3
السلام عليكم.
قرات كثيرا في المنتدى الكريم ودائما هناك من يحث الاعضاء على عدم الاشارة الى السفر الى ايران ومن ثم... فيما بعد.... وفي الوقت الحالي عدم ذكر السفر الى سوريا.
سوالي وهو موضوع للنقاش ارجو من الاعضاء ان يشاركوا بارئهم وافكارهم...
هو ....
هل السفر الى تلك الدول يؤثر على سير القضية وهل فعلا سيؤدي الى رفض الملف...؟؟
واذا كان مقدم طلب اللجؤ قد سافر سابقا الى احدى هذه الدول ...هل ينكر ذالك عند اجراء المقابلة ...؟؟ او يذكرها...؟؟؟ واذا لم يذكرها هل سيتم اكتشاف ذالك عند التجيك الامني ام لا....؟؟ علما بان بعض الاحيان وفي الحدود كان تاخذ بصمات العين من قبل الامريكان او العراقين عند الخروج من العراق الى هذه الدول ...او على اقل تقدير كانت تؤشر اسماء المسافرين في الحاسبة وقد تظهر عند التجيك الامني .
ياريت اتنورنا بافكاركم وارائكم الكريمة.
حسب رايي الشخصي ان هذا الشئ غير صحيح وبانه السفر الى تلك الدول يوثر على الحصول على اللجؤ ....اي نعم من الممكن ان ياخر شوية القضية بس بالنهاية مراح اياثر... لانه هذه الدول تعتبر دول مجاورة للعراق ...ومن يريد ايسافر العراقي قابل وين يروح اكو دول غير هذني الدولتين يكدر العراقي يروح وبسهولة ....والحمد للة العراقي وين ميروح محد ينطي فيزا وهذا الشي ما اعتقد الامريكان ميعرفون بي.
مثال ...واحد يريد يروح للهند ومجان اكو طيران مباشر من العراق الى الهند ...اقرب شي جان وارخص تذكرة هي الذهاب الى ايران والسفر الى الهند. فهل يعتبر السفر الى ايران جريمة وراح ينمنع الملف او ينرفض ....لان سافر الشخص ترانزيت الى ايران ...؟؟؟؟ اشوف هذا الكلام غير منطقي وغير مقبول .
زين اذا هية ايران وسوريا وحتى باقي الدول الي البعض يخاف حتى من ذكر اسماها مثل افغانستان وباكستان واليمن... اذا هية هيجي بعبع وتخوف شكو يوجد الالاف منهم لاجئين في امريكا واوربا...؟؟؟؟ ولا مو بس هاي ...هم هسة بالوقت الحالي الهم الافضلية بالجؤ وملفاتهم كبل تنحسم بس واحد منهم يطلب اللجوء وخاصة ايران .
شغلة ثانية ...ماتصور اكو ارهاب وارهابية اكثر... في بلد مثل العراق وشعبة ...هاي طبعا من وجهة نظر الامريكان والاوربين ...والدليل هو التجيك الامني الي ديطول سنين للبعض عندما ديطلب اللجؤ.....والكل يعلم بان العراقي له خصوصية مميزة عند التجيك الامني وتجيكات اضافية تختلف عن باقي الدول... فهية بقت على السفر لايران....شو مدتخش بعقلي هاي السالفة...!!!!
هذا طبعا الكلام هو مجرد راي خاص الي....وما اعرف اذا اتشاركوني لو... لا...؟؟؟
ياريت اكو واحد عندة معلومة اكيدة يعرفها ايكلننا عليها او يشارك بالرأي.
مع العلم اني متاكد انه هناك الكثير من الاعضاء قد سافروا... الى ايران وسوريا وميدرون شلون يتصرفون...وشيسون بخصوص سفرهم لهذه الدول.
تحياتي.
عرض المشاركات
