مواضيع

1

الهجرة و واللاجئين / اين مديرة الصندوق الدولي كوكي العزيزة

« في: 20:29 21/01/2013  »

اختنا العزيزة كوكي اخواني الاعزاء وين صار راتب المساعده هل اسلتم احد من جماعة 20 الشهر لان انا من جماعة اخر الشهر فارجوكم الرد السريع ولكم جزيل الشكر

2

الهجرة و واللاجئين / مساعدات اليو ان (الراتب) في عمان الى اين مصير

« في: 21:28 03/12/2012  »

اخواني الاعزاء منه عنده معلومات عن مساعدة اليو ان لان الظاهر احنا مطولين هنا بعمان شلون ما اشوف مالها حل والشغله عاويه ومطوله المهم كل سنة عادة يتصلون بينا بالشهر 11 او بشهر 12 علمود يجددون البطاقة النا شو هالسنة لاخبر لاجفية لاحامض حلو كلشي ماكو الظاهر راح يغلسون علينا وشلون هو الوضع بعمان الغلا والاوضاع جاي تزيد صعوبه والله المستعان والشكوى لله فقط ولكن حبيت اسال من عنده اي معلومه عن الموضوع ولكم جزيل الشكر

3

دردشة منتدى الهجرة واللاجئين / كوكي اغاتي وين الخشنات شو ماكو

« في: 13:32 24/06/2012  »

الاخت العزيزة كوكي مديرة مدراء بنوك المفوضية السامية

وين الخشنات شو لاخبر لاجفيه لاحامض حلو  واخبارك كلش مقطوعه عسى المانع خير عمي شغلي اتصالاتج وبحوشي بالموضوع بشرينا ترى كلش يابسه الشغله

4

الهجرة و واللاجئين / موقع المعلومات لايفتح من لديه معلومات يسا

« في: 17:14 09/04/2012  »

اخواني الاعزاء موقع الهجرة للمعلومات لايفتح ولا اعرف مالسبب رغم اني اكتب رقم الملف بشكل صحيح وكذلك الباسورد ولما حاولت ان استعيد الباسورد لايسمح  لي وتخرج لي هذه الكتابه We were unable to access your information. Please try again. وكلما حاولت خرجت لي هذه الكتابه باللون الاحمر فما الحل ارجو من لديه معلومات ان يساعدني

5

الهجرة و واللاجئين / جمال ولاية يوتا

« في: 11:54 09/02/2012  »

هذه بعض المناطق في ولاية يوتا وتسمى park city وهي من روائع جمال الدنيا واللي انا كفيلي بيها وباذن الله الله يسهل لنا السفر القريب

http://www.youtube.com/watch?v=0cSQoMRWgAM

http://www.youtube.com/watch?v=t90rbOqy-Lw&feature=related

http://www.youtube.com/watch?v=F1GxMF8OKt4&feature=related

http://www.youtube.com/watch?v=BE9fsLiGQ74&feature=related

6

الهجرة و واللاجئين / شنو الفلم انضربنا بوري لو شنو القصه (بنك القاهرة عمان ) رساله جديدة تماما

« في: 12:32 25/01/2012  »

اخواني الاعزاء هسه اجتني رساله جديدة او بالاحرى فلم جديد احنا كل يوم فلم والله العظيم طقت ارواحنا هي عايزه الحمدلله على كل حال
المهم
الرسالة تقول الاتي " لقد تم تغيير الرقم السري لبطاقات الصراف الالي الجديدة الرجاء عدم استخدام البطاقة مطلقا حتى لايتم سحبها من ا لصراف حتى اشعار اخر "

شنو يعني حتى اشعار اخر بوري هذا الشهر شو اكو جماعه يقولون استلمنا هنا بالموقع هسه هذا الفلم الجديد شنو
يارب تفرجها يارب  يارب والله تعبنا وملينا
الحمدلله على كل حال

7

الهجرة و واللاجئين / طريقة التسجيل في موقع IOM الجديد (WEBSITE) لجماعة عما

« في: 16:07 22/11/2011  »

اخوان انا اول شي سجلت فكان يطلبون الكيس نمبر فكنت اضع الارقام فقط وتبين ان هذا الشي غلط لازم تضع رمز الاردن اللي هو JO  فيكون مثلا هكذا
JO-122XXX  ومن ثم تنتظر التفعيل وبنفس اليوم يجيك كود التفعيل   ولاتنسون كلمة السر تكون معقدة شوي   وهسه فتح عندي الموقع وصار ينطيني المعلومات وبدقة لكن مع الاسف انها ماتبشر بخير بس هذا هو ملفك وتتحمل شبيه مابيه  والله كريم وان شاء الله تفرج على الجميع

طبعا هذا هو الموقع https://www.jordan.iom.int/refinfo/

8

الهجرة و واللاجئين / اتصلوا علي الهجرة علمود الجواز بعد ان بعثت &#

« في: 12:10 18/10/2011  »

اخواني الاعزاء

انا بعثت ايميل للهجرة وبلغتهم اني ناوي اطلع جواز جديد من نوع اي فهل هذا راح يؤثر على معاملتي علما انه انا عندي جواز اس وهل سوف تتاخر معاملتي فاتصلوا علي قبل قليل وابلغتني الموظفه انه انت ماتستطيع تسافر بالجواز اس لانه منتهي وغير مجدد فلازم تطلع الجواز اي بس اذا طلعته راح تنعاد عليك التشيكات الامنية مرة اخرى وقالت في حال انك ماتريد تطلع الجواز الجديد وتبقى على الجواز القديم فان الام المتحده UN راح يطلعون الك وثيقة اسمها الترفل ديكومنت وانا (اي الموظفه ) قالت ماعندي معلومات فاسال المفوضية عن الشغلة فانا اولا قلت اسالكم لان المفوضية تشلع القلب يالله ترد وانا  اعرف انه في ناس سافرت بجوازاتها القديمه بس حبيت اعرف شلون الطريقة ومنه عنده معلومات وافيه وعن تجربه ارجوه ان يفهمني الشغله ولكم مني جزيل الشكر والامتنان وللعلم انا صرفت نهائيا النظر عن اخراج الجواز الجديد هي وينها الامنية والدور يروحون يعيدونها علينا خل توصل القديمه عود والله كريم بس من باب الاستفسار والعلم بالشئ ويكون هذا الامر مرجع لكل واحد مثل شغلتي 

9

الهجرة و واللاجئين / مامعنى الاتصال بالكفيل

« في: 11:02 10/10/2011  »

كيف حالكم اخواني الاعزاء

طبعا تم نقل بعض المواضيع اللي بيها الاتصال  على الكفيل واحنا هنا كنا نتامل انه يتصلون على كفيلنا وربك يمشي معاملاتنا بسرعه ونسافر باقرب وقت بس انا عندي سؤال للجميع وكل من يعرف بهذا الموضوع ارجو انه يجاوبنا ويفهمنا ماذا يعني الاتصال بالكفيل هل المعاملة منتهية وفي مراحلها الاخيرة وهل السفر اصبح قريبا وبالنسبة للي مثلي انا قيد دراسه مثل ماتعرفون يعني شنو لو اتصلوا على كفيلي هل يعني انه تمت الموافقه علينا وين صارت الموافقة الامنية والف شكر  مسبقا لكل من يجاوب 

10

الهجرة و واللاجئين / موعد سفر جديد بشارة

« في: 11:09 03/08/2011  »

اخواني الاعزاء  هسه خابرني صاحبي وقال انه انطوه  موعد سفر يوم 21-8 باذن الله ويوم السفر الكم جميعا بس حبيت ابشركم وتبقى روح التفائل شوية لان هبطت على الاخير

11

الهجرة و واللاجئين / اجلوني من السبت الى يوم ....

« في: 14:57 22/06/2011  »

عذرا اخوان بس حبيت اكتب اللي صار وياي واعرف انه موضوع محبط ويخبط البطن شقول على حالي بس الله المستعان اخوان اجلوني الى الاثنين وما اعرف شنو معنى هذا الكلام بس اكيد مو خير  سبحان الله اناطحت بالسويده ملعونة الوالدين والله من شفتها ماستبشرت خير بس كنت احاول اتفائل بس هسه خلصت روحي مابيه بعد لا انتظار وحرقة اعصاب كافي كم هاليوم مرا علي بالضيم  ما اعرف شقول بس اللي عنده معلومه هيه هاي اخر جيله خلص راح اهئ نفسي للاستقرار هنا لان ماعندي حيله اخرى ولا عندي اي طريق اخر سوى البقاء هنا بس اقول ضاع المستقبل اللي كنا نتمناه لاولادنا والله هنا لو نبقى مية سنة مايصير بينا خير هو الفقر فقر وين ماكان

12

الهجرة و واللاجئين / جماعة انتظار النتائج 25-6 بايكين طن هوى وينكم شو ....

« في: 11:27 21/06/2011  »

الله يساعدهم هاي وينكم شكو صارت صنطه ههههههههههههههههههه وصلت منيتي يابن ظاهر  ههههههههههههه والله اخوان هي خربانه شبيدنا سكتوا حجيتوا مابيدنا شي سوى انتظار رحمة الله  لو بيها فهلوة لو ملاعيب لو رشاوي لو واسطات كان كلشي سوينا بس هاي اللي يسمونها قلة الحيلة حسبي الله ونعم الوكيل الصبر مابقى سوى يومين ويين الهلال بس قولوا يالله وانه ان شاء الله مايتصلون علينا هاليومين ورحمة على اهله اللي يتصلون عليه لايبلغنا هسه بعد السبت اللي عنده حجاية خل يحجيها بس اذا فحص طبي او موافقة امنية لاباس يعني الاخبار التفائلية وغيرها نووووووووووووووو ثم نوووووووووووووووو

13

الهجرة و واللاجئين / السفر خير من الله في الشهر السادس تفائلوا شبيكم محبطين

« في: 10:49 19/06/2011  »

قرأت الكثير من المواضيع والاخوة يقولون انه الشهر السادس مجرد كلام ومافي سفر واحلام وانه كلام غير حقيقي ومن هيج مواضيع واراء سوداويه ومظلمة على العكس اخوان تماما الوضع كلش زين والسفر ماشي وباحسن مايكون ومن بداية الشهر لهسه انا حسبت تقريبا كل يومين في طيارة خصوصا من عمان وهم باقي الدول من لبنان وبغداد وحتى سوريا بس مصر حقيقة ماسمعنا منهم شي المهم اخوان يعني بالعقل لما يقولون في طيارة يوم 12 من هذا الشهر يعني مو مطلعين بيها شخص واحد فقط اكيد اكثر بس اللي نعرفه احنا من صديق او قرابه نحجيه والباقي يجوز ناس ماتعرف عينكاوا او صنتاويه خايفه  من الحسد ومن غير امور عموما انه فيه سفر اخوان وتفائلوا بالخير تجدوه وعلي امون الورده كل ساع رايح للمطار وشايف كمشه رايحه بس عمي الناس ماتحجي يعني شلون غصب نخليها تحجي فلا احد اخوان يكذب الخبر او يشكك انه في سفر  لا    في سفر بس يجوز مو حسب المتوقع او خلينا نكون صرحاء مو حسب مانتمنى بس ليس كل مايتمناه المرء يدركه والتوفيق من االله وان شاء الله السفر العاجل القريب للجميع وربكم كريم

14

الهجرة و واللاجئين / اخر الاخبار قابلت المحلفين و ....

« في: 18:29 31/05/2011  »

اخواني اخواتي الاعزاء اليوم قابلت المحلفين وكان الامر طبيعي اسئلة ثم اسئلة وبعدين هم اسئلة  عن القضية وحالك واحوالك ومن هاي الامور واهم شي اخوان ان الواحد يجيب على الاسئلة بصدق ونفس اللي كان حاجيه قبل يعيده و ماينقص شي هاي هيه زبدة المقابلة وكان في ناس بس مو هوايه تقريبا سبع ثمن عوائل وثلاث  او اربع عزابية بينهم بنت وحده ونساء اثنين كبيرات بالسن

والموعد يوم 25-6 والباقي يم الله وربك كريم يسهلها علينا وتجينا الموافقة هسه بقى علينا هم اانتظاار الموافقة وننظم الى ركب انتظار الامنية والله يسهلها سريعا ان  شاء الله
اخوان في واحد من الاصدقاء خابروه يسوي فحص يوم الاحد اللي فات واليوم خابروه على الامنية والحمدلله وصلت بخير وسلامه وان شاء توصل الامنية للجميع ويفرجها ربكم ما النا غير رب العالمين والحمدلله

طبعا من عمان للي راح يسال

15

الهجرة و واللاجئين / اخوان بعد اربع سنوات انتظار اخييييييييييييييرا المحلفين

« في: 13:30 19/05/2011  »

كللييييييييييييييييييييييييشششششششششششش  والف كللييييشششششششششششش

هسه خابروني الهجرة وانطوني موعد يوم 31-5  بس الموظف قال يكون يوم الاثنين والحقيقة انه يوم الثلاثاء وهسه راسلتهم وطلبت تاكيد الموعد لايشخبطونه علي ويغلسون على الموعد بس اذا ماردوا علي راح اروح يوم الاثنين ويوم الثلاثاء صدقوني اروح ابات يم علي امون انا والعائلة مو جيران الجماعه راح ابقى يمه لمن يقابلوني هههههههههههههه  والله اخوان مو مصدق بعد اربع سنوات اخيرا وصلنا للمرحلة الاخيرة  وهسه الواحد يرتاح من مصيبة المقابلات وتبقى يم الله الموافقة  وربك ييسرها ولاتبخلون علي بالنصائح الطيبة 

حبيبي علاوي اشكرك على تواصلك ويمكن هاي الشغلة من يمك الله يوفق الجميع والكل يقابل وتجي الموافقة للجميع باذن الحي القيوم مالك الملك الذي بيده تصريف الامور

16

الهجرة و واللاجئين / مقابلة اعادة توطين جديدة بعد سنتين من ؟؟؟؟!!!!!!!!!!!!

« في: 21:47 09/08/2010  »

اليوم قابلت في المفوضية في عمان  لاعادة التوطين وانا كنت قد اقبلت في قسم التوطين قبل سنتين وهسه عادوا علي المقابلة والاسئلة مرة اخرى وتاكيد على المعلومات اللي انطيتهم من قبل وهاي هيه وهم قالت لي الاجنبية اصبر فد شهرين واتصل بينا اذا تاخرت معاملتك      اكو واحد صايره وياها هيج شغله واعادوا مقابلته في التوطين بعد مقابلة  التوطين الاولي وشنو معناها اذا عندكم معرفه بهيج شغلة

17

الهجرة و واللاجئين / جماعة التوطين شنو السالفة

« في: 12:13 06/02/2010  »

اخوان شو سوها سكته ويانا لحد الان ما حولونا على الهجرة وما ادري شنو السالفة يعني اكو احد عنده خبر لو هيج ضعيف بس يبعث بينا الامل والله جاي يضيع العمر واحنا مامستفادين بس الله كريم والفرج يم الله

الصبر مفتاح الفرج  الصبر مفتاح الفرج   الصبر مفتاح الفرج

18

الهجرة و واللاجئين / اليوم اتصلت على اليو ان بالنسبة للمخمرين بالتوطين وانا احدهم

« في: 15:45 12/01/2010  »

كل عام والجميع بالف خير

اليوم اتصلت على اليو ان وسالت عن قضيتي وين صارت وانا مقابل بقسم التوطين من سنة 2008 وبالشهر السادس  فجاوبني الموظف وقال انت كان ملفك بقسم الحماية وانت قابلت قلت له صحيح قابلت بشهر السادس من 2009  ولهسه ماكو اي خبر ومافي احد يرد علينا قال ملفك تحرك وتوهم باخر شهر 12 يالله حولوا ملفك على التوطين مرة اخرى وهسه اكو تقدم بملفك وهم يخابروك  هذا خبري اليوم بس سؤال لمن عنده معرفة شكد تظنون انها راح تطول وهم يقولون انه هاي السنة راح يعجلون بالملفات يعني اقصد حتى يحولوني على الهجرة

وبالتوفيق للجميع

19

الهجرة و واللاجئين / بالنسبة لتوقف العمل بالجواز اس كيف اذا الواحد يريد يسافر الى بلد اللجوء؟؟؟؟؟؟؟

« في: 18:08 30/12/2009  »

السلام عليكم
وكل عام وانتم بالف خير ومن هذا الحال الى احسن الاحوال 
اخواني الاعزاء من لديه معلومات يفهمنا بالنسبة الي انا باقي على جواز اس لان مع احترامي الشديد الكم مايسوى اغير الجواز العراقي واخسر عليه لهذا انا باقي على القديم بس هذا هم راح يأثر علي اذا ردت اسافر الى بلد اللجوء بلدي الجديد ان شاء الله ولو طولوها علينا يعني هنا عمان وهذا بالنسبة الي وللاخوة بعمان شلون راح يتعاملون ويانا اذا ردنا نسافر وشراح تسويلنا الامم المتحدة لو اجباري نغير الى الجواز الجديد طبعا مجبورين اذا حكمت الظروف علينا نغيره وامرنا لله ولو مايسوى فمن كان عنده معلومات بهذا الخصوص فارجوكم الرد والكم مني جزيل الشكر والامتنان ومرة اخرى كل عام وانت بخير happy new year

20

الهجرة و واللاجئين / خبر جديد جديد عاجل عاجل عاجل عاجل ومفرح جداجدا

« في: 19:30 15/12/2009  »

السلام عليكم

الخبر :ازالة الغرامات عن العراقيين في عمان الاردن 

المصدر : جريدة الدستور يوم السبت صفحة سبعة

تقرر ازالة الغرامات عن العراقيين المتواجدين في الاردن كاملة وتم العمل به من اليوم ولكن بشرط ان يقوم المقدم على المكرمة بالتقديم على الداخلية واخذ فيزا ذهاب وعودة يعني تصويب وضع وبعدين الواحد يشد حيله على الاقامة ولو مؤقتا منا لما الله يفرجها علينا ونطلع مننا وهسه التقديم جاري على ساق وقدم والله يفرجها علينا جميعا وعلى ذمة جريدة الدستور حبيت افرحكم بهالخبر واشاركم بيه وتقبلوا مروري 

21

الهجرة و واللاجئين / خمسة فقط اللي علمت انهم مقبولين لجماعة 15\7 والباقي ؟؟؟؟؟

« في: 09:54 15/07/2009  »

صباح الخير والورد على الجميع
ان شاء الله الاخبار اليوم زينه اللي بغني اياه احد الاصدقاء اللي اليوم موعدهم انه خمسه اللي شافهم بس انطوهم القبول والباقي انطوهم تاجيل ولما سالوا الموظف قال الهم انه يحتاجون بعد تحقيقات امنية او ان المحلفة بعدها مو منطية قرارها وبشرهم بخير وقال لهم لاحرف الواحد توقعوا ان راح نتصل عليكم للفحوصات الطبيه وان شاء الله خير وبشارة خير للجميع والموفقية والقبول للجميع

22

الهجرة و واللاجئين / مع الاسف رفض جديد لجماعة 14\7 يالله صباح خير!!!!!!!

« في: 10:16 14/07/2009  »

السلام عليكم
هسه كلمت احد الاصدقاء وهو انطوه موعد يوم 11\7 بس اتصلوا عليه وقالوا له تاجلت الى يوم 14
\7 وراح اليوم خطيه سلموه الرفض وهسه هو كلش محتار وضايج وحاير بزمانه وهو صاحب عائله كبيره والله المستعان
عفوا انا والله ما اريد اضوجكم على الصبح بس انا حيل ضجت على صاحبنا هذا وقلت بلكي واحد يبشرنا اليوم انه في قبول ولو جزئي لان اخونا هذا يقول بس استلمت الرفض بعد كلشي مااشوف قبل رجعت للبيت وما ادري اذا اكو قبول لو لا  والله يفرج عن الجميع وييسر النا بلد الاستقرا ان كان امريكا او غيرها المهم نستقر

23

الهجرة و واللاجئين / بعد سنة كاملة من المعاناة اخيرا اتصلوا علي بس؟؟؟؟؟؟؟

« في: 13:15 24/06/2009  »

اذا تذكرون انه اني قلت الكم انه تم تحويل ملفي الى قسم التوطين بتاريخ 4\6\2008 وقبل يومين فقط يالله اتصلوا على قسم الحماية وقالوا نريد نتاكد من مصداقية اقوالك بعد ما اهملوا ملفي لمدة سنة كاملة بس الفضل لله اولا ثم اجتني الخدمة الاجتماعية للبيت زيارة علمود الاولاد فقلت لهم انه ملفي متاخر اكثر من سنة واعدتني الاجنبية اللي اجت معاهم انها تشوف الموضوع وصدق بعد اسبوع فقط من زيارتهم خابروني قسم الحماية وعدنا القصة من جديد وتاكدوا ان اقوالي متطابقة مع اقوالي بقسم التوطين والحمدلله وذبيت الميانه مع الموظفه شوي كانت حلوه وصار ضحك وشقى بيناتنا بس طبعا زوجتي مو وياي لانهم طلبوا مقابلتي لوحدي المهم ثاني يوم خابروني مرة ثانية وقالوا عندي موعد الاثنين الجاي 29\6 \2009 وطبعا ايضا اقول لكم شنو الصار وياي انا كنت احب اني اشارك اكثر بالمواضيع بس لانه انا بعدني مو متحول على دائرة الهجرة فجعبتي قليلة بالمعلومات بس طبعا عندي اتصالات دائمة باصدقائي اللي بامريكا ومن مواضيعكم الطيبة والمفيدة تكونت عندي صورة رائعة للوضع بمحاسنه ومساوئه وطبعا انا اعارض اي واحد يرفض الخروج من بلاد اللجوء الى بلاد التوطين اي الوطن البديل ياخوان نعم في مشاكل بامريكا وغيرها بس بلد ضخم مثل امريكا وما تريدون بيه مشاكل هاي مستحيله بس ليش ماننظر الى الجانب المشرق من الامر ونشوف شنو وضعنا هنا بالاردن او حتى سوريا او مصر يعني تتوقعون هنا احسن لا والله شفنا الذله والبهدله بهاي الدول وهناك اقل الفوائد هي انك راح تكون مواطن الك حقوقك وبلد قانون لا عشائر ولاواسطات ولا محسوبيه ولا طائفية يعني تعيش بكرامة واثنين تشتغل براحتك ماتخاف من متابعة الوافدين او يحقد عليك ابن البلد ويشتكي عليك بالمخابرات وتضيع وتتسفر نعم الشغل صعب والظروف شوي صعبه بامريكا بس يعني شنو اللي تغير علينا مو احنا قضيناها ضيم بضيم من الحصار الى الاحتلال الى الضياع والتيه في بلاد الغربه يعني صراحة مش فارقة معي يازلمه العكس هو الاستقرار الي ولاولادي ومتابعة حياتنا والله ييسر امور الجميع وانا راح احاول اكون على اتصال معاكم واضيف الجديد من المواضيع واكو معلومه حلوه قال  لي ايها احد اصدقائي اللي بامريكا وهي ماكو عراقي حاليا يمنا بدون شغل بس اللي جاي يجون جديد لكن  بعضنا مايحب الخير لغيره ويسودها بعيون الناس والله ياخوان اللي عاش بضيم وشاف الفقر وضيق الحال ماراح تفرق عنده امريكا لو غيرها بل العكس لعله راح تكون فرصة العمر اله والله الموفق اخوكم الفراتي

24

الهجرة و واللاجئين / مع الاسف الكل اجاه رفض اليوم ب iom عمان

« في: 21:41 08/04/2009  »

والله انقهرت هواي اليوم بسبب الرفض اللي اجه للا خوة اليوم اللي بعمان بعد ما اجلوهم من تاريخ 28/3/2009 الى تاريخ 8/4/2009 جاهم الرفض اليوم وبدون اسباب للبعض فقط لانه ماوافق البنود اللي  عندهم  ويعني شباب وعوائل الكل رفضوهم اليوم بالجمله والله قهر صدق اذا قالوا (لاتشكوا للناس جرحا انت صاحبه لايؤلم الجرح الا من به الم) والله يفرج عن الجميع وييسر الهم خير من امريكا وبالتوفيق للجميع حبيت ابدي مشاعري مو اكثر لاني مقهور عليهم واريد احجي فما لقيت احسن منكم احجيله وسلامي للجميع

25

الهجرة و واللاجئين / جماعة عمان واللي عنده معرفه مساعدة

« في: 13:32 01/03/2009  »

السلام عليكم
انا سبق وان كتبت هذا الموضوع بس مافي احد رد علي رد يشفي غليلي وجزاكم الله خير جميعا على الدعاء بس انا طلع توطيني من تاريخ 4/6/2008 ولحد الان مافي رد واتصلت عليهم وقالوا لي ان معاملتي ماشية بس اصبر وعن قريب نكلمك ولهسه كلشي ماكو واحنا اليوم بتاريخ 1/3/2009 وهم ماكو شي اللي اريده في احد يعرف طريقة اخليهم يعجلون بملفي اتصل ومافي حل وللعلم اني سالتهم عن ملفي اذا كان مرفوض فقالوا لي انه غير مرفوض ولو كان مرفوض لبلغناك وهم ماكو شي شنو الحل والله يوفق الجميع ويسهل اموركم

26

الهجرة و واللاجئين / شوفوا هاي الازمة وشنو الحل يا اهل الغيرة

« في: 22:01 17/02/2009  »

[b[size=10pt]]اخوان انا مشكلتي مشكلة طلع توطيني بعمان من تاريخ 4/6/2008 ولهسه واحنا بتاريخ اليوم 17/8/2009 وكلما اكلمهم يقولون شغالين بيها قلت الهم اذا رافضيني بلغوني بس لا تخلوني معلق واخر اتصال كان الخميس وقالوا لي انتظر راح نتصل بيك عن قريب وهاي كلما تصل بيهم يقولون نفس الحجي وما ادري شسوي اكو طريقه احول بيها معاملتي للهجرة وللعلم انا منطي الصور وكلشي وقابلتني الاجنبية بس لهسه كلشي ماكو[