الرسائل

1

الهجرة و واللاجئين / رد: وصلك رمز جديد!!! شنو يعني هذا الرمز؟؟؟ ادخل نحل الشفرة سوية&&& لما بعد المقابلة الثانية

« في: 14:41 07/08/2011  »

السلام عليكم
رجاءا انا منذ ست اشهر وصلني الرمز RKH
ومن ثم اعطوني موعد سفر في الشهر الخامس وتم التاجيل
بعد التاجيل بكم يوم وصل الرمز ADJ
وقبل قبل اسبوع ADS
والان وصلني ()ADS

رجاءا اللي عندة معلومات عن معنى هذه الرموز ارجو اخباري مع التقدير والاحترام

2

الهجرة و واللاجئين / رد: استفسار بخصوص الفيزة السياحية الى امري

« في: 11:00 31/07/2011  »

ااصحاب الخبرة الرجاء الاجابة مع الشكر والتقدير :
انا مقدمة على  iom بس لان الشغلة طولت هواية سالنه فقالوا اذا تريدون قدموا على فيزا للزيارة ومن توصلون امريكا ابقوا هناك ولترجعون.
فسؤالي هو هل ان السفارة الاميركية تعطي فيزة زيارة للي مقدم على اللجوء؟؟
لو اخذنا الفيزا ووصلنه امريكا شلون يكون وضعنه نبقى نتابع مع المنظمة؟؟ لو نبدي من جديد؟؟
علما انوه شغلتنه منتهية وواصلين الى تجيك ماقبل السفر وسبق نطونه موعد وكنسلوه.
واشكر كل من يرد على استفساري[/font][/size][/b][/b][/size][/size][/size][/color]

3

مواضيع الحياة العامة في بلاد المهجر (امريكا) / رد: اذ عندك بكلوريوس سابقا community collage

« في: 17:30 28/07/2011  »

up

4

الهجرة و واللاجئين / رد: }}}جمعية امنية ما قبل السفر{{{

« في: 22:10 12/07/2011  »

سلام عليكم اخواني , اخواتي:
اني متاجلة صار شهرين واسبوعين وكلشي ماكو لمن اتصل يكولون تجيكات ماقبل السفر ومن ندز ايميل يردولنه ابو الهولد اون

5

الهجرة و واللاجئين / رد: مبروك اخت رشا عدج مقابله ,,, شلون مضبوطين

« في: 16:49 15/06/2011  »

لاااااا على بختك!!!!!!!!!!
هاي شلوووووووون بالله رهموهههههه ههههههههه
 تدري صار بيه احبااااط لان اني من المؤجلين من قبل شهرين وداكل بروحي...... طلع اكو اللي صارلة سنه واربع اشهر هالنوب
لاااا سافرت هواااااااااااااااااااااايه  

6

الهجرة و واللاجئين / رد: شباب جبتلكم الاستماره الي وقع عليها الكفيل

« في: 02:00 15/06/2011  »

الكفيل اللي نطيت اسمه هوه اللي المفروض يوقع الاستمارة

7

الهجرة و واللاجئين / رد: شباب جبتلكم الاستماره الي وقع عليها الكفيل

« في: 20:00 12/06/2011  »

هذه الاستمارة تخص اللاس اي في (لو) الاي او ام؟؟؟
اني استمارة اللي وقعهه الكفيل تختلف اشو عن هذه؟
علما اني اي او ام!!!

8

مواضيع بعد السفر / رد: المرحلة الثالثة الفود ستامب مع المدك ايد والتقاعد

« في: 19:00 09/06/2011  »

الى ادارة المنتدى الكرام والاخت انجي :
السلام عليكم ورحمة الله وبركاتة
نطالب بتثبيت مواضيع الاخت ام توفي لانها مواضيع فعلا قيمة ويحتاج اي مقدم على الهجرة او على اللجوء لها
 ولكي تكون مرجع للجميع نرجو من حضرتكم التكرم وتثبيت المواضيع للاخت ام توفي
مع الشكر والتقدير لام توفي ولاعضاء الادارة الكرام

9

الهجرة و واللاجئين / رد: بالنسبة لدراسة الانكليزي والتقديم على الفاينيشل ايد ( المنحة الدراسة ) في هيوستن

« في: 20:08 08/06/2011  »

اشكرك اخوية العزيز ايثن وبارك الله بيك وماقصرت

10

الهجرة و واللاجئين / رد: *** ايها الشعب العظيم ***** بيان البيانات

« في: 21:02 07/06/2011  »

الف مبروك اخويه العزيز ابو نادين الوردة
والله تستاهل كل خير لانك طيب ربك مينسالك وسهلك امرك
الموفقية لك ولعائلتك وبوساتي لنادين من تشوفهه
اختك المعمارية

11

الهجرة و واللاجئين / رد: اي شخص موجود بهيوستن او رح يجي لهيوستن اني حاضر لا اي مساعدة

« في: 20:31 07/06/2011  »

اخوية العزيز ايثن
 ردت اسالك سؤال احنه الكفيل مالتنة في فينكس اريزونا والمنظمة هي نفسهه مالت الكفيل اللي هي (الاي  ار سي)  بس حسب مافتهمت من الاعضاء يكولون ان اريزونا تعبانة ومابيهه شغل وحارة جدا وبعد ان قريت موضوعك بصراحة صارت عندي فكرة ان انتقل الى تكساس بعد ان اصل (لاني للان بانتظار موعد السفر)
فاذا انتقلت شلون؟ اكو فرع لمنظمتي اللي هيه (الاي ار سي) لو راح يحولوني الى غير منظمة وشنو الاحسن ؟
اسال النصيحة
وتحية طيبة من القلب لك يااخي

12

مواضيع بعد السفر / رد: المرحلة الثالثة الفود ستامب مع المدك اي&#

« في: 20:21 07/06/2011  »

ماشاء الله عليك ياأم توفي... ربي يحفظك ويحفظ اولادك ويوكف اولاد الحلال بدربك مثل ماتساعدين الناس بحسن خاطر وطيب خلق ورقي اخلاق وكرامة نفس
ربي يوفقك ويسهل امرك ياطيبة
اختك المعمارية

13

دردشة منتدى الهجرة واللاجئين / رد: كلللللللللللللللللش أمانه بركبته الي ميباركلي/ موعد سفر بدون جدوله

« في: 23:35 06/06/2011  »

الف مبروك اخي العزيز
اسال الله الموفقية لك وان ترتاح بالمكان الجديد وتتوفق وتتسهل كل امورك بس لتنسانه
واكيد ان الله يقول (انا عند حسن ظن عبدي بي)...  واحنه ثقتنا عظيمة بالمولى عز وجل
تحياتي لك
اختك المعمارية

14

الهجرة و واللاجئين / رد: خبر كلششششش حلو لحك ياولد

« في: 23:24 06/06/2011  »

على الخير

15

الهجرة و واللاجئين / رد: بالنسبة لدراسة الانكليزي والتقديم على الفاينيشل ايد ( المنحة الدراسة ) في هيوستن

« في: 23:20 06/06/2011  »

عاشت ايدك اخوية العزيز على هالموضوع المفيد الحلو
بس حبيت اسال بالنسبة لليريد يقدم على الدراسات العليا ينطبق عليه هذا الموضوع لولا؟؟
يعني اني مخلصة 27 ساعة في الماستر بس ماسويت الاطروحة اذا اريد اجي اكمل من وين ابدي وشاسوي اول خطوة؟؟
ماعندي اي تصور ممكن اخوية العزيز تساعدني ؟
والف شكر

16

مواضيع بعد السفر / رد: المرحلة الثالثة الفود ستامب مع المدك ايد والتقاعد

« في: 23:03 06/06/2011  »

اختي العزيزة ام توفي الوردة
انا على منظمة الاي ار سي في اريزونا فينيكس بس اذا  اريد احول الى تكساس فيخلوني على نفس المنظمة لو غيرهه؟؟؟؟
 وشنو اللي راح يبقى وشنو اللي ينشال؟؟؟
علما اني لحد الان لم استلم موعد السفر بس الكفيل وقع اوراقي ودزلي كوبي والمنظمة هي الاي ار سي
مشكورة اختي العزيزة على طيبج وكرمج وبارك الله فيك

17

الهجرة و واللاجئين / رد: باركولي باركولي يبدو ان نهاية العسر بدت تنتهي وشهر السادس حقيقة مو خيال

« في: 22:45 06/06/2011  »

والله اليوم هذا احلى خبر سمعته
صدك صدك فرحتلك من كل قلبي
ان شاء الله موعد قريب ورحلة سعيدة
ومن تصل مو تنسانه!!!!

18

الهجرة و واللاجئين / رد: اي شخص موجود بهيوستن او رح يجي لهيوستن اني حاضر لا اي مساعدة

« في: 22:43 06/06/2011  »

بارك الله بيك يااخية الشهم العراقي الاصيل
والله هاي شيمتكم يالعراقيين وهاي المرجية منكم
ربي يوفقك
تحياتي
اختك معمارية

19

الهجرة و واللاجئين / رد: الى كل من يهمه الامر بالمجئ الى اريزونا توسان

« في: 03:44 06/06/2011  »

عفية ترة اني حييييل مصدومة

لا تنصدمين لان اكو ناس تحب توسان , وبعدين فينيكس حلوة , هم حارة بس ارحم من توسان. انتي وين كفيلج ؟؟؟

اني كفيلي بفينكس
لا وفوكاهه راضية بالهم والهم مراضي بيه

20

الهجرة و واللاجئين / رد: الى كل من يهمه الامر بالمجئ الى اريزونا توسان

« في: 03:33 06/06/2011  »

عفية ترة اني حييييل مصدومة

21

الهجرة و واللاجئين / رد: الى كل من يهمه الامر بالمجئ الى اريزونا توسان

« في: 21:47 05/06/2011  »

شنو الولايات اللي تنصحين بيهه؟
مثلا تكساس افضل من اريزونا ؟؟؟

22

الهجرة و واللاجئين / رد: الى كل من يهمه الامر بالمجئ الى اريزونا توسان

« في: 21:45 05/06/2011  »

سلام عليكم فدوة
جزاكم الله خير لافادة الاعضاء
 انا المشكلة حددت الكفيل اللي هوه في اريزونا فينيكس
شنو نصيحتكم يعني فينكس هم تعبانة لو بيهه امل؟؟
 يعني اكدر ابقة بيهه فد 4 اشهر بعدين احول لو حتى 4 اشهر هواية؟؟
انا زوجى استاذ جامعي ممكن ان يجد عمل في جامعة فينكس او توسان ؟؟؟
وشكرا للاجابة عن استفساراتي وبارك الله فيكم

23

الهجرة و واللاجئين / رد: خوش بشائر!!!!

« في: 20:57 05/06/2011  »

اويلي عليج سارة... واني اكول البنية مكابلة المنتدى ليل ونهار وهيه بامريكا اصلا ليييييييييييييش!!!
بس صدك اذا عرف السبب بطل العجب
الله يصبرج داده ويفك ازمتج بأذن واحد احد

24

الهجرة و واللاجئين / رد: جمعية بشائر الخير /// لأخبار السفر الجديدة التي سوف تبدء من شهر ال6 /// بغداد وجميع الدول

« في: 23:25 04/06/2011  »

يوم 15/6/2011 ايضا اكو سفر

25

الهجرة و واللاجئين / رد: اي مساعده بخصوص اريزونا اني بالخدمة

« في: 23:20 04/06/2011  »

كلامك ذهب ياخي وانا معاك في كل اللي كلته

26

الهجرة و واللاجئين / رد: اي مساعده بخصوص اريزونا اني بالخدمة

« في: 01:56 04/06/2011  »

السلام عليكم
في البداية اود ان اشكر الاخت ميادة على المعلومات اللي زودتنا بيهه والحقيقة انا اتفق وياهه ان الانسان اذا كانت وجهة نظرة متفائلة فهذا راح يسهل عليه الامور و تنعكس بالتالي على حياته
واتمنى من الاخوة اللي كانت لهم فرصة الذهاب الى ولاية اريزونا ان يشركونا في ارائهم القيمة عن هذه الولاية
وتحياتي للجميع

بالرغم من ان الموضوع مطروح منذ زمن  بس الحقيقة الموضوع قيم ويستحق ان يستمر

27

الهجرة و واللاجئين / رد: أحد اسباب تأخر الأمنية

« في: 13:22 03/06/2011  »

الشكر لله ياأخي الرجل الصابر
ولتشيل هم القرض لان حسب ماسالنه انه التسديد يكون مبلغ كلش قليل وانت تقرر مقداره حتى لو يكون 20 او 25 دولار شهريا مثلا طبعا بعد مرور 3 اشهر أو اكثر ماتذكر بالضبط
 او اذا عندك امكانية تدفعه كامل بس هوه ماعليه اي فوائد فالواحد ليش يضغط نفسه؟
وتقبل مروري
وتحياتي

28

الهجرة و واللاجئين / رد: التجييك الأمني قبل السفرهوة((تجييك بصمةالأصابع)).

« في: 16:04 02/06/2011  »

اويلييييييييييييي عليه اني يمكن من جماعة الحظ العااااثر لعد
لان صارلي شهر من كالولي موعد السفر بعديين اجلوني وكالوا على تجييك ماقبل السفر
ولحد هسه ماكو شي

29

الهجرة و واللاجئين / رد: الي يحس ناسين ملفه او ضايع ملفه او او او ...الحل موجود

« في: 15:46 02/06/2011  »

السلام عليكم اخوتي واخواتي
 انا سبق واتصلوا بي وحددولي موعد للسفر بس رجعوا ورة كم يوم كالوا احنه غلطنة وبعد ملفكم عليه تجييك ماقبل السفر ويومية نخابر ويكولون بعد صارلشهر اواكثر حتى رحنه للسفارة الامريكية وكالولنه احنه راح نخاطبهم ونرجعلكم خبر وهمين لاحس ولاخبر من السفارة
وهسه اني بحيرة يعني ادز ايميل لو اظل على التلفونات
انصحوني
اختكم المعمارية

30

الهجرة و واللاجئين / رد: اخبار جديده من عمان

« في: 23:13 01/06/2011  »

يالله .. ياقريب الفرج

31

الهجرة و واللاجئين / رد: الي يحس ناسين ملفه او ضايع ملفه او او او ...الحل موجود

« في: 23:10 01/06/2011  »

رحم الله والدييك اخونا العزيز
اتمنى من الاخوان اللي ارسلوا ايميل على هذا العنوان واجاهم اي رد ان يخبرونه انهم حصلوا رد على الاقل حتى يستفااد الجميع
مع خالص تحياتي

32

مواضيع الحياة العامة في بلاد المهجر (امريكا) / رد: الى اعضاء الي بامريكا, الواصلين. بخصوص فت

« في: 22:45 01/06/2011  »

كنت افكر هل يستطيع الواحد ان يفتح معهد تدريب للحاسوب او غيره..
مثلا الان اكثر المشاريع المربحة هي في مجال التعليم او التدريب وكثير من الاشخاص يرغبون في ان يطوروا انفسهم خاصة في مجالات برامج الكومبيوتر
بس ماعرف كم تكون كلفة مثل هيج مشارييع ؟؟
مثل يبتدا بتاجير مكان ملائم بيت مثلا وشويه شويه يوسع لمن يجوون متدربين اكثر
او يبدا بتدريب برنامج واحد وبعدهه يبدأ بزيادة البرامج مثل برامج الاوتوكاد والفوتوشوب والثريدي ماكس وغيرهه من البرامج

33

الهجرة و واللاجئين / رد: أحد اسباب تأخر الأمنية

« في: 22:07 01/06/2011  »

سلام عليكم الرجل الصابر
خوان اذا واحد يكدر يجاوبني
شكد قيمة القرض للفرد الواحد من اي او ام بغداد؟
و شكرا

قيمة القرض حسب ماكالولنه في المحاضر التثقيفية هوه موحد لجميع اللاجئين وهو تقريبا 1050 دولار على مااذكر واو اكثر شويةكم دولار
وهمه ميتاثرون بصعود التكت او نزولهه لان لهم طبعا معاملات خاصة وخصومات خاصة
واحنه سالنه بوقتهه الشخص اللي كان يعطينه المحاضرة عن قيمة القرض يصعد بصعود اسعار التكتات لولا؟
فاجاب ب(لا) وقال هوه رقم تقريبا موحد للجميع من الشرق الاوسط
طبعا هذا كلام الشخص المسؤوول من اي او ام
وبعد مادري اذا تغير شي لان هذا الكلام قبل 8 اشهر

34

الهجرة و واللاجئين / رد: أحد اسباب تأخر الأمنية

« في: 22:00 01/06/2011  »

الشخص دا يكول ان الخبر  من مصدر موثوق سامعة من امريكية تشتغل بمنظمة تابعة لوزارة الامن القومي وحتى كال ان سبب التوقف اللي كان هو اصدار نظام التجييكات الأمنية الجديد والله واعلم اني حبيت اتأكد ان انتوا سامعين بهذا الشيء لو لا

اختي العزيزة انا سمعت وقريت عن نفس الموضوع اللي تكلمتي عنه وفعلا اكد من قبل كثير من الاعضاء هنا في عنكاوا وفي المواقع الاخرى واذا بحثت في الارشيف راح تلكين انه بعض الاعضاء جابوا لنك يتعلق بتاكيد هذا الخبر
واحنه كذلك سالنا المنظمة واكدوا هذا الخبر

35

الهجرة و واللاجئين / رد: بخصوص الكفيل

« في: 21:41 01/06/2011  »

اختي اي تغيير باي خطوة من خطوات الملف راح تاخر ملفج من 2شهر الى 3 اشهر حسب الحالة
لانه اكو احتمال انهم محدديلج الولاية ومن تبعثيلهم اسم الكفيل راح تكون ولايته غير الولاية اللي همه مختاريهه
لان الموافقة الامنية مثل ماشرحولنياهه بالدورة التثقيفية هي عبارة عن 8 موافقات تمشي مع بعض ومو شرط حصول وحده قبل الاخرى يعني مثلا موافقة الولايه قد تكون مستحصله منذ البداية او قدتكون ماشية قي احد مراحلهه او تكون اخر خطوة يعني( متنحزر)
طبعا هذا شي مختلف من ملف الى اخر.. لان مثل ماكالوا الاخوان ان شغلهم غير معلووم بالمرة
فنصيحتي الج انه متنطيهم عنوان كفيل في هذه المرحلة الا بعد ان تتاكديين انهم لم يختاروا ولايه ولحد الان وطبعا هذا شي موسهل لانهم مينطوون اي معلومة

36

الهجرة و واللاجئين / رد: قصة الفورث اوف جولاي

« في: 21:39 31/05/2011  »

واوووووو.... والله شوقتوني اوصل امريكا قبل جولاي ههه

37

الهجرة و واللاجئين / رد: موافقه امنيه

« في: 15:21 30/05/2011  »

البعض الى ان يوصل الى جدول السفر مهمه كلما يسالون يكولولهم عليك امنية مثل ماصار ويايه
والبعض الاخر مثل ماصار ويه جماعه نعرفهم انه اتصلوا بيهم وحددولهم موعد سفر ولمن رجع ورة يوم يريد يتاكد من الموعد كالوله بعد عليك امنيه كللهم يمعودين على بختكم البارحه خابرتوني وانطيتوني موعد سفر شنو عليه امنيه؟؟؟هههههههه

38

الهجرة و واللاجئين / رد: قصة الفورث اوف جولاي

« في: 15:17 30/05/2011  »

بس هوه شنو اللي راح يصير بالفورث اوف جولاي؟؟؟
هسه تكولون هاي من العصر الحجري بس ميخالف جاوبوني

39

اجتماعيات (ترحيب، تهاني و تعازي منتدى الهجرة) / رد: وصلت امريكا والحمد لله والشكر

« في: 15:00 30/05/2011  »

الف مبروووووك الوصول والحمد لله على السلامة اخونا العزيز

40

عالم المطبخ / رد: انواع القدور الضروريه لربة المنزل

« في: 14:39 30/05/2011  »

موضوع رائع اخت نجمات عاشت ايدج
بس كان عندي سؤال قدورنا اللي نستعملها في الطبخ في الدول العربية والعراق المسماة (الفافون)تنضوي تحت اي من المسميات اعلاه؟؟
ولك جزيل الشكر

41

الهجرة و واللاجئين / رد: ولاية اريزونا ممكن المشاركة

« في: 00:42 29/05/2011  »

عاشت ايدج ام مهند على هذا السؤال لان اني ردت اسال عن نفس هذه الولاية
وتسلمين اخت انجي واخت ريم على المعلومات والروابط المفيدة

42

الهجرة و واللاجئين / رد: كم مسافر يسافر باليوم على الاي او ام قبل لا يصير تقليل بالسفر ؟؟وحاليا كم؟؟

« في: 11:02 27/05/2011  »

الاخ فاعل خير والاخ فانتوم
شكرنا العميق لكم لما قدمتموه لنا
تحياتي

43

الهجرة و واللاجئين / رد: جمعية البشائر لأخبار السفر الجديدة التي تبدء من شهر ال5 للكيسات من2009ولغاية2011/ بغداد وجميع ال

« في: 14:51 23/05/2011  »

اليوم الفجر سافر احد اعضاء المنتدى يوصل بالسلامه
لكم هوه مو من المؤجليين بلغوا بموعد السفر اية شهر 5 والتزموا وياه بالموعد والان هوه طاير بالجو
وهو طلع من الامارات ومن جماعة اي او ام
يوم اللي النا

44

الهجرة و واللاجئين / رد: اي ولاية يمكن ان يحصل اللاجئ فيها على الك

« في: 21:11 21/05/2011  »

والله ياخويه يابو ابراهيم شفايتلي لو على siv جان مااحتار بس اني على iom ويحتاج سنه يله انقدم  وهسه اخواني واخواتي ديوضحون مشكورين انه بعد اقل شي 3 اشهر  بعد التقديم
 بس اللي معجبني انه عدنه اصدقاء في الولايات بدءو بأخذ بصماتهم بعد وصولهم ب10 شهور لغرض معاملة الكرين كارت
فشنو الموضوع مدافهم؟؟؟ يعني جماعة يكولون بعد سنه وجماعه اقل من سنه

45

الهجرة و واللاجئين / رد: اي ولاية يمكن ان يحصل اللاجئ فيها على الكرين كارد اسرع من غيرها (الرجاء الدخول للي محصل الكرين ك

« في: 18:24 20/05/2011  »

 اختي الرائعه انجي شكرا لسرعة الرد
لكن ارجو توضيح لماذا نسمع احيانا ان اللاجئ الفلاني حصل على الكرين كارد بسنه واحدة واخر بسنه ونصف مثلا واخر بسنه وشهرين
انا اعرف ان القانون في امريكا ينص على ان اللاجئ يحصل على الكرين كارد بعد سنه من وصوله لكن هناك تاخير في بعض الولايات
يعني انا كفيلي بعد 9 اشهر بدء بمعاملة الكرين كارد لكن مااستلمه فعليا الا بعد سنه و4 اشهر بينما لدينا اصدقاء في ولاية خرى استلم الكرين كارد بسنه وشهرين
انا طلبت من الاعضاء اللي استلموا الكرين كارد ان يكتبوا المدة واسم الولايه حتى يكون عندنا فد تصور او احصائية مبسطة يستطيع القارئ ان يستبين اي الولايات اللي اتطول فيها المعاملة او العكس

46

الهجرة و واللاجئين / اي ولاية يمكن ان يحصل اللاجئ فيها على الكرين كارد اسرع من غيرها (الرجاء الدخول للي محصل الكرين كارد)

« في: 18:03 20/05/2011  »

اخواني الاحباء السلام عليكم
 انا من جماعة ال iom والولاية اللي كفيلي فيها هي ولاية اريزونا كفيلي حصل على الكرين كارد بعد مرور سنه و4 اشهر تقريبا من وصوله اليها .
حبيت ان استفسر من اخواني اللي وصلوا امريكا وحصلوا الكرين كارد عن المدة اللي حصلوا فيها على الكرين كارد لان يبدو ان لكل ولاية مدة تختلف عن غيرها من الولايات .
فاي ولايه يستطيع اللاجئ ان يحصل على الكرين كارد بمده اقل من سنه او سنه تقريبا؟؟
وعندي سؤال اخر : هل ان اللاجئ اذا تنقل بين الولايات يبطئ حصوله على الكرين كارد
يعني مثلا اذا انا ذهبت الى اريزونا ثم حبيت بعد فترة 4 اشهر ان اغير ولايتي الى اخرى فهل هذا سوف ياخر المدة ام لا؟
قد يكون موضوعي مكرر واستفساري مجاب عليه في مكان اخر لكن الحقيقة بحثت ومحصلت اجابة
ارجوكم افيدوني وبارك الله بيكم

47

الهجرة و واللاجئين / رد: تحقيق حول التأخير الحالي ومعلومات جديدة عن خطط القبول للأشهر المقبلة

« في: 13:28 19/05/2011  »

ان شاء الله خير

48

الهجرة و واللاجئين / رد: جمعية البشائر لأخبار السفر الجديدة التي تبدء من شهر ال5 للكيسات من2009ولغاية2011/ بغداد وجميع ال

« في: 12:06 19/05/2011  »

اخ اميكريشن شتقصد بكلامك ممكن توضح؟؟

49

الهجرة و واللاجئين / رد: جمعية البشائر لأخبار السفر الجديدة التي تبدء من شهر ال5 للكيسات من2009ولغاية2011/ بغداد وجميع ال

« في: 11:16 19/05/2011  »

وين الله ويسهل امرنا كلنه ونسمع اخبار حلوة اخواني اني سامعه انه اللي يدعوا لاخيه في ظهر الغيب رب العالمين يستجيب للدعاء ويقول له ولك كذلك فاطلب من كل اعضاء جمعيتنه واللي مو اعضاء ان كل واحد يدعوا للاخر عسى الله ان يفرج عنه ويفك كربتنه ويسهل علينه واني اول وحده ادعوا لكاتب الموضوع ولكل اللي ردوا عليه في هذه الصفحه ان يسهل عليهم ويسمعون اخبار تفرحهم اليوم وينطوهم موعد سفر قريب باذن الله كولوا امييييييييييييييييييييييييييييييييييييين

50

الهجرة و واللاجئين / رد: هل لشهادة التخرج أهمية في أمريكا ؟

« في: 11:10 19/05/2011  »

رحم الله والديك اخي العزيز بس اني من جماعة iom ولحد الان ممسافر دانتظر موعد سفر وتاخروا عليه بالرد بعد ان اعطوني موعد ولغوه بعد كم يوم  بس بالصدفه شفت هذا الموقع وردت اجيك حالتي الى اين  واصله لان دوخوني كل مرة يكولولي عذر عن سبب الغاء الموعد بس ماعرفت منين اجيب الارقام واتصلت بالموظفة في اليو ان وشافت الفايل مالتي وكالت مااعرف بس راح اردلك كل الاقام اللي موجودة بس ولا واحد ضبط مع الاسف فهل هذا معناه انه الموقع مخصص لحالات ال siv فقط
والك جزيل الشكر اخي

51

الهجرة و واللاجئين / رد: هل لشهادة التخرج أهمية في أمريكا ؟

« في: 22:34 18/05/2011  »

اخوية بغدادي سؤال بلة زحمة عليك خارج نطاق موضوعك

انت اذا تدخل على الموقع مال تجييك الكيس مالتك هذا

https://egov.uscis.gov/cris/Dashboard.do

يطلعلك Oath Ceremony ؟؟ وأذا يطلعلك الأوث سيرموني هل طلعلك بعد استلام الفيزة ؟ لو قبلهة ؟

وألف شُكر

اخواني بدون زحمه واسف على المداخله بس ردت اعرف شنو ال ( receipt number) اللي يسال عنه في الموقع المذكور اعلاه هل يعني رقم الحاله الخاصة؟؟؟
لان اكثر من مرة سالت عنه الموظفه واعطتني مجموعة ارقام جربتهن بس مانفعت ولاوحدة وهن 14 رمز تبدي ب4 حروف وبعدين ارقام على ماظن
منو يعرف منين اجيب الارقام مالت الرسيب نمبر؟؟؟

والله أخي دخلت الرقم مال الوصل LIN**********
وهذه اللي طلعلي

On February *, 2010, we shipped this approved or re-affirmed case to the Department of State for visa processing. For more information, please contact them directly.

For approved applications/petitions, post-decision activity may include USCIS sending notification of the approved application/petition to the National Visa Center or the Department of State. For denied applications/petitions, post-decision activity may include the processing of an appeal and/or motions to reopen or reconsider and revocations.

مشكور حبيبي بغدادي وهذا يعني انو استمارة الـ I-360 مالهة دخل بلفيزة

52

الهجرة و واللاجئين / رد: ماهو التجييك الامني قبل السفر

« في: 22:06 18/05/2011  »

اخي Baguncero اللي يكدر يقدر الوكت او السقف الزمني للتجييك الامني ماقبل السفر هو واحد من اثنيين:
اما فتااااح فاااال ......... او .......قارئة الفنجان.

53

الهجرة و واللاجئين / رد: ماهو التجييك الامني قبل السفر

« في: 22:58 17/05/2011  »

عيني اني سالته ذاك اليوم الموظف كتله ليش هي تختلف عن الامنيه كال اي طبعا هاي امنيه جديده ضهرت هسه يعني احنه الامنيه مالتنه طالع ولي هي تسقط وره ست اشهر وعاد وره متسقط وره ست اشهر ايكلك هي امنيه ماقبل السفر طلعت ونعادت التجيك الامني يعني تره فعلا ميستحوووون

فعلا كلامك صحيح واعتقد انه هذا هوه اقرب تحليل وهوه اعادة الامنية بعد ان تسقط اي ورة 6 اشهر

54

الهجرة و واللاجئين / رد: جمعية البشائر لأخبار السفر الجديدة التي تبدء من شهر ال5 للكيسات من2009ولغاية2011/ بغداد وجميع ال

« في: 22:39 17/05/2011  »

ماعليك شر اخونه الساحر ان شاء الله باللي يردولك الشر
تكوم بالف سلامه وترجعلنه باخبار تفرحك وتفرحنه
امين يارب العالمين

55

الهجرة و واللاجئين / رد: هل لشهادة التخرج أهمية في أمريكا ؟

« في: 11:08 16/05/2011  »

بغدادي الجدارية هيه الشهادة اللي تتعلق على الحايط  مو صورة التخرج مشايفهه بالمسلسلات والافلام هههههههه

56

الهجرة و واللاجئين / رد: هل لمقتل بن لادن علاقه بتوقف السفر من الخليج؟؟؟

« في: 06:36 16/05/2011  »

اشكر اخواني واخواتي اللي ردوا على الموضووع بس اللي صار في البحرين مو اكثر من اللي ديصير ولحد الان في سوريا ومع هذا اسمع اكو رحلات من سوريا

57

الهجرة و واللاجئين / رد: ماهو التجييك الامني قبل السفر

« في: 17:25 15/05/2011  »

اخي لم استلم اي خط رحلة وكان بين التبليغ والغاء السفر 4 اياام

58

الهجرة و واللاجئين / رد: ماهو التجييك الامني قبل السفر

« في: 14:13 15/05/2011  »

اخي ORKAY انت من وين مقدم وقبل شكدبلغوك بالسفر وبعدين اجلوك؟؟
يعني هاي الحالات هوايه صايرة تتكرر بس بدون مانعرف شنو الاسباب
يعني شنو ينطوون الواحد موعد سفر وورة فترة يلغوه يعني احنه لعابات بايدهم يكولون يمنه يمنه لو يسره يسره
والله هاي الامور مخالفه لاي حق من حقوق البشر ومسمين نفسهم منظمه انسانيه وين الانسانيه بالموضوع؟

59

الهجرة و واللاجئين / رد: ماهو التجييك الامني قبل السفر

« في: 13:51 15/05/2011  »

واني هم يابو رزوقي خابروني اليوم وكالوا عليك تجيك امني قبل السفر بس احنه مخلصيين الدورة الثقافيه قبل 9 اشهر وانطونه موعد سفر على اساس 25/5 وورة كم يوم كالوا لا ماكو موعد سف
واليوم كالولنه عدكم تجييك امني قبل السفر
واني اضم صوتي لابو رزوقي واسال اللي يعرفون شنو هذا التجيييييك قبل السفر؟؟؟؟؟؟؟

60

الهجرة و واللاجئين / هل لمقتل بن لادن علاقه بتوقف السفر من الخليج؟؟؟

« في: 11:05 15/05/2011  »

السلام عليكم اخواني الكرام
سبق وان كتبت نفس الموضوع بس محد رد علي  وهسه اعيد اكتب نفس الموضوع
الموضوع هوه انه هنا احنه في البحرين اخر رحلةطلعت في شهر شباط الماضي
في بداية شهر 5 اتصلنه بشخص اسمه طارق من يو ان السعودية وسالناه على ملفنه تفاجئنه انه قال موعد سفركم يوم 25 /5 طبعا بدت رحلة التصفيات للاغراض وتركنا عملنه وبدينه نلملم اغراضنه ومنشوف الا طارق اتصل بينه ويكول اني اسف اكو غلط
وماكو موعد سفر .
طبعا ماسكتنه نتصل على يوان الاردن كالوا انه السفر متوقف من امريكا مو من عدنه
زين هوه اصلا محد طلع صار 3 اشهر شلون توقف هسه
من خلال تحليلنه الشخصي ووقت التبليغ استنتجنه انه التوقف احتمال يكون بسبب مقتل بن لادن
اذا  اي من اخواني في المنتدى يعرف معلومه ياريت يبلغنه
وبالنسبه لباقي دول الخليج اكو احد عنده موعد سفر ؟؟؟
املي بيكم اخوتي تخففون عني
وجزاكم الله خير

61

الهجرة و واللاجئين / رد: هل لشهادة التخرج أهمية في أمريكا ؟

« في: 10:27 15/05/2011  »

بغدادي... يعني انت درست وتعبت اربع سنيين... اتعبلك فد يوم يومين بعد .. واعصر على نفسك ليمونه ورووووح طلعهه من عيونهه هذا حقك وهيه غصبن ماعليهه تسويي واجبهه .
بس مع الاسف هيج صاير الموظف اذا يسويي واجبهه اللي يستلم عليه راتب عبالك مسويلك فضل.
 والله يوفقك ويسهل امرك

62

الهجرة و واللاجئين / رد: يبووووووووووووووه كولولي شاسوي مو تسودنت من اليوان

« في: 07:14 15/05/2011  »

خاله مظلومه ... روحي لاستراليا وخطيتج بهالركبه تسواهه لامريكا ميت مرة  والجنسية تطلعلج ب3 سنوات مو خمسه مثل امريكا والمساعدااات لووووووووووووز

63

الهجرة و واللاجئين / رد: انشالله فرجت ياصابرين...

« في: 23:12 14/05/2011  »

قبل مااسمعهه اندعيللك ولكل المنتظريين الفرج الله يفرج علينه وعليكم بحق محمد

64

الهجرة و واللاجئين / رد: انشالله فرجت ياصابرين...

« في: 22:32 14/05/2011  »

والله ياخويه فرحت بهالخبر بعد انتكاسه لاصايرة ولادايرة
احنه اتصلوا بينه وبلغونه موعد سفر يوم 25بشهر 5 من بدايه هالشهر وورة اربع ايام خابرون وكالوا اتوقف السفر  احد يصدك هالشي بالله؟؟
وهسه حاطيين ايدنه على خدنه ويوميه نتصل ويكولون ماكو شي جديد

65

استراحة المنتديات / رد: الجذب المصفط احسن من الصدك المخربط

« في: 22:02 14/05/2011  »

شكرا عبورة على المرور

66

مواضيع بعد السفر / رد: طريقه حلوه لتعلم اللغه الانكليزيه لاعضاء المنتدى الي جايين لامريكا سجل حضورك بكلمتين فقط

« في: 02:03 14/05/2011  »

صرااااااااااحه .... انتوا مبدعيييييييييييين
والموضوع اكثر من رائع ونرجو التثبيت
بارك الله فيكم اخوتي الكرام وننتظر منكم المزيييد

67

الهجرة و واللاجئين / رد: خابرووووني واخيرأ بعد انتظار قاتل ( من عمان )

« في: 12:16 12/05/2011  »

السلام عليكم اخي الكريم
بس حبيت اسال اذا انت مخلص كلشي وحتى الفحص الطبي والدورة التثقيفيه ليش يسولك اعادة تحليييف؟؟؟
اني سامع يسوون اعادة للفحص الطبي اذا يمر اكثر من ستة اشهر بس اعادة التحلييف ليش؟

68

مواضيع بعد السفر / رد: القلاقيل الي تاخذهه و الي متاخذهه وياك من تسافر

« في: 23:07 03/05/2011  »

اخواني الكرام :
اني عندي راوتر انترنيت اسمه tilgin AB
هذا يشتغل بامريكا يعني يفيد اذا ناخذه ويانه لولا
وقريت باحد المشاركات انه اكو كيبل نكدر نشتري يتوصل بين اللابتوب والتلفزيون حتى يشغل القنوات الفضائية العربيه فشنو هذا الكيبل يعني شنكول لابو المحل حتى يعرفه وهل هوه فعلا يغنينه عن الاشتراك للستلايت
ارجوكم افيدوني لان ماعندي خبرة بامور الاتصالات
ودمتم بخير

69

استراحة المنتديات / رد: الجذب المصفط احسن من الصدك المخربط

« في: 11:24 25/04/2011  »

انجي ... اني حاضر لتاليف اي قصة يعني(لجوووء, هجرةةةة) واللازيمنو ... ههههههه

70

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة...المستشار بيتس

« في: 20:37 24/04/2011  »

عمي مشكوووور وماقصرت ... بس اذا هيه صافية دافية لا حس ولاخبر  والله حتى ايسنه بعد شنسال كل امالنا تبددت ولله الحمد
معنوياتنا كلللش هابطة اعذرونه

71

الرسومات واللوحات الفنية / رد: هذه الاخبار جعلت ضجة حقيقية في روما والفاتيكان انظروا وهي حقيقة

« في: 11:59 21/04/2011  »

الموضوع جدا مشوق .. بس لو اكو اسم المصدر حتى يكدر الاعضاء الدخول مباشرة عليه لان حجم الخط في الصورة بالكاد ينقري
وشكرا للنقل

72

استراحة المنتديات / الجذب المصفط احسن من الصدك المخربط

« في: 10:56 19/04/2011  »

كلكم إتعرفون الحرب العالميه الثانيه تقريبا بالـ (1935).. اني جان بوكتها
عمري 16 سنه ...
المهم گاعد بالبيت دا العب بلي ستيشن 2 .. دك الموبايل مالتي ( اي لا تتعجبون اني من ذاك الوكت عندي موبايل )
اي اكمللكم .. دك الموبايل .. جنت حاط نغمة هيفاء ( بوس الواوا )
شلته .. طلع ( رئيس الجمهوريه مال روسيا ) .. كلي وليدي اسفين
على الازعاج بس الوضعيه حيل عاويه .. والجيش نصه راح بالزلك .. ومحتاجيك حيل
اني صفنت .. اتذكرت ايام الطفوله .. من جنت العب دعابل بروسيا ويه ابن الوزير .. كتله والله عمو ابطن عيني .. هسه بس افول المولده بانزين وجيكم .. والله ترست المولده .. جيكت الدهن .. وخذت الباسكل مالتي ذبيته ( D )
قبطت سكليتر .. وين ..؟؟ على الخط السريع مال ( حله - رمادي )
ومناك كلت اخذ يمنه على روسيا .. والله نص ساعه اني بنص موسكو ..
بس شحجيلكم ..!! حاره كلش من البرد .. شغلت التبريد صعدت الجامات ..
والله سئلت وين بيت رئيس الجمهوريه ..؟؟ كلولي بقطاع 20 يم مرطبات
( علاوي جرثومه ) وصلت .. دكيت الباب طلع ابو خوشكوف ..
( ابن الرئيس الروسي اسمه خوشكوف لان مرته اوكرانيا ) ..
خطيه الرجال حالته جانت زفت .. حضني .. وكلي الله جابك .. كتله خير عمو ؟؟ كال هيج وهيج السالفه .. والالمان طبوا بينه كوول .. كتله عمو
صدك جذب .. اني موجود وهيج يصير !!!!
كتله اني رايح منا اليومين .. انشاء الله تسمع خير
طلعت رحت على ولد اعرفه بروسيا اسمه ( قاسم ) هاذا شقاوه مال بغداد
وجان صديقي الروح بالروح .. كتله قسومي هيج وهيج الفلم اريد اسلحه ..
كلي ادلل شتريد ..؟؟ كتله اريد 56 صاروخ ( ارض ارض ) ... و 34 صاروخ ( ارض – مي ) اقصد ( ارض جو ) ...... و 89 بي كي سي ..
و فد ( 29934 ) رمانه يدويه .. و ( 3788493 ) لغم منوع بين مضاد للبشر ومضاد للدبابات .. والله ماقصر الولد حطلياهن بالعلاكه .. وعدل وكبل للجبهه .. وين ؟؟ بالخطوط الاماميه .. ما جذب عليكم الوضعيه صدك
جانت داجه ( يعني تعبانه ) .. بس اني اخوكم خوما خاف ..!!!!! لا يابه لا
كتلهم للجنود انتو لمو اجويلاتكم ورجعوا لبيوتكم .. مالكم علاقه .. السالفه
صارت يمي ..!!
باوعت يمنه .. يسره .. شحجيلكم بلــ ( 8765189709 جندي الماني ) ..
وكل واحد راكب دبابه منفيست حديث .. بس اني اخوكم نصبت الصواريخ على جتفي وصحت .. اني الكم .. طبا ما طبا .. طاخ طاخ .. الزكه .. جيبه .. ودي .. الله .. اصلخه .. الطمه .... والله صفيتهم بقوا بس 7 جنود ودبابتين .. واني باقيلي رمانه وعلج ابو السهم .... اسويت اني ؟؟ لزكت العلج ابو السهم بالرمانه وشمرتها .. على الدبابه الزكت بيها .. وجان تنفجر .. بقت دبابه وحده ركضت عليها وبيدي قلم ابو النبالات
( لحد يكلي منين جبته القلم هوه اجه ) .. والله وبالقلم كطعت السرفه مالتها .. وكفت الدبابه .. كمزت على القماره .. فتحت ( لسلايد روف ) .. نزلتلهم بيدي على بوكس منا جلاق منا وجم كله .. اخذتهم اسرى ..!!
طبعا وره ما هيجي سويت اجه الرئيس الروسي وباسني من راسي وكلي ..
وليدي انته اقوه من اكرندايزر والله كتله .. لا عمو ماسويت شي اني ..
جان ينطيني هديه سيارة لاده بعدها ماماشيه بالجيس .. وشترولي بنطرون كتان اصلي .. وبوتين اديداس ابو العلامة ....
وراها رجعت للبيت .. وشغلت المولدة .. وكعدت اتفرج ( عدنان ولينا )

73

مواضيع الحياة العامة في بلاد المهجر (امريكا) / رد: نفوق الاسماك في كلفورنيا بعد التسونامي

« في: 00:58 05/04/2011  »

السلام عليكم اخوتي واخواتي الكرام
وصلني ايميل يحذر من خطر التعرض لماء المطر في هذه الايام خصوصا اذا كانت السحب سوداء لانه سيكون محملا بمواد مشعه بسبب انفجار المفاعلات النووية في اليابان لذا يجب الحذر والحماية من ماء المطر حيث انه يسبب سرطان الجلد لا سامح الله
والسلامة للجميع
اللهم اني بلغت اللهم فاشهد

74

مواضيع الحياة العامة في بلاد المهجر (امريكا) / نفوق الاسماك في كلفورنيا بعد التسونامي

« في: 12:19 04/04/2011  »

نفوق الاسماك في كلفورنيا بعد التسونامي  الذي ضرب اليابان
اخواننا اللي في كالفورنيا صحيح الخبر؟؟؟؟

75

استراحة المنتديات / رد: مقلب يخرب ضحككك (كاميرا خفية) لا يفوتكم..

« في: 00:16 04/04/2011  »

شكرا للجميع على التشجيييع
هاي اول مشاركة لي في الاستراحه

76

منتدى عالم الابراج / رد: ღ♥ღ قراءة الكف ღ♥ღ

« في: 22:34 02/04/2011  »

يسلمو على الموضوع لكن ينقصه الصور

77

منتدى عالم الابراج / رد: السبت 02 نيسان 2011

« في: 22:10 02/04/2011  »

ما أدري اذا اللابراج في هذا المنتدى مجرد نقل من موقع او انه يوجد خبير في الابراج ياريت الاداريين يوضحولي هذا الشي لان بصراحة كثير منا عنده اسئله تتعلق بيوم الولادة والبرج وغيرها ونحب نسال شخص مختص فاذا اكو هيك امكانية نكون ممنونييييييين.
وطبعا الف شكر للمجهود الرائع من قبل نجمات وكل من يشارك

78

استراحة المنتديات / رد: مقلب يخرب ضحككك (كاميرا خفية) لا يفوتكم..

« في: 11:44 31/03/2011  »

شكرا على المرور

79

استراحة المنتديات / مقلب يخرب ضحككك (كاميرا خفية) لا يفوتكم..

« في: 11:54 29/03/2011  »

http://www.youtube.com/watch?v=wirfsTRPdOU&feature=player_embedded

شوفوا هذا المقلب ..... بصراحة لو صاير وياية جان صارت بيه سكته هههههه

80

الهجرة و واللاجئين / رد: بحرين تازه جديد

« في: 11:45 26/03/2011  »

السلام عليكم
بس ردت اضيف معلومة يمكن هواية منكم ميعرفوهه انه اللي يحصل الجواز البحريني لازم تتكنسل جنسيته العراقيه وتصادر جميع امواله وممتلكاته بالعراق لان البحرين متقبل ازدواج الجنسية (يعني  اي جنسية تتكنسل حتى لو عنده جنسية امركية او استراليه او  او  او.......
والجواز البحريني اذا يمنح لشخص فطبعا وفق مواصفات خاصة اهمها يكون سني وثانيا يكون صاحب شهادة عليا دكتوراه على الاقل ومع هذا ومتحصل مثل ماشفت اني كدامي وجربت... ويكون صارله اقل شي 10 سنوات( احيانا يتغاضون عن هذه النقطة) "اذا الواسطة قوووييييييييية" بين قوسيين اهم شي هو فيتاميييين "واوووووووو"
بس هاي  سابقا يعني قبل الاحداث الاخيرة اما الان فالله العالم شراح يصيييييير.

81

الهجرة و واللاجئين / رد: ايميل من iom

« في: 21:47 25/03/2011  »

اخوية اخذهه نصيحة من مجرب لتخليهه اباللك تره تتعب , وانساهه تجييك بسرررعه... والله الموفق

82

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة...المستشار بيتس

« في: 23:11 23/03/2011  »

مشكووووووووور اخي العزيز بيتس على كل الجهود واكون جدا جدا شاكرة اذا استفسرتلي عن البنوك مثل ماوعدتني ويعطيك الف عافية

83

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة...المستشار بيتس

« في: 00:21 22/03/2011  »

الاخ الطيب بيتس واني نفس سؤال ام راما حول كيفية تحويل فلوس الى امريكا لكن من الخليج ؟  فمثلا يوجد هنا بنوك عالمية مثل ستاندر تشارتر و اس اج بي سي فاذا الواحد يفتح بيهه حساب يكدر يسحب من امريكا لو لا واذا يكدر هل تحسب عليه فائدة؟؟ واذا تعرف طريقة اخرى ياريت تخبرنا بيها ؟

84

الهجرة و واللاجئين / رد: تساؤل الى الاخت انجي المحترمة

« في: 21:30 19/03/2011  »

السلام عليكم
الاخت الرائعة انجي
واني هم عندي سؤال :
شلون اكدر اكتب موضوع في المنتدى؟  لان كلما ابحث عن مكان او ويندو للكتابة لا يفلح بحثي ولا استطيع الا ان اكتب ردود لموضوع مطروح مسبقا فهل المنتدى يسمح لبعض الاعضاء فقط بكتابة المواضيع ؟
وشكرا لكل مشاركاتك ومواضيعك الاكثر من رائعة

85

مواضيع الحياة العامة في بلاد المهجر (امريكا) / رد: سوال عن الجامعات بامريكا والمساعدات

« في: 08:51 12/03/2011  »

مشكور اخوية العزيز  وكل اللي شاركوا بالرد والله يسهل امركم

86

المقالات والبحوث العلمية / رد: اضحك 10 دقائق تفقد وزنك

« في: 14:51 10/03/2011  »

احلى موضوع قريته لحد الان
 بارك الله فيك

87

المقالات والبحوث العلمية / رد: الموز يخلص الماء من السموم

« في: 14:41 10/03/2011  »

تبارك الله ماخلق شئ الا وفيه فوائد
منا وهيج ريوكي وغدائي وعشائي موووز ههههه
بارك الله فيك اخي لنقل الموضوع

88

الهجرة و واللاجئين / رد: التجييك الامني

« في: 12:49 10/03/2011  »

صارت كلمة عليك تجييك امني هي حجة يكولوهه لليسال عن حالته وليش متاخر وليش جماعته طلعوا وهوه بعده يعني مجرد حجة ؟؟؟

89

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة...المستشار بيتس

« في: 10:40 08/03/2011  »

السلام عليكم :
سمعت خبر وحبيت اتاكد منه فاذا اكو احد يعرف ياريت يجاوبني؟؟
هل صحيح انه اذا الواحد يشتري بيت في كندا ممكن انه يحصل علة الجنسية الكندية خلال سنتين؟؟؟
وكم اسعار البيوت في كندا؟؟

90

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة...المستشار بيتس

« في: 22:34 06/03/2011  »

الاخ ابن زيونة تحياتي
الحقيقة همه كانوا مشوشين جدا لان قبل السفر كالولهم ولايتكم هي واشنطن فعبالهم واشنطن اللي بالغرب ولمن وصلوا تفاجؤ بانها واشنطن دي سي وطولوا بالطريق يومين ونصف لانهم طالعين من الخليج عن طريق المانيا وبعدين شيكاغو وبعدين واشنطن دي سي وبعدين بالسيارة الى ماريلاند وتركوهم يومين حتى يرتاحون وماكان الا واحد صيني من المنظمة استقبلهم  لكن بعد يومين اجاهم شخص من المنظمة وطلعوا السوشيال سكيورتي وعلمهم على بعض الامور وعملوا تلقيحات اولادهم وبدؤوا بتسجيل اولادهم بالمدارس والحمد لله كلشي تمام  الان.

91

مواضيع الحياة العامة في بلاد المهجر (امريكا) / رد: الحمد لله حصلت شغل

« في: 16:02 06/03/2011  »

الف مبروك للاخ ابو دعاء والله هاي لان انت انسان طيب ومثل مامسمس نفسك بسيط رب العالمين نطاك على كد نيتك وبعد بارك اللهه بيك انك مانسيت اهلك واخوانك وتبرعت بمساعدة اللي محتاج مساعدة فان شاء الله يزيدك من نعيمه ويبارك بجهدك

92

مواضيع الحياة العامة في بلاد المهجر (امريكا) / رد: سوال عن الجامعات بامريكا والمساعدات

« في: 15:54 06/03/2011  »

اخويه العزيز الله يسهللهه عليك ان شاء الله غمض فتح  راح الهواية مثل مانكول مابقه الا القليل ان شاء الله تتوفق والله ييسر عليك
بس ردت اسال يعني تقصد انه بس يعطى للي يريد يدرس البكالوريوس لو حتى بالنسبة للدراسات العليا؟
بلله ننتظر سنه اذا هيج
بس اعتقد انه اكو مساعدة بطريق غير يعني انه يوفرون وظيفه كبارت تايم للطالب حتى يساعدوه في ان يدفع المصاريف؟

93

مواضيع الحياة العامة في بلاد المهجر (امريكا) / رد: سوال عن الجامعات بامريكا والمساعدات

« في: 00:33 06/03/2011  »

بس شنو الفايننشيل ايد ؟ تدري اختك بعدهه غشيمة بهاي الشغلات يعني سمعت بالسوشيال سكيوررتي بس

94

مواضيع الحياة العامة في بلاد المهجر (امريكا) / رد: سوال عن الجامعات بامريكا والمساعدات

« في: 20:02 04/03/2011  »

الاخ العزيز bondy بصراحة من قريت موضوعك تاملت خير في ان الكه احد يشرحلي بعض الاسئلة
اني طالبة ماجستير هندسة معمارية دادرس بالبحرين حاليا واخذت 9 مواد من اصل 12 يعني 27 ساعة يعني تقريبا باقيلي بس الاطروحة والدراسة هنا هواية غالية والادهى انه احتمال خارج البحرين ميعترفون بيهه فقررت ان اوقف الدراسة واكملها اذا الله سهل لمن اوصل لامريكا خصوصا وانهم كالوا انه خلال هذه السنة ان شاء الله تكونين هناك. والمفروض اروح ولاية اريزونا, المهم ردت اعرف هل اكدر اكمل بجامعة اريزونا لو راح يخلوني اعيد لو اكو نظام معادلة وشكم ساعه يعادلون و وشنو الامتحانات المطلوبة طبعا عدا التوفل. اسفة راح ادوخك باسئلتي بس اني متاكدة انك او اي احد بالمنتدى مراح تبخلون علي باءي معلومة تعرفوها . ولك مني الشكر مقدما

95

الهجرة و واللاجئين / رد: سبب تاجيل الرحلات/ مهم جدا

« في: 19:33 04/03/2011  »

مثل مايكول المثل " تعددت الاسباب والموت واحد " سواء كان بسبب الفساد او بسبب التشديدات الامنية فالنتيجة وحدة بس المشكلة انه ليش جماعة تسافر وجماعة لا؟  مع العلم ان  بعض اللي سافروا كانوا من اخر اللي قدموا ؟؟؟؟؟ والله عجييييب.....

96

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعد

« في: 23:17 03/03/2011  »

حضرة الاخ العزيز peets
شكرا جزيلا للرد السريع وان شاء الله تفيدهم هذه المعلومة وبالمناسبة انا مجرد وسيطة بينك وبينهم

97

مواضيع الحياة العامة في بلاد المهجر (امريكا) / رد: تجمع الخبرات والتخصصات العراقية

« في: 20:37 02/03/2011  »

السلام عليكم:
تحية طيبة وبعد .....احيي كل الشخصيات والخبرات الرائعة ويسرني ان اضيف اسمي معاكم وتخصصي هو الهندسة المعمارية ومتخصصة في برامج الرسم الهندسي على الكومبيوتر  Auto Cad & Photoshop كنت استاذة في جامعة بغداد عندما كنت في العراق والان انا في الخليج وان شاء اللة قريبا في امريكا ولاية اريزونا بتسهيل من الله عز وجل
وانا جاهزة لاي خدمة تطلب مني وخصوصا اذا واحد عنده مشروع ويريد يسويلة ديكور داخلي او ترميمات او اي تصميم لاي مشروع.

98

مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة...المستشار بيتس

« في: 19:16 02/03/2011  »

طلب مساعدة لعائلة عراقية في واشنطن دي سي سلفر سبرنغ
]السلام عليكم تحية طيبة...
عائلة عراقية وصلت قبل يومين الى واشنطن دي سي عن طريق منظمة اليو ان وخلوهم بشقة وتركوهم وهم محتارين لانهم لايتكلمون الاكليزية بصورة جيدة, الرجاء الرجاء لمن يستطيع مساعدتهم من حيث ان يعرفهم على المنطقه وبعض الامور المهمة  مثل ماتعرفون اول ايام تكون صعبة خصوصا اذا الواحد ميعرف احد ولا يتكلم الانكليزية بطلاقه , هم في واشنطن دي سي في سلفر سبرنغ
ورحمة الله لوالديكم على اي مساعدة
التواصل عن طريق المنتدى لعدم وجود هاتف لحد الان
وشكرا لكم