الرسائل

1

الهجرة و واللاجئين / غدروني الميخافون من الله

« في: 19:54 11/02/2011  »

انا كنت مقدمIOMمن سنة 2008ونص 2010 يلة كملت مقابلات اني وامي وزوجتي ,امي امراءة كبيرة في السن وتعاني من تمزق في غضروف الركبة ولا تستطيع السير الا بمساعدتي وحتى احيانا اساعدها في الذهاب للحمام في الايام الباردة المهم انه اعطونا رقمين لكيس نمبر لي ولزوجتي واحد ولامي واحد والدكتور عندما كشف على الوالدة في الفحص الطبي اطلع على الحالة وكتلهم لازم من اتسافر اتسافر بصحبتي وكالو ماكو اي مشكلة وقبل شهرين خابروني على موعد سفر امي فقط وخابرتهم وبعثتلهم ايميل وبلغتهم انه لاتستطيع السفر وحدها وكالو ابعثلنا التقارير الطبية التي تثبت مرض امك وبعثتلهم التقارير وبعد شهر خابروني على موعد ثاني لامي وقالو هاي اخر فرصة اذا متطلع نغلق الكيس مالتهة وبالفعل خابرتهم قالو غلقنا الكيس مالتهة وبما انه امي مراح تقدر تسافر نهائيا اني هم من راح يخابروني مراح اكدر اطلع لان اني الوحيد لامي وماكو واحد بقالها في الدنيا بس اني دمروني ودمروا حياتي الميخافون الله

2

الهجرة و واللاجئين / رد: خربطوiomراح اتخبلني ساعدوني

« في: 16:09 23/11/2010  »

المقابلة الاولى والثانية والفحص الطبي سوية وحتى التبليغ عن طريق الايميل يجي عن طريق ايميلي ورقم تلفوني ومقابلة المحلف سوية

3

الهجرة و واللاجئين / خربطوiomراح اتخبلني ساعدوني

« في: 15:59 23/11/2010  »

اليوم خابروني المنظمة وكلولي امك الحجية اجاهة موعد سفر
صحيح احنة رقمين الحجية رقم واني وزوجتي رقم بس فهمتهم 10000000 مرة انه الحجية امراءة كبيرة بالعمر ولاتستطيع السفر وحدها اضافة انه هي لاتمشي الابمساعدتي؟
كيف الحل لان انطوهة موعد واني وزوجتي لا
شلون اتسافر وحها ومنو الها
شنو الحل يا اهل الخبرة
اووووووووووووووووووووووووووووووووووووووووووووووووووووووووووووووووووووووووووووووووف

4

الهجرة و واللاجئين / عين كاوة يا فرحة ماتمت

« في: 15:53 07/11/2010  »

الى اعضاء عين كاوة وانجي الوردة
دزولي ايميل عنوانه phone updateيكولون بيه لتغير تلفوناتك لان احتمال انخابرك حتة نجدولك على السفر هل هذا يعني انه السفر قريب؟ وشكد احتمال ويخابرونه؟
لان المشكلة امي الحجية وكعت واتمزق الغضروف مال ركبته وحاليا هية بالفراش والاطباء يكولون لازم متتحرك من الفراش مدة 3 الى 4 شهور
كيف الحل اغيثوني

5

الهجرة و واللاجئين / رد: ايميل غريب من IOM

« في: 21:17 05/10/2010  »

حبيبيnenooo المنظمة لاتعمل بنظام القرعة الالكترونية بل بنظام الدراسة واولوية للحالة

6

الهجرة و واللاجئين / رد: ايميل غريب من IOM

« في: 20:10 05/10/2010  »

يعني جاي يتابعون قضيتك واشكر ربك واحمده

7

الهجرة و واللاجئين / رد: جماعة محلفين شهر التاسع اجاني رد بس شنو يعني هذا الرد؟

« في: 21:00 04/10/2010  »

حبيبي ليكسز اني مكمل فحص طبي وطبعا شكرا لان رديت عليه بسرعة والرد اجاني ايميل قبل ساعة

8

الهجرة و واللاجئين / جماعة محلفين شهر التاسع اجاني رد بس شنو يعني هذا الرد؟

« في: 20:52 04/10/2010  »

حبايبي السلام عليكم قابلت شهر التاسع محلفين يوم 12 واجاني هذا الرد  بس شنو يعني موافقة محلف وانتظار امنية لو المحلف ممتاكد من قراره واجلني حتى يدرس قضيتي مو السالفة راح اصير مثل سالفة المالكي وعلاوي الى ما لا نهاية

9

الهجرة و واللاجئين / جماعة محلفين شهر التاسع اجاني رد بس شنو يعني هذا الرد؟

« في: 20:50 04/10/2010  »

حبايبي السلام عليكم قابلت شهر التاسع محلفين يوم 12 واجاني هذا الرد  بس شنو يعني موافقة محلف وانتظار امنية لو المحلف ممتاكد من قراره واجلني حتى يدرس قضيتي مو السالفة راح اصير مثل سالفة المالكي وعلاوي الى ما لا نهاية

10

الهجرة و واللاجئين / رد: واخيراً واخيراً باركولي

« في: 18:25 19/09/2010  »

مبروك مبروك مبروك يا نور انشاء الله السعادة والعمر السعيد والمديد في الوطن الجديد
اختي نور اني اخوية في تكساس هيوستن يكول كلشي لجيب وياك فقط اذا اختي او احد وياك محجبة اخذي معك ملابس للمحجبات اما الملابس الرجالية ارخص هناك واحسن نوعية وسالفة البطانيات والمخاديد انتو النسوان كلكم بيكم هذا  الهاجس البطاطيني
اختي في تكساس الجو نوعا ما حار وفي فصل الشتاء مو بارد كلش اضافة الى انه البطاطين هناك ارخص وثانيا الوزن راح ياخذن كلش هواي وتبهذلكم بالمطار
اذا عندك احد يدبرلك قماصل جلد من العراق لان بالعراق ارخص وهناك كلش غالية وماكو
يبقى شي واحد مهم تاخذي معك وهو الصبر والايمان القوي والتصميم لان هو مفتاح الحياة السعيدة هناك
والله يوفقك يا رب

11

الهجرة و واللاجئين / رد: تفاصيل تقديمي لIOMمن طقطق الى مقابلة المحلف

« في: 10:27 13/09/2010  »

اخوية رفيق المطلوب منك شي يثبت انه انت مشتغل وية الجيش الامريكي او احدى الشركات الامريكية اللي اشتغلت بالعراق من معلوماتي لازم اتحصل ريكومنديشن من المسؤول مالتك انت كلت انه انت حضرت وية فيلق الاعمار ندوات حاول اتحصل نهم تزكية ممكن اتفيدك غير هيج لازم تطلع اتقدم من بلد ثالث يعني لو سوريا لو الاردن لو مصر او تركيا على اساس انه انت من ورة شغلك وتحصيلك على منحة من الامريكان اتهددت غير هيج ما عندي غير معلومات وبلكي غير عضو بالمنتدى عنده معلومات اكثر مني يفيدك

12

الهجرة و واللاجئين / تفاصيل تقديمي لIOMمن طقطق الى مقابلة المحلف

« في: 10:01 13/09/2010  »

شلونكم وكونيشوا وكمستاه اميكو وجوني كاكه
اني اول يوم قدمت كان في شهر ال4 سنة 2009 وبعد ما انطوني كيس نمبر ايست لان مرت سنة تقريبا يلة خابروني على المقابلة الاولى يعني شهر 4 سنة 2010 وهنا اكلكم شي وانتبهو عليه خلي اقل شي في معاملتك رقمين تلفون لان اني من الناس مدزولي ايميل ومن خابروني كان تلفوني مغلق لان كنت في دائرة يطلب غلق الموبايل لذلك اتصلو بزوجتي هم الله ينطيهم العافية متعاجزوا وبعد المقابلة الاولى واشدد حاولو تذكرون بالضبط شتحجون بالمقابلة الاولى لان نفس المقابلة الاولى راح تنعاد عليك بالمقابلة الثانية من قبل المحلف اللي راح يحاول يغلطك لان هية هاي شغلته بس اذا انت حافظ شكلت لتخاف منه واعتبرهة واحد جاي يساعدك مو يسد الطريق عليك المهم نرجع للموضوع شهر 7 من سنة 2010 خابروني فحص طبي ومدزولي ايميا واكرر خلي تلفونك مفتوح واذا تلفونك يتغلق حاول تنطي تلفون لشخص ثقة وفحصنا فحص طبي على مدة يومين من طول ووزن ونظر ودم واشعة وكلش بسيطة الفحوصات ومتدفع ولا فلس
وبعدين قبل مقابلة المحلف باسبوعين دزولي ايميل مال مقابلة محلف والمقابلة بشهر التاسع وقابلت والحمد لله وكتلكم لتخافون منهم ترة همة بشر حالهم حالك وذا يشد عليك وجه جينكو لتهتم اعتبره شرطي وجاي يهمبل يعني هوة يريد ايجر بوشك بس العراقي مينجر بوشة لان حتى بوش مبقة بينة من الظيم اللي شفناه
وارجو ان اكون شرحت شي ممكن يفيد ولو واحد من الناس
اخوكم مانشستر

13

الهجرة و واللاجئين / قابلت محلف واخيرا

« في: 09:09 13/09/2010  »

واخيرا قابلت المحلف اللي كمت حتى اتحلم بشكله وحتى اتخيلت انه مو بني ادم من كلام بعض الناس لكن في يوم المقابلة تبين انه المحلفة بنية كورية او يابانية الاصل وبس تضحك اخواني لتخافون من المقابلة وخلي شعاركم الصدق سفينة النجاة لانه الله شكاتبلك يصير
وخليكم واثقين من تحجون وحتى لو تتكلم انكليزي بطلاقة اطلب مترجم حتى يصيرلك وقتين اتفكر بالاجابة وياربي الكل مقبولين بجاه كلشي مقدس على وجه المعمورة

14

دردشة منتدى الهجرة واللاجئين / الى اعضاء منتدى عين كاوة

« في: 21:27 12/09/2010  »

[الى اعضاء احلى واجمل منتدى في شبكة الويب
كنت فقدت الامل في انسانية العراقيين حتى اللحظة اللتي وجدت فيها هذا المنتدى وجدت اناسا تساعد من غير مقابل شكرا لذلك
وجدت اناسا ارتقت اخلاقهم الى اخلاق الملائكة شكرا لذلك
وجدت المساعدة والنصح من اخوان واخوات واباء وامهات شكرا لذلك
اليوم قررت ان استرجع الامل بكون ليس من السيء ان اكون عراقيا بفضل اعضاء هذا المنتدى شكرا لذلك
شكرا لكل من كرس وقته واتعب فقراته وبصره فقط لينصح ابناء جلدته بغض النظر عن ديانتهم وقوميتهم وعرقهم شكرا لذلك
والشكر كل الشكر لله لخلقه اعضاء منتدى عين كاوة منار المهاجر واللاجى فانتم كمثل السفينة لكل غريق
شكرا لكم