مواضيع

1

الهجرة و واللاجئين / ارجو المساعدة تحول الملف من ( بأنتظار النتيجة ) الى ( فعال )

« في: 17:48 14/12/2012  »

السلام عليكم
اخواني قبل 10 ايام تحول الملف من بأنتظار النتيجة الى فعال
واني من قبل شهرين ونص رحت للمنظمة واستفسرت منهم على
حالة الملف ابلغوني انت امنيتك كملانة وانت هسة تحت التشييكات
الامنية قبل السفر الي اريد اعرفه كم تاخذ وقت بين تحول حالة الملف
الى فعال و اكتمال الامنية وتحديد السفر ياريت اي احد عنده معلومات
ان لايبخل عليه واعرفكم ماتقصرون

مقابلة اولى وثانية 17/1/2012
مقابلة محلف 19/3/2012
موافقة المحلف بعد اسبوعين من المقابلة
فحص طبي  11/4/2012
اعادة فحص طبي  10/10/2012

2

الهجرة و واللاجئين / سؤال مهم بخصوص الربط بين الكيسات ارجو المساعدة ضروري

« في: 11:49 27/09/2012  »

السلام عليكم اخواني واخواتي

الله يخليكم محتاج مساعدتكم

اني واخوية عزاب بين كيساتنا رابط قوي والبارحة اتصلت على المنظمة
استفسرت عن حالتي ردو بأني ( بأني مخلص جميع الاجراءات تقريبأ ) ومااعرف شنو تقريبأ هاي
بس كلتلي انت لأن مسوي رابط قوي لازم تنتظر اخوك الى ان يكمل وهو الى الان امنيته مجايه
وكلتلها يعني اذا افصل ملفي عن اخوية اطلع قبله كالت اي

المشكلة كلها انو اني متحول من UN الى IOM حالة طبية واخوية صار وياية لأن ماعندي احد غيره
وكلتلهم لازم هو ويايه وماكدر بدونه زين اذا سويت الرابط ضعيف هل رح اضره لأخوية بشي وممكن ميسافر او تنام عليه طابوكه ؟
لو ماكو اي ضرر عليه يعني يكمل ورايه ويسافر ؟

3

الهجرة و واللاجئين / ارجو المساعدة من الاخوان ضروري بالنسبة للفحص الطبي

« في: 13:25 12/04/2012  »

السلام عليكم

طلب مساعدة الله يجزيكم كل خير لاني محتار بصراحه

البارحه كان موعد الفحص الطبي اني واخويه في مستشفى انجلو اميركان
عند الدكتورة ماجدة ( الي مشفت احد يذكرها بكلمه حلوة لأن فعلا متستحق اي كلمة حلوة )
فاجأتنا بعدم اعترافها بكل التقارير الطبية !!! مع العلم اني حالتي مرضيه ومنقول للـ IOM من
منظمة الكاريتاس والتقارير من دكاترة هم ارسلوني عليهم بالاضافه الى تقرير من مستشفى قصر العيني الفرنسي
ومستشفى الشيخ زايد التخصص الي هم متعاقدين وياهم !!! بالاضافه الى التقرير الطبي الشامل
 الي يتم ارساله من الكاريتاس للـ UN قبل التحويل الى الى الـ IOM !! بصراحه خلتني مذهول مااعرف شأرد عليها
وحتى تقرير الحاله النفسيه لأخويه هم رفضته وسوتلنا تحويل لدكاتره حتى يكشفون علينه وواحد منهم برة مصر اصلا
طالع مؤتمر طبي !! الله اعلم شوكت يرجع ؟ هل احد صاير بي هيج موقف ؟

واكو  كم سؤال محيريني جدأ اتمنى الاجابه عليه وهم : هل اجراء من الممكن ان يلغي السفر بهيج حاله ؟
او اذا تأخر ؟ شنو تأثيره على الكيس ؟ علمأ ان المحلفين موافقين علينه الحمد لله وبأنتظار الامنيه
وهل الامنيه تتأثر بالفحص الطبي ؟

اسف للأطاله عليكم واتمنى منكم ان تردون عليه لان محتار

4

الهجرة و واللاجئين / جماعة مصر الله يخليكم ساعدوني !!

« في: 22:30 16/07/2009  »

السلام عليكم ورحمة الله وبركاته

شلونكم اخواني وخواتي .. هذي اول مشاركة الي بمنتداكم الرائع وياريت لو تساعدوني لان حيييييييل
تعبت والله .

اني مقدم عل un يوم 26-9-2007 ولحد هسة محد متصل بية ولا مقابلة ولا ابد
واني واخوة الصغير بس هنا ومااعرف شنو الي اسوي ف ياريت لو تساعدوني
طكت روحي والله وياهو الي اسألة محد يفهمني شنو الي لازم اسوي
اني اريد اطلب لجوء لاي دولة اوربيا او امريكا اي شي .
ف الله يخليكم تشرحولي بالتفصيل ولو رح اتعبكم وياية .

اخوكم - القيسي