مواضيع

1

دردشة منتدى الهجرة واللاجئين / نكات عالطاير :)

« في: 08:51 08/01/2015  »

شاب تقدم لفتاه وكانت شروطها :
+ شقھ
+ سيارھ BMW
+ راتب عالي
فقال الخاطب :
أنا ليس لدي شقة
ولا سيارھ BMW ولا راتب عالي !
فقالت الفتاھ :
إذن لا أريد الزواج منك ..!
فرحل الشاب وعلى وجھھ
علامات التعجب!!
قالت لھ أمھ : ماذا بك؟
ألا تستطيع أن توفر لھا الشروط ؟؟
فقال : كيف أملك شقه وأنا أملك فيلا !
و كيف اخذ ال BMW
وانا لاأحبھا ، و لدّي ثلاث
سيارات فراري!!
و كيف تريد راتب عالي ،
وأنا مدير الشركة
وأنا الذي أعطي الرواتب !!
^ راح الرجال راااح ☹!!
^ راح الله ياخذك من بنت ☹!
^ راح يا أم الشقق جعل الله يشق جبهتك ☹
^ ثلاث سيارات فراري يابقرھ ☹!
^فيلا ومدير شركھ بعد يالھبله ☹
^ فراري يابنت الفقر ☹!!!!
^ فراري ، افتروا عليك شياطين البيت ☹
^فراري فروآ عقلك بخلاط ☹
^فراري ياللي ماشفتي غير الكامري☹!!
^فراري .........
ما أقدر أكمل خنقتني العبرهه ☹



ﺫﻫﺐ ﺭﺟﻞ ﺍﻟﻲ ﺍﻟﺒﺤﺮ
ﻓﻮﺟﺪ فتاﻩ تغرﻕ ﻓﻘﺎﻝ لہا: اﻋﻄﻴﻨﻲ ﻳﺪﻙ ;
ﻓﻘﺎﻟﺖ: اطلبہا ﻣﻦ اﺑﻲ :♡♡
فغرقت الخبله
وﻣﺎتت ﺍﻻﺳﻤﺎﻙ ﻣﻦ ﺍﻟضحك
لا تظن جميع ﺎلبشر ساكتون !
فبعضهم مسدسون
والبعض ﺎلآخر رشاشون
^ امزحون ̶̶̶*
لاتحذفوون


بعض الناس إذا عصب عليك قال
دواك عندي
خف علينا يالصيدليه "
محد مرتاح ف العرس إلا العجايز
لافستان ولا كعب وتتأمر ع كيفها
حتى رقصها سهل تمشي وتبدل كلتش
الأخيرهه قتلتني
ههههههههههههههههههههه


وحده طلقها زوجها..
وتقول للحين أسمع الأغاني اللي أهداني إياها مو عشان أتذكره بس عشان أزيد ذنوبة ...
طبعا إبليس كان يشرب ديو وشرق!!
لأن الفكرة جديدة عليه
ههههههههههههههههههههههههههههههههههههههههههہَ هٌ ٍ


ما يرفع ضغطي 　
الا اللي يجي بيتنا ويسألني فيه حمّام ؟
^لا والله نروح حمامات المسجد كل يوم ☻
ارجوك لا تخلي هالرسالة توقف
جيب لها كرسي وخلها تجلس

2

الهجرة و واللاجئين / مساعده عاجله رحم الله والديكم/اختكم متعرف شتسوي

« في: 05:26 28/11/2014  »

مساء الخير احبائي اخواني اخواتي ,,,
اشتريت سياره جديده بالتقسيط ودا ادفع كل شهر وفرحانه بيها خلصت من المصلحين وضيمهم
اليوم بالكراج موكفتها وجاي واحد معنده انشورنز ضابها وطاعج الباب الخلفي
كام يتوسل لان معنده لا انشورنز ولا اجازه يكول لتخبرين واني شكد ميطلع اسدد وانقهرت عليه والله
هسه شسوي اني ؟؟؟
واذا وديتها للتصليح اكيد حتبقى كم يوم شسوي اني شلون اروح للشغل والجهال منو يوصلهم مستحيل اكدر استعمل باص لان المسافه طويله
ساعدوني الله يبارك بيكم

3

مواضيع الحياة العامة في بلاد المهجر (امريكا) / التأمين الصحي( اتنا Atena )

« في: 11:31 24/08/2014  »

مساء الورد
اذا اكو احد عنده التامين الصحي اتنا ياريت يدخل لان عندي كم سؤال ارجوكم 

4

مواضيع الحياة العامة في بلاد المهجر (امريكا) / سؤال : مشروع افتتاح محطة بانزين

« في: 10:50 31/07/2014  »

مساء الورد للجميع
سؤال يخص عائله عراقيه يحبون يعرفون شكد يكلف مشروع افتتاح محطة بانزين في ساكرامنتو وشنو الاجراءات المطلوب ومنين يبدون

ياريت الي يعرف يساعدهم والله يوفقكم اجمعين......

5

الهجرة و واللاجئين / جماعه الي عدهم اهل واقرباء متأخره ملفاتهم بالعراق ودول الجوار

« في: 10:49 19/07/2014  »

مساء الورد

جبتلكم رابط يمكن يفيدكم جماعة الي عدهم اقربائهم متأخره ملفاتهم

http://alqosh.net/adds/j/damman.htm

6

الهجرة و واللاجئين / خالي كان مترجم مع الجيش الامريكي

« في: 02:03 07/07/2014  »

مساء الورد للجميع

سؤال من العراق سئلوني ووعدتهم اسئل الهم هنا وارجع خبر
ياريت تساعدهو الله يحفظكم ويفرج عنكم لان اني معندي اي خبره لا بالاي او ام ولا باليو ان
ولد عنده مرته وطفل فقط وخاله كان مترجم مع الامريكان وحالا بأمريكا طلع اس اي في
السؤال هو يكدر يقدم على اساس قضية خاله او خاله يقدمله او اي طريقه كانت لان الولد حيل مضنوك خطيه

شكرا جزيلا

7

مواضيع الحياة العامة في بلاد المهجر (امريكا) / القنوات العربيه ... استفسار رجاءا

« في: 00:02 15/06/2014  »

السلام عليكم ورحمة الله وبركاته
شنو احسن جهاز استقبال قنوات عربيه ياريت احد ينطيني اسمه بلا زحمه
اهم شي يكون بي القنوات المهمه وصورته واضحه

وشنو الفرق بين هذني الجهازين
http://www.ebay.com/itm/201104634075

http://www.ebay.com/itm/121246177785

شكرا مقدما

8

الهجرة و واللاجئين / كم سؤال للموجودين بأميركا وكاليفورنيا بلا زحمه ..

« في: 11:23 17/05/2014  »

مساء الورد

عندي كم سؤال هنه مو صعبات بس اني اثق بالموجودين بهذا المكان واعرف اجاباتهم هي الصحيحه دائما ان شاء الله

1- البانزين 3 درجات شنو الفرق بيناتهن؟ اني متعوده افول سيارتي اعلى درجه بس صديقتي تكول يسوي ضغط على المحرك مو زين!
2-اكو شركات او مكاتب هنا مثل بالعراق مال سفرات سياحيه بالباصات ؟
3-بنيه اعرفها زوجهه توفى هم لازم تبلغ دوائر الهجره والسوشال وغير مكانات لو همه راح يعرفون اوتوماتيكيا هل يوجد مساعدات تكدر تقدم عليها بأعتبارها عدها اطفال صغار.

اشكركم جزيل الشكر مقدما ..

9

الى من يهمه الامر / جماعة كاليفورنيا وخصوصا ساكرمانتو منو سمŸ

« في: 17:35 28/03/2014  »

مساء الخير ,,,

اليوم سمعت خبر مقتل العراقي اما هوم ديبو بس معرفت التفاصيل هسه شفت الخبر وهذا الرابط

http://www.kcra.com/news/killing-at-home-depot-in-sacramento-investigated-as-hate-crime/25204620?utm_source=Hootsuite&utm_medium=Facebook&utm_campaign=kcra%2B3

ادري يعني شلون وين نروح بعد ونخلص 

هسه الشرطه صنفوهه جريمة كراهيه ولان شاف وياه محجبه ضربه طلقات خطيه

لا حول ولا قوة الا بالله ياربي

10

الهجرة و واللاجئين / اكو سفاره لو قنصليه عراقيه بساكرامنتو ؟؟

« في: 05:44 25/03/2014  »

مساء الورد ,,,,

اخواني ربي يحفظكم احتاجيت اراجع القنصليه العراقيه بس ما اعرف اكو بساكرمانتو لولا ؟؟؟؟

اكو احد يعرف وين مكانها واذا بغير مدينه شلون نخاطبهه ؟ لان معندي سياره حاليا وصعبه عليه اروح افتر مدن

شكرا جزيلا .

11

دردشة منتدى الهجرة واللاجئين / موقع يفيدكم شويه بي ربح

« في: 09:16 10/03/2014  »

مساء الورد ,,,,

اذا كاعد صافن عالنت مثلي معندك شي تلتهي بي جرب هذا موقع ينطيك 30 سنت على كل ريفيو تكتبه يعني اكتب بس كلمة good مثلا وجمع سنتات والله كريم

وكلما تصير 15 دولار تكدر تسحبها

احسن من الكعده

 http://www.AWSurveys.com?R=1954255

12

الهجرة و واللاجئين / سؤال يخص صديقه .. هل صحيح ان الفاينانشل ايد لا

« في: 08:46 12/02/2014  »

مساء الورد على عيونكم

اسئل الله تعالى السفر القريب للي بعدهم ممسافرين والتوفيق والسعاده للي سافروا
صديقتي رادت تقدم على الفاينانشل وتسجل بالجامعه بس خطيه كسروهه الجماعه
كلولهه اذا مجايبه شهادة الاعداديه كلشي متكدرين تسوين
هي مخلصه اعديديه بس مكدرت تجيب شهادتهه لان المدرسه بمنطقه ساخنه وهي متهدده

شتسوي خطيه

13

دردشة منتدى الهجرة واللاجئين / شوفوا هذا المقطع والله يخوف

« في: 23:17 30/01/2014  »

مساء الورد ,,,,

شوفوا هذا شلون يهجمن عليه الذئاب والله اني لو بزونه اتخبل ههههههه

https://www.youtube.com/watch?v=tWV4RQ8liSI&hd=1

14

الهجرة و واللاجئين / مساعده .. بخصوص اقساط الطائره

« في: 04:18 20/12/2013  »

مساء الورد ,,,

صار اكثر من سنتين من وصلت لاميركا ومتعجبه لان محد دزلي رساله بخصوص تسديد الطائره
ولا اعرف شنو اسمهم ولا عنوانهم ولا اي شي عنهم  وكلما اسئل احد (((تعرفون العراقي من تسئله عبالك دتكص راسه يموت ولا يجاوب جواب مفيد ))
طبعا اني عندي كريديت كارد وقبل فتره صعدوه لاني منضبطه بالدفع وعندي سياره بالاقساط وايضا منضبطه بالدفع مستحيل اتأخر يوم
وباقي الفواتير ايضا بوقتهه

كلت خلي اجيك الكريديت مالي وين وصل بلكي عالي واكدر اخذ قرض بيت طلع ناصي كلش تفاجئت وقريت السبب انه دائرة الهجره محوله القرض على الكريديت مالي بدون ان تدزلي اي شي 

سؤالي هو شنو اسوي بهيج حاله واذا ممكن اي رقم او عنوان او موقع اكدر اخاطبهم واصلح الموقف بلكي يتصلح

15

الهجرة و واللاجئين / مساعده في التقديم على الفاينانشل والكولج

« في: 18:50 06/11/2013  »

مساء الورد اخواني ,,,

ممكن مساعده في التقديم على الكولج
دخلت الموقع مال امريكان ريفار كولج الي هي اقرب شي النه بساكرمانتو وكملت صفحتين بعدين طلعتلي اختيارات ما اعرف شنو اختار
سئلت العراقين الي هنا طبعا محد ينطي جواب واضح ماعرف ليش هسه حتى لو بفلوس بس خلي يفدوني بنصيحه

رفقت صورة الاختيارات الي طلعتلي ياريت احد يكولي شنو اختار كبدايه مثل باقي العراقيين الي يداومون وشكرا

16

الهجرة و واللاجئين / صاحبة السكن ترفض تصليح شقتنا .. اريد اشتكي

« في: 00:46 27/10/2013  »

مساء الورد ,,,,,,,
تحولت الى ساكرمنتو والتحويله كانت سريعه جدا وجان الجو حلو ملاحظت النواقص بالشقه
هسه من برد الجو لاحظت اكو شبابيك مكسوره وشبابيك عاطله تدخل مطر وهوا بالاضافه لعطل التدفئه
صار اكثر من خمس مرات طلبت منهم تطليح ويكولون باجر وبعده وماكو قبض
بعدين المانجر تكول معدنه فلوس نصلح كتلهه اطفالي تمرضو من البرد تكول احاول اشوفلج هيتر تشغلوه وحتى الهيتر محصلته
اني اعرف اكو رقم اتصل بيهم واشتكي ويمكن اكدر اخذ حقي بس ما اعرف وين اشتكي وشنو الرقم ياريت الي يعرف يساعدني
شكرا جزيلا لكم

17

الهجرة و واللاجئين / مساعده رجاءا بخصوص تسديد اقساط الطائره

« في: 03:03 16/10/2013  »

مساء الورد اخواني وعيد مبارك عليكم ان شاء الله

حبيت اخلص من الدين مال قسط الطائره بس ما اعرف شلون اسدد وشلون اكتب الصك ووين ادزه
خابرتهم طلعتلي موظفه عبالك هستوه ميت ابوه كوه تطلع الحجايه كالت دزي على هذا العنوان وردتلي عنوان
ماعرف صح لو غلط وما اعرف صيغة الصك شلون تكون باسم منو اعنونه ياريت الي ديسددون يفيدون ربي يبارك بيكم

18

الهجرة و واللاجئين / مساعده لعائله عراقيه

« في: 09:22 23/08/2013  »

مساء الورد,,

جيراني ام واولادهه عدهه ولدين كبار فكرت تفتح مشروع بعد ما ايسو من الحصول على عمل

عندي اسئله ياريت تساعدوهه بيهه ولتنسون الي يساعد برزق عائله الله يجازيه برزق وخير

1- فكرت تشتري عربانه ويسوون فلافل بس منين تشتري عربانه مال فلافل وهل تحتاج ان تحصل موافقات او اذن من الحكومه لو تأجر المكان الي يوكف بي؟

2- فكرت تفتح محل صغير مال شغلات عربيه بس متعرف منين يتسوقون المحلات العربيه يعني همه يستوردوهه من دول عربيه لو شلون ؟

3- فكرت تسوي اكل بالبيت وتبيع هل تحتاج موافقه وفحوصات واذونات ومنين ؟


ياريت تساعدوهه الله يسهل امركم ان شاء الله ويفرج عنكم

علما هي من سكنة ساكرمنتو بس اعتقد الولايات تتشابه بهاي الشغلات

19

الهجرة و واللاجئين / الى سكان ساكرامنتو مساعده

« في: 09:40 03/08/2013  »

مساء الورد ,,,

بما انه قررنا الانتقال الى ساكرمانتو بسبب غلاء المعيشه في سان هوزيه حبيت اسئل اهالي ساكرمانتو احد يكدر يساعدني ويدليني بمكان بي مدرسه ابتدائيه ومتوسطه بنفس المكان لا عندي المتوسطه وبالابتدائيه
حتى ادور بيت او شقه بنفس المكان
 ملاحظه : رحت لساكرمنتو زياره وشفت منطقه بيها متوسطه وابتدائيه بنفس المكان الي هي مدرسة Encina and Greer المكان معجبني ولا المدارس يعني اتمنى بغير مكان

شكرا جزيلا ,,,

20

الهجرة و واللاجئين / سؤال عن حاله نادره صارت بعائله عراقيه

« في: 09:58 25/07/2013  »

مساء الورد ,,,,,


عائله عراقيه والدهم تمرض مرض خطير بسبب عقار وصفوه اله بمستشفى امريكي
طبعا الاب هسه نايم بالفراش وحتى طلعوه من المستشفى كلوله المديكال ميوافق يدفع اكثر من هذا
وهو خسر وظيفته الي ابيضت عيونهم ياله حصلوهه وهسه وضعهم صعب بس رحمة رب العالمين بقت عدهم
السؤال هو اذا اشتكى على المستشفى وعلى مختبر التحاليل والسونار الي نتائطهم كانت غلط يكد يحصل تعويض منهم ؟
تحياتي

21

الهجرة و واللاجئين / سؤال يخص مساعدات الويلفير

« في: 00:53 18/07/2013  »

مساء الورد ,,,,,

اخواني سؤال يخص عائله همه عباره عن اربع افراد الاب والام وطفلين مشمولين بالكاش والفود عدهم ابن كبير ممشمول بكلشي لان 22 سنه عايش بغير ولايه هسه قرر ينتقل يعيش ويه اهله هل يؤثر على مساعداتهم بأعتبار هو يشتغل ويستلم راتب لو ما اله تأثير عليهم ؟؟؟ ارجو من الي يعرف يجاوب .
شكرا مقدما

22

دردشة منتدى الهجرة واللاجئين / اغرب فيديو شفته على الاطلاق ..احد يعرف تفسير&

« في: 09:34 16/06/2013  »

مساء الورد ,,,,

ياريت تشوفون الفيديو وتقولون رايكم رجاءا

http://www.youtube.com/watch?v=5RO-D51GPaE&feature=youtu.be
شكرا لكم

23

مواضيع الحياة العامة في بلاد المهجر (امريكا) / قلع ضرس

« في: 04:52 27/05/2013  »

مساء الورد ,,,

الثلاثاء الصبح عندي شلع سن وشايه هم شكبره

اخواني منو شلع سنه وخصوصا بكاليفورنيا

يكولون قلع الضرس تخدير عام مثل العمليه واني اروح اسوق اخاف صدك تخدير عام حتى احاول اخذ احد ويايه

24

الهجرة و واللاجئين / الى الاخ <<<<مغترب بلا وطن>>>> مساعدتك رجاءا

« في: 17:53 15/05/2013  »

مساء الورد ,,,,,

الى الاخ العزيز مغترب ارجو مساعدتك بشرح بسيط لظروف المعيشه في سان فرانسيسكو
مثل متعرف حضرتك احنه نسكن سان هوزيه وقررنا الانتقال لسان فرانسيسكو
زوجي يكول الايجار نفس السعر مخسرانين شي بس المدينه احلى وجوهه احسن وفرص العمل اكثر
ياريت تتفضل علينا برأيك لان خايفه نتحول ونتورط
واذا ممكن الايريا كود حتى ندور شقه
 وشكر جزيلا اخي

25

دردشة منتدى الهجرة واللاجئين / دعواتكم الخالصه لوالدة اختنه malak.ali بالشفاء العاجل ان شاء الله

« في: 10:47 27/04/2013  »

مساء الورد احبابي ,,,,,

ارجو منكم الدعاء لوالدة الاخت ملاك بالشفاء العاجل ان شاء الله

مثل متعرفون الام اغلى شي واذا صار عليها اي خطر البيت كله يصير بحالة عدم راحه وقلق

ربي يشفي كل مريض يارب

26

الهجرة و واللاجئين / ممكن موقع الاي او ام وطريقة التسجيل

« في: 07:32 23/04/2013  »

مساء الورد

اخواني مثل متعرفون اني بامريكا بس عندي صديقتي مقدمين على اللجوء واجاهم iz نمبر وميعرفون هل معنى هذا انهم انقبلت قضيتهم؟
سؤال الثاني شلون يسجلون بالموقع ومين يطلعوه رحم الله والديكم ساعدوهم
المشكله انه احنه sivوكلشي ما اعرف بالاي او ام
شكرا جزيلا

27

مواضيع الحياة العامة في بلاد المهجر (امريكا) / ارجو مساعدتي للالتحاق بالكوميونيتي كولج

« في: 11:04 05/04/2013  »

  مساء الورد ,,,,

اخواني اخواتي ارجوكم الي عنده معلومات عن الالتحاق بالجامعه لان اني كملت سنه ومن حقي التحق مجاني الان

ارجوكم فهموني الخطوات الي لازم اسويها وشلون اقدم وشنو المطلوب وشنو نظام النقاط لان كلي ما اعرف

شنو الاختصاصات وشنو اختار ارجوكم

علما انا خريجة اعداديه ومجايبه شهادتي ويايه انقبل لو لا لان سمعت من ناس لازم اكمل جي اي دي قبل الجامعه وناس كالو لا مو مهم بس تكولين خريجة اعدادي

اشكركم من صميم قلبي

28

الهجرة و واللاجئين / الكل مطالب بالدخول قضيه انسانيه وآرائكم مطلوبه

« في: 04:33 28/03/2013  »

مساء الخير,,,,
الموضوع يخص امرأه عراقيه اعرفهه حاولت تسجل حتى تطلب مساعدتم بس تكول معرفت تسجل بالمنتدى
ارجوكم اخوان لازم تساعدوهه بنصائحكم ومشورتكم لان هسه هي واطفالهه بموقف حرج وصعب والى الله المشتكى

القصه تتلخص بما يأتي

انا امره عراقيه متزوجه منذ 22 سنه واحب زوجي جدا ولدي 4 اطفال
زوجي يعاني من مشاكل نفسيه منذ زمان طويل ولكن تقاليدنا العراقيه تجبر المرأه ان تصبر وتتحمل مهما كانت الظروف لا تغادر بيت زوجها
يضربني دائما وبعض الاحيان يضرب اطفاله
مع العلم هو مثقف جدا ولديه شهادة بكلوريوس بالاصافه الى انه شخصيه قويه وتراه اكثر الوقت متجهم الوجه لا يبتسم
انا هنا اذكر تفاصيل شخصيته عسى ولعل اجد من يستطيع ان يشخص او يعرف ما هو مرضه
كل يوم وعلى مدار الساعه تجده يندب حظه العاثر الذي خذله ولم يجعله شخصيه مرموقه في المجتمع
يحسد فلان وفلان انهم افضل منه ويعتبرهم حشرات لانه بالنسبة لهم عبقري وعالم وهم جهلاء (هذه نظرته لكل الناس مهما كان مستواهم)
يكره الحياة في العراق وكان يتمنى الانتحار لانه مظلوم دائما
يكره حياته في امريكا لانهم لم يعطوه حقه وشعب جاهل ولا يحترم البشر
يكره كل شي ولا اعلم اذا كان يكرهنا نحن ايضا صرح بذلك عدة مرات ولكني اوعزها الى حالته العصبيه واقنع نفسي انه لا يعنيها
حالته النفسيه مخيفه لانه عندما يغضب من اي شخص لا يتحدث الا بالقتل
هذا كله وانا اقول يجب ان اتحمل لانه زوجي واحبه بسبب العشره طول هذه المده
اذا قال الشمس سوداء اقول له نعم انت صح والناس كلهم على خطأ
اي شيء يقوله لا اجادله فيه واوافقه في الحال

منذ ان اتينا الى امريكا ولحد الان نعيش على المساعدات بسبب عدم عثوره على عمل او كما يدعي
المساعدات على قدر الايجار بالضبط ولا يزيد الا 100 دولار يستخدمها للمواصلات والهاتف
المشكله الكبيره حدثت قبل ثلاثة ايام
وصله مبلغ من المال من العراق وطلبت منه مئة دولار لان الاطفال يحتاجون ملابس ورفض بشده وعندها لم اتمالك اعصابي وقلت له يجب ان تعطيني وفأثارته هذا الكلمه وبدأ بضربي بشده وبدأ الاطفال وبالصراخ ولا اعلم كيف نجوت من يده وذهبت الى الحمام واغلقت الباب كي احمي نفسي
الجيران سمعوا الصوت
اتصلوا بالشرطه فأتت الشرطه بعد فتره
جائني يطلب ان اخرج الى الشرطه واقول لاشيء هناك انها مشكله بسيطه وقد تم حلها
فعلا خرجت وقلت لهم وانا ابتسم كذب حتى يتركوه واخذني شرطي على جنب وبدأ بالتحقيق الدقيق واراد ان يأخذ مني اي كلمه فلم اخذل زوجي وقلت له انه رجل لطيف وكانت مشكله بسيطه ونحن متعودين على النقاش بصوت عالي
ذهبوا الشرطه وخرج هو بعدهم بساعه بدون ان يتكلم
انتطرت لحد العصر والمغرب ولم يأتي اتصلت على جواله يرن بدون جواب تركت رسائل صوتيه وكتابيه لا جواب
بقيت منتظره لحد بعد منتصف الليل
علما هو ليس لديه اصدقاء ابدا في العراق وهنا كذلك
يعني اني لا استطيع السؤال عنه اي احد
بقيت مستيقضه واذا بالباب يطرق الساعه 3ونصف فجرا
فتحت الباب واذا بالشرطه يبلغوني ان زوجي محتجز في مستشفى الامراض العقليه لمدة خمس ايام قابله للتجديد لانه خطر جدا واذا خرج يجب ان لا ادعه يدخل البيت
سئلت الشرطي ما الامر قال ان زوجي قد صرح للطبيب النفساني بانه حاول قتلي
واني في خطر الان ويجب ان اتصل بمنظمه معينه لكي يجدون مكان سري يخفوني انا واطفالي فيه
اخواني ارجوكم انا لا اعرف كيف اتصرف الان وماذا افعل وكيف وصل زوجي للمستشفى ولماذا قال ذلك وهل انا فعلا في خطر ام انهم يبالغون
ارجوكم انصحوني كيف اتصرف وانا لا اريد ان اتركه وحده واخلاقي لا تسمح لي بأن اتخلى عنه في هكذا ظروف
اللهم ربي لا نسئلك رد القضاء ولكن نسئلك اللطف فيه

29

مواضيع الحياة العامة في بلاد المهجر (امريكا) / آخر اخباري اختكم كعدت على الحديده بسبب الشيروكي

« في: 03:40 12/03/2013  »

مساء الورد ,,,,

تتذكرون من كتبت على الشروكي وشكد كنت فرحانه بيهه ومن عبرت السموك فرحت اكثر

بس شوفو شسوت بية من يوم الي اشتريتهه لليوم ما خلت على حالي حال اهلي دزولي مرتين على 2500 دولار وهسه باقيات خمس لو 6 اوراق منهن

طبعا البانزين كارثه افولهه ب80 وره اسبوع تصير اقل الربع واني ماسوي شي بيهه بس اوصل الجهال للمدرسه يعني مو اكثر من 8 اميال يوميه

وديتهه سويتلهه تجييك عام وطلع بيهه بلاوي

شوفو مصاريفهه طبعا دا اكتب الموضوع حتى لا غيري يتورط نفس ورطتي

1- التسجيل 541$
2-انشورنز 547$
3-باتري    260$
4-روس باتري واشاره 170$
5-تجفيت كير 200$
6-كاليبر بريك350$
7-نواقص كماليه140$
8-تبديل دهن40$ 
المجموع لحد الان 2248$ والحبل ع الجرار

واليوم من شغلت تبريد لاول مره من اشتريتها صارت بيهه رجفه وعلكت جيك انجن والله اليستر شكد تصليحهه

تحياتي للجميع ولتتورطون ورطتي

30

الهجرة و واللاجئين / للي يعرف بالكريديت كارد سؤال رجاءا

« في: 01:11 07/03/2013  »

مساؤؤؤ ورد

قبل 3 اشهر سويت سكيور كريديت كارد والموظفه كالت كلما تشترين يرجعلك كاش على البانزين والخضروات وكلشي
اليوم جيكت حسابي اونلاين لكيت الكاش باك صفر
اكو ابلكيشن لو فد شي لازم اسوي لو شنو الخلل ؟
شكرا جزيلا

31

الهجرة و واللاجئين / سؤال بخصوص الجايلد كير

« في: 04:20 22/02/2013  »

   مساء الوررد ,,,,

عائله عراقيه يمنه طلبوا منهم ان يدامون الام والاب بصفوف التقويه حتى تستمر مساعداتهم ووعدولهم يوفرون لابنهم مربيه والويلفير هو الي يدفع راتبهه
فالعائله اقترحو بنتهم عمرها 20 سنه كاعده بالبيت ومقطوعه مساعداتهه هي تاخذ هذا الدور حتى هم يئمنون على ابنهم وهم بتهم تستفاد
الكيس ووركر مالتهم كالت اذا بتكم ميخالف بس تره مننطيها اكثر من 3 دولارات بالساعه
السؤال هو هل هذا تصرف شخصي من الكيس ووركر مالتهم ام هو قانون ثابت وليش اذا بتهم يختلف الاجر

32

مواضيع الحياة العامة في بلاد المهجر (امريكا) / استلام حواله

« في: 01:21 14/02/2013  »

     مساااااااء الورد ,,,,

جماعه استلموا حواله ب2000 دولار من المني كرام

هل يجب عليهم تبليغ الويلفير لو يغلسون؟

واذا بلغو اكو مشكله بلموضوع ؟

شكرا جزيلا

33

الهجرة و واللاجئين / سؤال عن ربط جسابين مصرفيين

« في: 20:07 07/02/2013  »

مساء الورد ,,,,,


السؤل باختصار هو اني عندي حساب ويه بنك جيس (ديبيت كارد) وسويت كريديت كارد من بانك اوف امريكا

جماعه نصحوني اني اربط الكريديت ويه الدبت حتى ليصير سهو او تأخير في اعادة المبلغ للكريديت

ردت اربط الكاردين اون لاين اذا ممكن احد عنده معلومات عن هذا الموضوع

34

الهجرة و واللاجئين / عنوان مكتب ال money gram رجاءا

« في: 09:05 31/01/2013  »

مساء الورد ,,,,,

اخواني خواتي ارجوكم محتاجه عنوان مكتب بالمنصور او الكراده او اي مكان يرسل فلوس لامريكا عن طريق الموني كرام
لان احتاجيت كلش واهلي ميعرفون منين يدزون

35

الهجرة و واللاجئين / اخواني ممكن توضيح .. حول استلام مبلغ من العراق

« في: 01:16 28/01/2013  »

مساء الورد ,,,,

ادري ضوجتكم بأسئلتي بس للفائده العامه \\

اذا استلمت مبلغ من المال على شركة موني كرام شلون رح تعرف السوشال سيرفز بي ؟؟

اذا ما طلبوا السكيورتي نمبر ولا دخلوه الحاسبه ممكن ان يعرفون الويلفير ؟

حتى اذا اكو احتمال يعرفون بي اروح ابلغ

36

مواضيع الحياة العامة في بلاد المهجر (امريكا) / سؤال مستعجل جدا جدا لخبراء السيارات++ تحـــــــــــــــــديث

« في: 04:40 27/01/2013  »

مساء الورد ,,,,,,

اخوني اشتريت سياره ورحت اسويلهه SMOG وما عبرت

ابو التيست مال السموك كال هاي مبيهه شي بس لان مبدلين الباتري قبل شهر العقل مبي معلومات لازم امشي بيهه 100 ميل عالاقل وارجع اسوي

ارجوكم كولولي هاي بوري لو شنو



اخواني للفائده العامه راح اذكر شسويت

اليوم رجت سجلت السياره تسجيل مؤقت لان ما عابره السموك واخذو مني 541 $

اشتريت باتري جديد من الديلر شب مال شيروكي ب 260$

اشتريت انشورنز 547$

سويت نسخه على المفتاح ب 60$ وهذا رخص شي الديلر راد 300

وهسه بقت اصلح الاشاره اليسره والبك لايت واشتري جك وويل سبانه

راح تخلص فلوسي طلعت البطانه اغلى من الوجي  

واندعولي تعبر سموك



اليوم رحت لفيتر عراقي كالو هذا ارخص شي موجود

كال عوفي سيارتج للعصر عفتها يمه وخابرني العصر كال كملت

رحت لكيته مبدل كلوب بك لايت والاشاره اليسره مصلحهه وروس الباتري

كتله شكد كال 170 دولار 

اني كلت شكو اعامله يعني شكله سويهه 165 هههههههه

كال بقت جوزة الكير لازم تتبدل لان الا نحطه على ال N ياله تشتغل على البارك متشتغل

37

الهجرة و واللاجئين / استفسار يخص عائله عراقيه الرجاء المساعده

« في: 02:52 15/01/2013  »

    مساء الورد ,,,,

اخواني الي عنده معلومات ليبخل بيهه رجاءا,,,,,,
عائله عراقيه كانو مأجرين شقه وطلعو منها وابو الملك ميقبل يرجع التأمينات بدون حجه,,,,,
يعني همه سلمو البيت صاغ سليم بس هو يتهرب منهم ومايجاوب اتصالهم,,,,
بهيج حاله وين يرحون ووين يشتكون اكو احد يساعدهم,,,,,
مع جزيل الشكر.....

38

الهجرة و واللاجئين / فيزا تجاره او شراء عقار منو عنده معلومات

« في: 07:22 10/01/2013  »

   مساء الورد ,,,,,

قبل فتره قريت موضوع يكول الي يكدر يشتري عقار بأمريكا يكدر يحصل فيزا واقامه
الي عنده معلومات خلي يفيدنه الله يسهل امركم
شنو نوع العقار وشكد المبلغ وبعده القانون معمول بي لولا ؟؟؟

شكرا للجميع

39

الهجرة و واللاجئين / الى اهالي ساكرمنتو الكرام ... مسااااعده

« في: 22:59 26/12/2012  »

 مساء الورد للجميع ,,,,

عائله عراقيه انتقلو حديثا الى ساكرمنتو وميعرفون كلشي يا منظمه يراجعون

المدارس ميندلون وين يخلون اطفالهم وكل الشغلات ميندلون حتى منين يتسوقون ومحتاجين مساعدة اهل ساكرمنتو الكرام

40

الهجرة و واللاجئين / كيفية ارسال طرد من بغداد الى امريكا

« في: 07:34 19/12/2012  »

مساء الوررررد

اخواني ممكن الطريقه الي ينرسل بيها طرد يحتوي على افلام فيديو عدد 5 من بغداد الى امريكا ولازم نروح للمكتب نستلمه لو ممكن يجي للشقه
مع جزيل الشكر

41

الهجرة و واللاجئين / سؤال عن ال GIFT CARD لمن يعرف الله ينطيكم العافيه

« في: 11:06 13/12/2012  »

مساء الورد لكل احبابي اخوتي في عين كاوه

بمناسبة الكريسماس المنطمه دزولي GIFT CARD مال SAFEWAY , TARGET كل واحد بي 25 دولار

السؤال هو بي تاريخ انتهاء للكارد لو مفتوح لان فكرت اضمه لوقت الحاجه مرات اخلص فود ستامب

والسؤال الثاني واحد منهن مرسوم عليه طماطه ماعرف شنو واللاخ مرسوم غراض كريسماس اكدر اشتري اي شي لو اغراض معينه

السؤال الثالث شلون اشتري بي مثل كارد البنك لو شلون واعذروني لان غشيمه اول مره اشوف هيج شي

42

الهجرة و واللاجئين / ارائكم مطلوبه رحم الله والديكم

« في: 22:46 27/10/2012  »

    مساء الورد ,,,,,,

 اخواني عندي جيراني هنا مره طيبه واقربلي من اختي طيبه اكثر مما تتصورون والله
عدهه اطفال 5 وزوجهه شاد وياهه بشكل مو طبيعي يعني من يسولفون هي واطفالهه على تصرفاته وياهم من جانو بلعراق يوكف شعر راسي واتعجب شاون كدرت تتحمله وتصبر كل هلفتررة
اكثر من مره رايده تموت بيده المهم
هسه وصلت حدهه لان وصلو هنا وبعده نفس الشي وصار اسوأ وهي تكول اخلاقي متسملحي ابلغ علية هسه اهلنه شيكولون علية
السوال هو
اذا تطلقت من عنده وهو عاطل طبعا شنو الحقوق الي تكدر تحصل عليهه وهل تكدر تعيش هي واطفاله بكرامه وهي عدهه 3 اطفال تحت ال18
رجاءا ياريت تساعدوهه

43

الهجرة و واللاجئين / تلفون ارضي

« في: 22:00 11/10/2012  »

مساء الورد عليكم,,,,,,
ممكن احد يدليني شلون اقدم تلفون ارضي مجاني بلا زحمه عليكم واذا ممكن بالتفصيل ما اعرف كلشي عن هذا الموضوع
مع جزيل الشكر

44

الهجرة و واللاجئين / سؤال بخصوص حسابات البنوك بارك الله بيكم الي متأكد يرد

« في: 06:27 29/09/2012  »

مساء الورد ,,,,

اكو عائله ساكنين يمنه طبعا ابو العائله مثل ماتعرفون وقع ورقه يم السوشال سيرفس تكول انه لا يملك اي مبلغ عدا المساعدات وبخلافه راح يعرض نفسه لعقوبة السجن وتوصل للمؤبد
زوجته عدهه تقريبا دفتر باعت ذهبهه بالعراق وضامتهن بالبيت
انباكت شقه قريبه عليهم كانت زوجته بدون ميدري فتحت حساب بالبنك وحطت فلوسهه بي
ما حطتهن دفعه وحده كل فتره تروح تخلي 20 ورقه

بهيج حاله اكو خطوره عليه ؟؟؟
ساعدوه باجوبتكم الله يوفقكم لان خطيه رجال جبير وكاعد يدك ويلطم يكول رحت بالرجلين

45

مواضيع الحياة العامة في بلاد المهجر (امريكا) / المديكير او الميديكال

« في: 18:28 25/09/2012  »

مساء الورد

اذا سمحتو ممكن احد يشرحلنه شلون نستخدم البطاقات البيضه وبيها كتابه زركه
شلون نختار طبيب العائله وشلون التكسي مياخذ فلوس واكو ناس يكولون حتى ابو الباص ياخذ نص السعر من حاملهه
وشنو نكدر نسوي بيهه وعيادات خاصه لو مستشفيات
اذا ممكن اكبر قدر من المعلومات الله يبارك فيكم

46

الهجرة و واللاجئين / مساعدات من المراكز الاسلاميه

« في: 06:25 22/09/2012  »

مساء الورد ,,,, كلكم تعرفون رب العائله من يقدم على الفود ستامب والمديكير يوقع على ورقه انه هو معنده اي مصدر رزق وبخلافه فهو معرض للسجن 25 سنه
سؤالي هو : اكو مراكز اسلاميه تساعد العوائل بمبالغ ماليه لغرض شراء مستلزماتهم من ملابس وما شابه
هل هذا يعتبر مصدر ثاني ممكن دائرة السوشال سيرفز تحاسب عليه ؟ ام هي مجرد مساعده ولا تدخل ضمن الدخل والمورد وشكرا

47

الهجرة و واللاجئين / سؤال يخص عائله عراقيه

« في: 09:15 21/09/2012  »

مساء الورد ,,,,,,,,,

عائله عراقيه بمنطقتنه مكونه من 7 افراد الاب والام و3 اولاد وبنتين
الاب لكه شغله فول تايم
الفود ستامب والمديكال حينقطعن عنهم؟
عنهم كلهم لو بس الاب تنقطع عنه
لان همه كبار ومحتاجين مصارييف يعني ميكفيهم ال2000 دولار الي حياخذهن والدهم
ارجو الاجابه من اهل الخبره وشكرا جزيلا لكم منهم ومني

48

الهجرة و واللاجئين / محتاجين فلوس من العراق ونريد جماعه يوصلوهه النه

« في: 08:34 18/09/2012  »

مساء الورد,,,,,
سمعت اكو جماعه يشتغلون صيرفه يعني عدهم فرع ياخذهن من اهلنه بالعراق ومن هنا ينطوهن النه
ممكن اذاا تعرفون احد بكاليفورنيا سان فرانسيسكو لو سان خوسيه لو مونتري تنقذوني

49

الهجرة و واللاجئين / اسأله تخص ناس منتظرين اجوبتكم بفارغ الصبر

« في: 01:38 14/08/2012  »

مساء الخير ,,,

بحكم سكني في مجمع فيه عراقيين كلفوني اسألكم عن بعض النقاط الي قالقتهم تخص شغلاتهم وحياتهم اليوميه ومشكورين مقدما عالاجابه

1- اذا تأخر الكرين كارد اكثر من شهر بالنسبه للاس اي في ويجوز اكثر بعد وين يراجعون وشيسوون؟

2- جارتي محجبه وتكول امو مره سوده كلما تشوفهه تغلط عليها يدون سبب غير انها محجبه ,, شنو لازم تسوي ؟  تكدر تفاضيهه ؟

3- اكو عائله ساكنين ببت واحد صيني مأجريه منه ويجي يفتح الباب بدون ان يطرقها ومره من المرات فاتح ابواب غرف النوم عليهم وهمه نايمين وبنتهه عمرهه 20 سنه كايمه تبجي,,, هذا شنو يسووله يشتكون عليه لو مبيها فايده ؟

4- احد الزوجات باعت كل ذهبها بالعراق وصار عدهه تقريبا دفتر يصير تفتح حساب بالبنك وتخلي الفلوس لو تأثر على مساعدات زوجهه لان هم لحد الان ساكنين فندق وتخاف ينباكن ؟


ولكم جزيل الشكر

50

الهجرة و واللاجئين / مساعده رجاءا.. ممكن معلومات عن فيزا الزياره

« في: 22:10 31/07/2012  »

مساء الورد ,,,,

ممكن اي معلومات عن فيزا الزياره وشنو المؤهلات المطلوبه بالشخص الي يقدم عليها واي درجه من اقربائه تشمل وشكد تطول بلا زحمه عليكم

51

الهجرة و واللاجئين / منو عنده سفر يوم 10 / تموز

« في: 15:12 02/07/2012  »

مساء الورد ,,,,,,,,,,,
منو عنده سفر يوم 10 / تموز ؟؟؟

52

الهجرة و واللاجئين / سؤال يخص صديقتي >>>> فيزا SIV

« في: 23:40 10/06/2012  »

     مساء الورد ,,,,,,,,,

ممكن اعرف شكد يكدر الواحد يتأخر بالسفر قبل انتهاء الفيزا

خصوصا اذا كانت عده شغلات معلقه ويريد يكملهه

وفيزته تنتهي 1/تموز مثلا

شكد قبل الانتهاء لازم يسافر وشكرا جزيلا وياريت الي متأكد يجاوب حتى لاتتورط خطيه

السؤال الثاني وين لازم تدز النسخه مال الفيزا لان هي بالرساله مال الفيزا كاتبيلهه هيج
       For SIV applicants, you need to send a scanned copy of your visa to siv@wrapsnet.org and NVCSIV@state.gov for your Resettlement Benefits.

هذا الايميل شنو علاقته ؟؟ مو مال نبراسكا هذا ؟

53

الهجرة و واللاجئين / الويسترن يونين

« في: 02:45 08/06/2012  »

صباح الورد ,,,,

ممكن نحول فلوس الى امريكا عن طريق الويسترن؟ اذا ممكن شكد ياخذون نسبه ووين فرعهم بالمنصور ؟

شكرا جزيلا

54

الهجرة و واللاجئين / الهويه وشهادة الجنسيه والبطاقه لتموينيه وبطاقة السكن

« في: 20:47 07/06/2012  »

مساء الورد ,,,,,,,,

سؤال بخصوص الجنسيه وشهادة الجنسيه وبطاقة السكن والبطاقه التموينيه هم نحتاجهه في امريكا ؟؟

لو نتركهن يم اهلنه من نسافر يجوز يحتاجوهن

شكرا جزيلا

55

الهجرة و واللاجئين / اهالي كاليفورنيا ارجو المساعده

« في: 20:40 28/05/2012  »

مساء الورد

سؤالي لاهالي كاليفورنيا مختلف المدن ارجو منكم توضيح طبيعة الاسعار والمساعدات في مختلف مدن كاليفورنيا

لان اكو ناس عدهم عدة كفلاء في مدن مختلفه في كاليفورنيا ويريدون يعرفون يا مدينه تناسبهم اكثر من ناحية المساعدات والاسعار

هم عائله من 6 اشخاص

شكرا

56

الهجرة و واللاجئين / عاااااااجل سؤال الى اهالي كاليفورنيا

« في: 02:01 27/04/2012  »

مساء الخير

سؤال الى من يسكن ولاية كاليفورنيا مدينة مونتيري ارجو من حضراتكم ان تزودوني بأرقام تلفونات وايميلات منظمات المساعدات الموجوده بالمدينه مع ذكر احسن منظمه موجوده بالمدينه 
مع جزيل الشكر للجميع

57

الهجرة و واللاجئين / سؤال عن ولاية كاليفورنيا وطلب كفيل فيها

« في: 16:39 06/04/2012  »

                      مساااااااءء الووورد لجميع الاعضاء,,,,,,,,,,,,,

اخواني اخواتي مثل ما عودتوني متقصرون معي اريدكم تجاوبوني على شغلة مدوختني

هل صحيح المساعدات في ولاية كاليفورنيا تستمر خمس سنوات للعوائل واذا صحيح شنو سبب هذا الفرق الكبير بينهه وبين باقي الولايات الامريكيه

باقي الولايات اشهر معدوده وكاليفورنيا خمس سنوات !!!!!!!!!!!

ممكن احد يشرحلي السبب رحمة لوالديكم

واذا فعلا هذا الكلام صحيح ممكن احد يكفلني بهاي الولايه لو مو ممكن؟؟؟؟؟؟

شكرا جزيلا

58

الهجرة و واللاجئين / اعتذار الى الاخت الغاليه ريم عبد حيل خجلانه منج استاذتنا المحترمه

« في: 15:22 22/03/2012  »

مساء الورد ,,,

اود ان اقدم اعتذاري لاستاذتنا واختنا الغاليه ريم عبد وعلى وكلمن وضع رد على موضوعي قبل ايام الي قدمت بي عدت اسئله وعنوانه كان الى ريم عبد وابو قمر
طبعا قريت رد ريومه الله يحفظها وبعدني ما شاكرتها الموضوع اختفى من المنتدى كله صار كم يوم ادور وماكو فايدة قررت اكتب اعتذاري وارجو قبوله

59

الهجرة و واللاجئين / ابو قمر .. ريم عبد .. وباقي الاخوه ياريت تجاوبوني

« في: 23:07 15/03/2012  »

اخوتي بلا زحمه عندي كم سؤال

1-المهاجر يكدر  يغير ولايته اول ميوصل اذا يشوفه ولايه تعبانه وشنو موقف المساعدات اذا يكدر يغير الولايه

2-اذا اشتغل 8 ساعات باليوم هل تعتبر فول تايم واذا اعتبروها فول تايم تئثر على المساعدات

3- اول شغله يلكوها المنظمه اله لازم يقبل بيها حتى لو شافها صعبه يعني مثلا شفت ليلي ومجهود صعب حمال او غيرها يكدر يرفضها ويلكون غيرها

4-اذا ناوي يدرس شوكت يبدي يدرس وشوكت لازم يبلغ المنظمه انه هو يريد يكمل دراسته الجامعيه وشنو لازم يسوي

والف شكر للجميع وادعي ربي يفرح كلوبكم كلكم

60

الهجرة و واللاجئين / معقوله هذوله حراميه!!!!

« في: 00:20 01/03/2012  »

السلام عليكم

الموضوع بأختصار احد اقربائي وصل امريكا قبل كم يوم,ومن وصل للمطار سأل عن الويلكم جيك كله الموظف المسؤول ماكو هيج شي لو ننطيك ويلكم جيك لو مساعدات
اذا انطيناك مبلغ الويلكم جيك مننطيك مساعدات
يا جماعه اكو هيج شي لو الموظف حرامي واذا حرامي شيسوي ابن عمي ؟ ياريت اليعرف يجاوب ارجوكم

61

الهجرة و واللاجئين / اخوان منو عنده موعد سفر يوم 27/2

« في: 15:30 19/02/2012  »

مرحبا ,,,,

صديقتي سفرها بهذا اليوم وتمنت اكو احد عرف يسافر بهذا اليوم لان خطيه تسافر وحدها

وعدها سؤال

تكدر تاخذ اغراض اضافيه فوق الوزن المسموح 25 كيلو على حسابها تاخذهن لو ميصير

62

الهجرة و واللاجئين / استفسار زغير اذا تسمحولي اخواني

« في: 00:06 12/02/2011  »

مساء الخيرات عليكم

عندي استفسار زغير يخص اخويه

هو ضابط بالقوات الخاصه العراقيه ومهدد وصارله 7 سنوات مشايف بغداد لان مطلوب رقم واحد من قبل الارهابيين

وهو قاتل بكل المعارك مال فلوجه ونجف وغيرها طبعا وياه قوات امريكيه

بصراحه مجان مفكر يهاجر خارج العراق بس هسه فكر بالمسأله لان صعبه يبقى عايش بالعراق

تحياتي اخواني ارجوكم فهموني يكدر يحصل هجره لو لجوء وبأي طريقه وشلون وشنو المطلوب منه يوفره

اشكركم جزيل الشكر وتسلمون

63

الهجرة و واللاجئين / ثلاث اسئلة ارجو من خواني الاجابة عليها

« في: 23:43 10/01/2010  »

مساء الورد لعيونكم,,,عندي كم سؤال واتمنه تردون عليهه
1-والد زوجي اسمة محمد وتعرفون هذا الاسم ينكتب بعدت اشكال باللغة الانكليزية المهم همة ماتبين بالجواز شكل يعني uمسويهه o وكاتبين اسم زوجي بجواز اطفالي يختلف عن اسمة بجوازة فهل هذا يؤثر على المعاملة لو لا
2-صديقتي خلصو معاملتهم وباقي على الفيزا بس هي حايرة لان عدهه ولد عمرة 22 سنة وخايفة تروح لهناك ومتلكة بنت الحلال حتى تزوجة ومتدري شتسوي تزوجة ويسافرون لو يروحون لهناك اول وبعدين يسافرون
3-صديقتي الاخرى زوجها وابنها مترجمين فطلبت مني ان اسئلك ياهو الاحسن اذا الاب بس يقدم على siv لو الابن يقدم وحده والاب وحده شنو الافضل الهم,,,,, للعلم اني بلغت صديقاتي بان هذا المنتدى يحتوي على ناس اصلاء ومراح يقصرون بافادتهم وشكرا جزيلا للجميع

64

الهجرة و واللاجئين / سؤال بالنسبة لبطاقت الماستر كارد ؟؟؟؟؟؟؟؟؟؟؟؟

« في: 00:27 19/12/2009  »

صباح السعادة اخوان واخواتي الاعزاء عندي سؤال ورحم الله والدية الي يجاوب ::: بالنسبة لبطاقت الماستر كارد اذا بيها رصيد يكدرون يعرفون بيها بالمطار او عند الوصول لأمريكا ؟؟؟؟ واذا واحد يضمها بالمطار يكتشفوها ؟؟؟؟؟ اني قريت اقتراح الاخت ريم عبد في احد المواضيع وشفتها خوش فكره بس السؤال هنا اكو مشاكل بالنسبة للماستر كارد واذا اكو شنو هي المشاكل ؟؟؟؟ ومشكورين مقدما اخوتي

65

الهجرة و واللاجئين / محتاجة فزعت اخواني رحم الله والديكم

« في: 21:25 14/12/2009  »

مساء الخير اخواني الاعزاء ارجوكم محتاجه نسخه من الكليشه مال الريكومنديشن (التوصيه) لان زوجي محتاجهه هسه والادفايزر الامريكي كله اكتبهة واني اوقعهة واكتب عنواني وزوجي ميعرف الصيغة شلون يكتبهة اللة يخليكم اذا احد عندة نموذج خلي ينشرة او يدزة على الخاص وشكرا مقدما لكل الاخوان اللة يبارك فيكم

66

الهجرة و واللاجئين / ســـــــــــاعدوني ارجـــــــــــــــــــــــوكم

« في: 02:50 20/07/2009  »

 
صباح الحب على اجمل منتدى وارقى اعضاء شفتهم بدون مجامله

اني جديده وياكم وحبيتكم تقبلوني اخت وصديقه الكم وتساعدوني اذا مبيها تعب عليكم

زوجي يشتغل مع قوات التحالف

وهسه راح يحصل موافقه على اللجوء بأمريكا

سمعنا هواي عن اللي يروح هناك

ناس يكولون ينطوكم بيت ببلاش وناس يكولون كذب بس 8 اشهر وبعدين ياخذون ايجار هاي الفتره

ناس يكولون المدارس كلش غاليه وناس يكولون كذب رخيصه

ناس يكولون المعيشه صعبه وناس يكولون ارخص من العراق

وبالنسبه لزوجي راح يلكه شغل هناك لو لا ؟


واذا كملنا نروح كلنا سوا لو يروح هو اول مره وبعدين يدز علينا

زين شلون نروح ومنو يختار المكان اللي راح نعيش بي وشنو نصائحكم النه بالنسبه للاماكن اللي تناسب العراقيين


الله يخليكم لتبخلون علية بنصائحكم والله يحفظكم ويحقق امانيكم يار


واشكركم جدا واشوفكم باجر


بأأأأأأأأأأأأأأأأأأأأأأي