السلام عليكم شلونكم اخواني بمنتدى عنكاوا الطيبين بليز اللي عنده معلومات عن هالموضوع ليبخل علية لان كلش حايرة ومحتاجة خبرتكم
شوفو اني انخطبت العام وخطيبي مقدم ع اي او ام من عمان وتقريبا هسة كمل كل شي بس بانتظار موعد السفر يعني ان شاء الله هالايام يسافر المهم من وكتها واحنا دايخين منعرف شنو اسرع طريقة يسحبني بيها لعنده لان المنظمة ميعرفون انه خطب هو مبلغهم لان خاف يعيدوله التجييكات من اول وجديد ويطول بعد اكثر فكال من يروح هناك يشوفلي فد طريقة اكو ناس كالو روح وبعد اشهر اشتريلك جواز مؤقت وروحلها بعمان ازوجها او اعقد عليها وارجع لامريكا قدملها لم شمل هذا قبل مياخذ الكرين كارد يصير هيج ؟؟؟
وناس كالو روح اخذ الكرين كارد وبعدين ارجع ازوجها وقدملها ع لم شمل وبصراحة هو ميريد يقدملي ع طريق المنظمة لان سمعنا بيها سرة وطول سنين احنا نريد شي ميطول اكثر من سنة هو كال اقدملج ع السفارة تكون اسرع وناس هم كالولنا هيج بس كالو تطول من 6 اشهر الى سنة ونص يعني هم هواية يعني حتصير سنتين ونص سنة وشوية لحد مياخذ الكرين كارد وسنة ونص لحد متطلع موافقتي وناس كالو يسسويلي قبول بالجامعة وناس كالو يلكيلي عقد عمل واجي بحجة عقد العمل ومناك اقدم لجوء ونزوج ناس كالو فيزة سياحة متاخذلها شهرين واروح ابقى يمه ما اعرف من كد ما سمعت عن طرق دخت وهو داخ ومدنعرف ياطريقة هي الاسرع ومتسوي مشاكل من حيث الكرين كارد والاقامة بليز ساعدونا واكون ممنونه الكم
عرض المشاركات
