مواضيع

1

الهجرة و واللاجئين / اكملت الدورة التثقيفة IOM بغداد

« في: 18:42 01/05/2012  »

السلام عليكم ...

اكملت والحمد لله الدورة التثقيفية لل IOM ...

رحت ساعة 6 الصبح ((على اساس سبع وشاطر  )) لكيت اكثر من 30 شخص قبلي بالباب مال معسكر الازدهار ((بس لو اعرف بيش الساعة جايين جان ارتاحيت  )) ... دخلت بعد اكمال اجراءات التفتيش لقاعة الانتضار ساعة ثمانية وربع ... ورة شوية اجة موضف ودخلنة للبناية مال IOM بدت المحاضرة ساعة 9 وانطونة استراحة 10 دقايق ساعة 11 ... واستراحة ثانية نص ساعة ساعة 2 الظهر وطلعنة ساعة اربعة بالضبط .

وان شاء الله انزل موضوع مستقل شصار من الالف الى الياء وتقبلو تحياتي

2

دردشة منتدى الهجرة واللاجئين / موضوع للنقاش عن المنتدى ((الرجاء الكل اتشارك))

« في: 19:29 26/04/2012  »

السلام عليكم ...

اني من الاعضاء الي انتموا للمنتدى في شهر ابرل 2011 اي قبل سنة بالضبط ... الصراحة عدم انتمائي للمنتدى قبل هذا الوقت لاني مكنت سامع بي ... وفي ذلك الوقت كنت اكمل اوراق ال SIV فاكنت عندي مجموعة من الاسئلة وجهتها لمجموعة من الزملاء في العمل ... جاوبني احد الزملاء اي استفسار راح تلكالة جواب في منتدى عين كاوة ... والحمد لله والشكر اشتركت بهذا المنتدى الاكثر من رائع ... وبسبب مشاغل الحياة والعمل الصعب كنت ادخل عل منتدى من فترة لاخرى بس انقطعت لمدة 4 اشهر ورجعت قبل ايام من بديت اسمع الاخبار الحلوة عن صدور الفيز لمجموعة من زملائي بالعمل ورجعت وشفت الفرحة على وجوة اغلبية الاعضاء لان الاخبار تبشر بخير ((وان شاء الله خير للجميع)) ...

بس بالاربع الايام الي فاتت كمت اشوف شكول بالمنتدى ما انزل الله بهم من سلطان ((مع احترامي لكل الاعضاء)) ونزاعات طائفية ونزاعات دينية وركص وطربكة وغيرة وحقد وغيرها وغيرها ...

فهموني شنو الي صار ؟؟ليش هيج ؟؟
الكل والحمد لله ناس مترباية وتعبانة على نفسهة ليش ديصير بالمنتدى هاي الشغلات ؟؟؟ الله يخليكم فهموني ؟؟ وقنعوني ؟؟
ترة صحيح احنة هنا بالانترنت محد يعرف الثاني بالحقيقة ... بس اخلاق الانسان لازم تبقة وحدة بكل مكان ... صح لو لا ؟

يقول الله سبحانه و تعالى
{وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِإِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا  كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ }آل عمران103
صدق الله العظيم

اخواني هدوا النفوس وتصالحوا وخلي يرجع المنتدى مثل قبل نقاشات حلوة وبنائة وبدون مشاكل وصراعات وخلافات ...

اخوكم RED HAT

وشكرا للاعضاء وشكرا للادارة ((وارجوا عدم الحذف))

3

الهجرة و واللاجئين / واخيرا ... اتصال من IOM عمان حددولي دورة تثقيفية بعد انتضار اكثر من سنة ونصف

« في: 13:52 25/04/2012  »

السلام عليكم ...

استلمت مكالمة هاتفية قبل قليل من المنظمة كالولي اسبوع الجاي عندك دورة تثقيفية .... بعد انتضار دام اكثر من سنة ونص اذكروني  .... ههههههههههههههه ولو هوة هذا مغذي ابو 50000000000000000 سي سي بس هم ميخالف 

تحياتي

4

الهجرة و واللاجئين / عاجل عاجل ((وان شاء الله خير))

« في: 12:36 13/12/2011  »

السلام عليكم ...

احد اصدقائي كمل مقابلة ال SIV واليوم شفتة ودنسولف ... كتلة ها شكو ماكو شلونة المقابلة ... كال والله الحمد لله سهلة وروتين اعتيادي بس كالي تعجبت على شغلة ... كتلة شنو خير ... كالي : القنصل كالي انتضر من عدنة خبر خلال ال 3 اشهر الجاية ...

اخواني الضاهر اكو تسريع بالاجراءات لان اني من قابلت القنصل كالي انتضر من عدنة خبر خلال 9 اشهر واغلبية الاصدقاء والزملاء الي قابلو بنفس الفترة مدة الانتضار من 8 الى 9 اشهر(قصدي الي قابلو بشهر 10 و 11) .

وياربي خير وتفرج عل جميع

5

الهجرة و واللاجئين / الى جماعة ال SIV الي ديمشون بالاوراق مالتهم مهم مهم مهم بيان قيد ولادة غير ضروري

« في: 20:59 24/06/2011  »

السلام عليكم ...

اخواني الي ديمشون بالاوراق مال SIV  صورة قيد ولادة او بيان ولادة غير ضروري بالمعاملة ولا دوخون نفسكم بي وصورة قيد 57 كافية ووافية وهذا الكلام اكيد وتأكدو من هذا الرابط :
http://travel.state.gov/visa/fees/fees_5455.html?cid=9218

واي مساعدة ان شاء الله اني موجود

6

الهجرة و واللاجئين / الحمد لله والشكر عندي صديقي سافر قبل يومين على برنامج SIV

« في: 08:32 30/05/2011  »

السلام عليكم ...

اخوتي حبيت ابشركم عن ولد صديقي ... الف الحمد لله والشكر سافر قبل يومين واليوم وصل الى امريكا ولاية فرجينيا (بالعافية عليه) وان شاء الله يوم الي يسافرون جميع االاعضاء ...

تاريخ المقابلة بالسفارة : 15/12/2010
تاريخ استلام الفيزة : 18/4/2011
تاريخ السفر : 27/5/2011

وحمد لله على سلامته وان شاء الله يوم الي نتلاكة كلنة هناك

7

الهجرة و واللاجئين / سؤال من اهل الخبرة في برنامج siv

« في: 14:48 29/05/2011  »

السلام عليكم ...

اني مشترك جديد ... ولكني مخضرم بال IOM  ... بعد ما ملت روحي من الانتضار قررت التقديم لبرنامج SIV  والحمد لله حصلت علة الموافقة ودزيت الاوراق لنبراسكا واجاني الايميل الي ديكولي بي حظر اوراقك من القيد الجنائي والصورة القيد والى اخره ...
عندي ثلاثة اسئلة :
1- هل بيان الولادة ضروري ومنين اكدر احصلة ... يعني قصدي من يا دائرة .
2- وشنو المقصود بالبنفشري نمبر وهل هو ضروري لمائ الاستمارة 260 لان اني لحد الان ما فاتحهة ( البارحة يلة استلمت الايميل) واذا كان هذا النمبر ضرور ي منين اكدر احصلة.
3- هل صورة القيد ضروري ان تترجم في شارع الرشيد لو اكدر اترجمهة يم نادر .

وشكرا الكم مقدما بس والله دخت من ورة ذني السوالف ... لان لحد هسة جنت معتمد على نفسي وهسة بنجرت ودا احسهة اللاصت علية ... واني متأكد انتو اخوتي ومراح تقصرون

اخوكم RED HAT