مواضيع

1

الهجرة و واللاجئين / بعد سته اشهر من الوصول في تكساس

« في: 16:42 01/03/2015  »

السلام عليكم ياطيبين شلونكم شنو اخباركم ... طبعاكملت 6 اشهر تقريبا وبدءت مواجهة الحياة للحقيقيه ومو اشهر العسل الي بالبدايه .. بعد اكمال هاي الفتره يتوجب على كل لاجى البدء بدفع الايجار لنفسه والبدء بدفع البلات والانشورانس وغيرها طبعا الشغل مايخلي واحد يشوف كلشي هنا الشغل من 10 ساعات الى 12 والحياة يرادله اثنان يعملون يعني هسه اني اشتغل وحدي بس هنا ماكو المره تكعد بالبيت الرجل الكبير والمره الكبيره بالعمر الكل يعمل الا ما بع ال 65 عام من العمر او اثبات العجزحيث ان تفاصيل الحياة ومتطلباتها كثيره .. اني شفت وسمعت كثير من العراقيين يدعون العجز او المعاناة من مرض نفسي في سبيل يظل على المساعدات احب اكول شغله تره الشغل شرف الانسان ويامحلاها من انه الانسان يكسب عيشته بقوته مو يظل يتوسل بالمنظمات على انه اني عاجز ومااكدر اشتغل .. يعني الي يريد الاستمرار بامريكا لازم ينحت بالصخر ويتعب ويتحلى بالصبر ..لان اسمع هواي ناس وصلت لامريكا وتريد ترجع علمود وظايفها لكن اكول مختصر مفيد ( وما نيل المطالب بالتمني ولكن تؤخذ الدنيا غلابا )

2

الهجرة و واللاجئين / بعد 48 يوم من الوصول لأمريكا

« في: 04:31 05/11/2014  »

كان تاريخ وصولي لامريكا يوم 2014-18-September يعني مضى 48 يوم على بقائي .. طبعا خيارات بالنسبه لل welcome money اما انه الكفيل ياجر ويستلم الفلوس او تخلي المنظمه هي تتصرف .. اني خليت المنظمه تاجرلي ووخلولي اثاث بسيط جدا، اما بالنسبه للفود ستامب فا ياخذ فتره شهر بعد الوصول وكذلك ال مديكيت ، الولكم هو عباره عن 1075$ لكل شخص حتى لو كان طفل .. يستقطع ايجار الشهر الاول فقط من الولكم مني ، وبقيه الاشهر تقوم المنظمه بدفعها .. يعني المنظمه تنطي ال welcome+food-stamp+medicate+ pocket money .. المديكيت فتره بقائه هو 8 اشهر من تاريخ الاستلام يعني شكو شغله علاج واحد يطلعها لازم قبل ما يخلص ما عدا الاسنان الفود ستامب بالنسبه الي احنه نفرين كان 345 وينقص في حال وجود عمل وممكن ينقطع اذا كان وارد العمل جيد بس كبدايه بالأشهر الاولى يكون مستمر .. اني بهاي الفتره الي قضيتها طبعا ب dallas TX وصلت لقناعه اول عنصرين مهمين جدا للحصول على العمل اولهم ال driving licence اجازه السوق والعنصر الثاني والاهم اللغه .. بغياب احدهما او كلاهما راح تكون الامور اصعب .. هسه اني بعدني ما محصل على اجازه سوق امتحنت النظري وبقالي اختبار السياقه لان فشلت باول اختبار مع كوني اسوق سابقا بالعراق ،كل شغله اقدم عليها يخابروني يسالوني على اجازه السياقه ومااكدر اشتغل لهذا السبب .. اذا طريق للعمل يكون بالسياره اب 20 دقيقه راح يصير بحدود ساعتين ونصف بالباص ومرات لازم واحد ركب باص وبعدين قطار وبعدين باص ومرات يكون مشي بالمحطه الاخيره للعمل .. فالشغله بالباصات فاشله وتاكل اليوم كله .. الطرق هنا تدوخ . واكو مساله مهمه عبور الشوارع مو مثلنا بالعراق يسوقون مثل الالات ما يكفون لحد يعني عبور المشاة من مناطق العبور.. يعني شكد ما حلوه امريكا شكد ما الحياة صعبه بالبدايه اقل شي ولازم   الحذر .. اول شي عند الدخول لامريكا لازم ينطون ال I -94 هذه طبعا بعد العلاكه الي ينطوها ال IOM بالاردن اول مطار بشيكاغو دخلت ظليت عده ساعات لاجراء البصمات والتشييكات وبعدين شافو هاي العلاكه المكتوب عليها المنظمه والكيس نمبر وبعدين انطوني ال I-94 ومن بعدها طرت من شيكاغو الى تكساس دالاس ، طبعا مطار شيكاغو جبير ويتيه الواحد بيه اني الموظف ابو المنظمه امريكي وداني لحد الطياره الي تطير من شيكاغو الى تكساس دالاس ..لمن وصلت لدالاس مطار DFW كان الكفيل +احد اقربائي بانتظاري وصلت وره ال 12 بالليل عند الكفيل وظليت يمه اسبوعين ومن ثم استلمت الشقه بالمدينه ... المنظمه الي بامريكا تسوي الامور مال الاكل والشرب والمديكيت وتسوي دوره تثقيفيه يسموها ال Orientation والباقي     علينا .. يعني ما ياخذون الواحد علمود اجازه السياقه .. ها صدك وبعد همه يكون مسؤولين عن ايجاد العمل ويدلون الطريق مره وحده وخلص الباقي علينا  .. الي عمره 65 سنه ما يشتغل يقدم ال ssi كبار السن والي عنده اسباب صحيه قاهره تمنعه من الشغل هم مايشتغل . الي يريد يجيب فلوس وياه كل واحد اله حق 10 الالاف دولار كل فرد وممكن من توصل تسوي حساب هناك نادر جدا التعامل بالكاش موني .. كله عن طريق ال debit card وبالنسبه للأكل عن طريق الفود ستامب طبعا اول شي بعد الوصول لازم بشهر .. هاي كل التفاصيل من وصلت لحد الان  .. تمنياتي الكم بالتوفيق والسفر باقرب وقت

3

الهجرة و واللاجئين / ما بعد الوصول لأمريكا

« في: 18:29 12/10/2014  »

طبعا اسف على الانقطاع ولكن لايوجد عندي نت وسيكون عندي نت قريبا في الشقه.. بقيت ساكن تقريبا اسبوعين مع الكفيل الى هي امراه امريكيه .. ومن بعدها المنظمه وفرلتي الشقه والناس هواي ساعدوني من اثاث وامور اخرى .. لم احس بالغربه لحد اني في تكساس دالاس .. بس تكساس سكانها بكد العراق مرتين وهي مدينه كبيره جدا .. مثل ما تعرفون انه المفروض اخويه كفيلي ولكنه توفي اثر حادث سياره . ولكن لحد الان لم استطع تسلم الجثه من المستشفى فيقيت في الثلاجه وذلك لكون الجثه محروقه ولم يتم التاكد من قبل المحققين انه اخي فعلا .. ولكن اخذوا مني ال DNA وسيطابقوه مع DNA اخي وبعد ذلك يله يسلموني الجثه .. يعني عبر الاربعين وبعده ما يقبلون يسلموه ..
بعد الاسبوعين الي قضيتها مع الكفيل البديل لأخي انتقلت الي المجمع مال اللاجئين  لحد الان ما شفت اي عراقيين بالمنطقه . بس بالمنظمه مالتنا شفت عراقيين .. طبعا اعتيادي انطونا الولكم ولكن على شكل اقساط مو دفعه واحده .. وبدوه راح يوفرولنه شغل مشتقبلا .. المنطقه لملوم كلشي بيها من كل انحاء العالم .. المجمع مالتي ولا واحد يحجي انكليزي كله بالاشارات ..الشغل هنا موجود بس يراد  driver lynces  للتنقل .. اللغه هي الطريق للأندماج بالمجتمع وللحصول على العمل ..

4

اجتماعيات (ترحيب، تهاني و تعازي منتدى الهجرة) / وصلت الى اميركا

« في: 23:08 19/09/2014  »

بعد عناء الرحله والمطارات وصلت للولايات المتحده الامريكية ولم ارى النوم طيله الرحله  كما وعدتكم ساوافيكم بكل شء حالما احصل على سكن لان هسه ساكن عند الكفيل في تكساس     تحياتي لكم

5

اجتماعيات (ترحيب، تهاني و تعازي منتدى الهجرة) / حان وقت الرحيل

« في: 10:26 17/09/2014  »

بعد قليل سأرحل من العراق .. تمنياتي لكم يا اخوان جميعا بالسفر والوصول .. حالما اصل سابقى متواصلا معكم ياخواني الاعزاء .. امامي مهمه صعبه بعد الوصول وهي البدء باجراءات الدفن لاخي الصغير الذي توفي في 2014 -8-30 اثر حادث سير مؤسف في تكساس  بعد ما ابلغني اخي الذي هو (الكفيل )  بموعد سفري بأيام حصل هذا الحادث .. الحمد لله على كل شئ... الله يحفظكم وينور دربكم ويبعد عنكم كل مكروه وتتيسر اموركم ..
 في امان الله  

6

الهجرة و واللاجئين / اخذنا الحبايه اليوم

« في: 16:33 15/09/2014  »

اليوم رحت لمستشفى ابن البيطار واخذت الحبايه وانطوني اوراق مال انهاء الفحص .. واتصلوا بي من المطار واكدولي الموعد و الاوزان ووقت التجمع  ..

7

الهجرة و واللاجئين / ممكن طلب رقم مستشفى ابن البيطار لاخذ الحبايه غدا

« في: 16:27 14/09/2014  »

ياريت رقم مستشفى ابن البيطار لان عندي حبايه غذا واريد اتأكدر من وجود اسمي عندهم

8

الهجرة و واللاجئين / لم يبقى سوى 3 ايام لموعد السفر

« في: 13:30 14/09/2014  »

بقى وقت قصير جدا لموعد السفر .. ارجو بعض التوضيحات من الاخوه الاعضاء حول الجنط .. حيث خط الرحله لي هو (بغداد-عمان )  ( عمان-شيكاغو) ( شيكاغو _ تكساس دالاس).... وقت الاقلاع ليلا والوصول ليلا ايضا ..  شوكت استلم الجنط وارجع اسلمها في كل رحله .. حيث اني لم اسافر قبل ولا اعرف سياقات المطارات .. طبعا اني بلغوني بمسموحيه حمل جنطتين لكل شخص لوزن 23 للجنطه الواحده مع هاند باك لكل شخص وزن 5 كيلو.. يعني راح نحمل 4 جنط + جنطتين هاندباك احنه نفرين 2 اني وزوجتي .. يعني ياريت بعض النصائح والارشادات من الاخوه المسافرين قبل ولديهم معلومات لتجنب الاخطاء في السفر ..

9

اجتماعيات (ترحيب، تهاني و تعازي منتدى الهجرة) / بعد 10 ايام موعد سفري

« في: 20:21 06/09/2014  »

لم يتبقى سوى ايام معدودات على يوم السفر .. ولكن سأذهب ومثقلا بالاحزاااان .. بعد املي بأن ان التقي بأخي الي هو كفيلي ولكن استعجل الرحيل وتوفى بأثر حادث سير بظروف غامضه في مدينه دالاس بتكساس.. وذهب الى ملكوت السماء ...تحولت فرحه السفر الى حزن عميق والم.. بعد اعطائي موعد السفر  وبدء كل شئ بالاحتراق .شئ عجيب واشبه بالخيال ..تحولت قصه السفر الى رحله حزينه جدا ... سأوافيكم بكل ما يحصل عندما اصل لهناك

10

اجتماعيات (ترحيب، تهاني و تعازي منتدى الهجرة) / وفاة الكفيل والذي هو اخي قبل السفر باسبوعين

« في: 11:57 03/09/2014  »

 (ولا تدري نفس باي ارض تموت)   بعد الحديث هاتفي بدقائق خلال الفايبر مع الكفيل الذي هو اخويه .. جاءني اتصال  بأنه اخي الذي هوكفيلي قد توفي بظروف غامضه اثناء قيادته السياره فجرا في دالاس   .. واني اصلا سبب رغبتي للذهاب لاميركا لاجله .. تكالبت المصائب والاحزان .. ولم اعد ارغب باميركا التي تاخذ الاعزاء .. لايمكن وصف الوضع الذي نعيشه انا وو الوالدين  والحزن والحرقة على وفاة اخي الصغير غرييييبا في الغربه .. الجثه الان لا اعرف مصيرها وكيف باستطاعتي استرجاع الجثه الى العراق ام دفنها .. سيما ان السلطات المعنيه ترفض تسليم الجثه الا لاحد افراد عائلته ... الموقف صعب ولا تمناه حتى لعدوي

انا لله وانا اليه راجعون

11

الهجرة و واللاجئين / بعد موعد السفر بيومين احترق البيت بما فيه وضاع كل شئ

« في: 07:59 22/08/2014  »

بعد ما جاءني موعد السفر بيومين  طلعت من البيت ورجعت ولكيت النار تخرج من البيت ..  من البيت والناس وملتمه بسبب تماس كهربائي .. احترق كل شئ وضاع كل شئ ..  يا فرحه ما تمت صدمه كبيره .. حسبي الله ونعم الوكيل

12

الهجرة و واللاجئين / موعد سفر

« في: 10:53 19/08/2014  »

تم تبليغي الامس من قبل كفيلي ان موعد سفري يوم 2014-9-17  واليوم الفجر نزل الموعد بموقع عمان الحمد لله على كل شئ السفر بالانتظار ظل عندي لمده 25 يوم

13

دردشة منتدى الهجرة واللاجئين / غياب الاخت ام تيم

« في: 09:08 06/08/2014  »

ام تيم صار ما يقارب الشهر مختفيه من المنتدى انشاء الله يكون سبب الغياب خيرا .. اذا صار عندج تغيير او موعد سفر بلغينا .. حتى نفرحلج

14

الهجرة و واللاجئين / حالة السفر بالأنتظار Pending

« في: 03:28 24/07/2014  »

اليوم تحولت حاله السفر عندي بموقع عمان الى بالأنتظار

15

الهجرة و واللاجئين / CASE STATUS/EHF/IZ

« في: 18:49 14/07/2014  »

شنو معنى هذا الرمز ومن اي قسم
CASE STATUS/EHF/IZ

16

الهجرة و واللاجئين / استفسار عن حاله السفر بالانتظار

« في: 11:35 30/06/2014  »

اخوان هل اكو احد صار عنده السفر بالانتظار بعد يوم 12 من شهر حزيران ولحد الان .. كل واحد تحول عنده حاله السفر الى بألانتظار بعد مايكون كلشي مكتمل عنده من مقابلات وفحص طبي ومدينه مطار  يتفضل هنا وينطينا تاريخ التحول وهذا بالنسبه الى الفتره من بعد الاحداث ولحد الان

17

الهجرة و واللاجئين / مدينه ومطار

« في: 06:24 26/06/2014  »

نزول المدينه والمطار بعد 6 ايام من الاتصال بالكفيل


Name (الاسم)   Status (الحالة)   Note(ملاحظة)
Case Status (حالة الملف)   ACTIVE (فعال)   
Case Size (عدد الأفراد)   2   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)   
Destination City(المدينة)   Dallas,TX   
Airport Code(المطار)   DFW    

18

الهجرة و واللاجئين / استفسار من جماعه اهل شباط

« في: 18:19 24/06/2014  »

ياريت من الاعضاء الي واصله ملفاتهم لهيجي مرحله ينطونا ردودهم عن التالي كل من ينطي رده عن الفتره من المرحله الى المرحله التاليه
1- ما هي الفتره بين الاتصال بالكفيل الى نزول المدينه والمطار ؟؟
2- ما هي الفتره بين نزول المدينه والمطار الى تغيير حال السفر الى بالأنتظار ؟؟
3- ما هي الفتره من تغيير حاله السفر بالأنتظار الى نزول موعد السفر ؟؟

نرجو من اخواننا الاعزاء الاعضاء كل واحد يكتب شكد اخذ فتره بين مرحله والاخرى ... حتى نعرف شباقينا من وقت تقريبي للسفر ومثل ما تشوفون اكو تسريع واعداد كبيره دا تاخذ الحبايه لقبل السفر فممكن يتغير الحال من شهر الى الاخر ... تحياتي للجميع[ /

19

الهجرة و واللاجئين / تم الاتصال بالكفيل

« في: 21:42 20/06/2014  »

بعد االانتظار والصبر الطويل اتصلوا بكفيلي في ولايه تكساس دالاس وبعد انتظر بس المدينه والمطار منازله

20

الهجرة و واللاجئين / موقع عمان لا يعمل

« في: 18:14 16/06/2014  »

حاولت عده مرات لكن موقع عمان لايعمل وهذه المره يختلف عن السابق يعني ماكو error ... يعني هالمره اصلا الصفحه ما تفتح

21

الهجرة و واللاجئين / IOM راح تطلعنا من العراق لو راحت علينا !!

« في: 11:19 13/06/2014  »

في ظل هذه الظروف الصعبه التي يمر بها البلد دعائنا وصلواتنا الي ان تنزال هنذه الغيمه السوداء عن العراق ..
هل يا ترى ان ال IOM ستستمر في اجراءاتها في السفر من فحوصات طبيه ودورات تقيفيه ومقابلاات .. والي مكملين كلشي من مقابلات وفحص طبي شنو موقفهم من المنظمه؟؟ .. اريد تفاعلكم وردودكم بالموضوع

22

الهجرة و واللاجئين / استفسار من اهل الخبره

« في: 19:25 04/06/2014  »

بعد اكتمال كل شئ من مقابلات وفحص طبي واكتمل الفحص الطبي بالموقع  عندي يوم 5-20 والملف فعال من 5-8  كم هي الفتره المتوقعه للاتصال بالكفيل ونزول المدينه والمطار  وهذا حال ملفي

Name (الاسم)   Status (الحالة)   Note(ملاحظة)
Case Status (حالة الملف)   ACTIVE (فعال)   
Case Size (عدد الأفراد)   2   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)   
Destination City(المدينة)        لا يوجد
Airport Code(المطار)       لا  يوجد

23

الهجرة و واللاجئين / Case's status\AAA\IZ

« في: 16:28 04/06/2014  »

اجاني هذا الرمز بعد الاستفسار عن حاله ملفي وطبعا اني مكمل كلشي مقابلات وفحص ما عدا مدينه ومطار ماكو
مستلم الديفرال شهر الرابع

Case Status (حالة الملف)   ACTIVE (فعال)   
Case Size (عدد الأفراد)   2   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)   
Destination City(المدينة)        لايوجد
Airport Code(المطار)        لايوجد

24

دردشة منتدى الهجرة واللاجئين / وعدنا من جديد

« في: 17:06 03/06/2014  »

شلوووونكم شنو اخباركم .. منو سافر منو طار .. بصعوبه يله كدرت ارجع حسابي بعد تغيير شكل الموقع ، لهذا مو كل الاعضاء يدخلون المنتدى لصعوبه استعاده الحساب

25

الهجرة و واللاجئين / حاله الملف فعال مع اكتمال كل شئ

« في: 15:45 21/05/2014  »

هذه حاله ملفي

مقابله يوم 2014-2-15
وصارت خانه المحلف مكتمل بعد 30 يوم
الفحص الطبي يوم 2014-4-2
واكتمل بموقع عمان بعد خمسين يوم
نتيجه الديفرال بعد 67 يوم بتاريخ 2014-4-23
صار الملف هولد يوم 2014-4-24
رجع حاله الملف فعال يوم 2014-5-8 يعني تعلق لمده 14 يوم
والان كل شئ مكتمل ما عدا مدينه ومطار ماكو



Case Status (حالة الملف)   ACTIVE (فعال)   
Case Size (عدد الأفراد)   2   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)   
Destination City(المدينة)        غير موجوده
Airport Code(المطار)        غير موجود

شنو توقعاتكم هل ستلوحنا موجه سفر جماعه شباط قريبا

26

الهجرة و واللاجئين / الفحص الطبي

« في: 16:29 19/05/2014  »

بعد مرور 50 يوم على الفحص الطبي وبالموقع فعال غير مكتمل .. هل هذا شئ طبيعي او شنو .؟؟ .. ممكن يكون بس مجرد شغلة تحديث ما محديثه ؟... يعني معقوله نتائج الفحص ما وصلت لعمان طيل هاي الفتره ؟!!!!

27

الهجرة و واللاجئين / خروج من التعليق

« في: 17:20 08/05/2014  »

بعد استلام النتيجه الديفرال يوم 4-23 وتحول الملف الى هولد يوم 24  انرفع الهولد وتحول الملف الى فعال بعد انتضار لمده 14 يوم ولازال الفحص الطبي فعال لان اني فحص بمستشفى بغداد .. الحمد لله والشكر كنت مصور الهولد يطول لفتره اشهر ولكن اليوم خبر وتطور جيد .. شتتوقعون شباقينا بعد من وقت .. جماعه الي صار الملف فعال شنو توقعاتكم

      

Case Status (حالة الملف)   ACTIVE (فعال)   
Case Size (عدد الأفراد)   2   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   IN PROCESS (فعال)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)   
Destination City(المدينة)       
Airport Code(المطار)       

28

الهجرة و واللاجئين / اميل من ال IOM

« في: 18:59 29/04/2014  »

 

جاءني هذا الاميل بعد خمسه ايام من استلام رد المحلف الديفرال

Thank you for your email,


 

A careful review of our records indicates that your case is currently pending U.S. government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you

29

الهجرة و واللاجئين / رد المحلف

« في: 17:54 23/04/2014  »

بعد انتظار دام ل 67 يوم من تاريخ مقابله المحلف وصلني قرار الديفرال لتر والتأشير على فقره :  ملفك بحاجه الى المزيد من المراجعه في اهليتك لبرنامج اللجوء
هذا هو مضمون الايميل


Dear Sir/Ma’am,

 

The International Organization for Migration writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

 

Your case will continue to be processed.  When there are updates on your case, and a final decision is made, you will be notified. Moreover please note NOT to sell your belongings, quit your job etc, since the International Organization for Migration will be contacting you two weeks prior to your departure date, as we can’t expect how much time it can take till you depart.

 

You will find a scanned copy of your decision deferral letter attached to this email.

 

It is very important that your reply to this email (do not send a new, separate email) to confirm that you have received this email and the attached letter.

 

When you reply please write the following:

 

“I confirm that I have received this email and the attached decision letter for my refugee case with the United States Refugee Admissions Program.”

Kindly include your full name in your reply.

 

  Please note that if your case is approved you do not have the option of picking a departure date or delay your case for any reason, and once you receive a date for departure, you must make plans to leave the country you are currently residing in for the United States on the assigned date

30

الهجرة و واللاجئين / سؤال موجه الى المترجمين العاملين مع الامريكان سابقا

« في: 12:22 07/04/2014  »

سؤال اخواني الاعزاء اذا كنت بأمريكا او بالعراق ؟؟
هل الفشل بالسكريننك اثناء الريهاير  يأثر على الرفض والقبول من ال IOM.. يعني ببساطه واحد مشتغل ومبطل ورجع راد بشتغل عن طريق التايتن وصار عنده فشل بالسكريننك .. وهذا حصل للكثير . هل لهذا ـاثير بالرفض من ال IOM بأعتباره مؤشر امني .. اعيد واكول الفشل بالسكرين بالخضراء وليس البلاك لست .. يعني مثبت عند مكتب جي ال اس  فشل .. وليس بلاك لست ..
اتمنى من المترجمين العاملين سابقا اصحاب الخبره في هذا الموضوع ان ينطونا رأيهم لان اختلفت الاراء ومحد مطرق لهيجي موضوع انه واحد يقدم وتوصل للكفيل وبعدين يجي رفض . البعض انرفضوا بس ما متأكدرين انه هو هذا السبب... والبعض الاخر انقبلوا ومحد جابها بالطاري اثناء المقابله .. رجاءا الي مشتغل مترجم فقط ينطي رأيه وتجربته ... انتظر ردودكم

31

الهجرة و واللاجئين / الفحص الطبي فعال

« في: 07:17 21/03/2014  »

بعد اكتمال خانه المحلف يوم 17 شباط  تحدث عندي موقع عمان وصار الفحص الطبي فعال صباحا .. انشاء الله الامور ماشيه

32

الهجرة و واللاجئين / الملف انتظار النتيجه بعد المحلف

« في: 14:58 17/03/2014  »

فتحت الموقع صباحا وبعد اكتمال 30 يوم على مقابلة المحلف ، كان موقع عمان مقابله المحلفين مكتمل والملف انتظار النتيجه ولكن الفحص الطبي لازال غير فعال والامنيه طبعا انتظار .. شنو انتظار النتيجه هذا تعليق لو شئ ايجابي ؟؟؟

تقديم      2012-8
مالقابله الاولى  2013-6-25
المقابله الثانيه   2014-2-15
   

33

الهجرة و واللاجئين / تمت بعون الله مقابلة المحلف

« في: 19:56 15/02/2014  »

تمت بعون الله مقابلة المحلف بعد انتظار من ال 9 صباحا الى الثالثه عصرا الى ان وصل سراي ، الانتظار كان طويل ولكن المقابله كانت سريعه وسهله بالرغم انه بعض الناس طول وياهم المحلف لساعات وجلسات ولكني اكملت المقابله ب 45 دقيقه فقط .. زلا وجود لاي اي اسئله استفزازيه واسئله صعبه ولا تطرقوا للمقارنه بين الاقوال .. كان التركيز على التهديد.. وعلى طبيعه عملي والمؤسسه الي كنت تابع الها.. للعلم اني لايوجد عندي خدمه عسكريه ولم اسافر خارج العراق .. انتهت المقابله وكان المحلف الرجال الابيض جبير شويه بالعمر وشويه ضخم.. كملنا صافحته وسلمت عليه وكلي النتيجه تجيك وره شهرين وكان خوش انسان ومتعاون والامور مشت بسلاسه ونتأمل يصير خير .. طبعا بعد ما انهيت المقابله ما استدعوني مره ثانيه مع انه كل عائله عدهم محلفين يستدعوهم اكثر من مره واني بس مره اي جلسه وحده بدون استدعائي للمره الثانيه واجتني موظفه ال IOM الاردنيه اخذت توقيع بانهاء المقابله وسالتني على كفيلي و ولايته وعنوانه وسدت الفايل واخذت الباج ووراها بشويه طلعنا تقريبا ساعه 6 و نصف ليلا يله طلعنا .. اني عائله اثنان اني وزوجتي بدون اطفال
تقديم بغداد
 تاريخ التقديم  2012-8-9
 استلام الكيس نمبر 2013-6-2
المقابله الاولى  كانت  2013-6-25
اكنمال الامنيه      2013-12-18
ومقابله المحلف اليوم بتارخ 2014--2-15
والان بأنتظار الفرج  

تحياتي للجميع

34

الهجرة و واللاجئين / سؤال حول الامرأه الحامل ارجو الرد من اهل الخبره

« في: 20:53 01/02/2014  »

ما هي الاشهر من الحمل التي يمكن للمرأه الحامل ان تسافر بها ولحد اي شهر يتم تأجيل السفر ... يعني على سبيل المثال ممكن للمرأه الحامل بشهر او شهرين او ثلاثه ان تسافر بدون تأجيل السفر؟؟   .. لان من الطبيعي ان تعرف المنظمه بالحمل من خلال الفحص الطبي ومن ثم تعلم المنظمه بعد الفحص.. انتظر ردودكم

35

الهجرة و واللاجئين / ارجو الاجابه من اصحاب الخبرة حول اختيار الولايه والكفيل

« في: 11:29 28/01/2014  »

خلال فتره قصيره يجب ان اختار ولايه وكفيل .. اذا قمت بأختيار ولايه بدون كفيل هل ستقوم المنظمه بأختيار كفيل؟؟ .. هل يوجد سياقات عمل خاصه بالنسبه لللاجئين بدون كفيل؟؟ .. بحيث انه اني عندي كفلاء ولكن ليس في الولايه التي ارغب بالذهاب اليها .. يوجد عندي اكثر من كفيل في تكساس منهم امريكي الجنسيه وعراقيون .. والحقيقه انا محتار في اختيار الولايه المناسبه لاسيما وان المهم بالنسبه لدي هو فرص العمل والاسعار المناسبه بالسكن وغيرها من الامور ..  اني ارغب بالذهاب الى واشنطن او بنسلفانيا اي ولايه تكون مناسبه بجووها وفرصها ا فأرجو اقترحاتكم وأجاباتكم

36

الهجرة و واللاجئين / مقابله محلف In Process

« في: 04:27 21/01/2014  »

بعد اغلاق الموقع من قبل المنظمه انفتح الموقع صباحا ومقابله المحلف فعال ..
تقديم             2012-8
الكيس نمبر       2013-2        IZ-137xxx
المقابله الاولى 2013-6
اكتمال الامنيه  2013-12-18
مقابلة المحلفين فعال
والان بأنتظار المحلفين

37

الهجرة و واللاجئين / مقابلة محلف

« في: 16:33 16/01/2014  »

هل يوجد اي اخبار عن مقابلات المحلفين او اي مؤشر لقرب المقابله .. اذا احد عنده اي خبر خلي يتفضل هنا ويبلغنا

38

الهجرة و واللاجئين / سؤال عن اكتمال الامنيه للمره الاولى

« في: 11:39 03/01/2014  »

اكتمال الامنيه للمره الاولى بعد 6 اشهر من المقابله الاولى ومقابله المحلف غير فعال .. بعد شنو الي راح يجي بالايام الجايه ....؟؟؟؟

39

الهجرة و واللاجئين / جماعة ال IZ-137xxx اكو شئ جديد ؟؟...خلي نتواصل

« في: 08:57 20/12/2013  »

تقديم                   2012-8-9
استلام الكيس نمبر  2013-2-6      IZ-137xxx
مقابله اولى           2013-6-25
والان اكتملت الامنيه 2013-12-18

شنو الي صار عدكم بالجديد ؟؟  

40

الهجرة و واللاجئين / نريد ارائكم ممكن تدخلون اكتمال الامنيه قبل موعد مقابله المحلفين

« في: 16:00 18/12/2013  »

اكتمال الامنيه قبل موعد مقابله المحلفين يعني اكتمال الاولى وبعد سته اشهر اكتمال الامنيه وبأنتطار المحلفين هل هذا شئ ايجابي ننتظر ردودكم؟؟؟  للعلم انا لست من المؤجلين وتقديم 8-2012 وقابلت المقابله الاولى 6- 2013 .. هل ممكن ان ترجع الامنيه انتظار بعد المحلفين .. هل اكتمال الامنيه هو شئ ايجابي لوضع الملف ؟؟ طبعا اني ما مسافر خارج العراق وما عندي خدمه عسكريه ..