مواضيع

1

قسم الشكاوي والاقتراحات الخاص بمنتدى الهجرة / انا عندي مشكله

« في: 19:55 15/03/2014  »

خواني خواتي الطيبين

جاهسه من تقرون العنوان مال الموضوع عبالكم رح اكتب
انا فتاة  في ال العاشره من عمري لدي مشكله حيث اني اشعر ان اهلي لايحبونني فهم يدلعون اخي الصغير اكثر مني يشترون له الهدوم الجميله ولايشترون لي شيئا فقط يصخروني ويحجون عليه وانقهرو كثيرن فقد فكرت بالانتحار والتخلص من هذه الحياة لان اهلي يضوجونني ولااحد منهم يفتقدني 

لالا بس تره وروح جدي عندي مشكله خطيره
تره اكو رسائل بالمنتدى واصلتني عالخاص واريد اجاوب جاوبت 5 رسائل ومن دااريد اجاوب السادسه طلعتلي ملاحظه
لقد تجاوزت الحد المسموح به للرسائل وهو 5 رسائل في الساعه
وهاي تره موخوش شغله لان اني حيل مشغوله والله الشاهد ماعندي وكت ودااادخل للمنتدى بين فتره وفتره اجاوب على خواني وخوياتي  عالخاص فمن تحددوني بخمس رسائل بالساعه اروحن الفن راسي وانام لان باجر عندي دوام من الصبح فارجو من ادارة المنتدى ماتحدد كم رساله بالساعه

مع تحيات خويتكم
مظلومه سوادي فلك حثل مسحوول كمبوش مطشر
استراليا


 

2

الهجرة و واللاجئين / الى العراقيين بماليزيا هام جدا جدا

« في: 18:54 30/05/2011  »

خواني خواتي
انه خويتكم مظلومه سوادي اكتشفت اكتشاف موطبيعي
يحدث فقط في مكتب اليوان في ماليزيا
بصراحه انصدمت وحبيت اتاكد وفعلا اتاكدت

الشخص بكل الدول من يقدم على لجوء اول شي يحولون ملفه لامريكا
ووره مايخلص الاجراءات من الفحص ومقابلة المحلف الى اخره تطلع النتيجه لوينقبل لوترفضه امريكا
اذا انقبل يروح الله وياه لامريكا
بس اذا انرفض يتحول فايله للسفاره الكنديه اوغيرها

بماليزيا الموضوع يختلف تماما
فرضا وصلت لمرحلة الامنيه ومااجتي الامنيه بل اجه رفض
بهالحاله مايتحولالملف الى اي سفاره ويسقط حقك باللجوء من ماليزيا
هذا الحجي صار ويه عوائل صارلهه سنتين متوطنه على اميركا وهسه اجاهم رفض
ومن راحوا لمكتب اليوان كالولهم ناسف
ماعدنه شي اسمه تحويل الملف لدوله اخرى عند رفض اميركا للشخص
ونحن ننصحكم باللجوء الى دول الجوار والتقديم من جديد


مع تحياتي

3

الهجرة و واللاجئين / يبووووووووووووووه كولولي شاسوي مو تسودنت من اليوان

« في: 03:39 15/05/2011  »

اويلي عليج مظلومه
حصره عليج وعلى شيباتج  

اللي صارت وياه الاحداث اللي صارن ويايه خليه ينصحني تره انه خويتكم واكعه من السطح واريدن مساعده

اول شي انه قدمت عاليوان ماليزيا سنة 2006

طلعلي توطين لامريكا سنة 2011 من قابلوني على توطين لامريكا كتلهم انه مااريدن امريكا
لانه بصراحه هواي ناس خوفوني بس هذا مجان سبب رفضي لامريكا
السبب الاصلي
هنايه من يقبلوكم لامريكه تطول المعامله سنتين انه كلت اويلي هاي نومتنه بماليزيا يعني 2013 يالله نطلع من ماليزيا
وثاني شي عندي صديقه وحده وعندي خالي موحان هناك وبس  
فكتلهم امريكا دمرت بلدي وانه مااريدنهه ومن هالسوالف
حسبالي يوطنوني على كندا
غير هيج الترفضه امريكا يحولون ملفه على كندا  
يبووووووووووه

صدك ويحولون ملفي على استراليا  
كتلهم يمعودين ماكو كندا
الموظفه صارت عصبيه هواي عليه وكالتلي اذا متقبلين استراليا هسه الغي حتى فايلج
يعني هنايه روحهم هينوب زغيره  

انه مااعرفن احد باستراليا
كل خالاتي وعندي عمين وعندي 4 صديقات هنه وعوايلهن بكندا

هسه شاسوي علمود يوطنوني لكندا
والله دخت دلوني ياناس  

4

دردشة منتدى الهجرة واللاجئين / لك لاااااااااااااا شوفوا اللعب على اصوله ويكولك الاعضاء موكولجيه

« في: 14:49 17/01/2011  »

يالله خواني الكولجيه
خل نلعب ونخربط الملعب

هله بملوك الطوبه

خويي لورنس العرب خويي ضاع
خويتي اسود كندا
خويي الرسام
والموضوع يتسع للمزيد من الغالين

5

دردشة منتدى الهجرة واللاجئين / خويي لورنس العرب راح بالزلك

« في: 09:08 12/01/2011  »

خويي لورنس العرب 2
راح بالزلك   :'(اكيد بسبب اللعبه مال البارحه
اي شجاهم
بالبدايه جانوا زينين شوعلى غفله صفنوا
وظربوا دالغه مدري شبيهم
بحيث الطوبه تمر من يمهم وهمه نايمين  
اخوان بليس صح النوم
هاي ايران راح تغلبنه ماكو كولهه مسويه
خخخخخخخخخخخخخخخخخخخخخخخخخخخخخخخخخخخخ
ورايحه بسابع نومه  
يمعودون موتعادلنه
ماكو
يمعودون موضاعن 3 كواله
هم ماكو
واخر شي فاز المنتخب الايراني بمساعدة المنتخب العراقي
هنيئا لنا النكسه والوكسه والقهره
حيف على عيوني التمككن وانه سهرانه اشجع
والله حتى يمكن سكر وظغط صار بيه  

وهسه من صدك
يبوووووووووووووووووووووووووووووووووووووووووه
واحوه احوه احوه

هسه انه المااحبن الطوبه انقهرت واتسودنت
هالمره خويي لورنس العرب والله اكيد طايح وجعان بالفراش لان اللي صار موقسمه ونصيب
اللي صار انه احنه خليناهم يفوزون
وسفه والف وسفه
شوكت احنه فرحنه حتى هسه نفرح
من كفخه لكفخه ومن طيحه الطيحه

هيه بس الطوبه التفرحنه على كولة خويي لورنس
وهاي هم اجماله راحت ورحنه كلنه بالزلك

لا وكل الخليجيين جايين لابسين اعلام العراق لان يموتون من الايرانيين
وهذوله هم اخذوا كفخه على روسهم
اما المدرب الالماني صدك المكرود يقهر
حسبالك ديكول ايه ده ياكدعان
احنه مااتفئناش على كده 

وبعد التوووووووووووووووووووووووووبه
اذا اتابع
طوبه  
وقد عنكر من بعكر
وشنحر من بنحر  

6

مواضيع الحياة العامة في بلاد المهجر (امريكا) / نداء الى جميع الاخوه في اميركا طلب مساعده

« في: 12:27 29/12/2010  »

خواني الاعزاء
والله مااطلب هذا الطلب لومااعرف بروح المساعده عندكم ومحبتكم للخير وخاصة لابناء بلدكم

اكو اخ عراقي محتاج لمساعدتكم وهوه هسه كاعد بامريكا
دزلي رساله عالخاص وانه حبيت اعرضهه عليكم بلكن تساعدوه في ايجاد عمل
 

اني بولايه فرجينيا مدينة هامبتون بس اني اريد اغير الولايه مالتي اريد اروح لتكساس كل الي اريده من عدكم هي مساعدة بسيطه بشغلتين يعني تكولولي شأسوي بأوراقي الموجوده يعني اغلق الكيس من ولاية وافتحها بغير ولايه وشغلة ثاينه يعني احد اكدر اروح يمه للولايه الثانيه مو شرط اكعد ويا يعني اشوف المنظمه هناك هم يساعدوني يعني اكعد شريك سكن ويه شباب لحد ما الله يسهلها
العمر 21
امكانيات اللغة الانكليزية درجة ممتاز تحدث قراءة وكتابة
المهارات استخدام الحاسوب تصليح الحاسوب برمجيات واداوت الحاسوب كل ما يتعلق في نصب وتأمين شبكات داخلية وخارجية , جيد في التعامل مع الناس (المجتمع الامريكي يعني اعرف فيكاتهم ) لدي اجازة قيادة, جيد في تصليح وصيانة السيارات البناء والعمل في المخازن وغيرها من اعمال اخرى.

يعني مختصر مفيد اي شغلة اكدر اطلع منها فلوس تكفي اجار ومصرف لحد ما الله يفرجها واني ماعندي بس انتوا والله والسلام عليكم ورحمة الله وبركاته

بانتظار مساعدتكم لخوينه وانه اعرفن خواني ماراح يقصرون

7

مواضيع الحياة العامة في بلاد المهجر (امريكا) / واشنطن مدينة سياتل

« في: 16:06 21/12/2010  »

مرحبا احواني وخواتي منتدى عينكاوا الكرام
انه خويتكم وناخيتكم بشغله
اكو خويي اخ عزيز بنفس مدينة واشنطن سياتل
انكليزيته توب عمره بالعشرينات
مصلح حاسبات وعنده خبره حتى بتصليح السيارات
خوينه دور هواي على شغل ومالكه
اتمنى منكم خواني اللي بالمنتدى تساعدونه لخوينه العراقي
يعني تدلونه على اي شغل عن طريق معارف اصدقاء خاصة الصارلهم سنين بالمنتدى
وصارلهم فتره بامريكا
الرجاء خواني همتكم ويانه
واجركم على الله سبحانه وتعالى في ايجاد عمل لهذا الانسان العراقي


خويتكم
مظلومه سوادي

8

الهجرة و واللاجئين / الرجاء المساعده للاخ

« في: 12:02 20/12/2010  »

اخوان هذا عضو من المنتدى
ارسل لي هذه الرساله على الخاص فارجو مساعدته رجاء



انا
   مقيم  في سوريا  وحصلت  على  فيزة الى   امريكا    ولا استطيع  الاقامة  في امريكا  بسبب التكاليف
  اذا  حصلت على   ترنزيت  مرور  يمر بكندا   قبل امريكا   طيران
1.  استطيع  البقاء   في كندا وطلب للجوؤ
2.  هل   استطيع  اتلف الجواز
3.  فرصة  حصولي  على  للجوؤ
وفقك الله واي شي مهم ارجو الرد

9

دردشة منتدى الهجرة واللاجئين / عااااااااااااااااااااااااااااااااااااااااااجل

« في: 02:57 09/12/2010  »

خواني خواتي
ارجو عدم الرد على رسائل تصل على الصندوق الشخصي قبل التاكد من هوية الشخص

تعرفون ليش
لانه ممكن الرد على الرساله يتحرف وتنظاف عليه شغلات انتوا مكاتبيهه

وصلتني رسائل من شخصين عالخاص
وحده كلهه تهجم
والاخرى من عضوه ماعدهه ولامشاركه
وطبعا مجاوبت عالاثنين

فارجو اخذ الحيطه والحذر
وعدم النقل الى الدردشه

10

دردشة منتدى الهجرة واللاجئين / من يطالب بعودة اخونا كيتاريست يضع توقيعه هنا

« في: 22:51 02/12/2010  »

خواني خواتي

خوينه كيتاريست فلامنغو انسحب قبل قليل من المنتدى
وهذا نص موضوعه

ايها الاسياد المحترمين ..الاصدقاء الاعزاء ....
كثير منكم يعلمون .. ما حدث في الازمة الاخيرة ..
اذ صمم أحد الاعضاء أن يصنعني عدوآ له ..وشهدتم اغلب النتائج ..
ولكن أغبلكم لا يعرف التفاصيل ..
لا أطيل عليكم ..الى الامس كنت مصمم على من أخطأ بحقي ..
أن اجعله يدفع الثمن غاليآ .. ولكن بالامس ادرك بعض المقربين ..
اني حقآ سوف .. افعل ما اردت بمن اساء لي ..
وأنتصر بكل سهولة عليه .. ولكن ادركت انا ان الخسارة لي هي اكبر ..!!
وهي خسارة اناس احبوني .. واحببتهم .. فطلبوا مني  أن لا افعل
ما كنت سائر فيه ... وهنا اشكرهم على محبتهم .. واقول لهم اني انصاع
لما ارادوه .. وممتن لكم على صداقتكم ومنحي محبتكم ..وهنا اذكر ..

الانسانة العظيمة سيدة الكون كما اراها ..(( ام محمد)) ..
السيد الغالي العظيم بكرمه .. ابو خالد ..
الانسانة الكبيرة التي اعطتني كلمة منها واحترمتها .. الادارية انجي ..
الصديقة الجميلة زهرة القرنفل المحترمة
المحترمة صديقتي الغالية آن النوري ..
الجميلة العزيزة الاماني الضالة صديقتي المحترمة ..

حقآ انتم المتفضلين علي دومآ لا أستطيع أن كسب شئ .. وعندها اخسركم ..
لذا اخبر الجميع .. هنا وعلى العلن .. اني عدلت عن ما نويت عليه وسحبت
كل خطوة قمت بها .. ..لان طلبكم مني هو أمر وليس مجرد طلب ..
ولكن الان اقول في نفس الوقت .. واعلن ..
لقد انتهت مدة ان اكون ضيف .. في هذا المنتدى .. وانتهت اقامتي فيه للاسف
كانت اوقات جميلة معكم قضيتها فيها اجمل العبر والقصص ...
سأرحل من هنا .. ومعي ربح كبير .. قيمته اغلى من كل كنوز الارض ..
وهي محبتكم .. وصدلقتكم ..
اود ان اقدم  الشكر هنا الى الاعضاء المحترمين الغالين على قلبي
اذ ان معرفتهم وصداقتهم هي اجمل الاشياء التي رأيتها في حياتي ...

السيد ذاكر ابو فابيان المحترم ..
السيد بيرج المحترم..
السيد نيرون المحترم ..
السيد يدكو المحترم ..
السيد ابن زيونة المحترم ..
السيد ضاع الوطن المحترم ..
السيدة النبيلة ام زيد المحترمة ..
الصديقة سوسن كليانة المحترمة ..
الصديقة الغالية سرى المحترمة  ..
السيدة هنوة المحترمة ..
الصديقة المحترمة ريم عبد ..
السيد علي ..ابو تبارك المحترم ..
السيد مراد علمدار المحترم ..
السيد الواحد يحجي ضميره المحترم ..
السيد اسامة الهاشمي المحترم ..
السيد طلعت روحي المحترم ..
السيد موموتراث المحترم ..
السيد المهندس العراقي المحترم ..
السيد لورنس المحترم ..
السيد حمادة المحترم ..
السيد حمادة عزو المحترم ..
السيد شبخ بغداد المحترم ..
السيد ياسر المحترم ..
السيد ملك الحيرة المحترم
السيد غريب الروح المحترم..
السيد يوزار سيف المحترم ..
السيد مؤيد العبيدي المحترم ..
السيد  kfc_w2002  المحترم ..
الانسة خبريني ياطير المحترمة
الرائعة المحترمة زينب تارك ..
السيدة او تافيا المحترمة ..
السيدة جورجيا المحترمة ..
السيدة مظلومة سوادي المحترمة ..
السيدة ام امي المحترمة ..
الصديقة يارا المحترمة ..
الصديقة العزيزة وردة ربيع ..
السيدة غزالة المحترمة ..
السيدة ام سوسو المحترمة ..
الانسة غزالة البصرة المحترمة ..
الصديقة الغالية لا باك المحترمة ..
الانسة اسود .. ريم المحترمة ..
الصديقة المحترمة omaha2 ..
الانسة رولا المحترمة ..
الانسة اليسا المحترمة ..
الصديقة تارا المحترمة ..
الانسة ماكنتوشة المحترمة ..
الصديقة دمي ولا دمعة امي المحترمة ..
الصديقة نور المحترمة ..
الصديقة نور المصطفى المحترمة ..
الصديقة وردة بغداد المحترمة ..

لكم الف تحية وتقدير واحترام .. وأأسف أن صدر مني ذات
يوم اساءة لكم ..او كنت ازعجتكم في موضوع او رأي ...
او خدشت احساسكم في شئ ما وفي يوم ما ..
آخر كلامي هو وداعي لكم ....
وأطمأنوا انكم كنتم معي من كرام الناس ..
وداعآ . 


اعزائي اعضاء منتدانا الراقي
اتمنى ان تضعوا تواقيعكم للمطالبه بعودة خويي كيتاريست

وشاركوني بهذا الدعاء

اللهم عطل جهاز خويتنه انجي حتى لاتنقل الموضوع 
ونجمع اكبر عدد من التواقيع
كولوا امين

11

دردشة منتدى الهجرة واللاجئين / عاااااااااااااااااااجل

« في: 22:19 02/12/2010  »

خواني خواتي
بعد مااحصل الرقم راح امسح الموضوع

اريدم كود ولاية منيسوتا

12

دردشة منتدى الهجرة واللاجئين / رجعت الاماني الضاله بس اختفه عضوين بدون سابق انذار وهم نكول يبوه

« في: 18:40 29/11/2010  »

ياجماعة الخير
اليعرف شخص يبخر المنتدى يدلينه عليه

الدردشه بيهه شي غريب اليوم

في حدث لم يسبق له مثيل في التاريخ
اختفت خويتي العضوه النشيطه الاماني الضاله
وهاي سابقه غريبه عجيبه
اختفت بدون سابق انذار
والله من يوم السجلت بالمنتدى حظورهه كان متواصل بدون انقطاع
حتى اتصور من عدهه روحه للسوك تاخذ اللابتوب وياهه وتكنك من اي مكان قريب

اليعرف عنهه شي يبلغنه
لانه كلنه نختفي يوم يومين عادي
بس الاماني الضاله تختفي كم ساعه
هينوب صعبه  

13

دردشة منتدى الهجرة واللاجئين / خواني خواتي مصييييييييبه

« في: 12:43 29/11/2010  »

ياجماعه المنتدى انصاب بعين حاره
خواني اليوم خويي حماده دزلي هاي الرساله عالخاص
والله العظيم مااعرفن شني القصه
الفهم ينورني
 


خويتي مظلومة ترة لازعلين من اخوج حمادة

اخاف فد يوم اسئت لشخص بالمنتدى او سمعتة كلمة غير لائقة

اني احب اشاقة وية الجميع ؟ وخاصتا انتي لان كتاباتك تعجبني


اختي الكريمة الان اكتب لكي اخر كتاباتي عسى ان تذكروني بالطيب والكلام الجميل


اودعكم جميعا احبتي وامانة في رقبتك راح اكتب لكي رقم تلفوني الخاص ارجوا ان تعطيه لاي شخص تعرفيه يحتاج المساعدة لان اليوم اخر يوم لي في عين كاوة 



قرار اتخذته ومنذ زمن اردت ان اعمله لكن الان حانت الفرصة والحمد لله


ارجوا ان لاتزعلي مني


الان انا احترق لوداعكم واقسم بالله العلي العظيم انني ابكي كالطفل






اذكروني بالخير كما ساذكرم بالخير

14

دردشة منتدى الهجرة واللاجئين / تعالوا نتخيل العالم بدون رجاجيل

« في: 04:59 20/11/2010  »

طبعا خويي مهندس عراقي خبصنه وسود عيشتنه وبس يعايرنه
سوينه موضوع اعترفنه بيه باهمية المراه
وانتن ماسويتن هيج موضوع


خويي هسه لخاطرك راح اسوي هيج موضوع بس هذا الموضوع من نسوان افكاري
طبعا افكاري عن الرجاجيل كلهه حلوه وخوش بنيه 


العالم المابيه رياجيل تنعدم بيه المشاكل الزوجيه وحالات الطلاق
ومحاكم الشؤون الاسريه تفلس

العالم بلا رجاجيل راح يلغي وجود المطبخ بالبيت لان لو ما الرجال جان ولامره خشت للمطبخ الاعلمود تسوي عصير
او تشرب مي او تاكل نستله 

العالم بلا رجاجيل راح يلغي مرض الدوالي من رجلين النسوان لان مراح تظطر انه تكظي حياتهه
واكفه بالمطبخ وتغسل وتكنس وتمسح  وتكظي طلبات الرجال الما تخلص

العالم بلا رجاجيل عالم نظامي من ناحية المرور يعني تشوف ماكو ولاحادث سياره
لان بس الرياجيل من يسوقون يسوقون بعصبيه وواحد يتسابق ويه اللاخ ممايؤدي الى حوادث مؤسفه

العالم بلا رياجيل راح يخلي جيوب النسوان عامره بالفلوس
لان ميظطرن يشترن هديه للرجل بعيد ميلاده 

العالم بلا رياجيل عالم مابيه حروب ولاكتل ولامكتول
لان التنافس عالسلطه والفلوس والمناصب اليسووهه بس حزب الرياجيل المعادي 

العالم بلا رياجيل عالم هاديء يتساوى بيه الليل والنهار من ناحية الامان
يعني المراه تكدر تطلع نص الليل مثل ماتطلع الصبح لانه راح يخلو من الذئاب البشريه 

واخيرا وليس اخرا

العالم بلا رياجيل عالم مخيف نوعا ما ويحتاج الى نوع من التحدي والشجاعه
لان راح تظطر المراه الى قتل ابو بريعصي وبريعصي وحدهه


كولوا هسه احنه ممعترفين بفضلكم علينه
مو لو مومو 


بانتظار المزيد من الامور الغفلت عنهه والاظافات   

15

دردشة منتدى الهجرة واللاجئين / لغز العضوه المخطوبه

« في: 14:38 18/11/2010  »

كلللللللللللللللللللللللللييييييييييييييييييييييييش

واخيرا واخيرا

اكو عضوه غاليه علينه هينوب راح تنخطب

واخيرا بعد مرور سنتين ونيف داازفلكم خبر حلو

طبعا بعد نقل اخبار الانفجارات وحوادث السيارات والامراض

اكيد تشائمتوا مني وخاصة خويي بوفابيان الانتيم اللدود 

الحمد لله والشكر اخيرا انفكت جبسة الدردشه واكو عضوه ورده وتستاهل كل الخير
راح تبشرنه باخبار حلوه وسعيده

وانتوا اقترحوا شننطي للفائز بحل الغز هديه
 

16

دردشة منتدى الهجرة واللاجئين / عااااااااااااااااجل عاااااااااااااااااجل الى حماده

« في: 15:53 13/11/2010  »

خويي حماده
دير بالك تكول شنو سالفة الرسائل المبهمه بموضوع بوفابيان مظلومه بنت سوادي

لان اكو هواي ناس دزولي رسائل يردون يعرفون سنو القصه
واني شغلت اريل الخباثه وجاي اكولك لاتكللهم مهما جانت المغريات كبيره
عليك الله خويي 

17

دردشة منتدى الهجرة واللاجئين / خاين

« في: 14:54 19/10/2010  »

خاين انت وماعرفت زين كدري

سالتك تحبني

كلت مااعرف والله ماادري

تعرف بس تحلف انك مانسيت اوتناسيت وينك ياصبري

موراح الصبر ومر شهر وره شهر

وانت بس بقايا انسان بس يعرف غدر

وانت تزيد بيه لوعة الحرمان والام الهجر

وانت بس لمحة حلم قديم بزوايا العمر

وانت بس معاناة بليل طويل انتهى ويه الفجر

المشكله ماعرفت انت هيج تخون من بدري

وضاع حلمي اوياك وضاع وياه عمري

بقلمي
مظلومه سوادي

18

دردشة منتدى الهجرة واللاجئين / لنبارك للغاليه سوسن كليانه عيد ميلادها

« في: 11:05 18/10/2010  »

اليوم عيد ميلاد الغاليه سوسن كليانه
يارب تحقيق الاماني وان شاء الله سنة الجايه اشوفج على خير
وربي يبعثلج ايام احلى واحلى من السنه الراحت
 

وهاياني سجلتهه بصوتي اهداء للغاليه سوسن
ونزلتهه عاليوتيوب 

http://www.youtube.com/watch?v=7iP9cewoD7s&feature=related

19

دردشة منتدى الهجرة واللاجئين / طواريء يايمه طواريء

« في: 07:18 25/08/2010  »

انه خويتكم مظلومه سوادي
نظرا لتزايد اعداد الوجاعه والمرضه وضحايا وادث السير
واللي ديسوون عمليات جراحيه
قررت انشاء موضوع


طواريء يايمه طواريء  

نذكر بيه كل اسماء اعضاء قسم الدردشه المنكوبين  

من

ضحايا حوادث السير
اصحاب العمليات الجراحيه
المنتظرين يسوون عمليه  مثلي  
المصابين بازمات صحيه مؤقته
وغيرها

الغرض من هذا الموضوع

اولا
نعرف العضو الفلاني ليش اختفى
يعني احنه ننزل مواضيع نسال بيهه عن العضو او العضوه
وبنفس الوقت همه نايمين بالمستشفى اوعدهم احد مريض واحنه ماندري  

ثانيا ندعيلهم بالصحه والشفاء العاجل باذن الله تعالى

ثالثا المشاركه بالالم يمحي نصفه يعني انه من اكولن انه وجعانه
وتواسوني راح يروح نص الالم موبالله

خويتكم مظلومه سوادي

20

دردشة منتدى الهجرة واللاجئين / قمر البنات عضوه جديده ارجو ان ترحبون بيهه

« في: 08:40 21/08/2010  »

قمر البنات
عضوه جديده بمنتدانا
خمطتهه من احد المنتديات  وجبتهه للمنتدى مالتنه
ان شاء الله تقضي ويانه احلى الاوقات

عينكاوا
مش حتئدر تغمغض عينيك 

21

دردشة منتدى الهجرة واللاجئين / دعوه جاده الى كل الرجال في المنتدى

« في: 02:33 17/06/2010  »

خواني

قبل لاتصير حرب بين حزب الرياجيل بقيادة ضيوعي
اللي ضيع الرياجيل وخرب بيوتهم بافكاره الهدامه  


وبين حزب النساء بقيادة اوماها
الليقالت كلمات من الحق ووقفت بوجه العاصفه الشرسه المغرضه
التي تلغي اهمية ووجود المراه في حياة الكون


راح انصح جميع الرجال نصيحه لوجه الله تعالى

يحتاجلكم تفوتون دوره في كيفية معاملة النساء
وهاي الدوره اللي يفوتهه موبس يربح حب المراه
وحنانهه بس يكدر ياخذ حتى كليتهه

هاي الدوره ببلاش وبدون فلوس
يقيمها المدعو كيفانج
في مسلسل نور ومهند
تكدرون تشوفون المسلسل عاليوتيوب
بحلقاته ال 160 تقريبا

وانتوا الربحانين

وهاي بداية الحلقات مني الكم وتتدللون

http://www.youtube.com/watch?v=nbN13cZe9CU&feature=related

واحنه النسوان مننكر فضلكم بالعكس
انتوا تاج عالراس

شلون نكدر ننسى انو انتوا تكدرون تخلصونه
من المخلوق اللي يخوفنه ويرعبنه ويسبب كوابيس

ابو بريعصي  

22

دردشة منتدى الهجرة واللاجئين / خداع المظاهر

« في: 13:12 24/05/2010  »

شلونكم يااعضاء واداريين منتدانا الغالي عينكاوا
اليوم بالذات اختاريت اكتب قصه مترجمه اختصرتها في سطور قليله

باسلوبي الخنفشاري طبعا

هي قصه وحده اتطلكت من زوجها
بعد زواج دام 15 سنه ومحد كان يتوقع انها تتطلك من هيج شاب
يعني واصفيه بالقصه احسن شاب من المشخاب

باختصار شديد بدات صاحبة القصه تروي احلامها وكالت


 من جنت مراهقه كمت ارسم صوره لفارس الاحلام
وقبل ماافكر بالايجابيات يعني حلو وزنكين وابن حموله
فكرت شلون مايجيني رجال عنده سلبيات
اول هاي السلبيات
مايدخن
مايتناول المشروبات الكحوليه
ماعنده اصدقاء و24 ساعه بس عايفني ومهزوم من مسؤوليات البيت والجهال
مايكون فارق العمر اكثر من خمس سنين
ماعنده سوالف مكسره وعيونه مابيهه زوغان بالبؤبؤ 
كريم وليس بخيل


جانت هاي هيه طلباتي فقط
وكلت يارب بس اتزوج واحد بيه هاي المواصفات اعيش ملكة زماني

ومرت السنين
واجاني واحد مفصل تفصال وفوكاهه حلو وعنده شهاده عليا
يبوووووووووووووه تسودنت من السعاده
وياهو التشوفني تكولي نياااااااااااااااااااالج عالرجال جنه امير

والحقيقه محد يعرف انو اني اعيش اسواء ايام حياتي وياه
لانه

كريم بالفلوس بخيل بالمشاعر
يعني من اتمرض واحتاج مساعده حتى كلاص المي يتافاف وميجيبلياه

الشهاده العليا ماخذهه عالورق
وثقافته الاجتماعيه صفر يعني مايتناقش باي موضوع
واذا اتناقش لازم يكون هو الصح والناس كولهه غلط


مايشرب الكحول
بس من يصير عصبي على اتفه الاسباب يتصرف مثل المدمنين
يصيح ويكسر ويخربط بالحجي

مايدخن
بس من يكعد من الصبح يكلب وجهه عبالك محتاج جكاره وماشاربهه صارله قرن
وينفخ اوف اوف ضايج 

مايباوع عالنسوان واني من ضمنهم واولهم 

ماعنده اصدقاء
وبنفس الوقت محد يطيق يكون صديقه لان الصداقه بنظره مضيعه للوقت وماتفيد

اكبر مني بخمس سنين يعني بعمر الشباب
بس ياسبحان الله افكاره التشاؤميه عبالك واحد عمره سبعين سنه 

وبعد الطلاق

اتضح انو اعز صديقاتي حاطه عينها عليه
وحجيتلهه على كولشي
طبعا ماصدكتني وتزوجته حسبالهه اني غيرانه

ووره شهرين جنت دااتمشى
وشفتهه باحد المولات وعيونهه تجدح جدح
جان تكولي










امممممممممممممممممممممممممممممممممممممممممداااااااااااااج
ياعوبه ياثوله ياحوله

شلون كدرتي تتحمليه 15 سنه

اني اسبوعين وخلعته خلع 

23

دردشة منتدى الهجرة واللاجئين / الى كل من يسال عن الغاليه ريم عبد

« في: 04:38 29/04/2010  »

مااعرف شلون ابدي الكم الموضوع
ترددت هواي هواي

مااعرف شلون راح اوصللكم هذا الخبر


والله حيره

بس لازم تعرفون اخر خبر عن غاليتنا ريم عبد




اني اسفه هوايه هوايه




لان تاخرت بجلب اخبار ريم عبد


يؤسفني ان اكوللكم

انه ريم عبد 














زينه وتسلم عليكم
وهيه مشغوله وعدهه مشروع
من ترجع تخبركم عنه
لانه مااكدر احجي شي 



ريم تقول لكل من سال عني
بارك الله فيكم
ومشتاقه هوايه هوايه
واكو ظروف تمنعها عن دخول النت
وان شاء الله من ترجع بالسلامه للمنتدى راح تخبركم بنفسها
ادعوا لها بالصحه والموفقيه


مراسلتكم من قمة الشجره 
مظلومه سوادي

24

دردشة منتدى الهجرة واللاجئين / باركو للاخ احلامك هي المستقبل

« في: 02:09 24/03/2010  »

الاخوه والاخوات
اعضاء منتدى عينكاوا الحبيب

احب ان ازف لكم خبر كووووووووووولش حلو

وهو زواج الاخ احلامك هيه المستقبل الاسبوع القادم

ارجو الدعاء له بالموفقيه وان يجعل في زواجه خيرا كثيرا وبالرفاه والبنين امين

وعقبال شيبو وكل العزابيه في المنتدى 

والاخ احلامك وكل لي تفسير الاحلام لمدة اسبوع

طبعا اكيد كلكم ماراح تحلمون  بهذا الاسبوع 

وراح استعين بكتب التفسير والامور الاعجز عن تفسيرها ارسلها الى موقع الاخ احلامك

اواعتذر عن التفسير لحين رجوع خويي احلامك هيه المستقبل

وان شاء الله اكون عند حسن ضن الاخ احلامك

وعند حسن ضنكم يااهلي في غربتي ووطني عند ضياع الوطن

خويتكم

مظلومه سوادي فلك

25

دردشة منتدى الهجرة واللاجئين / وكرهتك زهور السوسن

« في: 12:23 22/02/2010  »

كيف استطعت ايها المتكبر

ان تدهس باقدامك تلك الزهور

ان تجعل اوراقها تذبل بين يديك

ان تسبب لها كل هذا الحزن

الذي قبع في عينيها كانه هناك منذ الازل

منذ ان عرفتك

وعرفت معك الم الحنين ولوعة الاشتياق

لقد سمحت لك بان تستنشق عبيرها

وسمحت لعيونك ان تداعب اوراقها

وصارت ذراعين تحتضن هذا الطفل القاسي

بداخلك

لكنها الان صارت قاسيه

بقساوة عينيك

اصبحت صلبه  بصلابة قلبك

واخيرا



وبسببك


انت


وحدك


ايها


المتكبر


كرهتك



بقلمي
مظلومه سوادي

26

الهجرة و واللاجئين / مناشده لمن يستطيع المساعده بنصيحه اومشوره

« في: 13:54 05/02/2010  »

اعزائي حتى تعرفون احنه اللاجئين شكد دنعاني بماليزيا

احب انقللكم هذا الخبر

البارحه اكو ولد مصخم عراقي اسمه بكر عمره 15 سنه يشتغل بماليزيا
مساعد حلاق
طبعا ماعنده اقامه بس ورقة حمايه من مكتب الامم المتحده الشفيه في ماليزيا

البارحه لزمته الشرطه لان يشتغل بدون ترخيص عمل
كالولخ وين جوازك وين اقامتك
طلعلهم ورقة الحمايه

وعدل للسجن

يااخوان هذوله هو واخوته منهزمين من الموت بالعراق
وحاطين كل املهم بالامم المتحده
تاليهه هيجي يصير بيهم
طبعا مثل ماتعرفون يايدفع اللي عليه من غرامات
وهي مبلغ كوووووووووولش جبير ويتسفر للعراق
يايبقى بالسجن

طبعا سجون ماليزيا دائما يطلعوهه بالتلفزيون

يمكن كي لاننسى 

اولا السجون بنص الغابات وهواي يموتون من كرصة الحيايه والعكارب
ومااحجيلكم عالبالسجون الاسيويين لان معروف عنهم شكد عدهم امراض
وهسه انفلونزا الخنازير منتشره بماليزيا بشكل كبير غير بكايه اسمها دنكي من تكرص الواحد
يصخن 3 ايام ويموت

والله مااعرف شاسوي اتمنى اساعده واتمنى احد يكولي
على طريقه نطلع بيها هالمكرود من هالشده

بالمناسبه اني شايفته وكل الناس تمدح بيه بس يريد يعيش بامان هو واخوانه

اتمنى احد ينصحني بشي لان حطيت نفسي بمكان والدته ومستحيل اقبل هيجي شي يصير لجهالي

خويتكم مظلومه سوادي

27

دردشة منتدى الهجرة واللاجئين / طريقة عمل اللفات يبوه شكد طيبه

« في: 06:52 02/02/2010  »

اعزائي الغالين
من زمان واني اتمنى انزل موضوع عن الفات
اللفات يااخوان هيه موبس مجرد خبزه لوصمونه تحشك بيهه اكل وتاكلهه بالعافيه

لايااخوان غلط  غلط   غلط

اللفات هي من اروع مايكون وممكن انت ضايج  زعلان  حزين مقهور

بسسسسسسس
من تسوي لفه بطريقه فنيه وتاكلهه
يتبدل مزاجك كليا يعني تصير

مرتاح وسعيد وقمه في الامل 

راح اسوي اللفات على شكل حلقات
كل يوم لفه
اتمنى تجربوها وتكلولي رايكم

اول شي لفة الصبح لبداية يوم سعيد جديد

ناخذ خبز توست عدد 3

نجيب طاوه تيفال ونحميهه عالنار ونحط نتفة زبد
المهم نقلي التوست وجه وكفه بالزبد بس مانغركهه
يعني تتحمص بالزبد شي بسيط

نجيب البيض
نفقس بيض عدد 2 ناخذ الصفار
ونخلط بيضه كامله مع الصفار والبياض
ونخليهم باناء ونخفقهم مع اضافه مبروش الجبن
نختار اما جبنة شيدر صفراء
اوكشكوا بقري

نفرم عليهم شوية نعناع
ونقلي الخليط بالزيت او الزبد
ولما تتحمر من الجهتين

نحط اول طبقه من التوست
ونخلي فوكاهه نصف كمية البيض

ونخلي طبقة خس وطبقة شرائح طماطه عليها ليمون وفلفل اسود
ونخلي شريحه ثانيه من التوست ونفس الشي بيض وخس وطماطه
ونكبس السندويشه بالطاوه التيفال
ونحمصهه اكثر من الجهتين

واكلوها ويه زيتون وجاي حليب
وادعولي
يبووووووووووه
الجبن متحمص و مايع ويه البيض المقلي والنعناع ينطيك طعم ونكهه
وتجيك لفحه من الطماطم والخس والليمون
جربوا وماراح تندمون

28

دردشة منتدى الهجرة واللاجئين / ابشركم اخبار حلوه عن الغاليه ريم عبد

« في: 16:46 01/02/2010  »

اعزائي الغالين

قبل قليل تم الاتصال بوالدة ريم عبد
الحمد لله والشكر تمت العمليه الاولى بنجاح
وارجو دعواتكم الحلوه حتى متسوي عمليه ثانيه
لان الظاهر دعواتكم سوت نتيجه كولش حلوه

بصراحه اني ماحبيت اخوفكم بس تره جانت حالتهه موزينه
بس رب العالمين مايكطع حاشا لله تعالى انو يرجع يد المؤمن خاليه عند الدعاء

وريم بوسط شدتهه وهي بالغربه دعت لكول اعضاء منتدى عنكاوا الغالين
وتكول لكم

ان شاء الله ارجع للمنتدى وماالاكي ملف معلق او مرفوض
ان شاء الله الجميع ينقبلون ويرتاحون

طبعا اني اخذت حصة الاسد من الدعاء 
على عنادكم ياعيني 

المهم هذه اخر اخبار غاليتنا ريم عبد
التي تتماثل للشفاء بفصل محبتكم ودعواتكم ياغالين

خويتكم

مظلومه سوادي فلك

29

دردشة منتدى الهجرة واللاجئين / عاجل عاجل الاخت ريم عبد في ازمه و بحاجه لدعائكم

« في: 04:42 26/01/2010  »

اعزائي اعضاء منتدى عنكاوا قسم الدردشه

اصيبت الاخت  والصديقه  الغاليه      ريم عبد        امس بعدة جروح نقلت على اثرها للمستشفى بسبب
 
الانفجارات الاخيره في بغداد حيث حدثت احد الانفجارات بالقرب من منزلها مما ادى الى انهيار الزجاج واصابة

غاليتنا ريم بجروح عديده وخاصة في اليد

هذه اليد التي كتبت وتعبت لتساعد وترفد المنتدى بكل شيء جديد ومفيد للاجئين العراقيين
من اعضاء وزوار منتدانا عنكاوا

اخواني واخواتي

ارجو الدعاء لها بالشفاء العاجل
لتعود زهره من زهور منتدانا الراقي وتنور صفحاته بمواضيعها الجميله

يارب احمي العراق
يارب اشفي اختنا ريم عبد الغاليه

خويتكم
مظلومه سوادي

30

دردشة منتدى الهجرة واللاجئين / خبر موزين عن الاخت ريم عبد وبحاجه لدعائكم

« في: 04:07 26/01/2010  »

اعزائي اعضاء منتدانا الغالين

تعرضت الاخت الغاليه والصديقه العزيزه ريم عبد لحادث

حيث حدث انفجار هائل بالقرب من بيتهم مما ادى الى انهيار زجاج المنزل

مما ادى الى اصابتها بعدة جروح وخاصة في اليد وتم نقلها الى المستشفى ومعالجتها من الاصابات

التي عانت منها

ارجو الدعاء لهذه الاخت والصديقه الرائعه بالشفاء العاجل

حماها وحماكم الله اجمعين من كل سوء

يارب احمي العراق
واشفي الاخت ريم عبد

اختكم
مظلومه سوادي

31

دردشة منتدى الهجرة واللاجئين / بلا عنوان

« في: 02:36 25/01/2010  »

صارلي 3 ايام اكتب بهذه المشاركه
اتمنى ان تنال اعجابكم


وتمضي الايام    وتمضين

هي حزينة جدا   وانت تدندنين

هي كئيبة جدا   وانت تضحكين

ووسط حياة لم اختر حزنها   تاتين

وفوق اصابعي وهي تكتب شعرا   ترقصين

وعلى جفوني المتعبه           تستريحين

ومع كل حرف اخطه                تتمايلين


واعود الى غرفتي لاستنشق عطرك السجين
                                
                                في قارورة الياسمين

وابقى في خيالي              وحيد مستكين

  اعد خصلات شعرك الذهبي كزهور تشرين

  انت يامليكة قلبي            لاخرس اللعين

          اه كم احبك                  اه لوتعرفين

حب يتمنى ان يرى النور            فترفضين

                                          وتتحججين

ولانين هاتفي ذو اللحن الحزين        تهملين

رناته كمعول يحاول ختراق جبل الصوان فلا يلين

ولقلقي وخوفي واحتراقي لاجلك        لاتبالين


وهاانت الان بعد سنين

 تعاتبيني      وتقولين













بعد عندي شوية غرور ....... يامتكبر


سنين وياك كضت جنهه سؤال بلاجواب


بس على كلبي الرقيق انت ....متجبر


عوفني بحالي تره حبك راواني انواع العذاب



بقلمي
مظلومه سوادي

32

دردشة منتدى الهجرة واللاجئين / لو اشوفك

« في: 06:51 21/01/2010  »

حبيتك من كلامك

اخ شلون لواشوفك

بنظر عيني اظمنك

ومن رمش عينك ابوسك

واساهر ليلي بالصفنات

واجرن حسره واهات

واكولن ليش ماشفت ولفي من الصغر

ولاجلك اعيد الشعر

وانظم بحور بالهجر

واتاني وجهك يالبدر

اكابل نوره اليظهر

وانثر ورد روز على الشعر

واكولن صباح الورد عالكمر

واكولك روحي فدوه لعيونك


بقلمي

مظلومه سوادي

33

دردشة منتدى الهجرة واللاجئين / عضوه مميزه في ازمه ومحتاجه لدعائكم

« في: 04:05 15/01/2010  »

اعزائي اعضاء منتدانا الراقي

تعرضت العضوه المحبوبه والمميزه

سوسن كليانه لازمه صحيه مفاجئه اليوم دخلت على اثرها للمستشفى

هذه العضوه التي لم تبخل على احد لابالكلمه الطيبه ولابالنصح والمشوره

ارجوكم ومن كل قلبي

ان تدعوا الله ان يشفي اختنا الحبيبه سوسن كليانه

وترجع تنور المنتدى بمواضيعها المفيده واشعارها الجميله

وان يحميها من كل سوء امين

اختكم مظلومه سوادي

34

دردشة منتدى الهجرة واللاجئين / اي شي بالزمن هذا موغريب

« في: 18:30 04/01/2010  »

اي شي بالزمن هذا موغريب

من يصير الصدق والحب بين الناس عيب

وان كل صديق العرفته في شدتك صار ذيب

اي شي بالزمن هذا موغريب

من تحس ان في الحب مالك نصيب

من تجيك سهام مفصله لقلبك وتصيب

من يهجرك ويخون بيك اغلى حبيب

اي شي بالزمن هذا موغريب

من يفرح لحزنك جارك والقريب

من تعيش بوسط اهلك مثل الغريب

لمى شمس الامل عنك تغيب

تبسم و لاتحزن ولاتصير كئيب

وتذكر

ان اي شي في الزمن هذا موغريب


بقلمي
مظلومه سوادي 

35

دردشة منتدى الهجرة واللاجئين / الى كل العراقيين المغتربين

« في: 08:29 24/11/2009  »

هذه قصيده الفتهه
البارحه
اتمنى تعجبكم

مشيت وياك بغربتي انه       اتاني تفرج علينه

ماشفنه الفرح بس هموم وحزن اه شلون تالينه

ظيم وقهر صاروا اصدقاء النه ليل وصبح ملازمينه

تمر الدنيا خير وامل عالناس واحنه هموم تمر بينه

طال الزعل يادنيا شمسوين حتى هيج تزاعلينه

موكافي الظلم معشعش بالوطن تجين انت وتظلمينه

شوكت ياحزن عنا تروح شوكت همك يجافينه

صفت بس ذكريات الطفوله والفرح سلوانا الوحيده التسلينه

شربنه هموم يابو هموم وهسه الفركه والالم طارينه

شوكت يادنيا عالفرج والنور تحنين انت وتدلينه

ماارجع مستحيل انهار شمسويتي يادنيا لوبنارج تجوينه

بقلمي
مظلومه سوادي

36

دردشة منتدى الهجرة واللاجئين / امي الغاليه

« في: 03:12 18/11/2009  »

هذه قصيده البارحه كعدت الفتهه لان مشتاقه هينوب لوالدتي اتمنى تعجبكم
بسسسسسسسسسسس
لاتبجون


مثل ام البزازين اصبحت تايه يايمه انا بلياج وغريب الدار

كل همي العيشه اصبحت ابات بهمومي انا والوكت يايمه غدار

ضيم والم اتجرعت ورضيت بالمر بس بفراكج انه يايمه محتار

اشلون اكابر وانسى حضن الربينه بيه انه واخوتي من جنه اصغار

شلون انسى وجه مثل البدر يشع طيب ومحبه ويحفظ الاسرار

اتمنى طيفج يايمه يمر بالمنام بهده واشوفج حتى لوشوفة الخطار

مااشكي همي يايمه انه بالغربه الا الج ولرب العالمين الواحد القهار

ربي يحفظج يايمه الي وتعودين الي امي الحبيبه وشمعة الدار

بقلمي
مظلومه سوادي 

37

دردشة منتدى الهجرة واللاجئين / حاير ياوطن بيك

« في: 22:25 28/10/2009  »

هلن دموعي على وطني    الخذلني

خلاني متشرد وارذل الناس  تامرني

بين الغرب والشمات عافني حاير  وذلني

استجد بهذا وذاك وهو الموت طاريه

بقلمي
مظلومه سوادي

38

دردشة منتدى الهجرة واللاجئين / هل تشرق الشمس من جديد

« في: 08:19 14/10/2009  »

 

الن تشرق الشمس يابغداد عليك من جديد

الن يدخل الاشتياق الذي عنوانه عطر الى مملكة حزني
ليزين حزني العتيق بالطيب

الن تورق اشجار الورد بلون دماء احبتك الثقيل

الن تصمت الافواه الملغومة بالحقد عن حقك بالعشق

هل ستشرق الشمس من جديد

هل ساحتضن احلام الطفوله مرة اخرى

ليورق في نفسي املا جميلا  خلته سراب

لسنين طويله غلفتها كلمات العتاب

والف لوحة نطقت ياسا لفراق الاحباب

هل ساراك مثلما كنت اتخيلك اميرة

ام انه كتب عليك العذاب

متى اللقاء يااميرة الشرق

هل سالقاك وانا اركض اليك املا

ام بلا روح محمولة على الاكتاف للتراب


بقلمي
 مظلومه سوادي 

39

دردشة منتدى الهجرة واللاجئين / دارمي دمار

« في: 08:02 14/10/2009  »

ونيت ونة حزن
بس سمعوا الشمات

كالوا اكيد الولف
 لو سافر  لومات

اكتمت صرخة الم وتجرعت ذل وندم
مادروا هذا الولف يدعبلي بحجايات

جنهه سجينه بخاصرتي
 تحفر واضم و نات

تاليهه وي حظي انه
هم وليف غدر هم فرح  الشمات

بقلمي مظلومه سوادي

40

دردشة منتدى الهجرة واللاجئين / اختفاء الاعضاء وسلام لادارة واعضاء عنكاوا

« في: 04:56 08/10/2009  »

اعزائي اعضاء منتدى عين كاوا

اكو اعضاء اثنين عزيزين ومختفين عن المنتدى صارلهم هوايه

العم ابو الحسن مع العلم دزيتله عالخاص ومديجاوب

الاخت سوسن كليانه صارلهه اسبوعين مختفيه

شنو القصه
ارجو من اللي يعرف عنهم شي يبلغنه حتى نطمئن عليهم
 

41

دردشة منتدى الهجرة واللاجئين / سعودي مضيع مرته

« في: 07:26 29/09/2009  »

اكوسعودي رايح شهر عسل للندن وباحد المولات ضاعت مرته مايدري وينهه
المهم ضل يمشي ويتلفت جان يشوف واحد لبناني بيعئد 

السعودي- حضرتك عربي

اللبناني- اه انا من لبنان

السعودي - هلا وغلا شدتسوي هني

اللبناني- انا ضيعت مرتي هون وبدي ادور عليهه

السعودي انه هم مضيع المره وجاي ادور عليهه
مرتك شلابسه حتى اذا شفتهه ادليهه عليك

اللبناني- بروتيل احمر وشورت ابيض وبوط ابيض وشعرها اسود طويل وهي بيده كتير
ومرتك شولابسه

السعودي - معليك من مرتي خلينه ندور على مرتك 
 

42

دردشة منتدى الهجرة واللاجئين / عراقي بيه دود

« في: 18:27 09/09/2009  »

اكو مره واحد عراقي مسكين عنده دود ببطنه
جرب كول الادويه مانفعت
اخير شي راح لاشهر دكتور بامراض المعده
الدكتور جرب كل انواع الادويه عليه وهمينه مافاد 

اخر شي كال احسن شي لاتاكل اس شي غير البسكت ولاتشرب اي شي غير الحليب
المريض سمع كلامه واستمر عدة ايام بسسسسسس بدون فايده
اخر شي الدكتور كال اكطع البسكت واشرب بس حليب
المريض سمع كلامه وصار ماصوله من الضعف
وبس يشرب حليب بالبطل
وفد يوم من الايام
 

وهو ديشرب من البطل
طلعتله دوده صغيره بحلك البطل جان تكول

عمو عمو بابا وماما وكووووووووووول العثيره يدولون وين البثكت 

43

دردشة منتدى الهجرة واللاجئين / شارك بمقطع مضحك من اليوتيوب واستمتع بمقاطع الاخرين

« في: 00:44 16/08/2009  »

اعزائي
هذا الموضوع الهدف منه نعرف شنو هو اكثر مقطع ضحكك من مسرحيه او فيلم
وبنفس الوقت نستمتع باكثر المقاطع المظحكه 

http://www.youtube.com/watch?v=WF4NsR9YWXQ&feature=related

44

الهجرة و واللاجئين / همتكم ويه خويتكم اريد اطلع اهلي من بغداد لجوء

« في: 09:58 25/06/2009  »

اعزائي اعضاء المنتدى الكرام
اهلي يعيشون ببغداد اريد اطلعهم من بغداد لجوء بس مايكدرون يرحون لعمان اوسوريا
وهمه مامشتغلين ويه الامريكان
اكو طريقه يقدمون بيها عاللجوء من بغداد وشلون
وشكرا مقدما لكل اللي راح يساعدني اني واهلي

خويتكم مظلومه سوادي فلك

45

دردشة منتدى الهجرة واللاجئين / دارمي والسبع يرد عليه

« في: 13:30 22/03/2009  »

الاخوه الاعضاء
هذا الدارمي مطروح للرد همتكم ويه خيتكم مظلومه

من كالك انه اعوفك
يجذب يستحق كفخه على الراس

من كالك انه احبك
يستاهل حضن ومن الشفه ينباس

من هويتك ماحسبت
حجي الناس

حسبت بس روحي تريدك
ياكل العمر ياشوكي والاحساس

انت دمي السره بشراييني
يانبضه وكيحه صاحت حيل احبك
يااعز الناس

ليش ماترد ليه حبيب وولف
لوهيه ناس وناس

بس كادر تحب غيري
واني    اوووووووووف مني
ابد ماجوزن ابقى احبك واطك الكاس بالكاس
مال البيبسي كولا

اختكم مظلومه سوادي

46

الهجرة و واللاجئين / الى الاخوه اللاجئين في استراليا يبوووووووووووه

« في: 11:10 20/03/2009  »

الى الاخوه الاعضاء تحيه طيبه
قبلنص ساعه خابرت اهلي ببغداد وكلولي موخوش خبر
جنت دااسال عن ابن عمي المكرود مصفط واللي عنده 6 جهال واللي هددوه بالقتل واللي شال جوالاته وهج لعمان واللي ماصبر لان رادت فلوسه تخلص فشاف احسن حل يطلع لاستراليا واخذهم المهربجي 6 نفرات لتايلاند ومناك وداهم لاستراليا والمكرود كيف لان عباله وصل لبر الامان وبما انه جاي تهريب فخله محامي بس المحامي بشره كله
الامور كلهه تمام وكل شي بصالحك مستر مصفط الى ان رفرف غراب البين على استراليا
قبل عدة ايام زار اللي بالي بالكم استراليا وكالعاده ماكدر الاخبث عالمصخمين هناك
ومثل ماسوه بالسويد وطيح حظ العالم سوه باستراليا
والمحامي البارحه كايله اني سويت اللي عليه بس زيارة اللي بالي بالكم غيرت كل شي
هذا صاحبنه شوكت تعطل بيه الطياره حتى يبطل نزهاته والخباثه مالته
حسبي الله ونعم الوكيل
اختكم مظلومه سوادي

47

الهجرة و واللاجئين / الاخوه الاعضاء سؤال مهم ليش ماساوينا العالم

« في: 09:49 19/03/2009  »

الاخوه اعضاء المنتدى الغالي
موضوعي اليوم كتبته ودمي ديغلي لان صارت عدة اشياء بهاليومين استفزتني وخلتني اكتب موضوعي
اول شي راح اسالكم سؤال ليش احنه ماساوينا العالم اسمنا بالحصاد والمنجل مكسور بلدنا ينقتلون بيه الناس ودمرتنا الحروب والمنظمات الانسانيه موبحالنا
وصلني خبر اكيد اليوم جانوا مجموعة عراقيين وفلسطينيين هنا بماليزيا مخططين حتى يسوون مظاهره يطالبون بيها الامم المتحده النايمه انو شويه تصحى وتحرك الفايلات اللي محطوطه قرب سلة المهملات
وبعد ماكملوا الموافقات والاجراءات انسحبوا العراقيين باخر لحظه بحجة الخوف من التسفير مع العلم تم الاستحصال على كل الاوراق اللي تؤيد خروجهم بمظاهره بس الفلسطينيين طلعوا 400 شخص رياجيل وجهال ونسوان وانتدبوا رجل كبير طالب المنظمه بمطاليب ووقعت المنظمه على ورقه بيها اعلان انو الشهر القادم يااما يصدرون هويات تسمح بالعمل للاجيء بدون ملاحقه او صرف راتب شهري لكل عائله بمقدار 200 دولار وطبعا هذا الشي فقط للفلسطينيين اللي سعوا بهذا الموضوع واحنه العراقيين الحمد لله والشكر خارج قوس والشي الثاني مقتل صديق الاخ صفاء غدرا في بغداد وهو اصلا مقدم على iom بغداد وتاخرا معاملته وراح بيها المسكين كله بسبب المنظمه اللي ماخذه قيلوله والعالم دتموت ومحد بحالها والشي الثالث انو اكو صحفي عراقي شريف طالب الحكومه العراقيه بتسهيل عودة العراقيين اللي يريدون يرجعون للوطن من ماليزيا بدون دفع نفقات السفر لكن اكو واحد اسمه نصير كان اله راي اخر كال يعني تسهيل رجوع البعثيين اللي كانوا يتنزهون بدول العالم وهو مايعرف الناس شلون عايشه بماليزيا لو بدول الجوار ارجو انو مااكون طولت عليكم واتمنى من كل اللي يكدر يطلع اخوانه العراقيين من هالمحنه يسوي اللي يكدر عليه مويخبث عالناس وهو كل شي مايعرف
سامحوني اذا طولت عليكم
اختكم مظلومه سوادي

48

دردشة منتدى الهجرة واللاجئين / ماعنده قلب

« في: 01:00 18/03/2009  »

الى ابن بغداد الحبيبه
اغيب شويه الاكيك كالب الدنيا رومانسيه بس تره موبس وحدك رومانسي  
 مارحت ماجيت مارديت عالمحمول                   وش ذكرك بيه
يوم تغيب يوم تسال يوم تدك مسكول               وش جابك عليه
هم تعتب وتحجي منو المسؤول                     تالي وياك تره حبك ذبني بهبيه
هم غلطان وتجي ندمان شتكول                     يمعود تره اني الكبد مالك ماتكول خطيه
تفرح      افرح وياك
تحزن    اتظلم الدنيه
ياربي شنهالقساوه من الولف
احب ويخون      وهوايته الطعن بيه

اختكم مظلومه سوادي

49

الهجرة و واللاجئين / لكل من يريد اللجوء عن طريق غير شرعي احذر

« في: 08:34 11/03/2009  »

الاخوان اعضاء المنتدى تحيه طيبه
اعزائي اليوم راح احجيلكم قصة واقعيه وموءلمه ابطالها عائله مكونه من 5 افراد اب وام شباب واطفالهم 3 سنوات 7 سنوات 9 سنوات
هاي العائله اجوي لماليزيا سنة 2006 جاوؤا من سوريا بعد ان قدموا على اللجوء وبالمراحل الاولى وبسبب عمل الاب تهددوا بالتسفير لذلك اجوي لماليزيا وقدموا لجوء لان اخو وابو رب العائله انخطفوا وانقتلوا بالعراق تصوروا تم رفضه لان ماجايب اثباتات المهم احنه كلنا نعرف قصته حقيقيه لان عدنا صداقه قديمه ويه هاي العائله والرجال يئس وتعرف على احد المهربين اللي يكعدون بكافيتريا ستار بكس ببوكت بنتانك شارع العرب
كانت الخطه انو المهرب يوصلهم الى اليمن ومن اليمن يجيبلهم جوازات اجنبيه ويطلعون للسويد ترانزيت تركيا لان بتركيا كانت اكو جماعه تهرب العراقيين على احسن مايرام ودون مشاكل يعني اذا الجواز مضروب يمشي وتمت الخطه حسب الاصول والمفاجاءه انو الرجال من جان باليمن وطيارته بعد ساعه وماعنده بعد فلوس وشل تم القاء القبض على المهربين الي بمطار تركيا شوفوا الحظ والطياره لاسباب امنيه صارت ترانزيت المانيا
وياعيني عالالمان اول ماشافوهم ابتسموا ابتسامه عريضه وحجزوهم بالمطار واضطروا لتقديم اللجوء بالمانيا
لكن بعد 6 شهور انرفضت قضيتهم وكالولهم ابقوا بالمانيا لحين تحسن اوضاع البلد وبعدها نرجعكم وماالكم حق بالجنسيه فقط اقامه مؤقته وهذا الحجي ماصرفلهم وارتكبوا نفس الغلطه وطلعت
العائله تهريب الى هولندا بس الالمان لزموهم وهمه الان محجوزين بسجن بالمانيا لحين البت في امرهم بس الشهاده لله المره ام الجهال كالتلي قبل يومين انو لان احنه عدنا جهال فسجنونا ببيت بس البيت معزول يعني حواليه مساحه جبيره فارغه ومانعرف شراح يسوون بينا
فيااخوان الاحظ هوايه ناس تسال وتحجي بالمنتدى عن هاي الطرق مال اللجوء واللي يريد يطلع من امريكا ويقدم لغير دوله شنو هاي اشو صارت الشغله مثل الهوايه بس تره هاي هوايه خطره فرجاء فكروا ولاتصيرون مثل هاي العائله المسكينه وارجوكم تدعون لهم بالموفقيه لان ناس طيبين ومااذوا احد والله
اختكم مظلومه سوادي
 

50

الهجرة و واللاجئين / اللي بماليزيا مقدم لجوء يدخل بسررررررررررعه عااجل

« في: 01:15 10/03/2009  »

الاخوان العزاء تحيه طيبه
قبل عدة ايام في ماليزيا تم القاء القبض من قبل الشرطه الماليزيه على 5 شباب فلسطينيين بحجة عملهم بدون اقامة عمل فقط يحملون هويات الامم المتحده ام السنتين وتم ايداعهم في احد السجون الماليزيه لحين البت في امرهم
اخواني اليوم الثلاثاء قررت مجموعه من الشباب والعوائل الفلسطينيه والعراقيه التوجه الى مبنى الامم المتحده الكائن في جالان بوكت بيتالنك بمظاهره سلميه والمطالبه ب
اولا  اطلاق سراح الشباب
ثانيا اصدار هويات تتيح للاجيء العمل في ماليزيا
ثالثا توفير مخصصات شهريه لكل عائله من العوائل اللاجئه
رابعا الاسراع في عملية ايجاد دوله بديله للاجيء يستطيع فيها بديء حياة جديده
هذا كل شيء
اختكم مظلومه سوادي واخوكم ابو الحسن وكل الاخوه في ماليزيا محتاجين دعائكم حتى الموضوع يجيب نتيجه وراح احاول اروح لان ابو دواس ميقبل بس راح احاول اخذ دواس والولد   فوت بيها وعالزلم خليها
اختكم مظلومه سوادي

51

الهجرة و واللاجئين / لنعمل لفائدتنا قبل السفر بدلا من الشعور بالندم لاحقا

« في: 11:35 08/03/2009  »

اخواني اعضاء المنتدى الافاضل تحيه طيبه
منذ دخولي للمنتدى رايت مواضيع عديده جميله ومفيده فارجو ان يكون موضوعي الذي ساطرحه بنفس الفائده
عزيزي اللاجيء هل فكرت اذا وصلت بالسلامه لامريكا شراح تشتغل
الاحظ دائما الاخوه اللي يسافرون يكلون دندور على شغل نحاول باختصاصنا بس احب اكول امريكا ماتشغل بشهادات العراق الا ماندر وطبعا ان شاء الله كل واحد يلاكي شغل باختصاصه بس اذا مالكينه نبقى نعتمد على مساعدات المنظمه مال ال3 اشهر لو نبقى عند الكفيل المسكين 
اعزائي من خلال اتصالاتي مع صديقتي اللي بامريكا وسوءالها عن الاعمال المتوفره للجنسين كالت بامريكا الناس محتاجه اكثر شي للاعمال اليدويه يعني حلاقه خياطه فني تبريد فني كهرباء نقاشين طباخين خبازين الى اخره من العمال
اقترح عليكم يااخوان ويااخوات انو بدل اضاعة الوقت بالانتظار الممل في سوريا ومصر والاردن والى اخره من دول الجوار انو تدخلون دوره بالاعمال المذكوره اعلاه واذا ماتوفرت فلوس الدوره تشتغلون ببلاش كم شهر لكسب الخبره وتعلم المهنه لان بهال 9 سنوات بالغربه ثبتلي انو الشهاده ماتكفي لازم الواحد يكسب مهنه تفيده واتمنى تتعلمون لغه انكليزيه واعتقد هناك الف طريقه لتعلمها ولاتصيرون مثل اخونا بالله خلف
قبل كم يوم جنا معزومين على عرس وحده عراقيه دتتزوج عراقي عايش باستراليا ولانه البنيه جبيره بالعمر وماكو عريس على كدهه زوجوهه لخلف اللاجيء العراقي باستراليا اللي صارله 11 سنه هناك لاشغل ولاعمل عايش عالمساعدات ومن سالناه عالشغل كال يوميه الحكومه دازين عليه وملاكيلي شغل بس انه مااقبل ومن سالناه ليش كال الشغل اللي يلاكوه مو من مستوايه واضاف السيد خلف قائلا
بويه انت ماعليك بالحكومه ئيكعد ويكيل اكعد واكل وهو حالته الماديه موكلش واعتقد استراليا دتعظ اصابع الندم من وره خلف 
مع تحيات اختكم مظلومه سوادي

52

الهجرة و واللاجئين / لماذ يطرد العراقي اللاجيء وغير اللاجيء من الدول الاوربيه وغيرها

« في: 10:55 10/02/2009  »

هذا الموضوع للرد على الاخوه والاخوات القلقين من عمليات الارجاع القسري للاجيء العراقي واحب ابشركم انو ماكو هيجي شي واذا صار فلانه اللاجيء لومسوي مكسوره لوجهاله مسوين مكسوره لومتورط بمكسوره هو موكدهه وهذا عن تجربه شخصيه لان الدول الي تقبل لجوء ماتتوقع اللاجيء راح يكدر يعيش ببلده من جديد لان تعود على اللغه والعمل هناك وحتى الجو والدول الي تقبل باللجوء كلها بارده وعدها مساحات هائله وتريد نمو سكاني تعجز عن تحقيقه بابناء البلد لذلك تفتح ابواب اللجوء لابناء البلدان الاخرى لتحقيق غرضها واللي صار مع خالي صبحي خير شاهد وخير دليل على ذلك
خالي صبحي عنده 3 ولد مجاليب يعني تبتلي على عمرك تعزمه هو وولده اول مايطبون للبيت يتوجهون للحديقه ويبدون يكطعون الورد ويدوسون عليه والاشجار يملخوها ويبدا التصفيق والخباثه عبالك دينتقمون منك وبعشر دقايق من التكمز والصياح والجلابه تتحول الحديقه الى خرابه ومن تكوللهم موحرام عليكم الي دتسووه خالي صبحي يزعل ويكلب وجهه ويكول ليش تكرهوني اني وولدي الاليفين موديلعبون
خالي صبحي بالثمانينات دزته الحكومه الى المانيا في بعثة عمل لمدة 4 سنوات وطبعا اخذ مرته واولاده الحلوين ورجع بعد اربعة اشهر وكال المانيا تلعب النفس والناس موزينه الى اخره وبعد ماطلع تقاعد فتح مكتب استيراد وتصدير واشتغلت اني وياه سكرتيره وبعد كم يوم كالي تعالي نظمي هاي الاوراق ومن ضمن الاوراق الي لكيتها ضرف جبير كال ذبيه بالزبل بس اني ماذبيته وعرفت انو مكتوب بالالماني واخذته لصديقتي تينا المانية الام مصلاوية الاب خربت من الضحك وكالت هذي كلها شكاوي خطيه من الجيرا ن من اربع مناطق سكن بيها خالج باربع اشهر بالمانيا وكالت كلها تقارير للشرطه ازعاج بنص الليل تخريب الحدائق العامه الاعتداء على المعلمات بالضرب والسب في المدرسه لذلك قرروا طرده هو وعائلته من المانيا وحطوا اسمائهم ونهوا عقده مع الحكومه وطالبوا الحكومه العراقيه ايدزولهم واحد ثاني يكون اولاده اخف شرا
يعني خالي الورد انطرد من جلابة جهاله وماكو دخان بدون نار
ارجو الرد على موضوعي هذا الواقعي 100 بالمئه مع التقدير
اختكم مظلومه سوادي

53

الهجرة و واللاجئين / هموم العربه

« في: 21:09 09/02/2009  »

ياناس تعرفون انو اني من الناس اللي صارلهه 8 سنوات طالبه لجوء بالاردن وانرفضت وبماليزيا والاخت الاوفيسر بعد مااستلمنا الهويه ب 14 شهر جايه تكول ماكو امل باللجوء من ماليزيا مع التعميم لكل العراقيين على حد قولها المصيبه مو هنا المصيبه انو اني عندي معلومات عن كل الدول بالنسبه للاجئين وهذا كلفني وقت وجهد سنين طويله بس بعد مارجعت منها اكتشفت اكتشاف فضييييييع
8 سنوات ضاعت من عمري هدر وماراح تتعوض لان العمر ديمشي مايرجع الزمن وكل يوم يمر نقترب اكثر من الموت زين اني اذا متت باجر وسالني رب العالمين شسويتي بحياتج شاكله
24 ساعه سعي واتصالات واسئله واستفسارات وكتابنا وكتابكم علمود انقبل لجوء وياريت انقبلت شو بس بهذله وضيم ومااحجيلكم عن الايام والساعات الطويله والروحات والجيات والتصديقات والنصب والاحتيال الي تعرضناله بالاردن حتى ننقبل لجوء والفلوس الحلوه الراحت وتاليهه من طلعت من الاردن انفتح اللجوء عالعراقيين بالاردن ومن وصلت لماليزيا انسد على العراقيين يبووووووووووووه شكد فكر
والمضحك المبكي من جنت داانتظر بالباب مال الفرج يعني باب الامم المتحده شفت تاكسي نزل رجال عمره 80 سنه هدومه مشككه وكاتله الهبري ويمكن بيه انيميا حاده يستند على عكازة مرته اللي بكد عمره تقريبا وحتى ماتشوف زين واتخيلت اني ورجلي راح نصير بعمرهم وهم عدنا امل باللجوء ادري هذوله شباقي بيهم ديروحون لاجئين  :والله عجيبه