مواضيع

1

الهجرة و واللاجئين / سؤال عن تاثير بركان ايسلندا على الرحلات من اسطنبول الى نيوورك

« في: 20:06 16/04/2010  »

اخواني وخواتي .
بركان ايسلندا حياثر على رحلات تركيا / نيوورك؟

2

دردشة منتدى الهجرة واللاجئين / استلمت الجواز والسفر يوم 19

« في: 16:55 13/04/2010  »

اليوم رحت استلمت الجوازات ايباه من 20/10/2008 مشايف جوازي .يوم الاثنين ان شاء الله نطير الساعة 12:15 من مطار اتاتورك واول ميصير عندي انترنيت ارجعلكم.
اشكر كل اخواني وخواتي بمنتدانا الغالي الي هونوا علي فترة الانتظار ويارب يوفق الجميع .

3

الهجرة و واللاجئين / تركيا تحديث صفحة اليو ان

« في: 13:51 09/04/2010  »

تم اليوم تحديث صفحة اليو ان تركيا
وهذا الرابط حتى على للسريع تجيك
http://results.unhcr.org.tr/index.php

4

دردشة منتدى الهجرة واللاجئين / وصول الخروجية وتاكيد موعد السفر

« في: 19:44 08/04/2010  »

اخوتي واخواتي وصلت الخروجية واخيرررررررا وتاكد موعد السفر يوم19

5

الهجرة و واللاجئين / جماعة تركيا تحديث صفحة UN بتاريخ 2010-03-31

« في: 13:39 01/04/2010  »

اخواني تحديث بتاريخ 2010-03-31 17:35:00

6

دردشة منتدى الهجرة واللاجئين / هنوة وين شنو القصة اشو يومية عضو مفقود

« في: 14:21 28/03/2010  »

هنوة وين شنو القصة اشو يومية عضو مفقود ان شاء الله المانع خير.

7

الهجرة و واللاجئين / هل هناك جهة رسمية تعلن عن قيمة مبلغ الولكم

« في: 20:38 26/03/2010  »

 تحية لكل الاعضاء
قبل يومين نزل الاخ همام موضوع عنوانة (الولكم شك لفرد الواحد صارت 1100$ بكاليفورنيا) وسالت بالموضوع السؤال التالي
اذا المنظمة غلست وكالت ماكو هيج شي اكو موقع رسمي او اي طريقة حتى الواحد يحاججهم اذا نكروا قيمة المبلغ
من خلال متابعتي للمنتدى لاحظت المنظمات هواية تغلس على اللاجئ حتى تفضة بسرعة فلازم الواحد يكون عندة دليل حتى ميضيع حقة فياريت الاعضاء الي عدهم خبرة يجاوبون حتى اذا صار هيج موقف الواحد يعرف شلون يتعامل وياه.

8

دردشة منتدى الهجرة واللاجئين / سؤال عن يارا وريم

« في: 21:37 25/03/2010  »

اخواني وخواتي اليوم لاحظت انو يارا وريم غايبين عن الدردشة ان شاء الله خير والي يعرف السبب ياريت يكوللنه

9

الهجرة و واللاجئين / موضوع مكرررررر اخواني رجاءااا كونوا واضحين بالسؤال و اسم الموضوع

« في: 22:44 24/03/2010  »

السلام عليكم
طبعا الموضوع نوهوا عنه الاعضاء والاداريين اكثر من مرة
رجاءا اخواني من تنشر موضوع خلي العنوان يكون واضح ومعبر عن المحتوى لسببين الاول م تنشر موضوع وعنوانة مو واضح حتشوف هواية مشاهدات واجوبة قليلة لان كل الاعضاء بالمنتدى يملكون محبة مساعدة الاخر بس اذا ماعندة جواب مراح يكدر يساعد لان بكل بساطة هو من البداية ميعرف شنو الموضوع الي داخل علية وهذا الشي حيولد نوع من الغضب حتى لو كان بسيط داخل كاتب الموضوع . السبب الثاني اغلب المشتركين النت عندة ضعيف وعلما يدخل الموضوع تكون روحة واصلة لخشمة وبالتالي يلكى الموضوع بعيد عن المعلومات الي يملكها .
اليوم بالذات مواضيع هواية نزلت العناوين بيها مواضحة فارجوا الانتباه اخواني

10

الهجرة و واللاجئين / قصتي وي الخروجية او الجقش بالتركي

« في: 21:02 19/03/2010  »

السلام عليكم
طبعا الموضوع يهم الاخوان بتركيا وان شاء الله متتكرر وي اي شخص

اول موعد سفر اتحدد الي كان يوم 3 شباط واتاجل لان الملف مالتي كان بيه نقوصات والمسؤول عن ملفي نسى اهمية كتابة قصتي كاملة وارسالها لوزارة الداخلية وماالومه لان هو كلش خوش ادمي بس قلة الخبرة كانت السبب لان عدد اللاجئين ميتجاوز العشرين نفر واحنا العائلة العراقية الوحيدة بيناتهم المهم كملنا الاوراق واندزت يوم 19 شباط للداخلية بعدين انطوني موعد سفر جديد 29 اذار . البارحة رحت للامنيات والخروجية هم مواصلة اتصلت ب UN واستفسرت كالوا هسة نتصل بالداخلية ونخابرك ورة نص ساعة خابروا وكالوا اسفين الداخلية مراح تكدر تكمل الخروجية مالتك هذا الاسبوع .ليش؟ مكدر احد يجابوني على هذا السؤال وانطوني موعد جديد يوم 19 نيسان ومااعرف حيتاجل لو لا.
نصيحتي للاخوان الي بتركيا انو يتاكدون من ملفاتهم بالامنيات حتى ليتكرر نفس الشي وياهم

11

دردشة منتدى الهجرة واللاجئين / لعبة جديدة اسم ممثل او ممثلة والي بعده يذكر اسم فلم مثل او مثلت فيه

« في: 00:36 11/03/2010  »

السلام عليكم
اللعبة واضحة اذكر اسم احد الممثلين عربي او اجنبي والعضو الي بعدك يذكر اسم فلم مثل بيه وينطي اسم ممثل للعضو الي بعده

واني راح ابدي

احمد حلمي

12

الهجرة و واللاجئين / تحديث جديد لقاعدة بيانات UNHCR في تركيا

« في: 15:37 08/03/2010  »

الاخوان والاخوات في تركيا تم اليوم تحديث جديد لصفحة UNHCR تركيا

13

الهجرة و واللاجئين / موضوع امريكا والنصائح حول الذهاب او عدم الذهاب للمرة المليون

« في: 10:24 28/02/2010  »

السلام عليكم اخواني واخواتي.
موضوع امريكا والذهاب من عدمه انثار اكثر من مرة والكل مشكورين نقلولنة تجاربهم الشخصية بهذا الموضوع بس ياريت لو الاعضاء يبطلون يسألون بهذا الموضوع لان موضوع يتلف الاعصاب لان بصراحة الي مداافتهمة اذا الاسان مهدد وخايف على حياتة حيكون عدة خيار وحتى الي ممهدد وتطلعلة امريكا مراح يروح؟ مااعرف احنا ليش نضحك على نفسنا ونسأل او حتى نجاوب بهيج مواضيع .
نصائحي لكل من يريد السفر لامريكا الي يخاف من العيشة وماكو احد راكض وراه يريد يقتله ليفكر يطلع من العراق الي ميريد يضحي ويبني مستقبل لجهاله ليفكر يسافر الي عنده بنات وخايف عليهم وميفكر انو الحليبة طاهر عمره ميسوي شي غلط خلي ميطلع من باب بيته والي والي والي اخواني معظم العراقيين يريدون يطلعون من العراق او طلعوا من العراق لانوا اكو تهديد مباشر على حياتة وحياة عائلته فرجاءا راعوا مشاعر الناس الي لاحول الهم ولاقوة وميملكون حتى تقرير مصيرهم ذولة الناس من يقرة كلامكم شيسوي يكلهم مااروح لامريكا لان خايف من العيشة . اخواني رجاءا الي عده معلومة براسها خير يكولها ويفيد الناس اما موضوع العيشة والحياة هاي ارزاق ربك يقسمها اما اذا الواحد ضايج  ويريد يفرغ حركته فحرام عليه لان لا الي ديسأل على اجي لومااجي وخلي اتصير صدك وينقبل وعود خلي ليروح ولا النصائح دتجي من شخص صارلة 5 سنين بأمريكا حتى من يطيك تقييم يكون تقييم مبني على خبرة
بالنهاية حبيت اكول كلامي مموجهة لاي شخص وانما اني دااحجي بصورة عامة

14

الهجرة و واللاجئين / هل يتم الاتصال بالكفيل في كل الاحوال؟

« في: 17:42 27/02/2010  »

السلام عليكم
مثل مايعرف البعض منكم تم تحديد موعد سفري  يوم 3/2 وتم تأجيله لاسباب فنية سؤالي هو هل من الوارد عدم الاتصال بالكفيل نهائيا من قبل المنظمة علما انهم حددوا لي الولاية نفسها التي يسكنها كفيلي .

15

الهجرة و واللاجئين / تم تأجيل موعد سفري من تركيا

« في: 16:17 28/01/2010  »

السلام عليكم اخواني .
صار 3 ايام اروح واجي للامنيات علمود كتاب الخروجية اليوم هم كالو ماكو خابرت اليو ان وكتلهم كالوا المفروض واصل ورة نص ساعة خابروني اليو ان وكلولي رحلتك اتاجلت لان الافادة مالتك(نفس القصة الي كلتها باليو ان لازم تعيده بالامنيات مال تركيا)مموجودة بوزارة الداخلية المهم رحت للامنيات مرة ثانية وسالتة كال بعدني مدازها لان والدتك مموقعة الاوراق مالته كتله ليش مبلغتني تعرفون شجاوبني كلي نسيت وطبعا هو نفسة كال والدتك مو لازم تجي لان مرة جبيرة ومريضة اخواني الي بتركيا الي موعد سفرهم قريب او الي كملوا الدورة الثقافية اتاكدوا من الموضوع وي الامنيات مالتكم حتى ليصير بيكم مثلي.

16

الهجرة و واللاجئين / الاخوان في تركيا اليوم تم تحديث صفحة اليو ان

« في: 16:48 27/01/2010  »

السلام عليكم اخواني واخواتي اليوم نزل التحديث مال اليو ان تركيا

17

الهجرة و واللاجئين / الاخوة الي بناشفل بخصوص المنظمة؟

« في: 13:55 13/01/2010  »

تحية لكل الاعضاء.
سؤالي بخصوص المنظمات بناشفل اساميها ونوع الخدمات الي يقدموها وكيف هي ومعاملتم للاجئ؟

18

الهجرة و واللاجئين / موعد طيران 3/2 من تركيا

« في: 13:13 13/01/2010  »

اخواني الاعزاء . واخيرا اتصلوا بيه الامم المتحدة وابلغوني موعد سفري وسالت عن تفاصيل الرحلة ووقتها كالوا ال IOM يبلغوك ودزيت ايميل لل IOM كالولي هيج معلومات مننطيها على التلفون ولاعلى النت انتظر رسالة من عدناتوصلك على عنوانك . الحمد لله فرجت واني رايح لناشفل تنيسي ان شاء الله ويارب يارب يارب كل الي ينتظرون تفرج عليهم ويسافرون.
بالمناسبة اخوان الي يريد تفرج علية خلي الاخت ريم تدعيلة ترة كلش مبروكة مصار اسبوع من دعتلي . الاخت ريم العزيزة اولا مراح انسى العزيمة وياريت لو تحدثيين المعلومات مالتي واتضيفين موعد السفر ويوم التفرحينة .
تحية لكل اهلي بمنتدانا الغالي.

19

الهجرة و واللاجئين / مواعيد طيران تركيا

« في: 01:37 06/01/2010  »

السلام عليكم.
اخواني واخواتي اليوم اتصل بيه احد الاشخاص الي كان معي بالدورة التثقيفية 7/12 وكال انطوة موعد سفر يوم 20/1 واكو شخص ثاني يعرفة نفس المنطقة موعد سفرة 14/1 فياريت من الاخوان الي بتركيا يكتبون اذا حصلوا سفر او يعرفون احد انطوه موعد طيران ان يكتبون حتى نعرف اذا انفكت الجبسة مال تركيا لو لا.
ولتنسون الاتصال على ال iom كل اربعاء.

20

الهجرة و واللاجئين / سؤال لاصحاب الخبرة؟

« في: 01:28 05/01/2010  »

السلام عليكم.
الاعضاء الكرام هل من الممكن التحويل على برنامج SIV داخل امريكا وسبب سؤالي هو اني قدمت عن طريق اليو ان واني حاليا بانتظار الامنية واعرف شخص كلي انو عندة صديق دخل امريكا عن طرق اليو ان وكدر يحول على ال SIV وطولت المعاملة وحصوله على الكرين كارد 8 اشهر فهل هذا صحيح؟

21

الهجرة و واللاجئين / هل بالامكان تقديم على الSIV او ال Iom من خارج العراق(هولندا)

« في: 19:39 01/01/2010  »

الاخوان الاعزاء تحية عطرة.
لي صديق في هولندا مشتغل مع الامريكان لثلاث سنين واعطوه رفض في هولندا والان هو في رحلة استئناف القرار سؤالي هو هل يحق له التقديم على ال siv او ال iom  وبالنسبة للمقابلة كيف تتم الاجراءات وفي اي بلد ستكون .

22

الهجرة و واللاجئين / طلب من الاخ ماجلان وياريت لو الاعضاء يأيدوني

« في: 23:28 31/12/2009  »

كل عام وانت والاعضاء بالف خير.
اخي العزيز طلبي بخصوص ابو اندرو مااعرف اتصلت بيه لو بعد ولو احساسي يكول انو ابو اندرو شوية ماخذ على خاطرة بس الي اطلبة منك بلا امر عليك انو توصله الرسالة كلة مكانك خالي وكل عام وهو بخير وياريت لو ينسى الخلافات لان منتدى عينكاوا هو بيت المحبة والتسامح وفي الختام تقبل مني السلام.

23

الهجرة و واللاجئين / الى المشرفين والاخوة الاعضاء بخصوص موضوع الاستئناف

« في: 19:18 21/12/2009  »

السلام عليكم اخوتي واخواتي الاعزاء .
اليوم اختنة طوطي سألت سؤال عن كيفية كتابة وتقديم الاستئناف وقد بحثت في قسم اهم المواضيع ولم اجد شئ بخصوص هذا الموضوع فأقتراحي انو ياريت الاعضاء الي عدهم خبرة بهذا الموضوع ان يكتبون الطريقةبصورة عامة والاخوان المشرفين ياريت يثبتوا الموضوع خدمة للاعضاء .
ارجوا ان يلقى مقترحي القبول لديكم.
تحياتي

24

الهجرة و واللاجئين / تركيا الاخوان الي منتظرين موافقة المحلف تحديث اليو ان اليوم , وسؤال لاصحاب الخبرة

« في: 17:21 16/12/2009  »

السلام عليكم اخواني اليوم نزل التحديث الجديد على موقع اليو ان .
سؤالي هو مذكور انو اني انقبلت القضية مالتي بس بتاريخ البارحة واني الموافقة استلمتها شهر ال 11 وكملت الفحوصات والدورة الاسبوع الماضي فسؤالي هو هل هذا معناه الامنية وصلت لو ماكو علاقة.
تحياتي

25

الهجرة و واللاجئين / الاخوان المشرفين الاخوان الاعضاء الرجاء الدخول

« في: 23:05 15/12/2009  »

اخواني الاعزاء السلام عليكم.
المنتدى مكان رائع لتبادل المعلومات ومساعدة العراقيين الذين غدر بهم الزمن وهجرهم من وطنهم والمنتدى كان العون والمتنفس الوحيد لكل عراقي مقدم على الهجرة وساعد بشتى الوسائل الممكنة وقد لاحظت مؤخرا كثرة المشادات الكلامية والخروج عن قواعد الاداب العامة وتبادل الاهانات بين بعض الاعضاء يااخوان ارجوكم ان نترك كل ماهو سلبي ونركز على المهم الا وهو العراقي وكل انسان توجهه الى المنتدى ليجد الجواب الشافي.
 اكثر اعضاء المنتدى يواجهون مصاعب وحالتهم النفسية متازمة وعلى ذلك فالاعضاء بغنى عن قراءة مشادات وعراك شخصي لايقدم ولايأخر لذا اطلب من الاخوان المشرفين بالحدية والحزم خصوصا بعد ان جربوا الطريق الاخوي وقاموا بمبادرات اقل مايقال عنها رائعة وذات روحية عالية كما حصل يوم امس واليوم لتنقية الاجواء ومع ذلك نرى استمرار الافعال المزعجة بمنتدانا العزيز .
ولكم جزيل الشكر

26

الهجرة و واللاجئين / الاخوان في تركيا واصحاب الخبرة . مابعد مقابلة المحلف؟

« في: 21:32 29/11/2009  »

السلام عليكم اخواني واخواتي الاعزاء.
عندي سؤال محيرني بعد مقابلة المحلف اذا انطوا موعد فحص طبي هل هذا يعني موافقة المحلف ؟ وشكد مدة الفحوصات يعني تخلص نفس اليوم لو لازم الواحد يبات بأسطنبول؟ولكم مني جزيل الشكر

27

الهجرة و واللاجئين / الاخوان الي يعرفون اي طريقة اتصال بمحامي الامم المتحدة بأنقرة

« في: 14:59 27/11/2009  »

اخواني واخواتي الاعزاء .
عندي صديق محتاج مساعدة هو مقبول كلاجئ وانطوه الورقة ام الفسفورة من شهر الواحد ولحد الان ممتحول على التوطين يروح لمفوضية اللاجئين بأنقرة يكولوله دزيناها لل ICMC يروح لاسطنبول يكولوله المفوضية مدازه فايلك فأذا اي احد يعرف تلفون او عنوان محامي من الي يتعاملون وي المفوضية اكون ممنون لان الولد لعبوا باعصابه لعب.

28

الهجرة و واللاجئين / ألأخوان الي قابلوا لجنة المحلفين الجديدة بتركيا رجاءا رجاءا الدخول

« في: 18:04 01/11/2009  »

اخواني رجاءا اي واحد قابل اللجنة الجديدة يكتب انطبعاه ونوع الاسئلة ؟اقصد اذا جان اكو اسئلة غريبة واكو احد وقع على تخويل في حالة الرفض مثل اللجنة السابقة . تحياتي للجميع

29

الهجرة و واللاجئين / الى جماعة تركيا ارجو الجواب بخصوص عدم محكومية؟

« في: 12:20 17/10/2009  »

السلام عليكم.
اخواني الاعزاء اني كنت بعمان عام 1999 وبقيت 6 اشهر وكم يوم فهل صحيح انو لازم اجيب عدم محكومية من الاردن .ارجو من اي شخص عنده معلومات اكيدة انو يرد على سؤالي لان الموضوع دمر اعصابي وشكرا لكم.

30

الهجرة و واللاجئين / اخبار المقابلة الثالثة ?ICMC

« في: 13:02 16/10/2009  »

السلام عليكم ...... شنو محد خابروه على الثالثة اشو لا حس ولانفس؟

31

الهجرة و واللاجئين / أخوان مساعدتكم فندق قريب على ICMC أسطنبول وسعرة مناسب؟

« في: 11:56 10/10/2009  »

أخوان مساعدتكم فندق قريب على ICMC أسطنبول وسعرة مناسب؟