مواضيع

1

الهجرة و واللاجئين / لم تدم الفرحة طويلاً وعادت حالة الملف معلقة بعد ان كانت فعال هل من مواسي؟؟؟

« في: 20:00 03/03/2015  »

السلام عليكم احبتي في هذا المنتدى الرائع
اليوم عادت حالة  الملف معلقة بعد فرحة لم تدم طويلاً عندما اصبحت فعال والاستبشار خيراً ،لكن لااعرف اهو امر طبيعي ام هناك امور مستجدة تدعوهم لتعليق ملفي اللعين علما اني من الملفات القديمة جداً 118.... ومكمل كل شي ونازل المدينة والمطار
فما هو تعليقكم اخوتي الاعزاء ؟؟؟؟

2

الهجرة و واللاجئين / هم يجي يوم وأبشركم بموعد سفري الى بلاد العم سام ؟؟؟

« في: 16:25 07/05/2014  »

أعزائي أعضاء المنتدى الأعزاء
من سنة 2010 ولليوم ،،، كل يوم أچيك الموقع مالتي مرتين لو ثلاث مرات وما فد يوم  حن عليه وأتغير شويه  هوه هوه مثل الصنم !!! طلعت روحي  وخلص صبري وگمت أغار من الأخوان والخوات اليطلعلهم موعد سفر ويسافرون وأقشمر نفسي أكول يجوز باجر يصير تغيير ويجي باجر وكلشي ماكو وغيره وغيره ،  وأسمع من بعض الأعضاء أكو تسريع بالملفات القديمة بس ياحيف مو الملف مالتي ( عش البومة 118) أكيد أني أكتب هاي الكلمات والدمعة بعيني وأدري أهواي أعضاء يحسون بيه هسه ، سؤالي الما اله جواب هو " هم يجي يوم وأكتب رسالة للمنتدى وأبشرهم بموعد سفر ؟؟؟ عمي حتى لو چذب ويأجلوني !!! بس خلوني أعيش تلك اللحظة فدوة لعينكم 

3

الهجرة و واللاجئين / أصقاء حبايب قبل السفر وبعده ينسوننا فمن يعرف السبب؟؟؟

« في: 20:20 19/02/2014  »

السلام عليكم أعضاء منتدى عين كاوة الاعزاء
لا أعرف ما السبب الذي يجعل الكثير من أصدقائنا في العراق ممن كانوا في تواصل دائم معنا قبل السفر للسؤال عن الأحوال و التقدم في الكيس (أن وجد) ونفرح لفرحهم ونحزن لحزنهم وعزايم وطلعات وأستذكار لأيام العمل سوياً بحلوها و مرها حتى تظنهم انك لايمكنك الاستغناء عنهم ،،، وما أن يسافروا خارجاً حتى يبدأ مسلسل النسيان والتجاهل عن الاجابة عن الرسائل وما أن تتصل بأحدهم ان قدر الله وأرسل اليك رقمه فتتفاجىء بعد الأجابة أو فتور في الرد والرغبة في انهاء المكالمة أو الدردشة بأسرع وقت !!! سؤال هو مالذي يدفع أصدقاءنا لنسياننا أهو الأنشغال أو طبيعة الحياة في بلاد المهجر تجعلهم يفكرون بأنفسهم فقط ونسيان من عاشوا معهم سنوات الانتظار الطويلة ام هناك اسباب اخرى اجهلها؟؟ . عذراً للإطالة أعزائي لكن أعذروني لأن هذا الموضوع يؤرقني كثيراً فهل أجد من الاعضاء من عاش نفس المعاناة ام أنا فقط ؟؟ شكراً للجميع على القراءة والتفاعل.

4

دردشة منتدى الهجرة واللاجئين / بلادالعم سام

« في: 11:40 14/06/2013  »

سلام عليكم
أخواني الأعضاء أعذروني عن سؤالي الساذج نوعاً ما !!! عن تسمية العم سام كثيراً جداً ما أقرأ في مشاركاتكم عن هذه التسمية التي فهمت منها بأنها الولايات المتحدة الأمريكية هل هناك منطقة معينه في الولايات المتحدة تسمى بهذا الأسم أم هي تسمية شاملة لكل الولايات المتحدة ومن هو العم سام  بارك الله به إن كان حياً و جمعني و إياكم في بلاده و رحمه الله عليه إن كان قد رحل الى جواره؟؟ و دعواكم لي بالذهاب الى بلاده بعد إنتهاء الأمنية و تكملة بقية إجراآت الهجرة في منظمة الأي أو أم حفظهم الله و رعاهم.
شكراً على ردودكم مقدماً

5

الهجرة و واللاجئين / خلص صبري و المره ماكله كلبي من الألحاح أشوكت الله يسهلها؟؟؟

« في: 17:31 11/05/2013  »

سلام عليكم أخواني.....
يمعودين أشوكت الله يفرج علينه و نطلع لأن الصبر خلص و زوجتي ماكله كلبي صار أربع سنوات أكوللها هانت ما بقه شي !!!!  أي شي تريده أثاث للبيت ما اكدر أشتريه بحجة أحنا طالعين قريباً و ما أدري أشوكت هاي القريباً أصير سوالف؟؟؟
مع العلم أني الكيس مالتي يبدي ب 118 ومقابل محلف العام بشهر التاسع و أجتني دفيرال لتر و هسه عالشحن... ها نسيت أكولكم أجانه مولود جديد ابشهر 11 و دزيت الجنسيه و البيان مالته للمنظمه فيا جماعة الخير الي يمر بمثل ظروفي لو الكيس مالته معلكه بعدهي مثلي خلي يواسيني و نكعد نبجي سويه عسى و لعل الله يسهل أمرنا ونطلع !!!!
مع تحيات اخوكم المشلوع كلبه أبو سيوفي