مواضيع

1

الهجرة و واللاجئين / حتى لا تدوخون هاي السالفة

« في: 16:26 06/09/2012  »

حبايب شلونكم

الاي او ام منظمة خدمية مهمتها تساعدكم على الهجرة

هاي معروفة..

الاي او ام راح تسفركم لامريكا مو للعراق

ندري وبعدين ..

هاي المنظمة تتعامل وية الملفات بسرية تامة

وين الجديد ..

طريقة عمل المنظمة هو السبب الي مخليها من خمسين سنه تشنغل نفس الشغل

ما افتهمنه ..

اذا كل واحد حب يتكهن شديسوون وشلون يشتغلون تره محد راح يدوخ غيرة

ليش يابه ..

لان هاي مو فلم عربي تتوقع احداثة وتطلع صحيحة

بابه يا فلم ..

لا حبيبي بس ردت اوصلك فكرة ان امريكا الي مدوخة العالم كله هذا شي كلنه نعرفه
وبما ان انت واحد من العالم لعد دوخ بيهم وبيك وما بيك حاول تفتهم شغلهم ولايام
هي الي راح تاكدلكم كلامي ناس سافرت وراحت وحتى ميعرفون اسم المنظمة تصدكوووووووون؟؟؟؟

لا منصدك ..

للاسف هذوله الناس ما عندهم رابط ادزة الكم ههههههههه

هسه نجي نسولف وصارلي فتره ما فايت شصار ما صار وياكم منو سافر منو بعده ؟؟
اتخيل موضوع راح ينزل بعد كم يوم يكول جماعتي اي زي 140 منو بقى منكم
واني بعدني انتضر تلفون شوككت يدك حتى نغمة خصصت الهم
وعلى فكره وهاي ما حاجيها لاحد تره بس على ارقامهم مشغل الرجاج
مع حبي كولومبس ....

2

الهجرة و واللاجئين / رسالة اخيرة الى المنظمة

« في: 18:35 12/07/2012  »

رسالتي الى المسؤولين في منظمة الهجرة الدولية وليس موظفيها
تحية طيبة
نحن نعلم ما هي الانجازات التي تقدمونها بالوقت الحاضر في سبيل انجاز مهامكم بسرعة وانهاء حالة التراكمات من اثر الابطاء في معالجة الملفات في الاونه الاخيرة
ولكن هذه الاجراءات وبكل اسف غير منظمة حيث تم التسريع الاجراءات على من لم يتجاوز السنة من الانتظار
ولكننا لا نتحمل مسؤولية انجاز المعاملات فنحن مسؤولون عن تقديم ما يثبت عملنا مع الحكومة الامريكية وحسن سيرنا وسلوكنا وهذا ما تم تقديمه اليكم حين قمتم بفتح ملف خاص بي
ان الاجراءات الامنية من حق الشعب والحكومة الامريكية لذى نحن ملزمون بانتظار الاجراءات الامنية كما بينتم لنا في الاتفاقيات التي وقعت بيني وبينكم في المقابلة الاولى
ولكن الاتفاق ينص على ان المعاملة سيتم انجازها بمدة تتراوح من سنة الى سنتين وقد تم تجاوز السنة الرابعة وانا لم المس اي تطور على معاملتي حتى الان
علما ان برنامج اللاجئين في موقع السفارة الامريكية في العراق يدل على ان الاجراءات لا تأخذ وقت كبير وللدلالة على ذلك انقر على هذا الرابط  http://photos.state.gov/libraries/iraq/216651/refugees/SIV%20vs%20USRAP_One%20Page%20jan%202011ARB%20_2_.pdf
هذا الكتاب يبين ان اقصى مدة لانجاز الاجراءات هي سنتين وهذا ما يطالبكم الان ان تبينوا لي ما سبب الاخلال في الاتفاقية التي وقعت بيني وبينكم
اود فقط ان ابين نهاية رسالتي ولعد وفائكم بالاتفاقيات والوعود  ان احدد لكم موعدا لانهاء التعامل بيني وبينكماعتبارا من بداية شهر ايلول/سبتمبر اذا لم يحدد موعدا لسفري اطالبكم باغلاق ملفي كاملا حينها تلقائيا دون الرجوع الي
عندها سأطر اسفا لتوكيل محاميا دوليا خبير بامور الهجرة واللاجئين لمعرفة سبب الاخلال بالاتفاق وتاخير اجراءات يفري لمدة تجاوزت الاربعة سنين مما ادت الى احداث الاضرار في حالتي النفسية والمالية ودحر اربعة سنين من عمري بانتظاركم دون جدوى

الرجاء عدم الرد على رسالتي الا اذا كان هناك ردا يحتوي على شرح مفصل ومقنع
Columbus

3

الهجرة و واللاجئين / اهوووووووووو

« في: 10:48 10/07/2012  »

هاي شلون بالله كل ما افوت عالموفع يطلعلي شي جديد البارحة جان الفحص بروسس اليوم شسواه اكسباير

يعني شلووووووووووووووووووووون وين اليفتهمون سولفولي فهموني مو راح اموت من وره الاي او ام

جكاير وكهوه وخفقان بس من وره الانتضار

يالله حلوها هاي هسه شنو معناها

4

الهجرة و واللاجئين / احصائيات الشهر الخامس تبشر بخير

« في: 01:32 08/06/2012  »

اخوان احصائيات الي مسافرين من العراق لشهر الخامس تبشر بخير
وتبين التغيير الملموس باوضاع السفر من العراق

هاي صورة عن الشهر بالنسبة للاشهر القبل

5

اجتماعيات (ترحيب، تهاني و تعازي منتدى الهجرة) / موعد سفر لصديقي

« في: 01:19 08/06/2012  »

واخيرا اكو واحد من جماعتي راح يسافر

وهو وياية الايزي مالتة هم 101 ونطوا موعد سفر يوم 22 بهذا الشهر
والله كلش فرحان عبالك اني راج اسافر على الاقل حسيت انهم بعدهم متذكرينة

انشاء الله يوم سفر الجميع

كولومبس

6

الهجرة و واللاجئين / اجاني ضرف بالبريد

« في: 21:32 04/06/2012  »

الصبح وكالعادة منتظر بلكي اشوف شي جديد
فتحت الباب لكيت ضرف اسمر مشمور من جوة الباب
فتحته لكيت بي المعاملة يعني الكيس الفولدر الاصفر الي عليه رقم الايزي مالتي
وبداخلة اوراقي كلها مالت المقابلة الاولى والثانية والفحوصات الطبية وهوايه اوراق ما شايفها قبل
كلها بالانكليزي بس الي لفت انتباهي ورقة مكتوب عليا بقلم خطاط احمر

مرفوض

وراها الدنيا صارت سودة راسا



وكعدت راسا من النوم ما تحملت اكمل هذا الحلم القاسي
تحياتي اخوان مشتاقين
منو سافر منو بعده ؟؟



لحد يسالني وين هالغيبة تره حالي من حال هوايه مطبك الحاسبة ومطفي التلفزيون وكاطع الكهرباء عالبيت
بس مخليها عالشاحنة مالت المبايل حتى لا ينطفي اخاف يخابروني عالموعد عفوا قصدي عالحلم


تحياتي اخواني مشتاقين

7

الهجرة و واللاجئين / الرجاء المساعدة بخصوص اليو ان

« في: 20:32 11/04/2012  »

السلام عليكم

عندي ولد صديقي رجع من سوريا قبل اسبوع وهو مقدم عاليو ان بسوريا
هسه يريد يعرف شلون يراسلهم لان ما راح يكدرون يخابروه على رقمة السوري
ويريد يبلغهم انو رجع للعراق شلون راح يبلغهم

ثانيا : اذا راد ينقل ملفة لاي دولة تفضلون تكون اسرع اله  للسفر


مشكورين على المساعدة والردود مسبقا اخواني


اخوكم كولومبس

8

الهجرة و واللاجئين / كولومبس محتاج خبرتكم

« في: 11:22 17/09/2011  »

السلام عليكم اخوان

اليوم اتصلوا بالكفيل مالتي وكالوله تعال يوم الخميس رايديك علما انو هو رايح موقع الاوراق قبل اربع اشهر

برايكم شنو السبب الي دازين عليه هسه اريد خبرتكم ولا تبخلون عليه لان تعبت من التفكير والانتضار
تره الخميس بعيد حيييييييييييييييييل




كولومبس

9

الهجرة و واللاجئين / لا حول ولا قوة الا بالله

« في: 06:50 15/07/2011  »

شباب اليوم طلعلنه شي جديد اسمة رساله لاوباما وفوكاها غلط .........

اخوان ليش ما تفتهمون انو هاي امريكا يعني بلد القانون يا اوباما يا كلينتون القانون اذا تشرع

بعد ماكو شي اسمه واسطه

تره مليت من المنتدى ومن التشنجات الي صارت بي شبيكم تريدون سفر اكو سفر وناس دتسافر
والي بعده يجي يومه ويسافر بعد شنو متشنجين ويمية اقره اخبار بالمنتدى تخلي الناس تشتعل وتكب
وكانما دتلعبون باعصاب البشر ... عيب الي عنده حاله وفاه يجون الناس تطيب خاطرة مو يزيدوا اذية
واحنه سفرنه عند كل واحد حالة وفاة تعتبر بعيد الشر عنكم ..

يوم يجي واحد يكول راح ينسد الاي او ام لان السنه المالية راح تبدي مو هيه كل سنه اكو سنه مالية وما وكف بيها السفر
يوم يجي واحد يكول راح ياخذون بس الاي او ام ويعوفون الاس اي في
يوم واحد يكول ...................
يوم واحد يكول ...................

شنو اخوان تره كمت قبل ما افتح المنتدى اكول الله يستر

خلوها على الله اقل واحد بينه صبر سنه وسنتين و3 خلي نصبر كم شهر ونشوف نتائجها
يابه عود من تنسد الاي او ام اني اول واحد انصب جادر واعزمكم بس هسه ما مسدوده وسفر اكو
بعد ليش الجوااااااااااااااااااااااااااادر

تحياتي

((الرجاء عدم التعليق بسخرية الموضوع عام وللمناقشات الجادة))

10

الهجرة و واللاجئين / █▓▒░ بغـــــــــــــداد - IOM ░▒▓█

« في: 10:24 02/07/2011  »

الاخوة والاخوات الكرام اعضاء منتدى عنكاوا

تحية طيبة

هذا الموضوع راح نخلي بي كل عضو مقدم على الاي او ام بغداد فقط
يعني بس يكتب رقم الكيس و وين وصلت قضيتة

واذا صار عندة اي تحديث الرجاء ما يكتب رد جديد وانما يسوي تعديل على الرد مالته

وحتى الاخوان الي واصلين لامريكا عن طريق الاي او ام بغداد خلي يكتب رقم الكيس و تاريخ سفره

وراح ابدي اني اول واحد


رقم الكيس : IZ-101XXX
اخر تحديث: التجيك الامني قبل السفر - 28/5/2011

11

الهجرة و واللاجئين / بعد ستة اشهر

« في: 06:27 30/06/2011  »

السلام عليكم اخواني

بعد ستة اشهر من زيارة المنتدى والتعرف على كل عضو فية دون ان يعرفني ومعرفة وضعه ومراحل تقدمه في القضية

قررت ان انتمي الى هذا المنتدى واكون احد اعضائه واتمنى ان اجد به الترحيب

اخواني اني مقدم على IOM ورقم تسلسلي IZ-101XXX بس لحد يتفاجيء

وحاليا منتظر الامنية قبل السفر

واحب اضيف لما قرائته في المنتدى بخصوص الرموز تاكدوا هذه الرموز للموضفين الذين يعملون في IOM عمان
وكل رمز هو اختصار لاسم الموضف الي يتابع حالتك او الي وصله ايميلك كاستفسار الخ

المهم اخواني احب ابشركم انه السفر ما متوقف ومستمر من بداية شهر السادس ولكن التاخير بسبب واحد او اثنين
الحصول على الموافقة الامنية قبل السفر بسرعة وهو ( لا تشابه اسماء - ولا تشكيك بالبصمات - ولا مطلوب امنيا )
والسبب الثاني اذا كان لديك كفيل لربما يكون هناك تاخير بسبب المكان الذي ستعيش فيه وما مقربته من الكفيل
وعدد غرف النوم - طبعا لكل طفلين من جنس واحد غرفه

طبعا استلمتكم باول مشاركه شراح يفضها ويايه




تحياتي اخوكم كولومبس