مواضيع

1

الهجرة و واللاجئين / اخواني اريد عراقين بأنقره

« في: 16:15 29/07/2011  »

اخواني سلام عليكم اريد عراقين بأنقره
لئن وحدي مدااعرف وين اروح وين اجي هسه اني ابفندق قريب على يوان بس وين يلتقون العراقين اريدهم يساعدوني التقي وياهم اخواني لح اموت ماكو عرب ولا اعرف احجي وياهم وميعرفون غير بس تركي حتى انكليزي ميعرفون

2

الهجرة و واللاجئين / اخواني اكو منطقه اسمه انكال تركيا

« في: 14:56 29/07/2011  »

السلام عليكم اخوان انطوني ورقتين وحده مال مراجعه ولثانيه امنيات ولازم اروح للمنطقه كلتلي تروح على انكال
زين لازم اكتبه بلنكليزي ومااعرف اشون

اكو احد يعرف يساعدني الله يخليكم

واكو شغله ثانيه اني مجان عندي موبايل كلتلي اريد رقمك كتلهه ماعندي كلتلي اشتري وباجر جيبه حتى نتصل بيك
فأريد تلفون و خط ماينقفل

اني عندي موبايل 97  كلولي اذا تاخذ خط ينقفل

اكو احد يعرف اشون اجيب موبايل وشنو اسمه ويبقه شغال مستمر الله يخليكم

3

الهجرة و واللاجئين / اخوان انطوني موعد تركيا

« في: 11:50 29/07/2011  »

السلام عليكم اخوان اليوم اني بأنقرة كان ماكو احد غير اثنين واكفين اول ماوصلت لكيت ابنيه بلشباج عراقيه
كلتلي جوازك انطتهيا وراهه خيرتني وين تريد تروح ابيا محافضه
كتله اريد اكون يمكم قريب بأنقرة كلتلي ليش
كتله وياي صديقي مريض ميكدر يمشي وحالته صحيه كلش موزينه كلتلي اوك ونطتني الجواز رجعته ونطتني ورقتين اول وحده لازم اروح للامنيات الي بأنقرة
ولثاني تحديد موعد مقابله طبعن الموعد هوه 17/10/2011
أي بعد شهرين و17 يوم تقريبا

4

الهجرة و واللاجئين / اخوان داافتر بلمنتدى اكو ناس تكول لازم تترجم

« في: 21:22 28/07/2011  »

اخواني جنت داافتر بلمنتدى وشفت الاخوان ديترجمون غراضهم مثلا جنسيه ولبطاقه سكن وشهاده جنسيه وورقه الحصه وغيرهه

واني باجر لح اروح على انقرة
وين اترجمهن الله يخليكم

5

الهجرة و واللاجئين / اني نفسي مسكين ياعراق الي بتركيا وضاع جوازي

« في: 15:02 28/07/2011  »

اخوان اني لو على نفسي كان رجعت ورتاحيت لاكن وياي مريض ويريد يقدم على لجوء وهله وصوني عليه وبركبتي وين انطي وجهي لازم اقدم ويا
شوفو اصار بيه اول ماوصنه نزنه بلمطار ننتظر جنط يجن على سكه ماجتي جنطتنه ودورنه ورحنه سوينه شكوه ونطونه ورقه وراجعناهم يوم الثاني
طبعن ماحجيتلكم على سكن
كول حصنه جنطه ادورة ضيعت جوازي بارحه ورحنه للشرطه مركز شرطه الي بلمنطقه اني كاعد بيه اسطنبول ونطونه ورقه وحترمونه ذاك الاحترام والله هيتنه واحد تركي يحجي عربي لبناني كلامه كان ونخينا وليوم الصبح اخذنه للسفارة العراقيه ولسفارة طلعت امعزله وشايله ابمكان بعيد على شط ورحنه وهنا صلبونه تكول موعراقين احنه تكول اعداد ويحاجونه بلتلفون الي مربوط بلباب
وتوسلت بي كلي لازم تسوي اعلان بلجريده رحت سويت ولتكسيات كله ركع 100 ليرة

المهم
سوينه العلان باجر يطلع الدورة رادو جنسيه وشهاده الجنسيه واني ماجايب جنسيه ولشهاده ولبطاقه سكن وبطاقه غذائيه غير بس مستنسخات ملون

ودفتر الخدمه الاصلي وبي الكتاب العفاء من خدمه بسبب مرض

هسه وين انطي وجهي كلولي واني ابلاد الغربه وحاير ابزماني اذا عليه اني عادي وين ماروح اروح او ارجع بس هاذا المسكين رجليه منتهيه وعنده امراض مستعصيه


هسه اذا اقدم على يوان من انقرة يقبلون باوراق الي عندي كلشي مستنسخ؟
+ ورقه الشرطه الي بيه ضاع جوازي ؟؟واكمل اراجع باجر السفارة حتى ينطوني كتاب بدل جواز ؟؟

اني اريد اقدم لئن صديقي مااكدر اعوفه
زين يقبلون بهل غراض الي عندي لو كله اصلي يردون الله يخليكم جاوبوني ولنت اشتريت افلاش اسمه تركك سيل 3جي
الخط زين بس داونلود ميعبر عن 3 كيلو مااعرف شنو شغله لاكن كلش زين قياسا بلعراق
الله يخليكم جماعه تركيا انقذوني وجايكم رمضان الله يفتح عليكم بحق محمد والي محمد

بلنسبه الاميلي ثاني نسيت الباسورد مالته سويت هاذا بلعربي