مواضيع

1

الهجرة و واللاجئين / صديقي العزيز قصي عبد الله ....ما توقعك لهذا الملف؟؟

« في: 04:01 02/08/2014  »

السلام عليكم ومرحبا
اخي وصديقي  قصي


اكو عائلة مقدمه على اللجوء بس ما مسجلين بالمنتدى وتفاصيل ملفهم حاليا الملف معلقة من شهر 3 الماضي وكولشي مكتمل والموافقة مشروطة حيث تمت لهم اكثر من اعادة محلف ولكن تم استحصال الموافقة المشروطة بالنهاية والتجييك الامني بالانتظار والفحص بنهاية هذا الشهر يصير اكسباير (الفحص الثاني لهم ) والسفر غير فعال وتم الاتصال فقط بدون توقيع الاوراق(الكفيل) والمطار نازل ....تقديم
..2011......شكرا جزيلا




اخوكم كالوني البصرة

2

الهجرة و واللاجئين / منو مثل حالي ...توقعاتكم

« في: 12:33 29/07/2014  »

السلام عليكم جميعا
 يوم الخميس اللي فات اتصلوا فقط على تثبيت موعد سفر واللي هو يوم ٤ بشهر ٨ ولحد الان لم يتصلوا للتفاصيل وخط الرحلة مع العلم ان الموظف أكد في حالة عدم
الاتصال سيكون الموعد ملغي ......زين انه الفحص راح يكون اكسباير يوم ١٠ شلون بهيجي حالة اذا تعدى الفحص يعني شتكولون اعيدة ؟ 
مع العلم السفر بالانتظار والموعد  منازل بالموقع والملف فعال .
اخوكم كالوني البصرة

3

الهجرة و واللاجئين / منو نطوه خط الرحلة،،التفاصيل

« في: 14:04 27/07/2014  »

السلام عليكم 
أكو واحد انطوه خط رحلة اليوم لو بس حددوا موعد السفر؟ 
وبالنسبة لأيام العيد وكل عام وأنتم بخير هل المنظمة تداوم ؟


اخوكم كالوني البصرة

4

الهجرة و واللاجئين / من منكم السفر بالانتظار والفحص ينتهي بشهر 8 حصرا+ اتصلت بيهم اليوم

« في: 13:52 15/07/2014  »

ارجو من الاخوة الاعضاء المشاركة معي اذ كانوا بنفس الحالة على الاقل حتى نوصل لنتيجة معينه مع العلم اني اتصلت بيهم اليوم (بس انتظر والله كريم )
الفحص ينتهي ب10 من شهر 8 والانتظارتعدى ال40 يوما.




اخوكم كالوني البصرة

5

دردشة منتدى الهجرة واللاجئين / منو يعرف موقع نت يبث كاس العالم ؟

« في: 06:12 14/06/2014  »

ارجو من اللي يعرف موقع جيد لا يبخل علينه وشكرا جزيلا مقدما 

اخوكم كالوني البصرة

6

الهجرة و واللاجئين / $$$ السفر بالانتظار $$$

« في: 15:56 13/06/2014  »

السلام عليكم جميعا ومرحبا اليوم حبيت اسوي موضوع جديد عن  كل كيس صارت حالة السفر عنده بالانتظار ....وياريت كل واحد نفس الحالة خلي يذكر فقط تاريخ تحول السفر عنده بالانتظار فقط  واذا استلم  موعد خلي يكول حتى لو فقط للذكر يعني بدون تاريخ منعا للاحراج...
اخواني هذا الموضوع الهدف منه  الحصول على نتيجة تقريبية للاشخاص من يوم تحول الموقع بالانتظار لحين موعد السفر  وايضا نكدر نتقرب مع بعضنا لان احتمال نكون طيارة واحدة واتمنى لحد يسال تفاصيل ملف لان اللي يوصل هذه المرحلة اكيد مكمل كلشي بس تبقى عنده 
اكسباير الفحص ولهذا راح ابدي بنفسي واعتقد اللي راح اذكره يكون كافي ووافي ....
التقديم 2011 بغداد
الانتظار من يوم 3 بشهر 6
اكسباير الفحص بداية شهر 8  القادم

تقبلوا تحياتي وكل تقديري واحترامي لكل من سأل عني ...وبالمناسبة اكو مواضع اخواني الاعضاء مشابهه لموضوعي  لكم مني كل التقدير والاحترام وان شاء الله كل اعضاء المنتدى يبشرونه بسفرهم القريب يارب
اخوكم كالوني البصرة

7

الهجرة و واللاجئين / كليشة السفر .... مبروك الشكل الجديد

« في: 21:36 03/06/2014  »

السلام عليكم اخواني الكرام ومرحبا
الف مبروك الشكل الجديد لمنتدانا العزيز وان شاء الله تتسطر الاخبار الحلوة على الواجهه الجديدة والمشرقة بفحواها ان شاء الله
مثل ما وعدتكم بكلشة السفر  وهاي هيه ادناه ويارب نحصل كلنا عليهه ونسافر يارب
Please note that IOM is in the process of scheduling your departure to the United States.  You will be contacted in the near future by an employee of the IOM regarding your departure details.


اخوكم كالوني البصرة
بس ملاحظة من نظغط الانتر ما تنزل الكتابة سطر جديد عند كتابة الموضوع  .....تحياتي

8

الهجرة و واللاجئين / كليشة جدولة السفر

« في: 14:19 29/05/2014  »

السلام عليكم جميعا ومرحبا
اخوان انه سامع او بالاحرى اكثر من مره اجتني كليشة الامنية واللي تبدا بعبارة ( تشير المراجعات...... ) بس هل صحيح اكو شي اسمه كليشة
خاصة بجدولة السفر وهذا الشي مستغرب منه ...لان السفر غير فعال حسب موقع الولد اللي يكول جتني الكليشة بالايميل وهو حاليا بامريكا بس اهلة مكملين
كولشي ...ولهذا طلبت منه ان يرسلي الكليشة وانه بدوري استعرضها لكم حتى نكدر نحلل وضعة يمكن يكون روتين جديد والله كريم


اخوكم كالوني البصرة

9

الهجرة و واللاجئين / عدم المحكومية اكسباير يوم 28 والمقابلة يوم 29

« في: 16:23 18/05/2014  »

السلام عليكم اخواني
لي ولد صديق ومقدم والدته على الهجرة ومسوي لها عدم محكومية  بس هسه طالبين مقابلتها وعدم المحكومية تنتهي يوم 28 والمقابلة يوم 29 بهذا الشهر
زين هو محتار وانه ما اعرف تفاصيل ﻻن انه على ال IOM بس طلب مني انزله الموضوع حتى يجاوبون اهل الخبرة بيه يروح يقابل لو مشكلة ؟

 اخوكم كالوني البصرة

10

الهجرة و واللاجئين / اخذوا نصيحتي وان شاء الله متحتارون

« في: 11:32 17/05/2014  »

السلام عليكم جميعا ومرحبا
نظرا لكثرة المشاكل اللتي تواجهنا بحياتنا الحالية واللي سببها المنظمة وروتينها البطيء ، بحيث ﻻ تسوي هيجي ﻻن راح تسافر
والسفر شوكت؟ يمكن شهر ويمكن سنه ويمكن اكثر ......
نصيحتي اخواني الاعزاء ان تعيشون حياتكم بشكل طبيعي عدا السفريات الاعتيادية واللي تحتاج ختم جواز ... الموقع كل اسبوع شوفة
اذا اكو موعد بيه فرتب وضعك في حينه ....اكيد الواحد راح يربح حياته اللي لن تتكرر ولا سامح الله صارت مشكلة بملفك فتاثير الصدمة
راح يكون خفيف جدا واذا السفر صار فعادي  متخسر شي حتى لو بعت ممتلكاتك بربع السعر بس ربحك راح يكون انك عايش حياتك
مو تحت رحمة شخص يحدد مصير عائلة وهذا اللي كاعد اشتغل عليه ومثل ما تعرفون انه تقديم بداية 2011 ...ها واخر شي قبل لا انسى
دائما تواصلوا بالمنتدى لان بيه الواحد يجدد عزيمته وطاقته ويحس بنفسة جزء من عائلة تمر بها نفس المعاناة ...ولكم مني جزيل الشكر والمحبة.

اخوكم كالوني البصرة

11

الهجرة و واللاجئين / شنو السالفه ...حتى الانتخابات تاخرنا شهر ...لعد شكد محظوظين

« في: 13:33 08/04/2014  »

السلام عليكم جميعا
شنو السالفة اشو ماكو مواعيد سفر ولا دورات تثقيفية او مواعيد مقابلات بهذا الشهر المشؤوم يعني بس عرفوا يرفضون
بالعالم من بدايته وهاي هيه ؟... .صدك الربع يحبونه هههههههه

اخوكم كالوني البصرة

12

الهجرة و واللاجئين / الموقع رجع بدون تحديث للاسف

« في: 10:31 05/03/2014  »

مو خوش خبر .....

13

الهجرة و واللاجئين / منو منكم استفسر بخصوص الموقع

« في: 10:54 04/03/2014  »

احبتي جميعا السؤال واضح وياريت اذا واحد محصل موظف ومستفسر على عدم تحديث
الملفات بالموقع وخصوصا ببداية سنة 2014 ولحد الان ؟ لان ادك عليهم وما احصل واتمنى اسمع
جواب منكم.

اخوكم كالوني البصرة

14

الهجرة و واللاجئين / موقع ال IOM بدون بطاريات

« في: 19:05 16/02/2014  »

السلام عليكم جميعا
موقع الهجرة حاليا وعلى الاغلب لم يتم التحديث فيه في بداية هذه السنة وهذا الشي صار بيه لان انه منذ الشهر السادس عندي الفحص
اكسباير وقبل اسبوع اتصلوا على الاعادة وتمت الاعادة والموقع ولا ترميشة يعني باقي اكسباير واعتقد هذه الحالة عامة حتى جماعة المقابلات
واللي ينتظرون موعد سفر ....فلا يظل بالكم اعتقد وهذا رايي الشخصي اكو تعديلات على الموقع وان شاء الله تبين خلال الايام القادمه ...بس هذا لا يعني انه الكل لم يتم التحديث لهم ولكن الاغلبية
لم تتم التحديثات لم وانه منهم ....وسلامي لكم وامنياتي لكم بالسفر العاجل.

اخوكم كالوني البصرة

15

الهجرة و واللاجئين / عدم محكومية سؤال لاصحاب الخبرة رجاءا

« في: 06:25 16/02/2014  »

ولد صديقي امريكي ومقدم لوالدة فحولوه على عدم المحكوميه ببغداد
سابقا كان مسوي بصمات الها قبل سنه.. فسؤاله انه  يكدر ما يخليهه تحضر مره ثانية على اساس انه ماخذين البصمات سابقا؟
لو ﻻزم يجيبهه الهم مره ثانية واذا اكو رقم تلفون حتى الواحد يكدر يتصل بيهم ياريت
الولد ما يندل وهو من اهل البصرة فيا ريت العنوان بالضبط  لان سابقا كان اخوه موديهه وهسه هوه واخوه زعلانين...

ارجوا من اصحاب الخبرة الرد من باب انساتي لان والدة عدهه انسداد بالشراين وهو يريد يعالجهه بامريكا...

اخوكم كالوني البصرة

16

الهجرة و واللاجئين / الفحص الطبي ___ القنبله الموقوته

« في: 18:18 01/12/2013  »

السلام عليكم ومرحبا للجميع

اعتذر عن عنوان الموضوع بس حبيت الفت انتباهكم لمسأله مهمه جدا جدا ومن حيث  اعتبر من المتضررين بيهه شخصيا ..... الا وهو
 الفحص الطبي
 يعني مثل ما نعرف ان الفحص صار كل 6 اشهر ويرجع اكسباير وباليوم الواحد فقط 5 عوائل تفحص وهذا الكلام منقول من الاعضاء اللي يداومون بالمستشفى الخاصة بالفحص يعني المدة قصرت والعدد قل وهذا يتناسب عكسي بالاعداد اللي مقدمه على الهجره ومثل ما شفتوا اكو ناس دزوا عليهم علمود المحلفين والفحص غير فعال وحسب تصوري انه مثل هذه الحالة راح تزيد بالايام القادمه على خلاف الحالات الخاصة اللي كانت بالسابق عندما كان الفحص سنه ويصير اكسباير وهذا الشي اتمنى ان اكون بيه خاطيء لان راح يؤثر بشكل كبير على الملفات....

 اما بالنسبه لحالتي الفحص اكسباير بالموقع صارلة 6 اشهر وكولشي ماكو لان اخر فحص كان بنهاية شهر 5 2012 واترك لكم التعليق....

اخوكم كالوني البصرة

17

الهجرة و واللاجئين / مهم جدا -الكغيل ﻻ يتجاوب-ما العمل اذن؟

« في: 06:07 09/11/2013  »

السﻻم عليكم اخواني جميعا
حبيت اليوم انزل موضوع جدا مهم وحساس الا وهو الكفيل ....
في الاونه الاخيرة كلنا نسمع بان الكفيل ﻻيرد على اتصال المنظمه او الكفيل غير تلفونه او سكنه او اصﻻ الكفيل
اختفى من قبل المكفول اي طالب اللجوء لا يعلم بما حل بالكفيل ....زين شلون ؟ الواحد شنو يكدر يسويه حتى ﻻ يتاخر
على مسألة الكفاله ﻻن مثل ما تعرفون المنظمه مبهمة وﻻ تعطينا جواب شافي يجوز بالعكس تصيرلهه حجة حتى تأخرنا
فخلونا اخوتي نناقش هذا الموضوع واكيد نستعين بعباقرة المنتدى كي نتوصل الى حل يفيد الجميع .

اخوكم كالوني البصرة

18

الهجرة و واللاجئين / 5 اشهر الفحص اكسباير

« في: 13:18 05/11/2013  »

.السﻻم عليكم اخواني ان شاء الله الجميع بخير واخص بالسﻻم من ذكرني ويارب يذكر اسمه بالسفر القريب

هذا رد اخر رسالة وردتني من المنظمه بخصوص اعادة الفحص وبعدني لم استلم نتيجة المحلف وﻻ كفيل وﻻ نزول مدينه
اترككم مع الرسالة واتمنى الاستفادة لي ولكم من الردود احبتي
مع الرمز AHN

Dear Sir/ Ma’am,


Thank you for your email.

Please be informed that we have checked your case and found in processing.

Please rest assured that you will be contacted once you are scheduled for medical examination .


For general case status inquiries, we encourage you to visit IOM’s website at https://www.jordan.iom.int/refinfo/ to receive an instant case status update.

19

الهجرة و واللاجئين / اليوم تغيير بالملف ( المحلفين )

« في: 07:14 09/10/2013  »

السﻻم عليكم جميعا ومراحب للكل
اليوم الفجر لكيت حالة المحلف مكتمل حيث تمت المقابلة في 7 من شهر 9
الحمد لله على الاكتمال ويارب الجميع ممن ينتظر اكتمال حالة المحلف ان تكتمل بالقريب العاجل
بس ادعولي بسرعة الاتصال على اعادة الفحص الطبي حيث باقي اكسباير منذ بداية شهر 6 ولحد الان
وباقي الاشياء بالنتظار ما عدا السفر غير فعال والمدينه والمطار فارغ حاليا....
شكرا جزيﻻ لكل من اضاف تعليق على الموضوع مقدما.

اخوكم كالوني البصرة

20

الهجرة و واللاجئين / الربط القوي والضعيف وشلون فصل الكيسات

« في: 11:52 06/09/2013  »

السﻻم عليكم
احبتي جميعا دمتم بخير.......
سؤال مهم جدا هل الربط بين اكثر من كيس يؤثر على سير الاجراءات بشكل عام لجميع الكيسات المربوطه ربط قوي؟
سؤال شلون الواحد يعرف انه مربوط الكيس مالته بالكيس الاخر ربط قوي او ضعيف؟
سؤال ماهي الكليشة لفصل الكيس عن الكيس الثاني اذا كان الربط قوي؟

ويارب يجاوبون اهل الخبرة

اخوكم كالوني البصرة

21

الهجرة و واللاجئين / اعادة المحلفين ولكن ما السبب؟ !!!!!

« في: 07:37 21/08/2013  »

السلام عليكم اخواني
البارحه اتصلت المنظمه على صديق لي وبلغوه على اعادة المحلفين اللي قابلهم قبل 10 ايام تقريبا
بس طلب منهم ارسال ايميل على تاكيد الموعد وفيه تصريح الدخول علما ان الموعد الجديد يوم السبت القادم
ولكن لم يرسلوا له الايميل وبقي عنده اليوم وغدا فقط
فسؤاله اذا لم يرسلوا له تصريح الدخول هل يراسلهم واذا راسلهم شوكت يجاوبوه والموعد قريب
فحيره وانه ما عرفت شكوله فياريت تشاركونه بمقترحاتكم واراءكم علما الولد من اهل بغداد

اخوكم كالوني البصره

22

الهجرة و واللاجئين / الغاء موعد مقابلة المحلفين.✺ الحمد لله على كل حال

« في: 10:42 05/08/2013  »

السﻻم عليكم اخواني
قبل قليل اتصلوا المنظمه وبلغوني بخبر الغاء مقابلة المقرره يوم الخميس والى اشعار اخر والسبب الوضع الحالي للسفارة
وطلبت ان ترسللي ايميل بذلك وانا بانتظاره حاليا
 والحمد لله على كل حال بيهه صالح

اخوكم كالوني البصرة

23

الهجرة و واللاجئين / غلق السفارة⇦فما مصير المقابﻻت

« في: 12:36 02/08/2013  »

السﻻم عليكم اخواني
مثل ما الكل سمع عن خبر غلق السفارة زين شنو مصير اللي عنده موعد مقابلة خﻻل الاسبوع المقبل؟
ارجو من الجميع المشاركة

اخوكم كالوني البصرة

24

الهجرة و واللاجئين / رسالة التأكيد على الحظور

« في: 11:04 12/07/2013  »

السﻻم عليكم اخواني
مثل ما تعرفون انه تحددلي موعد مقابلة بس رادوا مني رسالة تاكيد الحظور
فدزيت الرسالة بس بعدهم ما ردوا عليه بوصول الرسالة لهم فهل هذا الشي طبيعي؟

واشكركم على المشاركة ويوم الكم بالسفر القريب
اخوكم كالوني البصرة

25

الهجرة و واللاجئين / جماعة المقابلة الثانية____اكو هيجي شي؟ تعديل الحمد لله

« في: 13:59 08/07/2013  »

السﻻم عليكم جميعا
اليوم جاءنا ايميل عن موعد مقابلة بس الغريبه نفس تفاصيل المقابلة الاولى اي الكليشه وحتى مكتوب بيها مقابلة اولى مع العلم احنه مقابلين قبل سنه واربع تشهر والفحص صارله اكثر من شهر اكسباير والمقابلة الثانية غير فعال والاولى مكتمل
والله حيرة ويا هالخبثاء


اليوم جاءنا ايميل المنظمه الخاص بمقابلة المحلفين والحمد لله يوم الالكم جميعا وبالاخص الاخوان اللي دعولي
واللي ردوا على موضوعي فحبيت اطمنهم انه حتى اذا لم تتم اعادة الفحص فهذا شيء طبيعي لحين اتمام مقابلة المحلفين
سؤالي هو اذا صادف عيد السفارة تستقبل المقدمين لو ﻻ ﻻن احتمال يكون الموعد في احد ايام  العيد
وثانيا اتمنى ان تفيدونا بنصائحكم
ويارب الجميع يفرح ويستقر

اخوكم كالوني البصرة

26

الهجرة و واللاجئين / الى متى يصبح الفحص اكسباير؟

« في: 09:33 22/06/2013  »

السﻻم عليكم جميعا
مثل ما تعرفون من اخر موضوع نزلته ان الفحص لحد 29 بشهر 5 يصير اكسباير فاللي صار عندي
تحول يوم 1 بشهر 6 فعال وره فترة اسبوع صار اكسباير والحد اليوم 22 بشهر 6 على نفس الوضعية
يعني شنو ننتظر سنه على الاكسباير؟ للعلم غسلت ايدي من مقابلة المحلفين ما ادري شوكت يقابلونه
ما بقى بس اغسل ايدي من الفحص ﻻن بهذلونه الله ينتقم منهم
يارب اسألك ان تخزي كل من سبب لنا بهالتأخير وتعذبهه عذاب ﻻرحمة فيه
ﻻن شنو ذنب هالعوائل والاطفال هيجي يتبهذلون واحتمال البرنامح ينسد مثل ما نزل احد الاخوه واذا
صدك انسد فبذمة كل شخص تهاون بقضايانا وخلانه ننتظر سراب
اسف اخواني شويه حترك قلبي وما كدرت اوكف كتابه
اعتذر منكم مره ثانيه
اخوكم كالوني البصرة

27

الهجرة و واللاجئين / ممكن ارقام ابن البيطار وبغداد الاهلي موديل الفين وهسه

« في: 14:34 06/06/2013  »

االسﻻم عليكم اخواني واخواتي بهذا المنتدى العريق
صارلي 8 ايام تقريبا من صارت خانة الفحص فعال ومحد خابرني وما يزيد الطين بلله. لحد هاللحظة المحلفين غير فعال وصارلي سنه وشهر من قابلت الاولى وقبلها سنه واربع اشهر من قدمت والحمد لله على كل شيء
بس الارقام اتوقع غيروهه والاخوان اللي هالايام اتصلوا بيهم خلي يكتبون الارقام مشكورين مقدما.

اخوكم كالوني البصرة

28

الهجرة و واللاجئين / الفحص الطبي فعال

« في: 17:22 04/06/2013  »

السﻻم عليكم جميعا صار عندي خانة. الفحص الطبي فعال من يوم 30 بشهر 5 دون المرور بمرحلة الاكسباير وهو الفحص الطبي الثاني مع العلم لحد هاللحظة لم نقابل المحلفين فشكد تتوقعون يتصلون علينه علمود الفحص وشكد ينطون موعد يعني مجال؟  ومشكورين مقدماً.
اخوكم كالوني البصرة

29

الهجرة و واللاجئين / الاكسباير

« في: 14:48 29/05/2013  »

السلام عليكم جميعا
شباب اسألكم عن خانة الفحص الطبي شوكت تتحول الى الاكسباير حيث تعدت السنه على الفحص ولا تغيير في
الموقع ....ولكم مني جزيل الشكر والامتنان مقدماً.

اخوكم كالوني البصرة

30

الهجرة و واللاجئين / لاتؤجل فتندم (نصيحة مهمه)

« في: 15:10 24/05/2013  »

السلام عليكم جميعا
اليوم حبيت اشاركم نصيحة مهمه واللي تختص بالمواعيد اللي تحدده المنظمه وبالاخص اللي خارج بغداد مثلي
يعني يمكن يفكر الواحد انه يؤجل المقابلة او الفحص الطبي او محاولة دمج المقابلة مع الفحص او بالعكس(مهما كان السبب) .....فهذا خطأ وحتى لو كان الوقت متأخر واتصلو بيكم على صباح اليوم الثاني علمود مقابلة مثلا فلا تترددوا وجاوبوهم بالموافقه مباشرةً واخر الكلام
يارب يقرب البعيد والكل تسافر وتستقر بأسرع وقت....

سلامي وحبي واحترامي
اخوكم كالوني البصرة

31

الهجرة و واللاجئين / بأنتظار النتيجة--رأيي الشجصي

« في: 13:05 11/04/2013  »

السلام عليكم
 
حسب ما كان يتداول في الايام الاواخر عن تصفية الملفات لحد شهر 9 حيث تنتهي السنة المالية وعن اللجنة القادمه من امريكا لبغداد حتى يحسمون الملفات ...الخ

اعتقد انتظار النتيجه ستكون من قبل اللجنه الامريكيه بغض النظر عن المراحل المار بها الملف يعني ماله علاقة انته مقابل او فاحص لو بأنتظار الامنيه يعني بالمختصر راح يغربلونه وبعد فترة ليست بالطويلة راح كل واحد منا تتغير حالة الملف وراح يصير اما مغلق لا سامح الله او فعال وباقي الحقول تتغير بسرعة ضمن الستة اشهر القادمه .... وارجع واكول رأي شخصي والله اعلم واخر شي ادعو الله ان يفرج علينا حتى نعرف راسنه من ارجلنا والله كريم

اخوكم كالوني البصرة

32

الهجرة و واللاجئين / سؤال عن لم الشمل

« في: 06:19 18/03/2013  »

السلام عليكم اخواني واخواتي

بالنسبه للم الشمل يصير اللي عنده كرين كارت يشتغل عليهه؟ ومن من الافراد المشمولين (غير الزوج والزوجه)؟
وهل الواصل يتمتع بحقوق اللاجيء ؟وما مدة ما بين التقديم والسفر تقريبا ؟وهل يشترط ان يكون المشمول فيها خارج العراق؟ وهل تؤثر على تقديمه الاولي بال IOM او SIV.....؟

عذرا على هذه الاسئله الكثيرة بس حتى نكون صوره واضحة للقضيه

اخوكم كالوني البصرة

33

الهجرة و واللاجئين / منو باقي ما مقابل المحلفين بغداد خلي يدخل

« في: 18:30 13/03/2013  »

السلام عليكم اخواني واخواتي الكرام

حبيت اسوي صفحة بيها فقط المنتظرين على مقابلة المحلفين وبعدهم ما منطيهم موعد

وخلي ابدي الاول انه والبركه بيكم عسى ولعل تكون صفحة خير علينه وكلنه نقابل ويسفرونه بسرعة شلع....

تفاصيل ملفي هي
التقديم 2011
الاولى 2012 شهر 4
الفحص 2012 شهر 5
ومنتظر المحلفين

سلامي اخوكم كالوني البصرة

34

الهجرة و واللاجئين / لشوكت نبقه هيجي

« في: 16:18 30/11/2012  »

تره والله ملينة وماظل بينه صبر  وفوكاهه من تفتح الفيس بوك تطلع بوجهك هيجي صورة....والله قهر

35

الهجرة و واللاجئين / موضوع مهم جدا (لموظفي الدولة)

« في: 18:06 25/09/2012  »

السلام عليكم اخواني واخواتي

اريد نصيحتكم ورأيكم بنفس الوقت بالنسبة للموظف وللي عنده وظيفه زينه من يسافر اكو قرار غير الاستقالة؟ واذا فقط الاستقالة يمكن الرجوع للوظيفه بعد عدة سنين لان تدرون احنه نفكر بأسوء الاحتمالات يعني يجوز العيشة ما رهمت للعائلة وقرروا الرجوع ....فيا اخواني واخواتي اريد منكم النصيحة وتخلون نفسكم بمكاني واني جدا ممنون منكم وادري بيكم ما تقصرون وسلامي لكل فرد بهذا المنتدى العريق.

اخوكم ...

36

سجل الزوار و باب الاقتراحات / تغيير الاسم

« في: 22:35 22/09/2012  »

السلام عليكم

يرجى تغيير اسمي الحالي (نور الحق) الى (كالوني البصرة) بسبب انه الاسم السابق يجعل الاعضاء يخاطبونني بصفة الانثى.

وشكرا جزيلا لكم

37

الهجرة و واللاجئين / ممكن برنامج او طريقة اتصال مجانية

« في: 19:31 19/08/2012  »

السلام عليكم اخوان وكل عام وانتم بألف خير بمناسبة حلول عيد الفطر السعيد

سؤالي هو ممكن برنامج او طريقة يمكن من خلالها الاتصال لاي نقال في العراق وعلى شرط ان يكون مجانا حتى نكدر نساعد اخواننا بالغربة على الاتصال بذويهم من خلال النت وبشكل مجاني وانشاء الله اصحاب الخبرة ما يقصرون

وشكرا مقدما لكل من ساهم في خدمة الجميع

38

الهجرة و واللاجئين / سؤال لاهل الخبرة عن استراليا

« في: 19:05 13/08/2012  »

السلام عليكم اخوان

ممكن تفيدونا بانواع الهجرة لاستراليا وايضا اللجوء مع مراعاة وجود قريب لك فيها او عدم وجوده؟

39

سجل الزوار و باب الاقتراحات / تغيير الاسم

« في: 10:49 13/08/2012  »

السلام عليكم ممكن تغيير مختصر الاسم الخاص بي الى

نور الحق

وشكرا جزيلا

40

الهجرة و واللاجئين / تريد تسافر بسرعة ؟...ادخل=>

« في: 15:03 07/08/2012  »

السلام عليكم اخوان
احنه حاليا دنعيش حالة من الضغط النفسي ما بين مسافر او لا بس بنفس الوقت احنه دنعيش ايام الشهر الفضيل واللي الدعاء مجاب بيه وهذا وعد من رب العالمين فيا اخوان ارجوكم ان تدعو الله سبحانه بتعجيل السفر والاستقرار حتة نخلص من الوضع الحالي والله سبحانه ينتظر منا الدعاء ويحب الحاحنا فيه  واني راح اكون اول الداعين:-

اللهم اني اسالك بحق هذا الشهر الفضيل وبحرمه بيتك الحرام وبقدرة كتابك الكريم وبمنزلة الانبياء والمرسلين اجمعين وبحق اهل بيت نبيك محمد واله الطبين الطاهرين ان تسهل من هو على درب السفر وان تعجل من هو على الاجراءات والا ترد احد من اعضاء منتدى عين كاوه او اي شخص مقدم على الهجرة خائبا وانت انصر الناصرين واحكم الحاكمين واستر الساترين وسلام من الله لي ولكم اخوتي اجمعين.

اخوكم a.kadem

41

مواضيع الحياة العامة في بلاد المهجر (امريكا) / ماذا عن الملكيه والكاش ايد ؟

« في: 23:34 23/07/2012  »

السلام عليكم اخواني

اذا الواحد بالسلامة وصل لامريكا واشترى سكن او قطعة ارض او اي عقار  مثلا هل الكاش ايد يستمر طبيعي ام يتوقف ؟

هذا السؤال لكل الاعضاء من امريكا والعراق

42

الهجرة و واللاجئين / ماذا في رمضان

« في: 19:54 21/07/2012  »

السلام عليكم شباب

هل المنظمة تتابع عملها بشكل طبيعي في رمضان؟ اي مقابلات وفحص ؟

سلامي

43

الهجرة و واللاجئين / اتصال iom مهم جدا

« في: 17:05 15/07/2012  »

السلام عليكم

لي صديق من محافظة جنوبيه ابلغني اليوم انه اتصلوا بيه الاربعاء الفائت عند الساعة الرابعة وثلث وابلغوه ان كان بامكانه ان يحظر صباح اليوم التالي يعني الخميس من اجل المقابلة الثانية مع علمهم بانه يسكن خارج بغداد وكانوا قد خيروه في ذلك فقال لهم لا استطيع لان العائلة لا يمكنها ان تجهز بالموعد نظرا لبعد المسافة والوقت الضييق فردوا عليه ....اوكي بنعطيك موعد ثاني وانشاء الله ما بيطول .

وهو الان محتار لانه توقع اليوم ان يتصلوا به ولكنهم لم يفعلوا .....فبرأيكم شوكت يتصلون بيه؟ ...اكو واحد مرت بيه مثل هذه الحالة لان اني مصارت بيه....

سلامي

44

الهجرة و واللاجئين / تأثير السفر على الامنية

« في: 11:41 03/07/2012  »

السلام عليكم

اخوان عندي سؤال واتمنى من اصحاب الخبرة الاجابة عليه ومشكورين مقدماً

السؤال/ ممكن الواحد يسافر عمره مثلا ويتم تأشير الجواز ولا يؤثر على سير الملف بعد المقابلة الثانية مثلا؟؟؟؟

سلامي

45

الهجرة و واللاجئين / عشاق الموقع ----- (الموقع اشتغل)

« في: 20:42 02/07/2012  »

السلام عليكم اخواني واخواتي

اليوم الصبح تقريبا فتحت الموقع ولكيته شغال ..... حبيت ابلغكم.

تحياتي

46

الهجرة و واللاجئين / (IOM)جماعة اللي مقابل اولية وفاحص(2012)

« في: 10:51 07/06/2012  »

اخوان ياريت للي مكمل المقابلة الاولية خلال هاي السنة وايضا مكمل الفحص ومنتظر المقابلة الثانية خلي يتفضل ويكتبلنه التواريخ علما انه

اكو هواية ناس منتظره الثانية وراح اني ابدي

المقابلة الاولى بشهر 4
الفحص بشهر 5
المقابلة الثانية  بالانتضار
الموقع  الفحص ان بروسس بعده
الIZ 126
التقديم بداية  2011
سلامي

47

الهجرة و واللاجئين / شراء ظرف ال DHL

« في: 12:26 06/06/2012  »

السلام عليكم اخوان

هل يجوز لاي واحد يشتري ظرف ال DHL اللي موجود يم فندق فلسطين لو الا الشخص نفسه لان الشخص كبير في السن ومحتاج الظرف علمود يكمل اجراءات فيزا الزيارة

48

الهجرة و واللاجئين / أمانة موظف الIOM في المقابلة الاولى

« في: 22:21 05/06/2012  »

اخوان بالنسبة للمقابلة الاولى هل الموظف امين بحيث يطبع كل القصة وبالتواريخ الصحيحة لان اكثر الناس متدري شنو كتب وقسم كبار في السن فما يعرفون يقرون بالانكليزي فهاذا الموقف يبعث بالشك خصوصاً اذا كان الموظف اردني وعصبي وضايج


حبيت اطرح مثل هيجي موضوع حتى نسمع من اهل الخبرة ما يطمئن انشاء الله للاشخاص المقبلين على المقابلة الثانية.



سلامي

49

الهجرة و واللاجئين / المحلفون الجدد مستوردون من المافيا

« في: 21:30 05/06/2012  »

السلام عليكم اخوان

مو شي غريب هالايام ونحن بأجواء التسريع دنسمع هوايه ناس ظايجين من المحلفين(شنو السالفة؟)هذا الشي يخلينا ضمن عدة تساؤلات
1- هل صاحب القصة تعبان نفسيا من الانتضار ولمن ايس اتصلوا بيه على المقابلة فرتبك؟
2- هل القصة تدخل ضمن اطار خاص بحيث تخضع لشروط معينه اذا استوفت كان بها والا فتعتبر القضية مرفوضة؟
3-هل الشخص مقدم الطلب والمتعاقد مع الشركات له استثاء بالشروط في رقم 2 عن ان كان المقدم الطلب اقاربه او غيرهم؟
4- هل المحلف جاي حتى يرفض اكبر عدد ممكن من الكيسات حتى يواكب الفتره الزمية القصيرة وبنفس الوقت يسد الملف؟
واكيد انتوا عدكم اكثر من هل وهل بس انشاء الله الكل تسافر رغم كلشي وتصير سوالف


سلامي

50

الهجرة و واللاجئين / تحديد فترة نتيجة الفحص الطبي(IOM)-بغداد

« في: 08:22 02/06/2012  »

السلام عليكم

سؤالي هو كم يستغرق الفحص الطبي كي تظهر نتائجه لكلا من الفعلي (الطبي)وارسال النتيجة للمنظمة (ترفق بالكيس)وتغيير الحالة(بالموقع)  علما السؤال عام يخص حالتين وهما:-

الاولى- اول فحص
الثانية- ثاني فحص (معاد) او اكثر

51

الهجرة و واللاجئين / سؤال مستعجل وسريع عن الفحص الطبي-بغداد (اهل الخبرة)

« في: 21:43 27/05/2012  »

السلام عليكم اخوان

عندي سؤال خاص بالفحص الطبي وهو:-

عدد الايام للفحص هل هي تكتمل بيوم واحد ام اكثر؟ وكذلك ايضا تكفي الجناسي في حين عدم اكتمال جوازات السفر كأبراز شخصية؟


الرجاء الرجاء الرد

ودمتم جميعا في امريكا يا رب

52

الهجرة و واللاجئين / الى الاخ دزمند سؤال وخلي البقية يستفادون

« في: 20:00 17/05/2012  »

السلام عليكم الاخ العزيز دزمند

واحد مثل حالتي مقدم من الشهر 2 في 2011 والاولية في نهاية 4 من 2012والفحص الطبي لحد الان محد متصل بيه والباقي اريده حسب توقعك لان تقريبا انطي توقعك اكثر من 85 بالميه من الواقع الصحيح علما انه متكونين من 2 كيس ربط قوي ....

فشوكت تتوقع الفحص الطبي
وشوكت المحلفين
وشوكت السفر

اسف اذا كانت الاسئلة طويله بس حبيت ان اتشارك كرمك وكلك كرم ومن يمي راح اسوي بطاقة اكتب عليهه توقعات دزمند وبالتواريخ وتبقى عندي.... واخيرا الشكر الجزيل لك شخصيا ولكل اعضاء المنتدى المحترمون.

53

الهجرة و واللاجئين / كيفية تحويل مبالغ ضخمة الى امريكا لغرض اقامة مشروع

« في: 13:57 26/04/2012  »

السلام عليكم اخوان

اريد من اصحاب الخبرة تزويدنا بطريقة صحيحة وامينة لتحويل المبلغ من العراق الى امريكا لغرض اقامة مشروع

هل عن طريق فتح حساب بنكي؟ ما المساويء في ذلك؟
هل فتح حساب بالاردن ونقل المبلغ فيها ومن ثم بعد فترة يمكن السحب عن طريق فرع امريكا لنفس البنك؟ وايضا ما السلبيات؟


للفائدة العامة شكرا للمشاركة مقدما

54

الهجرة و واللاجئين / الكرين كارد لكل العائلة ام لصاحب الكيس فقط؟

« في: 14:47 24/04/2012  »

السلام عليكم

هل الكرين كارد لكل فرد بالعائلة حتى الاطفال ام فقط لصاحب الكيس ؟
يعني بعد استلام الكرين كارد ممكن الرجوع للعراق العائلة باكملها ام فقط رب الاسرة؟


انتمنى الرد لو سمحتم..............اخوك A.KADEM

55

الهجرة و واللاجئين / بحيرة ويمكن مشكلة كبيرة

« في: 07:23 19/03/2012  »

السلام عليكم

اصحاب الخبرة افيدوني المقابلة الاولى لابن اختي يوم 11\4\2012 ومن مليت الهم الاستمارة ما ذكرت الهم انه خريج لان حتى يكدر ياخذ مساعدات وهو اصلا يريد يدرس من جديد ما يريد يعادل شهادة فهل هذا الاجراء صحيح ام خطا
اذا كان خطا شسويلة؟

انتظر اجاباتكم-سلامي

56

مواضيع الحياة العامة في بلاد المهجر (امريكا) / ما مساعدات العائلة المكونه من 6 اشخاص؟

« في: 15:34 16/03/2012  »

السلام عليكم

ممكن احد ينطيني معلومات عن المساعدات للعائلة المكونه من 6 اشخاص في ولاية كاليفورنيا مع العلم ان الاطفال 4 جميعهم بحدود ال7 سنوات الاكبر والاصغر سنتين وانا وزوجتي ؟


ملاحظة\صحيح اكو مواضيع سابقة بهذا المجال بس ردت اعرف اخر تحديث حصل وياريت بالتفصيل واكون ممنون.


سلامي

57

الهجرة و واللاجئين / الحيوان الاليف والسفر

« في: 19:32 13/03/2012  »

السلام عليكم شباب

اليوم اسأل عن وضع الحيوان اللي متربي مع العائلة وخصوصا اذا كان احد اطفالك متعلق بيه مثل(عصفور او قطه او دينصور ههههه)
يعني شلون اذا الواحد راد يسفره وياه هل هذا ممكن؟ وبالنسبه للمقابله يكللهم بيه لو لا ( الاولى او الثانيه) ؟ وطبعا نخلي بالحسبان تكلفة النقل من جيبنا ؟


صح هذا الموضوع غريب شويه بس حبيت اطرح فد شي يمكن اكو هوايه ناس ما منتبهيله ويجوز الناس المسافرين يمكن اتخلصوا منهم بطريقة ما واكوا ناس بعدهم ما مسافرين وبكل فخر مثل حالنه (السؤال للتنويع في مواضيع المنتدى)

سلامي لكم جميعا......a.kadem

58

الهجرة و واللاجئين / سؤال IOM؟

« في: 17:31 09/03/2012  »

السلام عليكم شباب شلونكم جميعا ؟

عندي سؤال وهو عن شهادة التخرج اشتنصحوني اكللهم(مقابله اولى) عندي شهادة لو اكتفي بشهادة السادس لان اخاف يؤثر اذا كان الواحد خريج
وبعد بالنسبه للسفريات السابقة لان والدتي كانت مسافره لايران سياحة قبل 4 سنوات واني كنت بالامارات قبل 9 سنوات ...


ارجو الرد من اهل الخبره ولو لحد هاللحظه ما كوموعد مقابله بس الواحد يتفائل بالخير.

واخرا سلامي

59

مواضيع الحياة العامة في بلاد المهجر (امريكا) / iom سؤال الى الاخت انجي مع التقدير

« في: 19:45 12/02/2012  »

الاخت انجي ... السلام عليكم
سؤالي مهم جدا واتمنى احصل على الاجابة الوافية وذلك لكثرة الكلام (الاشاعات) بخصوص المنظمة iomحيث لحد هذه اللحظة لم نعرف مصير المقدم على iom في 2011 لا مقابلة اولية ولا اي شيء فقط رقم كيس وانتظار موعد مقابلة فسؤالي يتضمن هل المنظمة انهت تعاملها مع العراق ؟ واذا بعدها مستمرة لعد ليش كل ما اتصل بيهم اسمع الموظف يكول ما عدنه اي معلومات عن العراق بأمر من الادارة ؟؟زين ليش هذا السكوت ؟! ياريت لو احصل على الاجابة ان كان منج او من اي شخص ذو معرفة واقعية صحيحة يمكن الاعتماد عليها لان حتى واحد يبدأ بتفكير  اخر على ضوء النتيجة النهائية ...واخيرا شكرا جزيلاً للجميع.

60

الهجرة و واللاجئين / عاجل عاجل عاجل (التصويت على التعجيل بالكيسات يا شباب)عاجل قبل 7 \2\2012

« في: 23:03 20/01/2012  »

السلام عليكم إخواني
مختصر الكلام هوة

مثل ما تعرفون أوباما تعهد ان يتواصل مع الناس بأحسن صورة ممكنة من خلال الانترنت وموقع البيت الابيض
لذلك اكو امكانية انت تدخل على الموقع وتفتح فد موضوع للتصويت ومن يوصل الطلب الى حد معين يتم رفعة لاتخاذ اجراء بخصوصة
بالصدفة لكيت رابط يطلب التصويت لمساعدة العراقيين الي عملوا مع القوات الامريكية من خلال تسريع التشييك الأمني
ارجو ان تدخلون على الرابط دناه

https://wwws.whitehouse.gov/petitions/%21/petition/expedite-security-checks-iraqi-refugees-whose-lives-are-danger-so-they-can-come-america/x52kN00C?utm_source=wh.gov&utm_medium=shorturl&utm_campaign=shorturl

وبعدها اختاروا  Sign this petition الي بالمربع الاخضر

هاي الاستمارة صار لها اربعة ايام مفتوحة وياريت تساعدوني لان هذا يشمل ال IOM و الSIV

اني راح ادز هذا اللنك الى كل الي أعرفهم

طبعا اكو عملية تسجيل بسيطة تكتب بيها اسمك واسم العائلة والا يميل


توكلوا وكولوا يالله وحلي نساعد روحنة مادام اكو فرصة حتى لو ضئيلة

61

الهجرة و واللاجئين / للمتقدمين الجدد على IOM في 2011

« في: 08:45 11/05/2011  »

السلام عليكم
ممكن احد يعرف شكد اتطول المعاملة (المقابلة الاولى) ؟
لان تاريخ الحصول على ال IZ هو 27\3\2011

شكرا جزيلا

62

مواضيع الحياة العامة في بلاد المهجر (امريكا) / التوظيف في الشركات الامريكية

« في: 08:45 09/05/2011  »

السلام عليكم جميعا
ممكن احد يفيدني في استفساري عن الوظيفة في شركات الاتصالات في امريكا حيث لدي خبرة 5 سنوات في مجال الIT في شركة اتصالات اللي في العراق وشلون اكدر اقدم عليهم ؟ وشكر لكل اعضاء المنتدى الممتازين والمتميزين وتقبلوني صديق جديد لكم.