مواضيع

1

الهجرة و واللاجئين / اريد اعرف الايمل الي اراسل بي iom بغداد اذا ممكن؟؟

« في: 04:52 01/03/2015  »

السلام عليكم جميعا
 ان شاء الله الكل تكون بخير
بس اربد اريد اعرف الايمل الي اراسل بي iom بغداد اذا ممكن؟؟
وهل احد يعرف انو همة بعدهم يستقبلون فايلات جديدة او لا؟؟
وشكرا الكم مقدما

2

دردشة منتدى الهجرة واللاجئين / بارك للسيارات بس غيرررر شكل!!!!

« في: 01:50 08/09/2010  »

اليوم جبتلكم موضوع ان شاء الله يعجبكم

 من المشكلات الي تواجه الناس بالعصر الحديث وخاصة الشباب وهي مشكلة البارك مال السيارة تطلع تريد تنزل بمكان مشكلة وين تحط سيارتك

شوفوا هذا الرابط باركات اخر موديل وكولولي رأيييييييييكم

تحياتي

http://www.woehr.de/en/projekte/budapest_m730/index.htm

3

دردشة منتدى الهجرة واللاجئين / أختبار شخصية جداً جميل

« في: 00:47 07/09/2010  »

مساء الخير شباب وصبايا شلونكم

اليوم جبتلكم موقع كلش حلو بي اختبار شخصية كلش لطيف يارب يعجبكم واني جربتة التحليل مال الشخصية طلع بي نسبة كلش صحيحة من شخصيتي جربو وكولولي النتائج شلونها وياكم

تحياتي

http://www.spacetoon.com/spacetoon/home/test_your_self

4

دردشة منتدى الهجرة واللاجئين / أمنية فتاة عراقية

« في: 22:46 02/09/2010  »

أمنية فتاة عراقية


اني بنية عراقية...صبية جميلة بغدادية...حلوة ؟ اكيد حلوة...لأن ماكو عراقية ما تملي البيت والعين...احلم مثل كل البنات...لا مو مثل كل البنات...لأني عراقية...والعراقية ماتشبه اي البنات...احلم بعريس زين يحمل هواية صفات...هي صفات بسيطة .. بس كلش مهمة الي كعراقية? بأختصار اني عروس الها شروط ومتطلبات...واعتقد هذا مو هواية علية...لأن باختصار اني عراقية...
احلم بعريس يحبني اكثر من كل البنات...واكثر من حوريات السماوات ؟؟ أحلم بعريس مثقف وانيق...مو لابس بجامة ونعال ومتطوع بالمليشيات...احلم بعريس ماينتمي لأي حزب او هيئة او تيار...اريده ينتمي بس لأرض العراق...احلم بعريس مدرس...مهندس...عامل...بس ماريده بعد دكتور...احلم بأديب...شاعر...كاتب...بس لا يكتب عن الديمقراطية والأنتخابات...ولا يكتب عن الاحزاب والفيدرالية...
اريد بيت على شواطئ الاعظمية...والذهب من سوق الكاظمية...اريد بحنة البصرة انقش ايدية...وبخلاخل الموصل ازين رجلية .. اريد عريس اهله من المذهبين...واصدقائه تركمان وجيرانه مسيحيين...وهمينة اكراد وصابئة ويزيديين...اريد بعرسي تدك فرقة العلم...وتغني لندا جورج جميلة الكلدو اشوريين


اريد عريس يلبس بالعرس قاط واحلى رباط...ولا يكلي الرباط مو عادتنا...لأن اني عروسة عراقية مو فارسية...يلبس دشداشة همينة ميخالف...بس لا يكصرها عبالك ينافس صبايا لبنان...لأن اني عروسة عراقية مو سعودية...اريد اني البس فستان ابيض جميل وأنثر شعري الطويل...ولا يكلي لبسي حجاب ونقاب...لأن اني عروسة عراقية مو افغانية...اريد عرسي يكون عرس عراقي...مغني وهلاهل وفرح ولا يعزل الجنسين ويكول عرس وزفة شرعية...لأني اني عروسة عراقية مو يمانية...
اريد شهر عسل بجبال دهوك ومصايف السليمانية...بس ليفرشولي سجادة حمرة ويستقبلوني بحرس وفرقة استعراض عسكرية...لأن اني مثلهم عراقية...اقصد همة مثلنا عراقيين
اتمنى الله يرزقني بأولاد وبنات حلوين من يسألوني: ماما أحنا سنة لو شيعة  

 مسلمين لو مسيحيين...اكراد لو تركمان...صابئة لو يزيديين...أضربهم على حلكهم واكوللهم سكتوا...العفو...نسيت احنا ببلد ديمقراطي...العنف والسلاح هو ضد القانون...راح احضنهم بكل حب وحنان واكوللهم (اكسكيوز مي ماي جلدرن) انتو عراقيين وبس  
وصدكوني هذا حلم كل بنية عراقية

5

دردشة منتدى الهجرة واللاجئين / فك أسر رفيقك و اخذ أسير بمكانة

« في: 12:39 18/07/2010  »

هلووو بنات وهلو شباب شلونكم ان شاء الله بخير اني عضو جديد هنا بالدردشة وحبيت اشارك بموضوع جديد
نعد احنة الحزب النسوي من 1 الى 3 ونأسر واحد من عضو الحزب المعادي
يجون الأعضاء المعاديين يعدون من 1 الى 3 وثالث واحد يفك اسر صديقة ويأسر وحدة من عدنة وهكذا
ان شاء الله تعجبكم اللعبة
اني حبدي اول شي
1111111111111111111111
هسة لازم بنات 2 يكتبون 2 و3 ورقم 3 تأسر واحد من الشباب

تحياتي

[/color][/b]

6

دردشة منتدى الهجرة واللاجئين / عيد ميلاد اخونة doori 17/7

« في: 23:54 17/07/2010  »

مرحبا لكل اعضاء منتديات عين كاوة
اليوم يصادف عيد ميلاد اخونة doori
فبأسمي وباسم كل اعضاء كروب العراقيين الي بعمان وكل اعضاء منتدى عين كاوة
نتمنى لاخونة سنة سعيدة ويارب تكون السنين الجاية احلى واحلى واحلى من الراحت يارب
تحياتي[/color]وعيد ميلاد سعيد[/color]

7

الهجرة و واللاجئين / منو مخابرين كفيلة بس مموقع اوراق الكفالة ليهسة؟؟؟

« في: 22:09 24/04/2010  »

صباح-مساء الخير عالجميع
اني اكو موضوع كلش محيريني وقالقني بصراحة اريد اخذ رايكم بي
اني استلمت الظرف مال المحلفين مالتي بتاريخ 20-3 من عمان وبعدها بحوالي اسبوعين يعني بداية شهر ال4 اتصلو بكفيلي انو هل انت كفيلها كاللهم نعم كلولة هالايام حيتصل بيك مسؤوول الكيس مالتها ويحدد وياك وقت تجي توقع على الاوراق وشو من هذاك اليوم لهاليوم لا حس ولا نفس يعني حيصير حوالي 3 اسابيع مع العلم اتصلو بية قبل كم يوم انو تعالي رايديج الملحلفين مقابلة ثانية بتاريخ 10-5 فاني بصراحة هسة كلش بديت اقلق لان ليش ليهسة ممخلي يوقع اوراقي وليش هالتاخير؟؟؟ ومنا رجعو يكولولي تعاي شوفي محلفين يعني الي اريد اسالة هل اكو احد هم مخابرين على كفيلة من فترة طويلة وممخابري يوقع عالاوراق لو لا
وشكرا مقدما للاجابة

8

الهجرة و واللاجئين / الكفيل مالة دخل بالأمنية؟؟؟!!!

« في: 14:25 11/04/2010  »

صباح \ مساء االخير عالجميع
اني استلمت ظرف المحلفين مالتي يوم 20-3-2010 في عمان وكان الرد انو انتظار بس قبل عشر ايام اتصلو بالكفيل مالتي بأمريكا كلولة انو الفايل مال كفيلك وصل يمنة للمنظمة وحننطيك خبر فد يوم تجي توقع اوراق
كيفنة وفرحنة كلنة هاي خوش خطوة وبلكي معناها الامنية طلعت بس ننتظر احد يتصل بي حتى يروح يوقع ماكو!!! فكلت خلي ابعث ايميل للIOM استفسر وين واصلة معاملتي فاتصل بية اليوم موظف منهم وكلي بعدها بالتجيك الامني كلتلة مو اني اتصلو بالكفيل مالتي فكلت اريد اشوف شنو يعني صار تطور بالكيس مالتي كلي لا مالة دخل الكفيل بالاجراءات البقية ما ادري يعني شو حجي مو منطقي اذا الامنية مالتي مطالعة شكو ديتصلون بالكفيل !!!
الي يعرف شي بهالخصوص ارجو ان يخبرني مع جزيل الشكر
تحياتي للجميع

9

الهجرة و واللاجئين / اتصلوا بالكفيل..شنو يعني؟؟؟أرجو الرد

« في: 01:20 01/04/2010  »

[

b]مرحباً شلون الصحة ان شاء الله الجميع بخير
اني بس حبيت اسأل سؤال ارجو الي يعرف بهالشأن يرد علية مع جزيل الشكر مقدماً
اليوم اتصلوا بالكفيل مالتي وكلولة انو وصلت معاملتي للمنظمة يمهم هسة شنو يعني اني وين واصلة ليا مرحلة او شكد بعدلي حتى اسافر وهل هذا الاتصال بالكفيل يعني انو اني اقترب موعد سفري؟؟؟
علماً انو اني استلمت الظرف مال المحلفين وجانت النتيجة قبول بس انتظار الموافقة الامنية ومصار اي شي بعدها ..
وشكراًَ جزيلاً على الرد مقدماً
تحياتي

[/size][/color][/b]

10

الهجرة و واللاجئين / سؤال من عضو جديد بالمنتدى

« في: 00:38 21/03/2010  »

صباح الخير-مساء الخير حسب التوقيت الي حتشوفون بي الموضوع
بالبداية اني عضو جديد اليوم انتميت للمنتدى لان مجنت اعرف بي قبل
اليوم استلمت الظرف مالتي من IOM عمان والنتيجة كانت موافقة والحمد لله ولكن انتظار التجيك الامني
سؤالي هو :-
اني وحدي بالCASE
مقيمة في عمان مو جاية من بلد ثاني حتى اقدم عن طريق الIOM
فممكن احد ينطيني فكرة شكد ممكن تحتاج شغلة التجييك الامني كحد ادنى او اقصى؟؟؟علماً اني كملت كل الفحوصات الطبية بتاريخ 5-3-2010
وشكرا جزيلا لكم مقدماً