مواضيع

1

الهجرة و واللاجئين / رفض IOM المربع السادس

« في: 05:31 23/02/2015  »

الأخوة الاعزاء الخبراء والمشرفون خاصة الأخ حسين الجبوري المحترم
بعد انتضار مرير لمدة 3 سنوات وبنجاح باهر اجاني رفض معدل والحمد لله والرفض من المربع السادس وحسب الصورة المرفق ادناه... جنت بظروف ما سمحتلي بالاستئناف بس هسه سمحت الظروف بس المشكلة انه باقي 10 ايام فقط لأنه رسالة الرفض اجتني يوم 3/12/2014 يعني باقي عشرة ايام.. المطلوب مساعدتكم الكريمة بتوجيهي لأكثر طريقة فاعله حتى اعمل استئناف قوي يعني شلون اسوي الاستئناف وشكتب وهل هناك طريقة معنية بحيث يكون الاستئناف قوي وكذلك ما هي نسبة النجاح اذا اخلي محامي لو ماكو داعي اني تقديم بغداد سنة 2011

2

الهجرة و واللاجئين / مغلق بدون رسالة رفض ومهلة الاستئناف رح تخلص شلون بيه ؟؟

« في: 11:12 03/08/2014  »

الأخ ابو ديما حسين الجبوري 
الأخوة المنقذون الله يجلعها بميزان حسانتكم
مشكلتي انه اني IOM تقديم بغداد سنة 2001 مقابل محلفين ببغداد 29-04-2013 ووراها ب 75 يوم اجتني موافقة مشروطه بالأمنية وراها كلشي كان ماشي بنجاح لحد ما ظهرت مشكلة إعادة المقابلة و سوولي اعادة مقابلة محلفين بيوم 12/02/2014 لأنه الظاهر خلال التجييك الأمني ظهرت عدهم قضية رفض لوظيفة قدمت عليها سابقا  وعلى اساس هذا اللي لكوه سوولي إعادة مقابلة ويه المحلفة الزنجية سألتني عن هذا الرفض ووضحتلها الأسباب المهم بعدها بكم شهر بيوم 12/05/2014  ولما دا اجيك موقع حالة القضية فطلع التجييك الأمني (مكتمل) وحالة الملف (مغلق) بس بدون ما توصل رسالة رفض منهم فبعثت الهم اكثر من ايميل استفسر هل قضيتي انغلقت فجاوبوني نفس الجواب قضيتك مستمرة ومن يوصل رد المحلف نكلك الجواب
هسه حاليا بعد عشر ايام يعني بيوم 12/08/2014 ررح يصير 90 يوم من يوم انه ظهر عندي (مغلق) بالموقع وبالتالي لو كان مغلق فمهلة الأستئناف رح تخلص بهذا اليوم زين اذا مو مغلقة القضية مثل ما يكولون ليش مكتوب مغلق واذا مو مغلق معقولة نتيجة مقابلة محلف حيصيرلها 6 اشهر ومطالعة النتيجة 
عدى ذلك الفحص الطبي صار اكسباير فتحول إلى (In proses) من مرت عليه سنة يعني قبل شهرين وإلى حد الآن وكذلك بالموقع ومن زمن طويل المدينة والمطار نازلات
ابو ديمه طول الله عمرك وكثر الله امثالك
الأخوة المنقذون الله يجلعها بميزان حسانتكم
نصائحكم العاجلة!!