هو عن ايمن هذه الجامعات بمستوى اكاديمي جيد .. و اذا احد عنده علم بموضوع المعادله كوني عندي سنه صيدله ببلد اخر بنظام فصلي و اريد الانتقال للاردن.
فيلادلفيا سعر الساعه بيها اقل من غيرهه ( 90 دينار ) بس ما اعرف شلونه مستوه الدراسه بيهه .. اني مو بالضروره اكون ادور الافضل من الجامعات المذكوره لكن على الاقل الجيد منها.
شكرا جزيلا للي حاول يساعدني.

22

الهجرة و واللاجئين / ايجارات السكن بعمان لطالب - استفسار

« في: 20:13 29/10/2013  »

مرحبا جميعا
اني طالب ناوي اجي لعمان لاكمال الدراسه .. الي اطلبه من الي ممكن يساعدني هو يرشدني على اسعار سكن مناسبه لشخص واحد او سكن مشترك مع شحص اخر قد يكون طالبا مثلا او يعطيني فكره عن الايجارات ( المتوسطه او الشويه اقل ) ... اني مجاي للاردن قبل فما اعرف حدود الايجارات لذلك احاول اطلب من الاصدقاء بالمنتدى من الي ساكنين بعمان و من الي عدهم المام باماكن سكن مؤجره و اسعارهه و ارجو ان يكون الارشاد الى اسعار مناسبه شويه .. اني اشكر اي احد حالو يساعدني و ارجو الموفقيه للجميع.

23

الهجرة و واللاجئين / رد: سؤال عن نظام الساعات بجامعات الاردن

« في: 22:22 21/10/2013  »

شكرا للاخوخ امين عبدالله و النورس و الاخ صفاء لمروركم و الاجوبه المفيده
اسف لان الرد متاخر لكن مشفت الردود غير الان
عندي سؤال للاخ امين عبالله
اذا كنت اخل بكلية الصيدله بالاردن و صادف انه خلال سنوات الدراسه صار انقطاع لاي سبب كان مادي او اي سبب فهل افصل من الجامعه لانقطاعي مع ترقين القيد؟ اني سمعت هذا الشي متبع بنظام الساعات باميركا انه لازم لازم تكمل الصيدله او الطب بدون توقف يعني ميصير تتوقف لسميتر لسبب ما فهل هذا الشي موجود بالاردن؟

24

الهجرة و واللاجئين / سؤال عن نظام الساعات بجامعات الاردن

« في: 22:39 19/10/2013  »

في جامعة العلوم التطبيقيه بالاردن / كلية الصيدله مكتوب انه عدد الساعات المتبع هم 161 ساعه و سعر الساه 120 دينار لكن هل يوجد احد بالكروب رجااااءا دارس بعمان نظام ساعات و يفهمني شنو يعني 161 ساعه ب 5 سنوات؟ شلون تقسمت لاني شكيت بالموضوع و تصورت انه ممكن تكون لسنه واحده لكن يطلع السعر خيالي كانه 27 الف دولار بالسنه الواحده

25

الهجرة و واللاجئين / رد: الطمغات بالجواز و التقديم لليو ان

« في: 14:21 22/09/2011  »

شكرا جزيلا اخوان .. بس احد كاتب بفقرة تركيا انه اليو ان ميحبونواحد يسافر هوايه افتهمت من كلامه انه اليو ان ممكن تتصور انت عايش بامان خارج العراق او تكدر تلكه مكان غير اليو ان .. مثلا ان يكنت طالب باوكرانيا و عندي فيزا و اقامه ساقطه قبل فتره قليله جدا فاذا اقدم من تركيا مثلا ( و اني مو عائله شاب وحدي ) فمحيكولون شي و يطلعولي حجج بانه اني ممكن الكالي مكان انم خارج العراق مثل ان اكمل دراستي بدل الذهاب لتركيا؟

26

الهجرة و واللاجئين / الطمغات بالجواز و التقديم لليو ان

« في: 22:17 21/09/2011  »

السلام عليكم ... صحيح انه الي عنده طمغات دخول و خروج في جوازه و فيزه دراسيه لا يمكنه التقديم لليو ان لان ذلك سيعرقل قضيته و محتمل ينرفض؟

27

مواضيع الحياة العامة في بلاد المهجر (امريكا) / رد: طب اسنان لو صيدله

« في: 02:44 05/01/2011  »

مسالة الهندسه اعتقد هذا موضوع خاص مطلبت رايك بيه .. ثانيا التحدي بكلامك المستفز واضح من كلامك ((( اذا ممدبرهه بالهندسه ))) ما اعرف ليش هاي العدائيه و النفسيه المظلمه .. و كلامك حول اختياري للادراه و الاقتصاد هذا اكبر تعدي .. منو طلب رايك لو نصحك حته تحددلي مصيري؟ لو اختياري؟؟؟ انته انتبهت شكد اخذت و انطيت لنفسك اكثر من حقك؟؟

اسلوب الردح الكلامي مالتك خلاني فتره صافن افكر سبب التهجم و المكانه المهوله الي انطيتهه لنفسك برسم طرق الي
عدل اسلوبك و التقي بناس اكثر لتتقوقع هوايه وحدك .. تهجمك و تهكمك ميدل من بدايته الا على الانعزال الي انت عايشه

بالمناسبه اني دا ادرس صيدله خارج العراق و سعيد بتحقيق حلمي بعد انتظار 8 سنوات حته تحين الفرصه

28

مواضيع الحياة العامة في بلاد المهجر (امريكا) / رد: طب اسنان لو صيدله

« في: 09:31 25/10/2010  »

حضرتك باميركا لو بالعراق مهند؟
زين اكو كورسات تدخلههه لو مباشر للامتحان؟

29

مواضيع الحياة العامة في بلاد المهجر (امريكا) / رد: مهنة الصيدلة في امريكا ؟ تعيل الشهادة والماستر

« في: 09:30 25/10/2010  »

ليش ميكدر يعمل كصيدلي؟ و باي حاله يكدر يشتغل كصيدلي بصيدليه او مستشفى؟
شكرا

30

مواضيع الحياة العامة في بلاد المهجر (امريكا) / رد: طب اسنان لو صيدله

« في: 06:41 22/10/2010  »

     
of course when someone  has  a pharmaceutical  degree, then he can equivalent it
thank you for your responses dear ( hear of baghdad )

31

مواضيع الحياة العامة في بلاد المهجر (امريكا) / رد: طب اسنان لو صيدله

« في: 13:28 21/10/2010  »

شكرا ( العبير )
بس ( heart of baghdad ) بالنسبه للمعادله ممكن الواحد يسويهه و هو ممقدم لجوء؟ يعني من لاعراق يقدم و يحصل فيزا و يمتحن؟
و اكو كورس الواحد يدخل بيه لو راسا امتحانات؟
شكرا جزيلا

32

مواضيع الحياة العامة في بلاد المهجر (امريكا) / رد: طب اسنان لو صيدله

« في: 17:22 19/10/2010  »

شكرا اخ heart of baghdad
اعتقد على الاغلب حفوت صيدله بس رجاءا اذا عندك معلومات اكثر حاول تفيدني بيهه .. بس اكو مشاركه من اخ صيدلاني او اخت - نسيت - موجوده بالارشيف شفتهه مره عن المعادله
حضرتك صيدلي؟ ساكن بالعراق لو مهاجر بره؟
صدك الصيدله صعبه كلللللللللللش اصدقائي ديخوفوني منهه عندي 3 اصدقاء صيادله دينصحوني بالاسنان على اساس فتح صيدليه بالعراق ديصير اصعب سنه عن سنه و صعوبة الدراسه و كذا امور

اشكرك هوايه ان شاء الله تتسهل كل امورك

33

مواضيع الحياة العامة في بلاد المهجر (امريكا) / رد: طب اسنان لو صيدله

« في: 21:57 17/10/2010  »

زين اخت سرى الي اعرفه عن الاسنان انه اضافه للوقت الطويل جدا بالمعالده فاكو مصاريف ضخمه ... قصدي الصيدله هم بيهه مصاريف توصل لل 50000 دولار او هيجي شي؟ لان اني قريت هوايه كلش عن معادلة الصيدله بمواقع بس مسمعت شي عن ارتفاع الكلفه لان مبيهه دخول ليه من جديد مو صح؟

34

مواضيع الحياة العامة في بلاد المهجر (امريكا) / رد: طب اسنان لو صيدله

« في: 02:55 17/10/2010  »

شكرا بشار
كلامك صحيح, ممكن تدخل التجاره بالصيدله او ممكن تدخل صناعة الادويه ايضا بالموضوع بس الارزاق على رب العالمين و كون طبيب الاسنان محصور بعياده بس فهذا مثل متعرف مو شي قليل خصوصا اذا صار اله اسم ... بالنسبه لكلامك عن اميركا فاني مو بفكري حاليا, انتظر اكمل و ارجع لبغداد و يمكن ابقه ابغداد, اني اصلا ساكن ابغداد اني مو باميركا او بدوله عربيه مقدم على اليو ان فالعراق خاله بحسابي اولا ..

35

مواضيع الحياة العامة في بلاد المهجر (امريكا) / رد: طب اسنان لو صيدله

« في: 02:48 17/10/2010  »

شكرا سرى .. لكن انت تايديني على الصيدله حتى لو مسويت معادله باميركا؟ لان اني سالتج مره عن الموضوع بالخاص ... يعني هذا رايج هم حتى لو ارجع و استقر بالعراق؟ ممكن شي ثاني؟ شكد تطول فترة المعادله للصيدله باميركا و الهه مجال شغل؟ و اني اعرف ماكو شي ثابت من هسه لخمس سنوات .. شكرا جزيلا

36

مواضيع الحياة العامة في بلاد المهجر (امريكا) / طب اسنان لو صيدله

« في: 01:10 16/10/2010  »

اسف للسؤال يمكن شويه مو مهم بالنسبه لمئات ينتظرون اوراق الهجره او اللجوء حته يسافرون .. كنت لحد شهر واحد منهم لكن قررت ترك الموضوع لان عندي بيه تجربه سابقه و صار عندي فوبيه
اني قررت اسوي حلمي .. ادرس الشي الي احبه و اترك موضوع اليو ان  نهائيا
حدرس اسنان او صيدله ... كنت مكمل هندسه لكن محسيت باي انتماء الهه و هسه يلله اجتني الفرصه بعد انتظار 8 سنوات حته احقق حلمي

اني احس هذا المنتدى مثل بيت ثاني الي رغ مشاركاتي الكلش كلش محدوده بس للاسف ماعندي شي افيد بيه الاعضاء
لذلك حبيت ان تشاركوني بالاختيار اكيد الاكبر بالعمر عدهم خبره و اكيد الي همه اصلا بهذا المجال عدهم شي ممكن يكولوه الي و يساعدوني ..

يمكن لو جنت 18 سنه جان اختاريت طب اسنان بدون تردد لكن هسه 27 سنه زائد 5 سنوات دراسه اكيد ححتاج شي يكومني على رجلي شويه اسرع مع مستقبل افضل اكيد على المنظور البعيد لذلك اني حاير بين الاثنين و لذلك و لثقتي بروابط الاخوه بين الاعضاء حبيت تشاروني بقراري و اكيد هذا ميعني ضغط على اي شخص انه يتحمل مسؤولية اي نصيحه لكن راي عن راي ممكن يساعد .. فهسه اريد منكم رايكم حسب خبرتكم او حسب نظتكم .. قسم يكول الصيدله متحتاج اسم و شهره فتمشي اسرع بدون منافسات و الاسنان تحتاج اسم لكن اني ممكن اكون ممارس جيد و يصير الي اسم باذن الله تعالى و قسم اخر يكول الصيدله مجالاتهه اوسع و قسم يكول الصيدلي ثانوي نسبة للطبيب و هذا اني ما اوافق عليه لان هم علم بحد ذاته و شي مو قليل حتى لو كان تحت اشراف الاطباء ... المهم ارجو من الي عنده خبره بالموضوع يساعدني رجاءا

اعتذر اذا كان الموضوع مبيه علاقه بالهجره او اللاجئين ارجو من الاخت انجي ان متشيل الموضوع ولو مؤقتا لان سفري قريب جدا ان شاء الله و احتاج النصح بهذه الفتره

اني اريد اشكر اشخاص ساعدوني بكلمه او نصيحه بامواضيع اخرى اول شخص  الاخ المحترم يوزارسيف و نصائحه الاكثر من ناضجه بوقت كنت بيه بامس الحاجه لمساعده من شخص غريب ( مو صديق ) شكر اخر للاخت سرى و اكيد شكر قوي للاخت انجي لاجوبته على كل رسائلي الخاصه .. اكو اسماء هوايه اخرى اشكرهم جميعا و ان مذكرتهم ..

اني مستقر اكثر الان لان حددت شنو الي اريده بالضبط و يمكن بعد 5 سنوات يكون البلد نوعا ما افضل و اذا لا فالله كريم بوقتهه

شكرا جزيلا للجميع
اوهانيسيان

37

الهجرة و واللاجئين / رد: هجرة دراسة

« في: 17:41 09/10/2010  »

نعم اخي اكو سووهه و نجحوا بالحصول على اللجوء .. المخاطره انه اعتقد اذا انرفض الشخص فحيمنع من دخول الولايات المتحده الاميريكيه و كندا لمدى الحياة  ... هذا الشي اني اعرف عنه من زمان و دائما يتردد امامي.
عندي ولد قبل سنه الدوله ارسلته بعثه لاميركا لكن قبل انتهاء المده بشهور قدم على اللجوء و انقبل بعد 6 شهر فقط
اكو طرق اخرى انه اذا شهادتك مرغوبه باميركا كصيدلي او طبيب مثلا او شي اخر مرغوب بسوق العمل الاميركي فممكن تجي حته تعادل و هذا يتم عن طريق السفاره و لازم تثبت انه انت عندك شغل بالعراق حته ترجع مو تطلب لجوء و عندك رصيد عالي بالبنك ( ما اعرف شكد عالي ) المهم بعدهه من تحصل الفيزا ( اكو مكاب هم تسويهه  http://euusc.com/ ) ممكن بعد المعادله تحول الفيزا من فيزة طالب الى فيزة عمل ( بس اكرر لازم شهادتك مطلوبه )

بالتوفيق
اوهانيسيان

38

مواضيع الحياة العامة في بلاد المهجر (امريكا) / رد: امتحان ال GRE مركز الدراسات الاوربيه - بغداد

« في: 01:05 30/09/2010  »

الاخ vincenzo
من تعادل و تمتحن GRE  ممكن تحصل شغل و تبقه هناك و ممكن اختصاصك يكون ممطلوب و هذا الشي انت الاعرف بيه
مساله ( ماكو هيجي بكه تلعب شناو !!!!!!! ) مع استغرابي للتعبير عن شي متعرفه بصوره اكيده فاحب اكولك لا اخي اكو
انيبنفسي اعرف شخص طبيباسنان دزته الوزاره بعثه سنه و نص و قبل متخلص الفتره طلب لجوء و انطوه خلال 6 اشهر بس هذا مو قياس و اني مدا اشجع احد (( للعلم )) مرات تخطي و مرات تصيب و غير حالات هم صارت و انقبلوا .. احداث 11 ايلول ما الهه علاقه
ثانيا اني بصراحه اول مره اسمع عن امتحان توفل ينعاد !! التوفل الاوفشل هو توفل اوفشل! بالهند باميركا بالعراق !! لان التصحيح اصلا يكون باميركا مو بالبلد الي تمتحن بيه لذلك النتيجه معترف بيهه عالميا و ماكو شي اسمه العراق احسن لو امريكا احسن

39

الهجرة و واللاجئين / رد: امراة تبحث عن عمل

« في: 21:14 18/09/2010  »

up

40

الهجرة و واللاجئين / رد: مسافر الى ايران و خا يف تنرفض معاملتي على IOM اريد جواب يريحني اخوان اترجاكم

« في: 03:54 11/09/2010  »

اني اشوف انه اخونه صاحب الموضوع بما فيه الكفايه من القلق و التعب النفسي و اشوف انه ابد مو وقتهه حتى نطلق تعليق يصيبه اكثر بالاحباط و الا محد يفتح قلبه و محد يكول همه و نصير كلنه نتظاهر.

اخي صاحب الموضوع اذا كانت سفرتك لسبب زياره دينيه فهذا معتقد خاص بيك و مو ذنبك انه المكان المقصود موجود في بلد او اخر .. و اذا كنت تزور احد فاكيد تكدر تكول انه هذا ( الاحد ) مبعد من العراق من سنوات الحرب و انا ذهبت ازوره .

41

مواضيع الحياة العامة في بلاد المهجر (امريكا) / رد: امتحان ال GRE مركز الدراسات الاوربيه - بغداد

« في: 06:32 10/09/2010  »

شكرا يوزارسيف ...
اخت سرى الامتحان مو بالعراق, مدة الكورس المفروض 3 اشهر في هيوستن و الامتحان يكون بنفس المكان.

42

مواضيع الحياة العامة في بلاد المهجر (امريكا) / امتحان ال GRE مركز الدراسات الاوربيه - بغداد

« في: 00:45 10/09/2010  »

مركز الدراسات الاوربيه - الاوكرانيه في بغداد يقوم بالاعداد لارسال الطلبه للولايات المتحده تحديدا ( تكساس - هيوستن ) لاجراء امتحان ال GRE ..... في معهد كابلان .
هذا الويب للمركز  http://www.euusc.com/
ارجو الملاحظه باني لا اقوم بالدعايه لهذا المركز لكني من خلال لنكات معادلة الشهادات بالولايات المتحده قرأت بعض المشاركات تذكر بان ليس جميع جهات المعادله معترف بها هناك و ان قسم منها حسب تعبير البعص ( كلاوات ) ...

لكن ان قام احد بالسفر لهناك و على حسابه الخاص و اجرى الامتحان المطلوب فحينها تعتبر الشهاده مقبوله باميريكا؟ هل يستطيع بعدها المهندس مزاولة المهنه مثلا و من ثم البقاء باميريكا؟ ...بمعنى اخر, هل ممكن ان تكون تلك الجهه وسيله للانتقال بالعيش في الولايات المتحده؟ ارجو ان يكون اللنك مفيدا للمهندسين ممن هم في العراق و ينون اكمال دراستهم.

43

الهجرة و واللاجئين / رد: UNHCR باوكرنيا

« في: 08:19 06/09/2010  »

up please

44

الهجرة و واللاجئين / رد: مايخص الاجئ فى فلندا

« في: 21:36 04/09/2010  »

فلنده حستحتضن اختك من اول يوم .. شقه و راتب شهري على عدد الافراد و اجار الشقه غالبا غالبا حتدفع البلديه 50 % من قيمته و بعد تعلم اللغه - كلما يكون بسرعه كلما افضل - حيدخل الشخص ببرنامج عمل بمرتب محدود بس حته يمارس اللغه .. بعدهه من يحصل شهادة اللغه اذا شاف الانسان شغل ينقطع المساعدات بطريقه ما ( بالاعتماد على وجود اطفال من عدمه, الراتب الي ياخذه كافي ام لا ) لكن اسكندنافيا اطلاقا مو مثل ما البعض يتكلم عنههه .. الجو صح بارد لكن ليس بدرجه لا تطاق بالعكس ممكن الواحد يطلع بره و يمارس كل نشاطاته ( دائما يكولون ماكو جو بارد لكن اكو لبس غير مناسب ) ملابسهم خاصه و قماصلهم متيريل خاص مو نفخ و محلو بس مبطن ... اي محل اي مطعم اي بار اي شي يكون مدفئ ... نصيحيتي لشخص بمثل هكذا بيئه تحتضن الاجنبي ان يكمل دراسه او يبدي من البدايه و بعدهه و خلالهه كلشي حلو و سهل .. بس اول سنه او سنه و نص الوقت ينشغل باللغه و كلمن و شطارته ... شعوب اسكندنافيه غايه بالاخلاق و الاحترام اني زرت اكثر من بلد اكثر من مره ( عدا فلندا ) لكن على العموم الفروقات طفيفه بين البلدان الاربعه .. اقتصاد فلنده قوي و عملتهم قويه ... بيهه شي واحد زين للشباب انه نسبة البنات ضعفين الشباب .. شبابهم قليل جداا و اتصور حكومتهم ثلثيهه نساء و ثلث الوزراء رجال ( اعتقد ممتاكد ) ...
بالتوفيق.

45

الهجرة و واللاجئين / رد: التقديم للوتري الامريكي للهجرة

« في: 21:04 04/09/2010  »

اتصور بيهه دفع مبلغ رمزي يمكن 10 او 15 دولار؟ اني جربتهه قبل 6 سنوات اونلاين و من شفت طريقة الدفع بطلت لان ماعندي كردت ... لكن حضرتك ذكرت انه متكلف الابلكنت ( الشخص ) اي مبلغ ... ممكن يعني افوت اونلاين و املي استماره بدون كردت؟
شكرا.

46

الهجرة و واللاجئين / رد: الامم المتحده من تركيا ومن الاردن

« في: 15:22 30/08/2010  »

عندي الاردن اقارب ... شكرا لنصيحتك كلام منطقي بس بعض الاخوه ذكروا انه بتركيا تمشي المعاملات اسرع و الكل يعرف القضايا بسوريا و بمصر هي الابطئ .. يعني تعتمد على زخم المعاملات .. على العموم ....

ممكن تذكرلي شنو هي الاسباب الي تخليهم يتصورون رجوعي للعراق مستحيل؟ او انه اني استحق التوطين؟ اذا كنت مقدم لجوء باوربا و انرفض طلبي و عدت طوعيا ( حته ارتب سفر ثاني ) هل اذكر هذا الشي؟ هل حيفيدني؟ شكرا جزيلا لمرورك.

47

الهجرة و واللاجئين / الامم المتحده من تركيا ومن الاردن

« في: 14:26 30/08/2010  »

شباب اريد مساعدتكم جميعا ... تنصحومي اقدم على اليو ان من الاردن لو من تركيا .. يا هو الاسرع ... رجاءا اخواني الي يعرف وين الاحسن يرشدني ...  صحيح انه تركيا دتمشي بيهه المعاملات بسرعه خلال عشرة اشهر او اقل؟

شكرا جزيلا  ...
اوهانيسيان.

48

مواضيع بعد السفر / رد: كندااااااااا.....في كندااااااااااا

« في: 10:18 24/08/2010  »

هلو كندا .. مكنت منتبه على ردك .. شكرا جزيلا لكل الاجابات و سعة الصدر .. بالنسبه لكيفية قدومي لكندا هذا الشي صارت بيه مشكله مكنت متوقعهه كنت متصور تصيري كفاله خماسيه و بعدين لاسباب مصارت ... هسه منتظر اعرف شلون اسوي المعامله الكنائسيه و مدا اعرف شلون ابدي بيهه لحد هسه يار يت اذا تعرفين شي عن الموضوع تفيديني بيه او اي طريقه اخرى ... اذا استنفذ كل الحلول بعدين حيبقه ماكو غير الامم المتحده و هنا ما اكدر اختار كندا لان مو على كيف الواحد لذلك اني احاول اخليهه اخر شي بس ماعندي غير حل مثل ميبين.
تتصورين بالامم المتحده اكدر اطلب كندا ؟ ... اذا تعرفين اي شي عن اي طريقه رجاءا فيديني بيهه.

تيد اوهانيسيان.

49

الهجرة و واللاجئين / رد: المعامله الكنائسيه

« في: 05:20 22/08/2010  »

ممكن توضيح اكثر عن الطريقه ؟ هل هي لديانه معينه ؟ قصدي صديقي في سوريا انرفض طلبه عند اليو ان و هو ليس مسيحي فاكدر اكله حته يمكن يكدر يسويهه مناك؟
بالنسبه الي اني اقاربي بعمان فهل اروح استفسر من خلال السفاره مثلا ام همه يمشون بالمعامله .. بس البدايه مدا اعرف شلون تصير

شكرا انجي كلشش هوايه ..

50

الهجرة و واللاجئين / رد: المعامله الكنائسيه

« في: 04:24 22/08/2010  »

شكرا انجي .. السلبيات مو كلش هوايه من اكو فلوس بالكنيسه ممكن استفيد منهه ... ممكن اعرف الشغله شكد تطول؟ و ممكن اعرف الفرق بالمستحقات بينهه و بين طريق اليو ان؟

شكرا جزيلا مع العلم انا اخوك و لست اختك!! ... 

51

الهجرة و واللاجئين / المعامله الكنائسيه

« في: 03:54 22/08/2010  »

مرحبا جميعا ... لم اكن اعلم بالمعامله الكنائسيه حتى بدات اتصفح ارشيف المنتدى و اقرء مشاركات الاخوه لكن للاسف لم استطع ان اعرف ما هي هذه المعامله بالضبط و كيف ممكن ان يستفيد منها الشخص و هل تعيض عن الامم المتحده؟ هل بها ويل فير؟ مدة المعامله ... هل يجب ان اكون خارج العراق ام لا باس ان كان المعني بالداخل .. يعني ممكن اسافر لعمان و ارجع اثناء الاجراءات و انتظر؟

خرجت من العراق عام 2008 و لم استطع الحصول على اقامه باوربا و لم يعجبني وضعي خصوصا بعد الرفض فاختصرت الامر و عدت لبغداد على - وعد من اشخاص - بمساعدتي بالكفاله الخماسيه. عندما رجعت شعرت باني خذلت و ان الوعد نكث به لكنني لم اعر اتصل ثانية او الح او اطلب من جديد .. تركت الموضوع و حسب و الحليم من الاشاره يفهم خصوصا اني كنت مرهقا من سنه و نصف انتظار و امل كاذب باوربا ..... قررت التقديم على الامم المتحده من عمان لكني اخشى الرفض مره اخرى خصوصا اني لوحدي و سمعت ان معاملات الافراد تسير ببطؤ  ... لذلك اريد ان اعرف عن المعامله الكنائسيه و ليس لي و حسب بل لكل شخص مثلي لم يكن يعلم بامرها عل الخطوه مفيده له و بما انها للجميع فياحبذا لو نعلم ان كانت لديانه معينه ام الكل مشمول بها .. ارجو ان تشمل الجميع

52

مواضيع بعد السفر / رد: كندااااااااا.....في كندااااااااااا

« في: 03:01 19/08/2010  »

اسف اخت كندا لكن لم استطع الفهم مع ما لدي من معلومات عن دراسة الصيدله او الاسنان .. ربما معلوماتي غير مضبوطه لكن كما قلت مسبقا انه تصورت يجب ان يكون لدي درجة بكلوريوس مسبقا و بدرجه عاليه جدا و اكيد اخضع لامتحان لغه و بما انني متخرج من بغداد تصورت انهم سيعيدون تقييم شهادتي بارجاعي سنه مثلا للهندسه و هناك على اجتياز الدرجه المطلوبه ... هل معلوماتي صحيحه؟ لان ما اخبرتني بيه اسهل بكثير جدا مما تصورته سيكون ... انت تقصدين ان علي اجتياز اللغه بلفل 12؟ ثم بعدها اختار الاختصاص؟ هل هذا ما قصدته ؟ من ثم سيكون امتحان اللغه هو الذي سيقدر ؟؟ و بالمعادله هل قصدتي شهادة الاعداديه ام البكلوريوس القديمه التي لدي؟

لكن ككندي .. الا يتطلب دخول الصيدله دخوله كلية العلوم اولا ثم بعد حصوله على درجه عاليه يمكنه التقديم لكليه من المجموعه الطبيه؟ ............ هل ممكن الحصول على قرض دراسي دراسي كما الحال في الدول الاوربيه او الاسكندنافيه للدراسه خارج البلد ... بسوريا او مصر مثلا - جامعه تدرس باللغه الانكليزيه - اذا كانت الطريق طويله في كندا لدخول كليه؟

53

مواضيع بعد السفر / رد: كندااااااااا.....في كندااااااااااا

« في: 12:09 14/08/2010  »

ممكن ان توضيحي لي اكثر اخت كندا .. انا خريج هندسه فعندما يعملون معادله لي هل تقصدين بدرجه البكلوريوس؟ كل دروس الهندسه مختلفه عن المجموعه الطبيه فماذا سيريدون ان اعادل؟ هل تقصدين اعادل الهندسه مثلا؟ هذا الشي لم افهمه! .. و بالنسبه للامتحان اللغه هل احتاج لدرجه معينه كحد ادنى؟ لو كانت لغتي قويه جدا فهل سيختصر ذلك لي الوقت؟

54

مواضيع بعد السفر / رد: كندااااااااا.....في كندااااااااااا

« في: 15:17 09/08/2010  »

مرحبا اخت كندا ... مرحبا جميعا ... شكرا لاسداء النصائح و مشاركة التجارب و تهيئة جو من الالفه و اللامجهول نوعا ما للمنطلق بتلك الرحله ...
الاخت كندا .. اني مكمل هندسه مدنيه بالعراق و للاسف لم احب اختصاصي مطلقا و بقيت فكرة طب الاسنان تسيطر على قراراتي حتى .. لا يهم كم ساخسر من السنوات حتى احقق حلمي ,المهم ان استيقظ صباحا و انا اعرف انني مستقر على شي احبه .. الذي اعرفه انه في كندا و الولايات المتحده الامريكيه يجب ان يحصل الشخص على بكلوريوس و بدرجه 3.5 من 4 على الاقل ليدخل بعدها الاختصاص الذي ذكرته ... كيف سيكون الحال بالنسبة لي في كندا و انا حاصل على بكلوريوس هندسه من العراق اصلا سنة 2007 و بمعدل سئ ! هل ساعيد سنه او سنتين هندسه في كندا و بعدها يرون معدلي و ثم على حسب المعدل ادخل طب اسنان او لا؟ ام سيعتمدون على امتحان توفل فقط ؟ و هل حقا انه عندما يدرس الشخص شهادة بكلوريوس ثانيه ( اي طب اسنان او طب او صيدله ) فانه لا يحصل على قرض ؟ اي ان القرض فقط لشهادة البكلوريوس الاولى؟
ارجو منك اخت كندا و ارجو ممن لديه اي معلومه ان يزودني بها ..
شكرا جزيلا لكم جميعا و لك اخت كندا على فتح هذا البورد لفائدة الجميع.
تقبلوا تحياتي و سلامي : تيد اوهانيسيان ( عضو جديد )
رمضان كريم للجميع و شهر مبارك على بلدنا و شعبه.