مواضيع

1

الهجرة و واللاجئين / مساعدة حبايب .. بخصوص الزواج من العراق

« في: 02:21 14/02/2015  »

السلام عليكم جميعا
اني تقريبا راح يصيرلي سنتين في امريكا وكرين كارد عندي والحمدلله الامور تمام
هسة رايد ارجع للعراق واتزوج حبيبتي
بس هواي امور محيرتني اولهة انو السفارة الامريكية ابغداد مغلقة هاي شلون هسة وثانيا اني اريد ازوج وارجع لامريكا ومنا اقدملهة شنو الي احتاج اسويه بالضبط . اتمنة الي عندة معلومة يساعدني بيهة

وشكرااا جزيلا

2

الهجرة و واللاجئين / سؤال اصدقائي ومحتاج اجابة ظرورية

« في: 00:19 05/11/2014  »

السلام عليكم
طبعا اني مقيم بهيوستن راح يصير سنتين وكلشي تمام والحمدلله, وهسة كل اهتمامي وتركيزي هو اجيب صديق عمري الي هو ابن خالي هنا
علساس يروح للاردن ويقدم UN بس سمعت انو باليو ان ميصير انت تختار الدولة الي تريدهة انت وحضك اكو هيج شي ??
واذا اكو هيج شي يصير يكلهم اني عندي كفيل بامريكا وكفيلة طبعا راح تكون عمتة لان هو ابن خالي مثل مذكرت لو ميصير ??
والي عندة غير حلول ياريت يشاركني بيهة واكون ممنون
سلامي لكم جميعا
اخوكم كريستيانو رونالدو
هيوستن-تكساس

3

مواضيع الحياة العامة في بلاد المهجر (امريكا) / بالصوووور -- حياتي ونجاحي في هيوووستن + صور للمدينة

« في: 14:01 04/10/2014  »

السلام عليكم طبعا كاعد اكلب بمواضيعي القديمة والساعات الطويلة الي جنت اكضيهة بهذا المنتى الرائع ودا اشوف بمواضيعي شلون جنت خايف من الرفض وابجي بس اريد مقابلة لو ابجي ع الامنية واضحك الحمدلله ع كال , كلهة صارت سوالف وانتو هم من تسافرون تشوفون مواضيعكم وتضحكون كثير من العراقيين ومنهم موجودين بالمنتدى يحاول ايسبب عندك احباط بخصوص الجية لامريكا , اني امريكا جانت حلم حياتي وراد يصير بية شي من الانتظار بس صار الي ردتة والحمدلله , ونهائياً متفاجئت بالوضع هنا كلشي جنت راسمة ابالي شفتة .. مرات اهل والدي يخابرونة يكلولنة متحسون بغربة نكلهم والله اذا طلعنة من هيوستن نحس غربة بعد احنة تكساسيين بابة هع

بعدين لكيت شغل اول مستلمت السوشل بشركة الكترونيات جنت فرحان هواي ورجعت كتبت بالمنتدى ناس علقتلي تكلي بابة انت فرحان تشتغل بهاي الشركة ذولي هسة يومية يخابروك ويكلولك ماكو شغل وهواااي حجي سلبي ومؤثر ع نفسيتك بس ضليت اني بفرحتي وضليت اشتغل بكد وتعب واني الحمدلله انكليزيتي قوية ورة 6 اشهر من الشغل كعامل عادي اعمل بكل انتظام واحترامي للسوبر فايزر وللكل اجة يوم مجنت متوقعة وحدة امريكية تشتغل بالادارة وية السوبر فايزر البوزشن مالتهة data entry وعدهة اتصال بالمندسين والسوبر فايزر وتكتب ايميلات بكل ماحدث بشكل يومي هاي الامريكية بطلت من الشغل ورة يومين صاحني السوبر فايزر ومدير الانتاج كعدنة وحجو وياية اني مأجة ابالي ابداً انو راح يكلولي ع مكان هاي البنية بدة يكلي (دانيالا) بطلت ونريد احد بمكانهة واحنة اختاريناك انت كلبي كام يدك 180 هههههههه كتلة اي اني اكدر اسوي الشغل ومو مشكلة كال بس نريدك تكتب essay يعني مقال حتة نشوف املاءك لان راح تحتاج تقرة ايميلات وتكتب ايميلات وترسلهن للمدير والمهندسين ولازم تكدر تعبر عن المشاكل التي تصير , اني جنت طالب جامعة فدارس قواعد انكليزي وعندي خلفية قوية طلب مني اكتب ع الشركة وشنسوي احنة بالضبط كتبت واستعملت كل قواعد السادس علمي الي دمرني سنتين بس طلعت فايدتة بأمريكة هم ورة تصحيح الورقة كلي تمام ممكن تقرالي هذا الايميل بسرعة قريتة وشرحتلة شنو معناه انقبلت بالشغلة وكلي هذا مكتبك وانشالله الزيادة بالراتب تحصل عليهة من شهر اللاخ جانت فرحتي خنفشارية كعدت ع مكتبي وصافن شلون انقلبت حياتي من جيت هنا مكتبي وسيارتي وكليتي وطلعات واصدقاء .. الخ وكل واحد يشوفني بهذا المكان يكلي معقولة ورة 6 اشهر من وصولك اخذت هيج شغلة (واني خلصت هسة سنة وشهرين) وكلة من فضل الله سبحانه وتعالى وهسة اني والسوبر فويزر وال ET وال IT و data entries بغرفة عمل وحدة وورة 5 اشهر بهذا المكان اخذت شهادة تقدير وخبرة وراسي كبر هههههههه طبعا راح انزللكم صور حتة لتكولون هذا يهمبل ههههههه اشاقة وياكم

بديت ادرس ب Houston community college دمروني بالانكليزي 8 اشهر ادرس انكليزي بعد ماامتحنت امتحان اسمة compass ESL وراهة امتحان TSI وهسة بديت ادرسة basics مال هندسة وانشالله ناوي على هندسة بترول لان هنا بتكساس هذا الاختصاص رهيب وكلهة اتطك من تخلص , بلكت اني هم اطك بالمستقبل هههههههه وهم روح انزللكم صور كليتي وقدمت ع الكرين كارد وبصمت وبقة بس انتظرة

واخر شي كل واحد يكلك لتجي لامريكا والله العظيم هذا ميريدلك الخير ترة كلهة تشتغل وعايشة (بهيووووستن) والحياة متتقارن بالحياة بالعراق ماادري شلون جنة عايشين

طبعا هواي دا اتعب يعني من الصبح للظهر كلية ومن الظهر للفجر شغل وهكذا بحيث كلة انكليزي لان مااتواجد بالبيت لو كلية لو شغل وكلش استفاديت من هالشي وهسة من اروح سينما اباع فلم تحسهة صارت لغتك بعد لان فاهمهةهع اخليكم وية الصور :-
ملاحظة -- كل الصور تصووويري



اسمي ع المكتب (شفت مسائي) وهذا تومي شفت صباحي


اشهادة تقدير وكفاءة من سيسكو الامريكية



وهاي صور كليتي




وهاي صور منوعة وكلهة بهيوستن

هاي منطقتنة والمجمع الاحمر هو الي ساكنين بي




هاي يم باب المجمع










هاي بيوت بفرعنة فدشي خرافي


هاي صور شاطىء banana bend







هاي بشاطىء Galveston


هاي صورة من مدينة الالعاب المائيةsplash town (water park اكثر مكان احبة وللاسف ماعندي هواي صور الهة





ma bro


moody garden






وهسة صور منوعة من شوارع هيوستن





















استعدات اخوتي للهالويين




وهاي اني 




وهاي ع الطريقة الامريكية هع


انتظروني بصور اخرى -- اخوكم رونالدو -- هيوووووستن
لمتابعتي ع الانستكرام yasir_mustafaa
اي مساعدة اني حاظر-- سلام

4

الهجرة و واللاجئين / عدت من جديد .. للمساعدة !

« في: 15:45 22/09/2014  »

السلاااااااام عليكم
طبعا اصعب واحلة ايام حياتي قضيتهة بهذا المنتدى الرائع وحسيت نفسي كلش اشتاقيتلة ودخلت شفت هواي اعضاء جديدين مراح يعرفوني اليعرفوني نعمة من الله صارلي سنة ونص بأمريكا, ولاية تكساس مدينة هيوستن الغالية :-) .. خلال هاي السنة ونص حققت انجازات ماحققهة بالعراق لسنين
اي سؤال او استفسار اني حاضر لاي شي
اخوكم كريستيانو رونالدو

5

الهجرة و واللاجئين / سؤال لجماعة امريكا .. وخصوصا هيوستن

« في: 23:13 08/09/2013  »

السلام عليكم جميعااااا
طبعاا مثل متعرفون اني بفضل رب العالمين اشتغلت بشركة فوكسكون للحاسبات والالكترونيات وشغلي يبدي ب8 ونص اني اطلع من الشقة ب 7 ونص وينتدهي دوامي ب5 ومرات ب6 يعني اظب للبيت ب 6 ونص او ب7 اكثر شي هسة سؤالي اني اريد اشتغل شغلة بالليل يعني بهذا الوقت المحصور من ال7 ونص لل12 وو شغل بالويك اند شنو نوع الشغلات الي تقبل شغل بالليل  لان ضروري اشتغل شغلة ثانية ..
تحياتي

6

الهجرة و واللاجئين / **رجعتلكم ... واخر اخباري في هيوستن**

« في: 07:08 05/09/2013  »

السلام عليكم اخواني واخواتي ..
اسف ع انقطاعي عن المنتدى لان بصراحة اكو واحد ضوجني بكلامة وبعد مدخلت ولكن لكثرة الرسائل الي استلمتهة ع الخاص كلت ارجع للمنتدى احتراما للاعضاء الي طلبوا مني ارجع وانزل مواضيع ..
صارلي بالضبط 46 يوم بهيوستن واحمد الله واشكرة ع كلشي ولحد الان كلشي حلووو وتمااام التمام ..
سبق وكلت بموضوعي السابق انو احنة بنينة علاقة طيبة جدا مع المنظمة ونروح يومية للمحاضرات والمواعيد وكل الموضفين صارو يعرفونة واكثر من مرة ابوية اتطوع لمساعدة المنظمة مجانا واني هم ساعدت المنظمة هواي مجانا يعني اكثر من مرة رحت وية واحد من المنظمة .. اكو دوائر يصير عدهة اثاث زايد تتبرع بي للمنظمات فأحد الدوائر تبرعت اثاث للمنظمة مالتنة ورحت وية احد الموظفين حتة نجيب الاثاث ونخليهن بالمخازن التابعة للمنظمة وحملت الغراض والعمارة عالية وكان العمل صعب لكني ساعدتهم .. مدير المنظمة شكر ابوية هواي لان ابوية ساعدهم يعني هم تحميل وهالسوالف .. وكلة انشالله راح اشغلك بمكان زين ابوية كلة واني بعدني ممستلم السوشل كلة معليك .. ثاني يوم ابوية راح وية المدير لشركة فوكسكون للحاسبات وقابل وانقبل ابوية بنفس اليوم .. يعني ابوية راح للشركة وثاني يوم داوم بيهة وبدووون سوشل سكيورتي ع مسؤولية المدير بس ورة يومين ابوية استلم السوشل وضافوا يمهم وشغلهم رائع جداا وسهلااا جدا هي شركة تركب الهاردات والمذربورد وسيرفرات وكل اشياء الحاسبات يعني عمل ممتع وسهل هواي فرحنة لابوية كلش لان كلنة سمعنة المعاناة مال الشغل بأول فترة والحمدلله .. اني كلت اني بعدني شاب شأشتغل اشتغل الحمدلله ابوية اشتغل شغلة حلوة ومابيهة تعب بصراحة شفت ناس يشتغلون شغل هلااك يعني تحميل ودفع اشياء ثكيلة وتأذيهم كلش وابوية بي انزلاق بس ربك سبحانه وتعالى مرتب كلشي ..
اني ضليت بدون شغل وضليت اروح للمنظمة اساعدهم مرة طلعت وياهم من ال8 الصبح لل4 الظهر متت تعب وحارة وكلة تحميل وابلاش كتطوع يعني فخلصت ورجعت للمنظمة طلعلي المدير شكرني هواي وكلي تحب تشتغل وية ابوك اني فرحت هواي كتلة اي والله اتمنة واني عندي سوشل بوكتهة كلي اوكي تعال باجر رحت ثاني يوم وية مسؤول العمل وقدمت واختبروني قراءة وكتابة وانقبلت وكلش فرحت وشغلي ممتع وسهل وهو اكو سيرفرات هذا السيرفر يمر بعدة مراحل وهي المرحلة الاولى تخليلة باس وورد ويوزر نيم وتعرفة وتسويلة سكان هاي المرحلة اسمهة hipot test وشغلهة ع الحاسبة اني شغلي هاي المرحلة من اخلص يستلمة الي بصفي ويشتغل المرحلة الثانية وهي يلزك لزكات ع السيرفر وهي مثلا made in usa والتحذيرات ويستلمة اخر يسوي سكان للزكات ويستلمة واحد لاخ ايغلفة ويحطة بكارتونة ويستلمة واخد لاخ يكبس الكارتونة طبعا هذا شغل اللاين مالتي بس لوتحجي ع الشركة ضخمة وكلش واشكاااال وانواع الشغل بيهة وشغلهم كلش سهل وحلو مابي جهد يعني .. ابوية بالشفت المسائي يعني دوامة من ال4 ونص الظهر لل1 ونص بليل .. واني انقبلت ع الشفت الصباحي من ال8ونص لل4 ونص .. ايضا المنظمة ساعدوا ابوية بشغلة .. ابوية طب مقابلة مال شركة للشفت الصباحي سألة السوبر فايزر عندك سيارة تروح وتجي كلة لا ماعندي كلة تكدر تشيل شي ثكيل كلة لا عندي انزلاق انرفض ابوية وطلع مسؤول العمل ساعدة والله كلة ليش هيج كلت هاي مجرد اسئلة اذا سألوك عندك سيارة كلهم اي وكلهم هم اني اكدر اشيل شي ثكيل وهسة راح اطببك مقابلة ع الشفت المسائي وراح يقابلك غير واحد وهم قابل ابوية ونفس الاسئلة وابوية كلهم عندي سيارة واكدر اشيل شي ثكيل وانقبل ع المسائي والمنظمة سوتلة خط يروح ويجي وية واحد بس ينطي فلوس البانزين وهمة 3 نفرات كل اسبوع واحد .. اني اشتغلت ورة 15 يوم من بداية ابوية الشغل وياهم .. وهم نسقت وية واحد علمود الروحة والجية والرجال بنفس المجمع ويانة .. هاصدك الراتب 8 ونص بالساعة واني اشتغل 8 ساعات باليوم لمدة 5 ايام بالاسبوع ماعدا الويك اند عطلة

بالنسبة للمساعدات الفود ستامب 800 دولار واحنة عائلة 5 نفرات مثل متعرفون بس ماشاء الله مغركنة كلش كافي ونسوك هواي وماكو شي مجبناه
استلم صكين من برنامج الRCA الصك الاول 450 دولار 250 ايجار و 200 مصرف الك
امي وابوية واخواني استلمو صكوك من برنامج الماجك كراند بـ 1060 دولار ابوية 450 امي 450 اخوية 80 دولار ايجار وهو 17 سنة واخوية 13 سنة 80 دولار ايضا للايجار .. 250 من فلوس ابوية للايجار و 250 من امي للايجار
لاحظو صارت 250 ايجار مني + 250 ايجار من امي + 250 ايجار من ابوية + 160 ايجار من اخواني (هذني الفلوس من الrca والماجك كراند) = 910 ايجار شهر وهكذا كل شهر بنفس العملية

بالنسبة للاوقات الترفيهية فآني كلش تووونست ماكو مطعم مرحتلة ومرة اشتهيت فلافل هم رحت واكلت بمطعم عربي وشربت نركيلة هم
رحت ايضا للسبلاش تاون وهاي مدينة العاب مائية جبيررة تخبببل والعابهة خطيرة وتصميمهة مذهل وممعتة كلش بوكتهة هذا اليوم جان احلة يوم قضيتة بحياتي
رحنة لهواي متنزهات وكلة وية الكيل فريند مالتي شنو نسيتوهة هاي البرازيلية كتبت عليهة بموضوع سابق ههههههه
هيوستن حلوووة كلش وصارلي 46 يوم يوم احلة من يوم ليهسة مضايج ولامرة والحمدلله الفضل لله سبحانه وهاي احلة ايام بحياتي دا امر بيهة عمري محاس بهيج سعادة ..
اتعرفت ع الاخ leaving soon شخص رائع جداا ولطيف جداا وسبحان الله ولا استغرب من عندة احسة قريب علية ودائما نتشاوف ونتخابر وردة وربي

هذه كل اخباري وانتظروني بموضوع اخر .. وانشالله انزللكم صور حلوة ..
ملاحظة للحاقدين : اذا نجاحي زاعجك لترد ع موضوعي

شكرااا جزيلاااا لكل من سأل عني وخاصا اخوية alialiali
تحياتي لكم اخووكم كريستيانو رونالدو
تكساس الحبيبة .. هيوووستن

7

الهجرة و واللاجئين / ** اخر اخباري 2 **

« في: 05:23 07/08/2013  »

السلام عليكم اخواني اخواتي .. مقدما كل عام وانتم بالف خير وعيد مبارك ينعاد عليكم بالصحة والعافية وربي يحقق امانيكم بالسفر العاجل لكل اخواني واخواتي الي منتظرين السفر وربي يوفق ويرزق ويسهل امور الي بأمريكا

الحمدلله ع كال حال صارلي 20 يوم بهيوستن واني فرحان ومرتاح ولحد الان الوضع رائع والحياة اروع ..

طبعا اني كلتكم سابقا تم وضعي على برنامج الـ RCA ومدة البرنامج 8 اشهر يدفعلي اول اربع اشهر كل شهر 250 دولار للايجار و200 دولار مصرف جيب
وثاني اربع اشهر كل شهر 187 دولار للايجار .

تم وضع والدي ووالدتي على برنامج الماجك كراند ومدة البرنامج 120 يوم يعني اربع اشهر
لوالدي كل شهر 200 دولار مصرف جيب و250 دولار للايجار
ولوالدتي كذلك نفس المبلغ
اما لاخوتي الصغار (13 سنة و 17 سنة) كل شخص 80 دولار بالشهر مصرف جيب
راح اوضحلكم شنو يعني كذا دولار للايجار
اول مأجينة دفعت المنظمة ايجارنة لشهرين من مبلغ الولكم مني ويسموه ايضا مبلغ الاستقبال والتوطين
واني خلال 8 اشهر من برنامج ال RCA استلم 1784 دولار هاي اتطلع ايجار شهرين لان اول اربع اشهر كل شهر 250 دولار وثاني اربع كل شهر 187
اما والدي فيستلم من الماجك كراند خلال الاربعة اشهر 1000 دولار لان كل شهر 250 دولار
ووالدتي ايضا الف دولار بالاربعة اشهر من الماجك كراند
احنة ايجارنة 1000 دولار بالشهر
يعني طلع ايجار اربعة اشهر مني ومن والدي ومن والدتي من برامج الدفع الي خلونة عليهة ومدفوع شهرين من الولكم هاي صارت ستة اشهر مدفوعة للايجار .

ملاحضة : الصك الخاص بالايجار الي تستلمة من المنظمة معنون الى المجمع الي ساكن بي يعني متكدر تصرفة من بنك فمجبور تودي للمجمع .

استلمنا الفود ستامب لستة اشهر كل شهر 800 دولار (اذكر احنة عائلة من 5 نفرات ) 
طبعا الفود ستامب تكدر تدخل بي متاحف وحديقة الحيوانات مجانا فقط بهوية الفود ستامب (باعتبارك من ذوي الدخل المنخفض)

نروح للمنظمة دائما ومفوتنة اي محاضرة
كانت المحاضرة الاولى مهمة وجميلة وهي كيف تتعامل مع البنوك الي في امريكا وكيف تبني الكردت وما انواع الحسابات طبعا الي شرح المحاضرة مدير بنك الولسفاركو (مصرف يمنة بهيوستن) وهو لبناني الجنسية ..
والمحاضرة الثانية عن العمل في امريكا وكيف تملي ابلكيشن للتقديم ع اي عمل
طبعا انطونة كارتات مال باصات حتة نروح ونجي ..
اني ووالدي ممتازين في الانكليزي وكالو ماكو داعي تدخلون دروس الانكليزية واخواني يتعلمون في المدرسة وراح يبدي الدوام بعد شهر
اما والدتي فهي مو قوية بالانكليزي فصارت تروح ع دروس الانكليزي وصارت تروح بالباصات يومية (كارتات الباص منهم) ومن تجي نضحك وياهة ونمتحنهة وهي فرحانة وصارت تعرف بعض الكلمات وانطوهة ملزمة صغيرة للكلمات الاساسية البسيطة واليوم اخذت 7 من عشرة بالامتحان ههههه وتكدر هم تروح تسوك

البارحة اجتي شركة اسمهة AMMANA مال مسلمين جانت توزع للمجمع علاكتين جبيرة بيهة اكل يعني جيسين تمن كبار وجيس شكر وجيس طحين وباكيت جاي لبتون ومعلبات معجون وبزاليا وايضا جيسين لوبيا وجيسين معكرونا وجيس شعرية جبير .. طبعا اهلي جانو طالعين رجعوا ولكو العلاليك يم الشقة محطوطة .. اني جنت بالمجمع دا اتفرج عليهم وجتي شاحنة جبيرة شكو نقص اثاث عندك يخلولك واني حرامات جنت مو يم الشقة واهلي طالعين ففاتتنة .. بس لكينة وية العلاليك الي خلوهة كارت تخابر اذا عندك نقص اثاث خابرتهم وسويت موعد وياهم والله كريم .

بالنسبة للاكل الحلال صرنة عادي نشتري من المولات الاسلامية عدنة هواي هنا القدس والنمر وفينيشيا وكل شي تلكة عدهم كللللشي

اني صار عندي اصدقاء عراقيين وامريكان واسبان وصديقة برازيلية تخبل هههههه (اسمهة كريستينا) ويومية نفتر سوة ههههه
اي .. وهسة دننتظر السوشل سكيورتي يطلع ونبلش ندور شغل طبعا هواي من اصدقائنة كالو استلمو السوشل ونلكيلكم شغل والله كريم .. وكل واحد يكول الحياة هنا محلوة اني ضدة هنا الحياة راااائعة جدااا جدااا وفيها كل وسائل الراحة سواء كانت نفسية او معنوية طبعا يومية من اكعد من النوم اباع من الشباك مال غرفتي اكول الللله اني بأمريكا هذا موحلم واحمدالله واشكره ..

وهذا كل الي عندي وطبعا كل شي ايصير اجي انقلة الكم بالتفصيل لان اني كلش حبيت هذا المنتدى وصار جزء من حياتي والكتابة لكم ممتعة جدا يااخواني ..
انشالله اقدملك موضوع خاص بالصور قريبا ..
تحياتي اخوكم كريستيانو رونالدو
تكساس الحبيبة , هيوستن

8

مواضيع الحياة العامة في بلاد المهجر (امريكا) / بعدستي ..... هيوووستن بالصور

« في: 02:12 02/08/2013  »

السلام عليكم اخواني اخواتي .. طبعا من جنت ابغداد جنت اتمنة واحد من هيوستن اينزل صور واشوف وارتاح ههههه .. اليوم راح اشوفكم صور المجمع الي ساكن بي اني طبعا من تجي المنظمة تاخذنة بالسيارة نمر ع بعض العالم حتة نروح سوة من نروح للمجمعات الي ايخلون بيهة بعض الي جايين مو كلش حلوة بس الحمدلله مجمعنة من احلة المجمعات حتة المدارس الي عليه مدارس زينة مثل مكالت وحدة من المنظمة .. المجمع اسمة مونتي كارلو .. وانشالله يشتغلن الصور وميروح تعبي طبعا الصور بكامرتي مخصوووصة الكم وخاصة للاصدقاء الي راح يجون لهيوستن ومن الصبح اشتغل بيهن



 

 

 

 

 
هاي من الشارع العام

 
وهاي ايضا من الشارع

 
وهاي المسبح مال مجمع

 
وهاي منطقتنة اول متطلع باب المجمع

 
وهذااا اني هع

 
وهاي القاعة هم بالمجمع طبعا وبيهة طابقين الاول فتنس يعني اجهزة رشاقة ورياضة وحديد والطابق الثاني بليارد وفيشة وهاي الالعاب

 
وهاي اجهزة الفتنس

 
وهاي اجهزة الحديد

 

 
وهذااا ملعب الطوبة يومية نلعب بي ساعات

 


وهذا المكان الي نغسل بي هدوم هم بالمجمع يعني لان ميصير تغسل هدوم بالشقة والفرة مال غسالة بـ 25 سنت

 
هاي بالداون تاون

 
وهاي هم بالداون تاون

 

 

طبعا اني ظاااالمة للداون تاون بهاي الاربع صور هو مكان جبييير وخرااافي هسة من اروحلة اطك صور وهم انزلهن

وهاي صور من الشقة

 

 

 

اتمنة عجبتكم الصور وشتغلن وشفتوهن انتظروني مرة لخ وصور احلة
تحياتي كريستيانو رونالدو
تكساس الحبيية , هيووووستن

9

دردشة منتدى الهجرة واللاجئين / اصدقائي شلون انزل صور ع المنتدى

« في: 19:03 01/08/2013  »

شلوووونكم اصدقائي انشالله بخير
اريد انزللكم صور شلون مدا اعرف
تحياتي
كرستيانو رونالدو _تكساس الحبيبة , هيوستن

10

الهجرة و واللاجئين / ** اخر اخباري **

« في: 01:41 24/07/2013  »

السلام عليكم اخواني خواتي ..
البارحة رحنة الى الدائرة السوشل سكيورتي وخلصنة المعاملة بسرعة وبكل راحة .. مجرد خالينة بغرفة وكاعدين عالتبريد وانطونة تكت يحمل رقم بعدين يصيحون رقم التكت ورقم النافذة الي لازم تتوجه الهة وايضا اكو شاشة الكترونية جبيرة تضوي باللون الاحمر ع رقم التكت الخاص بيك من يصيحون عليك .. كعدنة 10 دقايق وصاحو رقم التكت مالتنة + رقم النافذة (لان هنة عدة نوافذ) توجهنة الى النافذة وطلبت الموظفة الجوازات مالتنة وال i-94 (الي هي الاقامة مالتك) كملت المعاملة ع الحاسبة ب 5 دقايق وهاي خلصنة اول معاملة وراح يصير عدنة اول هوية (السوشل سكيورتي) والاستلام بعد 3_4 اسابيع وانت قيس شلون تخلص معاملة هوية عدنة بالعراق
بعدها رحنة وقعنة اوراق الفود ستامب وانشالله الاستلام بعد اسبوعين
اليوم رحنة الى المستشفى وقابلتنة موظفة ودونت كل حالاتنة ومشاكلنة الصحية وترفعهن الى الطبيب بعدها ضربنة ابر واني والوالد ضربنة ابرتين بالعضلة وحدة مال كزاز ووحدة مال تنظيف الرئتين من دخان الجكاير وايضا ابرتين الى والدتي اما اخواني كل واحد ضرب 8 ابر كل انواع اللقاحات وانطونة موعد ايضا لمقابلة الطبيب ومعالجتنا وراهة رجعنا للمنظمة ووقعنة اوراق المديكيد
وراهة كعدنة بالمنظمة مالتنة (YMCA) وصاحوني اني بس
وخلوني على برنامج اسمة RCA وهو برنامج مساعدة مالية للاجئين ويكون الدفع لثمان اشهر اربعة اشهر اولى استلم فيها 200 دولار الي و 250 دولار للاجار (زين مو المنظمة دافعتنة ايجار مال شهرين) اذن ايصير المبلغ مال شهرين الك
وثاني اربع اشهر استلم فيها 187 دولار ونص للايجار وبعدها سوتلنة فايل حولتة الى قسم العمل حتة يلكولنة شغل بالمعامل وكالت اذا تشتغلون فول تايم لمدة شهر الك مكافأة 150 دولار وكل هذا مكتوب ع ورق موقع مني .. سألتهة كتلهة شنو راح نشتغل فول تايم انشالله كالت اي فول تايم واذا ماكو مجال فول تايم ايعينوكم بارت تايم ومن يتوفر الفول تايم تتحولون فول تايم (الفول تايم هو شغل مو اقل من35 ساعة بالاسبوع) وانشالله اكون محظوظ واشتغل فول تايم حتة نجمع فلوس ونسد حاجاتنة ونكدر نشتري سيارة بسيطة طبعا اليوم طلعنة ب 8 الصبح ورجعنة ب 6 العصر وهسة راح ناكل بيض وبتيتة جوعانين .. بس المشكلة اني راح اتخبل ع تمن ومركة يايابة شلون راح اموت ع تمن ومركة ههههههه ..
تحياتي اخوكم كريستيانو رونالدو -تكساس,هيوستن

11

الهجرة و واللاجئين / cristiano ronaldo << and i arrived in miami

« في: 02:13 18/07/2013  »

hello every body i am now in miami in florida state >> am and my family in a hotile now and tomorrow in 4 am we will go to houston >> really its the best days in all my life >> im sorry if i have some error in my message i write in english because i am in a hotel and the computers just english<< i will write in arabic goming soon
reply to me in arabic
cristiano ronaldo

12

الهجرة و واللاجئين / اخواني اخواتي احييكم من مطار الملكة عاليا .. واخر اخباري

« في: 11:07 16/07/2013  »

السلام عليكم اخواني واخواتي
بعد وداع الاقارب والاحبة المؤالم جدا بصراحة مجنت متوقع هيج الواحد كلبة يحترك ع اقاربة كمنة نبجي وعمومتي وخوالي واولادهم يبجون ويانة وكانت هذه المرة الاولى في حياتي اشوف بيهة دموع ابوية بحيث صار موقف هو واخوتة الستة يتباجون وهمة متحاضنين ويغصون بالبجي لحظة وداع قاتلة بصراحة صدك تحرك الكلب كان موقف صعب جداا ..
وراهة وكفنة بساحة عباس بن فرناس اجة الموظف وزع التكتات واحنة وعائلة جانت التكتات مالتنة مموجودة كال انتو منو خابركم وكلكم سفركم اليوم طبعاا احنة كمنة نذب الوان كنالهم غير انتو خابروتونة كال انتظروني راح ورة نص ساعة اجة والله جان يجيبلنة التذاكر مالتنة احنة وذيج العائلة .. بعد التدقيق الامني ركبنة الطيارة الاير باص الى الاردن طبعا ع خطوط الملكة عاليا طولت الرحلة ساعة ونص تقريبا وبصراحة محسينة بالوقت ابدا جانت رحلة مسلية فيها وجبة فطور بيض وجبن وزبدة ومربة وفواكه مجففة ومي وراهة جاي او كهوة وصلنا الى الاردن استلمنة كيس ال iom وهسة ساعة ب 11 و53 دقيقة ظهرا وطيارتنة الاخرى الى باريس ساعة وحدة ونص الفجر يعني بعد 13 ساعة ونص وهسة كاعدين ناخذ صور ومتونسين وانطونة كل واحد بطاقتين ياكل بيهة مجانا غدة وعشة وكلشي يطلب .. وكالو الي عندة امكانية يكدر ايأجر غرفة بفندق واليريد يبقة بالمطار منتظر احنة باقين بالمطر واللمة حلوة يعني تعرفنة ع عائلتين هم رايحين التكساس ناس لطيفين جدا وايضا شباب لطيفين ونسولف ونضحك و طبعا مشفنة اي مشكلة في مطار بغداد او الاردن عمل رائع وكلشي جميل ..
هسة اكثر شي اتمناه منطقتنة بأمريكا حلوووة مو تعبانة حتة تكمل فرحتي
انشالله اواصل كتابتي الكم بعد وصولي الى باريس او امريكا حسب الوقت .. وانشالله اليوم ظال واياكم لليل لان طيارتي بعد وووين
تحياتي الكم
اخوكم كريستيانو رونالدو
تكساس - هيوستن

13

الهجرة و واللاجئين / مووووووووعد سفر عااااااااااااا دخلو وتونسوا وباركولي

« في: 18:06 30/06/2013  »

السلام عليكم اخواني شلوكم طبعا اني فرحان فرحة لاتوصف وكل العائلة فرحانين وخلي احجيلكم الي صار
واني دااقرة امتحاني الاخير (مثل متعرفون اني طالب كلية) وجانو اهلي طالعين واني وحدي بالبيت ضجت من القراية واتصفن كلت خلي اروح للكوفي شوب اليمنة تصفحت المنتدى مابي شي فتحت الاميل مابي شي واني اكره الجدول فكل اسبوع افتحة مرة لان طول عمري مشفتة متغير دااطلع من الكافيه كلت خلي افتح الجدول فتحة لكيت الامنية مكتملة انصدمت وكلبي كام يدك سريع وجان اركض للبيت بدون ماادفع فلوس ابو الكافيه دا اشوف اهلي رجعو لكيتهم بعدهم خارج البيت خابرت ابوية الي والله تعب نفسيا من الانتظار ومااكدر اشوف حالة وهو يدخن ويفكر ويضل للصبح منايم والله العظيم جان اخابرة كتلة يابة الامنية مكتملة والسفر بالانتضار جان يصيح بأعلة صوتة عفييييية عاشت ايدك واسمع اخواني الصغار ايعيطون وايصفكون و والدتي جانت فرحانة كلش واجة ابوية للبيت ومن راس الشارع ايدك هورنات اجة وكتلة انشالله اسبوع يخابرونة كال الله كريم الله يسهل ..
اجة اليوم الثاني ب 12 الصبح خابرو المنظمة وانطونة موعد السفر والفرحة صارت فرحتين وخط الرحلة مالتنة يخبل واني مشايف هيج خط رحلة بالمنتدى
وهو العراق _الاردن _ مطار باريس _ مطار ميامي بفلوريدا _ ثم تكساس يعني احلة فقرة ننزل اباريس .. وحددو ايضا الفحص قبل يوم وكالو قبل يومين من السفر يخابركم واحد ويكللكم ساعة بيش نتواعد بعباس ابن فرناس .. واخر شي اكوله الف الحمدلله والشكر .. وها رحت ثاني يوم للامتحان ومجاوب من الفرحة لان مقريت هههه
اخوكم رونالدو Iz 119
مقابلة مخلفين 2012/09/06
تقديم 2010/07
تحياتي

14

الهجرة و واللاجئين / الـــســـلام عـــلـــيـــكـــم

« في: 17:26 21/06/2013  »

السلام عليكم
شلونكم اخواني واخواتي انشالله تكونون بخير طبعا صارلي شهر ونص غايب عن المنتدى بسبب امتحاناتي الجامعية بس اريد اخلص حتة ارجع اتواجد بالمنتدى الي اكثر شي احب اسوي
اني صحيح غايب بس متابع الاخبار المفرحة منهة سفر الاخ ديفا البصراوي وعلي ليو وعراقي نبيل وغيرهم .. وشفت شلون الاخ دبس وراشي قدم المساعدة الهم وللكثيرين غيرهم ورحمة الله والديه والله يوفقة
واحب اكول الف مبروك للاعضاء الي تم تكريمهم من قبل الادارة وانشالله التقدم والنجاح الدائم لكم وللادارة والمنتدى
اما بخصوص ملفي ماكو شي جديد بعدني فعال وبانتضار الامنية وبعدلي شهر واخلص 3 سنوات مع الـ IOM والله كريم .
تحياتي للجميع
اخوكم المخلص
كريستيانو رونالدو

15

مواضيع الحياة العامة في بلاد المهجر (امريكا) / الى سكان مدينة هيوستن الرجاء مساعدتي في الاجابة عن سؤال

« في: 11:09 13/05/2013  »

السلام عليكم
اني بدون كفيل .. واختارتلي المنظمة تكساس مدينة هيوستن

اريد من جماعة هيوستن يكلولي شي عن منظمة YMCA وشلونهة زينة لان اني عرفت انو المنظمة الكفيلة الي هي YMCA

واعتقد هي بمنطقة اسمهة westpark

وتكدرون تكلولي المجمعات الي حول هاي المنظمة زينة ؟ والمنطقة شلونهة زينة لا ؟؟

لان اكيد يكون سكني بمكان قريب ع المنظمة

تحياتي لكم

16

الهجرة و واللاجئين / ((( كروب الي ملفهم فعال .. وبقة فعال )))

« في: 09:04 14/04/2013  »

السلام عليكم جميعا

بعد التغيرات الي صارت بالموقع لاحظنة انو جميع الملفات المعلقة اصبحت بأنتضار النتيجة وبعض الملفات الفعالة تحولت بانتضار النتيجة

هسة نريد نسوي كروب لجماعة الفعال الي بقو فعال لان كالو الملفة فعال وبقة فعال ذولة بالمراحل النهائية وانشالله تكتمل امنيتهم قريبا جدا
هسة خلي نتواصل احنة مع بعضنة ونشوف شراح يصير بينة

اني تقديم 2010 بغداد 119
محلفين 2012-9 فحص طبي ثاااني 2012-11

تحياتي

17

الهجرة و واللاجئين / احساس صعب جدا

« في: 09:39 10/04/2013  »

السلام عليكم جميعا
بصراحة احساس صعب جدا يراودني منذ اشهر
تحس الحياه الي دنعيشهة حياة ثانوية او موهي هاي الحياه الي نريدهة اني دوامي بالجامعة احسة مجرد تقضية وقت انتضار السفر  لا دا اقرة ولا دا انجح لان ماعندي احساس باقي الطلاب الي ديقرون ويتخرجون حتة يتعينون وبالتالي هذا هدف حياتهم  بس اني تفكيري كلة يم السفر صرت مدمن بالسفر وتكوين حياة جديدة في امريكا وادرس واشتغل واستقر هناك وماشاءالله ولايتي زينة يعني هاي حياتي الي اتمناهة وهسة اني بدون هدف لان هدفي الوحيد تحقيقة موبيدي
مرات افكر اذا مسافرت وملفي ممشة زين شلون اكمل حياتي هنا بدون هذا الحلم واقنع نفسي بعد ماكو امريكا اصحة يمكن هاي الصدمة تعرضني للفشل في حياتي هنا بالعراق ومن افكر هيج اتعب وانقهر وادعي من الله ان لا يحرمني من السفر لان اذا صارت تكون نهايتي حتما
اسف ع الاطالة بس حبيت اشكيلكم لان ماعندي غيركم
تحياتي للجميع واتمنى السفر لجميع الاعضاء في هذا المنتدى الرائع

cristiano ronaldo
iz-119xxx

18

الهجرة و واللاجئين / صديقي انطو موعد سفر والحمدلله

« في: 09:11 07/04/2013  »

السلام عليكم

البارحة صديقي رقمة iz 117
مقدم 2010 وهمة عائلة خابرو ع دورة تثقيفية وورة كم ساعة خابرو ع موعد سفر بعد 15 يوم

مقابلتة الاولى كانت 2011-10-6
الفحص الطبي 2011-11
مقابلة المحلفين 2012-4
فحص ثاني 2012-12

وانشالله يوم الـ الي وللجميع يارب
تحياتي

19

الهجرة و واللاجئين / يرجى الانتباه : في ما يخص موقع ال اي او ام وسوء التحديث

« في: 08:01 28/01/2013  »

السلام عليكم
البارحة جنت احجي وية احد اصدقائي وهو حاليا في امريكا مسافر من شهر ال 10 فـ كلي شخبار ملفك شكو ماكو كتلة والله اخر مرة فحصت بشهر ال 11 ولحد الان ماكو شي والجدول نفسة الملف فعال والامنية بالانتضار كلي بابا اني انطوني سفر والجدول جان الملف فعال والامنية بالانتضار وقبل كم يوم فتحت الموقع لكيتة نفس الشي الملف فعال والامنية بالانتضار واني خلصت 4 اشهر بأمريكا والى الان ممحدثين حسابي فيا اخوان موقع ال اي او ام م دائما صحيح يعني مرات ماكو تحديث على الموقع واحنة واكعين بيهة منعرف راسنة من رجلنةوحتة الاخوة المعلقين يجوووز يطلعون من التعليق والمنظمة متحدث حسابة بموقعهم فالجدول في موقع ال اي او ام لتخلوه الاساس الي تعتمدون عليه
حبيت انقل الخبر وأأكد انو موقع ال اي اوم مو مظبوط او بالاحرى تحديث ماكو واكثر الحالات الي شفتهة بسوء التحديث هو عند مرحلة الامنية


                                                                ودمتم سالمين
                                                                الدون : كريستيانو رونالدو

20

اجتماعيات (ترحيب، تهاني و تعازي منتدى الهجرة) / منوووو يدكرني

« في: 18:50 07/01/2013  »

السلام عليكم
بعد غياب اكثر من سنة على ه>ا المنتدى الرائع اعود اليكم من جديد
وشفت هواي اعضاء جدد واعتقد القليل راح ي>كرني لان جماعتي ماكووو
تحياتي للجميع

21

الهجرة و واللاجئين / سؤال اخوان

« في: 18:41 08/11/2011  »

السلام عليكم
شلون الشباب
اخوان بعد ماكو مقابلات محلفين ب 2011 يعني من تخلص الوجبة مال المحلفين الي هسة ديقابلون بعد ماكو مقابلات (محلفين) ب 2011 وبعد الوجبة الاخرى على 2012 لو موشرط
هي مقابلات المحلفين كل فترة لو مستمرة ؟؟

22

الهجرة و واللاجئين / اخوان حاااااير ..... شتنصحوني

« في: 16:52 03/11/2011  »

السلام عليكم
وكل عام وانتو بالف خير وانشاءالله لسفر للجميع

طبعا عندي صديقي سافر لامريكا قبل شهر تقريبا وجان مقدم siv وهسة هو بلوس انجلوس فطلبت منة يصير كفيلي ودزلي عنوانة
واني حاير اخلي كفيل لو اخلي المنظمة تكفلني هو شنو الفرق اذا المنظمة كفلتني او صديقي
وصدك اذا المنظمة كفلتني تكون الولاية الي حددوهة الي مناسبة لان احنة عائلة وبنفس الوقت تكدر تلكة بيهة شغل على عكس الولاية الي بيهة الكفيل احتمال تعاني حتة تلكة شغل

شتنصحوني اخلي كفيل لو لا ؟؟ 

23

الهجرة و واللاجئين / كملت الفحص الطبي والحمدالله

« في: 11:02 31/10/2011  »

السلام عليكم
شلونكم شباب
اليوم خلصت الفحص الطبي والحمدالله بالبداية جانت محاضرة على التحاليل والامراض ((وبعدين صار شي غريب اني مقاري عنة بالمنتدى سألتنة بنية ليش تريد تترك العراق وسألتني شمخلص وشلون التهديد مباشر ومو بس الي الكل العوائل الي جانت موجودة )) على كلا بعدين وقعنة على اوراق مال اشعة والي ياخذ اشعة لازم فوك ال 15 سنة وبعدين طلعنة اخذو الوزن والطول وسحبو دم وبعدين اخذنة اشعة ورحنة للبيت طولنة 4 ساعت ككل

ملاحضة : كانت المقابلة الاولى في 2011-10-06

وانشاءالله يحددولي مقابلة المحلفين الي والكل واحد ينتضرهة


تحياتي

24

الهجرة و واللاجئين / اخوان شنو المستمسكات الي لازم اخذهة للفحص الطبي

« في: 21:46 29/10/2011  »

شلونكم اخوان انشاءالله بخير
بس اريد اعرف شنو المستمسكات الي اخذهن للفحص الطبي اخاف اتورط
وشكرااااا على الاجابة مقدما

25

مواضيع الحياة العامة في بلاد المهجر (امريكا) / سؤال بخصوص الكلية

« في: 18:53 11/10/2011  »

السلام عليكم
اذا الواحد راح لامريكا بعد تسهيل الله وهو متخرج من السادس علمي

صدك ميكدر يدخل كلية الة يطلع الكرين كارد ؟؟
واذا واحد راح هناك بس فلوسة على كدة شلون يعني ميكدر يطب كلية ويروح مستقبلة  ؟؟

تحياتي للجميع

26

الهجرة و واللاجئين / سؤال مطروح من قلب مجروح

« في: 17:21 07/10/2011  »

السلام عليكم
شباب ورة شكد من المقابلة الاولى يحددون مقابلة محلفين اني خايف اطول سنة ويحددولي مقابلة المحلفين مثل المقابلة الاولى انتضرت سنة وشهرين يالة حددولي مقابلة اولى
 

تحياتي للجميع

27

الهجرة و واللاجئين / سؤال

« في: 20:54 06/10/2011  »

السلام عليكم
مثل متعرفون اني اليوم خلصت مقابلة اولى اي او ام بغداد
هسة اني انتضر مقابلة محلفين لو الفحص الطبي ؟؟
يعني الفحص الطبي شوكت يجي قبل المقابلة الثانية لو وراهة
تحياتي للجميع

28

الهجرة و واللاجئين / هستوني رجعت من المقابلة

« في: 14:11 06/10/2011  »

السلام عليكم ...
اليوم رحنة للمقابلة الاولى وجانت المقابلة سهلة وحلوة وقابلنة ولد شاب اردني يمكن اسمة مراد كلش حباااب
واكثر الي جايين عوائل يعني يمكن مشفت عزاب وجان اكو دورة تثقيفية والكيسات جانن 116 و 117 و 118 و 119 و 120 واحلة شي بالمقابلة (( الحتيت )) اكو مصريات موكلش واجنبيات بس شنوووو مااحجي  
عالعموم خلونة بكرفان الانتضار احنة ومجموعة عوائل وبعدين يجون ياخذونة احنة جماعة ال اي او ام ويكعدونة بغرفة بعدين يجون يصيحون اسم صاحب الكيس وياخذون صور للعوائل وبعدين كل موضف ياخذ العائلة الي هو مسؤل عنهة ويقابلهة اخذنة الشاب الاردني طبينة خمستنة اني وزوجتي وابنائي واخذ معلومات عامة كل واحد سألة اسمك مواليدك مدرستك عندك مرض خادم عسكرية .... الخ يعني طولنة فد 45 دقيقة وجان يضحك ويانة ويسولف ... وراهة انطانة استراحة خارج غرفة المقابلة لمدة 10 دقايق مرت ال 10 دقايق صاحني بس الي بدون الجهال وسألني ع التهديد والعسكرية وهم طولت فوك النص ساعة وطلعني استراحة 10 دقايق ورجعنة مرة ثالثة بس وياية العائلة وقعت على مجموعة من الاورق سألتة شوكت مقابلتي الثانية كال مااعرف وراهة انتضرنة شوية واجوية صاحو اسامينة وطلعونة برة ورجعنة للبيت

بس احنة جماعة عنكاوا خبرة يعني اكو بنية جبيرة سألوهة انتي اي او ام لو اس اي في متعرف

وانشائالله هسة انتضر المقابلة الثانية والله كريم

تحياتي للجميع

cristiano ronaldo
iz 119xxx

29

دردشة منتدى الهجرة واللاجئين / للضايجين فقـــط

« في: 20:46 05/10/2011  »

3-محشش وقفه المدرس وقاله أكتب رقم (11) المحشش كتب (1) وجلس يفكر...قاله المدرس: ما تعرف تكتب (11)؟!..قال المحشش: اعرف اعرف بس ناسي الواحد الثاني على اليمين ولا على اليسار
...
4-محشش يسولف: المدام كانت حامل، وأنا بغيت عيالي يطلعون صالحين، رحت شريت حبوب الأخلاق من الصيدلية عشان عيالي تصير أخلاقهم عالية، انتظرت تسع شهور ماولدت المدام، انتظرت 10و11 و12 شهر ماولدت....رحنا سوينا عملية فتح بطن، ولقينا عيالي التوأم كل واحد يقول للثاني اتفضل أطلع قبلي

-
فد اثنين محشيشين كاعدين يشوفون الاخبار وشوية طولت الاخبار واحد كال
>للثاني
>اشو اليوم طولت الاخبار كله يمكن هاي الحلقة الاخيرة.

-* زوجة كالت لزوجها صارلك ساعتين دتقرأ بعقد زواجنا متكولي شدتدور ... كللهة
>دا ادور تاريخ انتهاء
العقد.


جماعة من الناصرية لزموا سوداني وربطوه بطيارة هليكوبتر وبدوا يدخلوه بالبحر ويطلعوه ليش؟ ؟؟؟؟؟ ديسون اعلان مال شاي لبتون..


.واحد عصبي بقول لمرته بدي احكيلك قصة غريبة صارت معي اليوم ما رح تصدقيها من كثر ماهي غريبة ورح تقولي عني كذاب بس انا مو كذاب انتي اللي كذابة انتي وعيلتك يا وقحة يللي ما بتستحي روحي انتي طالق


محشش ياكل زيت وزعتر قاله صاحبه
قول بسم الله قبل الأكل. رد عليه : ليش؟
قاله علشان ما يأكل معاك الشيطان
.
.
...................
.

قال المحشش : هس الشيطان ترك الناس إللي بماكدونالدز و هارديز و كنتاكي و جاي يأكل معي ؟؟








جنود امريكان طبو على محل محشش كلولة عندك اسير امريكي
.
.
.
اجاب لا واللة عندي بس اسير تانج 

 

30

الهجرة و واللاجئين / ليش يالله شو بدة iom ينطي رفض ؟؟

« في: 00:42 30/09/2011  »

اليوم نزلن موضوعين مال رفض اي او ام بغداد والكارثة واحد رقمة 119 مثلي بس هو مخلص محلفين ورة 6 اشهر يالة دازيلة رفض اني بعدني ممقابل مقابلة اولى ( بس تحددت ) شدكولون هذا الرفض الي اجاهم لان عدهم مشكلة وية ال جي ال اس ( وهذا مااعرف شنو يعني )
لو مجرد اخطاء بالمقابلة (ومااعتقد ايرفضون واحد بسبب اخطاء تواريخ او اي خطأ ) والاخ كين ايكول اني انرفضت حتة من العمل مع القوات الامريكية يعني هذا عليه حظر فأكيد ينرفض بس الموضوع مال عراقي الي نزل قبل شوية خوفني
ليش هذا الرفض برأيكم

31

دردشة منتدى الهجرة واللاجئين / تعالوا اكلكم شي بعيد عن الهجرة .

« في: 20:11 27/09/2011  »

كان هناك ملك ووزير ...

وكلما حدث للملك شيئاً يقول له الوزير لعله خير ..

فخرج الملك ذات يوم ليصطاد .. فقطع الرمح إصبعه ..

فقال له الوزير لعله خير ..

فغضب الملك وأمر بحبس الوزير ..

فقال الوزير لعله خير ..

وبعد أيام خرج الملك ليصطاد ..

فهجمت عليه إحدى القبائل الهمجية التي تريد تقديم قربان للنار ..

وبعد أن قاموا بربط الملك وجدوا إصبعه مقطوعاً ..

فقالوا : أنقدم قربان وبه عيب .. فتركوه ..

فتذكر الملك الوزير وقال : نعم لعله خير ..

وأمر الملك بــ إخراج الوزير من السجن ..

فقال له الملك : عرفت الأن لما كان قطع إصبعي خير ..

لكن أنت لما ترى حبسك خير ..؟!

فقال الوزير : يامولاي لو كنت معك لأخذوني أنا ..

------------------------------

نصيحه : لا تحزن من أى أمر سىء حدث فى حياتك ,, فقط قل الحمدلله ..
و لعله يكون خيراً و أنت لا تعلم ..

32

الهجرة و واللاجئين / ارجو اجابتي

« في: 14:18 23/09/2011  »

السلام عليكم
البارحة وصلتني رسالة من iom تأكيد موعد مقابلتي بعدما ارسلت لهم تأكيد حضوري ولكن الغريب انهم ارسلو لي الرسالة على اميل الشركة الخاص بي ولم يرسلوه على الياهو لماذا ؟؟
وسؤالي هل سيتصلون عبر الهاتف او سيكتفو بالاميل
تحياتي لكم

33

الهجرة و واللاجئين / شنو السبب ؟؟ وليش ؟؟

« في: 22:14 16/09/2011  »

السلام عليكم
اني بس اريد اعرف ليش اكو ناس قابلت مقابلتين بنفس اليوم يعني هو اصلا ميدري بعد مقابلتة الاولى راح ايفاجئو بمقابلة ثانية
هل هي مسألة حظ ؟؟
سمعت ايكولون انو الكيس من يجي للمقابلة ومكمل كل الاجرائات مثلا مترجم كل اوراقة فهو ميخلي نفسة بدائرة الانتضار ويوفر على الجماعة الي يقابلوك شغل الترجمة وبالتالي ايشوفون كيسك كامل فيودوك على مقابلة ثانية
هل هذا الصحيح ؟؟
احب اعرف السر وراء مقابلتين في يوم واحد

34

دردشة منتدى الهجرة واللاجئين / قصة ذات عبرة قوية .. اقروهة تفوتكم

« في: 21:50 16/09/2011  »

وفى تاريخ واحد من شهر مارس
جاء زبون لصاحب الفندق و سأله هل الغرفه رقم 39 فارغه .....؟؟؟؟

اجاب صاحب الفندق نعم انها فارغه !!!!1
...
فسأل هل يمكن ان احجزها فقط ليله ؟؟؟

اجابه نعم !!

وبالفعل حجز الغرفه وصعد اليها

ولكن قبل ان يصعد طلب من صاحب الفندق سكينه سوداء

وخيط حرير ابيض طوله 39 سم

وحبه برتقال واحده وزنها 72 جرام

تعجب صاحب الفندق من الطلبات الغريبه لكنه احضرها له وصعد اللى الغرفه ولم يطلب لا اكل ولا شرب ولا اى شئ اخر !!!!!

ولسوء الحظ ان غرفه صاحب الفندق مجاوره للغرفه 39 ...

وبعد منتصف الليل

سمع صاحب الفندق اصوات غريبه جدا جدا داخل الغرفه .....!!!!

كأنها اصوات حيوانات مفترسه وسمع اصوات تكسير وضرب
وشعر كان الغرفه اصبحت كومه من الرماد .......!!!!!

بات الليل يفكر ما ذا يحدث داخل الغرفه 39 ...؟؟؟
وفى الصباح وقبل ان يغادر الزبون ....

طلب صاحب الفندق ان يعاين الغرفه قبل مغادرته وبالفعل صعد صاحب الفندق الى الغرفه

لكن وجد كل شئ كما هو وخيط الحرير فى مكانه والبرتقاله كما هى والسكينه فى مكانها
ودفع الزبون حساب الليله بأجر مضاعف كما انه اعطى بقشيش اكثر من حساب الغرفه .......!!
ومضى عام

وكان قد نسى صاحب الفندق الموضوع برمته

وفى يوم واحد مارس من العام التالى فوجئ صاحب الفندق بنفس الرجل

وعندما رأه تذكر ما حدث الاعام الماضى ....؟؟؟؟

وطلب الزبون الغرفه رقم 39 وطلب سكينه سوداء ،،، وخيط حرير طوله 39 سم ،،، وبرتقاله وزنها 72 جم ،

وقرر صاحب الفندق ان يراقب ليعرف ماذا يحدث .....!!!!

وبالفعل ظل صاحب الفندق طوال الليل سهران يترقب

وبعد منتصف الليل بدأت الاصوات ذاتها التى سمعها العام الفائت
وسمع نفس التكسير والخبط ولكن هذه المره كانت الاصوات اشد ....

كانت اصوات مبهمه غير مفهومه ....!!!

وفى الصباح

رحل الزبون ودفع الحساب مضاعف

وبقى صاحب الفندق يتساءل عن هذا الاصوات وعن اختيار الغرفه رقم39

وعن وزن البرتقاله وعن طول الخيط الحرير وعن السكينه ؟؟؟

وظل طوال العام يترقب اول ايام شهر مارس ؟؟؟؟

وبالفعل فى صباح اول ايام شهر مارس من العام الثالث

حضر الزبون نفسه وطلب الاشياء ذاتها ..... والغرفه ذاتها ....!!
وبقى صاحب الفندق سهران وسمع نفس الاصوات بذاتها لكن كانت هذه المره اقوى بكثير من العام الماضى ....... !!1
وفى الصباح وقبل ان يرحل الزبون وعندما جاء ليدفع الحساب

قال له صاحب الفندق انا اريد ان اعرف السر ...!!!!

قال اذا قلت لك السر تعدنى ان لا تخبر اى احد على الاطلاق ....!!1

قال صاحب الفندق اعدك انى لا اخبر اى حد مهما كان ....

قال تقسم على ذلك .....؟؟؟

قال له صاحب الفندق
اقسم على ذلك ....!!
وبالفعل

صاحب الفندق
لم يخبر اى احد بالسر حتي الآن

35

الهجرة و واللاجئين / سؤال... ارجو الاجابة ( بدون زحمة )

« في: 02:03 13/09/2011  »

السلام عليكم شلع
شباب شوكت المنظمة تحددلي ولاية اسكن بيهة يعني بالمقابلة الاولى ميسألوني ياولاية تريد علما اني ماعندي كفيل يعني المنظمة نفسهة كافلتني

36

زاوية الرياضة / ALDONE CR7

« في: 16:30 09/09/2011  »

كشفت دراسة علمية حديثة عن وجود أوجه شبه كبيرة بين نجم كرة القدم البرتغالي كريستيانو رونالدو هداف ريال مدريد الإسباني وبين العداء الجامايكي أوسين بولت أسرع رجل في العالم.

ونشرت قناة "سكاي سبورتس" الرياضية فيلما وثائقيا يستعرض الدراسة التي قام بها معهد الميكانيكا الحيوية بمدينة فالنسيا الإسبانية والتي أشرف عليها الباحث لويس جارسيس.

وأشارت الدراسة الى أن التكوين الجسدي والعضلي لكريستيانو وبولت يكادا يكونا متماثلان، كما أبرز التشابه بين طول الوثبة وانسيابية حركة الساقين عند كليهما.

ووفقا للدراسة، فإن رونالدو يتمتع بقامة مناسبة (184 سم تقريبا) تتماشى مع سرعته الفائقة وقدرته على القفز لمسافات عالية واتقانه لالعاب الهواء وتسديد الكرة بقوة معتمدا على قوة عضلات الساقين.

واعتمدت الدراسة على تحليل مصور بالابعاد الثلاثية لحركة رونالدو اثناء الركض ومقارنتها بطريقة بولت في الجري، مبينة أن سرعة اللاعب البرتغالي قد تفوق عدائين يشاطرونه نفس طول القامة.

ودللت على ذلك بسبب قوة عضلات الجذع والفخذين لدى رونالدو بشكل غير طبيعي، كما تتمتع بمرونة تفوق العديد من الرياضيين المحترفين في الركض، فضلا عن طول ساقيه ونحافتهما.

المصدر : إي إف إي

37

الهجرة و واللاجئين / ساعدووووووووووووووني iom بغداد بخصوص اجراءات المقابلة الاولى

« في: 22:09 06/09/2011  »

السلام عليكم

شباب من ضمن تعليمات رسالة تحديد المقابلة الخاصة ب iom كاتبين

يفضل ترجمة ( الجوازات شهادات التعليم دفتر الخدمة والهويات والجناسي ) يعني همة كايلين يفضل ايصير اروح واني ممترجمهن

زين شهايد التعليم قصدهم مال الجهال لو مالتي ومال زوجتي

تحياتي للجميع

38

الهجرة و واللاجئين / << واخيراااا بعد انتظار قاتل دام سنة وشهر و11 يوم تم تحديد مقابلتي الاولى >>

« في: 11:41 05/09/2011  »

السلام عليكم
اليوم اني كلش فرحااااان 

اليوم الصبح فتحت الاميل مثل كل يوم جان كلش ماالكي كالعادة دا اسد الاميل جان تطلع هاي طنة ( طن )
شفت اميل من iom كلبي بدة يدك كلت اخاف مغذي جان شفت بداية الاميل تم تحديد مقابلة لك مكملت اقراية الاميل بس رحت اكمز بالصالة  جان ارجع قريت الاميل ويا الخريطة وكل التعليمات ورديت الهم

والف الحمدالله والشكر بعد انتظار سنة وشهر و11 يوم وصلتني الرسالة وحبيت اخبركم

يلة باركولي 

cristiano ronaldo
aldone

39

الهجرة و واللاجئين / سؤالين بسيطة ارجو الاجابة

« في: 18:00 04/09/2011  »

السلام عليكم

صاحبي ايريد جواب لهاي السؤالين لان هو ممشترك بعنكاوا واني كتلة اجيبلك الاجوبة

1) شنو المستمسكات الي لازم ياخذهة صاحبي للمقابلة الاولى

2) شنو المستمسكات الي لازم ايترجمهة لو عادي يروح والمستمسكات ممترجمة

40

دردشة منتدى الهجرة واللاجئين / صدك سواهة rayanchase

« في: 11:53 01/09/2011  »

السلام عليكم
ذاك اليوم المشكلة الصارت وية احد الاعضاء الي حجة على الاخ رايان
ورايان كال بعد ماادخل المنتدى ومن ذاك اليوم و rayanchase
ماكو صدك سواهة هذا وكما نلاحظ عدم مشاركتة من ذاك التعليق الي كال بي هذا اخر تعليق اكتبة والله هو خوش ولد وميستاهل الة كل خير
اذا هو متابعنة خلي يرجع وكافي دلع 

41

الهجرة و واللاجئين / باجر انعزل (عطلتنة)

« في: 20:45 29/08/2011  »

باجر ايعزلون اي او ام بمناسبة عطلة العيد
4 ايام ماكو امل
4 ايام ماافتح الاميل وكلبي يدك ( ودائما ماكو اميل بس مغذيات )
4 ايام ماشوف اكو مكالمة بتليفوني من ال اي اوم ( ودائما تطلع ماكو )

عطلة سعيدة وكل عام وانتو بخير

42

الهجرة و واللاجئين / مساعدة ضرورية رجاءا

« في: 18:14 26/08/2011  »

شباب احنة تهديدنة مجان قوي مجرد كالونة شيلو من المنطقة واخذو رقم السيارة واحنة طفرنة يعني ماكو عدنة رسالة تهديد واحنة راح نحجي بالمقابلة مثل ماصار ويانة بالضبط يعني هذا التهديد الضعيف اخاف ميقتنعون بي ويأثر على القضية ارجو اجابتي وشكرا لكم

43

سجل الزوار و باب الاقتراحات / نطالب بفتح الدردشة لان ملينا

« في: 19:23 24/08/2011  »

نطالب بفتح الدردشة لان ملينا .. شوكت تنفتح الدردشة الضوجة صعددددددددددددت

44

مواضيع الحياة العامة في بلاد المهجر (امريكا) / سؤال بسيط ارجو الرد رجاءا

« في: 18:49 22/08/2011  »

السلام عليكم
اذا الواحد يسافر المفروض ورة فترة زمنية يدفع تكاليف الطيارة شكد الاسعار للنفر الواحد وشكرا جزيلا
تحياتي
ابن مدريد

45

الهجرة و واللاجئين / بسرعة شباب iom هسة دزولي رسالة شوفوهة تبشر بخير

« في: 18:28 22/08/2011  »

السلام عليكم اليوم قبل الفطور وصلتلي هاي الرسالة شوفوهة تبشر بخير يعني راح يحددولي المقابلة الاولى زين شكد بعد انتضر اقروهة وردولي



Dear Applicant,

 

Thank you for your application to the U.S. Refugee Admissions Program.  Please be advised that a case has been created for you.  A representative of IOM will contact you soon to provide information on the next steps in your application. 

 

Please read the Information Sheet below for your reference regarding the refugee application process.

 

If you have any questions about this e-mail or your case, please feel free to contact the IOM Information Center at IC@iom.int.

 

Sincerely,

 

IOM Information Center

 

46

الهجرة و واللاجئين / سؤال iom

« في: 00:53 22/08/2011  »

السلام عليكم
شكد الحد الاقصى من الانتضار في تحديد المقابلة الاولى (اي او ام)
صارلي سنة وشهرين انتضر وماكو المقابلة الاوولى شكد بعد انتضر

علما اني 119 اي او ام بغداد

47

الهجرة و واللاجئين / صدك اذا الرمز تغير في رسالة iom يعني ملفك ماشي مواكف لو ماكو هيج شي الرجاء المساعدة

« في: 00:07 15/08/2011  »

السلام عليكم
شباب من دزيت رسالة الى iom دا اسأل عن موعد مقابلتي الاولى اجاني الرمز LKH وبعد فترة هم دزيتلهم رسالة عن موعد مقابلتي الاولى اجاني الرمز MJH
اني قريت بالمنتدى اذا اتغير الرمز يعني الملف مالتك ماشي مو واكف صدك لو لا
زين محد يعرف الرمز الاخير الي اجاني بالرسالة MJH هل هو في المراحل الاخيرة ام لا ؟؟؟
تحياتي ابن ريال مدريد    

48

دردشة منتدى الهجرة واللاجئين / شو مااكدر اعلق ولا اكتب مواضيع بالدردشة ليش ؟؟ ساعدوني

« في: 22:50 13/08/2011  »

السلام عليكم
شباب شنو السالفة شو مااكد اكتب موضوع بالدردشة ولا حتة اعلق ليش ؟؟
هاي اول مرة تصير ؟؟

49

دردشة منتدى الهجرة واللاجئين / ** معكم ياملوك لتحقيق كأس السوبر ** .... من معي

« في: 19:22 13/08/2011  »

النادي الملكي ريال مدريد يلتقي برشلونة في مواجهة الكلاسيكو بطعم السوبر الاسباني

*** معكم ياريال مدريد الى الفوز ***

تشكيلة النادي الملكي المتوقعة من الاس

كاسياس

مارسيلو - كرفاليو - بيبي - راموس

خضيرة - ألونسو - كريستيانو - أوزيل - كوينتراو

بنزيما

اتمنى الفوز للنادي الملكي ريال مدريد من معي

ملاحضة : ارجو من الادارة نقل الموضوع الى الدردشة وذلك لعدم استطاعتي نشره

ابــــــــــــــــــن ريـــــــــــــــــــال مــــــــــــــــــــدريـــــــــــــــــــــــد

50

دردشة منتدى الهجرة واللاجئين / محشش كلش

« في: 02:07 10/08/2011  »

محشش وجهوا له هذا السؤال

ماهو وجه الشبه بين الحمار
والأرنب؟

......قال: الحمار باللغة الانجليزية
اسمه دونكي

احذف (دون) بقىت كي

كي بالعربي يعني مفتاح

حط مفتاح في حكمة ... الصبر
مفتاح الفرج

احذف مفتاح الفرج، بقيت
الصبر

حط الصبر في حكمة بعد .. الصبر

جميل

احذف الصبر، بقيت

جميل

فيه ممثل مصري اسمه جميل

راتب

احذف جميل، ظلّت راتب

اعكس الحرفين الأخيريين

(التاء والباء)

بقيت رابت

ورابت بالانجليزي يعني
ارنب

51

دردشة منتدى الهجرة واللاجئين / اروع ماقال هتلر

« في: 01:05 10/08/2011  »

.1 إذا لم تعلم أين تذهب , فكل الطرق تفي بالغرض

2يوجد دائماً من هو أشقى منك , فابتسم

3 _ يظل الرجل طفلاً , حتى تموت أمه , فإذا ماتت ، شاخ فجأة

4- عندما تحب عدوك , يحس بتفاهته

5_ إذاطعنت من الخلف , فاعلم أنك في المقدمة

6_ الكلام اللين يغلب الحق البين

7_ كلنا كالقمر .. له جانب مظلم

8_ لا تتحدى إنساناً ليس لديه ما يخسره

9_ العين التي لا تبكي , لا تبصر في الواقع شيئاً

10_ المهزوم إذا ابتسم , افقد المنتصر لذة الفوز

11_ لا خير في يمنى بغير يسار

12_ الجزع عند المصيبة , مصيبة أخرى

13_ الابتسامة كلمة معروفه من غير حروف

14_ اعمل على أن يحبك الناس عندما تغادر منصبك , كما يحبونك عندما تتسلمه

15_ لا تطعن في ذوق زوجتك , فقد اختارتك أولا

16_ لن تستطيع أن تمنع طيور الهم أن تحلق فوق رأسك و لكنك تستطيع أن تمنعها أن تعشش في رأسك

17_ تصادق مع الذئاب ... على أن يكون فأسك مستعداً

18_ ذوو النفوس الدنيئة , يجدون اللذة في التفتيش عن أخطاء العظماء

19_ إنك تخطو نحو الشيخوخة يوماً مقابل كل دقيقة من الغضب

20_ كن صديقاً , ولا تطمع أن يكون لك صديق

21_ إن بعض القول فن .. فاجعل الإصغاء فناً

22_ الذي يولد يزحف , لا يستطيع أن يطير

23_ اللسان الطويل دلالة على اليد القصيرة

24_ نحن نحب الماضي لأنه ذهب . ولو عاد لكرهناه

25_ من العظماء من يشعر المرء بحضرته أنه صغير ولكن العظيم بحق هو من يُشعر الجميع في حضرته بأنهم عظماء

26_ من يطارد عصفورين يفقدهما

27_ المرأة هي نصف المجتمع وهي التي تلد و تربي النصف الآخر

28_ كلما ارتفع الإنسان , تكاثفت حوله الغيوم والمحن

29_ لا تجادل الأحمق , فقد يخطئ الناس في التفريق بينكما

30_ الفشل في التخطيط يقود إلى التخطيط للفشل

31_ قد يجد الجبان 36 حلاً لمشكلته ولكن لا يعجبه سوى حل واحد منها وهو .. الفرار

32_ شق طريقك بابتسامتك خير لك من أن تشقها بسيفك

33_ من أطاع الواشي ضيَع الصديق

34 أن تكون فرداً في جماعة الأسود خير لك من أن تكون قائداً للنعام
35لا تستحِ من إعطاء القليل فإن الحرمان اقل منه

52

الهجرة و واللاجئين / دزيت رسالة لل اي او ام

« في: 01:00 10/08/2011  »

السلام عليكم
والله ضجت بس اريد اقابل مقابلة اولى اليوم دزيت رسالة لل اي او ام سألتهم عن مقابلتي شوكت بلكت هاي الرسالة بيهة صالح ويحددولي موعد مقابلة
الكيس 119

53

الهجرة و واللاجئين / سؤال

« في: 13:37 07/08/2011  »

السلام عليكم
اذا اني ماراسل ال اي او ام واسألهم وين وصلت قضيتي وشوكت مقابلتي اتأثر لو هم يعرفون شغلهم اقصد اذا ادزلهم اميل كل شهر يسارعون بقضيتي لو لا

54

دردشة منتدى الهجرة واللاجئين / شلون اسوي صورة تعليق خاصة بأشتراكي في منتدى عنكاوا

« في: 16:16 31/07/2011  »

السلام عليكم شلع
بس شلون اسوي صورة تعليق خاصة بأشتراكي في منتدى عنكاوا

55

الهجرة و واللاجئين / مقابلتين بنفس اليوم حاجة ايجابية او سلبية

« في: 16:02 28/07/2011  »

حبيت اعرف مقابلتين بنفس اليوم حاجة ايجابية او سلبية ايكولون المقالة الاولى سهلة بس مقابلة المحلفين يرادلهة تحضير وقراية بالبيت اعتقد صعبة مقابلتين بنفس اليوم شدكولون

56

الهجرة و واللاجئين / منو 119 وبعدة ممقابل ارجو المشاركة

« في: 15:18 28/07/2011  »

السلام عليكم

طبعا شفت قيااامة مواضيع مال مقابلات اولى وقريت هواية من 119 واني 119 وبعدني ممقابل فأريد اعرف منو الكيس مالتة 119 وبعدة ممقابل

57

الهجرة و واللاجئين / ارجو المساعدة رسالة من اي او ام

« في: 20:47 26/07/2011  »

دزينة رسالة ال اي او ام سألنة بيهة عن موعد مقابلتنة شوكت فردونة


Thank you for your e-mail.

 

Kindly note that we have received your e-mail and it will be forwarded to the concerned department.

 

Once you are scheduled for the interview, you will be contacted for more details.

 
شنو قصدهم قضيتك راحت للجهات المعنية
من هم الجهات المعنية
وشصار بينة
119 اي او ام بغداد

58

دردشة منتدى الهجرة واللاجئين / شلوووووووووووووووووووووووون

« في: 19:13 21/07/2011  »

السلام عليكم اني من بغداد صف سادس علمي طلعت دور ثاني بالاحياء الي هي عقدت حياتي بس اريد 45 ويرفعوني قرار 5 درجات وانجح بس شلون اجيبهة شلووووووووووووووون

59

الهجرة و واللاجئين / بس ليش

« في: 20:48 20/07/2011  »

السلام عليكم
اني مقدم iom بغداد والكيس 119 وصار سنة مقدم وارسلنة الفورمات بنصف شهر الثالث وهواية قابلوا الة اني والله ضجت مليت اووووووووووووووووووووووووووووووووووووووووووووووووف اوووووووووووووووووووف
والغريب خابرنة اي او ام كتلة اريد استفسر عن قضيتي وانطيتة رقم الكيس كلي تم تحديد موعد مقابلة كتلة شوكت كال احنة نخابرك شنو يعني ومر اسبوعين عالمكالمة وكلشي ماكو

60

مواضيع الحياة العامة في بلاد المهجر (امريكا) / ارجو المساعدة سؤال محيرررررررني كلش

« في: 13:01 12/07/2011  »

السلام عليكم شلع
بامريكا اذا رحت كلية ايريدون معدل مال سادس قسم من اصدقائي ايكولون معليهم بشهادة السادس المهم عمرك وقسم ايكولون ايردون شهادة سادس ممكن اعرف ايريدون شهادة سادس لو يعتمدون علة عمري وشكرا

61

الهجرة و واللاجئين / بس فهموني راح اتخبل

« في: 12:40 04/07/2011  »

السلام عليكم بس اريد افتهم اكو ناس من جماعت الفورمات حددولهم موعد مقابلة وكيساتهم 122 و 123 واني هم من جماعت الفورمات ورقم قضيتي 119 واني مقدم قبلهم فليش حددولهم مقابلة قبلي هل انو ملفي بي شي لو هو جدول لوشنو ؟؟؟

62

الهجرة و واللاجئين / كل واحد يكتب مدة انتضارة بعد ارسال الفورمات ل iom

« في: 18:45 02/07/2011  »

السلام عليكم اخوني واخواتي
حبيت اطرح هذا الموضوع حتة انسوي احصائيات ونشوف منو من جماعت الاستبيانات قابل ومنو بعد فارجو من الاخوة كتابة مدة انتضاره بعد ارسال الفورمات
(اي او ام بغداد)
اني دزيت الفورمات
2011-3-25
والى الان لم يتصلوا بي على موعد مقابلة (اولى)

63

الهجرة و واللاجئين / رسالة من اي او ام

« في: 12:44 30/06/2011  »

السلام عليكم هاي دزينة رسالة ال اي او ام نستفسر عن قضيتنة بس وصلتنة رسالة مو هاي الكليشة الي كل مرة يدزوهة هاي الرسالة يعني اكو احتمال موعد مقابلة اولى قريبا لو هاي هم نفس الكليشة مالتهم

Dear Sir,

 

Thank you for your e-mail.

 

Kindly note that we have received your e-mail and it will be forwarded to the concerned department.

 

Once you are scheduled for the interview, you will be contacted for more details.

 

64

الهجرة و واللاجئين / الولاية والكفيل IOM

« في: 22:06 28/06/2011  »

السلام عليكم شلونكم اخواني العنكاويين
المنضمة همة الي يختارونة الولاية لو يسألونة وين تريدون علما انو احنة بدون كفيل يعني المنضمة كافلتنة

ممكن اعرف شي اهم يعني منو احسن انخلي احنة كفيل لو نعتمد على المنضمة ويكولون المنضمة احسن يلكولك شغل

65

الهجرة و واللاجئين / محد يعرف اشصار باخونة (بغدادي 76)

« في: 11:35 28/06/2011  »

السلام عليكم علساس بغداد76 عندة موعد سفر اليوم بل 10 لازم هو بالمطار والبارحة استفسر عالطريق وشلون يوصل وجان ضايج محد يعرف خطية شصارلة وصل بالسلامة ؟؟؟ انشاءالله وصل وهسة هو طاير بالسمة

66

مواضيع الحياة العامة في بلاد المهجر (امريكا) / ممكن توضحلولي (رجاءاااااااااااا)

« في: 21:07 20/06/2011  »

السلام عليكم
اني تخرجت من السادس علمي واريد اعرف اذا سافرت يصير ادخل كلية واشتغل بنفس الوقت زين شنو الشغلات الواحد مثل حالتي وشكد تقريبا الفلوس وشلون ينطوهة يومية لو شهرية والدراسة على حسابي ؟؟؟ زين اني معدلي تعبان يعني 60 شلون ايصير القبول مال كليات بامريكا ممكن اتوضحولي

67

الهجرة و واللاجئين / شنووووووووووووو سالفة جماعة الفورمات

« في: 17:23 07/06/2011  »

لوبس اعرف شنو سالفة جماعة الفورمات شو دزونة الفورمات ورسلناهن وكلشي ماكو مو ملينة من الانتضار شنو هاي (اي او ام بغداد)

68

الهجرة و واللاجئين / مامعنى الاحرف NA

« في: 16:36 29/05/2011  »

السلام عليكم
صارلنة 10 اشهر مقدمين اي اوم بغداد وماكو شي دزولنة الفورمات ومليناهن قبل شهرين واخر اميل منهم اجة بي الاحرف NA
احد يعرف شنوو اني خايف من حرف ال n اخاف NO
هههههههه

69

الهجرة و واللاجئين / شنوووو سالفة جماعة الفورمات

« في: 01:01 22/05/2011  »

السلام عليكم
مقدمين صار 9 اشهر ودازين الفورمات صار شهرين وكلشي ماكو وجماعة الفورمات مسمعت احد منهم مقابل الي عندة معلومات خلي يكول ويريحنة

70

الهجرة و واللاجئين / مهم

« في: 17:09 10/05/2011  »

السلام عليكم
هم اكو احتمال ايسوون مقابلة اولى بأمتحان اخير السنة لو يدرون اكو عوائل ابنائهم بامتحانات نهائية وشكرا

71

الهجرة و واللاجئين / الي يبدي الكيس نمبر 119 iom بغداد

« في: 22:04 25/04/2011  »

السلام عليكم .....
اني رقم الكيس نمبر iom بغداد يبدي 119 وليهسة كلشي ماكو وشفت عالم قابلو وارقامهم تبدي 123 و 122 شنو السالفة بس همة دزونة الفورمات واحنة مليناهن ودننتضر صار شهر وماكو شي (بعدنة ممقابلين ولا مقابلة) اذا اكو احد ايفيدنة بأستفسار اكون مشكور . ايصير اندزلهم رسالة عالاميل نذكرهم لو ميحتاج اني سامع ايكولون اذا تذكرهم احسن حتة لتجمد القضية (علما احنة مقدمين من تاريخ 2010-08-25 يعني خلصنة 9 اشهر

72

الهجرة و واللاجئين / مساعدة

« في: 07:53 17/04/2011  »

السلام عليكم ....
اني من بغداد مقدم IOM رقم الكيس نمبر ___________ رسلونة فومات ودزيناهن ورة شوية جتي رسالتهم الاوتماتيكية كالت راح انرد بعد اسبوعين مر 3 اسابيع وماردو يعني نسونة لو شنو ؟؟؟
زين رقم الكيس مالتي محد يعرف وين واصلة الارقام شوكت يجينة السرة

73

الهجرة و واللاجئين / سؤال مال واحد ضايج

« في: 20:14 06/04/2011  »

السلام عليكم ..........
شنو السالفة اخوان شو هواية دا اقرة حالات رفض شنو كامو ميريدونة لو شنو
اني دزيت استمارة المعلومات الي رادوهة ومقابلتي الاولى قريبا
هو الرفض يعتمد على المقابلة الاولى لو على مقابلة المحلفين

74

الهجرة و واللاجئين / اخوكم محتاج مساعدة (تحديد مصير)

« في: 22:06 01/04/2011  »

السلام عليكم .... بصراحة ابوية دايخ بالمقابلة الاولى كتلة اكو موقع اسمة ((عنكاوا)) موقع كلش حلو وناسة طيبين ويساعدون تحسهم مثل اخوانك وعرفتة عالموقع وعجبة كلش على كلا
ابوية راد يعرف شيصير بالمقابلة الاولى يعني ايريد يعرف الاسئلة من البداية للنهاية حتة ميتفاجىء بالاسئلة واكون ممنون كلش اذا ساعدتونة والله يخليكم ياربي 
اخوكم ..... ياسر

75

الهجرة و واللاجئين / محتاج جواب

« في: 01:25 01/04/2011  »

السلام عليكم ...
شباب ممكن اعرف تقسيم الاجئين العراقيين على الولايات الامريكية ؟؟
زين اي ولاية مناسبة للعوائل ؟؟‎ ‎

76

الهجرة و واللاجئين / خاااااااااايف

« في: 06:30 30/03/2011  »

السلام عليكم ..........
احنة مقابلتنة قريبا انشاءالله مضل شي بس اني كلش خايف بس افكر اخاف ننرفض هم اكو احتمال يرفضون
اذا رفضونة كل احلامي تصير سراب

77

الهجرة و واللاجئين / وضع الطالب اللاجىء (ظروري تردون رجاءا)

« في: 16:10 28/03/2011  »

السلام عليكم ...... اشلونكم اخوان انشاءالله بخير
حبيت اطرح عليكم سؤال شاغلني كلش اني هسة طالب صف سادس علمي بس بعدني بالعراق وانشاءالله شغلت سفرنة على iom كملانة حبيت اعرف اذا اتخرجت واسافر لامريكا شلون ايصير دخول الكليات والتقديم هم يعتمد على المعدل لو اني اختار الكلية الي تعجبني بس بفلوس يعني المفروض على حسابي مو .......؟ وشلون وضع الطلاب اللاجئين الرجاء الرد لان دا انتظر
وشكراااااا جزيلا

78

مواضيع الحياة العامة في بلاد المهجر (امريكا) / وضع الطالب الاجىء (ضروري تردون رجاءا)

« في: 16:08 28/03/2011  »

السلام عليكم ...... اشلونكم اخوان انشاءالله بخير
حبيت اطرح عليكم سؤال شاغلني كلش اني هسة طالب صف سادس علمي بس بعدني بالعراق وانشاءالله شغلت سفرنة على iom كملانة حبيت اعرف اذا اتخرجت واسافر لامريكا شلون ايصير دخول الكليات والتقديم هم يعتمد على المعدل لو اني اختار الكلية الي تعجبني بس بفلوس يعني المفروض على حسابي مو .......؟ وشلون وضع الطلاب اللاجئين الرجاء الرد لان دا انتظر
وشكراااااا جزيلا