مواضيع

1

الهجرة و واللاجئين / شباب الي يعرف بال I-551 و G845

« في: 16:51 30/01/2015  »

السلام عليكم اخوان اريد اعرف هاي الاوراق مال شنو وشلون نكدر انطلعه اني صارلي ٣ اشهر بامريكا وقدمت شغل وطلبو مني هاي ياريت الي يعرف ميبخل عليه بالجواب

الاوراق

G-845
و
I-551

2

الهجرة و واللاجئين / الخبرة في امريكا واوربا محتاجكم

« في: 19:29 20/01/2015  »

السلام عليكم  اخوان شلونكم ان شائ الله بخير وسلامه عندي استفسار والي يعرف ومجرب يجاوبني لان حيل محتاج الجواب الاكيد  عندي خطيبتي مقيمة بفنلندا يعني بدون جنسية  بس اقامه ورسمية اتريد تجي على امريكا بفيزا سياحية هل التقديم على الفيزا من السفارة الي بفنلندا صعبه لو ترجع للعراق واتقدم زين هم بيهه صعوبات مثل بالعراق يعني لازم اثبات املاك او رصيد بالبنك لو ميحتاج والشغله الثانية من تجي تكدر اتقدم على لجوء لو يرفضوهه لان هيه عدهه اقامه فنلندية وطبعا من تجي راح نتزوج هنا ياريت الي يعرف يساعدني بهذا الموضوع ها وولو ضوجتكم سؤال اخير الفيزا شكد ينطوهه الفترة ناس كالو من ٥ الى ١٠ سنين وملتي انتر يعني اكثر من دخول وشكرا

3

اجتماعيات (ترحيب، تهاني و تعازي منتدى الهجرة) / رحلتي من بغداد الى نيويورك بالتفصيل الممل

« في: 21:54 17/11/2014  »

السلام عليكم شلونكم اخوان واخوات ان شاء الله بخير وسلامه
راح احجيلكم اليوم رحلتي من بغداد الى نيويورك بالتفصيل حتى الكل يستفاد منهه بس ترة طويلة حتى الكل يستفاد
اول شي موعد الطيارة من مطار بغداد جان الساعه ١٠ باليل اتصلو بيه المنظمة كالو انت لازم بالساحة مال عباس ابن فرناس بال٦ العصر المهم رحت هناك وجان اكو كافتيريا بيه جماعه الاي او ام كولهم  المهم اجة الموضف ووزع علينه التذاكر من بغداد الى عمان بس وكال ادخلو وانتظروني يم الكاونتر مال الخطوط الملكية الاردنيه طبعا صرنه مجاميع وكول مجموعه اخذت سياة مال المطار والنفر جان ١٠ الاف دينار طبعا الي مسافر قبل راح يعرف شنو التعب بالتفتيش موطبيعي المهم من وصلنه للكاونتر كالو روحو وزنو الجنط وتعالو وهنا اخر عملية رشوة للعراقيين =(( الي يوزن كلاوات اكو ناس عدهم ٢٥ كيلو واكو ناس ٢٨ كيلو كللهم انطوني على ٥٠٠٠ دينار وروحو الصراحة اني اتندمت على غراض عفتهه اشتريتهه جديدة بس عفته بالعراق لان عبر الوزن ولو ادري اكو فلوس جان جبتهن بس المهم انطينه الجنط ورحنه بالصاله مال الانتضار الى ان صار ساعه ١٠ الا ربع نادو على المسافرين الى عمان اتوجهنه الى البوابة طبعا مو بس جماعه اي او ام اكو هواي ناس هم مسافرة لعمان المهم دخلنه تفتيش اخير وبعدين وصلنه لاخر باب الي ورا الطيارة الباب جان مسدود واكو موضف واكف انتظرنه تقريبا ساعه كاملة يعني تاخير على موعد الطيران ساعه كاملة ليييييش الطيارة ناسين ينضفوهه طبعا احنه شنو على اعصابنه المهم الله سهلهه وصعدنه الطيارة واتكولنه الى عمان
هسه وصلنه الى عمان نزلنه من الطيارة وجان اكو موضفين ينتضرونه يصيحون اي او ام ولابسين ملابس المنضمة وعليه الشعار وكفونه على صفحة وقسمونه قسمين قسم ما اعرف وين راح اعتقد غير خط رحلة والقسم مالتنه اخذونه الى الصاله الموضف اجتمع بينه وانطانه اوراق انوقع عليهه مال الديون يعني تسديد الدين مال السفر وانطانه بطاقه مال اكل مال مطعم معين بالمطار كال كول واحد اله وجبة وانطانه علاكه مال المنضمة وبيهه الاوراق المهمه يعني خلي يولي الجواز بس هاي الاوراق حييييل مهمه لان هيه جوازك بالسفر وكال راح تنضرون٧ ساعات  طبعا لا مبيت ولا شي اكو ناس نامت بالصاله واكو ناس راح نامت بالجامع واكو ناس واني منهم ضلينه كاعدين ونفتر وانسولف المهم  ها ونسيت اخذ الجوازات كولهه ويا  وثاني يوم الصبح اجانه وانطانه الجوازات وياهه تذاكر السفر من عمان الى القاهرة ومن القاهرة الى نيويورك صعدنه بالطيارة واتوجهنه الى القاهرة هناك طبعا ماكو اي احد ينتظرنه الصراحة اعتمدنه على  نفسنه يعني موجود بالتذاكر الوقت والبوابة رحنه وكفنه يم البوابة الكل طبعا واكو ناس راحت للمطعم واكو ناس ضلت كاعدة طبعا والله اتعس ترانزيت شفته بحياتي اتخيلو حتى كراسي ماكو كاعدين بالكاع لمدة ٣ ساعات يعني اكو مطار ما بي نت لا اكو نت لا اكو كراسي مطار تعبان حيل المهم نادو على خط الرحلة مالتنه ورة ٣ ساعات جيكو اوراقنه وبعدين صعدنه الطيارة واتكولنه على نيويورك طبعا من القاهرة الى نيويورك الوقت ١١ ساعه والصراحة الطيارة جانت زينه ومريحه الخطوط المصريه  ورة التعب وصلنه الحمد لله الى نيويورك مطار جي اف كنيدي وهنا هم  لكينه الموضفين مال المنضمة ينتضرون ولمونه ورحنه لصاله خاصه بس النه طبعا هنا اني اتفاجئت من كالو منو يحجي انكليزي اني رفعت ايدي كالو انريد مترجم اني ضليت صافن مو لان ما اعرف بالعكس اني احجي انكليزي بطلاقه بس شلون هيج منضمة ماعدهم مترجم وياهم المهم هاي نقطه لتنسوهه لان بعدين راح اذكركم بيهه =)) المهم كمت اترجم واكو ناس جان الهم طيارة ثاني يوم لغير ولايات واكو نال بنفس اليوم عدهم سفر لغير ولاية واني ممن الناس الي جان عندي سفر طيران بس بنفس الولاية نيويورك المهم من خلصت ودا اطلع جان يجي واحد اني شفته ويانه من جنه بالعراق عبالي لاجئ طلع شنو موضف اي او ام وشغله يساعدنه بالطريق ومترجم  هاي النقطة الي كتلكم اتذكروهه  والله حاله من حالنه وماله علاقه بأحد ولا حجة اي حجاية ولا كال اني ترة موضف اخاف تحتاجون شي ابدددددد بس الحمد لله محد احتاجه لان جنه ايد بأيد
المهم وصلت اني لمدينتي والي هيه سيراكيزو استلمتني الموضفه من المطار ووصلتني لشقه مالتي طبعا وياية روميت شريك سكن اني بالطريق كالت انت عندك شريك سكن اني كلت ميخالف جان اتكول افغاني طبعا اني شنو رأسا اتخيلته طويل ولابس دشداشه وعنده لحية كلت خرب حضي المهم وصلت ونمت ثاني يوم الصبح شفته لا والله طلع الولد اكصر مني وطلع مثقف كولش وخريج وهم جان مترجم والصراحة اني لهسه ويا لان متفقين على كولشي

طبعا اكو شغله لازم اتعرفوهه
ميحتاج تاخذون اكل وياكم بالسفر لان الاكل موجود بس يجوز للاطفال



اخ الله تعبت متعبتو انتو اني بعد ما اشوف والله هاي تقريبا ال تفاصيل والي عنده سؤال اني بالخدمه

4

الهجرة و واللاجئين / سؤال لاصحاب الخبرة امريكا واوربا

« في: 18:54 15/11/2014  »

السلام عليكم اخوان اني الحمد لله وصلت لامريكا صارلي تقريبا اسبوعين عندي استفسار خطيبتي عايشة بفنلندا عدهه اقامة بس تكدر هيه اتسوي فيزا سياحه وتجي على امريكا يعني سهله لو صعبه وشنو التفاصيل وشكد اتكلف
زين شكد تكدر تبقى هنا ناس يكولون سنه وناس يكولون ٦  اشهر وسؤال اخير يصير وهيه هنا اسويلهه لم شمل لو لازم ترجع طبعا هيه هنا على نفقتهه الخاصه يعني بين قوسين الي اريده ( تجي هنا واسويلهه لم شمل وهيه هنا يعني مترجع بعد ) اذا يعرف ليبخل علينه اخوان

5

اجتماعيات (ترحيب، تهاني و تعازي منتدى الهجرة) / كارلو يحييكم من امريكا

« في: 18:51 15/11/2014  »

السلام عليكم والحمد لله والشكر وصلت الى امريكا ولاية نيويورك  طبعا صارلي تقريبا اكثر من اسبوعين واني اعتذر من اخواني هنا بالمنتدى لان تدرون بالبداية معاملات وخبصة وهسه اريد اتفرغ الكم اي سؤال اتريدون اتسئلو اني بالخدمه والي يريد كفيل هنا اني اخوكم وتدللون وبالنسبة للرحله جانت تعب حيييل بس الحمد لله وصلت تفاصيل الرحلة راح اكتبهه في موضوع ثاني

6

الهجرة و واللاجئين / مساعدة من الي بامريكا واوربا يرجى الدخول بأسرع وقت ممكن

« في: 21:07 25/10/2014  »

السلام عليكم اخوان عني سؤال ومحتاج مساعدتكم عني ناس اقارب عدهم اقامة اوربية وبالتحديد من فنلندا  ويكدرون يسوون  فيزا سياحية لامريكا وهل هيه صعبة لو سهله مثل ما همه بالعراق وشكد اتكلف والسؤال الثاني اذا يوصلون يكدرون يسوون معاملة زواج ولم شمل لشخص هسه واصل لامريكا عن طريق الاي او ام يعني بعدة ماعندة كرين كارد زين اذا سوو معاملة يكدرون يبقون بأمريكا لو لازم يرجعون لاوربا طبعا همه يريدون يستقرون بأمريكا وميرجعون لاوربا لاسباب شخصية وسؤال اخير اذا الشخص سووالهم دعوة من امريكا يعني سياحة شكد اتكلف وسهله لو صعبه ياريت الي يعرف ميبخل عليه لان حيييييييل محتاجين الاجوبة وباسرع وقت ممكن اخوكم كارلو

7

الهجرة و واللاجئين / يعني شلون وياهم اتصلت بيهم ......

« في: 20:21 21/10/2014  »

والله العظيم دخت يعني مضل وكت على السفر ولهسه ماكو اي اتصال يعني بعدلي ٦ ايام وإني البارحة اتصلت بيهم كالو انتظر اتصال والبوم هم اتصلت بيهم الموظف أتفاجئ من كتله لهسه ماكو اتصال وكال ليش لهسه ممتصلين بيك وكلي انتصر اتصال ورة نص ساعه إجاني اتصال وكلت يالله اجة الفرج هم موظف كلي ليش لهسه ممتصلين بيك كتله اخوية هوة اني الي اسأل مو انت كال انطيني رقمك للتأكيد وخلي التلفون يمك اليوم يتصلون بيك وهمممممم مااااااكو زين هم اكو ناس اتصلو بيهم قبل السفر ب ٥ ايام او ٤ دخت والله

8

الهجرة و واللاجئين / اتصلت بالمنظمة هسه

« في: 08:30 20/10/2014  »

السلام عليكم اخوان هسه اتصلت بالمنظمة على موعد السفر مالتي ومن انطيته رقم الملف كال راح يتصلون بيك هاي الايام كتلة مو اني بعد ٧ ايام السفر ولهسه ماكو احد اتصل بيه كال احنه حاليا دنتصل قبل ٥ ايام فه انتظر الاتصال وسد التلفون
الله كريم اذا الله راد  وسهل وطبعا اشكر الاخوة والاخوات الي دزولي الرقم مال المنظمه والي جان تفاعلهم ويايه كولش طيب وان شاء الله السفر للكل يااااااارب
اخوكم كارلو

9

الهجرة و واللاجئين / والله حيرة نزل موعد السفر وماكو اتصال و .......

« في: 21:43 19/10/2014  »

السلام عليكم اخوان والله حيرة يعني نزل موعد السفر يوم ٢٧ \ ١٠ يعني بعد ٨ ايام ولحد هسه متصلو بية لا على موعد الحباية ولا اي شي زين شلون اتصل بيهم لو انتظر والمشكلة انو اني مو ابغداد شغلي بالبصرة والله ما اعرف لان الشغل ما بيه اجازة لازم اقدم استقاله واخاف اتورط واخاف يتصلون بيه يكولون باجر الحباية وماعندي وكت ارجع لبغداد والله حيييييييييرة الف رحمه على والدية الي عنده رقمهم حتى اتصل بيهم وني قبل فترة سمعت اكو ارقام مال قسم الحجوزات اذا موجود يصير اتصل بي لو اضل حاااااااااير اخوكم كارلو الحاااير 

10

اجتماعيات (ترحيب، تهاني و تعازي منتدى الهجرة) / يالله يالله واخيرا وبعد عناء طووووويل

« في: 15:46 17/10/2014  »

السلام عليكم واخيرا والحمد لله والشكر ورة التعب الطووووييييل حددولي موعد سفر والله لو تدرون شكد فرحت حتى ردت اخابر على اخوية ابشرة خابرت على المدير مال شغلي من الخبصة يارب يوم الي اتعيشون هاي الفرحة لان الهه طعم خاااص والله بس عندي سؤال اني اليوم نزل الموعد يوم ٢٧ \ ١٠ \ ٢٠١٤ بس لخد هسه متصلو بيه شتتوقعون شوكت يتصلون  تحياتي الكم ويارب السفر للكل يااااااااااااااااارب

11

الهجرة و واللاجئين / موضوع مهم للي على وشك السفر يرجى الدخول من الي سافرو الفائدة للجميع

« في: 22:45 15/10/2014  »

السلام عليكم اني نزلت هذا الموضوع لان حسب ما اشوف اكو هواي سفر والحمد لله وبالاخص هاي الفترة واكو مواضيع اني الصراحة دورت عليه بالمنتدى بس ملكيتهه وحبيت اسوي موضوع شامل هنا الموضوع يكون كول شخص سافر والحمد لله يكتب تفاصيل السفر مالته وشنو الي لازم ياخذة ويا اذا جان شي مفيد اثناء الرحلة او من يوصل من ناحية الملابس و الفلوس والغراض الثانية المهمة ياريت الكل يشارك لان موضوع مهم للكل وان شاء الله السفر للجميع والموفقية للي وصلو تحياتي اخوكم كارلو من بغداد

12

الهجرة و واللاجئين / معلومات عن الولايات الامريكية ادخلوا وفيدوا اخوانكم متجدد

« في: 23:24 09/10/2014  »

السلام عليكم اخوان الي عندة اي معلومات الولايات والمناطق لا يبخل علينه وهاي المعلومات راح اتفيد الي وصل ويريد يغير مكانه والي موصل بعده
يعني الي ساكن نيويورك خلي يكتب اسم منطقتة ويكتب المعيشة والاسعار والمدارس والعمل والايجارات ياريت الكل اتساهم والفائدة للجميع اخوكم كارلو بعدة مواصل لنيويورك 


يلة حركوا اصابعكم شوية وفيدونا

13

الهجرة و واللاجئين / اتصال من الااي او ام

« في: 14:29 26/08/2014  »

السلام عليكم اخووان شلونكم ان شاء الله بخير اني قبل 20 يوم او اكثر دزيت رساله للاي او ام بس مردو عليه اليوم الصبح رجعت دزيت رساله ثانيه وقبل شوية اجاني اتصال من عمان   ( طبعا كمت اركص لان اني مكمل كولشي وملفي فعال كلت اجاني السفر )   طلعت بنيه اتكولي انت متهدد هاي الايام كتلهه يعني ميحتاج اتساليني  هيج سؤال ليش منو بالعراق معايش التهديد كالت احنه نعرف بس اني سؤالي محدد انت متهدد شخصيا طبعا كلت خلي شوية اكبرهه كتله اي قبل 3 ايام اجاني اتصال وهددوني كالت منو كتله ليش لو ادري جان عفتهم كالت ليش كتلهه ماعرف بس اكيد لان اشتغلت وية القوات الامريكية لان اني تهديدي من البداية بهذا الخصوص كالت انت مغيرت مكانك كتله اني اصلبا صارلي اكثر من شهرين مو ابغداد بالبصرة كالت اوكي انت ملفك حاليا مكمل كولشي بس التشيك الامني ومنعرف شوكت يخلص بس انت حاليا خليناك بالملفات المهمة والي لازم تخلص بأسرع وقت لان انتو من اولوياتنا حاليا وسدت التلفون فه ماعرف شنو الي راح يصير الله اعلم تحياتي اخوكم كارلو

14

الهجرة و واللاجئين / جماعة نيويورك تعالو هنا بلا زحمة وفيدونه شوية

« في: 09:41 21/08/2014  »

السلام عليكم شباب الي عندة معلومات عن مدينه سيراكيوز ولاية نيويورك ليبخل علينه من ناحية العمل والسكن والجو والمعيشة والمساعدات والفائدة للجميع لان نزلتلي هاي المدينه وماعرف اي شي عنهه تحياتي

15

الهجرة و واللاجئين / تحديث جديد بملفي تعالو هناااااا

« في: 09:24 21/08/2014  »

السلام عليكم اخوان شلونكم شخباركم ان شاء الله اكو اخبار جديدة بشرونه  شصار من ملفاتكم اني بالنسبة اليه اليوم نزل عندي المدينه والمطار واني ماعندي كفيل والحمد لله بس اختارولي ولاية نيويورك  ومن هسه راح اسوي بحث عنهه واشوفه تفاصيلهه علما انو اني الملف فعال ومخلص كولشي فه شنو رأيكم يا اصحاب الخبرة احتمال اكو اتصال قريب لو انتظر تحياتي الكم اخوان ويوم السفر للكل يا رب تحياتي

16

الهجرة و واللاجئين / الملف اتحول الى فعاااال شباب ممكن اتفيدوني

« في: 09:46 18/08/2014  »

السلام عليكم اخوان شلونكم ان شاء الله بخير اليوم الصبح كعدت لكيت الملف فعال مع العلم جان انتضار النتيجة لان اني مقابل محلفين بشهر الثالث ولهسه ممستلم النتيجة ومن الشهر الثالث جان انتظار  النتيجة بس خانه المحلف مكتمل وفحصت فحص طبي بشهر السابع والفحص هم مكتمل وقبل شوية فتحت لكيت الملف فعال فه شنو رأيكم اكو اخبار جديدة اتبشر بخير لو بعد تحياتي الكم ويارب السفر للجميع

17

الهجرة و واللاجئين / ويتهم اصحاب الخبرة بالرموز اجاني هذا الرمز......

« في: 23:54 23/07/2014  »

السلام عليكم قبل كم يوم درزيت رساله اسأل على الملف ردو نفس الرد والي هوة بعده المحلف مقرر بس اجاني هذا الرمز شنو معنا FIS.  طبعا اني مكمل محلفين وفحص طبي والملف بانتظار النتيجة لا اتبخلون علينا يا اصحاب الخبرة

18

الهجرة و واللاجئين / كروب الي مكملين مقابله المحلفين والمكملين الفحص الطبي ( العراق)

« في: 23:41 23/07/2014  »

السلام عليكم اخوان هذا كروب للي مكملين مقابلة المحلفين والمكملين الفحص الطبي بغداد خلونا نتواصل حتى نعرف منو ان شاء الله يطلعله سفر ومنو بعده ينتظر وان شاء الله السفر للجميع وخلونا كول أسبوع انسوي تحديث بالكروب يعني الي حاب يشارك يكتب تفاصيل ملفه وأي تغير يكتبه وأني راح احدثه بالجدول تحياتي اخوكم كارلو
تقديم تاريخ ١٦/١٠/٢٠١١
الملف : في انتظار النتيجة
المقابلة الاولى : مكتمل ١٦/٥/٢٠١٢
المقابلة المحلفين : مكتمل ١٦/٣/٢٠١٤ 
الفحص الطبي : فعال ٢٢/٧/٢٠١٤
حالة السفر : غير فعال
وماكو لا مطار ولا ولاية

19

الهجرة و واللاجئين / استفسار من الاخوة الاعزاء

« في: 19:34 20/07/2014  »

السلام عليكم اخوان اني هسه اتصلو بيهه على موعد الفحص الطبي على يوم 22 زين اني عندي استفسار اني لهسه موصلني رد المحلف زين همه من حددولي موعد الفحص هل هذا شي زين يعني يبشر بخير والشغله الثانية اني ماعندي كفيل شلون اعرف الولاية الي اختاروهه اليه
معلومات ملفي
التقديم 1\11\2011
مقابلة اولى 16\5\2012
مقابلة المحلف 16\3\2014
فحص طبي 22\7\2014 بعد يومين
تحياتي

20

الهجرة و واللاجئين / ممكن مساعدة بخصوص الفحص الطبي في بغداد

« في: 10:41 15/07/2014  »

السلام عليكم خاون اني صارت عندي خانه الفحص الطبي فعال بس ماعرف شنو وسيلة الاتصال الي راح يتصلون بيه بيهه يعني عن طريق الايميل لو عن طريق التلفون مع العلم اني البارحة جنت ناسي التلفون يم كرايبي والصبح جابو الية ولكيت هواي ارقام متصله بيهه ممكن احد يفهمني  مممكن اتصل بالمستشفى اسالهم على الموعد لو ميصير واذا يصير ممكن احد ينطيني رقمهم واخر شغله شكد ينطوني موعد قبل الفحص كم يوم لان اني حاليا مو ابغداد تحياتي شباب وياريت اتفيدوني

21

الهجرة و واللاجئين / قرار اللجوء الى تركيا هل هوة صحيح يرجى الدخول

« في: 21:12 28/06/2014  »

السلام عليكم اخوان صار كم يوم هواي سمعت انو تركيا فتحت لجوء للعراقيين وينطوى راتب وسكن واقامه اريد اعرف هذا الحجي صحيح وإذا صحيح الي يعرف التفاصيل خلي يفهمنه شنو ألطريقه والراتب والسكن يعني تفاصيل كامله اتفيد الي يريد يروح والصراحة أني واحد منهم ياريت من جماعه تركيا هم يساهمون ويانه ويفهمونه تحياتي للكل