عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - روزة اليرموك

صفحات: [1]
1
السلام عليكم حبيت ابشركم واخيراااااااااااااااااااااااا استلمت موعد سفر على منتصف شهر 2 والرحلة ستكون ان شاء الله
عمان - فرانكفورت - ميامي - بنسلفانيا
وان شاء الله يوم الالكم ياربي  والله يوفقكم كلكم ويفرج همكم وتخلصون باذن الله

2
السلام عليكم قبل كم يوم اجتني رسالة من المنظمة تحمل الرمز case status/SAM وهذا الرمز اول مرة يجيني ما اعرف شنو هذا ؟؟؟
المهم اليوم فتحت الموقع ولكيت حالة الملف معلق بعد ما كان فعال :'( :'( :'( :'(
زين ليش اريد افتهم  ??? :'( :'(
يعني شنو صار عندي شي اكسباير بالامنية لو شنو والله راح اتخبل  :o :o

3
السلام عليكم اخواني واخواتي بعين كاوة حبيت ابشركم على مواعيد سفر للسنة الجديدة وهي
9-1
12-1
16-1
ويوم اللالنة ان شاء الله ويسهل علينة ويفرجهة علجميع بالسفر ونخلص من دوخة المنطمة وكل عام والجميع بالف الف خير

4
السلام عليكم اليوم الصبح ومثل كل يوم افتح الموقع بس الي صار من دخلت الباسورد طلعلي الصلاحية انتهت بدل الباسورد وبدلتة واكدت الكلمة الجديدة وحسب الاصول جان يطلعلي سيرفر ايرر شنو يعني وهسة شسوي حتى اخلي يرجع يفتح والله موتونة شوكت نخلص من هالهم هذا هسة هو موقع ديلهونا بي وهم بي كل هالتعقيدات  :'( :'(
ســــــــــــــــــــــــــــــــاعدوني فدوة شسوي ??? ???

5
الف الف الف الف الف الف مبروووووووووووووووووووووووووووووووووووووووووك
ياحبيبي ياعراق
وصاعد صاعد على عناد كل حاقد  :-* :-* :-*

6
السلام عليكم اخواني وخواتي اليوم خابرت علمنظمة من الصبح والحمد لله من اول مرة حصلت اول مرة تحصل بالتاريخ طبعا ;D ;D المهم جاوبني الموظف ونطيتة الاسم ورقم الكيس جان يكلي علتجييكات الامنية  :'( :'( كتلة زين ممكن اعرف بيا مرحلة جان يكلي مابعرف مش مبين عدنا لانها من امريكا كتلة ليش قبل مرة خابرت والموظف كلي بالمرحلة المتوسطة جان يكولي اي بطل يبين عدنا لان صارت مشاكل  :o :o :o :o :o
وطبعا شكرتة وسديت التلفون >:( >: >:(
هسة اريد افتهم شنو المشاكل يعني اذا كال بيامرحلة واني جنت ناوية اروح باجر فبرايكم اروح لولا ??? ??? لان اكيد هسة همة متفقين على سياسة وحدة بالعمل ومراح ينطون حجاية مفيدة ??? ??? :'( :'( :'(

7
السلام عليكم قبل فترة شفت اكو مخطط يبين مراحل التجييك الامني وحاولت ادور علية بالمنتدى ومالكيتة فاذا امكن اذا احد يكدر يساعدني وينزلة ولكم جزيل الشكر

8
ۆ طلع الإيفون
 ۆ الإيفون 4
 ۆ الإيفون 4 إس
 ۆ الإيفون 5
 
ۆ نزل الجالكسي
 ۆ الجالكسي إس
 ۆ جالكسي 2 إس
 ۆجالكسي اس 3
 ۆ جالكسي تاب

 ۆ جالكسي تاب 2
 
ۆ أيباد :|
 ۆ أيباد 2
 ۆ أيباد 3
 
ۆ بلاك بيري
 ۆ بلاك بيري بورش
 
ۆ فاستلنك غيرت اسمها وصار أسمها زين
 
ۆ انتهاء مسلسل الأرض الطيبه الجزء الأول
 ۆ الجزء الثاني
 ۆ الجزء الثالث
 ۆ الجزء الرابع
 
ۆ انتهاء الجزء الأول من مسلسل الأوراق المتساقطه
 
ۆ انتهى أرب كوت تالينت 1
 ۆ انتهى أرب كوت تالينت 2
 
انتهى ستار أكاديمي 1
 انتهى ستار أكاديمي 2
 انتهى ستار أكاديمي 3
 انتهى ستار أكاديمي 4
 انتهى ستار أكاديمي 5
 انتهى ستار أكاديمي 6
 انتهى ستار أكاديمي 7
 انتهى ستار أكاديمي 8
 
انتهى إرب أيدول 1
 
وبدى ذا فويس 1
 
وقفز فيلكس من الفضاء للأرض
 
ولازلت بانتظار الامنيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة
 
بس الله عليكم لتسبوني ;D ;D

9
السلام عليكم اخواني
اولا - احب استفسر واسأل متى تصبح البصمات اكسباير ويتم اعادتها  ??? ???علما اني بصمت يوم 20-6-2011
ثانيا- هل اعادة البصمات يؤخر من الامنية يعني اقصد ترجع تنعاد من جديد بسبب الاكسباير لو متاثر على سير الامنية؟؟؟
ياريت الاجابة عن اكسباير البصمات يكون ممن اعادوا البصمات ولكم جزيل الشكر

10
السلام عليكم اخواني واخواتي في هذا المنتدى الرائع هذه الجمعية لكل الاعضاء ولمختلف حالات الملف الموجودة علموقع المنظمة من معلق وبانتظار النتيجة والفعال ارجو من الجميع الدخول وكتابة معلوماته للتواصل ولمناقشة التغييرات الحاصلة بالملف ولمحاولة معرفة الاختلاف بين الحالات الثلاث وبالاخص الاختلاف بين المعلق وبانتظار النتيجة وسابدا بنفسي
التقديم لليوان 2009
مقابلة التوطين 2010
مقابلة اولى وثانية 24-5-2011
بصمات 20-6-2011
مقابلة محلفين 29-1-2012
موافقة المحلفين 24-3-2012
اتصال بالكفيل 4-4-2012
فحص طبي اول 27-2-2012
فحص طبي ثاني 13-9-2012

وحالة الملف علموقع معلق والمقابلات والفحص مكتمل والامنية بالانتظار
طبعا بالمناسبة المعلق حسب مسالت الموظفة بالمنظمة انه الملف معلق لانه بانتظار التجييكات الامنية تحديدا

11
السلام عليكم اخواني واخواتي في هذا المنتدى الرائع اليوم اتصلت علمنظمة داسال عن ملفي وطبعا كانت الاجابة المعهودة والمقرفة تحت التجييكات الامنية  :'(فسالت الموظف زين ممكن اعرف باي مرحلة كلي بالمرحلة المتوسطة  :o :o >:( >:( كتلة زين شوكت تخلص كال ما اعرف هاي من امريكا فاحب اسأل شنو يعني بالمرحلة المتوسطة وشنو اكو بعد وراهة ؟؟ واجكد اطول يلة ينتهي التجييك الامني الاغبر حشاكم وطبعا هاي تفاصيل ملفي
تقديم لليوان 2009
توطين 2010
تحويل الى المنظمة 9-8-2010
مقابلة اولى 4-2011
مقابلة محلفين 29-1-2012
موافقة المحلفين 24-3- 2012
فحص طبي اول 27-2-2012
فحص طبي ثاني 13-9-2012
وطبعا حالة ملفي بالموقع من ورة مقابلة المحلفين ولحد الان معلــــــــــــــــــــــــــــــــــــــــــــــــــق

12
السلام عليكم اخواني واخواتي بلغني انه تم انجاز ملفات بنسة 50 بالمية وهذا الكلام عن مارك الي يشتغل بمنظمة الا اي او ام وكال من يوم الخميس حيتصلون تباعا عالناس وانو همة ديشتغلون ومديلحكون وان شاء الله احنة من ضمن ال50 %بأذن رب العالمين وان شاء الله يجي اخونا علي النعيمي واكدلنة مدى صحة الخبر والله يسهل علينة اجمعين 

13
السلام عليكم اخواني واخواتي احب استفسر عن شغلة اني بعد كم يوم راح يصير الفحص الطبي اكسباير برأيكم راح يتصلون علية على اعادة الفحص لو ينتظرون تكتمل الامنية يلة يتصلون على اعادة الفحص احب تشاركوني بتجاربكم وخبراتكم ورائيكم ولكم تحياتي ومودتي

14
السلام عليكم طبعا اليوم رحت داخذ موعد تجديد لورقة اليوان ونطوني موعد على شهر 4 -2013 لان حسب مكالت الموظفة احنة اصلا موقفين التجديد مشان اخوانا السوريين  ;D ;D المهم الموضوع اوالخبر المفرح انه اني من ساعة تمانية ونص ولحد مطلعت الساعة عشرة اجوي تقريبا 13 واحد عدهم سفر وديسلمون الجوازات واكثرهم عوائل يعني ان شاء الله اكو صح سفر وتسريع مثل ميكولون ويوم الالنة وللجميع يارب

15
اخواني واخواتي بس حبيت اعرف منو بعدة باقي من جماعة 122 ليهسة ممسافر ووين واصلة معاملتة اني بالنسبة الي هاي تفاصيل الكيس مالتي
تقديم عليوان 2009
 توطين شهر 7 -2010
مقابلة اولى وثانية 5-2011
بصمات 6-2011
مقابلة محلفين 29-1-2012
موافقة المحلفين 24-3-2012
وبانتظار الامنية لحد الان وحالة الملف بالموقع معلقة               

16
السلام عليكم دزيت للمنظمة من اجل تفعيل حسابي ووراهة دزولي الباسورد الجديد بس مدافتهمة بصراحة اشلون اكتبة بي اقواس هاي الاقواس اكتبهة لولا الله يخليكم واحد يشرحلياة حرف حرف اشلون اكتبة الله يخليكم اخاف هم ادخلة غلط ويرجع ينسد واني مصدكت رجعوا فعلوا فدوة ساعدوني              Password: )SwtR|6A.#)Rhz

17
اليوم خابر ولد صديق زوجي صارلة فترة طويلة ممتصل ديسلم علية ويكلة حاللني وواهبني اني راح اسافر يوم الاثنين فكلة الله وياك وبالتوفيق ان شاء الله
طبعا هو سنكل ومن جماعة شهر الثالت سنة 2011
هاي بشارة للاخ سهم التميمي لان خطية احس بي كلش مأيس من السفر
الله يسهل علينة وعلجميع ان شاء الله

18
السلام عليكم اسفة لان اتاخرت بالكتابة لان والله رجعت تعبانة والليل كلة منايمة المهم ما اطول عليكم من ساعة 8 ونص ادك علمنظمة وماكو لحد تقريبا عشرة وربع حصلتهم جاوبني ولد انطيتة الاسم ورقم الكيس كلي شو بدك كتلة اريد استفسر عن ملفي كلي لسة بالتجييك الامني كتلة شنو كلي علية تجييكات امنية كتلة متاكد كلي نعم كتلة عفية اتاكد زين لان اني اتصلت يوم الخميس وجاوبني موظف يكلي انتوا طلعلكم رفض امني جان يكلي ما بعرف اني هذا الي عندي المهم سديت التلفون وبين فرحانة وبين ظل قلبي يلعب كلت خل اروح للمنظمة احسن بلكي اتاكد اكثر المهم وصلت ماكو احد ظليت واكفة بالشباك ورة اشوية اجة الحارس كلي اتفضلي اختي شو بدك كتلة اريد اشوف موظف او اي احد اريد استفسر عن ملفي وطبعا حجيتلة قصتي كلهة كلي انطيني الاسم ورقم الكيس وراح دخل وورة اشوية طلعلي كلي هسة كمان شوي وبيتصلوا عليكي والله واني كاعدةبالقاعة خابرني نفس الموظف الي حجيت وياة كلي انت مو خابرتيني اليوم قبل شوية ليش اجيتي وما اعرف شبي شو جان مرتبك وهيج بس يريد يخلص مني كتلة اني اهنا بالباب وما راح اطلع اذا ما افتهم ملفي وين وليش الموظف يوم الخميس هيج كلي كلي انتي ممتصلة يوم الخميس كتلة لا متصلة واكيد عدكم تسجيل للمكالمات ارجعلة وشوف وكتلة اني مراح اسكت علصاربية وراح اراسل الاعلى منكم كتلة حتى بالنص كلي انتوا ال sao رافضيكم كلي انتوا اصلا ال SAO عدكم لسة نو اكشن المهم ورة حجي طويل بيني وبينة مرة ينكر المكالمة ومرة يكلي احنة هاذي رموز ومختصرات لكل مرحلة احتمال الموظف معرف ايفسره الك وانت الكفيل موقع اوراقكم ووصلنة الرد من المنظمة وانتوا لساتكم علتجييكات الامنية واحنة اذا صار شي جديد انبلغك هذا كل الي صار وياية
المهم جبيت افرحكم واسفة اذا ضوجتكم او زعجتكم من يوم الخميس ليهسة والله ردت اتخبل علصار بية لان حتى من خابرت يوم الخميس جنت كلش فرحانة ومطمئنة لان يوم الاثنين الكفيل وقع اوراقنة وما اشوف الا وهذا الموظف سدهة بوجهي وظلمهة علية الله لينطي هسة انتوا شنو رايكم يعني معقولة هذا الموظف صدك معرف يفسر هاي الرموز لو شنو صح هسة فرحانة الحمد لله والشكر بس بعدني ممطمئنة ولو بنسبة 20% اكول معقولة موظف وحاطي يجاوب علتلفونات ايجاوب خطأ ??? ??? ::) ::) ::)

ارجع اشكركم كلكم والله يوفقكم ويسهل امركم وميمرركم بالحالة الصارت وياية ان شاء الله وشحجي وشكتب وشاكول قليل بحقكم علوكفة الوكفتوهة وياية كلكم وبالاخص اخت اريج وسوسو والاخت روز الي ظلت تراسلني علخاص وتقدملي مساعدتهة والف شكر لكل واحد اندعالي ان شاء الله يجازيكم بالخير ياطيبين  :-* :-* :-* :-* :-*

19
السلام عليكم اني من مستلمي الظرف يوم 23-4 بالموافقة المشروطة بالامنية واليوم اتصلت بالمنظمة لاستفسر عن ملفي واجاني الخبر الصاعقة انه تم رفضنا امنيا وانغلق الملف ومداعرف شسوي والله يااخواني راح اتخبل اصلا حتى زوجي مخادم عسكرية وبالنص كلي الموظف انlال SAOمموافقين على ملفنة ممكن احد يفهمني شنو الموضوع اني حتى دماغي انشل عن التفكير هاي صار سنين انتظار وتالي هيجي يصير والله راح اموت من القهر

20
السلام عليكم اخواني واخواتي صار اكثر من 3 اسابيع ادخل علموقع الiom وميفتح بعدين قررت ادزلهم رسالة استفسر عن حالة ملفي يجيني الاوتو ريبلاي بس ميجاوبوني اتصل بيهم وما احصلهم موتوني شنو القصة يعني يصير ملفي ضاع في بحر الظلمات لو شنو وين صفة بي الدهر اخر رسالة استلمتهة منهم قبل 3 اسابيع تخبرني باني تحت التجييكات الامنية وحالة الملف بالموقع كانت هولد(معلق) ووراهة كلشي ماكو بعد لا الموقع يفتح ولا يجابون علرسايل شنو القصة عفية اخاف الملف بي شي لو صار مشكلة بالامنية مثلا ومديجابون اريد افتهم احد صاير وياة هيجي حالة  :o :o :o

21
الهجرة و واللاجئين / سفر من عمان
« في: 22:21 09/04/2012  »
السلام عليكم اخواني واخواتي حبيت ابشركم اخو زوجي استلم خط الرحلة وطيارتة يوم  24-4 ويوم ان شاء الله الالي والكم يارب

22
اخواني واهلي الطيبين بعينكاوة مقابلتي ان شاء الله يوم الاحد يعني بعد يومين فدوة محتاجة نصائحكم ودعواتكم وامانة لتنسوني بالدعاء بحق هذا يوم الجمعة المبارك الله يبرد قلبنة وقلوبكم ان شاء الله

23
اخواني واهلي حبيت ابشركم قبل شوية اتصلوا بينة الiom وكالوا عدكم مقابلة محلفين الاسبوع القادم ان شاء الله طبعا اني اليوم من الصبح تقريبا ساعة 10 ونص اتصلت بيهم دأسال عن المحلفين اشوكت يجون كلي الموظف نهاية الشهر ما ادري بعد الظاهر من يبين اشوكت يجون عدهم يبدون ينظون مواعيد والله اعلم فدوة بس اندعولي لان خرطت ويوم انشاء الله لكل المنتظرين

24
مرحبا اخواني واخواتي الاعزاء من خلال متابعتي لهذا المنتدى الرائع لاحظت شغلة ان المحلفين مرة تجي وجبة زينة وسهلة والبعدهة تجي صعبة وشديدة يعني مثلا وجبة شهر 3-2011 كانت وجبة المحلفين صعبة والبعدهة شهر 6-2011 كانت جدا سهلة والبعدهة 9- 2011 كانت جدا صعبة والي كانت مصادفة المقابلات بشهر رمضان بحيث تقريبا كل القابلوا اشتكوا منهم ووجبة المحلفين الاخيرة لهذه السنة 12-2011 ايضا كانت سهلة والمحلفين متعاونيين حسب قول القابلوا . فهسة الوجبة الجاية هم راح اتكون صعبة  !!! مااعرف اني هذا اللي داشوفة انتوا شنو رايكم ؟؟؟؟؟؟؟؟؟؟

25
مرحبا اخواني واخواتي عفية بس اريد اسالكم شغلة اكو مرات من يكتبون التعليقات بالفيس بوك بالنهاية يكتبون لووووووووووول هاي شنو معناهة ؟ عفية لضحكون لان كلش غاثتني هاي الكلمة ومدافتهم ليش ايكتبوهة؟؟؟؟؟؟؟؟؟؟؟؟؟؟؟؟؟ ورحم الله والديه اليجاوبني والف شكر

26
اهلا احواني وخواتي المشاركين بالمنتدى اني عضوة جديدة اتمنى ان تقبلوني وياكم بالمنتدى طبعا اني طلعلي التوطين بشهر7 -2010 وقابللت اولى وثانية شهر4- 2011 وبانتظار مقابلة محلفين ليهسة ماكو مع الاسف وما اعرف شنو سبب التاخير علعموم الله كريم والله يوفق الجميع

صفحات: [1]