مواضيع

1

الهجرة و واللاجئين / آخر ما توصل اليه العلم هع

« في: 22:16 03/06/2012  »

يابة السلام عليكم ورحمة الله وبركاته ...

اول شي احب احيي كلمن ينزل خبر او موضوع يرفع من معنويات الاعضاء او يزودنه بمعلومة جديدة ...

بس حبيت افصللكم الملف مالتي بالضبط لان صار هواية مكاتب بالمنتدى واحب اعرف منو غيري نفس تفاصيل ملفي حته نكون على تواصل ضمن الموضوع 

الصراحة اني مشاركاتي قليلة لان من مبدأي: ان لم تقل خيراً فأصمت !!! والسبب الثاني اذا اشارك كلهه تنّقل للدردشة هع 

اني قدمت من بغداد: 12-2010 هع

ووصلني الكيس نمبر : 03-2011 اللي هو IZ-126 هع

وقابلت اول مقابل + ثاني مقابلة: 06-2011 هع

فحصت فحص طبي: 08-2011 هع

استلمت الموافقة المبدأية: 09-2011 هع هع

الاتصال بالكفيل + الدورة التثقيفية: 10-2011 هع

وظليت صامد وصابر لحد يوم 15-05-2012 اكتملت عندي الامنية بالموقع هع هع هع

وظليت ساكت وصامت الى اليوم لان طكَت روحي ودزيتلهم رسالة بلكي يحنون عليه ويجاوبوني 

وبعد ما ادري شكَول اتركلكم التعليق 

تحياتي القلبية لكم حبايب 

2

الهجرة و واللاجئين / Arrivals by Region as of May 30, 2012

« في: 08:39 02/06/2012  »

السلام عليكم اخواني واخواتي ...

هذا اخر احصائية نزلت بالموقع مال WRAPSNET حبيت انزلهه الكم



ومن الملاحظ ازدياد اعداد المنطقة الللي ينتمي الهه العراق وننتظر نشوف الجدول التفصيلي ونشوف شكد صعدت نسبتنه ويا رب خير ...


تحياتي الكم ...

3

الهجرة و واللاجئين / مهم لجميع منتظري الامنية ... محتاجين اخبار و معلووووووووووومات !!!

« في: 11:35 26/10/2011  »

السلام عليكم ...

اول شي ...

احب اتأسف عن غياباتي الطويلة عن المنتدى وذلك لظروف خاصة واتمنى محد زعلان مني او شي ...

ثاني شي ...

اكو خبر مال الامريكان اللي بالسفارة محتلين والخطاب الموجه والمقالة نفسها ...

اتمنى اي احد عنده هيجي مقالات منشورة عالنت من مواقع مثل السومرية , الشرقية , العربية , الجزيرة او اي موقع من المواقع الاخبارية تخص التهديدات الموجهه ضد العاملين مع القوات الامريكية او اللاجئين ويكون الموضوع عن تهديدات القتل او التهجير , اتمنى تزودوني بيهه !!!

اني ارسلت شكم مقال خاص بالشبكات الاخبارية للضابط المسؤول واللي بدورهه وصلهه لجماعات حقوق الانسان في امريكا ودزلي ايميل يطلب مقالات بعد اكثر وبشكل صريح تبين شنو الوضع حاليا بالعراق حته يترجموهه وينشروهه بالصحف والجرائد المحلية اللي بدورهه توصل لحكومات الولايات ونواب الكونغرس الممثلين لكل ولاية ...

وعدا انو اني المقالات اللي ارسلتهه وصلت وحدة منهن اللي انشرت بالمنتدى مال السفارة احتلال والرد عليها من قبل وحدة من المنظمات جان كلش حلو وكالت تساعد قضيتكم ك لاجئين بشكل متتوقعوا لان هم الموقع رسمي وهم الشخصية معروفة باتهاماتهه وتنفيذهه والشغلة صدك مو شقة وهذا الرد كان :

I understand your frustration, and we are trying to raise this issue with US government via our website. Thank you so much for the article, I that’s what I need it.
 
If you have heard resent incidents against translators or Us affiliated Iraqis in general please share it with me, we want to push the government to take an immediate action and expedite process.
 
Thank you again

واتمنى الكل تشارك ...

تحياتي للجميع ...

4

الهجرة و واللاجئين / الجدول الجديد للواصلين ... 10-2011

« في: 21:48 20/10/2011  »

السلام عليكم ...

البارحة نشروا الجدول مال واصلين بالنسبة للاجئين بالنسبة للشهر العاشر لحد يوم 18-10

اني سويتلهه ارفاق بالموضوع وهذا الرابط مال الموقع الرسمي:

http://www.wrapsnet.org/Reports/AdmissionsArrivals/tabid/211/language/en-US/Default.aspx

تحياتي الكم والسفر القريب للجميع ان شاء الله ...

5

الهجرة و واللاجئين / Update

« في: 18:13 18/10/2011  »

السلام عليكم اخواني واخواتي في منتديات عنكاوا ...

حبيت ابلغكم عن اخر تطورات الكيس مالتي ...

حيث انو اليوم IOM خابروني حته يبلغوني بموعد الدورة التثقيفية الاربعاء المقبل ان شاء الله ...

وسألته عن الامنية كال: اني اليوم مكلفيني ابلغك عن التثقيفية ومو يمي تطورات الامنية ...

يعني لازم انتظر تلفون ثاني بخصوص الامنية وان شاء الله عن قريب الي وللكل ونسافر ونخلص ...

تحياتي الكم يالغاليين ...

6

سجل الزوار و باب الاقتراحات / طلب تغيير اسم :)

« في: 22:04 13/10/2011  »

السلام عليكم ...

تحية طيبة للمنتدى والاداريين والمشرفين والاعضاء الكرام ...

بس حبيت اطلب طلب زغيروني وهو تغيير الاسم لان ديصير تضارب عبالهم سمسم اسم بنية !!!

ولهذا احب اغيره اسوي:

ابو السماسم

ولو اسوي عليكم زحمة 

تحياتي للكل ...

7

الهجرة و واللاجئين / خبر تازة وجديد !!!

« في: 17:19 11/10/2011  »

اول شي اعتذر من خالة أنجي لان ادري مو مكانه الموضوع بس هيجي اخبار لازم تنزل بالعام حته شكد ما بينه نفرح العالم ...

بس قبل شوية خابروا كفيلي (ابن عمي) وراح يوقع الاوراق وان شاء الله كالوله شكم اسبوع وتلكاه يمك ...

يعني تدرون بعد كايليله انو تتكفله وسكنة وايجاره ومن هالشغلات ...

ياااااااااا ربي يووووووووم الالكم وتفرحون مثل فرحتي هاي يااااااااااااااا رب ...

ومن هذا المنبر احب اوجه شكر لجميع اعضاء المنتدى حبايب قلبي واخواني واخواتي ...

واخص بالشكر:

DeltaForce
J.K
علي النعيمي
ابو مريومة
عكعك التطوى
أنجي
usa sky

وكل واحد ساعدني باي شي حته لو بالكلمة الطيبة ...

ويا رب يبقى هالمنتدى احلى مكان للمتنة كلنا احنه العراقيين ...

ويا رب يسهلهه على جماعه الطابوكة وجماعه المقيمين في دول الجوار ...

الله شاهد ادعيلكم اكثر مما ادعي لروحي ...

والبي خير الله يقدمه "وان الله مع الصابرين" صدق الله العظيم ...

تحياتي الكم حبايب ...

8

الهجرة و واللاجئين / The List Project

« في: 12:21 05/10/2011  »

السلام عليكم ورحمة الله وبركاته ...

ممكن احد يشرحلنه ما هو اللست بروجيكت ؟؟؟

وشنو شغلة ؟؟؟

وبشنو راح يفيد مقدم الطلب ؟؟؟

تحياتي للجميع ...

بس ياريت اللي عنده معلومات شكد ما بي يكتبلنه حته نفتهم شنو هاللست بروجكت !!!

9

الهجرة و واللاجئين / جماعة IZ-126 وين صرتووووووووووا ؟؟؟

« في: 12:08 05/10/2011  »

السلام عليكم ورحمة الله وبركاته ...

ولو اكو جمعية للكيس نمبر 126 - بغداد

بس حبيت اعرف وين صاروا ومنو يعرف احد سافر وهذا رقمه وشنو اخر التطورات والمستجدات على الساحة الآي أو أمية ؟؟؟

بالنسبة الي مستلم مال محلف ومنتظر امنية ويا رب يسهلهه علينه وعليكم اجمعين ...

تحياتي الكم ...

10

مواضيع الحياة العامة في بلاد المهجر (امريكا) / نورث داكوتا (داكوتا الشمالية)

« في: 14:20 04/10/2011  »

شلونكم احوالكم مقابلاتكم امنياتكم ؟؟؟ ( مو بعد صارت المقابلة والامنية مرتبطة بالصحة  هع )

حبيت اسالكم بما انو اني كفيلي بنورث داكوتا واني همينه مقدم عليهه ...

حبيت اعرف اذا اكو احد رايح هناك او سامع عليهه شي شنو راية بهاي الولاية  ؟؟؟

تحياتي القلبية الكم 

11

اجتماعيات (ترحيب، تهاني و تعازي منتدى الهجرة) / واخييييييرا ... باركولي ^_^

« في: 17:54 30/09/2011  »

طبعا صار اسبوع اريد اسجل بالمنتدى حته ابدي اشارك وياكم بهالقسم
بس ما اعرف شنو جان الخلل !!!
بس اليوم ( وطبعا اكيد الشكر للاشراف والمشرفين الورود ) تمت عملية التسجيل !!!
والله عبالي تسجيلي بالمنتدى راح يصير مثل الـ IOM هع هع هع
المهم ...
اتمنى تقبلوني صديق بيناتكم ... واني من مقدمي الـIOM وراح اكتب تفاصيل الكيس حته افوت جفت بنصكم هع

الاسم: سمسم مريواني (طبعا هاي لاغراض استراتيجيه هالنك نيم)
تاريخ التقديم: 12-2010
رقم الكيس: 126 والباقي بالجيب هع
مقابلة اولى: 22-6
مقابلة ثانية (محلفين): 30-6
فحص طبي: 24-8
ايميل موافقة المحلف: 26-9
وبانتظااااااااار الامنية هع
بس بما انو قريت كل مواضيع هالقسم ف كلش عادي اصلا زلاطة يمي الشغلة صارت وتخيلوا لعد شكد مستفاد منكم ومن منتداكم الحلو يا ربي يخلي باعضاءه المنورين دائما ...
وربي يفرجهه عالكل ان شاء الله

تحياااااااااااااتي الكم ...