مواضيع

1

الهجرة و واللاجئين / ممكن مساعدة بخصوص ارسال الوثائق لل NVC

« في: 20:34 24/02/2015  »

مساء الخير ويارب الجميع يكونون بخير و بأمل انشالله ... اخوتي سؤالي هو : ارسلت كافة المستمسكات لل NVC لكن لم يصلني اي اوتو ربلاي و خابرت عليهم وكلتلي الموظفة احنة من نستلم الايميل راح يدخل جدولة حسب الرنامج و بعدين نتصل بيك فسؤالي هل يا ترى عادي ماكو اوتو ربلاي طبعا اني SIV للعم و الاطلاع .. تحياتي و يارب التوفيق للجميع

2

الهجرة و واللاجئين / مساعدة بخصوص استمارة المساعدات و استمارة ال ds-234

« في: 10:55 04/02/2015  »

السلام عليكم .. اخوان عندي سؤال بخصوص استمارة المساعدات المرفقة ادناه و استمارة ال ds-234 هذني شوكت ادزهن ؟ قصدي ادزهن لل nvc وية مستمسكاتي و عدم المحكومية لو انتظر لحين اصدار الفيزا انشاء الله؟

3

الهجرة و واللاجئين / مساعدة حول الوثائق المطلوب ارسالها لل NVC

« في: 09:55 22/01/2015  »

السلام عليكم .. ارجو من الاخوة الاعضاء بان ينوروني باجاباتهم عن اسئلتي : اخوان بخصوص قيد الولادة ضروري اروح اطلع الية و للعائلة لو اكتفي بالجناسي طبعا الجناسي جديدات اقصد ام الفسفورة؟ وبخصوص عدم محكومية اطلع بس الية لو للزوجة ايضا؟ والاطفال شنو موقفهم؟ واخيرا و ليس اخرا عقد الزواج اني عندي عقد الزواج الاصلي و نسخ طبق الاصل محتفظ بيهن و اصدارهن 2011 يعني مصار هواية فممكن اكتفي بس بالتصديق من الخارجية و الترجمة اكيد؟ شكرا لكم مقدما اخوتي

4

الهجرة و واللاجئين / سؤال عن الموافقة المشروطة i-797 من نبراسكا لل siv

« في: 21:41 10/01/2015  »

السلام عليكم ... تحية طيبة الة اعاضاء هذا الموقع الرائع المحترمين.. سؤالي هو قبل يومين اجتني رسالة من نبراسكا تفيد بان لدي موافقة مشروطة علة مقابلة القنصل و ان اوراقي ارسلت الى الان في سي .فهل ياترى هذا الشئ يعتبر شي روتيني اقصد الموافقة المشروطة لو اكو رأي اخر.. وياريت اتنوروني باجاباتكم علما اني تقديم اس آي في

5

الهجرة و واللاجئين / ممكن مساعدة بخصوص ملفي بال IOM والتحديثات

« في: 21:54 13/08/2014  »

مساء الخير على الجميع.. اخوان اني تقديم 2014 شهر الثاني حصلت كيس نمبر الشهر الخامس طبعا رأسا من حصلت كيس نمبر اصبح ملفي اكتيف طبعا عدد اشخاص اللي بالكيس 3 المهم قبل اسبوعين دزيت اوراق العمل فيرفيكايشن ليتر والبارحة اجاني ايميل منهم case update/HFS/IZ 204XXX مضمونه انه تم التاكد من عملك السابق Your employment documents have been verified فهل  ياترى يعتبر هذا التقدم سريع ام طبيعي طبعا اكو فقرة جانو يكتبولي بالايميل انه الكيس بالبروسيس والبارحة كاتبين الكيس بال Progress بالترجمة اكو فرق بين المعنيين بس اكيد حضراتكم اصحاب خبرة بهذا الموضوع واخيرا شكرا لجميع الاخوة الاعضاء واجارة المنتجى الموقرة .. اخوكم فادي

6

الهجرة و واللاجئين / سؤال عن الفرق بين (بلاك ليست) و (ريد فلاك)

« في: 00:10 29/07/2014  »

السلام عليكم اخوان اكيد الكثير من اخوانة المترجمين كان عملهم بالباجينك اوفيس فيا ريت يوضحولنة الفرق بين البلاك ليست والريد فلاك ﻻن هنالك اجابات متناقضة حول هذا الموضوع حيث ﻻنعرف من الاسوء ومن الذي يزول بعد مرور سنة .. شكرا لكم مقدما وكل عام وانتم بخير

7

الهجرة و واللاجئين / البلاك ليست .. مشكلة دوختني .فأرجو المساعدة من الاعضاء الكرام

« في: 23:43 11/07/2014  »

السلام عليكم .. اخوان ارجو المساعدة بخصوص الهجرة والفيزا .. طبعا اخوكم فادي وياكم .اني عملت كمترجم مع القوات الامريكية وكضيتهة وية المارينز وشكو منطقة مشتعلة نار رحت بيهة يعني ردت ارتاح ماكو كلهة كضيتهة مداهمات وتعب المهم موهذا موضوعي .. اني عملت بال2006 الى ال2009 نهايتهة طبعا حصلت هواية ريكومندايشنز منهم بس اخر مكان اشتغلت بي بقاعدة الاسد اللي بالانبار وسوولي سكريننك طبعا انرفضت السبب صوجي من البداية خفيت عنهم عمل والدي ﻻنه كان عسكري كلت اخاف يسوولي لغوة طبعا وراهة والدي رجع للجيش وعادي يعني ﻻكبير جان بالحزب وﻻ مشارك بجرائم الحروب المهم اشتغلت وياهم بس كتلكم بال2009 الشهر العاشر عرفو والدي كان عسكري واني كتلهم مدرس طبعا بالاخير كتلهم ليش مكتلهم عسكري طبعا المقابلة طولت اكثر من ساعتين وراهة كالو انتظر يومين رجعت لكامب ال GLS وجان عندي باج اصفر يعني افتر بدون سكورت المترجمين كلولي ماكو شي لان لو اكو شي جان سحبو الباج الاصفر وجابو عليك الشرطة العسكرية بعدين ورة اربعة ايام دزو علة السايت منجر ورجعلي كلي فادي بلغوني انه انت متكدر تشتغل ويانة كتلة بلاك ليست كلي اي طبعا هوة جدا صديقي كتلة اني كذبت بشغلة سخيفة وبقوني اكثر من تلث سنين وياهم اشتغل كلي اي كلولي انه انت كذبت بفد شي جدا صغير واتذكر جان مبتسم وعادي وياية  ﻻن اني شايفهم من يطلع واحد بلاك ليست يخافون بحجون وياه اذا ماكو يمة فد واحد جندي من الشرطة العسكرية بحيث اتذكر كلي سلم علة جماعتك المترجمين وقبلهة كلي اذا عندك وقت امشي للجاوهول المطعم كتلة ﻻ اخاف اتاخر اقلخا الكة سيارات لبغداد.. المهم بالطريق هوة وصلني للكيت الرئيسي كلي فد تاث اشهر وتعال وراهة اني مرحت ﻻن اتعينت بشغلة حكومية.المهم اخوان اني هية مقدم عل siv و عل iom تتصورون من خلال قصتي لحضراتكم وخبرتكم ايضا راح اتأثر شغلتي عل موضوع الهجرة ..ولكم كل الاحترام واسف عل اطالة