مواضيع

1

الهجرة و واللاجئين / ارجو مساعدتي مشكله في موقع جوردن لاني غيرت الباسوورد 3 مرات

« في: 19:42 28/03/2014  »

تحيه طيبه اخوان
ياريت الي عنده خبره يساعدني واني اخوكم ماعندي احد اسأله ودائما ماتقصرون
مشكلتي اني غيرت الباسوورد مال موقع جوردن الي اشوف الحاله مال الملف مالتي من عنده وهسه مدا يفتح واسوي فور كيت باسوورد تجيني رساله للايميل اسوي باسوورد جديد يصفن ما يصير يكولي انتهت صلاحيه كلمه السر وما اعرف شنو اسوي الي يكدر يساعدني لا يقصر

2

الهجرة و واللاجئين / اتاكدت انو اليلبس ال iom تمشي اموره

« في: 22:34 17/03/2014  »

مساء / صباح الخير
والله اتاكدت انو اليلبس ال iom بغداد وينسي شغله السفر اموره تمشي والدليل على كلامي اني مقدم من 2008 وملفي iz- 111  شوفو شكد قديم جماعتي كلها طلعت الي قدمتلهم بيدي طلعو واخذو كرين كارت واني اراوح بمكاني وكل يوم ايميل واتصال واتوسل واريد واعالج محد معبرني والله انتظر المحلف لحد الان خالك تعليق المحلف الي ينطي قراره ب 60 يوم المفروض ظل معلقني تدرون شكد ولاتنصدمون 3 سنين والفحص صار اكسباير يمكن سنتين او اكثر وعفت شغله السفر ولغيتها من حياتي ونسيتها اصلا وكلت هاي هيه كلشي قسمه وجماعتي كامو يخافون يكولولي راسلهم لان الي يكولي هاي الحجايه انفجر بي وكرهت شي اسمه امريكا وكرهت حتى روحي واتزوجت واجاني طفل وانطيت فلوس واتعينت وتالي اليوم العينتين اتخابرني اتكولي ( يا استاز بدنا انئلك انو اجت الموافقه تبع المحلف وانت هلئ مستني التجييك الامني ) بله هاي شتخليلها واتطيب والله ردت اكلها انتي منو خوما شي رقم غلط خاله واسده بس كتلها اي شكرا وسديته بله صايره دايره ؟؟؟؟ والسؤال هسه اذا المحلف اخذ 3 سنين يله وافق التجييك الامني شكد 15 سنه ؟ خير ان شاء الله ماظل شي راح اطير مو من بغداد من مستشفى ابن النفيس 

3

الهجرة و واللاجئين / سؤال بخصوص اول تقديم على برنامج siv

« في: 21:32 15/06/2013  »

السلام عليكم اخوان عندي سؤال حول اول ابلكيشن على تقديم ال siv وياريت الي يعرف ما يقصر ويايه
دزيت رساله الهم بيها قصه التهديد مكتوبه بخط ايدي بالعربي وباقي المعلومات بالعربي الاسم والعمر وباقي التفاصيل وردو عليه همه كالوا ماعدنا عربي ارسللنا انكليزي شنو قصدهم اكتب رساله التهديد بالانكليزي همين لو بس المعلومات ياريت الي مقدم على ال siv يذكرلي الخطوات بالتفصيل الملل علمود استفاد من خبرته وممنون من حضراتكم

4

الهجرة و واللاجئين / والله دمروني iom بغداد كيسي 111XXX ولحد هسه مقابله المحلف فعال

« في: 18:10 10/06/2013  »

والله دمروني ما ادري شسوي احول siv وابدي من جديد وتروح مني السنين من ال 2009 لحد هسه اني مقدم على الصخام iom بال 2009 وكيسي يبدي 111xxx  وكملت مقابله اولى ومحلف وفحص بال 2011 ولحد هسه ماكو نتيجه محلف بله بشرفكم مو جانت نتيجه المحلف ب 60 يوم اني صار سنتين ماكو  نتيجه المحلف من ادز مسجات واخابر يكولولي بعد المحلف ما اخذ قرار بيك ادري شدياخذ قرار هو لو اي لو لا وعلواه لو لا لان اخلص اعرف روحي انرفضت وارتاح مو معلك بالهوا ... شسوي فهموني ؟؟؟؟؟؟؟؟؟؟؟؟؟  الله يخليكم الي عنده اي معلومه يفيدني لو مسج ادزه الاحد علمود يسرع قضيتي يكولي وشتنصحوني احول على ال siv لو لا

5

الهجرة و واللاجئين / خلص صبري وياكم يا iom بغداد وراح ابدي siv فيدوني الله يخليكم

« في: 22:41 08/04/2013  »

السلام عليكم اخوان اني مقدم من ال 2009 iom بغداد وقابلت وفحصت وكله تأجيل لعبت نفسي بعد ما اطيق شي اسمه iom وكل الي جانو ويايه siv هسه بأمريكا فقررت اقدم على siv من جديد ابدي واريدكم تفيدوني الله يخليكم تره اخوكم واكع من السطح ومحد لاكيني لحد هسه اني دخلت عالموقع مال siv وسحبت الاستماره هسه سولفولي شسوي اترسها بيدي وادزها ؟ وبعدين كل واحد يعرف شي عن ال siv او يكدر يفيدني لا يقصر ويايه وشنو المراحل الي راح امشي بيها رجاءا الي يقرا الموضوع همين يسويلي رفع علمود الباقيين يقرو ويساعدوني وشكرا

6

الهجرة و واللاجئين / والله مليييت دلوني دربي بس لحد يكولي اصبر الخاطر الله

« في: 09:24 11/02/2013  »

السلام عليكم والله مليت من هالعيشة ومل الصبر مني كلما احجي يكولولي اصبر واصبر صارت عندي عقدة من هالكلمه فما اريد احد يكولياها كوليلي شسوي شنو الحل ؟ اني مقدم على iom العراق من 2009 ومقابل الاولى والفحص والمحلف بسنه 2011 تصدكون لحد هسه ماكو جواب المحلف والفحص اكسباير صار سنه ونص وملفي يبدي 111xxx  هاي مو حاله والله ..... اخابر اسأل عن حاله ملفي يكولون بس ايميلات ويسدو بوجهي وصار دزيت اكثر من خمسين ايميل ولا اي جواب يجي ربلي وخلص شسوي ؟ هسه اقدم siv  اهج بروحي واروح التركيا وين اولي اريد اعرف الطلعو احسن مني ؟ والله الخدمات الي قدمتها للقوات الامريكيه مو شويه وشفت تعب ورعب حقيقي مو قصص وهميه وتالي هذا حالي ملبوووووووووووووس 

7

الهجرة و واللاجئين / الله يخليكم جواب شكد تطول الحبايه قبل السفر

« في: 16:07 10/01/2013  »

السلام عليكم اخوان الله يخليكم عندي سؤال وهو شكد تطول الحبايه لان صديقي ما عنده نت وما يعرف اكو عين كاوه تجاوب الحيران عنده سفر بعد كم يوم وهو ابغداد وسفره من اربيل بس كالوله قبل يوم واحد من السفر يروح الظهر بالوحده الابن البيطار عالحبايه وثاني يوم لازم يطير من اربيل سؤالي ..........  لازم ياخذ الحبايه ؟ وشكد تطول الاجاراءات ؟؟؟؟؟؟؟؟؟

8

الهجرة و واللاجئين / استفسار من اهل الخبره ( كيفيه تحويل من iom الى siv )

« في: 18:13 03/09/2012  »

السلام عليكم اخوان
اني مقدم على ال iom من ال 2009 وصلت للمقابله الثانيه والفحص ووكفت معاملتي نامت عليها بلوكه كل جماعتي طلعت واني ظليت اراوح بمكاني علما اني iz.111XXX  والي اني قدمتلهم طلعو وراحو ...... سؤال شنو الاجراءات اذا احول على ال SIV اكمل مقابلاتي لو ابدي من جده وجديد وشنو القوانين مال SIV  ياريت من تبخلون عليه بالاجابات وشاكر تعاونكم

9

الهجرة و واللاجئين / كيفيه تقديم استأناف للمرفوضين iom بغداد

« في: 23:06 07/09/2011  »

السلام عليكم

اخوان حبيت استفسر الي عنده خبره بكيفيه تقديم الاستأناف بعد رفض المحلف يعني شلون اندز طلب والمن وشنو بالطلب نكتب ونرسله ايميل لو بريد الرجاء مساعدتكم ولاتبخلون علينا بأي معلومه والله يسهل امر الجميع وتسافرون بخير وسلامه

10

الهجرة و واللاجئين / الرجاء المساعده من الاخت انجي وكل الي عدهم خبره iom بغداد بجتني

« في: 01:03 07/09/2011  »

السلام عليكم اخواني وخواتي بهذا المنتدى الرائع
سؤالي هو اني جاييني قبول محلف بس انصدمنا اليوم انو والدي اجاه رفض من iom بغداد بعد 4 اشهر من الانتظار بعد مقابله المحلف
والكومه اسباب الله وحده يعلم انها ابد مالها اي صحه اني شنو مصيري ؟

يسفروني لو علمود اسباب ابويه ورفضه ما يسفروني وبسط شي يطلعولي مشكله بالامنيه

الرجاء اصحاب الخبره والي شايفين هيجي حاله يجاوبوني اخوكم حالته النفسه صفر للعلم صارلنا سنتين من مقدمين
اكو  ناس رفضو بيهم كيس  والكيس الثاني استمر عادي وسافرو ؟ للعلم اني وابويه اثنيناتنا عملنا مع القوات الامريكيه يعني اني مو بس عندي كيس لان عمري عابر 21  اني ايضا عامل وياهم بس قصدي يطلعون واحد كومه اسباب رفض الابو حتى كاتبين اضطهاد وهو بحياته ماظارب طلقه ....... الرجاء جاوبوني

11

الهجرة و واللاجئين / ارجو من ذوي الخبره بال iom الدخوووول رجاءاااا رجاءاااااااا

« في: 16:17 02/08/2011  »

السلام عليكم ورمضان كريم عليكم يعود عليكم بالصحه والعافيه والبركه وسلامي لكل الموجودين بهذا المنتدى الغالي علينا والي يمدنا بالتفائل والصبر من خلال مشاركاتكم ومساعداتكم النا بالمعلومات القيمه

اخوان عندي مشكله ارجو من الجميع يجاوبوني عليها الي صايره بي او الي سامع وعنده معلومه صحيحه
اني مقدم على iom بغداد نهايه 2009 وكملت الفحص والمقابله الاولى والثانيه مع هيئه المحلفين وره 90 يوم من مقابله المحلفين يعني اليوم اجاني الايميل المصيبه
الايميل
هو انو اكو اتاج فايل فتحته بي شغلتين الشغله الاولى كتاب دليل الحياة في امريكا والشغله الثانيه ورقه سكنر هم داخليياها وبيها رقم الكيس نمبر مالتي واسمي وجوه مربعين الاول مكتوب كدامه للتأجيل والثاني مكتوب other  اني اجاني اكس مو مطبوع لا اكس شخبطه قلم على المربع الاول
صديقي خابرته كلي اليوم همين اجا ايميل بس حاطيله صح بالمربع الاول
ليييش اني اكس وهو صح مع العلم اني ويا نفس نص الرساله بالضبط ونفس الاتاج مينت الفرق هو اني اكس بالمربع الاول وهو صح

الله يخليكم ساعدوني بالمعلومه الي تعرفوها وياريت الي صايره ويا هاي الحاله يجاوبني وشنو معناتها واني جداا ممنون منكم واسف للاطاله

12

الهجرة و واللاجئين / لا حس ولا نفس من المحلف iom بغداد

« في: 21:50 19/07/2011  »

السلام عليكم
شباب شنو الموضوع اني قابلت المقابله الثانيه قبل 68 يوم والموظف كال ما تطول اكثر من 60 يوم ولحد هسه ما اجاني الرد مال المحلف ودزيتلهم ايميل استفسر وهم ماكو شي اكو نفس حالتي لو بس اني ؟ ياريت تفيدوني بخبراتكم اخوكم دايخ والكاَبه فوووووووووووول

13

الهجرة و واللاجئين / سؤال مستعجل بخصوص الفحص الطبي بغداد يرجى الاجابه من ذوي الخبره

« في: 19:16 30/04/2011  »

اخوان اذا امكن سؤال بخصوص الفحص الطبي iom  بغداد 
احنا عائله 3 كيسات مقابلين مقابله اولى وحددولنا مقابله ثانيه بشهر الخامس بس قبل سبوع اجانه موعد فحص اتصل بينا الطبيب من ابن البيطار وذكر الكيسات مال اهلي واني كال ماكو رقم الكيس مالتك يعني بس اهلي بالفحص يصير هالشي ؟ مع العلم بالمقابلات اني وياهم اسمي الاولى قابلت وياهم والثانيه ايضا اسمي وياهم سؤالي هل يصير اهلي يفحصون واني بعدين ؟ والسؤال الثاني شياخذون اهلي وياهم مستمسكات للفحص وشيكولون بالمستشفى احنا جماعه ال iom ؟؟؟؟ الرجاء الرجاء مساعدتي بالاجابه وشكرا

14

سجل الزوار و باب الاقتراحات / اذا امكن تغيير اسمي من nohnnedrafid الى _ big show

« في: 11:58 15/02/2011  »

اذا امكن تغيير اسمي من nohnnedrafid الى _ big show

15

سجل الزوار و باب الاقتراحات / طلب تغيير اسم

« في: 15:56 10/02/2011  »

السلام عليكم جميعا

اذا امكن تغيير اسمي من nohnnedrafid الى _ big show

lمع شكري وتقديري وامتناني الشديد لأدارة المنتدى وكل العاملين على على تطويرها

16

الهجرة و واللاجئين / جماعة ال iom بغداد الي لحد هسة مامقابلين مقابله اولى

« في: 12:17 30/01/2011  »

السلام عليكم
تحيه طيبه للجميع ... اني من جماعة iom بغداد والي مقدم بشهر ال 11 سنه 2009 ورقم ال iz مالتي يبدي 111XXX اول شي بعثولي ايميل وحددو موعد مقابلتي الاولى بتاريخ  8 / 11 / 2010  وقبلها صار التفجيرات مال الكنيسه قبل مقابلتي بكم يوم واتصلوا بية من رقم اردني وخبروني ان تم تأجيل موعد المقابله الى اشعار اخر ودزيتلهم ايميلات وجان جوابهم كالعاده انو احنا حاليا ننتظر العمل وانتو موضوعين عالجدول مال المقابلات وباقرب وقت نتصل بيك او نخبرك .... والحد هاي اللحظه ماكو اي خبر منهم .. منو نفس حالتي ؟ خلي يشارك حتى نعرف شوكت راح يستأنفون المقابلات وهم واحد يساعد الثاني بالاسئله والاخبار. .. وانشاء الله الكل مسافر والله يسهل امر الجميع . [/color]