مواضيع

1

الهجرة و واللاجئين / فيزا لامريكا وتقديم IOM

« في: 11:56 10/02/2015  »

السلام عليكم
اخوان الي يعرف و متاكد من معلوماتة رجاءا لا يبخل علينا
عندي صديق مقدم IOM صار سنة ونص و ملفة فعال بس ممقابل ولا مقابلة و قدم فيزا سياحية لامريكا و انقبل , و السؤال هوة يكدر يروح لامريكا ومناك يتصل بالمنظمة حتى راسا يقبلو كلاجئ لانو مشتغل وية الامريكان؟
لو لازم يقدم محامي؟
رجاءا الي يعرف لا يبخل بمعلوماته علينا وشكرا..

2

الهجرة و واللاجئين / طريقة التسجيل بموقع عمان ؟

« في: 11:56 09/01/2015  »

السلام عليكم
اني قدمت الي ولاهلي بشهر الثامن 2013 و صار ملفي فعال بشهر الخامس 2014 بموقع عمان
من قدمت دزولي 4 كيس نمبر الي ولكل واحد من اهلي
اني فعلت الكيس نمبر مالتي بموقع عمان و ربطتة بايميلي بس من ادخل الكيس نمبر مال اهلي واكتب باسورد واسوي تفعيل ميصير ليش؟؟
علما انو من قدمت على ايميلي والكيس نمبر مالتهم كلهم اجاني على ايميلي
و شكرا

3

الهجرة و واللاجئين / الى اصحاب الخبرة الرجاء المساعدة IOM

« في: 21:28 30/11/2014  »

السلام عليكم
اخوان اني قدمت IOM قبل سنة واربعة اشهر بشهر الثامن 2013 وبعد شهر اجاني كيس نمبر الي هوة IZ-144
و بعدها بشهر الخامس دزتلي المنظمة ايميل كالت انو استلمت ايميل التاكيد من السوبرفايزر و تريد تاكيد من التمويل كان من الحكومة الامريكية وراسلت الشركة الي جنت اشتغل بيها الي هية جانت بالخضراء تشتغل داخل السفارة و نطوني رقم دزيتة للمنظمة وردت المنظمة تم ارسال الاوراق للجهة المعنية وراها بفترة صار الكيس Active بموقع عمان بس بدون اي رد ثاني من المنظمة..
من يصير الكيس active  بالموقع يعني خلص تفعل و بس انتظر المقابلة الاولى؟ لو اكو اجراءات ثانية؟
سؤال الثاني من قدمت قدمت لاهلي كلهم بس من ادخل الرقم مال كيس اهلي على موقع عمان واربطة بايميل ميدز شي على الايميل مالتهم مو مثل مربطت الكيس مالتي على ايميلي فشنو السبب؟
ادري تعبتكم وياية بس رجاءا الي يعرف لا يبخل علينا لان كلش محتاج مساعدكم والله..
شكرا

4

الهجرة و واللاجئين / نصيحة تحويل ملف IOM الى مصر

« في: 00:10 06/10/2014  »

السلام عليكم,
اريد انقل ملفي من العراق الى مصر تنصحوني بهالشي او لا؟
اذا اي احد نقل ملفة وعندة تجربة وية IOM مصر لا يبخل علينا وشكرا

5

الهجرة و واللاجئين / IOM بغداد ارجو المساعدة

« في: 15:53 04/10/2014  »

السلام عليكم,

الرجاء الي يعرف لا يبخل علينا بمساعدة اني مقدم من 2013 شهر الثامن و رقم الكيس 144xxx , حصلت على الكيس نمبر ورة شهر من التقديم و صار سنة و شهرين ماكو اي اتصال من المنظمة ولا اي ايميل ولا اي شي وعالموقع بس الكيس active  او فعال صارلة 5 اشهر و التشييك الامني بالانتظار والباقي كلة غير فعال وليهسة مقابلة اولى ماكو , الحل شنو نبقة ننتظر الى ما لا نهاية؟
سمعت اكو مقابلات باربيل و ناس هواية دتكمل الكيسات مناك شلون واحد يحول ملفة هناك؟
رجاءا الي يعرف لا يبخل علينا بالاجوبة.. شكرا

6

الهجرة و واللاجئين / تحويل ملف IOM من بغداد الى تركيا

« في: 14:04 13/07/2014  »

السلام عليكم
اخوان عندي كيس IOM ببغداد واريد احولها لتركيا يصير؟ و شنو الاجرائات؟
الي عندة معلومات لا يبخل علينا لان كلش محتاجها والله..
شكرا