4
اني أس أي في حصلت على الفيزا بعد سبعة اشهر وبضعة ايام بعد ان قابلت في بداية الشهر العاشر 2011 حيث وصلني ايميل يبلغني بصدور الفيزا الشهر السادس وكان يوم 9 بنفس الشهر
استلمت الفيزا من الدي اج ال راسلت المنظمة وحددت موعد سفر يوم 25 تموز قبل يومين من السفر اتصل بي ابو المنظمة وانطاني التعليمات كال سفرك بعد يومين مسموحلك حقيبتين وزن كل منهم 23 كيلو مع حقيبة يد وزن 5 كيلو ولابتوب وكال اذا تريد تستفسر بعد تكدر تخابر عالرقم اللي خابرتك منه بالنسبة الي ما عندي شي بس انتظرت وبفارغ الصبر يخلصن اليومين والحمد لله خلصن على خير وانطلقت الى مطار لبصرة ان الموعد ساعة 7 الصبح بصالة الطيران الولد ذاع الاسامي وسلمنا علاكة IOMخلوها بيدكم دائما جانوا وياي 3اشخاص وعائلة
وطرنا من البصرة 8:30 تقريبا وتوجهنه لعمان في مطار عمان اجه ابو الاي او ام شخص لطيف جدا كمللنا الاجراءات جماعة الجوازت بالمطار شوية خبثوا وياي بحجة تشابه الاسماء مع العلم ماكو اي تشابه يمكن بس اسم الاول حتى المواليد تختلف وكذلك اللقب واسم الوالدة ما اعرف ليش يسون هيج المهم خلصنه من المطار بعد تاخير اكثر من ساعتين وراها بقوا جوازاتنا يمهم وانطونا ورقتين صغار زرك وابو الاي او ام اخذنا للفندق كل1 غرفة غرف حلوة مرتبه ابو الاي او ام كال كعدوا من الستة الصبح علمود تتريكون بالستة ونص وتجمعون بالسبعة خارج الفندق طبعا اكل تعبان ومينوكل) واكلهم داخل الفندق غالي جانت طيارتنا المتوجهة الى شيكاكواني يمكن ما نمت ولا ساعة وقبلها بليلة السفر نمت بس ساعة وحده واحسبوا شكد تعبان بس مع ذلك منمت وجنت فرحان بس ما اصدك لحد ما اخلي رجليه بمطار شيكاكو المهم رجعنا للمطار واخذنا الاوراق الزرك من الفندق لانه حجزنا بيها غرف وانطونا جوازاتنا وره مسلمناهم الاوراق واحنا ننتظر الطيارة اجه شخص جيك الظروف الصفر لتخافون اجراء عادي ابو المنظمة كال راح يجي شخص يشوف ظروفكم جيك الاسامي وراح وصعدنا بالطيارة اذا تسالوني كم شخص وياك وكم واحد اس اي في وكم واحد اي او ام ماعرف بالضبط بس كانو 80 عائلة او اكثر بس اكثرهم IOM
طبعا من جنا بالاردن التحقوا بينا عوائل من مطار بغداد واربيل وعزاب ايضا وكانو تقريبا العدد 80 قبل يوم من السفر صعدنا بالطيارة ورة ما انطونا التكتات هاي انطونياها التكتات اول موصلنا للاردن مع الورقتين اللي كلتلكم عليها مع ورقة صفرة كبيرة طارت بينا الطيارة والحمد لله الجو كان كلش صافي والطيران ولله الحمد والشكر كان كلش سلس الطيارة كانت زينة نوعا ما مريحة كانت الطيارة اير باص و وكفت لانه لازم تتحرك بس الممحظوظ بيها انه اني كعدت بداية الجناح كان مقعدي رقم 11A طارت على ارتفاع جدا شاهق وصلت الى اكثر من 800 كيلومتر بالساعة طبعا اكو شاشة بالمقعد االلي كدامكم بيها فالام واغاني ومسلسلات وغيرها انت شتريد تطلع شاشة لمس طبعا اخوكم كلشي مباوعت كل شوية اكلب على شغلة وبيها خط الرحلة ومعلومات الرحلة اني جنت مخليها على معلومات الرحلة واجيك وين وصلنا طبعا الطيران صار شوية اكثر من 13ساعة
وصلنا الي مطار شيكاكو استلمونا جماعة الاي او ام نسيت اذكر قبل منوصل بساعة تقريبا او اكثر انطونا ورقة زركة لازم نمليها هي نفسها الورقة اللي تحصلوها بمطار الاردن مطبوعة بيها المعلومات اني اخذتها وذبيتها لان عندي وحدة وصلنا للمطار مثل مكلت وجماعة الاي او ام حبابين حيل وزعوا علينا باجات اللي راح يسافر بنفس اليوم او يخلوه بفندق للي بغير ولاية الفاينل ديستنيشن مالته وكملنا الاجراءات البقية ورة مختموا جوازي طلعت طبع وصلنا الامريكا ساعة اربعة وربع العصر بتوقيت امريكا طبعا الفرق بين بغداد وامريكا 8 ساعات طلعت من المطار جانت ليل وفعلا حسيت نفسي بامريكا وحمد ربي على وصولي سالم وعلى وصولي الى ارض امريكا الجميلة جدا اخذوني جماعة الاي او ام بمترو كان قريب علمطار طبعامو وحدي نطوني تكت مال طائرة متوجهة الى اوستن وفتت المطار وكانت ايضا موظفة بالاي او ام استقبلتني بالمطار طبعا بركض هذا الحجي شايل جنطة الكتف بيها الابتوب بس لان الجماعةالملكيه مضيعين جنطتي ما اعرف وين لان مالكيتها بمطار شيكاكو ما اعرف ليش المهم سويت تقرير بالمطار بيها وكنت حيل تعبان حاولت انام بالطيارة قبل منوصل لامريكا مكدرت وكانت موضفة المنظمة منتظرني اخذنتني للشقة وكانت جايبه وياها وجبة عشه لان تعرف اكل الطيارة تعبان ورحت للشقة مالتي طبعا ماكنت وحدي كان بيها شخص عراقي من كركوك طبعا اهم شي لتنخبصون بالمطارات اهم شي لان مو بكيفكم راح تنخبصون وراح تنسون ودائما جيكوا اوراقكم وجوازاتكم فعلى كيفكم وارواقكم المهمة خلوها دائما بجنطة وحملوها على الكتف ابد لتذبوها وحتى من تصعدون بالطيارة والاشعة خلوها بعلاكة وصعدوها وياكم بالطيارة وين متروحون وياكم
اهم شي بدون خبصة بعد معلومة مهمة تفيدكم بالسفر اذكرها وانشالله تستفادون منها وتمنياتي لكم جميعا بالسفر العاجل طبعا هسة اتذكرت عطور ميصير يصعدن بالطيارة اكو جماعة خاليها بجنطة الشحن وعادي وصلت وجكاير اخذوا اكثر من كلوص تقريبا 3كلوصات
وتحياتي الكم جميعا"
عرض المشاركات
