الرسائل

1

مواضيع الحياة العامة في بلاد المهجر (امريكا) / رد: مصير اللاجئين في امريكا

« في: 13:42 31/08/2010  »

لا لا انتو افتهمتوني خطأ اني قصدي ينسد التقديم كنهاية سنه فقط يعني الي يقدم بشهر العاشر فما فوق راح ينحسب على السنه الجديدة وتتاجل اوراقه الى السنه الجديدة ويمكن عالسنه الجديدة تتغير القوانين وتختلف الحسابات هذا قصدي وهذا سمته من شخص مقيم بتركيا .

2

مواضيع الحياة العامة في بلاد المهجر (امريكا) / رد: مصير اللاجئين في امريكا

« في: 15:16 30/08/2010  »

السلام عليكم شكرا لكم يا اخوان علي الرد (انجي ومن كلفورنيا و بغدادي) اسفاديت كلش من جوابكم بس عندي سؤال اخر : هل صحيح ان التقديم الى الـ( UN) راح ينسد بالشهر العاشر ؟ لاني راح احصر نفسي بهالاسبوعين لازم اسافر الى تركيا علمود التقديم واكون ممتنه اذا جاوبتوني بسرعه .

ولكم مني جزيل الشكر والامتنان

3

مواضيع الحياة العامة في بلاد المهجر (امريكا) / رد: مصير اللاجئين في امريكا

« في: 00:33 29/08/2010  »

السلام عليكم اخوان
اولا رمضان كريم عليكم انا عضوه جديدة بهذا المنتدى ورجاءا على كيفكم ويايه ترا اني جديدة ليش تكولون اول مرة اشارك بمنتدى على الاطلاق بس حبيت اسألكم سؤال:  اني عمري 25 سنه متزوجه وعندي طفله اذا الله كتبلي اروح لامريكا بأذن الله هل يا ترى اكو شغل محترم للبنات لان اني خريجة لغه انكليزيه و شغلي حاليا ببغداد موظفه بمصرف اهلي شنو يا ترى راح الكى شغل هناك لو لا؟ ويا ترى راح الكه محاربه من عدهم بأعتباري محجبه لو لا ؟ لان كلت راتب واحد ميكفي لعائله و الشغل هناك شكو غير نادله او بيبي ستر وما اريد هاي الاعمال فممكن تساعدوني بالاجابه رجاءا وشكرا جزيلا الكم
اختكم ام شموسه من بغداد