عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - Writer

صفحات: [1]
1
الهجرة و واللاجئين / التحديثات ------- اي او ام
« في: 10:17 16/11/2012  »
السلام عليكم اخواني \ اخواتي العنكاويين

اول شي اهنيكم بعيد السنه الهجرية وان شاء الله سنه خير للكل

اتمنى منكم تذكرون اخر تحديث صار بلمفاتكم وشكد طول وشكد رقم الكيس
خلي نفتهم شلون ماشيه الملفات و وين واكفه

يعني اني مثلا اخر تحديث رجعت الامنيه للانتظار يوم 15 \ 9 ولحد هسه انتظار

رقم الكيس 113 وحالة الكيس بيندينك

اخواني همتكم خلي نفتهم ليش رجعت جر وعر جانت بالتاسع خوش ماشيه

اخوكم الكاتب


2
الهجرة و واللاجئين / خلونه نسولف
« في: 22:09 05/11/2012  »
شلون العنكاويين

تعالو خلي نسولف على ضيمنة بالجات مال المنتدى اشو ماكو احد ليش ؟؟

http://www.ankawa.com/forum/chat/

او

http://www.ankawa.com/forum/chat/123flashchat1.php

3
الهجرة و واللاجئين / احصائية الشهر الثامن
« في: 08:43 06/09/2012  »
شلونكم شباب الشهر الثامن مو فرق عن السابع
العدد الي سافر 1891 وشهر السابع 1880
والله كريم

4
الهجرة و واللاجئين / رجاء رجاء لكل من عنده مقابله محلفين
« في: 09:07 29/08/2012  »
الاخوة الاعزاء
واخص بالذكر الاخوان الي عندهم مقابله محلفين واتمنالهم كل التوفيق

طبعا احب اريحهم تره مقابله المحلفين اقصر من المقابله الاولى واهم
وهيه مجرد مراجعة للمقابله الاولى لا تزيد ولا تنقص وانتضر الموافقة باذن الله

رجائي هو بعد ما يكمل المحلف من الاسئله راح يسال تحبون تضيفون شي
الرجاء اضافة جميع المشاكل الي بالمنظمة يعني جماعة عمان والخرابيط مالتهم
وعدم الانتضام والهوسة ومواضيع الغاء حالات السفر باخر ايام
والموقع الي ميتحدث الا بعد سبعين يوم ومن ندز ايميل يكولون ارجع للموقع

اخواني هذا رجاء واتمنى اكو اخوان يساندوني لان هذا اقصر طريق النه
عسى ان يستعدلون ويمشون عدل ويعدلون حال موقعهم او يجابونه بصوره محترمة
او او او هوايه صارت عليكم يالمنظمة بس ما راح نسكت بعد

الكاتب

5
الهجرة و واللاجئين / شباب منو اجا هيج رد؟؟
« في: 16:33 24/08/2012  »
اخوتي الاعزاء

هذا اخر رد اجاني من الاي او ام منو جايله مثله وشنو يعني بالتحديد مخدر موضعي لو عام برايكم

Thank you for your email,

For general case status inquiry, we encourage you to visit IOM website at https://www.jordan.iom.int/refinfo/ to receive an instant case status update.

A careful review of our records indicates that your case is currently in processing and you will be contacted in the near future for updates.

Kind Regards,
IOM Info Center

وان شاء الله خير
الكاتب

6
الهجرة و واللاجئين / ٭٭ وره شكد وصار مكتمل ٭٭
« في: 17:34 19/08/2012  »
اخواني العنكاويين شلونكم

اني عدت الفحص الطبي ولليوم ما تغير بالموقع الى مكتمل يعني بعده فعال
الاخوان الي عادوا الفحص ممكن تذكرون وره شكد وصار مكتمل

وشكرا على الردود مقدما

7
الهجرة و واللاجئين / طريق مطار بغداد
« في: 23:48 06/08/2012  »
شلونكم شباب

تخيلوا وانتوا رايحين لمطار بغداد وعندكم موعد سفر
وبالطريق يجيكم رامز ثعلب الصحراء شنو شعوركم راح يكون

هذا الرابط لازم تشوفون رامز شيسوي

http://www.youtube.com/watch?v=UnfdnfG8b4U

8
قسم الشكاوي والاقتراحات الخاص بمنتدى الهجرة / الى الاداريين
« في: 20:13 06/08/2012  »
ظاهرة فراغ المنتدى من المشرفين اصبحت ظاهرة يومية

الرجاء انتقاء مشرفين لهم اوقات مغايره

الظاهرة الثانيه

خاصية التنبيه للمراقب

من الواضح انها غير فعاله او ان المشرفين غير مهتمين لها

بصراحة المنتدى تايه و والدليل ارجوا من المشرفين الرد في موضوعي
وخلي تشوف الادراة وقت نزول الموضوع و وقت رد المشرف

الكاتب

9
الهجرة و واللاجئين / الخلاف والنقاشات والهجرة واللجوء
« في: 02:02 04/08/2012  »
تحيه طيبه لاخواني العنكاويين

من فترة واني الاحظ ان .....

اي واحد ينزل موضوع استفسار او مساعدة
الحمد لله اكو هوايه من الاخوان الاعضاء عندهم روح المساعدة مشكورين وبارك الله بيهم
بس للاسف الاراء مختلفه دائما ويبقى المستفسر ما يعرف منو الصح ومنو الغلط

نجي عليه اني قبل فتره ولد صديقي كالي اسالي على موضوع الربط بين الكيسات
اكو من الاخوان الي كال هو تلقائيا يكون الربط قوي والثاني كال لا هو اصلا الربط ضعيف
وصار نقاش وجدل حول هذه القضية وبالتالي ما عرفت منو اصدك!!

وراها رجعت للولد كلتله دز ايميل احسن واستفسر بي
واجاله الرد ان الكيسات تكون الربط ضعيف الا اذا ردت انت فوي وماكو كيس ياخر كيس
بس بالتالي الوجهه الاخيرة هم بنفس المكان

الرجاء يا اخوان الرجاء يكون الرد للمساعدة عن تجربة وخبره حتى الكل يستفاد منه
اما اذا سمعت فلان هيج وفلان هيج فصدكوني ما راح نستفاد من اي موضوع

والشكر الجزيل للكل

10
الهجرة و واللاجئين / اني و كولومبس وكيسات 115
« في: 19:19 25/07/2012  »
شلونكم اخواني العنكاويين
طبعا اني عندي اعادة فحص طبي باجر بس اجلته على اليوم ههههههههههه

البارحة خابرني شخص كالي انت فلان كلتله اي تفضل كال عندك فحص يوم الخميس كلتله صحيح
كالي تكدر تجي باجر على اليوم كلتله اي اكدر بس شنو المشكلة
كال ماكو اي مشكلة بس اكو عوائل تأجل فحصهم الطبي واحنه دنعوض بمكانهم
كلتله اي يمعود اروح وين ما تريدوني اروح حاره بارده بس خلي نخلص

تعرفت على الاخ كولومبس وهو شخص كلش محترم بس طاكة روحه حيل هههههههههه
وهوايه ناس متعرف عنكاوا وكلتلهم عليه وراح يشتركون اليوم بي
 الموجودين اليوم بحدود 60 شخص اكثر الكيسات هم 115 و واحد ويه عائلته 112
خمس كيسات الي عرفت بيهن هم فحص قبل السفر
والحمد لله اليوم الحرارة مليون

وكملت الفحص وخلصت منه والحمد لله

اي سؤال اني حاضر اخواني

11
الهجرة و واللاجئين / اعادة الفحص
« في: 23:10 22/07/2012  »
اخواني خابروني الاربعاء الفات على موعد اعادة الفحص الطبي
بس المشكلة لهسه قلق من الاتصال
اول شي الموعد على يوم الخميس وخابروني يوم الاربعاء الراح
يعني ماكو احد منطي موعد بعد 8 ايام
والشي الثاني الي مستغرب منه الي خابرني كالي احنه السفارة الامريكية يعني مو المنظمة
قيا اخوان الرجاء الي مخابري بهاي الطريقة يفيدني ويريحني لان جدا قلق

نحيات الكاتــــــــــــب

12
الهجرة و واللاجئين / ►**IOM عنكاوا**◄
« في: 18:31 21/07/2012  »
تحية عطرة

اخواني العنكاويين
هذه احصائية جديدة للكيسات الباقية الي من بغداد
وحتى نسوي جدول اذكر رقم الكيس وتاريخ التقديم والمعلومات الاضافية





13
الهجرة و واللاجئين / معلومة هامة
« في: 09:06 20/07/2012  »
شلونكم شباب ورمضان كريم

اكو شغله لفتت انتباهي للاسف بعد 3 سنين من التقديم
وهو

احنة من ترسل ايميلات او من جنه قبل نكدر نخابرهم قصدي على العراق
احنه دنتصل بمركز المعلومات التابع للمنظمة يعني مو دنتصل بالشخص الي كاعد يشتغل بالمعاملة

وبالتالي تبين ان الملعومات ربما تكون غير متاحة للمركز لان بعدها وجبة المعلومات ما واصلتهم

وتبين ان وجبة المعلومات توصل اسبوعيا اي نهايه يوم الخميس تحديدا بصوره كبيره
وما ياكد كلامي هو تغيير المعلومات تتم نهايه يوم الخميس حتى صباح الجمعة
ومعضم الاخوان الي ديصير تغيير عدهم بالموقع هو بهاي اليومين
يعني مركز المعلومات تجي النتائج ويبدي يدخلها حتى الموضفين الي يجاوبوكم راح يجاوبون على النتائج الاخيرة
الي واصلتهم للسستم

وبالتالي يمكن يكون واحد مخلص فحص وبملفة الفحص مكتمل بس ما دازين تحديث لمركز المعلومات
وعادي بايام الزخم هوايه خرابيط تصير
فاخواني لا تعتمدون على الموقع الا اذا صار بي تغيير فالتغيير معناها صحيح بس اذا انت سويت فحص وبعده مو اكتف
او ان بروسس او غيره فهذا عادي

نجي على الرموز
كل كتاب يطلع من دائرة معينه يتوقع من قبل الموضف المختص فما بالك بمنظمة عالمية
يعني اذا واحد كتبلك كلام غلط وحبيت ان تواجههم غير يعرفون منو كتب هذا الكلام
فالرمز هو توقيع الموضف في مركز المعلومات على الرسالة الي دازها الك حتى المنظمة تعرف
منو هو الشخص الي راد عليك واذا اكو شي يسيء الك يعرفون المن يعاقبون

اذا اكو اي نقاش بالموضوع اني موجود لحد ما تنطفي الكهرباء هههههههههههه
الكاتب

14
الهجرة و واللاجئين / شكد حلو
« في: 08:26 19/07/2012  »
الحمد لله والشكر

الفرحة صارت فرحتين قبل كم يوم كتبت موضوع الامنية مالتي اكتملت بالموقع الحمد لله







بس







اليوم رجعت انتظار الحمد لله
يعني السفر قريب كلش قريييييييييييب يالله

كلش فرحان اليوم وفرحتي ما تنوصف هذا التغيير كلش فرحني اكثر حتى من موعد السفر

و هم الحمد لله

الكاتب

15
الهجرة و واللاجئين / كملت الامنية
« في: 20:24 15/07/2012  »
شلونكم اخواني

اليوم فتحت الموقع ولكيت الامنية كاملة بس الفحص بعده بروسس
ودزيت ايميل استفسار للاي او ام والمفاجئة اجاني الرد قبل نص ساعة

وللاسف الرد هو الكليشة تفسها
يعني الموقع خرابط لا اكثر ولا اقل

وشكرا

16
الهجرة و واللاجئين / موقع IOM للانتباه
« في: 03:46 15/07/2012  »
اخواني واخواتي

احتمال تدخلون على الموقع تلكون الدخول متغير
او يمكن الانتي فايروس عندكم يكول الموقع مو امين

الخلل حاليا بالموقع هو انتهاء صلاحية الشهادة للموقع

يعني الشهادة صلاحيتها سنه واحده
الي هي من تاريخ 13 7 2011 الى 15 7 2012
ولهالسبب هاي المشاكل
بس ادخل ولا تخاف ماكو ضرر على حاسبتك
لحين تجديد الشهادة ويرجع طبيغي وراها

وهذه صورة لانتهاء الشهادة


وطبعا اول ما تدخل راح تطلع هاي الصفحة دوس على الخيار الثاني (الكونتنيو) وراح يدخلك عالموقع
هاي الصفحة


الكاتب

17
الهجرة و واللاجئين / ** ابحث ** عن ** عملك **
« في: 11:15 13/07/2012  »
شلونكم اخواني

اليوم حبيت اشاركم بموقعين للبحث عن العمل

وهاي المواقع مشهورة ومعروفة للبعض

واتمنى اذا عدكم مواقع تعرفوها افضل من هاي تشاركونه بيها

الموقع ااول

http://www.monster.com/

والموقع الثاني

http://jobs.aol.com/

حط رقم المنطقة وهو يشوفلك الشواغر المتوفرة في منطقتك

الكاتب

18
الهجرة و واللاجئين / *بيت*شقة*ايجار*بيع* لجميع الولايات
« في: 10:59 11/07/2012  »
اخواني اخواتي العنكاويين

هاي مواقع تفيد اي شخص يريد يشتري او يأجر بيت او شقة

لا تفتر ولا تدوخ دخل رقم المنطقة وعلى كد فلوسك تلكه التريده

وهاي الروابط وتدللون


http://www.trulia.com/


http://www.zillow.com/


http://www.realtor.com

ولكل موقع طبعا برنامج خاص للتلفون تكدر تنزله على تلفونك اذا كان من الهواتف الذكية

وتدللون

19
الهجرة و واللاجئين / موضوع قابل للنقاش (الامنية)
« في: 05:41 10/07/2012  »
تحية طيبة

هواية نسمع بالامنية الاولى والامنية الثانية والله يستر لا اكو امنية ثالثة
حبيت ان افتح موضوع للنقاش حول الامنية واني عندي معلومات حول الامنية وما هي
وقد تكون معلوماتي غلط وهذا الشي راح يبين من خلال تجاربكم وردوكم اذا صحيح او خطأ

اولا
الموافقة الامنية

الموافقة الامنية هي الاجراءات التي تتخذ قبل او بعد او خلال مقابلة المحلف ولكنها اكيد بعد المقابلة الاولى
تتضمن الموافقة على

* المعلومات الشخصية بالدرجة الاولى
*الوضيفة والتأكد منها
*السجلات لدى الحكومة العراقية
*الخدمة العسكرية والدرجة الحزبية
*السجلات الجنائية فقط

اذا توفرت هذه الموافقة الامنية للمحلف وكان مقتنع بسرد القصة وماكو اي غبار على المقدم
يحصل المقدم على الموافقة ومثل ما تعرفون اكو عدد قليل الي استلموا الموافقة المحلف بدون تأجيل

نجي على التجييكات الامنية هنا تتعلق بامور خارج العراق يعني من اسم و بصمة وسجلات ارهابية دولية والحدود
واذا مسافر شجنت تسوي هناك وليش رحت وهكذا

وهاي طبعا راح تكون بعد مقابلة المحلف وجميع الملفات المتاخرة سببها هاي التجييكات وليست الموافقة
والتجييكات هي

* IBIS وهنا ياخذون الاسم ويشوفون وين رايح و وين جاي يعني شغلات الحدود
* FBI عليهم يجيكون البصمات والاسماء هاي تخص الجرائم واذا احد مسويلة مكسورة
*وتم ادخال ثلاث جهات اخرى للتجييكات الامنية بعد الملاعين جماعة كنتاكي الله ياخذهم من وراهم وكفت امورنة
فالملفات دخلت للجهات الثلاثة مرة ثانيةحتى يعيدون عليهم التجييك

طبعا صار لكل رجل خمسة جهات تجييك عليه وللمرأة ثلاث جهات والاطفال جهتين
وجان عندي كتاب بي دي اف دليل على كلامي بس دورت عليه ما لكيته

وبالنسبة لاول جهتين ذكرتهم هذا منقول من كتاب منزلة الاخ كمال زاخوي مشكور في 12:40 29/10/2010
http://www.ankawa.com/forum/index.php?action=printpage;topic=452698.0 هذا الرابط

وهسه خلي نتناقش بهاي الامور اخواني
Writer

20
الهجرة و واللاجئين / *** الى اي ولاية***
« في: 02:28 10/07/2012  »
تم تحويل الموضوع والمعلومات الى هذا الرابط

http://www.ankawa.com/forum/index.php/topic,600504.0.html

21
الهجرة و واللاجئين / استفسار للخبراء واصحاب التجارب
« في: 01:17 09/07/2012  »
شلونكم شباب

اليوم صديقي سألني سؤال والصراحة ما عرفت اجاوبة
كلت خلي اسال الاخوان اصحاب التجربة والخبراء الخيرين

السؤال هو

الولد قدم اي اوم اله ولاهلة

يعني همة كيسين هسه هو بالموقع مخلص كلشي عدا السفر و اهلة بعد عندهم فحص طبي
يعني اذا هو اجاله سفر يروح لو الا يكمل موضوع اهلة
علما انه ما مسوي ربط او ما يعرف يكول اني محد سالني على هذا الشي ولا حجيت بهالشي
فخبرتكم اخواني الله يخليكم

22
دردشة منتدى الهجرة واللاجئين / السلام عليكم
« في: 00:25 08/07/2012  »
اخواني اللاعضاء * الاداريين * المشرفين

اخوكم Writer اليوم انضم للاسرة بعنكاوا وان شاء الله اكون عند حسن ضنكم

اني مقدم اي او ام من شهر 9 2009 والاي زي مالتي 113

مخلص كلشي بشهر الرابع 2011 مقابلة اول بشهر واحد والفحص بشهر الثاني والمحلفين بشهر الثالث
والتثقيفية بشهر الرابع

والكفيل خابروا بالثامن 2011

يعني كلها كملت بسنه وحده بس وراها وكفت كلها مرة وحدة ههههههههه

اني بانتضار اعادة الفحص لهسه محد خابرني والموقع مكتوب بي الفحص منتهي الصلاحية

وبانتضار النتيجة واحنه 4 نفرات اني وزوجتي وجهالي 2

والامنية عالشحن والسفر يم رب العالمين موعدة ومو عند احد غيرة والحمد لله والشكر على كل شي



اتمنى اجد مكان الي بيناتكم كاخ الكم ونستفاد كلنه من خبرات بعضنه ونفيد غيرنه

Writer

صفحات: [1]