عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - willpower

صفحات: [1]
1
السلام عليكم.
احب اسلم على الاعضاء القدماء و الاصدقاء و الاحبه و اسلم على الاعضاء الجددد المنورين.
صار فترة طويلة ما ملتقي بهذا المنتدى الجميل و مشتاقين خاصة الى العلم  Sound of soul   ;D  .
عندي استفسار و سوال الى الي عدهم حبره ..... اريد اسماء شركات شحن بضائع تجارية من امريكا الى العراق.  شحن جوي و شحن بحري. الاقضل الشحن الجوي. بس شحن التجاري يعني اريد اشحن صندوق جبير او حاويه تقريبا متره مكعب. ما اريدDHL او TNT  او هايه الشركات المعروفه لان جيكت و غالي ميصرف. اذا تعرفون شركات تشتغل بهالمجال اكون ممنون.

تحياتي

Willpower

2
السلام عليكم شباب.
شخص صديق اليه محتاج مساعدة بمعلومه من عدكم . راح يحول ويه عائلته يجي لاربيل و يريد يعرف اشكد ايجار بيت كامل ابو ال 4 غرف بعينكاوه بهايه الفتره؟ بمنطقة ال دو سايد. يعني ميريد بغير مناطق مثل 108 اوة الهرشم او ...الخ ميريد. اذا موؤثث او فارغ.

اني صارلي 3 سنين طالع من عينكاوه و ما اعرق شنو الوضع هسه اهناك.

تحياتي

ًWillpower


3
السلام عليكم.
مشتاقين شلونكم  ;D
اتمنى ان تكونوا كلكم بخير و صحة.

عندي سوال لاهل التجربة و المعرفة للي مسافرين من امريكا للعراق بالجواز العراقي.
اني جوازي يصير اكسباير بعد اربعة اشهر. يصير ان اسافر بي للعراق و ارجع قبل انتهاء فترة صلاحية الجواز ؟ لان سمعت و ما متاكد من صحة المعلومة انو الجواز لازم يكون بي اكثر من 6 اشهر على انتهائه حتى يسمح باستخدامه و السفر بي. فهل هذه المعلومه دقيقة؟ اكو واحد مار بهايه الحالة؟

وشنو الوضع اذا طلعت ترافل دوكيومنت و استخدمته بالسفر ويه الجواز هذا؟

تحياتي

Willpower

4
السلام عليكم شباب شابات شلونكم ان شاء الله زينين. صارهواي مداخل للمنتدى اتنمنه الكل زينين.

عندي سوال اذا امكن... بعد عشرة ايام عندري روحه لتكساس \ هيوستن ... ابقه اهناك حسبة ٣ ايام و اجع لولايتي كاليفونيا...المكان الي رايحله بهيوستن قريب من (ريلاينت بارك)  Reliant Park . منو عايش بهيوستن يكدر يساعدني بنصيحه بخصوص حجز الفندق بمنطقة ملائمة وزينه و قريبة من ريلاينت بارك حته لا احير بالمواصلات اهناك بطرك روحي.   اني طبين اونلاين و لكيت فنادق بس ماكو قريب من المكان الي اريده و الريفيوات على الفنادق الي شفته شويه قريبه مو هلكد زينه

تحياتي و شكرا

Willlpower






5
السلام عليكم شباب شابات.

عندي سؤال لاهالي و ساكني (سان ديكو) كاليفورنيا .... صارت عندي شغله فراح يصير عندي جيه الى سان دياكو ليوم واحد او يومين بلالاكثر. ارجوا ان تنطوني فكره عن اسعار الفنادق او الموتيلات لعائله 4 نفرات .و الاسم اذا امكن ... شنو المناطق الي تنصحوني بزيارته الي بيه المطاعم والاسواق العراقيه اهناك؟ مدام جاي اني لازم انزور ونشتم ريحه اهل العراق  ;D

تحياتي و شكرا على الاجابة مقدما

Willpower

   

6
السلام عليكم.
شباب عندي اقاربي بامريكا عنده راتب تقاعدي بالعراق...هاي صارله سنه من طلعت من العراق و ما مستلمه و تريد اتخول شخص اهناك حته تستلم بداله .   فشنو المتطلبات و وين اتروح حته اتكمل هايه الشغله ؟ البصمه مال استلام الراتب و هايه الامور شلون؟
اذا احد عنده علم بهايه الشغله انكون مشكورين
تحياتي

Willpower

7
سلام عليكم

شباب ابن خالي ناوي يسويليه سفرة للعراق. هو طلع الترفل دوكيمنت.
راح يروح لاحدى دول الجوار للعراق بالترفل دوكيمنت و مناك للعراق.
سؤالي ............ يكدر يدخل بالترفل دوكيمنت لدولة معينة مثلا الامارات او الاردن او ارمينيا و بعدين من نفس الدولة يستخدم جوازه العراقي للسفر الى العراق و الرجوع للدولة نفسه بالجواز العراقي ؟ القصد من هايه العمليه حته لا يبين بالترفل دوكيمن انو هو رجع للعراق.
لان هو متخوف و يتسائل شللللون يدخل بدوله بجواز ويختموله دخوليه و يطلع من الدوله نفسه بغير جواز ينختم خروجيه على الجواز الثاني و هو اصلا ماكو عليه دخوليه ؟؟؟ يعني مراح يكلوله يابه انتي هذا جوازك ما بي دخوليه لاراضينا شلون طبيت و بيا جواز و و و ...الخ

مشكورين

Willpower

8
السلام عليكم

الاخوان في امريكا .
اكو واحد عنده درايه و فكرة او مشتغل او تجربة او قاري عن موضوع (عن متطلبات و قوانين و خطوات فتح مكتب تصدير و استراد غراض في امريكا؟) استراد مواد من خارج امريكا
منين يبدي و شنو الخطوات و شنو قوانينهم و نظمهم للعمل بهذا المجال؟

شاكرين الاجوبة من اصحاب الخبرة و التجربة بهذا المجال مقدما.

تحياتي

Willpower

9
Good morning
how is everyone? hope u all r doing well.
sorry at the moment i don't have Arabic letters as i formatted the laptop ... will try to install the Arabic soon
its been a long time  .... i wish that all my group's members are in the USA and no one is still on the waiting list

Regards

Willpower

10
السلام عليكم

بدايه احب اسلم عليكم وان شاء الله تكونون بخير و صحه

احب اختصر كثير من الامور الي راح تأثر على وضع اللاجيء الجديد في امريكا واذكر نقطه معينه مستند على رأي شخصي لا اكثر من خلال ملاحظتي الي بنيته على اساس الواقع..... ونقطتي الي احب اكوله هيه انو الي بعده ينتظر موعد سفر خلي يسوي حسابه انو يجيب مبلغ من المال بحدود ال 5000 دولار وياه ...و يخصص هذا المبلغ للصرف على مستلزمات البيت بكل اصنافه دون تحديد. هايه بالاضافه الى المبلغ مال الويلكم جيك الي راح يستلمه من المنظمه.

اول 3 او 4 اشهر جدا ضروري للاجيء ان يحس نفسه مرتاح نفسيا و مسيطر و ما متضايق و بالتالي راح اتاثر ايجابيه هايه الامور على وضعه بشكل عام في البلد جديد تاثير ايجابي ..... وضعه المعيشي بشكل عام من ناحيه الاستقرار و بدأ مشواره الجديد بالخطوه الاولى ( التي تعتبر اهم خطوه) تكون مسيطره  وبعيده عن الصعوبات ....الاشهر الاولى ان كانت بدايه مستقره فبالتالي راح يكون عندك الامكانيه الذهنيه و النفسيه و الجسديه المثاليه للتخطيط الجيد للاشهر البقيه تخطيط صحيح للعمل و العيش و التدبير المنزلي و التاقلم الصحيح مع المجتمع.... و هذا راح يخليك تبتعد عن الكثير من الصعوبات الي واجهوه الكثير من الناس الي خلتهم يفكرون بالرجعه او الي بدأو مشوارهم في امريكا بدايه صعبه و بالتالي و بالتاكيد اثرت على معنوياتهم و مسيرهم الجديد.... كل طريق ان كدرت تسهل خطواتك الاولى بي راح تلكه الخطوات التاليه تكون اكثر رزنه و موزونه.

والي يكول ما عندي هذا المبلغ خلي يتداين   ;D   وعود تتذكرون نصيحتي هايه من توصلون ان شاء الله لان اكو هوايه تفاصيل متنذكر بموضوع واحد تكدر ان تتجاوز صعوباته من خلال هذا المبلغ. وما اريد احجيلكم بالمثاليات و فلان اجه و بجيبه 400 دولار ولا غيره. اني العليه نطيت وجهة نظري و نصيحتي وكلمن وبكيفه.  اتمنالكم الموفقيه

تحياتي

Willpower

11
شلون الشباب

حبيت ابلغكم انو اخيرا بعد عناء و صبر اكثر من سنتين و نص وصلنه بسلامه الى امريكا في ولايه كاليفورنيا.

جانت رحلة حلوه..... و راح ابدي بمشوار حياتي الجديده نحو الهدف و باتجاه النجاح ان شاء الله...... وكون هذا الموقع جميل بناسه و معلوماته وبادارته لهذا حبيت انقللكم خبر سفري قبل لا انشغل بامور الحياة اهنا.

تحياتي الى كل من اتعرفت عليه من خلال كروب النجمه او من خلال المراسلات الخاصه او من خلال الردود بالمواضيع العامه.

تمنياتي لكم بالصحه و السلامه و السفر القريب

Willpower

12
تحياتي وتمنياتي بالخير الى كل اصدقاء المنتدى

Willpower

13
مساء الخير على الجميع.

خلال الفترة الاخيرة لاحظت انو التسريع بانجاز معاملات ال IOM  و حسب المعطيات اني اشوفه فهو يتكون من شقين .

الشق الاول:  المعاملات الجديدة ........ الضاهر سرعة انجاز المعاملات الجديدة جماعة 2011 و 2012 اكثر من الملفات القديمة بسبب شمول هذه الملفات ودخولها في نظام التجيك الامني المعدل الذي استحدث مؤخرا... لهذا انشوف انو الملفات الجديدة لا تدخل في دهاليز و الاخطاء الادارية و التنفيذية لمراحل انجاز الملفات... والتي تم الاعتراف بها  من قبل المنظمات بنفسها.. وايظا من خلال تصريحات الشخصيات المسؤوله و الجهات العاملة على هذا البرنامج.  

الشق الثاني: المعاملات التي تعطى اولوية.......... يتم اعطاء اولويه لقسم من الملفات حسب تقدير الجهات المسؤلة لوضع الملف حسب معطيات و وضع الملف , ويتم ادراج هذا النوع من الملفات ضمن السياسة الجديدة التي ينتهجونها والتي  ابلغوا به لتسريع اجراءات بعض الملفات ذات الخصوصية.

لهذا نشوف انو بعض  الملفات القديمه والتي قد ادرجت ضمن الشق الثاني و اعطت له اولويه فعادة الابلاغ لاعطاء موعد سفر يكون قصير جدا قد لا يتجاوز الاسبوع او اقل ال 10 ايام كون الملف مصنف من ملفات ذات الاولويه ومشمولة في اجراءات التسريع التي اتبعوها مؤخرا.

والشق الثالث الذي غير مشمول بالتسريع هي الملفات القديمة التي تنتظر دورها و حسب التسلسل الروتيني للملفات. فهذه الملفات ليست مهملة كونها غير داخلة في اجراءات التسريع انما تاخذ وقتها الى ان يعتبر الملف جاهز للسفر.


هذا رأي الشخصي وتمنياتي لكل الاعضاء بالسفر القريب

تحياتي

Willpower

14
بالنسبة للعدم محكومية لافراد العائلة ...شنو اساس الاجراءات القانونيه الي على اساسه يصدرون العدم محكومية.... اذا الزوجة جنسيته ولادته مو بغداد , تقرأ محافظة من محافظات اقليم كردستان, تكدر اتطلع عدم محكومية من الاقليم لو لازم من بغداد بغض النظر بيا محافظة والدة او عايشة؟

شكرا

تحياتي

Willpower

15
سوال الى الناس الي فحصهم الطبي صار اكسباير و تغير وضع الملف بالموقع مال IOM.  ( طبعا ال IOM مضبوطين بس بامور الاكسباير وابد بيغلطون  ;D .)

البارحة جيكت ملفي بالموقع لكيت الفحص الطبي متغير منcompletedf  الى In Process  . ::)

سوالي منو بالاعضاء اتغير وضع الفحص الطبي بملفه و بعد اشكد نطوه موعد فحص طبي ثاني؟ لان اني بصراحه خارج بغداد و اريد ارتب اموري لان روحتي البغداد شويه زحمه و مو سهله عليه.

Willpower


16
السلام عليكم,

يا ريت بهذا الموضوع يشاركونه الاخوه والاخوات  اللذين سافروا مؤخرا او الااعضاء الي تم ابلاغهم على موعد سغر او اذا اي احد يعرف معلومة اكيده من خلال سفر اهله او صديق    يذكرون شنو بوادر ومؤشرات قرب السفر للملف ؟؟ ...
يعني كل معلومه صغيره قد تفيدنه باستنتاج امور قد تكون مفيدة.... مثلا شنو التعيير الي صار بصفحة ملف الكيس على موقع ال اي او ام بالفتره الاخيرة قبل السفر ؟ او اي ايميل معين وصل للمقدم بالفترة الاخيرة قبيل موغد السفر ...او اي نوع من مكالمة من ال اي او ام ونوع المكالمه ان كان استفسار او اي شي اخر....او اي تغيير بالايميل في صيغة الرد من المنظمة عند الاستفسار الروتيني الي اندزه الهم ..... او اي شي اخر, حدث او مؤشر معين او معلومه لفتت انتباههم قد تفيدنا محاوله منا ان نقييم وضع الملف ان كنا قريبين وعلى ابواب تحديد موعد سفر.. احسن من نقل اخبار السفر بدون اي معلومات.

تحياتي للجميع

Willpower
 

17
السلام عليكم , شلون الشباب و الشابات.

بعد انقطاااع.... و نية مسبقة بان تكون مشاركتي  القادمه خبر موعد سفري ... وبما انو الى هسه ماكو شي جديد فغيرت الخطة و كلت خلي العب 4 -4 -2   ;D وارجع اشارك.

ومشاركتي هايه احمل لكم بعض الاخبار الحلوه الي وصلتني من ناس الهم معرفه وعلم من داخل غرف عملبات ملفات الهجره و اللجوء.

- نسبه السفر لهذا الشهر والاشهر القادمه  للعراقيين ستكون جيدة جدا و الاعداد اكثر بكثير مقارنة بنسبة السفر للاشهر الاربعه الاخيره المضت. واحصائية الشهر الثاني ستبين هذا الفرق.
- ديشتغلون على تصميم قاعدة بيانات جديدة بال IOM و اجراء تحديثات على المعلومات وتطوير برنامج و البيانات وسير المعامله للمقدمين.
- تدريب موظفيين جدد في ال IOM  لانجاز المعاملات والملفات بحرفيه اكبر
- العمل على انجاز ملفات الهجرة المعده للسفر ال SIV  اكثر من ال IOM 
- انجاز ملفات دول الجوار (بنسبة بسيطه) اكثر واسرع من ملفات داخل العراق
-  الملفات المنفصله ( غير مربوطه ربط قوب مع ملف اخر) سرعه انجازه اكثر واله اولويه اكبر من الملفات المربوطه باكثر من كيس
- ستكون نسبة سفر ملفات العوائل الي عدهم اطفال صغار نسبة اعلى (ملفات مفضله)
- نسب الرفض فليله جدا
- الموافقات الامنيه لاغلب الملفات الي عابره عليه اكثر من 6 اشهر توصل نتيجته…. لكن لا يبلغ المقدم بذلك لاسباب معتمده على سياسه عمل المنظمه ولا يستطيع احد ذكره بوضوح وبشكل مباشر. وطبعا الامنيه اله اكسباير و لهذا تنعاد قسم من التجيكات بعد فترة الاكسباير.
 
اخيرا تمنياتي للكل بالموفقيه و السفر القريب ان شاء الله

تحياتي

Willpower


18
السلام عليكم شباب شابات عينكاوه,

فليتخذ الشخص الي يهاجر و يطلب لجوء هذا الشخص العراقي مثلا له. وان كان يعتقد انو هو ضروفه او وضعه لا يسمح له بالوصول الى اعلى المستويات فليدع ابنائه على الدرب الصحيح لعلا يصبح يوما مثل السيد ارا الوزير العراقي الارمني في بريطانيا.

البروفيسور الجراح واللورد والوزير آرا درزي

ولد البروفسور الجراح آرآ  في بغداد عام ١٩٦٠ ، لأسرة من اصول أرمنية وصلت الى العراق مع المهاجرين بعد مذبحة الأرمن عام 1915 م . أتم المرحلة الإبتدائية في مدرسة فرانك عيني، التي اسسها في بغداد السيد محسن ثري، وبعد المرحلة الإبتدائية اتم دراستة الثانوية في كليةبغدادعام 1978 م ثم غادر العراق برفقة عائلتة بسبب تردي الأوضاع الأمنية في العراق، كبقية الملايين من ابناء الشعب العراقي في العقدين الأخيرين . واقام مع عائلته في ايرلندا في دبلن حيث درس الطب واصبح رائداً لنوع من العمليات الجديدة، وهو يتمتع بشهرة عالمية في مجال تقنيات الجراحة المتطورة واجراء العمليات بطريقة الإنسان الآلي . وقد ساهم في تطوير طرق جديدة للتدريب في مجال الجراحة عن طريق استخدام اسلوب الحقيقة الإفتراضية الذي اتاح للجراحين تطوير مهاراتهم وخبراتهم العملية . والسير آرا درزي حاصل على زمالة الكلية الملكية للجراحين في ايرلندا وشهادة من جامعة ترينتي وعلى زمالة في الكلية الملكية للجراحين في انكلترا والكلية الأمريكية للجراحين، والكلية الملكية للجراحين في ادنبرة ومنح عضوية اكاديمية العلوم الطبية .
كرّم من ملكة بريطانيا عام ٢٠٠٢ بأعلى وسام ملكي
و قد عين وزيرا للصحة في بريطانيا في ٢٠٠٧ بعد أن وضع خطة لتطوير نظام الرعاية الصحية تعتبر الأهم في السنوات الأخيرة و بذلك يكون أول طبيب من أصل عراقي يعين وزيرا في بريطانيا

تحياتي

Willpower

19
سان فرانسيسكو (رويترز) - جماعة  مسيحية انجيلية امريكية تنبأت بأن يوم القيامة سيكون يوم السبت المصاف 21 - 5 - 2011 .وكان هارولد كامبينج (89 عاما) تنبأ تنبؤا فاشلا بأن السيد المسيح سيعود الى الارض في عام 1994.

وقال رئيس اذاعة شبكة محطات اذاعة (فاميلي ستاشنز) المسيحية انه متأكد من زلزال سيهز الارض في 21 من مايو ايار يجرف المؤمنين الصادقين الى السماء ويترك الاخرين وراءه ليتلاشوا في دمار العالم خلال اشهر قليلة.

وقال كامبينج لرويترز "نعلم بدون ادنى شك بأن هذا سيحدث."

ولفاميلي راديو التابعة له 66 محطة اذاعة امريكية بأكثر من 30 لغة من خلال هيئات دولة تابعة.

ويعتزم كامبينج وهو مهندس مدني ادار من قبل شركته الانشائية قضاء 21 من مايو مع زوجته في الميدا في نورث كارولينا ويشاهد تكشف يوم القيامة.

وقال "سأحاول ربما اكون قريبا جدا من التلفزيون او الراديو او شيء ما... سأكون مهتما بما يحدث على الجانب الاخر من العالم مع بداية هذا."

ومثل تنبؤه السابق فان تاريخ يوم القيامة الذي تنبأ به كامبينج مبني على قراءته للكتاب المقدس وجدول زمني يعود الى احداث قديمة من بينها طوفان خاص بالكتاب المقدس نجا منه نوح

تحياااااااااااااااااااااااااااااااااااتي

 ;D

20
اخواني خواتي. اني مقدم على ال IOM و مخلص محلف ومستلم الموافقه المبدئية. و مقدم على ال SIV  همينه.
قبل شهرين دزيت الظرف النبراسكا. وراه بفتره دزولي ايميل و كالو اوكي ورادو مني بيان ولادة و عدم محكوميه و املي فورم اونلاين ....الخ هايه السوالف. طبعا اني كلشي ما سويت لا دزيت الهم شي ولا دخلت مليت شي اونلاين و هملت الموضوع على اساس اني مكمل IOM تقريبا.

اشو اليوم اجاني ايميل محددين موعد مقابلة بالسفارة بشهر التاسع.؟؟؟


والمصيبه ويه كل ايميل يوصلني منهم بيه CC لمدرائي الامريكان الي زودوني بكتب توصيه.

هي مقابلة ال SIV هم بيه تاجيل لو لا؟

21
شباب اذا امكن كل الي عنده معلومات عن نوعية المساعدات و الفترة للمساعدات لللاجي العراقي بعد الوصول الى امريكا نذكره و انعرفه للكل.... اذا اكو رابط بهذه التفاصيل وبهذا الموضوع لا باس .او اذا واحد عنده مخزونه هياه التفاصل.

يعني من واحد يوصل اهناك شنو الي راح ينتظره بالضبط بهالمجال بالتفاصيل.

شكرا

Willpower

22
السلام عليكم,

حبيت انزل هذا الموضوع للمتقدمين على برنامج ال IOM وهذا الشرح المقتبس من ردود اليه سابقه و مواضيعي السابقه للقائدة. و مقدما اكول هاي رأي الشخصي و هو رأي تخميني تخميني تخميني ... استنادا على تحليل مجريات الملفات الي مرت علينه.... قد تستفادون منه و قد لا تستفادون.
 

اجراءات الكيسات بال IOM مقسميه على اساس:
- الاولويه: اولويات الشخص المتقدم ...و توفر المعلومات الكاملة بدون نقوصات
 ومو شرط الاجراءات تمشي بتسلسل ارقام الكيسات و تاريخ التقديم.

*** تصنف المعاملات الى درجات وانواع  ( الامور التي تعمل على سرعة انجاز المعاملات)
بما ان كل كيس اله ظروفه الخاصة و الكيسات طبعا غير متشابهه , فيتم عملية فلترة و ترتيب الفايلات معتمدا على امور عدة, منها.
 
 1-     A    تاريخ استلام ال كيس نمبر    

بهاي المرحله تروح معاملات سنة (2011 مثلا) الى قسم A ... الشهر الاول على سبيل المثال اتصير A1 . والشهر الثاني A2 . هكذا. .. فالاولويه للشخص الي ابـ A1 ومن ثم A2 .وهكذا.
( رقم الكيس)  مو شرط ارقام متقاربة معناه تاريخ تقديم متقارب. احتمال شخص قدم بشهر الاول رقمه اعلى من شخص قدم وراه بشهر الثاني. لان اكو نظام الشيفتينك يعني الارقام الي تنلغي لملفات ملغاة ما تحذف وانما تعطى لكيسات اخرى فيما بعد قد تكون جديدة .

بعدين اتروح الى:-

2-     B      التاكد من الوظيفة و الركومنديشن لترز    

 ايه مرحله جماعة ال A1  تروح معاملاتهم الى B1 ... وال A2 الى ال B2 . والاولويه الى لB1  بسرعة اكمال المعاملات... وتعتمد على سرعة رد السوبرفايزر على رسالة الركومنديشن.

 ملاحظة: .يعني احتمال اذا ما استلمو التاكيد على الوظيفه او اتاخر فجماعه المقدمين وراك يجتازون هاي المرحله و انت تراوح ابمكانك. قجماعة B2 يجتازون هايه المرحلة مع العلم يمكنانت من جماعة B1 .

بعدين اتروح الى:-

3-       C       عدد افراد الكيس            

 كيس من نفر الى نفرين اسرع في انجاز معاملاتهم ..يعني اسرع من 8 لو 10 نفرات...و يمكن التقسيم في المعاملات هو... من نفر الى 2 ...... الاول .   وراه من 3 الى 5 .....الثاني .     وراه من 5 الى 10 ....... .

3-    D        مستجدات امنيه بالقضية            

المستجدات الامنيه واطلاعهم عليه لها دور ايظا, بوجود الدلائل و الاثباتات. راح اتاثر على سير الملف

4-      E      ارسال و استلام ايميلات بشكل دوري  لمتابعه سير القضيه          

احتمال اكو اهمال من الموظف او خطا غير مقصود فارسال ايميلات متابغة راح اتساعدك ان اتكون  متاكد انو معاملتك على الطريق الصحيح.

5-       F       اذا كانت الفايلات والكيسات مباشرة وغير مباشرة .              
في حال صاحب الكيس هو نفسه الابلكنت المقدم اسرغ من اذا كان مو هو صاحب الكيس كان يكون مقدم لاهله.... م \ عدد خلايا العمل على الفايلات النوع الاول هي ضعف عدد الي يعملون على فايلات النوع الثاني الغير مباشر, و الاول له اولويه اكبر. فتمشي بسرعه اكبر من الثاني.

6-     G       الحظ .              

طبعا امكانيات الموظفين في كل خلية عمل اله دور بانجاز المعاملة بسرعه اكبر. ( يعني انت و حظك). .. بمكن واحد وصلت معاملته يم جماعه موظفين بروفشنل و موظفين سريعين,, والثاني يم موظفين بطيين بانجاز المعاملات... هذا فد شي معروف بكل دائرة او شركة انو اكو موظفين و اقسام انشط من غيرها.


------------------------------------------
------------------------------------------

مثال:

خلي انكول اكو شخصين قدمو بنفس الوكت و التاريخ ..الاول ابو حنون  والثاني ابو ناميله.

ارسال الايميل ... نقسه بالنسبه للاول ابو حنون والثاني ابو ناميله

استلام ال IZ نمبر. ..الاول ابو حنون استلم  والثاني ابو ناميله  بعده.دينتظر  

البدء باجراءات القضية

مراحل الاجراءات للكيسات المرقمة والمعرفه.
1- نرنيب الفايلات ... حسب الخطوات بالتسلسل المذكور:

1-1   . تاريخ استلام ال كيس نمبر. (ترتيب روتيني) ..الاول (ابو حنون) دخل السستم والثاني (ابو ناميله) يمكن هسه يله استلم الكيس النمبر.
1-2   . رقم الكيس. ترتيب روتيني
1-3   . التاكد من الوضيفة و الركومنديشن لترز. (ترتيب غير روتيني حسب سرعه رد اصحاب الركومنديشن). ..الاول ابو حنون اتاكدو من وظيفته والثاني ابو ناميله دينتضر يدخل مرحلة السستم .
1-4   . عدد افراد الكيس. (ترتيب روتيني) .. ..الاول  نفرين  والثاني ابو ناميلة 8 نفرات.

وهكذا................... بقيه النقاط

فنشوف ابو حنون مشت معاملته و وصل مرحله متقدمه و ابو ناميله بعده و اتاخر...مع العلم قدموا بنفس التاريخ
بمعنى مو شرط اني مقدم قبل سنه معاملته تمشي اسرع من الي مقدم قبل 6 اشهر. .

--------------------------------
--------------------------------


شرح الرموز:

طبعا مقدما الكم ... هذا الشرح للرموز هو شي تخميني..... استنادا على المعلومات البسيطة الي اتوفرت من خلال اعضاء الكروب.

-  الرمز:   RRS .     المعنى \ المرحلة :   قسم  تغيير في حجم الملف \عدد الافراد \ معلومات .
 Revise & Resize Statistics    تعديل و تغير حجم البيانات
م \    قد تاتي في اي وقت يوجد تغيير حجم الملف \عدد الافراد\معلومات

-  الرمز:   SMB .     المعنى \ المرحلة :   قسم \ نقص معلومات السيرة المطاوبه .
Shortage & Missing  Biography    نقص و عجز بمعلومات السيرة.
م \    قد تاتي في اي وقت يوجد نقص  او تجييك بالمعلومات.

اقسام المراحل الابتدائية
-الرمز:
JAY--
NSH---
HTH----
ADS------
 
هي مرحلة ترتيب واعداد اساسيات الملفات .

اقسام المراحل المتوسطة
-الرمز:
HMJ-- فسم الي متاخره معاملاتهم اطول من اللازم لمراجعه ما او تجييج اضافي
SAS---
DH----
RKJ------
MAF--------

اقسام المراحل النهائية.
 هي مرحلة ترتيب واعداد الملفات للمقابلة  .

EHF---  غالبا ما يكون مرافقا مع مكالمه و اتصال من ال IOM وتسجيل بيانات و احداث حدثت موخرا والتسجيل يكون على شكل معلومات اوليه او مبدئية  قبل المقابلة من قبل المنظمه.
FMS ------
TAD ---------- الي هو:-
 Traditions & Assistance  Directory    دليل التعاليم\النقاليد و الارشادات

م \    تاتي مع مرفق دليل يخص الحياة في امريكا


طبعا هاي الرموز قد تتكرر حسب مجريات الملف..مرات تلكاه من المرحلة الثانيه ينزل للاولى بسب ما. سواء ان كان اضافه طفل جديد او حذف شخص او زيادة معلومه او وثيقه جديدة...... الى اخره.

وتوصل اخيرا  الى المقابلة الاولى  ;D

تحياتي للكل

Willpower

23
اسمحو لي ان انشر هذه القصيدة عن الام وعيد الام, ولاول مره, والقصيدة كتبت بقلم احد افراد عائلتي.

Mother Day

For a love that is always there…
For a heart that’s always care…
A sole, for everything to share…
A spirit, that always follows no matter when and where…

By Gods will, had given me life, and looked after…
Has always been concerned, sharing tears and laughter …
In helping, support and encouragement, no one could be faster…
Doing the best for me, and standing by my side always by flatter…

You have been unlimited giver, making it easier even when it’s going harmer…
You mad my wished happened, and my life to be much nicer and wormer…
You deserve all my love, my respect, every good thing that life can offer…
I will always cherish you, honor you, show my thanks with all my confer…

On mothers day I wanted to say thank you…
And share it with my friends; I guess they want to say it too…
You brought me to this world, it’s where I met them here…
So, get those thanks Mother, till I see you again my dear………..
[/color]
تحياتي

Willpower

24
شلون الشباب الشابات.

بعد ما تالق كروب النجمه في نسخته الاولى . حبيت نستمر بالتالق و التواصل ومتابعة الكيسات و تشكيل جدول بالاسماء و المعلومات والتواريخ بهذا الكروب .... طبعا ويه الرموز الي قد تكون جديدة في هذه المرحلة وما مار علينه بفتره المراحل الاوليه.

يمكن بهاي المرحلة فرصة التعرف على بعضنا و احتماليه السفر بنفس التوقيت وارد اكثر . لهذا راح ابدي بنفسي و بالمعلومات الي راح تنزل بالجدول الي راح اسويه....كل المشتركين يجاوبون على النقاط المذكوره ادناه للاشتراك ...وهاي النقاط طبعا تتحدث حسب مراحل الكيس.

1-  تاريخ مقابلة المحلفين:
2- رقم الكيس (اول 3 ارقام):
3- عدد االافراد :
4- رمز الايميل الاخير (الاحرف ال 3 التجي ويه السبجيكت مال الايميل):
5- الاتصال بالكفيل:
6- الولايه (في حال وجود كفيل):
7- وضع الكيس:
 
ابديه اني

1-  تاريخ مقابلة المحلفين :  16 \ 2 \ 2011
2- رقم الكيس (اول 3 ارقام) :  116
3- عدد االافراد:     5
4- رمز الايميل الاخير (الاحرف ال 3 التجي ويه السبجيكت مال الايميل) : بلا ... لم ارسل رسالة استفسار الى الأن.
5- الاتصال بالكفيل:   ليس بعد
6- الولايه (في حال وجود كفيل):    كاليفورنيا
7- وضع الكيس:  انتظار

تحياتي

Willpower


25
طبعا الالغاز و الحزورات ينمي العقل و يرفع درجة الذكاء الى حد كبير...ويجعل من الشخص نبيها... وعلى هذا الاساس حبيت اطرح هايه الفكرة و نتمنه تنجح< حته شويه نمرن دماغنه و نفكر ونتوسع احسن من التفكير بالموافقة الامنيه و المقابلة و الفيزا ههههههههههههه  وبالتالي عندي حزورة كلش صعبة...راح احزره الكم والي يحله احيي وابصم بالعشرة انو هو ذكي جدا .... و ورايه بعد ما تعرفون الحل و تنحزر الحزورة وتخلص الي عنده حزورة ثانيه هم يكتبه اذا يريد ....اني بالنسبه اليه اتختخ على هيجي امور .......

--------------------------------------------

اكو حكيم جان يشتغل يم والي... بيوم من الايام وصل خبر للوالي و كلوله انو هذا الحكيم مستشارك ليس حكيما ولا يملك من الذكاء و المعرفة ليكون مستشار لك (حركوه يعني) هههههه... وقالو كل نصائحه و استشاراته لك من شخص اخر فهو مجرد مرسال و يكذب عليك و يقول انه ذكي و خكيم....

قغضب الوالي.. وقرر ان ياتي باناس حكماء ليختبر هذا المستشار ويكتشف ان كان حكيما و ذكيا ام لا و معرفة قدرته على ايجاد الحلول الصحيحة...فاحتمعوا اللجنه على نوع من الاختبار و قبل الوالي بالاختبار المقترح.

نادى على المستشار وقال له.... لقد وصاني خبرا ازعجني وقالوا لي انك كنت تكذب علي طوال هذه الفتره وتستغل ذكاء شخص اخر لتقترب مني ...و انا حكمت عليك بالموت و الاعدام . ولكن سوف اختبرك و اتاكد بنفسي قبل تنفيذ الحكم عليك..ان نجحت بالاختبار و اجتزت الامتحان فسوف اعفي عليك و اعينك وزيرا لي وان فشلت فالموت مصيرك.

قبل المستشار الحكيم بهذا الامر........ فقال له الوالي (اذهب الى هذا الممر الطويل و سر الى نهايه الممشى .سوف تجد بابان اثنان , امام كل باب يوجد شخص يحرس الباب, احد هذان البابان اذا اخترتها ودحلت من خلالها سوف تجد في الطرف الثاني المشنقه امامك و سوف تشنق فورا. اما الباب الثاني اذا اخترتها ودخلت من خلالها فسوف تجدني في الطرف الثاني بانتظارك و تاج الوزير في يدي اقدمها لك بكل سرور..... قال له عليك ان تختار الباب الصحيح باب خلاصك وتمر من خلاله لكل تنجو بحياتك... وقال له ايظا, هذان الحارسان يعرفان كل منهما ماذا يوجد خلف الباب .وهذان الحارسان احدهما صادق و الاخر كذاب.... فلديك فرصه و حق بان تسال سوال واحد فقط  الى احدهما ومن خلال الجواب يجب ان تعرف دربك و تختار الباب الصحيح و تنجو بحياتك ....سوال واحد فقط الى واحد من الحارسان.

ذهب الحكيم و وصل الي البابين ................. وسال احد الحارسان سوال واحد فقط و من خلال هذا السوال اختار الباب الصحيح و نجى بحياته و اصبح وزيرا .

ما هو هذا السوال ؟؟؟؟؟؟؟؟؟؟؟؟؟؟؟؟؟؟؟؟؟؟ ماذا يجب ان يسال و كيق يختار الباب الصحيح؟؟؟؟؟؟

تحياتي

Willpower

26
ايبااااااااااااااااااااااااااااه والله اسباع شباب مصر.

في هذه اللحظة تنحى الرئيس مبارك من السلطة. وكلف المجلس الاعلى للقوات المسلحة لادرة شؤون مصر.

27
شلونكم شباب و بنات هاللمه الطيبه ابعينكاوه....... كروب النجمة الطيبين.

ان شاء الله هالسنة اتكون خير على الجميع . بالنسبة اليه حبيت انطيكم خبر بخصوص مقابلتي الاولى. الجماعه حددولي مقابلة اولى بعد اسبوع تقريبا . ان شاء الله تكمل على خير علينه و على الجميع و ان شاء الله بعد ما اروح البغداد للمقابلة ويه الاهل و ارجع بالسلامه راح انطيكم الزبدة و اذا اكو مستجدات.

تحياتي و اتذكرونه بصلواتكم بالسفر الى بغداد و العودة بالسلامه .و الموفقيه للجميه ان شاء الله.

Willpower

28
اخوان طبعا دفتر الخدمة جان ضايع و لكيته الحمد لالله. طبعا الدفتر كضيان........وديته للترجمه المترجم مكدر يقرا اهم فقرة الي اتفيدني الي هي  (اسم الوحده المساق اليها) .مكتوب م ت ................. يعني مركز تدريب ...اني جنت تجنيد الرصافه . واني بال 1998 جان مركز تدريب دلي عباس بس المكتوب مو دلي عباس.  ???    اكو واحد يكدر يساعدني ويكول شجانو يسمون هذا المركز بوكته..و بدفتر الخدمه مالتكم شمكتوب وشجانو يكتبون بالدفتر (طبعا دفتري مثل الهويه مو الدفتر القديم)... حته اذا يعتقد يكدر يقرا الخطوط التعبانه اني مستعد ادزله سكانر كوبي على الخاص بلكي ينقذني.

اتذكر قبل فتره واحد من الاخوان كال عنده صديق جان يشتعل بالتجنيد بلكي يكدر لان هو شغلته.

شكرا لاي مساعده مقدما

Willpower

29
اخوان انطرح فد موضوع فرعي باحدى مواضيع الاعضاء بخصوص امتلاك المتقدم على ال اي او ام بيت في العراق....
1- هل يسالون في المقابلة اذا تمتلك بيت او لا؟
2- هل يؤثر امتلاك دار على المساعدات في امريكا؟ يعني ياخذون اسعار البيوت ابغداد و يحسبوه كانما عندك راس مال و متحتاج الى مساعدات.
3- اذا البيت موجر ...شنو راح يحسبون حساب انو عندك دخل شهري و ميشملك المساعدات؟
4- زين اذا عندك بيت و بعد سنة بعته وحولت الفلوس و اشتريت بيت. يسالون منينلك هالفلوس و تعال رجع كل الي استلمته؟
5- يعني العراقيين الي واصلين امريكا و يستلمون مساعدات كلهم كايلين ما عدهم بيوت بالعراق؟
اخيرااااااااااا.  اذا عندك مبلغ و مخلي بالبنك داخل العراق و بعد فتره حولته و تريد تشتري بيت...يسالون ليش مكلت عندك فلوس و استلمت مساعدات من عدنه كل هاي الفتره؟

حبايبي ارجو ان اتجاوبون بدقه حته واحد يفتهم...خاصه اصحاب التجارب و الخبره و المارين بهيجي حاله لو يعرفون ناس بنفس الحاله.

مشكور

Willpower

30
السلام عليكم.

عندي سوال .بالنسبة للعقود ..  Employment Contract عقود عملنه مع الشركات الامريكيه شنو موقفه من الاعراب؟ يعني ناخذهن ويانه للمقابله ؟ زين اذا هي اكثر من 10 عقود على مر السنين على 3 اشهر وبعدين سوه 6 اشهر وبعدين سنه و هكذا ...شنو ناخذهن كله كنوع من تاكيد على المعلومات لو ميحتاج ؟

اذا واحد يكدر يسوي كوبي بيست لاول ايميل كتبليغ للمقابله الاولى يستلمه المتقدم  من منظمة  ال اي او ام انكون شاكرين . حته واحد يعرف شنو المطلوب ناخذه ويانه و شنو يكولون بهذا الايمل ويطلبون من عدنه.

اكون مشكور جدا

تحياتي

Willpower

32
السلام عليكم.

شباب اني خالي جان مسوي طلب من امريكا الوالدتي قبل اكثر من 14 .... قبل سنتين جتينه رساله من امريكا من (ناشنل فيزا سنتر)بخصوص هذا الطلب.... المهم اخوان اني خالي قبل 5 سنين اتوفه بامريكا . فالشغله اتكنسلت..

سوالي... اني عندي محتفظ بهاي الرساله و الكتاب الي وصلنه من ناشنل فيزا سنتر. فهاي الورقه اذا ابرزه بالمقابله ما اي او ام بتسهيل امري؟ يعني قصدي يكولون انو هاي العائله من زمان عدهم معامله و مرهمت بسبب الوفاة...لو بالعكس اتصير عليه و يكولون انتو اصلا جنتو ناوين اتطلعون لامريكا و شغلة التهديد مو سبب رئيسي؟ راح تفيدني هاي الرساله المستلمه لو بالعكس.... حته اعرف اجيب طاريه بالمقابله و اوديه ويايه لو اغلس.

اراكم اخوان و اخوات...يوضحون الاخوان شنو الاوراق الي بصالح المتقدم لل اي او ام اذا برزه ...وشنو الاوراق الي بوجوده راح يعزز من موقفه اكثر.

مع الشكر


33
السلام عليكم.

اخوان اني لبست عسكريه بس 3 اشهر سنة 1998 ودفعت بدل اتسرحت ابشهر الثامن.

دفتر الخدمة مالتي و اوراقي مال العسكريه كله ضاعت والله و ما ادري شلون...بس اتهجولنه من بيتنا ضاعت الاوراق و الدفتر.

اني بصراحه الوالد الله يرحمه تقريبا كله هو المشه بالمعامله و بمساعده قسم من الاصدقاء لان جنت ذيج الفتره هوايه متمرض مكدرت اطلع من باب البيت... المهم كملت المعامله مال البدل.... سوالي هو... بصراحه ما اتذكر البدل بذيج الفتره اشكد جان؟؟؟؟ما اتذكر جان 750 الف بفتره معينه بعدين سوه مليون و يمكن مليون و نص والله ما اتذكر....ممكن الي يعرف قيمه البدل اشكد جان بذيج الفتره يكلي الله يخليكم لان بالمقابله اذا سالوني اشكد دفعت بدل و كتلهم ما اتذكر ..راسا يمكن يدكولي طابع.


ممنون منكم

willpower

34
السلام عليكم.

سوالي اليكم مع التقدير.

السلام عليكم.

ما هي فترة المساعدات في الولايات المتحده للذي يصل عن طريق برنامج ال اي او ام ؟
هل هنالك فرق بين فترة مساعد العزاب و مساعدات العوائل؟ هل صحيح للعازب 8 اشهر و للعوائل لفتره اكثر؟
ما هي قيمة المساعدات الشهريه للشخص الواحد  للعوائل؟
ما هي قيمة المساعدات للاطفال؟

مع الشكر الجزيل



الارادة


35
السلام عليكم.

طبعا تحياتي الى الادمنز بهذا الموقع الجميل بفكرته و بكل تفاصيله.

بصراحه اني مقدم على ال اي او ام. و مستلم اي زي نمبر. بس ما عندي فكره عن تفاصيل هذا البرنامج . فاتحملوني بهاي الفتره و اذا تكدرون اتفيدوني باجوبتكم كونكم اكثر اطلاع و خبره في هذا البرنامج و الموقع.

سوالي : اني مشتغل ويه شركه امريكية 4 سنين. و خلص عقدي وياهم قبل سنه 2009 . و مهدد بالقتل اب بغداد بوكت الي جنت اشتغل بي.  و هسه اني خارج بغداد بس بعدني  داخل العراق.1-  هل عدم استمراري بالعمل يوثرعلى موقفي؟  2- هل تاريخ التهديد كونه قديم يخليهم ما ياخذوه بنضر الاعتبار كون مضى سنه عليه؟

شكرا مقدما .

الارادة , الحكمة , الذكاء


صفحات: [1]
980x120