مواضيع

1

الهجرة و واللاجئين / الحمدالله سافرت يوم 9-8

« في: 22:25 12/08/2012  »

اخواني اعضاء المنتدى الغاليين

طبعا عذروني مكتلكم عن موعد سفري بس الواحد صار يخاف يحجي من العين واتمنى تقدرون هالشي .. ولو ما عزاز علية مجان اصلا كتبتلكم .. وعذروني من التقصير ورح اكتبلكم تفاصيل الملف مالتي كلهة حتة تصير عدكم فكرة

رقم الملف JO-1243xx
تحويل اي او ام يوم 18-2-2011
مقابلة اولى و بصمات يوم 20-9-2011
مقابلة محلفين يوم 12-12-2011
استلام الضرف(موافقة المحلف) يوم 24-12-2011
اكتمال الموافقة الامنية بالموقع يوم 3-6-2012
فحص طبي اول مرة يوم 4-6-2012
الدورة التثقيفية اربع ايام من يوم 15-7-2012
فحص ما قبل السفر (الحباية الكشرة) و توقيع قرض الطيارة يوم 8-8-2012
موعد سفر اللي هو يوم 9-8-2012

وحاليا اني بتكساس مدينة مدلاند وطبعا هاي مدينة نفطية


وطبعا معلومة مهمة جدا اني راجع لبغداد كلش هواية قبل مقابلة المحلف 6 مرات راجع وبعد مقابلة المحلف رجعت مرتين وطبعا مكتلهم والحمدالله عدت على خير وعبرت.


تحياتي الكم ودعواتي اللكم بالتوفيق جميعا..

2

الهجرة و واللاجئين / عاجل مواعيد سفر من عمان

« في: 17:58 16/07/2012  »

مرحبا

اليوم جان صديقي عنده دورة تثقيفية هو من جماعه 24 -12 فاليوم هواية سلموهم خط رحله
ويكول جانو على 3 خطوط متقسمين عالملكية وعالمصرية والتركية


وهسة حكتبلكم التواريخ اللي كلي عليهة

يوم 17-7 اللي هو باجر
يوم 24-7
يوم 30-7
يوم 1-8
يوم 9-8
يوم 16-8

هاي اخر الاخبار من اي او ام عمان وكتبتهة حتة انطيكم امل بالحياة لانه اكيد محتاجين اخبار حلوة


ولتنسوني بالدعاء

3

الهجرة و واللاجئين / خبر حلو لجماعه محافين يوم 24-12

« في: 16:38 09/07/2012  »

مرحبا شباب اسف لانقطاعي بس جنت ابغداد والبارحة بليل رجعت لعمان

الخبر هو اثنين من اصدقائي استلمو نتيجة المحلف وياية يوم 24-12 سافرو البارحة بليل لاميركا

4

الهجرة و واللاجئين / بعد نفاذ الصبر اخوكم رجع لبغداد

« في: 16:20 29/06/2012  »

مرحبا اخواني شلونكم ؟

طبعا لعد ما نفذ صبري من ورة الامنية والكفالة والمغذي مال الاي او ام قررت ارجع لبغداد وصدك رجعت لبغداد البارحة وصلت
وان شاء الله عود اذا خابروني ارجع لعمان لان طكت روحي بعد وما اكدر اتحمل

5

الهجرة و واللاجئين / لكل شخص يحتاج مساعدة وعنده سؤال عن السفر (اميركا)

« في: 16:08 15/06/2012  »

مرحبا اخواني

نظرا للاحداث اللي دتمر بالمنتدى هالايام وانسحاب بعض الاخوة اللي جانو يفيدون ببعض اجوبتهم للسائل ...
وبسبب عدم انحيازي لاي طرف من اطراف المشكلة ..

احب اكللكم وبكل بساطة اني موجود هنا بخدمتكم والاجابة عن كل سؤال يتعلق بموضوع السفر وخاصة خبرتي بالمنظمة iom

اللي عنده سؤال اني حاضر وداا اسوي هالشي لوجه الله تعالى


تحياتي الكم

6

الهجرة و واللاجئين / سفر اليوم عائلة من عمان

« في: 00:52 14/06/2012  »

بما انه اكو هواية ناس يريدون يحبطون معنوياتكم

احب ابشركم اليوم اكو عائلة تتكون من 7 نفرات مقابلين محلفين بشهر ال11 سنة الفاتت رح يسافرون وبال5 الفجر يروحون للمطار

7

الهجرة و واللاجئين / شرح عن الضرف ونتيجة المحلف

« في: 15:47 25/12/2011  »

اخواني الاعزاء
مثل متدرون البارحة والحمدالله والشكر استلمت موافقة المحلفين وطبعا حبيت اشرحلكم للي بعده مواصل لهالمرحلة حتة تكون عنده معلومات من يوصل لهالمرحلة


اولا النتيجة تجيك بضرف تكدر تشتريه من اي مكتبة بسعر 5 قروش مو اكثر ومكتوب عليه بخط الايد رقم الكيس واسم صاحب الكيس وعدد الافراد بالكيس وتاريخ مقابلة المحلفين

رح تفتح الضرف تلكة بيه ورقة وحدة هي عبارة عن فورم جاهز ينطوه للكل وطبعا يكون مكان الاسم فارغ المحلف من يقابلك رح يكتب اسمك بخط الايد والتاريخ وياه


طبعا رح احطلكم الصور للمغلف وللورقة مال النتيجة من تقروهة رح تنصدمون تكولون هذا تاجيل بس هو مو تاجيل
هذا معناه انه انته المحلف وافق على قضيتك ووافق تروح لاميركا بشرط استكمال الامنية مالتك (يعني من تطلع الامنية مالتك فالمحلف موافق واذا الامنية انرفضت لا سامح الله فروح بلل الورقة وانسة اميركا) وطبعا هذا الحجي اكيد لانه اني سالت اكثر من موضفة بالمنظمة وكالوا نفس الشي فيعني اطمئنوا هاي تعتبر موافقة

وحتة كالوا ميصير بعد واحد يسافر  وخاصة للعراق لانه انتوا انقبلتوا باميركا  واللي يسافر لازم يكول قبل ميسافر وباقين بس بالتجييكات الامنية وهاي التجييكات يمكن اطول اسبوع ويمكن شهر ويمكن سنة ...

ومن استنتاجي لتاريخ النتيجة فهي ترة بنفس يوم المقابلة مالتك وية المحلف يعني ترة هو المحلف ورة ميشفوك ويقابلك رح تطلع النتيجة مالتك بس ما ادري ليش يطولوهة هالكد


واي سؤال اني حاضر اخواني رح اخليكم وية الصورة للمغلف وللنتيجة

1- صورة الضرف:

http://imageshack.us/f/13/42005075.jpg/

2-صورة الورقة مال النتيجة :

http://imageshack.us/f/62/68463625.jpg/



وشكرا

8

اجتماعيات (ترحيب، تهاني و تعازي منتدى الهجرة) / استلمت موافقة المحلف واخيرا

« في: 15:02 24/12/2011  »

شلونكم شباب

واخيرا وبعد انتظار عصيب تم استلام موافقة المحلف
من ساعه 9 اني هناك وب3 يلة استلمنة
وما احجيلكم عالعراقيين بصراحة وبدون زعل بس اغلبنة ناس همجية
بالقاعه مسكتوا ولا دقيقة حتة هواية من عدنة مسمعوا الاسماء بسبب لغوتنة الفارغة
وكلش مخربطين عبالك رح يضيع ضرفهم اذا سكتو وكعدوا

واكو خبر همينة بس مرية وحدة استلمت النتيجة وية الامنية

والباقين كلهم واني منهم بس موافقة المحلف
وطبعا هسة كلش تعبان وحبيت انقللكم المنظر مال اليوم

وشكرا

9

الهجرة و واللاجئين / الكارت الازرك او البطاقة الزرقاء معلومات عامة

« في: 15:48 22/10/2011  »

اخواني الاعزاء

اكيد كلكم سامعين بشي اسمه البطاقة الزركة اللي تنطيهة مفوضية اللاجئين
حبيت اشرحلكم عنهة وخاصة اللي ميعرفوهة ومشايفيهة وميعرفون شنو فوئدها

-طبعا الكارت الازرك هو عبارة عن تاكيد من قبل مفوضية اللاجئين بأنه صاحب البطاقة معترف به كلاجئ وليس كطالب لجوء
-يمنح الكارت الازرك بعد اقتناع المفوضية بان صاحب العلاقة تنطبق عليه شروط اللاجئ
-تقوم المفوضية العليا لشؤون اللاجئين بالاتصال بصاحب العلاقة والطلب منه الحضور وجلب صورة شخصية وورقة المراجعة
-يقوم صاحب العلاقة بالتوقيع على الكارت ويبلغ هاتفيا بموعد استلام البطاقة وطبعا هذه تمر بسلسلة اجراءات وتاخذ وقت تقريبا 3 اشهر لاستلام الكارت
-تتم الموافقة النهائية على الكارت الازرك من قبل الاجهزة الامنية المتمثلة بوزارة الداخلية التابعة للحكومة الاردنية
-فوائد الكارت هي عدم تعرضك للتسفير والابعاد او عند احتجازك من قبل الاجهزة الامنية سوف تقوم المفوضية باخراجك ويستنثنى من ذلك من يستهدف امن الاردن.
-صلاحية الكارت الازرك هي 4 اشهر ولا يمكن تجديدها
-هنالك اشخاص اعترفت بهم المفوضية كلاجئين وتم تحويلهم الى التوطين وتم سفرهم الى الدولة الثالثة ولم يستلموا الكارت الازرك (يعني عادي اذا ماعندك كارت ازرك ماله علاقة بالكيس مالتك)


واي واحد عنده سؤال اني حاضر

صورة للكارت الازرك مالتي

http://imageshack.us/photo/my-images/94/86717561.jpg

http://imageshack.us/photo/my-images/593/86988358.jpg


وان شاء الله السفر قريبا للجميع لتسنونة بدواعتكم

10

الهجرة و واللاجئين / جمعية اللي قابلوا IOM مقابلة اولى وسووا بصمات بشهر 8 -2011 بالاردن

« في: 10:53 17/10/2011  »

مرحبا اخواني

سوييت هالجمعية للي قابلوا IOM مقابلة اولى وسوو بصمات بشهر الثامن 2011 بالاردن يا ريت يزودونة بمعلوماتهم

بالنسبة الي:

تاريخ التقديم لليو ان : شهر الاول 2007
تاريخ تحويل ملفي للمنظمة بالاردن: 18-2-2011
تاريخ اول مقابلة IOM واخذ بصمات : 20-9-2011

وهسة بانتظار مقابلة المحلفين
مع العلم الكيس مالتي : سنكل مو عائلة

وشكرا