مواضيع

1

الهجرة و واللاجئين / استفسار من عراقيه مقيمه في قطر

« في: 23:35 14/12/2011  »

السلام عليكم اخواني واخواتي في المنتدى اشكر كل من ساعدني وارسللي عنوان الامم المتحده في الخليج وفعلا تواصلت معاهم وقابلونا انا وزوجي في مكان اقامتنا بقطر  وبعد المقابلة الاولى استدعو زوجي لوحده وسئلوه اسئلة عديده وجاوب عليها كتابتا وبعدها بفتره من الزمن ارسلو النا ورقة بقبولنا كلاجئين بس ماحددو النا ولادولة ولاشي اريد اعرف من اخواني واخواتي شنو الاجراءات الجاية وانا اعرف هسه ان اكثر دولة تاخذ لاجئين هيه امريكا وانا متخوفه منها بصراحه اشو كل واحد يحجي شكل اللي يقول ينطون مساعدات ست شهور ويخلوك واللي يقول المبلغ مايكفي وبصراحه حايره اكو ناس اعرفهم بكنساس مرتاحين وعايشين واكو ناس بكاليفورنيا وتعبانين ممكن اسئل عن الحياة بامريكا والتامين الصحي خصوصا عندي طفل وزوجي مريض بالسكر واريد اعرف احسن الولايات الامريكية باللجوء وهم اريد اعرف معلومات عن كندا وشكد ينطون للاجيء وشنو مميزات اللجوء بكندا لان على حسب علمي ان كندا احسن من امريكا والله اعلم وجزاكم الله كل خير عن كل مساعده اتقدموها لاخوانكم في المنتدى

2

الهجرة و واللاجئين / سؤال واحتاج للمساعدة .... ضروري

« في: 10:55 14/02/2011  »

السلام عليكم انا عراقية ومقيمة في قطر وبصراحة ينطيكم العافية ساعدتوني وانطيتوني ارقام هواتف UN في السعودية وخابرتهم ومليت الطلبات وخلصت كل شي وهذا الكلام من سنة وشهرين  وظليت انتظر وصارت ويانا المقابلة اخيرا في بداية شهر 11 2010 ولحد الأن ماكو أي شي ممكن اعرف شسوي او شنو اللي راح يصير بعدين يعني اوكي ولا لاء راح يقبلونا لوبعد ننتظر لان هما مقصد حجيهم اننا مقيمين ومرتاحين ومامحتاجين لجوء ممكن تنطوني اجوبتكم والله ينطيكم العافيه

3

الهجرة و واللاجئين / استفسار من الاخوه الاعضاء

« في: 00:12 19/01/2010  »

مرحبا اخواني الاعزاء ممكن سؤال وهوه اللي يقدم على لجوء لامريكا اي ولاية يختار او بالاصح شنو هيه احسن ولايه لللاجيء من ناحية المعيشه والفود ستامب والمصرف وتربية الاطفال وتكون حياتها حلوه واسعارها مناسبه ومابيها جريمه وشكرا لمساعدتكم

4

الهجرة و واللاجئين / اخواني جزاكم الله خير ساعدوني بسرعه

« في: 11:36 27/12/2009  »

مرحبا اشكر الاخوان اللي ردو علي علي الربيعي وفايلون وعكعك واتمنى الهم كل التوفيق بس انا اعرف ارسل المشكله انه ارسل الفايلات لايميلهم وبعد اشوي تجي رساله انه فشل الارسال وراح اتخبل ليش والمشكله انهم انطوني ثلاث ايميلات ولاواحد جاي اتروح عليه الرسايل وانا في قطر وايميلهم في  السعوديه ليش مااعرف ساعدوني الله يخليكم

5

الهجرة و واللاجئين / مساعده عاجله من اخواني الله يخليكم

« في: 18:23 24/12/2009  »

مرحبا اخواني الاعزاء واخواتي صار فتره ماادخل على المنتى ومااشارك لان جنت مشغوله اتصلت على الامم المتحده في السعوديه وبعثولي استمارات اللجوء وكملت تعبئتها ومن اجيت ابعثها على الايميل مالتهم اللي انطوني اياه ماراحت كل ماابعث ماتوصل الرساله واتخبلت بصراحه يوم كامل وانا احاول وماكو فايده ممكن اتفهموني شنو السبب والمشكله جاي اتصل بيهم وماكو رد ارجو من اللي يعرف شلون ادز الاوراق عن طريق الايميل ارجوكم يااخوان ساعدوني

6

الهجرة و واللاجئين / استفسار من الاخوان العراقيين في الخليج هام ومستعجل

« في: 10:33 19/11/2009  »

مرحبا اخوان انا اريد اسأل اي مكتب لليو ان احسن ابعث اله القصه والجوازات والاقامه وتكون معاملته اسرع وممكن احصل على موافقه ومقابله بيه الامارات لو السعوديه او البحرين مع العلم انا مقيمه في قطر وظروفي صعبه ارجو المساعده ياخوان بالارقام والفاكسات والايميلات للمكاتب وشنو تنصحوني ابعث كل الاوراق مع القصه لو انتظر من يردون على بعد اتصالي بهم وهل من الممكن ان اختار البلد اللي اريدها لو هما يحددون البلد مال اللجوء مع جزيل شكري لكم

[/b][/font][/color]

7

الهجرة و واللاجئين / مهم مهم

« في: 16:47 09/11/2009  »

مرحبا اخواني ارجوكم ارجو الرد على سؤالي وهوه هل يوجد تقديم على اللجوء لكندا عن طريق النت وماهي الاجراءات اللازمه والاوراق المطلوبه وكذلك بالنسبه لاستراليا وبعد اشكد يردون علي الجواب مع جزيل شكري لكم

8

الهجرة و واللاجئين / سؤال مستعجل

« في: 16:32 09/11/2009  »

مرحبا اخواني الاعزاء شلونكم انشالله بخير اريد اسألكم سؤال وهو هل من الممكن ان ارسل قصتي الى مكتب الامم المتحده عن طريق الفاكس او الايميل وبعدين من الممكن اني اروحلهم بعد مايخابروني للبلد اللي هما فيها لاني في الدوحه وماكو مكتب لامم المتحده هنا واريد اقرب مكتب النا في الامارات والبحرين اريد منكم ارقام التليفونات والفاكسات واذا ممكن الايميل مع جزيل شكري لكم

9

الهجرة و واللاجئين / عاجل عاجل ارجو المساعده

« في: 17:04 26/10/2009  »

مرحبا انا عراقيه من سكنة السيدييه متزوجه من عراقي منذ ثلاث سنوات وهوه ايضا من سكنة السيدييه ولدي طفل صغير المهم زوجي كان يعمل مع النظام السابق في القصور الرئاسيه وبعد السقوط اصبح يعمل في وزارة الاسكان والتعمير ولديه ايضا عمل خاص وطبعا لم يترك لحاله كان مهدد دائما ووصل الوضع لحد لايستحمل فاضطررنا للخروج من العراق في نهاية ال 2006 واقمنا عند اهلي في احد دول الخليج وعمل زوجي عمل بسيط وبراتب بسيط المشكله ان المعيشه صعبه وفي اي لحظه ممكن ان يتفنش زوجي من العمل وهنا يجب ان يرجع للعراق وانا لا استطيع العوده الى العراق لان لدي كثير من الاسباب اولها انه قد تم الاستيلاء على منزل اهلي من قبل الميليشيات وبعد ذلك اخذته جماعه سنيه اخرى وقتل خالي في المنزل وسرق ونهب هذا بالنسبه الى اهلي اما انا وزجي ونحنن نسكن مع عائلة زوجي فقد تعرض منزلهم للضرب ولااطلاقات رصاص وتعرض زوجي مرتين للقتل وضربت سيارته بالرصاص وجاؤو لحد باب بيت اهل زوجي لقتله والحمد لله انه كنا قد سافرنا قبل مجيئهم بثلاث ايام وهدد زوجي اكثر من مره وخطف احد اعمامه ولم يعرف مصيره لحد الان وقتل ابن عمه الاخر وخطف عمه الثالث لمدة يومين من قبل جماعه معروفه وافرجو عنه بعد التعذيب وهدد اخو زوجي واضطر للهروب الى سوريا لمدة ست اشهر وخطف اخو زوج اخت زوجي لعلاقتهم بالنظام السابق وظل بسجون الحكومه على اساس انه يدعم الارهاب هاي قصتي العجيبه ارجوكم  اريد حل لااعرف ماذا افعل انا وزوجي واهلي فكرنا في اللجوء الى السويد وقيل لنا ان اللجوء متوقف الان وفكرنا في استراليا او كندا ولكن لايوجد هنا في الدولة اللي انا فيها سفارات لهذه الدول ونحن نفكر ان نذهب انا وامي وابني قبل الرجال ونشوف الوضع ونطلب اللجوء وبعد ذلك نعمل لم شمل للرجال خوفا من البهدله ولكنني لااعرف اين الصح واتخوف من البهدله ارجوكم اللي عنده حل لنا يدلني عليه وجزاكم الله كل خير