عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - ABO SARAH

صفحات: [1]
1
مواضيع الحياة العامة في بلاد المهجر (امريكا) / شراء البيت بشكل مختصر
« في: 23:52 16/01/2015  »
السلام عليكم ورحمة الله وبركاتة
كتب الكثير عن شراء المنزل في امريكا ولكني اليوم ساكتب بشكل مختصر وواضح لكوني احد الذين عانوا من التعقيد في هذا الموضوع مع احترامي لكل المشاركات التي تناولت هذا الموضوع.
دعوني ابدأ بالشروط الاولية وهي:
1- ان تمتلك كردت لمدة سنتين وليس اقل من سنتين
2- ان تكون من دافعي الضرائب لمدة سنتين
3-ان تمتلك دخلا ثابتا لمدة سنتين ويفضل ان يكون العمل في نفس المكان

اما بالنسبة للقرض المنزلي فيتم احتسابة بناء على المقدم الذي تدفعة لشراء المنزل ولمعلوماتكم بامكانكم دفع سبعة اللاف فقط كدفعة اولية وكلما زاد المقدم كلما قلت الاقساط الشهرية.

بالنسبة للقروض المالية الاسلامية وللمهتمين في الامر للاسف لم اجد اي مؤسسة قروض اسلامية في تكساس ولكنني بحثت في امريكا بشكل عام ووجدت ان هنالك مؤسستين كبيرتين وعريقتين للتمويل الاسلامي وهي مؤسسة بلا ربا ومؤسسة اجارة لللتمويل الاسلامي في ولايات اخرى تقوم بالتوميل في امريكا بشكل عام.

بشكل مبسط دعوني ابين الفرق بين التمويل الاسلامي والتمويل العادي.التعامل الاسلامي يجب ان لا يشوبه اي نوع من الفوائد المالية في حال تاخر المشتري او المستقرض. وساوضح التمويل العادي كمثال على هذا النوع من التعامل الذي يسمية المسلمين تعامل ربوي لانة يربي الدين.

ملاحظة: في كلا حالتي التمويل البنك ليس له دخل بمكان ونوع السكن فالمشتري يختار ويعمل على انهاء عملية تحديد السعر وبعد هذا يناقش التمويل مع البنك.

اختار زيد بيتا في مدينة هيوستن وتم تحديد السعر مع البائع بمائة وخمسون الف دولار كسعر للبيت. بعد ان اتفق مع البائع ذهب زيد الى البنك وبعد ان قدم اوراقه وتاكدو من اهليته دفع خمسة وعشرون الف دولار كمقدمة وقام البنك بتمويل المنزل على شكل اقساط شهرية لمدة ثلاثين عاما لباقي المبلغ.

(فائدة البنك هنا ان البنك سياخذ فوائد شهرية بمقدار بسيط زيادة على الدفعة الشهرية. وهنا تبرز اللاعيب بعض البنوك حبث انهم لا يسمحون للمشتري تسديد المبلغ كاملا حتى ولو بعد سنة واحدة لانهم سيخسرون الفوائد. فانتبه اخي القاري ان تلغي هذا الشرط من العقد قبل الشراء وهو ما اتجه له كل المشترون في الوقت الحاضر)
عودة الى الموضوع: تاخر زيد بدفع قسط الشهر الثامن فارسل له البنك رسالة تبلغة ان البنك قام بمضاعفة الفوائد الشهرية لعدم تسديدة القسط الشهري.

هذا النوع من التعامل هو التعامل الربوي الذي يطمح التعامل الاسلامي الى تجنبة وهو ليس من جانب البنوك.

سيتسائل البعض عن فائدة البنك الاسلامي واقول ان الفائدة ستكون كالتالي وببساطة
1- تختار انت السكن
2- يشتري البنك المنزل
3- تاخذ عقد من البنك انك انت المنتفع من المنزل وليس البنك طالما انك تسدد الاقساط الشهرية
4- اذا ما تاخرت في الدفع تذهب الى البنك لايجاد حل ككتابة عقد لتسديد المبلغ ضمن فترة زمنية محددة زاذا لم يتم التسديد يتم بيع المنزل.
5- من مميزات التمويل الاسلامي ان بامكانك ابلاغ البنك بانك ستدفع الخمسة شهور القادمة معا بعد خمسة اشهر وبامكانك تسديد المبلغ كاملا اينما تشاء.

ارجو ان تكون الصورة قد توضحت للجميع

تحياتي

2
الهجرة و واللاجئين / اختي تريد اقدم واني اس اي في شنو الي اكدر اسوي ؟؟؟؟؟ اصحاب التجارب مساعدتكم
« في: 15:41 01/05/2014  »
اختي تريد اقدم واني اس اي في شنو الي اكدر اسوي ؟؟؟؟؟ اصحاب التجارب مساعدتكم

شكرا مقدما
ابو سارة

3
الهجرة و واللاجئين / شلون احصل فيزة زيارة لاخوية في العراق ؟؟؟؟؟ اصحاب التجارب مساعدتكم
« في: 19:14 02/03/2014  »
السلام عليكم

شباب وصلت لامريكا قبل 4 اشهر والحمد لله. اخوية عاجبة يجي زيارة (زيارة وليس استقرار) اريد اعرف شلون اكدر ارتب الامور اذا احد يعرف يساعدني.

شكرا
ابو سارة

4
الهجرة و واللاجئين / هيوستن وبدون زعل
« في: 09:15 02/02/2014  »
السلام عليكم

منذ ان دخلت الى مدينة هيوستن وبعد ايام قليلة اردت ان اكتب عن المكان ولكن اقنعت نفسي بالتريث فلعل الايام تغير ما هو موجود. اكاد ان اجزم ان كل مهاجر عراقي جاء وفي ذهنه صورة مشرقة عن امريكا ولدية تصور معين حتى لو كان التصور هو صورة في مكان ما.
للاسف هذا التصور ليس في مدينة هيوستن فالمكان عباره عن مدينة مكسيكية بحتة بيئة ملوثة بسكارى عطلة نهاية الاسبوع ولصوص الشقق وسراق الجيوب تحت تهديد السلاح ليلا ولا اتصور ان احد يتجرا ان ينكر هذه الحقائق.
لطالما سمعنا ان السكن رخيص في هيوستن. نعم السكن رخيص اذا اردت ان تسكن مع تجار المخدرات والمهاجرين الغير شرعيين اما المناطق "الامنة" على الاقل فاسعارها لا تقل عن الولايات الاخرى لفارق بسيط. علما ان السكن بشكل عام متهالك قديم والحديث منها غالي جدا بحيث انك لا تستطيع استاجاره وليس امتلاكه. فاقل شقة بغرفتين في مكان متواضع لا تقل عن 800 دولار مع بعض السلبيات.
سمعنا ان العمل كثير ولا استطيع ان اقول انه ليس هنالك عمل بل موجود ولكن ليس ما تحلم به. يؤكد الجميع ان البداية صعبة وهو كلام صحيح لا شائبة فيه ولكن المكان لا يعد بالكثير فهو ليس البيئة التي كنا نحلم بها لنا او لاطفالنا.
الاجور متدنية فبعد دفع الايجار لا يبقى من الراتب الشهري الا ما نسبته 20 بالمائة اذا بقي. بصراحة اغلب من التقيت بهم وليس الجميع قد تحول من عمل الى اخر خلال سنة واحدة او انه تم تسرحة من عمله خصوصا الذين في المعامل. النظام التعليمي متواضع جدا قياسا بالولايات الاخرى. حاول ان تجري بحثا عن التعليم في الولايات الامريكية وستتعرف على الفرق الشاسع بينها. نعم انت في ولاية امريكية ولكن المكان لا يسع سقف احلام اللاجيء ممن يخطط للكثير.
الامور الايجابية في هيوستن هي الجو المعتدل الحار صيفا الذي لا يقدر بثمن هنا في امريكا فمعاناة الناس من الثلوج اوضحت الصورة بشكل كافي اما الاسواق العربية والاكل الحلال فهو في كل مكان تقريبا. السيارات رخيصة واجازة السوق اسهل من اي ولاية اخرى.
مناطق سياحية كثيرة والولاية ارخص من الولايات الاخرى. المدارس منتشرة في كل مكان وقريبة دورات اللغة وتعلم السياقة متاحة للجميع تقريبا.
المشاركة ذكرت السلبيات والايجابيات وتجربتي الشخصية ورايي الشخصي عسى ان ينتفع به من يعنيه وبالتوفيق للجميع.


ابو سارة

5
الهجرة و واللاجئين / الادوية
« في: 05:30 31/12/2013  »
السلام عليكم

قبل سفري كان هنالك العديد من المشاركات بخصوص الادوية وبتفاصيل معقدة بصراحة منها ما يتعلق بالكمية ومنا ما يتعلق بالنوعية. الاخوة المسافرين الجدد لم يتم سؤالي او فتح او التاكد عن اي نوع من انواع الادوية التي احملها علما اني لم اكن احمل الكثير منها بسبب كثرة التحذيرات فانا وبصراحة اشعر بالندم حول هذا الموضوع فانا وعائلتي من مستخدمي الادوية بشكل كبير من مشكلة الحساسية من بعض انواع الاطعمة الى امراض البرد للاطفال وبالتاكيد ادوية الالتهابات. صحيح هنالك عيادات في كل مكان والادوية مجانية لمن يمتلك المديكيت ولكن الذهاب الى العيادة بحد ذاته يحتاج الى وقت فزيارة العيادة تحتاج الى يوم كامل على الاقل ولاسيما فعالية بعض الادوية الضعيفة, بعض الادوية وليس جميعها خصوصا ادوية الحساسية للحذر من متعاطي المخدرات.

نصيحتي وخصوصا لاصحاب العوائل ان يجلبوا مما يحتاجونه من الادوية.


ابو سارة

6
الهجرة و واللاجئين / كيفية استخراج كرين كاردد بدل ضائع !
« في: 05:01 28/12/2013  »
السلام عليكم

يتم التقديم على كرين كارد بدل ضائع من خلال دائرة الهجرة التي تتوزع مكاتبها في مختلف المدن للولايات. يتم التقديم من خلال الانترنت او التقديم شخصيا وكلاهما يتم من خلال ملء الاستمارة I-90 لكل فرد من العائلة ودفع اجور مقدارها 450 دولار للفرد الواحد. هنالك طريقة يتم من خلالها التخلص من الغرامات وهي تقديم تأييد من المنظمة بانك مازلت تستلم مساعدات مالية من قبلهم وكذلك الفورمة I-912.
يتم التقديم شخصيا بعد الحجز على الانترنت من موقع دائرة الهجرة USCIS.org
الوقت المستغرق لاستلام الكارت هو 3-5 اشهر علما ان هنالك بعض الاخوة العراقيين من لم يستلمها ضمن الوقت المحدد كون المرحلة الثانية منها هي الاطول والاكثر ازعاجا.


ابو سارة

7
الهجرة و واللاجئين / السيارة في تكساس
« في: 01:24 28/12/2013  »
السلام عليكم ورحمة الله وبركاتة


لا يوجد مكان في العالم لا تحتاج فيه الى السيارة فلابد من ان تكون لك حاجة في مكان بعيد حيثما تسكن. يذكرني التخطيط العمراني لهيوستن بالتخطيط العمراني في مدينة دبي فكلا المدينتين  متراميتي الاطراف وكلاهما شاسعتان الى حد بعيد.
من الامور الاعتيادية انك لا تشهد عدد كبير من المشاة في هسويتن للاسباب التي ذكرتها فالكل بحاجة الى السيارة في هيوستن صحيح ان هنالك حلول اخرى مثل النقل العام او التكسي ولكن لكل منهما سلبياته فالمعروف بالنسبة لسيارات التكسي ان اجرتها مرتفعة جدا هذا ما اتقف عليه الجميع بعد التجربة اما باصات النقل العام فهي مريحة للغاية وامينة ونظيفة وسريعة نسبيا, برأيي ان الشخص الاعزب من الممكن ان يتحمل موضوع عدم امتلاك السيارة في البداية (مع كل الاحترام بعض الاخوة العزاب لا يدرك هذه الجزئية) فبامكانه السير والانتقال من مكان الى اخر بسهولة حتى مع بعض الاحمال البسيطة.
اما اصحاب العوائل فمن غير السهل ان يمتلك سيارة بعد فترة من الاستقرار النسبي في هيوستن. فالتنقل مزعج للغاية اذا ما كنت من اصحاب الاطفال فلايمكنك السير لمسافات بعيدة ولا التنقل بسهولة.
الحلول المطروحة للتنقل في البداية هي امتلاك دراجة هوائية وهو من امتع الامور في هيوستن بحسب تجربتي الشخصية او تاجير سيارة ليوم او يومين بما قيمته 50 دولار او اقل لليوم الواحد. بالنسبة للعراقيين هنا التعاون هو الامور الحتمية فالموضوع هو كسلسلة لا تنتهي فاليوم تجد من يساعدك وغدا تساعد احدا يمر بما مررت به سابقا.
بالنسبة لاسعار السيارات برأيي ليست مرتفعة فمثلا سيارة الكامري من 2004 او اقل لا يتجاوز سعرها ال 5500 دولار علما انها بحالة جيدة جدا بالنسبة لمن لا يمتلك هكذا مبلغ فبامكانه شراء سيارة بسعر اقل مثل الكورولا فسيارة الكورولا 2000 بحالة جيدة جدا سعرها 2500 - 3000
وهكذا اما الموديلات الاقل فهي اقل سعرا بالتاكيد فبامكانك الحصول على سيارة بسعر 1500 دولار كالكورولا 1996-1994 او غيرها.
هنالك طريقتين لشراء السيارة اما من شخص عادي عن طريق الانترنت كموقع كريكسلست مثلا او عن طريق المعرض.
اذا تم شراء السيارة من شخص عادي فلن تدفع اي ضريبة شراء اما السيارة من المعرض فلابد من الدفع.
المعرض بامكانه ان يقوم بكافة المعاملات الرسمية مقابل ما مقدارة 400 دولار او اكثر بقليل او بامكانك ان تقوم بالتسجيل بنفسك ولا تتجاوز تكلفة المعامة ال 200 دولار فقط.
حاول ان لا تشتري سيارة متعبة لانها تتعبك وتتعب جيبك فالتصليح هنا مرعب الاسعار ومضيعة للوقت والجهد

تحياتي وارجو ان يستفيد اكبر عدد من الاخوة والاخوات وبالتاكيد هنالك افكار وآراء اخرى للاخوة الاعضاء.
ابو سارة

8
الهجرة و واللاجئين / اللهم اغفر لي ولأخي كلش حباب "محارب"
« في: 16:59 27/12/2013  »
السلام عليكم ورحمة الله وبركاتة

الليلة الماضية كانت من اصعب الليالي على نفسي والله اعلم ولكني تذكرت يوما كنت فيه بامس الحاجة الى كفيل وباسرع وقت ممكن وعندما طلبت من الاخ كلش حباب انذاك لم يتردد بالقبول والمساعدة.

بصراحة موقف يجبرني ان اعيد النظر بكل ما كتبته امس جدلا خول الاخ كلش حباب والله اعلم بالنيات. اعتذر من الاخ كلش حباب او حاليا " محارب" عن ما بدر مني امس وانا متأكد ان شخصا يمتلك هكذا روح مبادرة لا بد ان يقدر الوضع الذي اصبحت والحمد لله على كل حال.
واعتذر من كل من قرأ الجدل الذي نشرناه ليلة امس وكل من اهتم لامري سؤاء بالمشاركة او بمكالمة هاتفية.
شكري وتقديري لموقف الاخ العزيز بكفالتي علما انه لا يعرف شيئا عني اما بخصوص الوثائق المفقودة فقدر الله ما شاء فعل والحمد لله على كل حال.


تقبل اعتذاري اخي
والسلام عليكم
ابو سارة




ارجو من الادارة حذف الموضوع المرتبط بالمشكلة والذي نشر يوم امس

9
الهجرة و واللاجئين / انطباعي عن هيوستن تكساس بعد ثلاثة اشهر
« في: 20:48 26/12/2013  »
السلام عليكم ورحمة الله وبركاته

ما ساذكرة اليوم هوه تجربتي الشخصية ولا اقصد التعميم فانا أؤمن بان لكل انسان رزقه الخاص به وبان الناس مختلفون.


سمعت كثيرا عن توفر الاعمال في هيوستن تكساس وشهدت قدوم عدد من الناس من ولايات اخرى طلبا للعمل. للاسف الاعمال الموجودة تناسب ما نسمية بالاعزب فقط والاسباب هي التالية:
لي عائلة من طفلين واسكن في مجمع (كاني اعيش في المكسيك بسبب العدد الغير عادي من المكسيكيين) ادفع 800 دولار للايجار لغرفتين ولا استطيع ان اسكن بشقة ذات غرفة واحدة. فالمكان اصلا ضيق فما بالك باضيق.

الاعمال الموجودة هي براتب 8 دولارات اذا لم يكن ب 7 وربع مضروبة باربعين ساعة بارعة اسابيع = 1280 استقطع منها 800 للايجار ليبقى منها 480 دولار استقطع منها باص المدرسة 40 دولار (لكل اسبوع 10 دولارات) واستقطع منها الطعام الخاص بالمدرسة لاحدى بناتي وقيمته 45 دولار شهريا واستقطع منها الكهرباء بمعدل 100 دولار شهريا اضافة الى بانزين السيارة 150 دولار. الباقي 140دولار فقط لمصرف الجيب علما بان الفود ستامب موجودة. 
قيل لي ان هنالك معامل تدفع اجور اعلى ولكن الحصول على الوظيفة ليس سهلا اضافة الى انه وقت الاعياد لا يناسب البحث عن الوظيفة.
لا اقصد التذمر ولكن هذا هو الحال نصحني العديد من الاخوة ومنهم من نصحني اليوم بالتقديم لوظيفة السيكورتي كون راتبها اعلى وان شاء الله ساقوم بالتقديم حال استلامي الكرين كارد واتوقع تتحسن الامور بعد ذلك.

اصدقائي هيوستن عباره عن مدينة عالمية اي من كل الجنسيات ولكن الغالبية العظمى مكسيكيين او من جزر قريبة.
عندما قررت ان اهاجر اخترت امريكا رغبة في بيئة سليمة مناسبة للاطفال ولكن دعوني اخبركم بما وجدت:
وجدت ان 90 بالمائة من الاطفال هم من المكسيك وبيئة اقسم انها اسوء من بيئتي الاصلية. الاطفال هنا عاري القدمين على الاغلب لا يبالي اهليهم اين يلعبون او مع من. مشكلة التعامل بين الاطفال عويصة جدا  وللامانة فالموضوع مختلف في المدرسة لوجود ظوابط معينة.
لم اجد البيئة التي رغبت فيها فاينما تذهب تجد البيئة المكسيكية فحتى في العمل الموظفين لا يتكلمون غير الاسبانية لانهم اصلا من المكسيك وهو الصفة الغالبة على العاملين في هيوستن (واني مثل الاطرش بالزفة) العراقيون هنا في غاية الروعة والاخلاق العالية. سمعت عن النصائح الخاصة بالابتعاد عن العراقيين ولكن والله لم اجد منهم الا الكلمة الطيبة والمساعدة والاخوة.
لو كنت اعلم بان نسبة المكسيكيين في تكساس هي 38 بالمائة من نسبتهم الكلية لما اخترتها كمدينة للاستقرار وبصراحة قرار التغيير قد تم اتخاذه اصلا بعد حين ان شاء الله تعالى سانتقل الى مكان اخر او دعوني اقول لبيئة ارتب. ليتقبل اعتذاري من استفزه برأيي وكما ذكرت فهي تجربتي الشخصية وليست تعميما.

10
الهجرة و واللاجئين / كلكم لادم وادم من تراب
« في: 01:39 04/11/2013  »
السلام عليكم

اليوم اود التحدث عن اكبر ما صدمت به هنا في هيوستن وبحسب ما سمعت انه في كل مكان. لدي طفلتان والحمد لله وكنت لا اتوق الانتظار لادخلهم في مدارس راقيية ولكن الصاعقة الكبرى ان المحتمع هنا مليء بما يسمى المكسيكانو فهم في كل مكان من تكساس بحيث اني اتصور نفسي في المكسيك وليس في امريكا.
عند وصولي حاولت معرفة كيفية ربط الانترنت ووجدت تجمع للعوائل في عطلة نهائة الاسبوع وحاولت سؤالهم ولكن تبين انهم لا يتحدثون الانكليزية. نعم لا يتحدثون الانكليزية.
طلبوا من طفل صغير لديهم ان يترجم لي وانتهى الموضوع. ليس في نيتي التعبير عن كرهي لهم ولكن لحد الان لا يستطيع اطفالي اللعب معهم فاللغة اسبانية والامر غير سهل.
بحسب خبرتي كمترجم اكاديمي الممارسة العملية للغة هي افضل وسيلة للتعلم وهذا ما يفتقده اطفالي الان. حاولت فهم الامور والعثور على مكان افضل وتبين ان كاااااااااااافة المدارس في هيوستن مليئة بالمكسيكانز.
نصيحتي للقادمين الجدد البحث عن مكان افضل فالبيئة موضوع اساسي ومهم.


ابو سارة

11
الهجرة و واللاجئين / معلومات بسيطة بعد 25 يوم في هيوستن وللاخوة تصحيح معلوماتي
« في: 01:26 04/11/2013  »
السلام عليكم

اود ان اشير الى اول فكرة خاطئة كانت لدي في العراق وهي اني استطيع ان اغير مكاني بعد الشهر الاول او الثاني والحقيقة اني لا استطيع بسبب الالتزام بموضوع الايجار فاقل عقد ايجار هو ستة اشهر مما يتطلب البقاء لهذه الفترة.
تستطيع شراء السيارة بعد استلام السوشل سيكيورتي مباشرة وتتراوح لافترة بين 20 الى 30 يم وطبعا استصدار الاجازة اما الدراسة فتستطيع الدراسة بطريقة المنحة بعد مرور سنة على  وجودك في امريكا واذا ما اردت المنحة الان فسيتم قطع المساعدات لذا يجب الانتظار اما الكرين كارد بالنسبة للاس اي في فسيكتمل بين 20 الى 90 يوم وبحسب الحالة فانا لم استلمه لحد الان ولكن سمعت من استلمهة باقل من اسبعين والله اعلم.
بالنسبة الي صرفت 1500 دولار من مطار بغداد الى اليوم ال 20 في امريكا وبصراحة جيد جدا جدا علما ان لدي طفلين.
المساعدات التي لا تنقطع هي الفود ستامبس ولكنها تنقطع بعد ارتفاع راتبلك الى اكثر من 1500 شهريا تقريبا.
بعض الاخوة اشتروا سيارة بدون الحصول على السوشل او الاجازة وتم تسجيلها على الرقم الموجود في الورقة الخاصة بالمطار او ما يسمى ال A كذا
ولكن يجب المخاطرة وهو امر خاطيء بحسب تقديري.
بعض الاخوة يبحثون عن اعمال بسيطة لمجرد تسقيط الفرض وهو العمل للحفاظ على الفود ستامبس وكل قوم بما لديهم فرحون.

ابو سارة

12
الهجرة و واللاجئين / التفتيش اثناء السفر
« في: 09:19 21/10/2013  »
السلام عليكم


من الامور التي اجتذبت انتباهي هي ان النفتيش بشكل عام الكتروني اي انه يتعلق بالمواد الممونعة فقط. القصد ان الفكرة العامة عن التفتيش غير ما هو موجود فعليا فعلى سبيل المثال احدى العوائل كانت تحمل البهارات ولم يمنعهم احد والذب لم يسال احد عن الوزن اطلاقا اما عملية التفتيش الجسدي فكانت سلسه جدا علما ان المبالغ المالية يبقوها في الجيوب فكلما اخرتها للتفتيش يقول لي الموضق اعدها الى مكانها فال داعي لاظهار الاموال.


ابو سارة

13
الهجرة و واللاجئين / السلام عليكم من اول مشاركة من هيوستن تكساس / نصيحة للقادمين الجدد
« في: 20:03 17/10/2013  »
السلام عليكم

قبل يومين كتبت عن الوصول والحمد لله اما اليوم ود الكتابة عن السفرة والوصول وبعض انصائح اولا السفر متعب جدا جدا واحتمالية تقضية وقت الانتظار بدون فندق واردة جدا كما حصل معنا فقد قضينا 17 ساعة في مطار عمان وسته في المانيا واربعة في شيكاغو ولكم ان تتخيلوا التعب خصوصا لمن لديهم اطفال.
بالنسبة للحقائب كان الموضوع سهل فقد تم شحنها من بغداد الى اخر وجهة للوصول ولكن لاحظت ان هنالك الكثير ممن يفقدون حقائبهم هنا من العراقيين فنصيحتي هي تقسيم الاغراض بشكل مختلف بين الحقائب فهنالك عائلة فقدت حقيبة مليئة بالملابس الي يعتمدون عليها فتوزيعها على الحقائب افضل.
بالنسبة للادوية علما ان لدي طفلتين جلبت ادوي كمية لا باس بها ولكني وددت لو اني جلبت اكثر فلم يستفسر اي احد عن الكمية او ما هية الاودية وضعتها في علب الايسكريم الكبيرة 3 علب.

بالنسبة للمبالغ المالية لم يسالني اي احد عن المبلغ الذي احمله وكلما اردت اخرج النقود للتفتيش يجبروني على اعادتها وهكذا. المطارات غالية جدا ولكن ستظطر ان تشتري ولو ما الشرب فهو من المواد التي ستصادره اارلجبوك على الشراء.
لا تنسو الملابس الشتوية لان المطارات باردة جدا.

انا جاهز لاي سؤال او مساعدة
ابو سارة

14
الهجرة و واللاجئين / وصلت هيوستن تكساس والحمد لله ومحتاج اتواصل مع الموجودين رجاء
« في: 01:57 15/10/2013  »
السلام عليكم

الحمد لله وصلت الى هيوستن تكساس بعد عناء طويييييييييييييل جدا بحيث الانتظار في مطار عمار صار7 ساعة مرة للغاية
شباب المشكلة الوحيدة حاليا انته ما عندي انترنت ومقيدني جدا جدا الي عنده اطفال خلي يجيب وياه سيديات او يحمل الحاسبة افلام كارتون لان الاطفال دمروني وبصراحة احجيلكم مسافات طويلة للبارك يعني من نوصل يكونون على وشك النوم يعني الا سيارة ياله تفض والله كريم
يا جماعة صار يومين راح نموت قهر من الغربية ومحتاجين احد هنا نحجي وياه يجاوبنه على تسائلاتنا للاسف لحد الان ملكيت اي احد.

تحياتي للجميع
ابو سارة

15
الهجرة و واللاجئين / التاجيل بالاختيار وليس اجباريا
« في: 13:52 04/10/2013  »
السلام عليكم

اعزائي استلمت مكالمة هاتفية من قبل اي او ام عمان ابلغوني اني مخير بالسفر ولكن لن توجد هنالك اية مساعدات مالية او سكن او اي شي اخر هذا الامر ينطبق على كافة المسافرين قبل يوم 21 من هذا الشهر. بالتاكيد اخترت السفر خوفا من الضروف القادمة.

تحياتي الكم

ابو سارة

16
الهجرة و واللاجئين / شباب رأيكم ومساعدة اصحاب التجارب يريدون مني خبر اليوم !!
« في: 11:52 05/09/2013  »
السلام عليكم

قبل فترة طوييييييييييلة من صدور الفيزة غيرت الولاية من فرجينيا الى تكساس ولكن بعد صدور الفيزة اتح انه الولاية باقية فرجينيا والسفر مرتب على الوجهة القديمة.
اليوم دزولي ايميل بخصوص الوجهة النهائية ويكولون انه اذا تغير تتاخر محتاج رأيكم وتجاربكم علما ان الفيزة تنتهي 15 من الشهر الحادي عشر 2013



ابو سارة

17
الهجرة و واللاجئين / فهموني شوكت اسافر ؟
« في: 00:02 28/08/2013  »
السلام عليكم

استلمت الفيزة وارسلتها الى IOM  عمان والايميلات الاخرى ووصلني الرد باستلامهم الفيز ولكن الى اليوم لا شيء.

بحاجة الى ان افهم الموضوع وما هي المدة الطبيعية للسف والرد.


ابو سارة

18
الهجرة و واللاجئين / اريد اسمع كلمة مبروك مال اربع سنوات قهر SIV طلعت الفيزة
« في: 16:37 16/08/2013  »
السلام عليكم

اللهم صلي على سيدنا محمد وعلى اله وصحبة ومن تبعه باحسان الى يوم الدين

تحياتي للجميع وان شاء الله التوفيق للجميع.

التقديم 2010
المقابلة 18- 4 -2011
اعادة فحص 11-4 -2012
اعادة قسم 20 - 6 - 2013
اعادة فحص رمضان 2013 يعني قبل فترة قصير

تم اصدار الفيزة بتاريخ اليوم . ادعولي بالتوفيق
ابو سارة

19
الهجرة و واللاجئين / حذاري من عيادة اور حرامية من الدرجة الاولى
« في: 17:27 05/08/2013  »
السلام عليكم

بحكم تجربتي للمرة الثالثة احذركم من عيادة اور لانهم حرامية بامتياز خذوا مثلا احتساب اللقاحات: العيادة تجبر طالبي الفحص على اخذ اللقاحات حتى لو كانت مأخوذة ومسجلة في الدفتر اما الطريقة فهي رخيصة جدا جدا جدا (الهمس) الموظف في الاستقبال العفو سيادة الرئيس الموجود في الاستقبال بما انه صعب يتحاجة يهمس في اذن المضمد ويقدر الحالة المادية للموضوع يخمطة لو لا عذرا للتعبير . اتخيلوا هيجي تعامل بيهه.

نجي على الدقة : يطلب ممن سبق واخذوا فحص طبي مسبقا تاريخ الفحص واذا بنا نبحث عن اسمي ولم نجده بحجة اني لم اتذكر التاريخ علما ان التاريخ مسجل على الاشعة.
اخر المطاف يظهر انهم لم يسجلوا اسمي اصلا بل وقد سجلوا اسم زوجتي فقط ولا ادري اذا ما تم ارسال الفحص للسفارة ام لا علما ان ها الكلام عام 2012. (يعني اني ممكن اكون متاخر سنه بسببهم). الاجور ثقيلة جدا وبلا رحمة والله اني وزوجتي وطفلين 960 دولار عدد اللقاحات 6 فقط 90 بالمائة منها مكرر علما انك غير مخير باللقاحات.
بالتاكيد هنالك من يقول لماذا لم تتعلم من المرة الاولى والثانية وجوابي اني لست من سكنة بغداد ولسوء الحظ عيادة بغداد لم يجيبوا على الهاتف ولا مرة واحدة علما ان عيادة بغداد او مستشفى البيطار لا يجبرون المتقدم على اللقاحات.

عائلة من محافظة بعيدة جدا اخذت تتوسل التقليل من الاجور ولكنه رفض وعرض عليهم ان يكملوا الفحص وبان يرجع الرجل بعد ايام لتسديد الباقي. حاولنا مساعدة الرجل ماديا واذا به يستغل قدرتنا المادية من خلال مشاهدته لنا بزيادة عدد اللقاحات.

على كل حال الحمد لله الذي لا يحمد على مكروه سواه.
ابو سارة

20
الهجرة و واللاجئين / الكلمة الفصل في اغلاق السفارة الامريكية في بغداد
« في: 18:35 03/08/2013  »
السلام عليكم
تحياتي للجميع وخاصة الي عدهم شغل بالسفارة. مصدر المعلومة موظف عراقي في السفارة الامريكية اكد لي انه الغلق يقصد به عدم استقبال اي مراجع يوم الاحد اما بالنسبة للموظفين فالامور عادية جدا ولم يتغير لديهم ايا من الانظمة الخاصة بالعمل.
المعلومة الاهم ان العمل داخل السفارة جاري وبدون اي تغيير خلال ايام غلق السفارة.


ابو سارة

21
الهجرة و واللاجئين / اعادة فحص طبي وعدم محكومية SIV
« في: 13:40 30/07/2013  »
السلام عليكم

الحمد لله واخيرا عرفت انه مو ناسيني الجماعة اجاني اعادة فحص طبي وعدم محكومية طبعا هاي المرة الثالثة اسوي الفحص والحمد لله قدمت سنة 2010 وقابلت نيسان 2011 وعدت الفحص نيسان 2012. اعدت القسم يوم 20/6/2013 التحديث صار مرتين يوم المقابلة ويوم 29 وهسه اكشت انه اليوم همين اكو تحديث والحمد لله.

عندي كم سؤال اذا ممكن احد يفيدني لاني منقطع عن هذه التفاصيل تحديدا.

1- وين اسوي العدم محكومية محتاج العنوان بالظبط
2- اتصلت بعيادة اور بس شمروني على الاثنين
3- موضوع اللقاحات هل هو ضروري علما اني في الفحص الثاني لم يطلب مني اي لقاحات
4- عنوان العيادة الثاني نسيت اسمهه

شكرا للمساعدة مقدما
ابو سارة

22
الهجرة و واللاجئين / اجتني اعادة ال DS260 بس اريد احد يبشرني !!!
« في: 12:05 17/06/2013  »
السلام عليكم

مثل مذكرت بالعنوان انه اجتني اعادة قسم وكذلك تحديث ال DS260  وبصراحة الشهر الماضي كتب الكثير عن هذا الموضوع لكن لم المس اي خبر اكيد او احد ممن اعادوا القسم قد سافر. رايكم واخباركم اذا اكو احد سافر بشروني والكم الجنه طبعا اني انتظر من 18 نيسان 2001 يوم المقابلة.

تحياتي الكم ويا رب اسمع خبر حلو
ابو سارة

23
الهجرة و واللاجئين / ******(( كروب المقابلين2010 و 2011 SIV ,وبس))******
« في: 09:09 02/06/2013  »
السلام عليكم

شباب اتمنى نتواصل على الكروب الجديد خصوصا ويه الاخبار الجديدة المبشرة بالخير. تحياتي الكم.

اخر الاخبار انه الي يجي اعادة فحص او اعادة DS- 260  سفره قريب وان شاء الله نسافر.


ابو سارة

24
الهجرة و واللاجئين / ما هي اول خطوة في التقديم على الاي او ام بغداد ؟؟؟
« في: 06:21 14/05/2013  »
ما هي اول خطوة في التقديم على الاي او ام بغداد ؟؟؟


ابو سارة

25
الهجرة و واللاجئين / اريد المضبوط ينطيني شلون التقديم على الاي او ام يرحم والديكم ؟
« في: 19:41 30/04/2013  »
اريد المضبوط ينطيني شلون التقديم على الاي او ام يرحم والديكم ؟



ابو سارة

26
الهجرة و واللاجئين / SIV وينكم احصائية جديدة
« في: 07:21 24/04/2013  »
SIV  وينكم احصائية جديدة والي سافر خلي يكول سافرت والي يعرف احد سافر خلي يطربنه بالخبر. طبعا هذا الحجي للمتأخرين.

اني قابلت 18-4-2011   ومسوي فحصين ولهسه سكته
وسارة ضايجة حيل ويومية تسألني شوكت نروح واني اجيييييييييييييييييييييييييييب واكذب عليهه


ابو سارة

27
الهجرة و واللاجئين / مطلوب مترجمين كردي انكليزي بامكانية عالية !!
« في: 17:27 12/03/2013  »
السلام عليكم


تحياتي للجميع. مطلوب مترجمين كردي سوراني - انكليزي للعمل على ترجمة مشاريع كبيرة للراغبين يرجى الاتصال على الرقم:
 7816857949




ابو سارة

28
الهجرة و واللاجئين / تدرس ماجستير في تكساس ولا ترغب بالعودة الى العراق ؟؟؟؟؟اصحاب الخبرة او التجربة رجاء
« في: 17:19 09/03/2013  »
قريبتي تدرس الماجستير في تكساس ولم تقم باي كفالة في العراق بعد التفكير ترغب البقاء في امريكا اي انها لا تريد العودة الى العراق علما ان اخوها في ولاية كاليفورنيا.

هل هنالك طريقة مضمونة للبقاء اصحاب التجارب المساعدة رجاء.

تحياتي للجميع ابو سارة

29
الهجرة و واللاجئين / SIV منو بقه وشكد صارلك
« في: 08:57 20/02/2013  »
السلام عليكم

هواية راح يكولون هذا ما عنده شغل وعمل غير هذا السؤال. يجوز صحيح بس احنه نريد نفتهم منو بقه.
تحياتي الكم

ابو سارة

30
الهجرة و واللاجئين / طالب دراسات عليا في امريكا يريد يقدم حتى يبقه في امريكا شلوووووووووووووون ؟
« في: 08:10 19/01/2013  »
السلام عليكم


شباب اصحاب الخبرة والتجربة طالبة من عائلتي الان في امريكا للدراسة وتحديدا في تكساس ترغب بتقديم اوراقها على اللجوء للبقاء فيها قبل سنة من الان كانت في دورة في المانيا شنو رأيكم ونصيحتكم شكرا.

ابو سارة

31
الهجرة و واللاجئين / للمتأخرين من ال SIV فقط
« في: 19:26 26/12/2012  »
السلام عليكم


شباب احنه حالنة يقهر لا والله يموت قهر اقصد. اقترح نسوي حملة في يوم واحد نتفق عليه ويكون بعد الاعياد بالتاكيد نرسل بي نفس الرسالة مثل ما كلت في يوم واحد وان شاء الله يكون العدد كبير حتى نوصل صوتنه للقنصل او الي مسؤل عن التاخير الحاصل بالفيزة الخاصة بينه.

اقترح ان يكون يوم الارسال بتاريخ 20 واحد 2013 وهو يوم الاحد يعني بداية الاسبوع. بالنسبة للرسالة راح اكتبهه وابجي بيهه شوية واي عضو يحب يغير اهلا وسهلا اذا ما اتفق الاعضاء على التغيير.
الي يشارك خلي يكتب رد رجاء.
ملاحظة ارجو ممن لا يرغب بالمشاركة عدم تثبيط عزيمة الاعضاء بالكلام وشكرا لهم مقدما.


ابو سارة

32
الهجرة و واللاجئين / SIV 2011 حصريا منو بقه ومنو راح !!
« في: 08:07 27/11/2012  »
تحياتي للاس اي في المقابلين 2011 اولا لان احنه متاخرين وطبعا الباقين.
سوينه احصائية المرة الفاتت واستبشرنه خير لان اكو ناس متاخرين سافروا . فرحونه بخبر ترة الامور تعبانه.


ابو سارة

33
الهجرة و واللاجئين / محتاجين كفيل بتكساس اليووووووووووووووووووووووم
« في: 09:59 18/11/2012  »
السلام عليكم

تحياتي للجميع وخصوصا التكساسيين. اخونا وصديقنا ابو كرار باجر مقابلته ومحتاجين كفيل اليوم. ابو كرار اب لطفلين لا يمتلك معلومات كافية عن الهجرة وبحاجة ماسة الى مساعدة لانجاز المقابلة.

تحياتي للجميع
ابو سارة

34
الهجرة و واللاجئين / اس اي في و ما عندة اجور الفحص الطبي
« في: 18:33 06/11/2012  »
السلام عليكم


تحياتي للجميع للقدامى وللوجوة الجديدة الي غزة الموقع. صديق مقرب جدا وصل الى مرحلة المقابلة يوم 19 وما عنده اجور الفحص الطبي (لا تتفاجأون عنده عائلة) شنو برايكم الحل وين يروح اكو نصيحة

تحياتي الكم
ابو سارة

35
الهجرة و واللاجئين / هل هنالك حاجة لتصديق الاوراق من الخارجية بالنسبة ل SIV ؟ اصحاب التجارب رجاء
« في: 21:15 22/10/2012  »
السلام عليكم

شباب اخونا حيدر على وشك يقابل ونريد نفتهم اذا ما زالت السفارة تطلب تصديق الاوراق من وزارة الخارجية ام الغت هذا الاجراء.

الرجاء الفائدة من اصحاب التجارب الحديثة.


ابو سارة

36
الهجرة و واللاجئين / ياااااااااااااااااااااااااااااااااااااااااااااااااااااااا SIV منو بقة مسافر
« في: 07:54 08/10/2012  »
السلام عليكم


يا جماعة منو باقي بالعراق لهسه. الفترة الاخيرة اقصد الشهر الماضي جان اكو فيز على عينكاوا خير من الله للاس اي في بلكي بقيت بوحدي. منو وياي من 2011 اني بالنسبة الي الشهر الرابع.


ابو سارة

37
الهجرة و واللاجئين / SIV اكو شي نسوي
« في: 12:16 09/09/2012  »
السلام عليكم ورحمة الله وبركاتة


تحياتي لجميع الاس اي في. شباب احد يقترح شي نسوي يوصل المشكلة لاحد معين خصوصا احنه المتاخرين يعني شنو ذنبنه الي ورانه يطلع واحنه نتفرج.
يعني ابد ماكو حق بالموضوع اما جماعة الاي او ام فطلعتهم مو طبيعية يعني بس بالاسم اس اي في.

تحياتي الكم
ابو سارة

38
الهجرة و واللاجئين / احصائية عيد الفطر لمن تبقى من SIV
« في: 14:53 23/08/2012  »
السلام عليكم وكل عام وانتو بخير وخلصانين من الاس اي في.

بسم الله احصائية عيد الفطر بما انه اكو ناس سافرت وغلست وبالعافية عليهم خلي نشوف منو بقه.

رجاء الاحصائية لل SIV  حصريا

ابو سارة

39
الهجرة و واللاجئين / احد سمع شي SIV اشو حيل سكته هالمرة
« في: 00:49 21/07/2012  »
السلام عليكم


شباب صار ايام طويلة وماكو شي سكته ماكو خبر يصبرنه ينسينه الهم؟

الي عنده خبر لا يبخل علينه بي


ابو سارة

40
دردشة منتدى الهجرة واللاجئين / احلى ايام المهاجر العراقي
« في: 17:34 12/07/2012  »
السلام عليكم


بصراحة احجيلكم والله العظيم من افكر تجي الفيزة ما افكر بامريكا وتفاصيلهه بكد ما افكر بالفترة الي راح اتحضر للسفر ويمكن السبب انه بهاي الامور اشوف متعه ويمكن لان مرات نسمع اخبار محبطة.
اتصور انه احلى ايام المهاجر من يتحضر على شي يتامل منه حياة جديدة وطبعا مفعم بالحيوية والامل والارادة وتوفيق رب العالمين.
اني مسوي دفتر كاتب بي التفاصيل الي اريدهه والمشكلة مرات ما الزم نفسي اروح اشتري واشطب بدون وعي.

تحياتي الكم
ابو سارة

41
دردشة منتدى الهجرة واللاجئين / هل نحن مشبوهون !!
« في: 13:18 12/07/2012  »
السلام عليكم


يمكن احنه المتاخرين مشبوهين. بالنسبة الي اكبر جريمة مسويهة مخالفة مرور (حزام امان)  في بلدروز ايام الشغل.
والله اكو ناس مشبوهين كفاية طلعوا ووصلوا وهسه يحجي بمحاربة الارهاب وهمه جنه نخاف بكعد وياهم من العلس اسف للكلمة بس هاي واقع.
بصراحة البارحة مصدوم من شفت بعد انتظار سنه واربع اشهر انه الكيس بالمراجعة الاولية.
لو بس اكدر اشيل الفكرة من راسي اني ارتاح لو بس اكدر ابطل واسحب اوراقي والله الجوازات اخاف اسحبهن.



الله كريم
ابو سارة

42
الهجرة و واللاجئين / اس اي في منو عنده فحص طبي اكسباير
« في: 22:10 29/06/2012  »
السلام عليكم

شباب بعد كم يوم الفحص الطبي الثاني يصير اكسباير اكو احد صارت بي هاي الحالة وشصار وياه

مشكورين
ابو سارة'‏

43
الهجرة و واللاجئين / SIV 2011 من بقه
« في: 09:57 26/06/2012  »
السلام عليكم

شباب ادري ملينه من الاحصائيات بس عسى ولعل مباقي احد وشوية المعنويات ترتفع بما انه 2 من الي جانوا ويانه الله سهللهم بالفيزة.
تحياتي الكم

ابو سارة

44
الهجرة و واللاجئين / يصير اسافر والفحص الطبي اكسباير
« في: 13:24 19/06/2012  »
السلام عليكم

فيزتي لحد هسه مطلعت والفحص راح ينتهي بعد 20 يوم تقريبا.
يصير اسافر والفحص الطبي اكسباير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ


ابو سارة

45
الهجرة و واللاجئين / SIV اقترح اسهل طريقة للانتحار بدون الم
« في: 23:18 18/06/2012  »
عزيزي اس اي في اقترح اسهل طريقة للانتحار علما بانه سيتم اختيار الطريقة الاسهل دون الخضوع الى اي نوع من انواع الفحص الطبي ولا توجد اي مقابلات.

ابو سارة

46
الهجرة و واللاجئين / اس اي في وينكم اشو سكته
« في: 11:33 17/06/2012  »
السلام عليكم


اس اي في اشو سكته وتخوف السكتة
لا خبر لا شي جديد احد اجته فيزة احد بطل يروح شنو السالفة


ابو سارة

47
الهجرة و واللاجئين / اس اي في مبقينة بس 10 معقولة
« في: 22:15 11/06/2012  »
السلام عليكم

حسب اخر احصائية صارت قبل يومين على عينكاوا مبقينة بس 10 اس اي في.

البارحة سمعت انه صديقي سافر قبل 10 ايام علما انه صدقنة اوراقنة من الخارجية سوية بنفس اليوم وبنفس الساعة.

شغلته معقدة عندة اطفال 3 ومتزوج مرتين وام الاطفال متوفية.
طبعا اجل شغلته اشهر وهذا يثبت النظرية الي تكول انه الي يريد السفر ميجي.

تحياتي الكم
ابو سارة

48
الهجرة و واللاجئين / شكد لازم عندي اكسبايري بالفحص الطبي من اسافر ؟ الجواب للي يعرف رجاء
« في: 11:31 09/06/2012  »
السلام عليكم

شباب اريد اعرف شكد لازم يكون عندي وقت بالفحص الطبي من اسافر لان بقالي شهر و 10 ايام واني لهسه ممستلم الفيزة.

طبعا اني مسوي فحص طبي ثاني بس اشعة مثل ما طلبوا مني.


تحياتي
ابو سارة

49
الهجرة و واللاجئين / اس اي في لا حس ولا خبر.
« في: 13:54 03/06/2012  »
السلام عليكم


شباب الاس اي في اشو سكته لا خبر ولا فيز لا مسكول من السفارة.
اذا اكو اخبار "حلوة" يرحم ابوكم احجولنه حتى لو ابن خالت الخياط الي خيط بدلة العروس طلعتله فيزة بس المهم خبر حلو.

تحياتي الكم
ابو سارة

50
الهجرة و واللاجئين / لن ترد السفارة على اي استفسار يخص حالة الفيزة
« في: 09:10 25/05/2012  »
السلام عليكم وجمعة مباركة

البارحة بالليل كلت خلي ابعث استفسار وللمرة الثانية خلال شهر واحد وبعد ان بعثت الرسالة طلعتلي ملاحظة تشير الى انه سيتم اهمال اي استفسار يخص حالة الفيزة لكثرة هكذا نوع من الاستفسارات.

تحياتي للجميع
ابو سارة

51
الهجرة و واللاجئين / اخر اخبار الاس اي في
« في: 11:05 16/05/2012  »
السلام عليكم

قبل ساعة او اكثر قابلت احدى قريباتي في السفارة لغرض استكمال معاملة السفر للدراسة فاجابوها ان الفيزة تم اصدارها مسبقا وان المقابلة ما هي الا خطوة روتينية.
بعلمها بحالتي وبعد سؤالها المقابلين من جماعة الاس اي في ابلغوها ان السفارة ابلغتهم ان الفيزة ستصدر بعد اسبوعين من المقابلة.

تحياتي للجميع
ويبقى السؤال نفسه احنه وين من هذا الحجي!!!!

ابو سارة

52
الهجرة و واللاجئين / عينكاوا في قمة الكأبة
« في: 12:08 13/05/2012  »
السلام عليكم


لا ادري ان كنت محقا ام لا. اصبح الموقع في الاونة الاخير في قمة الكأبة فلا وجود للاخبار السعيدة ولا للمشاركات المفيدة (طبعا لا اقصد جميعها) اتصور ان احد اسبابها هي عدم نقل الخبر خوفا من الحسد فنحن نفتقد العديد من الاسماء التي كانت لا تفارق المنتدى.
نحن بحاجة الى التجديد والى المشاركات الجديدة والمفيدة والاخبار السعيدة.


تحياتي للجميع
ابو سارة

53
الهجرة و واللاجئين / additional administrative processing
« في: 13:46 29/04/2012  »
السلام عليكم

بعد القيام بالفحص الطبي الثاني قمت بالسؤال عن حالة الفيزة من خلال موقع السفارة. وكما تعلمون فحسب التحديث الاخير لن تتم الاجابة على اي من الاسئلة الا اذا ما كان هنالك تغيير في حالة الكيس ما عدا الكيس الخاص بي لكوني ابن الخبازة لو ابن البطة السودة فقد اجابوني بان الكيس ما تزال تحت الاجراءات الادارية الاضافية.


ابو سارة

54
الهجرة و واللاجئين / اذا طالعة فيزتك ادخل
« في: 21:58 27/04/2012  »
السلام عليكم

كل الي نريدة من الاخوة الي طلعت فيزهم بعد الفحص الطبي الثاني ان يذكر عدد الايام بين يوم الفحص ويوم استلام خبر الفيزة.
الرجاء ابقاء المشاركة لهذا الموضوع ولمن استلم الفيزة حصريا مع شديد الاحترام للجميع.

ابو سارة

55
الهجرة و واللاجئين / جماعة الشهر الرابع 2011 بقه احد مستلم فيزة ؟؟؟؟
« في: 11:08 27/04/2012  »
السلام عليكم


طبعا اكتب هاي المشاركة من الاحباط الي اصابني بعد استلامي ايميل افلحص الطبي الثاني ولكت فيزة لحد هسه ماكو بعض الاخوان من الشهر الرابع الله سهللهم وحاليا بالولايات. حبيت اعرف بقه احد من الشهر الرابع 2011؟؟؟

تحياتي للجميع وان شاء الله ما باقي منهم احد
ابو سارة

56
الهجرة و واللاجئين / محتاج تفاصيل التقديم على استرجاع الضمان من ال GLS
« في: 12:55 26/04/2012  »
السلام عليكم


شباب محتاج ألية التقديم على فلوس الضمان مال الجي ال اس. اخذت الرليس مالتي بتاريخ الاول من الشهر السادس 2011 بصراحة سمعت عن شروط وتفاصيل اخرى بس ما اعرف حقيقتهه ارجو الافادة من من قدم او استلم.



شكرا
ابو سارة

57
الهجرة و واللاجئين / عيادة اور هي الاسوء
« في: 11:46 23/04/2012  »
السلام عليكم


قبل اسبوعين او اكثر استلمت ايميل لاعادة الفحص الطبي ولكن للاسف بسبب العدد الكبير تاخرت الى تاريخ 11 من الشهر الحالي.

طبعا اعداد من اعادوا  الفحص الطبي غير عادية والعيادة تواجه هذا التدفق باجراءات ادارية فاشلة بالنسبة للطبيب يباشر العمل في  العيادة الساعة 11 الصبح او اكثر علما ان المراجعين من جميع انحاء العراق ففي يوم 11 كان هنالك اناس من البصرة ومن اربيل ومن كركوك وباقي المحافظات.

ذكر لي احد الموظفين عندما تطرقت الى تأخر الطبيب باني محظوظ لان الطبيب باشر العمل في اليوم السابق الساعة 3 ظهرا. وان هذا هو السبب الرئيس في تاخر المراجعين ليس اكثر.

بعد كل هذا وبعد اكمالي الفحص الطبي واثناء عودتي للمنزل علما اني من ابناء المحافظات اتصلت العيادة بي وطلبوا مني العودة الى العيادة لوجود خطأ في اوراقي.

طبعا لم استطع لتاخر الوقت فذهبت اليهم في اليوم التالي واذا بهم قد نسوا نتائج الفحص الطبي في ظرف الاشعة. تخيل ان ارسال الفحص الطبي تاخر اسبوعا كاملا لسوء ادارة الامور.
 بصراحة ترددت كثيرا قبل كتابة هذه المشاركة ولكن طفح الكيل بعد ان علمت ان ارسال الفحص الطبي تاخر اسبوعا كاملا.


تحياتي للجميع
ابو سارة

58
الهجرة و واللاجئين / الاطفال اثناء السفر
« في: 04:05 21/04/2012  »
السلام عليكم

احب اشير بالبداية الى اني لم اسافر ولم استلم الفيزة لحد الان ولكن تجربتي السيئة في السفر وبصحبتي طفل دائما ما تدفعني للتفكير بالمعاناة. اثناء عودتي من قطر الى سوريا استمرت طفلتي بالبكاء طوال الرحلة مما دفع ركاب الطائرة الى اصدار تعليقات للتعبير عن استيائهم.
بذلنا ما بوسعنا ولكن دون جدوى علما اننا لم نترك اي خيار نعرفه او تم طرحة من قبل الركاب ولم نجربة للاسف انتهت الرحلة على هذه الشاكلة.

في طريق العودة الى العراق اعادت نفس الكرة بل بطريقة اسوأ بصراحة متخوف من الاطفال اثناء الرحلة علما انهم بعمر السنتين والاربعة الان. كيف بامكاني السيطرة عليهم اثناء الرحلة الطويلة.
شاركونا بتجاربكم وجزاكم الله خيرا.

تحياتي للجميع
ابو سارة

59
الهجرة و واللاجئين / يمعودين SIV خبر زين عاد والله راح اموت وينكم
« في: 19:21 15/03/2012  »
السلام عليكم

شباب اشو سكته ليش هيج شنو محد مستلم بس نريد نسمع خبر حلو ترة الامل بده ينتهي عندي.
صار اسبوعين سكته ماكو اي خبر قبل جنه نسمع فحص طبي سفر غيره بس سكته هسه.

تحياتي الكم

60
الهجرة و واللاجئين / حتى بنتي تحلم بالسفر
« في: 11:36 04/03/2012  »
السلام عليكم


بعد انتظار دام 10 اشهر ونص وصلت الكأبة الى اعلى مستوياتها اما اليأس فحدث ولا حرج فالتفكير بالخطة ب لم يفلح بالتخفيف من تعب الانتظار علما ان الخطة ب غير موجودة اصلا.
ابنتي ذات السنوات الاربعة توقفت عن التفكير بالاحلام المستقبلية بصيغتها الحالية اقصد في العراق ولاحظت ان كل احلامها وتفكيرها متعلق بالبيت الجديد وبامريكا والبروضة الجديدة ولا اخفيكم فاني احسس بالذنب لان احلام ابويها انعكست على تفكيرها.
اللهم لا تخيب امالنا اللهم وسدد خطانا.


تحياتي للجميع

61
الهجرة و واللاجئين / اسوي ابديت بالكفيل الجديد لو انتظر الفيزة ؟؟؟
« في: 11:57 15/02/2012  »
السلام عليكم

بما انه الكفيل القديم انتقل الى ولاية ثانية شنو رأيكم انطي خبر بالكفيل الجديد لو انتظر الفيزة بصراحة ما اعرف شنو الاصح علما اني قابلت الشهر الرابع 2011 واذا لازم انطيهم خبر فالمن ابعث المعلومات ويا حبذا الايميل ارجو من اصحباب الخبرة والتجارب المساعدة.

تحياتي الكم
ابو سارة

62
سجل الزوار و باب الاقتراحات / ممكن اغير اسمي
« في: 21:49 25/01/2012  »
تحياتي للادارة والمشرفين

اذا امكن اغير اسمي من ahmedalmushrif الى ABO SARAH علما اني اود الاحتفاظ بالمشاركات القديمة تحت الاسم الجديد.

شكرا وتحياتي مرة اخرى

63
الهجرة و واللاجئين / يا SIV خلي نسوي احصائية جديدة بمعلومات جديدة
« في: 18:50 13/01/2012  »
السلام عليكم

صدرت بالاونة الاخيرة عدد لا بأس به من الفيز للاخوة المتقدمين ومنهم من وصل ارض الاحلام. لنحاول ان نكون فكرة من خلال احصائية جديدة للمتبقين من المتقدمين من برنامج SIV وبمعلومات جديدة وطبعا اكيد للي يحب يشارك والي ميحب يشارك يا ريت لا يثبط عزيمتنة ومثلما قال عليه الصلاة والسلام فليقل خيرا او ليصمت.

المعلومات للي يحب يذكرهه هي :

1- تاريخ الابروفال ( ليستفيد منه المتقدمين الجدد)
2- تاريخ المقابلة
3- عائلة (وعددها اذا امكن) ام اعزب
4- مسافر خارج العراق ام لا (يعتقد انه هذا الموضوع يشكل سبب لتأخير المعاملة)
5-خادم عسكرية ام لا  (ايظا يعتقد انه سبب لتاخير المعاملة)


ما يخص السفر والخدمة العسكرية هو مجرد اعتقاد ليس اكثر
احبتي ساقوم بعد شهر من تاريخ هذه المشاركة بعمل جدول للمشاركات عسى ان تكون ذات فائدة للراغبين بالهجرة او الراغبين بعمل بلان بي.

64
الهجرة و واللاجئين / لكل من ينتظر الفيزة خصوصا ال SIV
« في: 14:20 10/01/2012  »
السلام عليكم

شباب شوية تقبلوا كلامي برحابة صدر اني اخوكم.  خلي نتفق منا ورايح لحد ينزل مشاركات مخيبة للامال. احنه بدون اي شي تعبانين من الانتظار وصدكوني اكو هواية مو بس تعبانين من الانتظار مرضى ومفلسين وحالهم مينوصف.

البارحة جان اكو كم مشاركة حول الرفض مال SIV والله الليل ما نمت اذا نرفضنه شراح نسوي. شوي خلي نتعاون ولو نفسيا مو غير شي وشغله ثانية حاولوا تدحضون اي مشاركة ضعيفة المصداقية ولو برد صغير يعني مال واحد ما عندة شغل وعمل بس يستخف بمشاعر الناس.

اول خطوة بالنجاح هي التفكير الايجابي
تحياتي الكم
ابو سارة

65
مواضيع الحياة العامة في بلاد المهجر (امريكا) / العائدين من الهجرة سواء SIV او IOM مشاركاتكم وتعليقاتكم للاستفادة.
« في: 12:12 09/12/2011  »
السلام عليكم

تحياتي للجميع . اثناء بحثي عن كفيل صادفا اخوة 2 راجعين للعراق لاسباب خاصة بيهم. ممكن يشاركونه تجاربهم ونستفاد من الخبرة الي خلتهم يرجعون للعراق وطبعا المشاركات مفتوحة للجميع.


ابو سارة.
Arabicized.com

66
مواضيع الحياة العامة في بلاد المهجر (امريكا) / فرصة ذهبية للاخوة المترجمين في نييورك
« في: 07:45 05/11/2011  »
إعلان للأمم المتحدة عن إجراء امتحانات تنافسية لوظائف باللغة العربية

تعلن الأمم المتحدة عن حاجتها إلى مرشحين مؤهلين لملء مجموعة من وظائف اللغات في مراكز مختلفة للمنظمة. ويتم تنظيم امتحانات لغوية تنافسية لاختيار المهنيين القادرين على تقديم خدمات لغوية عالية الجودة في مختلف مراكز العمل.
تنظم الامتحانات من وقت إلى آخر وفقاً لاحتياجات المنظمة، وهي مفتوحة لجميع الحائزين لمتطلبات التأهيل. وستجري الأمم المتحدة سلسلة الامتحانات التالية للوظائف في مواعيد محددة:
- مصححو التجارب المطبعية ومحضرو المواد المطبعية باللغة العربية
في 30 كانون الثاني المقبل (editors)
- مدونو المحاضر الحرفية باللغة العربية
في 31 كانون الثاني المقبل (verbatim reporters)
- مترجمون شفويون باللغة العربية
في 1 و 2 شباط المقبل (Interpreters)

إشارة إلى أن آخر مهلة لتقديم الطلبات هي 10 تشرين الثاني المقبل وللاطلاع على شروط وكيفية تقديم الطلبات، الرجاء الضغط على الوصلة التالية:

https://careers.un.org/lbw/home.aspx?viewtype=LE


For Salaries and other benefits:
Check the following links:
http://www.un.org/Depts/OHRM/salaries_allowances/index.html

https://careers.un.org/lbw/home.aspx?viewtype=SAL
They reflects all the pay and benefits, including post adjustment for professional category.
__________________
د. أحـمـد اللَّيثـي
رئيس الجمعية الدولية لمترجمي العربية
تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.

67
الهجرة و واللاجئين / كل ما يخص اصدار فيزة ال SIV فقط بعد 1-10-2011
« في: 21:43 30/09/2011  »
تحياتي للاخوة والاخوات في عينكاوا.

وددت انشاء هذه الموضوع لوجود الكثير من المشاركات العامة بين ال SIV  و ال IOM وكذلك المشاركات المختلفة التواريخ.
نتمنى على المشرفين الابقاء على الموضوع كنافذة يطل منها اصحاب طلبات ال SIV  على مستجدات الامور.

ـحياتي للجميع وبالتوفيق

صفحات: [1]