 |
|
|
يود موقع "عنكاوا كوم" اعلام زواره الاعزاء بقيامه تحسين خدمة تحميل الملفات في الموقع، حيث يمكنكم الان تحميل الصور والملفات الاخرى بسرعة فائقة جدا. كما سيتمكن الزوار بعد رفع الصور نسخ رابط الصورة ووضعها في مساهمته في المنتديات مباشرة.
رابط الخدمة الجديدة ...
http://uploads.ankawa.com/
عرض المشاركات
هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .
اهلا و سهلا بيك ورده
عنوان ال UN...في انقرة هو ....كاالاتي ...وتكتبه بورقه وتشوفه للسائق مال التكسي وهو يوديك ...
BMMYK
Birlesmis milletecller yuksek komiserligi
Sancak Mah tiflis Cad . 552 Sokak No.3
06550 Ankara
بالنسبة للايجارات ففي انقرة و اسطنبول غاليه جدا و في بقية المحافظات يكون ارخص نسبيا .... في غير محافظات يكون ايجار الشقه لو كانت مفروشة تقريبا 300 - 600 دولار شهريا و طبعا هاي صارت بالجديد هالشكل قبل كانت ارخص و السبب بالمهجرين من عوائل عراقية كانت مقيمة في سوريا و من المهجرين السوريين صعدت الاسعار ... و هناك مواعيد طويلة في المقابلات قد تكون الى عام 2014 كما حدث مع عديد من الاخوة ... لا اقصد الاحباط في هذه المعلومات وانما قصدي هو ابلاغ جنابكم بكل التفاصيل .
ولكم مني جزيل الشكر
شكرا صاحب الموضوع واني اريدك تساعدني بلا زحمة اشو اني دخلت للرابط ودا اسجل جديد ومن اعبي كل الخانات واسوي انتر حتى يسجلني يرجع ويكولي رقم ملفك غلط؟مع انو اني متاكدة منة وشكرا
اني قدمت لاحد اقاربي البارحة ومنتضر الرد منهم لان اني هم سمعت راح تنسد علة السنة الجديدة حتة بامريكا هذا الخبر من المنضمة وابن عمي قابل هاي الايام كالولة بس نخلص الموجودين هنا بالعراق ونسدة المنضمة الي بالعراق واللة كريم واني من يجيني الرد راح اكلكم شصار وياة
السلام عليكم اخوان..طبعا الاخ خوش ذكر موضوع وعليه اني عندي سؤال اللي عنده وثيقة تخرج اعدادية مصدقه وجاهزه هم يحتاج يصدق وثيقة الابتدائية؟ لو الوثيقة الاولى كافي ؟ (من رخصة صاحب الموضوع)حبيب كلبي اخذ راحتك هوة اصلا الموضوع للاستفادة ألي لو لغيري
مال يا مرحلة ؟اعدادية وهندسة
أخوان بس عندي مداخلة بسيطة , الخبر موهيج تقريبا , الخبر إيكول كل واحد إمحصل IZ نمبر يعتبر مشمول باللجوء ويبقون وياه لحين إستكمال كل الإجراءات وبضمنها التجييك الأمني وبعدها السفر بإذن آلله عزوجل .
عمي السلام عليكم اليوم طبيت على الاي او اماكلك انتة كضيتة هسة بتصنيف اسوية صدك حجيك رحت للمنضة وجاوبوك هيج جواب رحمة لوالديك
كتلهم بويه كود مورننك وصباح الخير عمي اكو اشاعة يكولون راح تعزلون من العراق اكو هيج كالوا لاع
منين هذا الخبر كتلهم اكو موقع اسمه عينكاوة وهناك طاش الخبر كالو عمي استهده برحمانك شنو هي بكيفك لو بكيف الامريكان احنه منظمة مستقله مو لدوله معينه احنه تابعين للامم المتحدة
وعدنه فروع بكل العالم وبكل منطقه بيه مشاكل ومشاتل
واحنه بس يتحسن الوضع الامني فرعنه مال العراق اللي بعمان يجي هنا لبغداد كالوا تعال احنه حتى نعزل منا هو اصل التقديم والروح والتعال بواسطة الايميل تبقى المقابلات نلكاهه تصريفه شوف شلون بوكته بس كل انتقال وتعزيله ماكو كتلهم عمي اشكرنكم وفيمالله
كالوا هلة بيك يور ويلكم
اخواني اخواتي الاعزاء حبيت انقل لكم هذا الخبر لقد جائني موعد سفر وراح يكون بعد اسبوع وحاير شأسوي
يوم انشاءالله مواعيد سفركم جميعا خصوصا ابو مريومة وديفا البصراوي وكل من شارك في هذه المجموعة الرائعة
وكنت انا المشترك الثالث في هذه المجموعة عند تأسيسها على يد اخونا العزيز ابو مريومة وانشاءالله يوم سفره
أخوكم ياسر
السلام عليكم شباب اني العضو TROY اني اشتركت بهاي الجمعية قبل لا تجيني المقابلة الاولى وهسة الحمد للة اني قابلت مقابلة اولى جان اسمي بريرali وهسة انتضر المقابلة الثانية جانت مقبلتي 28\09\2011الا بعودتك اخ TROY وعالخير مقابلتك ويوم السفر ان شاء الله
ان شاء الله الصفحة الخامسة صفحة خير على الجميع وكلها مواعيد سفر للجميع
تحياتي
ابومريومة البغدادي
بالتوفيق أن شاء الله أخوية تروي ... كلي شكد يبدي رقم ملفك أول 3 أرقام منه بلا زحمة....اخوية العزيز اعذرني علة التاخير جان حضر كتابة علية مااعرف ليش اني الايزي مالتي يبدي 112 قديم لان صار عندي ضروف ذكرتة قبل بالنتدى انشاء اللة يوم اللك
لا يابة اخوية العزيز xxlm569 .. الاخ TROY لايلحك جماعة الطابوكة ولاحتى الصبة الكونكريتية يكولك ولا مقابلة لحد هسة . بلله اخونة MGS بي مجال يلحك بجماعة الشيلمانة لكن احنة اهل الامنية اهل الطابوكة ... مع احترامي واعتزازي لجميع الاخوة واكلهم يابة الله يكون بعونكم ويصبركم ويفرجها عليكم ...واللة اختي شربوتة ما خليت شي مسويتة صار ستميت رسالة دزيتلهم ويكلولي صبرك ويانة ومن ايتم تحديد مقابلة نتصل بيك ...هاي هية الحمد للة والشكر
وانت اخوية العزيز TROY يمعود سوي جارة لملفك استخدم كل الوسائل والطرق الممنوعة وغير الممنوعةفي سبيل تحريك وزحزحة قضيتك انتة ليش كاعد وساكت .. بلة زحمة انتة من جماعتنة IOM بغداد ؟؟؟ مع التقدير ....
مرحبا شباب اني انقل الكم تجربة اخي صارلة بامريكا 4 سنوات وعن بعض تجارب الناس اصدقاء عن طريق الانترنت طبعا الحياه بامريكا تختلف عن العراق بعاداتها وتقاليدها ومراح تلكي ناس بلشارع وكهاوي مثل العراق هناك الحياه عبارة عن شغل والناس تنتقل بلسيارات يعني مراح تلكي شارع مثل الرشيد وباب الشرجي متروس ناس وعالم الحياه بامريكا مو صعبة الى درجة المستحيل لابلعكس هي صح صعبة لااكن الانسان الناجح يكدر يخلق الة مستقبل بلد الفرص مثل امريكا لاكن اول شي لازم اضحي وتشتغل باي شغلة واصعب شغلة لحد متلكي شغلة تريحك وتفيدك اخويا حجالي عن امريكا وحياته الصعبة وكتلة شتنصحني ابقى بلعراق لو اجي كال لابلعكس تعال لامريكا وجرب حياتك طبعا السكن والاجور يختلف حسب كل ولاية الاجور من 7$بلساعة وانتة صاعد لحد 35$ طبعا اكو جدول رواتب بلمنتدى تكدر تقراه والسكن يكلف تقريبا بين 400$ وانتة صاعد الاكل للشخص الواحد يكلفة250$ تبقى الماء ووالكهرباء والغاز وكيبل التلفزيون يكلفن تقريبا 250$ بامريكا ياخذون ضريبة تصاعدية على الراتب يعني مو مثل العراق ماكو ظريبة راتب مثلا اذا راتبك يصير 3000$ مينطوك اياه كامل ياخذون منه نسبة تصاعدية من راتبك يستقطعون منه بس بنسب تصاعدية حسب مبلغ الراتب النقل يكلفك تقريبا 200$طبعا اذا نفترض اشتغلت باقل اجر الي هو 7$بلساعة واشتغلت 10ساعات بليوم يعني يوميتك70$ وشهريتك 2100$ ونطرح من عدهن السكن والاكل والنقل والمتفرقات والظريبةتصير تقريبا 1200$ تبقالك 900$صافي اعتقد خير من الله بلنسبة لاقل اجر عدهم وتكدر خلال الزمن تشوف شغل ثاني باجر اعلى راح يخليك ترتاح اكثر بعد لحد ماتبني حياتك بشكل صحيح طبعا بامريكا تكدر تخطط ل100 سنة واكثر لان كل شي بيه مستقر اما العراق فانته باي لحظة حياتك وشغلك وفلوسك بخطر زائد اصلا هو ماكو تعين ولاشغل بي خير ولا عندك حرية شخصية ولا اجتماعية وايجابيات الحياه بامريكا هوووواي وسلبيات العراق هوووواي اذا اسوي مفاظلة يحتاجلي كتاب كامل واعتذر علاطاله
