7
في البدايه احب اعرفكم بنفسي واتمنه ان تعتبروني اخ جديد لكم في هذا المنتدى الرائع اني علي ابن ابو علي (عراقي نبيل) و عراقي نبيل الان موجود في ولاية كونتيكت وايحب ايسلم على كل الاخوان والاخوات والحمد لله وصل بالسلامه واستطعت ان اتكلم وياه تقريبا لمده عشرين دقيقه تقريبا والان هوه شويه مشغول لان ايريد يسحب خط انترنت لاجل ان يرجع يكتب بالمنتدى مره اخرى لاكن للاسف الان ما عنده انترنت لهذا السبب حبيت اكتب الي ايحب هوه ان يكتبه بالنيابه عنه وهو ايسلم على كل اعضاء المنتدى وحبيت اشكر كل من ساعد والدي قبل واثناء السفر لانكم ناس رائعون وتستحقون الشكر والامتنان وفي البدايه احب اشكر كل من
• الاخ العزيز الراقي المحترم دبس وراشي الي وبدون مبالغه تعجز الكلمات عن وصف هذا الانسان الراقي بكل ما تحمل الكلمه من معنى ... ابن الخير الي فعلا وقف مع والدي وقفه رجل صادق ومحترم وساعد والدي مساعده كبيره قبل واثناء وبعد سفره , هذا الانسان فعلا هو اخ عزيز نبيل بكل ما تحمل الكلمه من معنى واني كنت قلق على والدي من ناحيه وصوله الى مطار بغداد وانتظاره للطائره المغادره الى عمان لاكن هذا الشخص كان مع والدي في كل لحضه وساعده وكان والدي جدا سعيد بوجود هذا الانسان بقربه ... شكرا لك اخي العزيز دبس وراشي ويارب تتحقق كل امانيك وانشاء الله انشوفك بامريكا يارب قريبا و (رحمة الله على والديك دنيا واخره) وايكولون الانسان بعد ما ايموت ينقطع ذكره الا بثلاث اشياء ودبس وراشي واحد من هاي الاشياء الثلاثه وهي ابن يدعو الى والديه ويجلب لهم الرحمه بعمله الصالح ... ملاحضه هذا الكلام مو مبالغه ولا اتكيت هذه هي حقيقه صادقه ومجرده من اي مجاملات
• الاخ العزيز علي ليو الطيب المحترم الي وصل بالسلامه الى ولايته وكان مع والدي في نفس الرحله الى نيويورك : طبعا قبل صعود والدي بالطائره المتجهه من عمان الى نيويورك بلغني انه عندما يوصل نيويورك سوف يتصل بي وطبعا اني كنت مطمئن لان قبل سفر والدي اتصلت بشركه اسياسيل وعراقنا وبلغوني انه اكو تغطيه لهذه الشبكات في امريكا عن طريق تفعيل خدمة التجوال الدولي والتحويل على شبكه t mobil او شبكه at and t وشحنت الموبايلات مالته برصيد كبير وكنت مطمئن بمجرد وصوله الى نييورك سوف يتصل بي لاكن للاسف ماكو اي تغطيه لهذه الشبكات وحاولت اتصل بيه ويطلع مغلق واتصلت بالاخ دبس وراشي وطمني واني جدا شاكر له واحب اشكر الاخ علي ليو الورده الذهب لانه ارسل رساله الى وطمني بيها انه المنضمه استلمت والدي و وانه اكو ناس يحجون عربي والمساله كلش سهله وكانت هاي الرساله مثل الثلج الي برد قلبي بصراحه لان كنت افكر بيه لان لغته الانكليزيه وسط
شكرا جزيلا اخي العزيز على ليو واتمنى من الله ان ايوفقك في حياتك الجديده لان انته انسان طيب وتستحق كل الاحترام والتقدير
• الاخت العزيزه ام شاهين والاخ العزيز ابو شاهين الورده : احب اوجه كل الشكر والتقدير والاحترام الى الاخت العزيز الراقيه الطيبه ام شاهين والى الاخ العزيز الراقي الطيب ابو شاهين الورده لانهم كانو دائما على اتصال معي وكانو دائما يسالون على الوالد وما قصروا ابدا وهذا نابع من طيبة اخلاقهم العاليه ... شكرا يا ورود
• الاخت العزيزه ام اديان الانسانه الوفيه المحترمه : ربي ايوفق هاي الانسانه الرائعه الطيبه لانها دائما تسال على الوالد , فعلا هذا المنتدى بيه ناس اقل ما يقال عنهم انهم رائعيين وراقيين مثل الاخت العزيزه ام اديان واتمنه من الله سبحانه وتعالى ان يحقق كل امانيكم لانكم فعلا تستحقون الافضل
• الاخ العزيز فراس البغدادي شكرا جزيلا على المجهود الرائع ولا اجد كلمه شكر تعبر لك عن امتناني لتكريس وقتك الثمين ومجهودك الكبير لان موضوع المقترح الي ايخص الاستاذ دبس وراشي المحترم لحد الان في الصفحه الاولى في المنتدى بالرغم من عشرات المواضيع تضاف يوميا بارك الله بيك اخي العزيز الراقي وشكرا جزيلا وادعوا الله ان يحقق امانيك
• الاخت الرائعه سرب الطيور شكرا جزيلا ادعيلج بالخير والصحه والسلامه ويارب تتحقق جميع الاماني... شكرا جزيلا على الرساله الاكثر من جميله وفعلا فرحت لمن قريتها ... انتي انسانه طيبه وتستاهلين كل خير
• الاخوان والاخوات والاصدقاء mohanad.a , حسين الجبوري , AL SHAEEA , raivn, sparky , بتر فلاي2, alzandawi Nooraldeen , Mustfa ,عطر المسك ali-ip تويتي امريكا ابو سماني aboalawe Awsaws Sound of Soul الحـلم الوردي Glory girl امل الوصول assaad2011 قسوة الحياة الخفاجي جار الانتظار *Ray اجونة المستعين بالله لورنس السفاح حزيران المتوكل على الله مايكل اندريه ام راما warda laith كنداوية مروان الشويلي Grey Goose برنسو Haider ALtaie حيدر الطائي
شكرا جزيلا لكم جميعا وبارك الله بكم وجازاكم الف خير لانكم روح هذا المنتدى الرائع الذي جعلنا نلتقي بكم ... فقي البدايه اشتركنا في هذا المنتدى لاجل الحصول على المعلومه عسى ان تفيدنا في سعينا وراء انتشال انفسنا من الواقع المرير في العراق ولاكننا حصلنا على اكثر من ذالك لاننا التقينا باشخاص طيبين ومستعدين لمساعدة الاخرين لله في الله وبدون اي منفعه ولا مصلحه ولا مكسب (ورب اخ لك لم تلده لك امك) وهذه هي سمه الترابط الحقيقي بين الاوفياء ولا انسى ان اذكر الاخ صالح الفحام الذي غاب على المنتدى ولاكنه بقي في قلوبنا
شكرا لكم جميعه وبارك الله بكم ووفقكم في حياتكم ومسعاكم واعتذر للاخوان الى نسيت اسمائهم واحب اكول كلمه اخيره طالما الانسان متوكل على الله سبحانه وتعالى و واضع ثقته ب الله فتاكدوا سبحانه وتعالى ما يخذل احد ابدا ...
احب اعتذر لان ما راح اكدر ادخل على المنتدى بصوره مستمره بسبب انه مسؤولياتي والحمل عليا صار اكبر بعد غياب والدي
شكر ا جزيلا لكم مره اخرى
عرض المشاركات
