مواضيع

1

الهجرة و واللاجئين / بخصوص الرجوع للعراق والعوده لامريكا

« في: 06:29 01/03/2015  »

اللام عليكم احبتي الكرام..البعض منكم يعرف قصتي والبعض لا واللي ميعرف قصتي راح اختصرها اله,اني جيت لامريكا سنة 2012 مع زوجتي على برنامج الاس اي في وبقيت في امريكا سبعة شهور وزوجتي قررت ترجع للعراق وصار عدها مرض الحنين للضيم والمصايب المهم سالفتنا فرجعت وياها بقيت بالعراق سنتين وشهرين نعم سنتين وشهرين وعانيت بيها ماعانيت من مصايب وقهر فقررت ان اسافر وحدي لامريكا واجازف وبالفعل دخلت على مطار نيويورك وتركت زوجتي هناك..
الشي الجديد اللي صار انه ملاحظة جدا مهمه اللي هي موضوع العقد الخاص بالشقه لان اني تركت الشقة قبل لا تخلص المدة اللي هي سنة فيا اخواني لا تكررون خطئي الي سويته وبالتالي طلع عليه بالكردت انه ميصير ااجر شقة الا لمن ادفع فلوس الباقية عليه دفعت الفلوس اللي عليه بس بقت نقطه بتاريخي انه اني ماكنت ادفع الايجار لمدة سنتين وكم شهر لان طبعا همه ميعرفون اني بالعراق او هنا ,واخوكم مشلوع قلبه بهيج شي لان هواي شقق مجاي تاجرلي عالعموم لو احد عنده راي الي خلي ليقصر عليه.اما موضوع لم الشمل فسويت معاملة لم شمل لبنتي وزوجتي ودفعت 420 دولار لمكتب الهجرة الخاص بقضايا لم الشمل,وهاي كلها بسبب قرار خاطئ جدا بالعوده فيا اخواني اللي حاب يرجع خلي يصفي اموره هنا ولو اني ماانصح احد يرجع بهالوقت,عالاقل ليكرر اللي سويته اني,حبيت اشارككم قصتي والحمد لله على كل حال
اخوكم ابو بان

2

الهجرة و واللاجئين / دخولي لاميركا بعد بقائي بالعراق سنتين وثلاث اشهر تفاصيل الرحلة

« في: 00:57 03/01/2015  »

السلام عليكم اخوتي الكرام حبيت اعرض لكم قصتي وارويها عسى ان يستفاد منها الاشخاص في الوقت الحاضر وربما البعض في المستقبل راح يحتاجها والحياة اذا منتعلم منها ومن تفاصيلها راح نفشل مجددا عالعموم,اجيت لامريكا بشهر الرابع 2012 مع زوجتي حسب برنامج ال اس اي في اوك عيني بقيت لحد شهر التاسع من نفس السنة الي هي 2012 بسبب ضروف زوجتي ومرض الحنين الى الوطن.بقيت بالعراق من شهر ايلول 2012 لغاية 31_12_2014 والاسباب طويلة جدا ومااريد اتعبكم وياي بيها حالتي كانت جدا تعبانه اقصد النفسية والمادية والله رزقني ببنت الله يرزقكم ويحفظ اولادكم عمر بنتي حاليا اربع اشهر فقط ..حين ماعبرت سنة واني خارج امريكا طلبت عدة مرات من السفارة الامريكية في بغداد باجراء مقابلة والحصول على فيزا اعادة دخول ومن ذااك اليوم لحد اليوم لا ابو علي ولا مسحاته ولا واحد معبرني عالعموم بقيت وصرت بين حانه ومانه لا اني مجازف وجاي ولا اني مقابل بالسفارة بين قوسين ورطة خليت نفسي بيها ولهالسبب انصحكم قبل لتسوين هالشي ان تقدمون عالترافل دكيومنت واكو اعضاء يفهمون اكثر مني بيها لحد مااصبحت زوجتي هي تلح عليه نرجع بعد ما ورطتني هي المهم قبل فترة شهرين او اكثر اختمرت فكرة انه اسافر واجازف بنصيحة من احد الاعضاء هنا وكالي لو تصيب ولو تخيب المهم توكلت على الله ومااخفيكم سر والله شاهد عليه لا حضرت قصة مزيفة ولا شي ولا سويت مسرحية من تاليفي حجيت ما بكلبي  كله ..طبعا حجزت من بغداد على ابو ظبي ومن ابو ظبي حجزت على جي اف كي واني من حجزت على نيويورك خطأت بوقتها بعدين كلت يلا هي مجازفه لو تصيب لو تخيب المهم من وصلت للمطار نادى عليه الضابط المسؤول كلي انطيني الكرين كارد انطيته اله وكالي ليش متاخر هالفترة كلتله قصتي مثل ماهيه لا جذبت ولا زدت واني كنت اعرف ان اللي يحجي الصدق الله ينجيه وينطيه مايحب تعرفون شنو كالي ,كالي كلمة ماراح انساها طول عمري كالي اني مصدكك لان احسك صادق واحس قلبي يكول انت صادق وماريد اخذلك واخليك ترجع لبلد ماشي للمجهول فاهلا بيك بامريكا وبعد لتسويها اوك كتله اوك يا سيدي الكريم وراسا ختم الدخول ومشيت خطوتين صاح عليه كالي شوف اكولك شي كالي محد مسويها تره ان تتاخر سنتين و3 اشهر وتدخل بس اني عندي صلاحية متى مااقتنعت بصدق روايتك استطيع ان اجعلك تدخل وهي مسألة قناعة لا اكثر وبفضل الله ودعائي له سبحانه وبفضل دعاء الاخوه الكرام هنا دخلت لامريكا واني بخدمتكم لو احد حاب يسالني عااللي اكدرله واني بخدمتكم منا لهناك تحياتي للجميع

3

الهجرة و واللاجئين / وصولي لامريكا بعدما بقيت بالعراق سنتين وثلاث اشهر

« في: 22:42 01/01/2015  »

نعم اخواني بفضل من الله ودعوات الطيبين من الاعضاء الكرام بمنتدى عينكاوا دخلت لامريكا بعد ما بقيت بالعراق سنتين وثلاث اشهر لاسباب طويل شرحها.اني تعبان حاليا بس حبيت اكتب هالموضوع وان شاء الله راح اكتب تفاصيل الرحلة يمكن احد غيري يستفاد منها,علما اني اجيت على مطار جي اف كي نيويورك .وللحديث بقية

4

الهجرة و واللاجئين / إما أن تبدأ حياتي حينها من جديد وإما ألموت ألرحيم

« في: 12:50 12/12/2014  »

السلام عليكم احبتي ألكرام,قبل مدة من ألزمن طرحت موضوعي اللي كان يتحدث عن بقائي في العراق لمدة سنتين خارج امريكا  وانه اني عندي كرين كارد وزوجتي كذلك عندها كرين كارد والله سبحانه رزقني (بان)بنتي العزيزة واحد الاخوه نصحني ان اخاطب السفارة في بغداد بخصوص اضافة بنتي على الكرين كارد الخاص بيه وراسلت السفاره بخصوص الاضافه ولايوجد رد على الاستفسار.صحيح البعض راح يكول هاي مجازفه  ان اروح  لان فتره طويلة خارج امريكا لكن بعض الاخوان ذكر انه تعتمد على ضابط الهجره وهي كل واحد وحظه وتوفيقه, واني قررت ان اروح وحدي لان مااكدر اجازف واخذهم وياي عالاقل لو مخلوني ادخل تكون سهله اليه من ناحية مبلغ الرحله لو رجعت للعراق لان حالتي صايره تكول بستان مو حديقة (الحاله تعبانه ماديا)حجزت نهاية هالشهر للسفر واتمنا ان لو احد عنده مداخله وياي اتشرف بي وهي من باب المساعده ويمكن اني او غيري يستفاد باللي نطرحه هنا وبعض الاخوه تداخلوا وياي الله ينطيهم الخير والبركة واسستمعت لملاحظاتهم المحترمة من قبل واكون ممنون لو تتداخلون  وياي ولو برأي او مقترح ولكم مني جزيل الشكر والامتنان..ابو بان الشمري

5

الهجرة و واللاجئين / تعليمات جديدة بخصوص السفر الى جورجيا

« في: 23:46 30/11/2014  »

جورجيا تطالب العراقيين الراغبين بزيارتها إجراء مقابلة بقنصلياتها في الأردن أو تركيا
المدى برس/ بغداد

أعلنت الأمانة العامة لمجلس الوزراء، اليوم الأحد، عن مطالبة جورجيا العراقيين الذين يرومون زيارتها بمراجعة قنصلياتها الموجودة في الأردن أو تركيا لإجراء المقابلات اللازمة، عازية ذلك إلى "تعليمات جديدة". 

وقالت دائرة المراسم التابعة لمكتب الإعلام والاتصال الحكومي، التابعة للأمانة العامة لمجلس الوزراء، في بيان لها تسلمت (المدى برس) نسخة منه، إن "التعليمات الجديدة لمنح تأشيرة الدخول إلى جورجيا للمواطنين العراقيين، يتم تلقيها عن طريق مراجعة القنصلية الجورجية في عمان أو تركيا لإجراء المقابلات".

وأضافت الدائرة، في بيانها، أن "وزارة الخارجية أعلمت الدائرة أن التعليمات الجديدة لمنح تأشيرة الدخول إلى جورجيا للمواطنين العراقيين يتم تلقيها عن طريق مراجعة القنصلية الجورجية في عمان أو تركيا"، من دون بيان أسباب ذلك التحول.

يذكر أن الآلاف من العراقيين قاموا بزيارة جورجيا لأغراض السياحة أو الاستثمار خلال المدة الماضية، نتيجة التسهيلات التي كانت تقدمها لهم، ومنها عدم الحاجة لتأشيرات دخول مسبقة.

6

الهجرة و واللاجئين / متوجه الى هيوستن,محتاج نصيحة

« في: 14:47 27/11/2014  »

تحياتي للاخوة الكرام,كنت ساكن مع زوجتي في جاكسونفيل,فلوريدا..ولأسباب عديده رجعت للعراق وبقيت خارج امريكا اكثر من سنه وقررت ان اسافر على مسؤوليتي الشخصية لو تصيب واقنع ضابط الهجرة وادخل ولو تخيب وارجع للعراق اسوي اس بي 1 من السفارة ..قررت اذهب لهيوستن لوحدي بسبب وجود الكثير من الاصدقاء رغبوني بيها من ناحية السكن وكثرة الجالية العراقية والعربيه عكس جاكسونفيل ,فلوريدا.رايد احد يحتاج رووميت وياه مشاركة بالايجار او مكان سكن اسكن بي ايجار بس كون رخيص  لفتره بين مااهيئ وضعي النفسي والبدني علما اني عندي كرين كارد ..تحياتي للطيبين وادعولي ان ادخل بسلامة وبدون سين وجيم.يحفظكم الله جميعا

7

الهجرة و واللاجئين / اكثر من سنة خارج امريكا وراح اسافر ..محتاج رأيكم

« في: 14:16 15/11/2014  »

السلام عليكم ..تحياتي للاخوة الكرام كنت مقيم باميركا حسب برنامج الاس اي في ورجعت للعراق وبقيت اكثر من سنة بالعراق وعرفت ان موضوع العوده يحتاج فيزة اعادة دخول لان ضابط الهجرة ربما راح يرجعني وميخليني ادخل لان اتجاوزت المدة المسموحة فقررت ان اسافر واقطع تذكرة الي فقط بدون مااخذ زوجتي وياي لان الجديد اللي صار ان الله سبحانه رزقني ببنت وعمرها شهرين ونص حالياواني بالعراق وهي مو من ضمن الملف الخاص بيه وربما تكون سبب لعدم دخولنا اني وزوجتي .سؤالي هو  في حالة اقتناع ضابط الهجرة وخلاني ادخل كيف يتم امر الاضافة للبنت وكيف راح يكون وضع زوجتي  واني هناك اللي عنده علم بالموضوع او عنده فكرة معينة خلي ينورني برأيه وشكرا للجميع

8

الهجرة و واللاجئين / هل استطيع الدخول لامريكا بعد سنتين من البقاء خارجها ؟لحامل الكرين كارد حسب برنامج ال SIV

« في: 11:06 11/11/2014  »

ألسلام عليكم ...
أخواني الاعزاء بدون ان اطيل عليكم قصتي وددت ان اتكلم بأختصار عسى ان اجد من يساعدني بفكرة او موضوع معين بخصوص قضيتي ,كنت مقيم مع زوجتي  في امريكا وحصلت على الكرين كارد حسب برنامج ال (SIV) ورجعت للعراق لضروف خاصة وبقيت هنا في العراق لمدة سنتين ورزقت بطفلة ..سؤالي هو ؟هل استطيع السفر في الوقت الحاضر الى امريكا واضهار الكرين كارد الخاص بي لضابط الهجرة  ام لا؟
ولكم مني جزيل الشكر

9

الهجرة و واللاجئين / استفسار كيفية الرجوع لامريكا بعد البقاء خارجها لاكثر من سنه؟ S I V

« في: 23:40 27/06/2014  »

السلام  عليكم ورحمة الله وبركاته..بعيدا عن الاسترسال بالكلام احب اختصر ,سافرت لامريكا عن طريق S I V اني وزوجتي وبعد مااستلمت كل الوثائق الخاصة بيه واللي مازالت بحوزتي حاليا من الكرين كارد الى هوية الولاية وبعض الامور الاخرى رجعت للعراق وصارلي سنتين هنا  بسبب عدم تأقلم زوجتي هناك في ذاك الوقت وكذلك وضعي العائلي ببيت اهلي بين قوسين تورطت ورجعت للعراق عبالي الوضع يصير احسن واحسن وللاسف حيل متندم برجعتي وزوجتي اكثر ندم مني لانها تحس هي سبب معاناتي اللي عايشها,اللي اعرفه ان السفارة تريد سبب مقنع تقتنع بي  لبقائي هنا وتركي امريكا,واني مااعرف شنو اسوي او اكول ,احد الاصدقاء كالي اكطع تذكرة من باجر وروح ومن يحاجوك بالمطار كوللهم اي شي مادام انت عندك كرين كارد وهوية الولايه اكو هيج شي ,ارجوكم ساعدوني الله يخليكم حيل مدمر..خصوصا جماعة ال S I V لتقصرون اخواني .تحياتي للجميع