مواضيع

1

الهجرة و واللاجئين / شكر للمنتدي وطلب مساعدة من الاخوة في ولايه ميزوري وخاصه مدينه كنساس

« في: 06:44 02/05/2010  »

السلام عليكم
طبعا هذا الموضوع الثالث اليه في هذا المنتدى والمواضيع السابقة وهذا كلها طلب مساعدة و لحد الان ما نفعت الاخوان باي شيء فارجو المعذره على ذلك ولو محد قالي اعتذر لكن احس اني مقصر
الى الاخوان اللي يكدرون يساعدوني باي معلومات عن مدينه كنساس في ولايه ميزوري لان انا ساكن في نفس الولايه ولكن في غير مدينه ارجو انهم لا يقصرون من ناحية العمل ومن ناحيه الجاليه العراقيه والاسلاميه هناك والايجارات واي شيء يخص الوضع العام ارجو لا يقصرون مع التحيات الي الكل وخاصه الاخت انجي اللي فادتني في موضوع سابق علي الخاص

2

الهجرة و واللاجئين / ماذا بعد الاشهر الاولى

« في: 23:05 23/04/2010  »

اخواني الاعزاء بعد التحيه
انا اخوكم وصلت الي ولايه ميزوري قبل حوالي اربعة اشهر مع عائلتي زوجه وطفل واحد وفي مدينه صغيره بهاي الولايه المنظمه مالتي تكفلوا بدفع ايجار الشقة مال خمسه اشهر فقط ودفع فاتورة الكهرباء الاولى فقط و طبعا ايجار الشقة منهم الي الشركة المالكه مباشرة بالاضافه الى الاثاث واكمال بطاقه الفود و مبلغ المساعدة الكاش (292 دولار )  وما يكفي كهرباء وماء علما انه القائمه اللي تجيني دائما قريبة على 200 دولار بالاضافة الى الماء مايقارب 30 دولار والانترنيت 35 دولار وبعد البنزين فيكون المبلغ كلش قليل وما يكفي وطبعا المدينه اللي انا بيها ما بيها مواصلات ( باص او غيره ) فقط الاعتماد علي السيارة الخاصة والحمد للة انا اشتريت سيارة و طلعت اجازة سوق مع العلم انه العراقيين بهاي المدينه فقط اربعة وكلهم طلبه بعثات وواحد استاذ بالجامعة و ما عدهم فكرة عن اي شيء يخص اللاجئين ظلت فقرة خاف انساها وهي  الشغل هاي المدينه صغيرة والعمل بيها صعب  مع العلم اني كل يوم املي طلبات عمل وارجع الي الوراء
طبعا هذا باختصار وصف للحال ولكن اللي اريد اعرفة اخواني الكرام اذا خلص الايجار مال خمسه اشهر وين الواحد ينطى وجههه اذا ما حصل شغل وتحياتي و انا انتظر منكم  وانتم ما تقصرون

3

الهجرة و واللاجئين / مساعدة حول الجامعات

« في: 03:20 27/03/2010  »

اخواني الاعزاء انا صديق جديد على المنتدي وما جنت اعرف بيه الا من خابرني صديقي بالعراق وقالي عليه
علي كلن انا شاهدت العديد من المواضيع بهذا المنتدى اللطيف بس حبيت اسئل اذا واحد يقدر يساعدني باكمال الدراسه او الحصول على قبول باي جامعة علما اني وصلت ولايه ميزوري منذ شهرين وانا مهندس مدني وجاي على برنامج الس اي في وشكرا