عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - IsamZM1

صفحات: [1]
1
الهجرة و واللاجئين / رد: هذا يحجي صدك يمعودين راح ابطل
« في: 18:27 16/10/2012  »
عمي هذا كَرايبكم طلع اضبط من ابو فخري بالجذب يا ابو فخري ماخذ كأس العالم بالجذب ... ما اكو اي واحد يكلة على عينك حاجب وما اكو واحد يكدر يشد ويا لأن مسلم..

2
الهجرة و واللاجئين / رد: جماعة SIV 2010 بعدهم لو بس ضليت اني وحدي رجاءا كل من هو من 2010 خلي يدخل
« في: 14:55 02/10/2012  »
اني مقابل يوم 13/10/2010      SIV
ولحد الان كلشي ماكو اراسلهم نفس المضرطو حشة السامع مالت الاجراءات الاضافية وشنو الفلم منعرف

3
الهجرة و واللاجئين / رد: أبشــــركــم شبـــاب جماعـــة IOM و SIV وان شاءالله الفـــرج القريب للجميـــع
« في: 22:04 28/09/2012  »
عبالي فد خبر بي خير .... كل احنة ندري السفر ممتوقف يعني شنو بي الجديد الخبر مالتك.. يا اخي المشكلة بالملفات اللي صارلهة من 2010 لحد هسة احجيلي تعرف شي عليهن

4
الهجرة و واللاجئين / السفارة الامريكية في بغداد
« في: 13:04 24/09/2012  »
رسالتي الى السفارة الامريكية في بغداد تتضمن لماذا هذه المعاملة السخيفة التي تعاملون بها من عمل مع القوات الامريكية كمترجم فانكم لاتكنون لاي مترجم اي نوع من الاحترام فعندما كان يخدم مع الجيش الامريكي كمترجم لاتوجد اي مؤشرات سلبية عليه وعندما يتقدم الى السفر بمعاملة هجرة او لجؤ تخذلونه باساليب غير اخلاقية تنسبونها الى الاجراءات الامنية .اي نوع من الاجراءات الامنية تتطلب الانتظار اكثر من سنتين؟؟؟ ..هل انتم مجانين.؟؟. نحن نعرفكم جيدا اذا كان مؤشر امني سلبي على اي شخص كان  تستطيعون جلب معلومات والتحقق منه ان كان يشكل خطر او لا بغضون اسبوعين على الاكثر فان كل المراسلات والتشييك الامني سيتم عن طريق الانترنت... انتم الان اثبتم حقدكم وكرهكم للشعب العراقي الذي تعاون معكم.. فانا اقرب مثل كانت مقابلتي شهر 10 سنة 2010 والى الان لم تردني منكم اي رسالة ايجابية كانت ام سلبية .. وانا اعتبرها عقوبة لكوني عملت مع قوات امريكية تتسم بالسذاجة واللا اخلاق... فننظر الى القوات البريطانية والقوات الاخرى كل تلك القوات اعتنوا بمترجميهم واخرجوهم خارج العراق بدون اي اجراءات احترازية او امنية والمترجم الذي لم يكن راغب بالسفر اعطوه تعويض مادي وعلما المترجم كان مخيرا بان ياخذ تعويض او يختار السفر.. فاين انتم من هذا... عند مقابلتي اخبرني المحلف بان علي الذهاب الى البيت وانتظار كم اسبوع لأحصل على تاشيرة السفر ومنذ ذلك الوقت الى الان لم تصلني اي رسالة من السفارة الامريكية .. لماذا هذا الاهمال .. كنا نعتقد بانكم دولة اقيمت على اسس ديموقراطية وحرية ولكن العنصرية موجودة في انفسكم وكل مانشاهده في التلفاز وما تصرح به هيلاري كلنتون هو اكاذيب لانه لحد الان لم يعترفوا بفضل المترجمين العراقيين على القوات الامريكية والمساهمة باحقاق السلام بالعراق وبناء الدولة العراقية.. تركتونا نواجه مصيرنا المجهول وحطمتوا مستقبلنا بقوانين الانتظار والتشييك الامني .. ارجو من الاخوة الذين طالت مدة انتظارهم المساهمة بشرح ما يعانون من الاوضاع التي تواجههم بفترة الانتظار الطويلة التي فرضتها علينا ادارة السفارة الامريكية في بغداد والتي اعتبرها سياسة  الضحك على الذقون او الاستهزاء بمصير المترجم العراقي ... فكلنا نعرف ان الكثير من عمال الحمامات وعمال انظافة والخدمة في المعسكرات قد وصلوا الى امريكا ونحن الذين عملنا كمترجمين في وقت لانحسد عليه كنا مطاردين من قبل المليشيات ومازلنا كذلك وقعنا بمصيدة الانتظار والتشييك الامني ... انظروا الى سخافة الموقف الذي وضعتنا به امريكا وسياسة سفارتها في بغداد... اترك لكم التعليق اخوتي وارجوا باني لم اكن قد اخفقت بوصف الحلة التي نمر بها وما نعانيه في العراق من عدم استقرار وعدم وجود فرص للعمل لنا خاصة وما ضيعناه من مستقبل لنا ولعوائلنا واصبحنا مطاردين من قبل قوى الظلام التي تعمل بالخفية.

5
الهجرة و واللاجئين / منو بعدة ليهسة ممسافر ?????? SIV ؟؟؟؟؟؟ مقابلات 2010.اهم شي الردود
« في: 08:35 26/08/2012  »
السلام عليكم..
اريد اعرف منو من الاخوان والاخوات اللي مقدمين siv في 2010 وبعدة ممسافر وشنو اخر رسالة او اتصال اجا من السفارة ومسوي تجديد فحص طبي لو لا ... كل هذا لان اني مقابلتي شهر10/2010 وبعدني ممسافر ولا دازيلي موعد تجديد الفحص الطبي... اكو نفس شغلتي لو بس اني يمكن صرت مخضرم يا مخضرم راح يحطون معاملتي بالمتحف اعتقد... الله كريم وانشاء الله السفر للجميع ورجاءً لحد يبخل بالردود شكرا جزيلاً...

6
الهجرة و واللاجئين / رد: تعين مع ال جي ال اس او السفاره الامريكيه...
« في: 08:25 26/08/2012  »
نصيحة لله ورسوله ليروح وخلي يصبر حتة يحصل الفيزا مالتة بسرعة وميتحدث عندة السكريننك

7
الهجرة و واللاجئين / فتح الموقع للتشييك IOM
« في: 14:57 02/07/2012  »
اخوان فتح الموقع للتشييك بالنسبة للكيسات مالتكم الاي او ام قبل نص ساعة فتح

8
الهجرة و واللاجئين / المحرومين من الفرحة SIV مقابلات سنة 2010
« في: 08:43 21/06/2012  »
السلام عليكم اخواني الاعزاء واخواتي العزيزات اما بعد(حلوة هاية مالت اما بعد)
حبيت اعرف بعد التسريع للمعاملات والضجة الاعلامية بمنتدى الهجرة واللاجئين في عنكاوا منو بقى ينتظر من جماعة اللي قابلوا بسنة  2010 siv...... اني مقابلتي كانت 13/10/2010... وانتظر ردودكم وشكرا وارجو كتابة تاريخ المقابلة

9
الهجرة و واللاجئين / اليوم طائرة توجهت الى الاردن IOM
« في: 22:43 20/06/2012  »
اليوم توجهت طائرة الى الاردن وعلى متنها جماعة من برنامج IOMومن ضمنهم ولد صديقي وحاليا همة بمطار الملكة عالية وغدا الساعة 5 فجرا يتوجهون الى بلاد العم سام يعني اكو اخبار حلوةةةةةةةةةةةةةةةةةةةةة

10
اجتماعيات (ترحيب، تهاني و تعازي منتدى الهجرة) / رد: خواتي واخواني صلوا على محمد وال محمد- اجتي الفيزا
« في: 16:46 17/06/2012  »
الف ف ف ف ف ف ف ف ف ف مبارك عليكم ويوم اللي توصلون بسلامة ة ة ة ة ة انشاء الله .... طا طا طا بدت الملفات القديمة تتحرك انشاء الله

11
الهجرة و واللاجئين / رد: جماعه 2010 SIV دخلو خلي نسوي احصائية جديده ونشوف منو بقه
« في: 21:00 07/06/2012  »
هلة والله بالاحصائيات الي تمرد الكلب مرد من اشوف واحد باقي من 2010 احس بنفسي مضروب بنج من 2010 لحد هسة ونضحك علية من قبل الsiv
المهم اخوكم مقابل بيوم 13/10/2010 وارجو منكم ترشيحي عميد على المجموعة اذا كنت اني اقدم واحد بيكم... الفرج القريب العاجل انشاء الله لجميع المنتظرين والله يسهل الامور انشاء الله يارب...
احنة خلي انسوي مقترح يومية نشمر واحد من السفينة بلكت يطيح في بلاد العم سام
احنة من ورة ال 2010 وصرنة خوش مجموعة مرتبة راح نسوي سلفة وعلى القرعة اللي يطلع بالقرعة ننطي فيزا من يمنة يترك الموقع شهر يلة يرجع بس لحد يزاغل
تحياتي الكم

12
الهجرة و واللاجئين / السكريننك والاس اي فيSIV
« في: 20:49 07/06/2012  »
اخوان السلام عليكم
ممكن اعرف من حظراتكم اذا السكريننك الة علاقة بتاخير اصدار الفيزا او الرفض ( يعني اذا واحد فشل بالسكريننك)
شكرا الكم

13
الهجرة و واللاجئين / رد: اوباما وتعجيل السفر
« في: 22:39 02/06/2012  »
والله ياصديقي انتة شوقتنة بموضوعك هذا ... خاصةَ المقتطفات مالتك مالت اللغة العربية الفصحى .... يعني مسوي  ريمكس بين الجلفي والفصحى على كل حال شكرا اخي على نقل الخبر يا بعد عيوووووووووني هههههه ولكم مني جزيل الشكر والاحترام  ... جا شعبالكم

14
الهجرة و واللاجئين / رد: 29
« في: 23:19 29/04/2012  »
اصدقائي اني اللي نزلت الموضوع مالت يوم 29-4-2012 ولحد الان اجيك بالياهووووو مالتي وكلشي ما اكوووو لا رسالة ولا شي بس شخص اسمة المخضرم دازلي رسالة ايكول اليوم استلمت الفيزا مالتي يوم 29 وبعد ما اعرف والله اني جنت  متأمل هذا اليوم بس شنسوي الله كريم وعلما كان توقع الموظف من السفارة اسمي يطلع لان جيك الملف مالتي وكلي انتظر يوم 29 بس للاسف ماكو شي  ونكول مبروك للي استلم فيزا اليوم وشايف الف خير وانشاء الله الكل تاخذ فيزهة

15
الهجرة و واللاجئين / من يوم 13/10/2010 SIV كانت مقابلتي بالسفارة اللي نفس المدة خلي يدخل
« في: 23:10 29/04/2012  »
السلام عليكم
اخواني من يوم 13/10/2010 SIV كانت مقابلتي بالسفارة والى اليوم مازلت اعاني من صاعقة الانتظار  منو باقي وياية ينتظر وتقريبا نفس المدة مالتي اتمنى ان يكتبلي مزعد مقابلتة شوكت حتة اعرف اكو وياية لو بس اني من القرون الوسطى باقي لحد الان يمكن راح ابقى انتظر الى ان تجيني موافقة يخلون معاملتي بالمتحف هم مو تجيني الفيزااااااا

16
الهجرة و واللاجئين / تحطم الامل لدي بشرى سارة لكلا الجنسين IOM و SIV
« في: 14:47 29/04/2012  »
السلام عليكم اخواني الاعزاء بعد ما تقدمت بموضوع بشرى سارة لكلا الجنسين وكان ناتج عن اتصال احد موظفي السفارة واخبرني بان انتظر يوم 29-4-2012 على اساس راح تطلع وجبة اسماء واحتمال اسمي وياهم للاسف لحد هذه اللحظة لم استلم اي ايميل من السفارة ولكن اود ان اعرف اذا اكو واحد استلم فيزا او اميل بيوم 29-4-2012 وشكرا  وانشاء الله ياربي خير للجميع مو يعني انه اسمي ما طلع يعني هذا الموظف كذاب انشاء الله تطلع مجموعة اسماء ونفرح بيهم

17
الهجرة و واللاجئين / رد: بدأ العد التنازلي ليوم 29
« في: 11:45 24/04/2012  »
أنشاء الله اخواني اكو مصداقية بالموضوع لان الموظف ما اعتقد اكو فد دوافع تخلي يكذب ومن حجيت ويا  كال يوم 29 فكتلة الشهر الجاي يعني قصدت شهر الخامس كلي لا من هذا الشهر راح تطلع وجبة مالت اسماء ويبلغوهم باللي مطلوب من عدهم يعني اكيد عندة علم بخصوص ظهور اسماء وانشاء الله ياربي الخير للجميع بحق محمد وال محمد

18
الهجرة و واللاجئين / بدأ العد التنازلي ليوم 29
« في: 10:38 21/04/2012  »
السلام عليكم اخواني واخواتي العنكاويين ممن مازالوا ينتظرون الفرج وانشاء الله الفرج القريب العاجل... كما اخبرتكم مسبقا في يوم 29/4/2012 ستظهر وجبة اسماء من قبل السفارة حسب ما اخبرني موظف السفارة  بالهاتف. ولكن لا اعلم بما يحتويه كل كيس  و لحين ذاك الوقت بدا العد التنازلي وبقي 8 ايام لنكتشف ما يخبئه يوم 29/4/2012 الاحد المقبل قولوا  انشاء الله خير  وعسى ان يفرحنا الله واياكم بالاخبار السارة انشاء ..
شكرا لكم

19
الهجرة و واللاجئين / رد: بشرى سارة لكلا الجنسين siv , iom
« في: 08:29 10/04/2012  »
والله يا اخوان اني حجيت وية الموظف كان من السفارة بس كال وجبة اسماء راح تطلع يوم 29 من هذا الشهر وحسب ما افتهمت منة هذه الاسماء اللي راح تطلع راح يبلغوهم بالي مطلوب من عدهم يعني هوة ما عندة علم كل كيس شراح تجي تعليمات علية احتمال اعادة فحص واحتمال موافقة امنية للعلم اني وصديقي اس اي في شكرا للردود

20
الهجرة و واللاجئين / بشرى سارة لكلا الجنسين siv , iom
« في: 14:49 09/04/2012  »
اخواني الاعزاء  مختصر مفيد اكو ولد صديقي اتصلوا بي السفارة حتة يستعحل ويدز الفحص الطبي لان اكسباير وجددة كلولة استعجل بي وارسلة بسرعة النة ... واكو وجبة راح تطلع يوم 29  من هذا الشهر الرابع فترقبواااااااااااااا  الاخبار الحلوة انشاء الله الفرحة للجميع

21
الهجرة و واللاجئين / موقع لتجييك معاملة اس اي في SIV
« في: 12:09 17/03/2012  »
السلام عليكم يا شباب ممكن اعرف اذا كان اكو موقع خاص لل SIV مثل موقع الاي او م IOMاللي سمعت عنه  يكدر الواحد يجيك معاملتة الخاصة بالاس اي في  لو بس للاي او ام وشكرا جزيلا لكل من يدخل ويفيدنا بمعلوماته  وللعلم مقابلتي كانت siv 13/10/2010 ,ولليوم  خارج نطاق اجراءات الفيزا ما اكو شي جديد شكررررررررررررررا

22
الهجرة و واللاجئين / موقع iom a& SIV
« في: 08:47 13/02/2012  »
اخوان بدون زحمة عليكم اريد موقع الاي او ام اون لاين اللي يجيكون علية معاملاتهم  وهل يوجد موقع مشابه لل اس اي في   شكرا جزيلا

23
دردشة منتدى الهجرة واللاجئين / ظاهرة السطو المسلح
« في: 21:36 10/02/2012  »
 اخواني الاعزاء ارجو منكم اخذ الحيطة والحذر من ظاهرة السطو المسلح وتقوم هذه العصابات باستغلال اوقات الصلاة او يقومون بتخريب الصحن للستلايت ومن ثم عند خروج الضحية لتعديل الصحن بغية ضبط الاشارة  ياخذونه رهينة الى منزله ليستولوا على اي شئ ذو منفعة لهم
اخواني تاكدوا من قفل الابواب والشبابيك في وقت مبكر وحاولوا انه لا احد يترك اهله في المنزل بدون رفقة يعني ديروا بالكم والله الشغلة اتخوف ويمنة بمنطقتنة اربع بيوت انسرقن بنفس الطريقة والجيش والشرطة ما كدروا يسيطرون على الوضع
الله الستار
وربكم هو الحافظ وانشاء الله ما يمس العراقيين اي مكروه

24
دردشة منتدى الهجرة واللاجئين / الشعوذة والسحر SIV
« في: 20:51 10/02/2012  »
اخواني واخواتي اعرف بانه الموضوع غريب شوية بس بصراحة مليت من الانتظار واعرف شخص حجيتلة بوضعيتي فكلي عندي الحل لمشكلتك او وصفلي شخص اروح علية  ويسويلي شغلة الفيزا بس بالصحيح ما اعرف راح يدز   /جني /طنطل/عفريت/سعلوة/ ما ادري بس يكولون مضمونة شغلتة راح اجرب واذا نجحت انتم هم جربوا /// بس هل يمكن للجني ان يدخل الى مقر السفارة الامريكية ويذكرهم بالملف مالتي لو راح ياخذ صورتي ويوديهة على  الموظف المسؤل ويذكرة بحالتي اللي اعيشها حاليا بس اللي اعرفة هذا مو شغل الجني  هذا شغل الطنطل لان الطنطل يكدر يتنكر باي صورة مثل ميكولون اجدادنة لمن يسولفون .. راح اروح للشخص هذا واجرب بس اهم شي يدز جني يعرف انكليزي اني هم اذكرة بالموضوع ... شتكولون... اني راح اجرب منو يحب يجرب وياي هاية التجربة  .. تقبلوا خالص احترامي


انتظر ردودكم وارائكم

اخوكم الدايخ بشغلتة

25
الهجرة و واللاجئين / رد: مقابلتي SIV في شهر 11 سنة 2010 _بس كلولي تجيني الفيزا لو لا
« في: 20:44 10/02/2012  »
طبعا اختي العزيزة تقبلي مروري اولا واني هم مثلج  من شهر العاشر 2010 ولحد الان انتظر وكلشي ما اكو  ويمكن راح اروح لواحد ايكولون يسوي شغل يعني ايدز جني عفريت طنطل على السفارة ويخليهم يصدرولي الفيزا لان مليت من الانتظار  اصبري والله كريم

26
اجتماعيات (ترحيب، تهاني و تعازي منتدى الهجرة) / رد: الهي افرجها على الجميع مثل ما فرحتني
« في: 23:26 09/02/2012  »
بالخير والبركة عليك الفيزا وانشاء الله يوم اللي توصل بالسلامة وهذا ناتج الصبر الله يفرجها علينا اللي منتظرين

27
الهجرة و واللاجئين / رد: تعزيه ومواعيد سفر للملفات القديمه
« في: 16:56 09/02/2012  »
البقية بحياتكم وانشاء الله خاتمة الاحزان تقبلوا مروري واكيد بلغي المنظمة لان بالنهاية راح يرحون على الكفيل

28
الهجرة و واللاجئين / ادخلو وشوفوا التحليل (شكرا لمن علق على الموضوع) تعديل
« في: 16:52 09/02/2012  »
السلام عليكم

طبعا  احب اشكر الاخوة اللي ردوا على الموضوع اللي منزلة اني وكانت ردود الاغلبية بيهة تشجيع على رفع المعنويات والتكافل في ما بيناتنة حتة اصبحت مشكلة العضو الواحد هي مشكلتنا كلنا بالمنتدى وبسبب هذه الردود الجميلة والعزيزة علية مراح اترك المنتدى وارجع عن فكرتي لان صحيح السبب مو بالمنتدى السبب بالعضو اللي يغلس لاسباب امنية او خوفا من الحسد وهذا حقة والله يعطي الصبر لمن لم يستلم الفيزا وانشاء الله يستلم الفيزا عن قريب والف مبارك على اللي استلم الفيزا مالتة والله يسهلة رحلة الهجرة او اللجؤ واجدد اعتزازي بادارة المنتدى والاعضاء وعلما اني ما قصدت الاساءة الى اي شخص بالمنتدى .... راح الزك بالمنتدى بعد ما اتركة
اخوكم
isamzm1

29
الهجرة و واللاجئين / رد: ادخلوا وشوفوا التحليل
« في: 16:49 09/02/2012  »
السلام عليكم

طبعا  احب اشكر الاخوة اللي ردوا على الموضوع اللي منزلة اني وكانت ردود الاغلبية بيهة تشجيع على رفع المعنويات والتكافل في ما بيناتنة حتة اصبحت مشكلة العضو الواحد هي مشكلتنا كلنا بالمنتدى وبسبب هذه الردود الجميلة والعزيزة علية مراح اترك المنتدى وارجع عن فكرتي لان صحيح السبب مو بالمنتدى السبب بالعضو اللي يغلس لاسباب امنية او خوفا من الحسد وهذا حقة والله يعطي الصبر لمن لم يستلم الفيزا وانشاء الله يستلم الفيزا عن قريب والف مبارك على اللي استلم الفيزا مالتة والله يسهلة رحلة الهجرة او اللجؤ واجدد اعتزازي بادارة المنتدى والاعضاء
اخوكم
isamzm1

30
الهجرة و واللاجئين / ادخلوا وشوفوا التحليل
« في: 14:03 08/02/2012  »
السلام عليكم
مع احترامي لادارة المنتدى ولجميع الاعضاء ولكل ما يقدم من مساعدات معنوية وعلمية في المنتدى ولكني بدات  احس بالاحباط عندما اسمع ب عنكاوا   الهجرة واللاجئين  لاني اصبحت افكر ان هذا المنتدى( فكَر) هذا المنتدى منحوس جدا جدا فادعوكم اخوتي لترك المنتدى لمدة شهر لتجربة الحظ وانا من اليوم ساترك المنتدى مع احترامي واعتزازي لجميع الاعضاء ولادارة المنتدى  ويرجع السبب الى ما مطروح لكوني لم اسمع بشخص من الاعضاء استلم فيزته وكل الكلام يشير الى  ابن عمي اقربائي صديقي صديق صديقي اعرف جماعة كل هذه المسميات استلمت فيزا ما عدا اعضاء عنكاوا ............ الله يسهل للجميع..............    تحياتي


انتظر ردودكم وهل تحسون بالشئ نفسه

31
الهجرة و واللاجئين / رد: ابشرو جماعة ال اس اي في ... و اخيرا اوباما تحرك
« في: 09:23 06/02/2012  »
اخواني اني اللي اعتقدة اخونا ايهم يعلق على الموضوع من يكول ابشروا جماعة الاس اي في  يعني انسيتوا جماعة الهجرة  يعني امريكا اتكول  خلي نلتفت للاقتصاد يا هجرة يا لاجئين هذا هو القصد شكرا

32
الهجرة و واللاجئين / رد: واخيرا حصلت موافقة COM Approval وبعد عناء منذ عام 2008
« في: 20:58 01/02/2012  »
الف مبارك عليك وانشاء الله يوم السفر للجميع

33
الهجرة و واللاجئين / كيف استطيع معرفة اجراءات ملفي SIV او IOM
« في: 11:38 01/02/2012  »
السلام عليكم شباب 
هل يوجد موقع  لاعرف اين وصلت حالة ملفي في siv  وما هو موقع التجييك بالنسبة لل iom

34
الهجرة و واللاجئين / شاركوا بأرائكم ومقترحاتكم على هذه الصفحة
« في: 11:58 27/01/2012  »
السلام عليكم اخواني الاعزاء ارجو منكم المساعدة بنشر هذه الصفحة والتي يتم شرح معاناة العراقيين بها شكرا لكم


http://www.facebook.com/pages/%D8%A7%D9%84%D8%B9%D8%B1%D8%A7%D9%82-%D9%87%D9%88-%D8%A7%D9%84%D8%A7%D9%87%D9%85/144791558918281

35
الهجرة و واللاجئين / اريد اعرف شغلة SIV
« في: 21:31 23/01/2012  »
السلام عليكم اخواني
مقابلتي يوم 13/10/2010
اللي اريد اعرفة من يوم المقابلة الى اليوم يعني معقولة ماتحرك الملف مالتي علما اني اس اي في     siv 

يعني شنو اجراءات ادارية اضافية يعني اني مواطن بسيط اذا اريد معلومات عن شخص هل تستغرق كل هذه المدة ....  يعني تصدكون بهيج شي .. هههههههههههههههههههههههههه... والله ياعمي احنة فقرة  ونصدك بسرعة .. ههه اوباما ماعندة شغل وعمل كعد يسوي خطة لاجئين قبول اللاجئين ... عمي منو اللي يهتم بينا ... اخوان اكو رب العالمين  الحمد لله وانشاء الله الموفقية للجميع   

36
الهجرة و واللاجئين / رد: SIV
« في: 21:16 23/01/2012  »
الف مبارك تهانينا اخوية لعائلة صديقك وانشاء الله يوصلون بالسلامة

37
الهجرة و واللاجئين / رد: خلي نختار قدوة الصف مال SIV نسوي جدول ونشوف منو كابتن المنتظرين
« في: 09:56 20/01/2012  »
اخواني مقابلتي كانت

13/10/2010 مقابلة
 

ولليوم ما خلص المغذي مالتي.. بلكت افوز بلقب الكابتن.. على الاقل ايصير عندي لقب ....هههههههههههههههههه

38
الهجرة و واللاجئين / رد: لا يوجد رفض في الـــــــــــــSIV وعيب اتخوفون العالم وتهبطون معنوياتهم)
« في: 21:56 09/01/2012  »
اخوية العزيز .. شنو يكذبون اخوية اجا رفض ومقابل 2011 شهر الثاني  ونرفض اني من ضمن الناس اللي نزلوا موضوع الرفض على الاس اي في المرة الثانية لتتعدة على الناس وتحجي حجي زايد طلعتلك الفيزا الف مبروك وانشاء الله يستر عليك وتوصل بالسلامة ويفتحهة بوجهك انشاء الله يا اخي لتكذب الناس انتة متعرفهم  تقبل مروري

شكرا

39
الهجرة و واللاجئين / رد: خبر ايحير!!
« في: 21:51 09/01/2012  »
انشاء الله ميرجعون  لان مغلس على واحد ساعة وتلفزيون وثلاجة والثاني حاسبتة كتلة اراويهة لاخوي وطفرت بيهة  والخامس انطاني 700$ اشتري ذهب الزوجتة وشتريت بيهة بطحة وهم طفرت ..... الله ليكذبني....ههههههههههههههههههه  الله ليكذبني ...... وافتهموهة انتم

40
الهجرة و واللاجئين / العمل مع القوات الامريكية
« في: 17:59 07/01/2012  »
السلام عليكم شباب
طبعا بدايتاً احب ان انوه عن طبيعة عملنا مع القوات الامريكية وخطورتها والموت اللي شفنا والمطاردات اللي صارت والتهديدات وكل هذا ما قدرونا مع كل الاسف واللي اشتغلوا مع القوات البولندية عوضوهم كل واحد 6 دفاتر وخيروهم اللي يريد يهاجر الى بولندا او يبقى بالعراق واللي بقى انطوا 6 دفاتر وقبل شهر يلة سمعت بهيج خبر اني مكنت ادري اكو هيج شي لاني كنت متوقع انه الامريكان بسياستهم وتعاملاتهم مينسوون وحد او يتجاهلون حق واحد بس للاسف والله ما ادري شاكول على الحظ مالتنة  نصبر والله كريم

41
اجتماعيات (ترحيب، تهاني و تعازي منتدى الهجرة) / رد: واخيرا واخيرا كملت فرحتي يوم الكم يارب
« في: 16:56 06/01/2012  »
الف مبارك الك والى عائلتك يوم السفر انشاء الله والخلاص من الهموم وانشاء الله توصلون بسلامة وارجو منك اخي ان توضحلي برسالة اذا امكن انتة اس اي في  لو اي او ام وشوكت موعد مقابلتك جان لان اني صارلي سنة واربعة اشهر انتظر شكرا ال اخي وبالسلامة انشاء الله

42
الهجرة و واللاجئين / رد: SIV 13/10/2010
« في: 18:58 05/01/2012  »
يوم اللي الك انشاء الله والاخوة اشكرك على امنياتك

43
الهجرة و واللاجئين / SIV 13/10/2010
« في: 18:47 05/01/2012  »
السلام عليكم اخواني الاعزاء منو منكم باقي ينتظر من سنة 2010 المشؤمة ... انا منتظر من شهر العاشر 2010 الى الان وحاب اعرف اكو جماعة بعدهم ينتظرون الله يسهل على الكل شكرا الكم

44
الهجرة و واللاجئين / رد: خبر ممتاز الى جماعة SIV
« في: 10:25 26/12/2011  »
شكراً اخي على نقل الخبر الله يفرحك ب صدور الفيزا مالتك انشاء الله ولبقية المنتظرين  بس ما عرفت شكد العدد  ومقابلاتهم بيا سنة كانت شكرا مرة ثانية

45
الهجرة و واللاجئين / رد: كروب القابلوا و منتظري الفيزا - SIV
« في: 21:53 21/12/2011  »
أخواني الاعزا اخوكم مقابلتي كانت
13/10/2010
لحد هسة انتظر وما اجت الطيارة كالوا انتظر القطار هم انتظرتة وما اجة القطار كالو  انتظر التكسيات وما اجن التكسيات يعني شيف على شيف ما كو شيف
المهم يمكن اقدم واحد بيكم مقابل اني. تحياتي للجميع وانشاء الله الفر العاجل للجميع .. بس نصيحة اتركو  عنكاوا لمدة شهر حتة تجيكم اخبار حلوة لان اني قررت ما ادخل للموقع بعد الة يخابروني لو انرفض لو اسافر  والله كريم .. تقبلوا مروري

46
الهجرة و واللاجئين / لاتصدقوا الاخبار الكاذبة عن الهجرة واللجؤ(احد ضحايا مشروع الهجرة الخاصة)
« في: 17:00 14/12/2011  »
السلام عليكم اخواني لا اريد ان ازعج احدا بها الموضوع ولكنها وجهة نظري انني قد اتممت المقابلة بتاريخ 13/10/2010
والى اليوم 14/12/2011 انا انتظر اصدار التاشيرة علما اني مقدم انا وعائلتي .. فيا اخوان امريكا اخذت منا اللذي تريده وانهم غير مكترثون لنا ولما سيحصل لنا مستقبلا فان سياسة امريكا قوية وتعرف كيف تتملص من الراي العام وانشاء الله العاقبة خير للجميع ولكن مثلما تعرفون ان امالنا معلقة على السفر والكل يريد ان يعيش عيشة كريمة بدون خوف او قلق على عائلته او نفسة او مستقبله .. لقد المني الموضوع الذي قراته امس على منتدى الهجرة واللاجئين اعتقال 12 مترجم امام انظار الجيش الامريكي من قبل قوة عراقية مما دفعني لكتابة هذا الموضوع ... وا اسفاه على امريكا التي خدعت الكثير الكثير الكثير من العراقيين الابرياء .. واتمنى ان يكون واحد من الامريكيين الذين يهتمون بموضوع الهجرة واللاجئين ان يقرأ ما نكتبه من معاناة ولو حتى اذا قرأ المواضيع فانه لن يحرك ساكناً .. الله يرحم الجميع وانشاء الله العاقبة خير ويستعجلوا باصدار التاشيرات .. شكرا الى كل من خصص من وقته لقراءة الموضوع واكون سعيداً وشاكرا لردودكم شكرا اخوكم احد ضحايا مشروع الهجرة الخاصة..

47
الهجرة و واللاجئين / سنة واربعة ايام انتظار شيردون جماعة السفارة بعد صبر ايوب صبرنا SIV
« في: 21:19 17/10/2011  »
مرحبا اخواني واخواتي صارلي انتظر سنة واربعة ايام خو ما مقصر وية السفارة يعني حتة البطارية وارقى بطارية متبقى على الشحن بكد ما اني بقيت احسن شي ننسة شنو الفيزا  والجماعة جنهم خلصت شغلتهم ويانة وبعد اكتفوا  يعني احس بنفسي انضحك علية  واذا تحجي بعصبية عن الوضع اللي انتة اتمر بي تطلع ارهابي واذا تسكت يكتلك القهر والله طكت روحي .. هوة الواحد ليش يقدم على الهجرة غير وضعيتة تعبانة ..... على كل حال اسف اخاف ازعجتكم وشكرا

48
الهجرة و واللاجئين / SIV أكو هيج شي
« في: 14:26 03/10/2011  »
الله يساعدكم اخواني واخواتي اكو هيج شي صار سنة الة عشرة ايام انتظر منو مد انتظارة مثلي يعني بعد عشرة ايام اكمل سنة انتظار الفيزا  يعني هس الفحص الطبي صار اكسباير اكيد والعدم محكومي اكيد انتهت صلاحيتها شنو الحل اجدد الفحص والامني من كيفي لو ابقى انتظر والله كريم منتظر ردودكم  شكرا

49
الهجرة و واللاجئين / بعد عبور 11شهر من انتظار الفيزةsiv
« في: 07:26 27/09/2011  »
مرحبا اخواني واخواتي بعد عبوري 11 شهر و15 يوم على انتظار الفيزة ... واخبار الثامن والتاسع ما شفنهة منهة خير بس نكول الف مبارك على اللي طلعتلهم نتائج ايجابية للسفر الله يوفقهم  صعدت درجة اليأس عندي 99,9 وما اعتقد تجي الفيزا وما اتقد بهاية السنة بعد راح يطلعون لان صايرة مثل ناكوط الحب يعني الفيز دة تطلع من قطارة قطرة قطرة لعد وين ال 5000 فيزة سنويا الله كريم مع دعائي بالموفقية للجميع

50
الهجرة و واللاجئين / IOM رسالة التأجيل شوفوا الفلم شنو
« في: 12:50 24/09/2011  »
شنو موضوع رسالة التاجيل مع العلم دازين دليل الحياة اليومية بالولايات المتحدة الامريكية اكو واحد من جماعة الIOM جايتة هيج رسالة ......   شنو موضوع الدليل وهل له علاقة بالرفض اقصد رسالة التاجيل بس همة كايلين يعني مو رفض بس لحد متكمل المراجعة يعني هل ان الرسالة تبشر بخير لان دزو الدليل شكرا لردودكم الكريمة واللي عندة شي يفيد بخصوص هالموضوع ليبخل بالرد وشكرا

51
الهجرة و واللاجئين / استلام الفيزا والمشاكل الجديدة مع البنفت ارجو الافادة بشكل عام وبالاخص الاخت انجي
« في: 08:16 24/09/2011  »
السلام عليكم اخواني واخواتي العنكاويين المحترمين
ارجو التفضل من اصحاب الخبرة اس اي في  بالتفضل بشرح حالة اصبحت مالوفة هذه الايام وهي عبور مدة العشرة ايام لارسال نسخة ضوئية من تاشيرة السفر الى الاي او ام او البنفت ...
اذا استلمت الفيزا بعد تاريخ صدورها ب 20 يوم يعني ما استطيع السفر على حساب المنظمة لازم على حسابي  وشكد تكلف السفرة الى ان اوصل الى امريكا مثلا هسة اني عندي 5 نفرات ولاسامح الله واستلمت الفيزا صادرة قبل 20 يوم يعني لازم ادبر نفسي  وخلي نكول الله سهل علينة وعليكم ودبرت اجرة الوصول الى امريكا . هناك شلون راح يصير الوضع يعني لازم اني ااجر لو اكو منظمة تاجرلي شقة او بيت واكدر اخذ الفودستامب لو لا  واكدر ادخل اطفالي مدرسة  لو لا.. اخواني ارجو التوضيح ممن لديه الخبرة والفائدة للجميع .. لان اني صارلي من يوم مقابلتي13/10/2010 الى اليوم اني داخل انذار وقلق جدا من هذه الاخبار اللي دة تتوارد علينة  وتجينا صفح حتة ممفكرين بيهة شكرا للجميع

52
الهجرة و واللاجئين / رد: سفر من مطار اربيل يوم ٤ اكتوبر اكو احد؟
« في: 14:15 22/09/2011  »
بالسلامة انشاء الله

53
الى من يهمه الامر / وزير الصناعة والمعادن المحترم
« في: 16:25 21/09/2011  »
السلام عليكم
وزير الصناعة والمعادن المحترم..
ارجو التفضل بالموافقة على اعادتي للعمل بصفة موظف على الملاك في وزارة الصناعة والمعادن الشركة العامة للصناعات الصوفية في بغداد الكاظمية معل الفتح .. وذلك لمروري بضرف عائلي حرج جدا بسنة 2009 شهر الثالث مما اضطرني لترك العمل وعدم موافقة معاون مدير الشركة العامة للصناعات الصوفية منحي اجازة بدون راتب لكوني رزقت بطفلين توأم وادخلوا المستشفى من اول يوم ولادتهم الى اكثر من شهرين ولم يكن بقربي من يساعدني ولكون المدير العام كان في ايفاد خارج القطر لم يوافق المعاون على منحي للاجازة مما ضطرني للغياب  مما ادى الىت انهاء خدماتي في المعمل علما اني راجعت الادارة العامة وادارة المعمل المذكور ولم اجد اذان صاغية لمشكلتي .. ارجو من الله ان يصلك صوتي والتفضل بتفهم وضعي ووضع عائلتي وشكرا

54
الهجرة و واللاجئين / رد: ملاحظة هامة التأريخ 21/9/2011 الاربعاء الى كل الاخوة
« في: 16:14 21/09/2011  »
اختي لعزيزة البغدادية2   اني قصدي قبل لندخل للموضوع ونتصفحة اريد اعرف التاريخ  شكرا على وقتج وشكرا على الرد

55
الهجرة و واللاجئين / الاربعاء 21/9/2011 (SIV interviewed at 13 of October 2010)
« في: 16:00 21/09/2011  »
السلام عليكم اخوان اكو واحد موعد مقابلتة سنة 2010 شهر العاشر او قبل شهر العاشر او بعدة بس اهم شي بسنة 2010  واستلم الفيزا مالتة  وهل من الممكن يجي رفض بعد 11 شهر ونص بعد المقابلة انتظار شكرا لمروركم الكريم وارجو ترك تعليقاتكم وشكرا للجميع

56
الهجرة و واللاجئين / ملاحظة هامة التأريخ 21/9/2011 الاربعاء الى كل الاخوة
« في: 15:50 21/09/2011  »
بسم الله الرحمن الرحيم اخواني واخواتي ملاحظة صغيرة

عندما ندخل على منتدى الهجرة واللاجئين ونحن نتصفح المواضيع نجد التاريخ  اليوم  او بالامس   الرجاء من جميع الاخوة ذكر عنوان الموضوع وكتابته مع الموضوع وفي خانة الموضوع الى هذا استرعي انتباه الاخوة ليتسنى الينا  حساب التواريخ واجراء مقارنة سريعة على المواضيع وشكرا وارجو من الاخت انجي والقائمين على المنتدى عدم حذف الموضوع وشكرا جزيلا

57
الهجرة و واللاجئين / رد: استلمت الفيزه بس اشلون اسافر
« في: 15:09 18/09/2011  »
الف مبارك عليك استلام الفيزا وبالتوفيق انشاء الله يارب    هسة اسمحلي اتلاطف وياك  اعتقد السفر الى امريكا تصعد من كَراج العلاوي... اشاقة وياك اخوية  وتعذرني  ما اعرف منين بس حبيت اباركلك وانشاء الله خير ويوم اللي كل واحد منتظر تطلعلة الفيزا انشاء الله

58
الهجرة و واللاجئين / مراسلة IOM. بغداد
« في: 01:32 17/09/2011  »
السلام عليكم أخواني وأخواتي اريد مساعدتكم بإرسال عنوان بريد الاي او أم.   لان اريد اقدم عليهة  وصار خمس رسائل داز ومواصلة الهم يمكن العنوان خطأ اريد مساعدتكم  وشكرا

59
دردشة منتدى الهجرة واللاجئين / رد: انا لله وانا اليه راجعون
« في: 01:25 17/09/2011  »
بسم الله الرحمن الرحيم (كل نفس ذائقة الموت)صدق الله العظيم
رحمهم الله عز وجل والهم أهليهم الصبر والسلوان.  هذا هو الموت يا إخوان يأتي بدون سابق إنذار.     الا يكفي بالموت واعظا. أنا لله وانا اليه راجعون ولا حول والقوة الا بالله العزيز الجبار     . هــــــم السابقون  ونحن اللاحقــــــون

60
الهجرة و واللاجئين / رد: SIV IOM UN ماتناقلته القنوات الفظائية صح أم كذب
« في: 08:35 16/09/2011  »
السلام عليكم    أخواني واخواتي اني اللي نزلت الخبر وكان استفسار انتبهوا يا اخوان اللي اتشككون بمصداقيتي اني نزلت الخبر حتى اعرف اكو هيج خبر لو ما اكو لان الخبر دوخني وسطرني سطر لان اني صارلي 11 شهر انتظر الفيزا وتاليهة بالاخير اسمع هيج شي شيصير بية؟ المهم شكرا لتاكيدكم عدم صحة الخبر وما اكو هيج شي انشاء الله الخير يعم على الجميع

61
الهجرة و واللاجئين / SIV IOM والبقية
« في: 12:15 15/09/2011  »
السلام عليكم شباب طبعا ملينة وطكت روحنا او بالاحرى رواحتنا من الانتظار  بس الله عليكم شلونهة هاية مالت بالاحرى؟

اخواني واخواتي واصدقائي ارغب بترشيح (اغنية يلي نسيتونة          يمتة تذكرونة      يمتة نجي علبال وتساعدون الحال يمتة يمتة يمتة تذكرونة  ) كشعار لمنتظري الموافقات الامنية والتاشيرات فاحب ان اهبط عدكم مستوى ومؤشر الضوجة شوية  . فمنو يوافق على هذا الشعار يعني الاغنية اتصير شعار  لانتظار الفرج.
تقبلوا مني فائق الاحترام والتقدير

وانشاء الله الكل تحصل على مايسعون اليه  ولتنسون ترة    الله كريم واللي ايريدة ايصير وانشاء الله الخير للجميع

62
الهجرة و واللاجئين / رد: SIV مقابللات 2010
« في: 12:08 15/09/2011  »
13/10/2010   مقابلتي ولحد الان ما اكو شيش لا كباب ولاتكة ولا معلاك

واصبحت عندي اغنية يلي نسيتونا النشيد الوطني

63
دردشة منتدى الهجرة واللاجئين / مجزرة النخيب على الكيلو 160 أستنكار واسف على ألاداء الامني
« في: 12:06 15/09/2011  »
السلام عليكم اعرف ان الموضوع ليس في موقعه الصحيح ولكن اريد ان افضفض عن ما في داخلي لان قلوبنا قد تقرحت وعيوننا قد ادمعت بسبب الارهابيين والمسؤولين الامنيين الغير اكفاء يعني الرجل الغير مناسب في المكان الغير مناسب .
اولا احب ان اعزي عوائل الشهداء المغدورين وتغمدهم الله في رحمته الواسعة واسكنهم فسيح جناته.
ثانيا  اعزي رواد المنتدى والمشرفين والعاملين على هذا الموقع عنكاوا المحترمين.
الى متى سيسفك الدم العراقي من جميع الطوائف والديانات من المسلمين والمسيح والصابئة والاكراد والازيدية والى اخره من الطوائف واطياف الشعب العراقي . ويظهر المسؤولون الامنيون في شاشات التلفاز والفظائيات ويقولون نأسف عن ما حصل للمواطنين ونعزي عوائل الشهداء كلام فقط وليس له اي تفعيل. فنجد الامن والامان فقط للارتال وسيارات المسؤلين التي تجوب شوارع بغداد والمناطق العراقية كافة ونجد التصرفات اللا اخلاقية لحمايات المسؤولين بما يتفوهون به من الغلط والسب والشتم على المواطنين واصبح المواطن عليه علامة X  اي بما معنى يجب ان يحذروا من المواطن.. اتمنى على كل المسؤولين ان يعرفوا بانهم موظفين لدى الشعب وليس اسيادا عليهم. واناشد دولة رئيس الوزراء نوري كامل المالكي بأن يحاسب كافة المسؤولين الامنيين في منطقة النخيب وان يتحملوا نسبة 70% مما حصل وحدث للمواطنين الابرياء وتقديم المسؤول الامني لتلك المنطقة الى المسائلة القانونية والحبس لتقصيره في اداء واجبه . يا اخوان اسف واعتذر ولكن والله لا استطيع تحمل مشهد او الاستماع الى خبر كهذا. فمتى سيتمتع المواطن العراقي بالامان.شكرا  وارجو من ادارة المنتدى ان لاتحذف الموضوع لانه يخص كل عراقي شريف غيور على عرضه وشرفه ووطنه. هذا الموضوع يخص جميع الاطياف والديانات في العراق

64
الهجرة و واللاجئين / SIV IOM UN ماتناقلته القنوات الفظائية صح أم كذب
« في: 11:50 15/09/2011  »
السلام عليكم شباب اليوم اني سمعت انه على اساس رئيس الوزراء نوري المالكي قد شكر المفوضية السامية للاجئين لتعطيل اجراءات اللجؤ للعراقيين وسيقوم ويتوعد بتوطينهم في بلدهم ....

هل هذا الخبر صحيح؟

اكو واحد سمع بالخبر يمكن على قناة الحرة؟ او العراقية؟
بس حبيت اعرف شنو الموضوع
شكرا للجميع

65
الهجرة و واللاجئين / مظاهرة سلمية ~~ْْْSIV ْْْ~~
« في: 11:46 15/09/2011  »
السلام عليكم شباب اني اليوم ادعوكم لاقامة مظاهرة سلمية للي متاخرة معاملاتهم يعني مثل اني واعوذ بالله من كلمة اني  كانت مقابلتي 13/10/2010 شنو ناصبين علينة ذولة خلي نروح ونوكف ابابهم ونكتب فد 6 او 7 لافتات ونحجي وياهم ونطلب مقابلة القنصل يعني شنو الكل دة يسافرون ما اعرف شنو الموضوع هسة بالعافية على اللي سافر وشايف الف الف خير وبالتوفيق بس احنة نطالب بمصداقية الوعود نطالب بحقنة كمترجمين اتهددنة وحياتنة بخطر وعدنة قسم من المترجمين عوائلهم اتضررت ضرر جدا قوي  يعني الموت .. لازم انسوي حل لشغلة الاجراءات الاضافية .  وترة ميصير شيكولون همة احنة نسكت . واني هم اخوكم واسمع من عدكم واكون شاكر الكم ولردودكم على الموضوع وشكرا لادارة المنتدى

66
الهجرة و واللاجئين / رد: الى قابلوا الشهر العاشر 2010وينكم
« في: 12:39 14/09/2011  »
السلام عليكم

اني مقابلتي كانت 13/10/2010

ولحد الان كلشي ما اكو كل رسالة مدزولي الة اني ادز الهم ويجاوبوني بالادشنل بروسس معاملتك يكلولي ادري شنو هذا الادشنل بروسس بس ويانة موتونة من القهر ... بس شنكول  غصباً علينة ننتتظر ما اكو باليد حيلة وسلامي الى جميع العنكاويين والف مبارك لكل من حصل على اخبار حلوة او حصل على الفيزا .. وللعلم اكثر التأشيرات دة تطلع للي قابلوا بسنة 2011...
نوصيكم بالدعاء والله يقدم مابه الخير للجميع

67
الهجرة و واللاجئين / أنتظار 11 شهر SIV صايرة هاي
« في: 08:50 12/09/2011  »
السلام عليكم حبيت اعرف وباختصار شديد اكو جماعة منتظرين من يوم موعد المقابلة الى الان وصارلهم 11 شهر وكلشي مجايهم من السفارة ....
اكون ممنون الكم أخوان لان اني قلق جدا جدا
وبالتوفيق لجميع الاخوة والاخوات
وشكرا

68
مواضيع الحياة العامة في بلاد المهجر (امريكا) / رد: وصلت اميركا الحمد لله
« في: 09:02 10/09/2011  »
الف مبارك عليج وبالخير انشاء الله

69
نادي اسرة الترحيب والتعارف / رد: صباح الخير .......
« في: 07:06 09/09/2011  »
هذا احلى صباح بهذه الكلمات الطيبة وللعلم انتي تصدقتي بهذا الكلام ولك اجر وثواب عند الله سبحانه وتعالى لان الكلمة الطيبة صدقة  وانشاء الله ربي يحفظك ويعطيكي ماتتمنين .
واحب اكول صباح الانوار

70
الهجرة و واللاجئين / مقابلات 2010 SIV
« في: 16:46 08/09/2011  »
السلام عليكم اخوان اكو من جماعة اللي مقابلين من ال2010 على الاس اي في او بعدة ممستلم فيزا اشو هواية جماعة بسنة 2011 شهر الثاني وشهر الواحد وشهر الرابع طلعت الهم فيزة اشو اني مقابلتي يوم 13/10/2010 ولحد الان ما اكو شي
وبالتوفيق للي طلعت اللهم وانشاء الله يوم اللي تطلع النة والتوفيق يارب للجميع

71
الهجرة و واللاجئين / رد: رجاء ادخلو siv
« في: 23:04 07/09/2011  »
صديقي ترة ماكو شي يخليك تقلق بس اشتراك مالت انترنت مدافعين الولد وكطعوا الخط عليهم يومين ويدفعون اشتراك ههههههههههه
لا صديقي جديات احجي انشاء الله خير ويبشروك بالفيزا انشاء الله

72
الهجرة و واللاجئين / بشرى سارة SIV
« في: 18:43 02/09/2011  »
السلام عليكم اخواني رواد المنتدى الكرام
خلي ارفع من معنوياتكم  البارحة ختبرني صديق مقابل نهاية شهر الواحد 2011 وجتة الفيزا اول يوم العيد وصديق صديقي جايتة الفيزا هوة واصدقائة 2 قبل ثلاثة ايام وبعد صديق مقابل يوم 8/10/2010 جتة الفيزا قبل كم يوم بس مجان عندي مجال انشر الخبر وافرحكم وانشاء الله الخير والتاشيرات الى جميع اللي مقدمين علما مقابلتي اني يوم 13/10/2010 ولحد الان انتظر الفرج والله مع الصابرين وانشاء الله خير للجميع واعلن تفاؤلي بشهر التاسع    يعني 5 من جماعة SIV محصلين تاشيراتهم بدت مرحلة الاخبار الحلوة اكرر انشاء الله خير وخلي ندعي واحد للاخ بلكي الله يوفقنة

73
الهجرة و واللاجئين / IOM
« في: 15:54 30/08/2011  »
السلام عليكم ممكن عنوان ال IOM لان اريد اقدم على برنامجهم للهجرة  وعندي عنوان الهم بس كلما ادز رسالة الهم ورة يومين يوصلني فشل ارسال الرسالة         

          ic@info.gov 

هذا هوة العنوان اللي كلما ادز رسالة ورة يومين تجيني فشل ارسال الرسالة ممكن المساعدة وشكرا

74
الهجرة و واللاجئين / IOM
« في: 15:50 30/08/2011  »
السلام عليكم ممكن عنوان ال IOM لان اريد اقدم على برنامجهم للهجرة  وعندي عنوان الهم بس كلما ادز رسالة الهم ورة يومين يوصلني فشل ارسال الرسالة         

          ic@info.gov 

هذا هوة العنوان اللي كلما ادز رسالة ورة يومين تجيني فشل ارسال الرسالة ممكن المساعدة وشكرا     

75
دردشة منتدى الهجرة واللاجئين / عيد الفطر المبارك
« في: 14:29 27/08/2011  »
حبيت انه اهنئ جميع اعضاء وزوار منتدى عنكاوا بمناسبة قرب حلول عيد الفطر المبارك اعاده الله علينا وعليكم وعلى الشعب العراقي بالخير والبركة وتقبل الله طاعاتنا في رمضان المبارك وانشاء الله بحق حرمة شهر رمضان الجميع تطلع الهم التاشيرات والسفر القريب العاجل انشاء الله


اخوكم اللي مل من الصبر والانتظارمن يوم المقابلة 13/10/2010
SIV
الى الان ما اكو شي بس الله كريم

76
دردشة منتدى الهجرة واللاجئين / الخبر المزعج ~~~~اسف على نقل الخبر ~~~~~
« في: 12:31 19/08/2011  »
اليوم وعلى قناة الشرقية نقل خبر القبض على جماعة عراقيين في كاليفورنيا لكونهم متهمين بالتورط في خلية ارهابية.... هكذا خبار اعتقد تؤثر سلباً على مسيرة معاملات الهجرة واللجؤ وانشاء الله ربي متأثر لأن احنة والله خطية يعني من ورة كم واحد تنلاص امورنا .. حسبي الله ونعم الوكيل على كل شر.. مع تمنياتي للجميع بالموفقية وتسهيل الامور

77
الهجرة و واللاجئين / رد: مقابلتي SIV~~~ 13/10/2010~~~
« في: 11:03 18/08/2011  »
السلام عليكم
شكرا للردود اخواني راسلت السفارة قبل لا انزل الموضوع واليوم اجاني الرد ...هم فد رد سخيف مع احترامي للقراء ....................................................وهمينة الادشنل بروسس ... وهذا هوة الرد





As we have previously informed you, your case is in additional administrative processing, which we must conclude before we can decide to issue your visa.

We realize that these extended waiting periods can be frustrating, and we are sensitive to the fact that the purpose of the special immigrant visa program is to provide the opportunity to immigrate to individuals who have provided faithful service to the United States government.  Nonetheless, the U.S. Embassy in Baghdad, like all U.S. Embassies and Consulates, must adjudicate visas in accordance with the provisions of the law.  In some cases, this involves extensive administrative processing. 

While we cannot predict when we will complete processing your case, the Embassy and the Department of State are aware of your concerns and will do all we can to see that we adjudicate your visa as soon as we verify your qualifications.
If you still need help, please contact us through the internet at: http://iraq.usembassy.gov/ivform.html.

Sincerely,



78
الهجرة و واللاجئين / مقابلتي SIV~~~ 13/10/2010~~~
« في: 02:57 18/08/2011  »
السلام عليكم اخواني واخواتي
بس حاب اعرف اكو واحد كقابل بنفس موعد مقابلتي 13/10/2010
وهم دز رسالة للسفارة وشنو كانت الاجابة ارجو الاستفادة من ردودكم ومشكورين اخواني

موتني الانتظار هسة لو ينطونة موعد حتى اذا بعيد

79
الهجرة و واللاجئين / رد: سبعة من اعضاء مجلس الشيوخ الامريكي يقدمون طلبا ,,,,,,, SIV
« في: 14:38 13/08/2011  »
بعدني ما شفت الخبر بس على كل حال مشكورة جهودك المبذولة اخوية

80
الهجرة و واللاجئين / رد: مراسلكم من مطار بغداد الدولي شوفو شصار اليوم 13-08-2011
« في: 14:26 13/08/2011  »
شكرا على هذه الاخبار ياورد بس هوة وكتة هالصماخ يسافر اليوم

81
دردشة منتدى الهجرة واللاجئين / رد: ***الايميل المسروق***
« في: 14:23 13/08/2011  »
اذا انتي مسائلتهم على الاميل مالتج ليش يدزولج يردون الباس وورد وانتي دزيتي فهذا مهكرينة الاميل مالتج وحسب ما اعرف تكدرين ترجعي عن طريق الياهو هيلبر فاقري عنة بالكوكل اني ممتاكد من الطريقة شلون

82
دردشة منتدى الهجرة واللاجئين / SIVهدوء ماقبل العاصفة
« في: 00:22 31/07/2011  »
السلام عليكم يا اخوان ارجو الرد ومشاركتي الاراء ما هو تفسيركم للصمت الذي يجوب اجواء مقدمي معاملات الهجرة الخاصةSIV هل من جديد على اخبار الفيز؟؟؟؟؟؟؟؟؟؟؟؟؟؟؟  لو ننسى لان صارلي 9 اشهر وثمانية عشر يوم هم يردون انتظر لو شنوووووووووووووووووووووووووو

83
الهجرة و واللاجئين / SIV الانتظار راح يموتني فقطSIV الف مبروك الى اخونا ابن الحلة وانشاء الله للجميع
« في: 20:48 26/07/2011  »
السلام عليكم
شباب اني مقابل يوم 13/10/2010
والى حد هذه اللحظة انتظر يذكروني ويذكرون اخواني اللي ينتظرون هم اكو واحد نفس موعد مقابلتي بعدة ينتظر ارجو الرد بالتواريخ وذطر نوع التاشيرة المنتظرة اقصد بس الاس اي في شكرا لمروركم الكريم

84
الهجرة و واللاجئين / رد: SIV مقابللات 2010
« في: 11:59 26/07/2011  »
مقابلتي كانت 13/10/2010 وباقي على المغذي وما ذكروني برسالة علما اني   اس اي في SIV

85
الهجرة و واللاجئين / رد: شباب محتاج مساعده بخصوص الضرائب(GLS)
« في: 13:11 10/07/2011  »
السلام عليكم
اخوية العزيز اشكد صارلك مقدم على التاكس وخابروك اني من يوم 7 من شهر الخامس الى اليوم ما خابروني اكدر اعرف اكد المدة اللي خابروك بيهة وشكرا وعلى ما اعتقد بس تروح للرعاية وتستلم  سؤال ثاني هم عرفت اشكد على كل شهر ينطونة اشكرك جدا واطلب انه تجاوبني على اسئلتي

86
الهجرة و واللاجئين / رد: SIV, SIV , وينكم هاي شبيكم ؟؟
« في: 22:32 07/07/2011  »
والله ياصديقي اني مقابل 1/10/2010  ولحد الان كلشي مااكو علما اني اس اي في  وعندي اطفال مو يكولون ابو العائلة شغلتة تطلع اسرع بس طلعت هاية بس اعلانات والله كريم

87
الهجرة و واللاجئين / رد: العزاب النة الله ... والعوائل بالعافية عليهم
« في: 17:32 25/06/2011  »
أخوية كل علاقة بشغلة عازب و متزوج وعائلة ونفر واحد ما اكو لان اني عندي 3 اطفال ومقابلتي بشهر العاشر الفين وعشرة وبعدني يمك كل خبر ما رجعولي وبعدني قيد الانتظار وشكرا

88
الهجرة و واللاجئين / رد: ماكو سفر منا لشهر العاشر !!!! ( استنتاج لنفسي ) والمشاركه مفتوحه
« في: 20:10 21/06/2011  »
السلام عليكم بدون زحمة اختي مقدمة انتي على siv شكرا

89
الهجرة و واللاجئين / كيف اقدم على IOM
« في: 15:58 19/06/2011  »
السلام عليكم
ماهو رابط منظمة الIOM   اريد اقدم على البرنامج

90
الهجرة و واللاجئين / ماهو المقصود بمقابلة المحلف وانتظار الامنية
« في: 23:35 15/06/2011  »
السلام عليكم    ماهو المقصود بمقابلة المحلفين وانتظار الامنية هل مقصود بها الsiv او هي فقط لل iom
ارجو التوضيح شكرا . انا اكملت مقابلة siv ماهو رابط الIOM لاقدم على البرنامج لان صارلي ثمانية اشهر انتظر وكلشي ما اكو فيصير اقدم اي او ام  شكرا

91
الهجرة و واللاجئين / رد: الحكوني .... تذكرة طائرة ؟ لو إنتقام ؟ .... SIV
« في: 13:54 14/06/2011  »
الحمد لله انشاء الله ربي تتوفقون بقوة لا اله الا الله ... حسب معلوماتي من اصدقائيكلهة هيج سافرت بس اذا تروح على حسابك تروح عليك البنفت فاصبر والله كريم واقضي الوقت الاطول بفندق المطار ....
عندي سؤال اخوية العزيز
انتة مقدم على siv شوكت كان موعد مقابلتك بيا شهر ويا سنة لان اني هم siv واشو طولت مع العلم كلولي اسابيع قليلة وتستلم الفيزا اشو صار من 13/20/2010 لحد هسة انتظر اذا عندك معلومات بلكي تفيدني بيهة وشكرا الك وبالتوفيق وربي يحفظكم بسفركم انشاء الله

92
الهجرة و واللاجئين / رد: اخواني واخواتي SIV و IOM تعالو معي
« في: 13:41 14/06/2011  »
السلام عليكم
الله يحفظك ويحفظ اللي تحبهم ويحبوك وبالاخص الوالد والوالدة ... وشكرا على تطييب الخواطر وانشاء الله الفرج قريب الك اولا واحنة ثانيا انشاء الله

93
الهجرة و واللاجئين / رد: هاي اول مرة اصير بية علمود الفيزة بالـــSIV
« في: 23:24 12/06/2011  »
أخي العزيز السلام عليكم
اولا انتة بشهر الخامس 2011 لو 2010
اني قابلت بيوم 13/10/2010 ولحد الان انتظر والمغذي اللي عندي كام ميسوي شي يعني راح ادمن على الانتظار وربك ارحم الراحمين وانتظر وية هالصحبة الحلوة بعنكاوا

94
الهجرة و واللاجئين / رد: سجل حظور SIV فقط SIV فقط SIV
« في: 14:38 11/06/2011  »
السلام عليكم اخواني واخواتي هذا الكروب خاص فقط ب SIV خلي نتفق على كروب واحد وشكرا الكم واني وياكم شتكولون اني حاضر شخصونة فد كروب معين واذا تردون هذا اسمه خاص ب SIV وعذرا للجميع

95
الهجرة و واللاجئين / سجل حظور SIV فقط SIV فقط SIV
« في: 01:19 11/06/2011  »
السلام عليكم اخواني واخواتي اتمنى الموفقية لجميع اللي مقدمين على اي سفرة حتة لو لمدة يوم او 90 سنة المهم اليوم وبوجودكم انشاء الله نسوي سجل للي مقدمين على الهجرة الخاصة بس اكتب موعد مقابلتك يوم وشهر وسنة وأكتب شنو اخر استفسار الك وجوابة من قبل السفارة وشكرا الى تعاونكم وطبعا مع اخذ الاذن بالبداية من القائمين على المنتدى وشكرا وراح ابدأ بالموعد مالتي
ــــــــــــــــــــــــــــــــــــــ  13/10/2010 كان موعد مقابلتي
اليوم13 الشهر10 السنـــ2010ـــــة ولحد الساعة هذه انا انتظر صارلي 8 اشهر بالضبط واخر مرة استفسرت عن حالة الكيس مالتي قبل اسبوع كلولي اجراءات اضافية. مع العلم مقدم الية والى عائلتي وشكرررا

96
الهجرة و واللاجئين / خاص ب SIV أستفسار للمقابلين بشهر 10\2010
« في: 23:21 09/06/2011  »
السلام عليكم اخواني واخواتي وشكرا لادارة المنتدى والاخت انجي بشكل خاص....
اخوان منو منكم مقابلتة كانت شهر العاشر او التاسع ولحد شهر 12 من سنة 2010//////////
وهم سمعتوا باي شخص مقابل بهذه الفترة اللي ذكرتهة واكرر الSIV استلم فيزا أو اتصلوا بي او مراسلهم وشبرجعون الكم السفارة من تراسلوهم لان كلما اراسلهم يوم يكلولي اجراءات اضاقية ويوم يور كيس اندر كونك  ويوم من تخلص احنة انراسلك  والاصعب هوة الانتظار.... اكون ممنون باجاباتكم على موضوعي  واللي يعرف  اذا فشلت بالسكريننك الاعتيادي  قبل المقابلة ياثر على الفيزا لو لا لان اني فشلت بالسكريننك قبل المقابلة ولحد الان صارلي انتظر 7 أشهر و29 يوم من يوم 13/10/2010 وشـــــــــــــــــــــــــــــكــــــــــــــ أبو منتظرــــــــــــرا

97
الهجرة و واللاجئين / رد: الاخبار طلعت صحيحة وابشركم بان اكو تسريع بالمقابلات مو طبيعي وهسه اتصلوا بينه IOm بغداد
« في: 23:35 08/06/2011  »
أختي العزيزة ام مهند
أولا الف الحمد لله والشكر واللهم بقوته تعالى يحقق امانيكم واماني المنتظرين انتي خابريهم ورة يوم لان مثل ما اعرف انتوا الفحص الطبي مالتكم يومين هذا الحجي قبل 7 اشهر الاي او ام يومين واكو عيادة ماعليهة ازدحام اسمهة وامار قرب فندق بابل بس انتي اساليهم وين اسوي فحص باسرع وقت وانشاء الله بالخير عليكم واني عندي ولد حددولة مقابلة ورة يومين دزولة موعد مقابلة ثانية حتة هوة ضل متفاجئ عبالة نفس الموعد وبين مقابلة ومقابلة 6 ايام , الله يقدم اللي بي الخير  وموفقين انشاء الله

98
الهجرة و واللاجئين / رد: شنووو ممشمول سفر SIV بشهر السادس
« في: 19:54 07/06/2011  »
السلام عليكم اختي وينقابلتج كانت ان في بغداد يوم 13/10/2010  ةكلما ادز رسالة يكلولي اجراءات اضافية  هم عندك هيج حالة صارت  انتظر الرد  شكرا

99
الهجرة و واللاجئين / رد: ماكووو رفض بعد إنتظار ثمن أشهر ولماذا ؟؟؟؟
« في: 14:21 07/06/2011  »
[الحمد لله رب العالمين والله من قريت الخبر مالت هذا اللي رافضينة لليوم مجاي انام باليل لان اني مقابلتي بنفس الشهر 13/20/2010 ولحد الاشي مااكو بصراحة هبطت معنوياتي الى تحت الصفر ب 10,000,000سنة ضوئية الى ان قريت خبر اختنة الله يبشرهة بالف خير

100
الهجرة و واللاجئين / منو مقابلتةSIVفي يوم 15/10/2010
« في: 01:26 05/06/2011  »
السلام عليكم ياشباب والله مليت وروحي طكت وصرت اقرب الى حافة الانهيار اذا صح التعبير بس نبقى انكول الكلمة اللي تعلمنة عليهة من زمن قبل صقوط النظام (انشاء الله,,,,,, الله كريم,,, هسة تفرج,,, الخ) رجاء اللي عندة اي معلومة على الهجرة الخاصة ومقابل بيوم 15/10/2010 خلي يتفضل ويشاركنة بمعلوماتة او كان موعد مقابلتة بشكل قبل او بعد تاريخ 15/10/2010 بس بشي قريب و اشكر ادارة المنتدى والعاملين لانجاح هذا المنتدى والاخوة الاعظاء وانشاء الله ربي يفتحهة على الجميع ونشبع فيز ونشتاق للعراق  اريد فد يوم اشتاق تطفة الكهرباء فد يوم اشتاق اشوف شارع مقطوع  لا اشاقة وياكم وربي يتعمر هذا البلد العراق بالخير والمحبة والامان والسلام بس انشاء الله تطلع النة الفيزا اخوكم ابو منتظر...

101
الهجرة و واللاجئين / SIV الى متى الانتظار
« في: 22:05 03/06/2011  »
السلام عليكم اخوان اللي عندة اي خبر ارجو منة ان يمر على الموضوع ومشكور جدا على مرورة اني من اللي قابلوا على الهجرة الخاصة بشهر ال10/2010 ولحد الان مازلت قيد الانتظار وحتة نفسيتي تعبت فشنو الاخبار اللي عدكم وشنو اللي سمعتوا  بيهة امل بعد كل هذا الانتظار ..... يعني صارلي 7 اشهر و20 يوم انتظر الى متى الانتظار /ان الله مع الصابرين ياقوم!!!!!!!!!!!!!!!!!!!!!!!!  الله يسهل للجميع انشاء الله اشكركم يا اخوان

102
الهجرة و واللاجئين / فيزا الهجرة الخاصة لامريكا
« في: 12:09 13/03/2011  »
السلام عليكم
ارو الرد باسرع مايمكن/ هل يوجد احد من المقدمين على تاشيرة الهجرة الخاصة الى امريكا موعد مقابلته بال10/2010 واستلم الفيزا ام الكل تنتظر ارجز منكم المرور والتفضل بالاجابة علما ان مقابلتي كانت 13/10/2010 ولحد اليوم 12/3/2011 انا انتظر الفيزا وارجو ترك رسالة لي على البريد الالكتروني ronaldo_r41@yahoo.com

103
الهجرة و واللاجئين / خير الناس من نفع الناس
« في: 18:54 29/01/2011  »
السلام عليكم ياشباب  سؤالي عن مدة استلام الفيزا للمقدمين على الهجرة الخاصةلامريكا من يوم 13/10/2010 قابلت لحد الان انتظر الفيزا هم تعرفون السبب شنو جاية تتعطل الفيزا علما مقدم اني على الهجرة الخاصة لامريكا واشكر كل من يمر على الموضوع

104
الهجرة و واللاجئين / سؤال عن الفيزا لامريكا
« في: 06:27 22/01/2011  »
السلام عليكم ممكن واحد يجاوبني  ليش الفيزة دة تتاخر صارلي 101 يوم انتظر الفيز شنو السبب وشكرا

105
الهجرة و واللاجئين / بخصوص البنفتBENEFIT
« في: 07:44 14/10/2010  »
السلام عليكم
أخوان بخصوص البنفت الى من ارسلها هل الى NVCSIV@state.gov وهل البنفت فقط فورم الDS234 والاستمارة التي تحمل التوقيع استمارة الانتخاب اقصد  ارجو التوضيح والاجابة اسرع مايمكن وشكرا لجهودكم وتمنياتي لكم بالصحة والعمر المديد

106
الهجرة و واللاجئين / جديد على المنتدى واتمنى اصير فرد من هذه العائلة
« في: 07:50 09/10/2010  »
السلام عليكم سؤالي عن المتطلبات اللي تطلبها السفارة من وثائق , اني دزوهة الية بس شنو المقصود باوامر المراسلة(CORRESPONDENCE INSTRUCTIONS)  يعني يردون اطبع الهم كل الرسايل اللي واردتني منهم لو شنو وما المقصود بالاحرف المقابلة للمتطلبات مثل هذه القائمة

CORRESPONDENCE INSTRUCTIONS                           F
IMMIGRANT VISA APPLICATION                           S
IMMIGRANT VISA APPLICATION PART II                           F
PASSPORT                          F
BIRTH CERTIFICATE                          S
ADOPTION                           F
MARRIAGE CERTIFICATE                          S
MARRIAGE TERMINATION                           F
COURT RECORDS                           F
FINANCIAL EVIDENCE                           F
CUSTODY PAPERS                         F
MILITARY RECORDS                        S
IRAQ POLICE CERTIFICATE                         S
FEE PAYMENT                          F
SI G SERIES PASSPORT                       S
PHOTOGRAPH                    A
PETITIONER MARRIAGE CERTIFICATE                 F
PETITIONER BIRTH CERTIFICATE                  F
SI FAMILY BOOK                   S
SI BADGES                  S
E-MAIL ADDRESS            Y

107
دردشة منتدى الهجرة واللاجئين / السلام عليكم سؤال حول الSIV
« في: 20:07 08/10/2010  »
السلام عليكم سؤالي عن المتطلبات اللي تطلبها السفارة من وثائق , اني دزوهة الية بس شنو المقصود باوامر المراسلة(CORRESPONDENCE INSTRUCTIONS) وما المقصود بالاحرف المقابلة للمتطلبات مثل هذه القائمة
Document Name Document                    Status
CORRESPONDENCE INSTRUCTIONS                           F
IMMIGRANT VISA APPLICATION                           S
IMMIGRANT VISA APPLICATION PART II                           F
PASSPORT                          F
BIRTH CERTIFICATE                          S
ADOPTION                           F
MARRIAGE CERTIFICATE                          S
MARRIAGE TERMINATION                           F
COURT RECORDS                           F
FINANCIAL EVIDENCE F
CUSTODY PAPERS F
MILITARY RECORDS S
IRAQ POLICE CERTIFICATE S
FEE PAYMENT F
SI G SERIES PASSPORT S
PHOTOGRAPH A
PETITIONER MARRIAGE CERTIFICATE F
PETITIONER BIRTH CERTIFICATE F
SI FAMILY BOOK S
SI BADGES S
E-MAIL ADDRESS Y
DS-157 S

صفحات: [1]