عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - عمدة فرجينيا

صفحات: [1]
1
الهجرة و واللاجئين / السلام عليكم وياهة بعض النصائح المهمة
« في: 02:16 31/01/2014  »
السلام عليكم اهلي واخواني العنكاويين

تعذروني كلش هواية لاني مدا اكدر ادخل للمنتدى بالفترة الاخيرة لانشغالي بدوامة المعاملات  :o :o واكمال الاجراءات اللازمة + مكابلين النت 24 ساعة بس انقدم ابلكيشنات مال شغل اني وزوجي ولحد الان كلشي ماكو بعدنا بدون شغل  :-\ :-\ :-\ وسوينا الامتحان مال السياقة والحمد لله نجحنا اني وزوجي من اول مرة لان جنا شايلين هم على اساس الاختبار صعب بس اشو شفناه زلاطة   ;D ;D طلعنا جاكية وماندري بروحنا  ;) ;) واني دا اكظيهة وية ابني بالمدرسة يوم تعارف يوم بوك كلب  8) 8) وكل ما اروح اتمنا ارجع طفلة واداوم بهيجي مدرسة حلوة وتعامل حلو  ووووو  :-[ :-[
طبعا نصيحتي الكم والي راح اكتبهة بالخط العريض والي هي
الانكليزي الانكليزي الانكليزي
يعني اني وزوجي كل ما انروح لدائرة لو مكان علمود فد معاملة ينطونا بهالفورمات ونمليهة ونرجع ليورة ودائما افكر بيني وبين نفسي الي ما يعرف انكليزي الله ايعينه .. نصيحتي الكم اتعلموا الانكليزي قراءة وكتابة هي مفتاحكم للنجاح هنا وثاني شي شكد مابيكم جمعوا مبلغ زين ايفيدكم بالغربة .

تحياتي واحترامي 

2
الهجرة و واللاجئين / السلام عليكم .... معلومات عن فتح حساب بالبنك + تحديث للمقارنه
« في: 01:12 04/01/2014  »
السلام عليكم اخوتي واحبتي
اليوم يلة صارلنا مجال حتى نروح نفتح حساب بالبنك لان التهينا بين مرض وبين مجنا نندل.. والحمد لله اليوم رحنا رغم انه كانت كلش باردة لان البارحة نزل ثلج ودرجة الحرارة يمكن -7 بس كلنا الا اليوم انروح , المهم توكلنا على الله ورحنا بالباص وبعد ما وصلنا للبنك والي هو جان بنك اوف اميركا لان حسب ما افتهمنا هنا هو البنك الوحيد الي يفتح حساب بدون سوشيال واعتمدوا على الجواز والفيزة , وفتحنا حساب جاري وتوفير والبنك كل شهر ايحول 25$ من حساب الجاري للتوفير حتى ايعلونا على التوفير هههههه والمعلومات الجديدة هي انه من تفتح حساب راح يكون مجاني لمدة شهرين وبعدها يجب ان يكون احد الحالتين اما تسوي direct deposit والي هو الراتب من يتحول شهريا او اي مصدر ثابت اخر ايسموه بهالاسم او لازم يكون رصيد الحساب ما يقل عن 1500$ والا راح ياخذون fee بالشهر 12$ , وانطونا كارت مؤقت لحين الحصول على الكارت الاصلي والكردت بعد ان نحصل على السوشيال نمبر .

هسة احجيلكم على بنك اخر والي هوة ويلس فاركو (wells fargo) رحت وفتحت حساب بيه وكمعلومات اولية عن خدمات البنك هي تفتح حساب جاري واتوماتيكيا يفتح توفير حتى يحول مبلغ بسيط من الجاري للتوفير بس ما عرفت شكد واني هم نسيت اسالهم وراح ايكون خدمات الحساب مجانية لمدة 3 اشهر وبعدهة راح تكون اكو رسوم شهرية وقيمتهة 7$ او استخدم الديبت كارت 10 مرات خلال الشهر ومو مهم شكد قيمة المبلغ وبهالحالة مراح ياخذون اي رسوم ويكون الحساب مجاني  .

واكو مصرف اخر رحتله بالصدفة اسمه BB&T والي افتهمته منهم انهم ياخذون رسوم على الحساب قيمتهة 5$ شهريا بس ما اعرف باقي التفاصيل

ارجو ان اكون فدتكم بهاي المعلومات البسيطة


تحياتي وسلامي
عمدة فرجينيا

3
قسم الشكاوي والاقتراحات الخاص بمنتدى الهجرة / طلب تغببر اسمي
« في: 23:46 22/12/2013  »
السلام عليكم ادارتنا المحترمة

ارجو منكم بتغيير اسمي من الملاك الحائر الى عمدة فرجينيا

مع تحياتي وتقديري

4
اجتماعيات (ترحيب، تهاني و تعازي منتدى الهجرة) / عمدة فرجينيا تحييكم
« في: 23:27 22/12/2013  »
السلام عليكم خواتي واخواني

بفضل من الله سبحانه وتعالى وصلنا الى الولايات المتحدة ولاية فرجينيا بعد رحلة جدا جدا متعبة الف الحمد لله والشكر على اي حال وكان خط رحلتنا اربيل - عمان - فرانكفورت - نيوورك - فرجينيا طبعا باربيل كانوا عوائل قليلة تقريبا 4 عوائل وسنكل 2 يمكن والكارثة جانت بعمان انتظرنا ترانزيت 20 ساعة بمطار الملكة عاليا ومانعرف شلون نكظي الوكت ادمرنا وانطونا كوبونات مال اكل وبعدهة انتظرنا بمطار فرانكفورت 5 ساعات وكانت معانا عائلة وعدهم بنية شابة متخلفة عقليا نوعا ما وصارت عصبية وباب الطيارة اتعاركت وية امهة والامن منعوا صعودهم الطيارة يخافون تسوي شي بالطيارة وتخوف المسافرين وحجينا اني وزوجي وية جماعة الاي او ام كلنالهم احنا كنا معاهم طول الرحلة والبنية مو عدوانية حتى صادقت جهالي وتلعب وياهم بس للاسف ما فاد وكالوا لازم نعرضهة على طبيب ويكتب تقرير بالموضوع وحان وقت مغادرتنا وما نعرف شصار وياهم اسال الله ان يسهل امرهم وبعدها وصلنا مطار نيورك وانتظرنا ساعة تقريبا وبعدها طرنا لفرجينيا وصلنا بسلامة ولله الحمد وكان الكفيل والكيس وركر بانتظارنا ودونا للفندق بقينا يومين وبعدها وقعنا عقد وية المجمع الي جنا مختاريه قبل ما نسافر شقة حلوة ونظيفة والمجمع هاديء والتهينا بتاثيث البيت ومسواك وروحة وجية وخلفالله على الكفيل الي تعب ويانا هواية وماقصر ابد واحنا هم اندمجنا راسا وية المجتمع يمكن جيف لغتنا اني وزوجي قوية يعني ماحسينا بغربة او ضوجة الحمد لله واليوم صار عدنا نت بالبيت وكلت اسلم عليكم واحجيلكم عن رحلتي وان شاء الله بالايام القادمة اكتبلكم اكثر عن الي يصادفني بالحياة العامة في فرجينيا , ها قبل ما انسى طبعا دعيت للكل بالطيارة ان يسهل امر الكل

تحياتي وتقديري
اختكم عمدة فرجينيا
الملاك الحائر سابقا

5
اجتماعيات (ترحيب، تهاني و تعازي منتدى الهجرة) / تي را تاراااااااااااااااااا موعد سفر
« في: 17:30 04/12/2013  »
بسم الله الرحمن الرحيم

قبل كل شي اشكر الله واحمده الف مليون ترليون مرة على الفرحة الي غمرني بيهة والقسمة المكتوبتلي الزينة
واشكر منتدى عنكاوة وبكل اعضاءه الكرام بدون استثناء لما لهم من فضل عليه وارفادي بالمعلومات القيمة من بداية مشواري بالهجرة ولغاية الان
وهسة احب ابشركم اليوم اتصلوا بزوجي بال 6 العصر وبلغونا السفر الاسبوع الجاي وباجر نروح للفحص علمود تجييك ابني مصطفى والله ما اعرف شسوي عقلي توقف عن التفكير ولحد الان كلشي ما محضرة وما ادري من وين ابدي وشاخذ وياية الفرحة غامرتني يارب الكل ايعيشون هالفرحة الي ما تنوصف بعد صبر ومعاناة الانتظار دام اكثر من 3سنوات
الف حمد شكر الك الهي

تحياتي للجميع
اختكم
الملاك الحائر

6
الهجرة و واللاجئين / ارقام iom للي كملت امنيتهم وينتظرون موعد سفر
« في: 09:06 28/11/2013  »
السلام عليكم

ولو الموضوع مكرر بس حبيت انزل هاي الارقام مال اي او ام للي كملت عنده الامنية ودا ينتظر السفر حتى تتصلون بيهم وتتاكدون من موعد السفر وباقي التفاصيل وما يتاخر موعد سفركم ان شاء الله

iom - قسم المعلومات 0096265625077 ومن هذا الرقم تكدر تعرف وضع ملفك ان كانت الامنية مكتملة بكل فروعهة او باقي جزء منه ما مكتمل

iom- قسم الحجوزات 0096265002645  ومن هذا الرقم تكدر تتاكد من تاريخ السفر ومن اي مطار راح تسافر

واتمنى لكل الاخوة والاخوات رحلة سعيدة وسلامة الوصول وتسهيل امر منتظري الامنية باذنه تعالى

7
اجتماعيات (ترحيب، تهاني و تعازي منتدى الهجرة) / باااااااااااااااااااااااااااركولي واخيرا اكتملت الامنية
« في: 07:08 27/11/2013  »
السلام عليكم
اليوم الصبح كالمعتاد فتحت الموقع داشوف شكو ماكو والكه الامنية مكتمله ماصدكت روحي وظليت صافنه باللاب توب واني ما مصدكة روحي الف الحمد لله والشكر يارب بس السفر بعده غير فعال هل هذا يعني ترجع الامنية انتظار لو شنو وتفاصيل ملفي
ملفي 118
تقديم 2010
اولى 4/2011
طبي 5/2011
محلف 8/6/2011
طبي ثالث مرة 9/2013

8
الهجرة و واللاجئين / موضوع مهم لسكنة اقليم كردستان وخاصة اربيل
« في: 11:33 19/11/2013  »
السلام عليكم خواتي واخواني
ارجو المساعدة والاستفسار بخصوص موضوعي لانه جدا مهم لكل عربي ساكن في اقليم كردستان والموضوع هو كرايبنا عرب وساكنين باربيل والمحامي كايلهم على اساس اكو خبر انه حكومة الاقليم راح اطلع كل العرب الموجودين بالاقليم .. صراحة اني مستبعدة هيجي خطوة بس همين قلقت لما صدرت من قرارت عديدة بعد التفجير الذي حصل في اربيل وكلت خلي انزل الموضوع حتى كل واحد بدوره يسال ويستفسر حتى نشوف مدى صحة الخبر وياربي ايكون خبر مو صحيح لان هواية عرب ساكنين ومستقرين واني وحدة منهم والي عنده ارتباطات عمل او مدارس جهال او املاك او غير شي شلون شيسوي

موضوع مهم ارجو المشاركة
وفقتكم لعمل لخير

9
الهجرة و واللاجئين / اتصال هاتفي اليوم من المنظمة
« في: 13:03 05/11/2013  »
السلام عليكم الاخوة الاعزاء

اليوم المنظمة خابروا زوجي ..... الو حضرتك فلان ؟؟؟ وجان زوجي يستلمهم طلع حركة گلبه وجان ايكلوله انتظرنا فد نص ساعة ونتصل بيك  ??? ??? لازم ما محضرين الواجب ومحاطين الملف يمهم وما يعرفون شيجاوبون اني كلت انهزموا وبعد ما يخابرون المهم ورة نص ساعة خابروا احنا نريد نسوي تحديثات عالملف واذا متهدد او لا وجان زوجي يسالهم شنو معناته اني دا انتظر الامنية صارلي اكثر من سنتين جان ايكولون ملفكم متقدم وبالمراحل الاخيرة  :-\ :-\ طبعا هذا الحجي من العام  ::) ::) كلهم تعرفون جم فحص طبي فحصت جان تجاوبه الموظفه واحد  ??? ??? ??? وهنا صدك ايخلون الواحد يطلع من طوره كلهم فحصت الثالث قبل شهر وانتي تكليلي واحد وبعدين راحت جيكت بالاوراق كالت اي تمام انتو فاحصين 3 مرات وان شاء الله تسافرون قبل الفحص الرابع ما ادري بعد هاي دعوة منهة لتهدئة زوجي لو وضع ملفنا هيجي يكول وجانت من تحجي بنية يمهة تطبع الكلام الي دار بينهم وكالت احنا راح نرسل التحديثات للادارة وهمة يتخذون اللازم  :-\ :-\
ما ادري افرح لو ابجي .. فرحنا من اتصلوا وكلنا يا الله بلكت اكو فد تغيير بس يبدو الموظفين العاملين مو اكفاء او ضغط عليهم بحيث مدا يعرفون شيسوون وانتهت المكالمة على امل الانتظار

شنو رايكم اخواني استبشر خير

تحياتي وتقديري

10
الهجرة و واللاجئين / سؤال
« في: 13:48 27/10/2013  »
السلام عليكم اعزائي عنكاويين

بعد 3 ايام راح ايصيرلي شهر على اعادة الفحص الطبي الثالث ولحد الان ما متغيرة حالة الفحص الطبي وبعدهة فعال شكد برايكم المدة المتوقعة للتحديث لان حسب ما افتهمت من الدكتور التقارير تندز خلال يومين والتحديث يصير خلال 15 يوم بالزايد

11
الهجرة و واللاجئين / اليوم حركته للجو على iom - وشوفوا شجاوبوني - جواب رقم 1
« في: 23:21 23/10/2013  »
السلام عليكم

اليوم قبط عندي كيج الكآبة وطخت براسي اكتب ايميل مرتب ودزيته لكل العناوين الي انطانياهة الاخ ابو الحكم وقبلهة دزيت ايميل لاخ  لهيئة المظالم وكلت وين ما توصل خل توصل يا اما تصيب واما تخيب فان صابت احمد ربي واشكره بس اذا خابت اويلي اكولهم معليه صوج ابو الحكم  ;D

ان شاء الله اي مستجدات تصير على اثر هذا الايميل اخبركم بيه بس انتوا ادعولي

12
الهجرة و واللاجئين / جماعة IOM ايصير احول على غير دولة
« في: 13:13 20/10/2013  »
السلام عليكم

اليوم اني كابة الكآبة عندي وضايجة  >:( :( :( :(
احنا مقدمين على اي او ام لامريكا ايصير احول على غير دولة بنفس المنظمة لو لا واذا ايصير شنيه الدول المسموحة وهم الاجراءات هلكد اتطول لو تختلف واكو شروط معينة لو لا

تحياتي
الملاك المكتئب  :(

13
الهجرة و واللاجئين / انتو هم مثلي *~* راحت لهفة السفر -_-
« في: 11:26 20/10/2013  »
السلام عليكم اخواتي واخواني

اول شي احب اكلكم ولو متاخرة شوية  كل عام وانتم بخير ويارب تحقيق الاماني وعساكم من عواده بالصحة والعافية

ما ادري امين ابدي بس حبيت افضفض الكم باعتبار كلنا دانواجهة نفس المعاناة .. اشو دا احس اني اتقشمرت بحلم او وهم اسمه سفر الى امريكا سنين عمري داتروح واني بانتظار هذا الحلم وموقفة حياتي وحياة عائلتي من ورة هذا الحلم ودائما اصبر روحي واكول هناك اكدر اضمن مستقبل لجهالي  وهناك راح نكدر انطور نفسنا وهناك اذا اجتهدنا نكدر نحقق احلامنا بعيدا عن الواسطات والمحسوبية المتبعة في موطني .. جهالي كبروا وسجلتهم بالمدارس وبعدني ادور مستقبل الهم هناك حتى همة كاموا يحلمون ويسالون شوكت يوصلون لامريكا هلكد ما صار الموضوع ياكل ويشرب ويانا هسة تكولولي عيشي حياتج ولاتفكرين بالسفر اي ادري شلون اذا اريد افتح مشروع اول شي اخليه كبال عيني السفر اذا اريد استقر في بيت العمر اكول لويش هالمصاريف خاف هناك تكون الظروف صعبة ووووو يعني مختصر مفيد ما اكدر اخذ اي قرار حيوي من ورة موضوع السفر  :( والمصيبة الاكبر هسة الاوضاع هناك هم اتخربطت بسبب الديون والله العالم شراح ايصير ورة شهر الثاني من السنة الجاية ولا ننسى شي جدا مهم احنا دانكبر وامريكا ينرادلهة حيل
احس شعلة موضوع امريكا بدت تخفت وقريبا راح تنطفي  :'( :'( :'( :'( :'(

عذرا اذا كان موضوعي يحبط المعنويات بس هذا احساسي وكل ملف اله وضعه الخاص

14
الهجرة و واللاجئين / ارجو ان تساعدوني باتخاذ القرار الصحيح
« في: 21:53 06/10/2013  »
السلام عليكم اخواني
ارجو ان تساعدوني باتخاذ القرار لان صراحة دخت وما اعرف شسوي ويمكن سؤالي متكرر سابقاً بس هسة اريد اخذ نسبة الاصوات الي توافقني بنعم او لا من اجابات الاعضاء حتى اتوكل على الله واتخذ القرار الاخير , مثل ما تعرفون اني مقدمة على فرجينيا وعندي كفيل هناك بس مشكلتهة منطقة الكفيل غالية وعندي كفيل اخر بتكساس واني هسة حايرة اغير ولايتي هسة لو من اروح وشنو الخسائر الي تصير بالحالتين اذا قبل ما اسافر شخسر واذا من اوصل هناك شاخسر ارجو الاجابة عن اسالتي وهي كالتالي
1- اكدر اسكن بمنطقة بفرجينيا بعيدة عن الكفيل والمنظمة طريق مدة ساعتين
2- اغير الولاية قبل لو بعد السفر
3- في حالة تغيير الولاية قبل السفر كم هي المدة التي سيتاخر بها الملف
علما ان الامنية بالانتظار حاليا

تحياتي وتقديري



15
الهجرة و واللاجئين / جماعة فرجينيا - موضوع يخص السكن
« في: 13:23 03/10/2013  »
السلام عليكم

اكثر من مرة احجي وية الكفيل وياكدلي انه المنظمات ما توفر سكن للاجئين اليجون بالجديد واذا وفروا بيت فيكون مو زين وبيه صراصر ومن هالسوالف
واكيد اغلبنا ما نكدر نعيش بهيجي مكان اضافة الى ان المنطقة تكون مو زينة واغلبهة سود وعصابات واذا اريد اجر بيت على حسابي اقل شي سنة وحوالي 1800 بالشهر هاي منطقة وسط يعني مو كلش زينة يعني بالوجه ينرادلي فد 25000$ هاي بس ايجار والله دخت زين المنظمة اذا عرفت اني عندي هلكد مراح تكطع عني المساعدات
ارجو من الاعضاء الي سافروا وكل من عنده معلومات عن الموضوع هل هذا صحيح ؟؟؟؟؟؟  اريد اسمع اراءكم اخوتي

16
الهجرة و واللاجئين / سؤال بخصوص الامنية وموعد السفر
« في: 13:48 02/10/2013  »
السلام عليكم

عندي سؤالين بخصوص الامنية
الاول .. كم مرة تكتمل الامنية وترجع انتظار وبعدها ياتي موعد سفر وكم شهر تاخذ هذه المراحل ؟
والثاني .. اكو ناس سافروا من اول مرة تكمل الامنية وبعد شكد وينطوهم موعد سفر ؟

تحياتي

17
الهجرة و واللاجئين / يوم 30/9/2013 اعادة الفحص الطبي الثالث - والف حمد وشكر لما جرى خلال هاليومين
« في: 09:07 01/10/2013  »
السلام عليكم

توكلنا على الله وسافرنا لبغداد قبل يوم وما احجيلكم شكد جنت خايفة ومرعوبة من ورة الانفجارات الي دا تصير ابغداد والطريق كله بس ادعي واقرة قران والحمد لله والشكر وصلنا الصبح لبغداد واول ما وصلت لبيت عيالي اهلي دزولي رسالة انفجارات باربيل اني عبالي نكته ما اهتميت للموضوع فتحت الشرقية وجان اشوف الدنيا مكلوبة وتغطية حية عالحدث طبعا انصدمت ودماغي انشل عن التفكير واسال نفسي ياربي وين انروح بعد حتى دول الجوار وضعهة مو زين وظلينا دايخين اني وزوجي ما نعرف شنسوي ياربي ازمة وتعدي .
وثاني يوم اتوكلنا على الله ورحنا لابن البيطار طبعا الشوارع شفتهة زينة مو ذاك الازدحامات وشفت اكو عمران بسيط رغم الانفجارات بس بعدهة مو مال عيشة وصلنا بال 8 لابن البيطار وظلينا ننتظر وهناك اتعرفت على الاخ ايكل هيد مع عائلته والاخت جوجو مع عائلتها تحياتي الكم ولعوائلكم وربي ايسهل امركم , واغلب العوائل كانوا جاين لاعادة الفحص الثالث وقسم الرابع  واكو بعض العوائل دياخذون الحباية ما قبل السفر وجان اكو مواعيد سفر بيوم 6 و 7 ان شاء الله يوصلون بالسلامة
بس الي لفت انتباهي هالمرة البنية من القت المحاضرة علينا كالت الفحص الطبي هو اجراء روتيني لتجهيز الملف لحين اكتمال الامنية يعني ماكو علاقة بين الاثنين بينما العام جانوا ايكولولنا ما طول دزوا عليكم للفحص الطبي ان شاء الله انتوا هالسنة مسافرين .
كملنا الاجراءات كلهة وشرحت للطبيب حالة ابني يعاني من ربو ولادي وراويته الادوية الي هي بخاخ وحباية كال لازم قبل السفر باسبوعين تجون حتى انطيكم ورقة بخصوص هذا الشي ونجيك حالته الصحية , وبعدهة كملنا اخر شي الاشعة ورجعنا للبيت الحمد لله سالمين والكالكم مس كولات كومة بتلفوني تاري 11 انفجار مدري شكد بيومهة حصل ابغداد ياربي رحمتك والله حرام هذا الي ديصير بس رحمه الله واسعة
هذا كل الي صار واتمنى ان اكون فدتكم ولو بشي بسيط

18
الهجرة و واللاجئين / سؤال عن لسان صديقتي ام نور
« في: 09:54 25/09/2013  »
السلام عليكم
اريد اسال بخصوص ملف صديقتي ام نور امقدمة على اي او ام سنة 2008 وقابلت محلفين بسنة 2010 وكل ما تتصل بالمنظمة ايخبروهة انه ملفهة بالتقدم وفي المراحل الاخيرة من الامنية وصارلهة 7 اشهر الفحص الطبي اكسباير ولحد الان ما متصلين بيهة , برايكم اخوتي واخواني شكد  راح اتطول ويتصلون بيهة على اعادة الفحص ام ينتظرون اكتمال الامنية يلة ايدزون عليهة علمان ان صديقتي مقدمة من بغداد

تحياتي وتقديري الكم

19
الهجرة و واللاجئين / موعد اعادة فحص بابن البيطار
« في: 11:18 23/09/2013  »
السلام عليكم اخوان
اليوم تلقينا اتصال من مستشفى ابن البيطار بابلاغنا موعد اعادة الفحص الطبي نهاية الشهر الحالي ولكن لايزال وضع الملف كماهو من ناحية الامنية والي هي بالانتظار وصراحة مالي واهس ولا اكو احساس بالفرحة لاعادة الفحص لان احس هم راح اضيع سنة من عمري بالانتظار ونزلت الموضوع عفية اريد تدعولي تكمل امنيتي واطلع قبل نهاية السنة لان ترة والله تلفت اعصابي وادمرت من ورة الانتظار ودعوة الغريب مستجابة , واضافة للمعلومات بان الفحص الطبي  صار فعال بعد مرور سنه من اعادة الفحص بتاريخ 11/9/2013 وبعد 12 يوم اتصلوا بينا عالموعد الجديد
يارب سهل امرنا وامر كل متضايق بجاه الحبيب محمد

20
الهجرة و واللاجئين / عندي مشكلة بالموقع
« في: 11:53 12/09/2013  »
السلا عليكم

شباب  اليوم قبل ساعة فتحت الموقع وانفتح عادي وهسة كل ما احاول ادخل للموقع تطلعي هاي الكتابة
Your login attempt was not successful. Please try again.

وحتى اني خازنه الباسورد بالموقع يعني من افتح الموقع راسا مكتوب بيه الاسم والباسورد بس اسوي لوك ان وهمين مايفتح تطلعلي نفس المسج شسوي ارجو المساعدة

تحياتي

21
الهجرة و واللاجئين / الفحص الطبي فعال
« في: 08:07 11/09/2013  »
السلام عليكم

اليوم الصبح فتحت الموقع وشفت حقل الفحص الطبي صاير فعال علما انه البارحة 10/9/2013 يصادف سنة على الفحص الطبي الثاني ياترى شكد تتوقعون ويتصلون بينا لاعادة الفحص الطبي الثالث وهل هذا يدل على اكتمال الامنية علما ان الملف بقة بانتظار النتيجة وما متغير من يوم الي فتحت بيه الموقع وهاي تفاصيل الملف
Case Status (حالة الملف)   Pending Result (بانتظارالنتيجة)   
Case Size (عدد الأفراد)   4   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   IN PROCESS (فعال)   
Security Review (التشييك الامني)   Pending (بالانتظار)   
Travel Status (حالة السفر)   NO ACTIVITY (غير فعال)   
Destination City(المدينة)   Alexandria,VA   
Airport Code(المطار)   DCA   

22
دردشة منتدى الهجرة واللاجئين / موضوع خارج الهجرة
« في: 14:20 08/09/2013  »
السلام عليكم

شباب اريد ادخل لموقع عنكاوة بالموبايل باسمي مدا اكدر كل ما انزل الاسم والباسورد يطلع خطا ومدا ايصير شسوي اكو خطوات معينة

تحياتي

23
الهجرة و واللاجئين / اخوان اريد اخذ رأيكم بموضوع
« في: 14:06 07/09/2013  »
السلام عليكم

اني صارلي اكثر من 3 سنين امقدمة على iom ومکملين کل المقابلات وداننتظر الامنية بعدهة ماكملانه وبعد 3 ايام ايمر عالفحص الطبي سنة وايصير اكسباير .. سؤالي هو اذا اغير ولايتي من فرجينيا الى تكساس اياثر شي على قضيتي لو لا لان اني اول وتالي راح اتاخر من ورة الفحص الطبي يعني قابل ايسويهة الحظ تكمل امنيتي هالايام وراسا ايدزون علينا لاعادة الفحص الطبي ونسافر
هسة اريد رايكم اخواني وخواتي اغير الولاية لو اوصل يلة واني منتظرة وما اعرف شوكت تفرج

تحياتي واحترامي الكم

24
الهجرة و واللاجئين / اشتغل الموقع
« في: 12:25 05/09/2013  »
السلام عليكم

حبيت ابلغكم انه اشتغل الموقع وكل تغيير مصار بملفنا  جيكوا ملفاتكم بلكت بيهة تغيير

25
الهجرة و واللاجئين / دا افكر اغلق الملف او تاجيله
« في: 19:40 26/08/2013  »
السلام عليكم

بعد معاناة 3 سنين انتظار وتعب اعصاب وراحة بال مسلوبة دا افكر اني وزوجي ان نغلق الملف او ناجل القضية لاسباب شخصية واريد اعرف اكو احد غلق ملفه وبعدين طالب باعدة فتحة وشنو نسبة القبول مع العلم احنا بانتظار التجييك الامني والفحص الطبي راح ايصير اكسباير بداية شهر التاسع وحالة ملفي هي
Case Status (حالة الملف)   Pending Result (بانتظارالنتيجة)   
Case Size (عدد الأفراد)   4   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)   Pending (بالانتظار)   
Travel Status (حالة السفر)   NO ACTIVITY (غير فعال)   
Destination City(المدينة)   Alexandria,VA   
Airport Code(المطار)   DCA   

مع تقديري واحترامي

26
الهجرة و واللاجئين / بيت للايجار في عنكاوة
« في: 10:49 20/08/2013  »
السلام عليكم

من رخصة الادارة ما اعرف وين اكتب الموضوع وياريت لو تبقون الموضوع شوية لحد ما الكة جواب وبعدين نقلوا الموضوع بالمكان المناسب
ارجو من الاخوة الاعضاء الي ساكنين في عنكاوة اذا احد بيكم يعرفون اكو بيت للايجار بعنكاوة ابلاغي عالخاص

تحياتي

27
الهجرة و واللاجئين / سؤال لاهل الخبرة
« في: 14:01 15/08/2013  »
السلام عليكم

اني دا انتظر الامنية صارلي سنتين والفحص الطبي راح ايصير اكسباير بداية شهر التاسع
سؤالي هو ..
 اكو امل تكتمل الامنية بهاي الفترة (قبل ما يصير الفحص الطبي اكسابير ) وشكد النسبة ؟؟ واذا صارت صدك وكملت الامنية شكد انتظر للسفر
يعني مختصر مفيد اكو عالم دا ينتظرون الامنية ومن تكتمل الامنية بالموقع راسا يسافرون بدون مجال فد شهرين 3 ؟

28
الهجرة و واللاجئين / الي مقابلين محلفين بسنة 2011
« في: 12:29 15/08/2013  »
السلام عليكم

اني مقابلة محلف بسنة 2011 شهر 6 وحصلت على ديفريل لتر (موافقة مشروطة بالامنية ) منو وياية مقابل محلف بسنة 2011 وهل اكو ناس قابلوا ب 2011 وسافروا , اشو الامنية كلش طولت وما ظل صبر بية

29
الهجرة و واللاجئين / يخص ولاية فرجينيا - المنظمة وايجار البيت
« في: 10:25 31/07/2013  »
السلام عليكم

البارحة سمعت من الكفيل مالتي الي هو بفرجينيا انه العوائل الي داتروح لفرجينيا بالتحديد المنظمة ما مسؤولة عن توفير السكن وتنطي الويلكم كاش كله والعائلة تحير بنفسهة صراحة اني انصدمت من هذا الخبر وما صدكت بس كفيلي اكدلي الخبر لان قبل اسبوعين عائلة صديق كفيلي واصلة لفرجينيا والمنظمة ما موفرتلهم سكن وظلوا بالاسبوعين دا ايدورون على سكن وبالتالي لكوا بس دفعوا مبلغ كبير لان ماكو من يكفلهم حتى المنظمة ما كفلتهم بموضوع الايجار
صراحة هذا الموضوع كلش دوخني وخلاني اعيد حساباتي اشتنصحوني ابقى على فرجينيا لو احول لغير ولاية واي ولاية زينة علما اني ما عندي احد بس بفرجينيا

30
منتدى الموسيقى / معهد لتعليم الموسيقى للاطفال
« في: 13:05 22/06/2013  »
السلام عليكم
اخواني اذا امكن منو يعرف  معهد موسيقى لتدريب الاطفال في اربيل او عنكاوة ارجو ارسال العنوان

تحياتي
الملاك الحائر

31
الهجرة و واللاجئين / اليوم يصادف سنتين على مقابلة المحلف شسوي ياربي
« في: 11:34 08/06/2013  »
السلام عليكم

اليوم يصادف مرور سنتين على مقابلتي للمحلف والي كان جوابه مشروط بالامنية واستلمت الجواب شهر الواحد 2012 ولحد الان الامنية مامكتملة ما ادري هيجي احنا خطيرين وما ندري بروحنا  وبقية الامور مكتملة يعني ما ادري افرح واكول مابقالي شي عالسفر واقشمر روحي لو ابجي على السنتين الي ضاعت بالانتظار .
علما اني تقديم بغداد ملفي يبدي 118 ومن يومي ملفي بانتظار النتيجة

32
الهجرة و واللاجئين / منو جايلة هذا الرمز وشيعني YAR
« في: 09:35 30/05/2013  »
السلام عليكم

قبل يومين استلمت ايميل من المنظمة وطبعا الجواب كان الكليشة مال الامنية والرمز بالموضوع كان YAR صراحة اني ما اتصور الرموز الهة علاقة بسير المعاملة بس كلت اسالكم لان اكثر من مرة تطرقوا الاخوة بالمنتدى على تحليل الرموز ومعناها

تحياتي
الملاك الحائر

33
الهجرة و واللاجئين / عندي فد سؤالي ارجو المساعدة وتحليل الموضوع
« في: 08:38 29/05/2013  »
السلام عليكم

تطرق الاخ سنكل مان الى موضوع الكاتيكوري الي يجي بجواب المنظمة بالايميل واني كل مرة ايكون فارغ بس اخر مرة دزيتلهم ايميل وكان جوابهم كليشة الامنية المعتادة ورحت دا اشوف الكاتيكوري هالمرة مكتوب بيه (Category : Post DHS/P1+P2)
ارجو منكم ان تساعدوني بشرح هاي الفقرة او تنطوني الروابط مال الاخ سنكل مان الي شرح بيهة عن الكاتيكوري حتى افتهم شتعني ولكم مني جزيل الشكر .


تحياتي
الملاك الحائر

34
الهجرة و واللاجئين / اعادة الفحص الطبي مع موعد سفر
« في: 09:26 27/05/2013  »
السلام عليكم
اقاربي قبل يومين خابروهم علمود مقابلة المحلف وبنفس اليوم بلغوهم على الفحص الطبي باليوم التالي وبلغوهم ان ايحضرون نفسهم ورة شهرين موعد سفرهم وهمة تقديم 2009

35
الهجرة و واللاجئين / شكو ماكو --- اخر الاخبار الي سمعتهة
« في: 11:47 12/05/2013  »
السلام عليكم

ورد للتو وجاءنا ما يلي عندي صديقة امريكية هنا باربيل كلتلي على اساس المقابلات راح تنتقل لاربيل وحتى الفحص الطبي ويكون السفر من اربيل وعلى اساس هذا الحجي بعد شهرين او 3 .
المصدر مو اكيد مجرد حجي وسوالف شكو ماكو يس اذا صارت صدك كلش زينة للي ساكنين بكوردستان والي اني وحدة منهم وتسهل هواية امور علينا  , كلت انزل الموضوع واشوف اكو احد سامع بهيجي خبر

تحياتي

36
الهجرة و واللاجئين / جواب جديد من هيئة المظالم بخصوص فورم 7001
« في: 08:51 24/04/2013  »
اليوم فتحت الايميل وجان اشوف ايميل جايني من هيئة المظالم وهذا نصه
The Ombudsman's Office received a response from USCIS about your case.  Here is the update: "Thank you for your inquiry. USCIS has placed your case on hold pending completion of required security checks. These checks can take some time, and unfortunately, it is difficult to predict when they will be completed. Please be assured that USCIS has not forgotten about your case and will work to finalize a decision as quickly as possible."
زين شيقصدون بهاي الفقرة الي بالاحمر بانه قضيتنا  معلقة عند اكتمال الاجراءات الامنية المطلوبة وهمة ميعرفون اشكد اتطول ياربي شسوي  ??? ??? ???
زين وبعدين هم ناطيني امل وكايلي بانه مراح ينسون قصيتنا ويحاولون ايخلصوه باسرع وقت ممكن بس شكد هذا الوقت اشهر لو سنين  ??? ??? ???
اه ما ادري شسوي

37
الهجرة و واللاجئين / بشارة للمقدمين على فورم 7001
« في: 10:36 19/04/2013  »
السلام عليكم

البارحة كنت دا احجي وية الكفيل مالتي وبلغني بانه جماعة DHS قريبا راح يجتمعون وية ال USCIS ويتباحثون حول قضايا فورم 7001 الي مستلميهة منهم وما محصيلن جواب عليهم
سالت هذا القريبا شوكت كال تقريبا فد اسبوع سبوعين والله كريم نتامل خير ان شاء الله ويكون يتخذون اجراءات سريعة بهالخصوص

يا قريب الفرج يا الله

38
الهجرة و واللاجئين / بعد انتظار 60 يوم لفورم 7001 شوفوا شجاوبوني
« في: 08:30 18/04/2013  »
السلام عليكم

البارحة دزيت ايميل لهيئة المظالم علمود قضيتنا باعتبار عبرنا فترة الانتظار والي هية 60 يوم وجاوبوني اليوم شوفوا شكاتبيلي
Unfortunately, we do not have an update for you at this time.  Please note that an analyst will provide you with an update once we receive additional information from USCIS.
 
Thank you for giving our office the opportunity to assist you.

زين اكو احد داز ايميل لل USCIS حتى نختصر السالفة وندز موضوعنا مباشرة الهم بدون هاللف والدوران

39
دردشة منتدى الهجرة واللاجئين / بعد هذا الحدث خل نغسل ايدنا من السفر
« في: 08:35 16/04/2013  »
السلام عليكم

اليوم الصبح سمعت بخبر حدوث انفجار في امريكا بولاية بوستن واشو كلش اتشائمت وكلت بس هم لايطلع ابو التفجير عراقي  ??? ??? ???
شتكولون هذا الحدث راح اياثر على سير ??? المعاملات لو لا
هذا رابط الخبر
http://sports.yahoo.com/blogs/lookout/dozens-people-injured-explosion-boston-marathon-190955311.html

موضوع للنقاش

40
الهجرة و واللاجئين / جملة جديدة من اي او ام
« في: 09:03 15/04/2013  »
صباح الخير

بالفترة الي الموقع مال اي او ام ميشتغل دزيت ايميل استفسر بيه عن قضيتي واليوم اجاني جواب وهو نفس الكليشة مال كيرفل رفيو زائد جملة جديدة والي هية
Please rest assured that your below email has been forwarded to the concerned department and you will be assisted accordingly.

زين شنو ايفرودون اذا همة ديكللولي انتوا بانتظار الامنية وملفكم بالوكلات الامنية بامريكا شنو تفسير هاي العبارة واكو احد منكم اجته هاي الجمله حتى نعرف اذا ضافوهة للكليشة مالتهم لو يعني صار تغير بملفي اتزحزح شوية من مكانة مثلا

تحياتي
الملاك الحائر
وما ادري شوكت اصير الملاك المسافر

41
الهجرة و واللاجئين / جماعة عمان ارجو ان تساعدون جماعة بغداد
« في: 11:14 11/04/2013  »
السلام عليكم

بعد الهبطة وخيبة الامل بتغير حالة الملفات بالموقع ارجو من جماعة عمان ان يراجعون المنظمة ويستفسرون عن سبب هذا التغير الشامل لكل الملفات تقريبا لان احنا جماعة بغداد من المغضوب عليهم مايجاوبونا بالتلفون الا بالايميل واليوم خميس اتوقع اكو مراجعة للمنظمة

42
الهجرة و واللاجئين / اويلي على حظي شسوي ياربي
« في: 09:46 11/04/2013  »
السلام عليكم

اليوم فتحت الموقع مال اي او ام وحالة ملفي مثل ما هي  :o :o :o :o :o كلشي ما متغير بيهة وبعدهة حالة ملفي بانتظار النتيجة  >:( >:( >:( والي اغلب الملفات صارت بانتظار النتيجة  ??? ??? ??? ياربي شسوي والله اليأس وخيبة الامال بدت تسيطر على حياتي وتفكيري ومدا اعرف شسوي  :'( :'( :'( :'( :'( :'( :'( :'( :'( :'(

43
الهجرة و واللاجئين / موقع اي او دم دايفتح يمي بس ........
« في: 14:59 08/04/2013  »
مرحبا شباب شلونكم

كلنا نفسيتنا تعبت من ورة غلق الموقع يا ترى اكو تحديثات لو عطل محد يدري  ??? ??? ???
بس اليوم من دا افتح الموقع ينطيني هاي المسج Your login attempt was not successful. Please try again.

زين اليوزر نيم والباسوورد صحيح بعد ليش مدا ادري  :o :o :o :o
منو منكم هيجي ديصير وياه واكو احد كدر يفتح الموقع ويشوف تفاصيل الملف

44
الهجرة و واللاجئين / شحجي عليكم اي او ام
« في: 16:22 28/03/2013  »
السلام عليكم

اليوم دا احجي وية الكفيل مالتنا هو متصل بالمنظمة الي كافلتنا ايكول ملفنا كلير وكل عوائق ما بيه وكايللهم جيكوا وية الاي او ام كاله عيني الاي او ام كل ما نراسلهم يكولون تجييك امني وابو المنظمة ايكول هياتة الملف كدامي جاهز  :o :o :o :o :o :o :o
يعني والله ما ادري شسوي وشحجي واني اعد الايام يوم يوم شوكت الله يفرجهة علينا وطلعو الربع نايمين واحنا الي ما كليهة

حسبي الله ونعم الوكيل انتو وربكم تنجازون ماكول غير شي 
 :'( :'( :'( :'( :'( :'( :'( :'( :'( :'( :'( :'( :'(

45
الهجرة و واللاجئين / موقع رائع لتعلم الانكليزية الامريكية - كضوا وكت وانسوا الامنية
« في: 08:33 26/03/2013  »
السلام عليكم
كلت خل انزللكم هذا الموقع مال تعلم اللغة الانكليزية باللهجة الامريكية همين تكضون وكتكم بيه وتنسون الامنية شوية وهمين تستفادون منه من تسافرون باذن الله , الموقع بيه سبع ليفلات اساسية تبدي باللون الازرق وتنتهي باللون البنفسجي وكل ليفل بيه دروس وامتحان وقصص تقراهة مخصصة لكل ليفل واكو ورقة بلان الدراسة لكل لفل تطبعهة قبل ما تبدي حتى تاشر شنو الي قريته او وين وصلت . هواية سوالف بيه اتركم وية الموقع اتبحوشون بيه وراح تستمتعون هواية وتستفادون  .
http://www.learnamericanenglishonline.com/


تحياتي
الملاك الحائر

46
الهجرة و واللاجئين / وينهم المحللين خل يجون يساعدوني شيقصدون iom بهالحجي
« في: 15:20 18/02/2013  »
السلام عليكم

اليوم خابرت على اي او ام عمان دا اسال على قضيتي جان يكولون انتوا جماعة العراق الاستفسار بالايميل فقط ولحيت عليه كتلة هسة حالة ملفي امبينة كدامك كلي شنو وضع الملف كال ما اكدر حسب التعليمات انتو بس بالايميل تسالون على قضيتكم كتلة اني كل ما ادز ايميل ايجاوبوني بالكليشة مال الامنية كال اي هذا حال ملفكم وبعد رد وبدل بالحجي وياه جان ايكول انتظروا شهر او 3 اسابيع يجاوبوكم !!!!!!! وبعد ما كدرت احصل منه معلومات اكثر وهسة اني حايرة شيقصد بيجاوبوكم على شنو ؟؟؟؟
- امنية اكتملت ؟؟؟؟؟؟ زين احنا عدنا الفحص وهذا حسب راي الجميع دليل على اكتمال الامنية
- موعد سفر ؟؟؟؟ احتمال جائز بس لحد هسة كل تغيير ما طرأ على ملفنا باقي بانتظار النتيجة والامنية انتظار والسفر غير فعال
- لو يقصد عالايميل ؟؟؟ بس حسب ما مذكور بالاوتو ريبلاي الجواب خلال اسبوعين وهو كال لو شهر لو 3 اسابيع
واني هسة دايخة مدا اعرف شجان يقصد

47
الهجرة و واللاجئين / موعد سفر يوم 24/7 ... اكو هيجي شي
« في: 12:05 15/01/2013  »
فتحت الموقع دا اشوف حالة الملف مالتي  :-\ :-\ وجان اشوف حاطين خانة جديدة موعد السفر وبتارخ 24/7/2013  :o :o :o اي مثل ماكلت ولمن دا اباوع عالامنية بعدهة انتظار  >:( >:( >:( كشرة اي والله من صدك كشرة زييييييييين شلون ينطوني موعد سفر وبعدهة امنيتي مكملانة  ??? ??? ??? ??? سؤال يطرح نفسة ويمرغلهة بالكاع  :-X :-X ظليت افكر افكر افكر .......................... الى ان كعدت من النوم وطلع حلم  ;D ;D ;D ;D ;D

بس والله قريت موعد السفر 24/7 جيبولي واحد يفسرلي الحلم  :'( :'( :'( :'( :'(

48
الهجرة و واللاجئين / هاي شبيه الموقع مال الاوم
« في: 22:37 09/01/2013  »
شباب اشو الموقع مدا يفتح عندي انتو هم هيجي صارلي اكثر من ساعة دا احول بدون فائدة

49
الهجرة و واللاجئين / عبارة جديدة بموقع IOM
« في: 09:57 29/12/2012  »
السلام عليكم اخوانا ان شاء الله كلكم زينين

اليوم من فتحت الموقع مال اي او ام دا اشوف حالة الملف انتبهت ليفوك اكو فد عبارة ما ادري اذا جانت من زمان لو جديدة وهي
RootNode : Home

Case Status (حالة الملف)   Pending Result (بانتظارالنتيجة)   
Case Size (عدد الأفراد)   4   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)   Pending (بالانتظار)   
Travel Status (حالة السفر)   NO ACTIVITY (غير فعال)   
Destination City(المدينة)   Alexandria,VA   
Airport Code(المطار)   DCA   
 
وحالة ملفي من انفتح الموقع اول مرة لحد الان هيجي بس من صار الطبي اكسباير صار فعال وبعدين من فحصنا بشهر 9, 2012 رجع مكتمل
خلي الكل ايجيك الموقع مالته ويشوف شنو مكتوب عنده نفس عبارتي لو غير شي حتى نكدر نوصل لتفسير هاي العبارة

تحياتي اختكم
الملاك الحائر

50
الهجرة و واللاجئين / سؤال محتاجة استفسار لصديقتي
« في: 19:32 16/12/2012  »
السلام عليكم

صديقتي مقدمة على اي او ام من 2008 هية وزوجهة واولادهة وهسة هية مخلصة كلشي وحتى خابروهة ان تحظر نفسهة لانها على جدولة السفر قبل 7 اشهر تقريبا وهسة زوجها مدايريد يسافر وياهم لوجود متعلقات خاصة بيهم فشون تكدر تفصل زوجها عن القضية وتسافر اذا اجاهم موعد سفر وبهالحالة زوجهة ياخذ رقم كيس جديد لو شنو راح يكون وضعه لان هو ايريد بعدين وراهم يلحكهم , علما هية صاحبة القضية وبهالحالة تحتاج وصاية على الاولاد من تسافر لو لا لان حسب ما اعرفة الوصاية مطلوبة بس في حالة الانفصال لا سامح الله .


اختكم
الملاك الحائر

51
الهجرة و واللاجئين / بقت بس الامنية
« في: 08:22 24/10/2012  »
السلام عليكم

اليوم فتحت الموقع من الصبح ولكيت ضايفين معلومات بالحقلين الجديدة مال المطار والمدينة وقبل اسبوع كفيلي وقع الاوراق يالله بقت بس الامنية اخخخخخخخخخخخخخ شمجلبة ما تقبل اتغير اللوك مالتهة والله المكتمل احلى من الانتظار

52
اجتماعيات (ترحيب، تهاني و تعازي منتدى الهجرة) / واخيرا
« في: 09:30 13/10/2012  »
الحمد لله والشكر
واخيرا كفيلي راح ايوقع اوراقنا الاسبوع الجاي والمنظمة الي راح تكفلنا هية كاثوليك جارتي
يالله ياقريب اللفرج يارب

53
الهجرة و واللاجئين / حقل جديد اخر بالموقع iom
« في: 14:34 09/10/2012  »
اخوان اليوم شفت حقل مستحدث اخر وهو المطار هاي الظاهر شدوا حيلهم من صدك عالتسفير
ارائكم اخوان بخصوص هالموضوع

54
الهجرة و واللاجئين / الفحص الطبي صار مكتمل
« في: 08:24 03/10/2012  »
السلام عليكم

اليوم ومن الصبح اول ما فتحت عيني وكالعادة عدل وكبل عالحاسبة فتحت الموقع وجان اشوف الفحص الطبي صاير مكتمل بس باقية حالة الملف بانتظار النتيجة يالله ياقريب الفرج يا الله


Case Status (حالة الملف)   Pending Result (بانتظارالنتيجة)   
Case Size (عدد الأفراد)   4   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)   Pending (بالانتظار)   
Travel Status (حالة السفر)   NO ACTIVITY (غير فعال)

55
الهجرة و واللاجئين / iom link not working
« في: 12:32 02/10/2012  »
السلام عليكم

اشو الموقع مال اي او ام رجع مدايفتح يمكن ديسون تحديثات يارب الكة حالة الملف متغيرة وتفرج عالكل
كولو امين

56
الهجرة و واللاجئين / شوفو ايميل اليوم اجاني من ال iom
« في: 08:45 26/09/2012  »
صباح الخير
قبل كم يوم دزيت ايميل للاي او ام دا اسالهم احنا عدنا الفحص الطبي وهل هذا معناته الامنية مالتنا خلصانة لو اكو فد علاقة بين اعادة الفحص الطبي والامنية وشوفوا العينتين اشجاوبوني

Please note that your email has been forwarded to the concerned department. You will be contacted in the future for any updates.
 
Also, please note that a careful review of our records indicates that your case is currently pending U.S. Government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you with update accordingly.

Kindly note that there is no relation between the medical check and the security checks.
Please note that it just takes time to have the result updated.

57
الهجرة و واللاجئين / كل خمس دقائق
« في: 14:11 22/09/2012  »
صارت بيه حالة نفسية كل خمس دقايق وافتح الموقع اكول بلكت صار تغيير وتطلعلي الحالة بانتظار النتيجة  :'( :'( :'( :'( :'( :'( :'( :'( :'( :'( :'(
وربي الموضوع كلش اماثر عليه وشاغل تفكيري شسوي ياربي  :'( :'( :'( :'( :'( :'( :'( :'(
شلون يعني اكظيهة بواجي  :'( :'( :'( :'( :'( :'( :'( :'( :'(
هم اقبل بس خل تفض هالامنية الكشرة يعني هيجي اني اشكل خطر عالامن القومي بامريكا هلكد مطولة امنيتنا  :'( :'( :'( :'( :'( :'(

58
الهجرة و واللاجئين / اشو رجعت مدة الاوتو ريبلاي مال اي او ام اسبوعين
« في: 08:28 22/09/2012  »
صباح الخير

يعني تتوقعون جيف عليهم لود حسب مدا نسمع زيدوا مدة الاجابة عالايميلات

59
الهجرة و واللاجئين / حالة ملفي بانتظار النتيجة
« في: 14:18 19/09/2012  »
السلام عليكم

اريد اعرف حالة الملف مالتي من البداية بانتظار النتيجة وعدت الفحص قبل 9 ايام ولحد الان باقي نفس الشي و دا اسمع اكو ناس حالة الملف مالتهم اكتف واكو هولد فشنو الفرق بين كل وحدة اشتعني
Case Status (حالة الملف)   Pending Result (بانتظارالنتيجة)   
Case Size (عدد الأفراد)   4   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   IN PROCESS (فعال)   
Security Review (التشييك الامني)   Pending (بالانتظار)   
Travel Status (حالة السفر)   NO ACTIVITY (غير فعال)   


60
الهجرة و واللاجئين / البارحة عدنا الفحص الطبي وخل نشوف وين راح تصفة وية الاي او ام
« في: 19:14 11/09/2012  »
السلام عليكم

البارحة توجهنا الى ابن البيطار لاعادة الفحص الطبي وصلنا هناك الساعة 9 الصبح كلنالهم عدنا فحص وطبينا وانتظرنا الى ان اتجمعنا وبعدين رحنا لغرفة الانتظار وراها فصلو النسوان والجهال عن الرياجيل انطونا محاضرة كالو هذا الفحص الطبي لمدة سنة وايصير اكسباير واذا ماصار سفر خلال هذه المدة لازم ينعاد الفحص مرة اخرى سالتهة كتلهة احنا من اجانا اتصال كالولنا الفحص الاخير شنو يعني الامنية خلصت وراح نطلع عن قريب كالت لا موشرط .المهم سوينا الفحص وبعدين رحنا للاشعة وكالو باجر الدكتور يكتب التقرير واندزة بالدي اج ال ورة 12 يوم ويوصلهم طبعا ارقام الملفات الي جانت من ضمن الفحص 118و116و101  وحسب ما سمعت من الناس دايكولون الفحص الطبي اله علاقة بس همة الموظفين ما يريدون ياكدون الموضوع واكو ناس ورة الفحص الطبي ب16 يوم وسافروا واكو بعد شهرين واكو بعدهم دا ينتظرون ربي اجعلنا من جماعة ال 16 يوم كولوا امين


تحياتي الكم
الملاك الحائر

61
الهجرة و واللاجئين / خابروني علمود اعادة الفحص الطبي والاخير
« في: 09:07 05/09/2012  »
السلام عليكم اخواتنا واخواننا

البارحة خابرونا الاي او ام علمود اعادة الفحص الطبي بابن البيطار وكالو هذا الفحص الاخير شيقصدون بيه ؟؟؟ زين واحنا دا ننتظر الامنية تخلص هل هذا الاتصال يؤكد ان الامنية مالتنا خلصانة زين لحد هسة محد متصل بالكفيل مالتنا ياريت اتنورونا بتحليلاتكم المنطقية علما احنا امقدمين من 2010





62
الهجرة و واللاجئين / ملكيت احد هناك فاجيت هنا
« في: 13:54 10/05/2012  »
مساء الخير اخواني
ولو سؤالي مو بمكانة بس شسوي كتبت الموضوع بالمكان المناسب وشفت ماكو احد وكلت مراح يجاوبني احد فجبته هنا  ;D
وهذا رابط السؤال ارجو المساعدة

http://www.ankawa.com/forum/index.php/topic,574337.msg5578137.html#msg5578137

اختكم
الملاك الحائر

63
ركن الطلبة / استفسار عن مدرسة مار قرداغ
« في: 13:45 10/05/2012  »
مساء الخير اخواني
عندي طلب حول منهج مدرسة مارقرداغ الي موجودة بعنكاوة الي يعرف خل يكلي او اذا اكو فد لنك بالانترنت بعد احسن اريد اعرف شنو المواد الدراسية والمنهج مالتهم شلونه وساعات الدوام وكلشي وكلاشي ومشكورين حبايبي


اختكم
الملاك الحائر

64
الهجرة و واللاجئين / مشكلة بموقع اي او ام شسووووووووووي
« في: 14:31 28/04/2012  »
السلام عليكم

صارلي اكثر من اسبوعين دااحاول ادخل لموقع اي او ام بس ديكلي الباسوورد غلط ورحت على فقرة هل نسيت كلمة السر وكتبت الرقم ايكلي مدا نكدر ندخل لمعوماتك وهاي الكتابة الي طلعتلي We were unable to access your information. Please try again.

شسوي دزيت ايمل الهم كالو راح اندز الباسوورد وهم كلشي ما اجاني ومن اسال عالقضية ايكلولي روحي للموقع  :'( :'( :'( :'( :'(

65
الهجرة و واللاجئين / تربية الاطفال في امريكا - موضوع للنقاش
« في: 07:19 27/02/2012  »
السلام عليكم شباب

اليوم موضوعي كلش كلش كلش مهم وهواية كاعدة افكر بيه شلون راح نسيطر عليه والي هو تربية الاطفال في امريكا
اتصور الكل يتفق وياية انه السبب الرئيسي لسفرنا وبهذلتنا هو مستقبل الاولاد والكل ايكول خل نروح لامريكا اقلها نضمن مستقبل اولادنا زين هسة خل نجي نسولف وحدة وحدة اذا الاب وحدة يشتغل مراح يكدر ايكفي عائلته من كل النواحي فالافضل ان زوجته تشتغل وياه حتى تمشي الامور بصورة اسهل زين بهالحالة منو راح ايدير باله عالاولاد والدوام حسب ما كلنا نعرف 8 ساعات  زين هل الدوام بالمدارس هم 8 ساعات لو شكد ؟
قليل من العوائل المهاجرة عدهم اقارب بالمكان الي راح يهاجرون اله يعني العائلة راح تكون مكطوعة من شجرة مثل ما يكولون لا عم لاخال لا عمة لاخالة لابيبي لا جدو , هسة اتكولون الوكت صار كلمن حاير بروحة , بس مراح اتفق ويا الي يكول هيجي لان على الاقل زيارات الاهل والاقارب الهة فد قيمة معنوية عند الفرد وكلنا اتربينا عليهة زين هاي شلون راح نكدر نخلق روح صلة الرحم باولادنا اذا احنا اصلا انقطعنا عنهم مرغمين .
زين الاب والام راح اشبههم مثل داخلين معركة وهي معركة الحياة في سبيل ايجاد عمل وتلبيه حاجات البيت والاطفال وراح يقضون كل الوقت خارج البيت شلون راح نكدر انوفق بتوفير وقت لتعليم الاطفال على عاداتنا وتقاليدنا  زين وشلون راح نكدر انسيطر عليهم عند اختلاطهم بمجتمع طلاب المدارس والتعرف على عادات وتقاليد تتعارض وية مبادئنا حسب ما سمعت المدارس شي كلش حلو بامريكا بحيث تخلي الطفل ينسى الوقت زين بهالحالة راح تكون المدرسة ومجتمع المدرسة قدوة اله وشراح ايصير بيهة راح يعتبره دستور وهو الصح واذا صار واتعارضنا وية فد حدث معين بالمدرسة اكيد الطفل راح يكون مقتنع بكلام المس مالته اكثر من اهلة شلون راح انسيطر عالوضع
وهواية اكو فقرات بس ما حاضرتني حاليا اترك الموضوع للنقاش حتى الكل تستفاد


اختكم
الملاك الحائر

66
الهجرة و واللاجئين / البارحة جنت دا احجي وية الكفيل مالتي (موضوع مهم ارجو المداخلة)
« في: 07:28 20/02/2012  »
السلام عليكم شباب عنكاوة

البارحة جنت دا احجي وية الكفيل مالتي والي هو مقيم بفرجينيا دا اسال على احوال العراقيين الواصلين بالجديد وعن الاعمال المتوفرة اول ما يوصل اللاجيء والوضع بصورة عامة وكانت الاجابة كالاتي :
اول ما يوصل اللاجيء يمر بمرحلة الصدمة لمدة شهرين 3 كل حسب منطلق تفكيره وتبدأ الاحلام الوردية والافكار الي كان متصورهة عن امريكا تتلاشى وخلال هاي الفترة يلتهي بالمعاملات والسوشيال والفود ستامب ومن هالسوالف وبعد ما ايحصل على السوشيال يبدي ايفكر ايدور على عمل وهسة بالوقت الحالي الاعمال المتوفرة للاجيء الجديد ولغته مو كلش زينة شغلتين او 3 اما بالمطعم او كاشير او بيبي ستر وهاي تقريبا الراتب مالتهة 7$ بالساعة اما بالنسبة للول مارت حسب ما افتهمت الراتب مو فد شي وما بيه تامين صحي بس مو كلش متاكدة بهالخصوص ياريت الي متاكد ينورنا زين الايجارات هناك شقة 3 غرف نوم وهول ومطبخ وحمام ايجارهة 1675$ ماعدا الماء والكهرباء زين هاي شلون راح تدبر في حالة خلصت المساعدات وانت داتشتغل براتب قليل والله حيرة يعني احنا جنا كلش مصرين على السفر بس هذا الكلام مقلق ويخلي الواحد ايعيد التفكير بيه مرة واثنين وتلاثة بس بنفس الوقت هاي فرصة ما متاحة لاي واحد واني اكول هية شدتهة اول سنة وبعدين اكيد تفرج ماطول عدنا العزيمة على تغيير نمط حياتنا بس الحظ او الظروف هاي مانكدر نتحكم بيهة احنا .
والكفيل ايكلي الحياة بامريكا كلش غالية وصعبة .
حبيت اشاركم بهذا الموضوع حتى اسمع ارائكم ونتناقش ما هي سبل تخطي المرحلة الاولى باقل الخسائر النفسية والمادية من حياة اللاجيء  لان بصراحة رغم كل هاي الظروف واحنا مصرين على السفر وياريت نسمع اراء الاعضاء المتواجدين في امريكا حاليا ويحجولنا عن الي عانوا منه واشلون اتخطوا هاي المرحلة الصعبة واستقروا .



اختكم
الملاك الحائر

67
الهجرة و واللاجئين / مجموعة خليك عالشحن وية الامنية - المقابلين محلف شهر السادس 2011 بغداد
« في: 06:58 17/01/2012  »
هلو كروب
شلونكم اكيد كئابة مثلي من ورة انتظار الامنية وما ادراك ما الامنية  :o :o :o :o :o :o عيوني اريد اعرف اكو ناس سافروا من جماعة الي مقابلين محلف بشهر السادس في بغداد وشووكت  ??? ??? ??? ??? وخل انسوي تحديث لكل مجرايات الامور حتى نعرف اشدايصير  ::) ولو هية مليوصة  :-\ :-\ :-\ :-\ :-\



اختكم
الملاك الحائر

68
الهجرة و واللاجئين / سؤال عن تقديم جديد لل IOM
« في: 16:06 13/01/2012  »
السلام عليكم
شباب عندي اقاربي يريد ايقدم على الاي او ام وماعنده ريكومنديشن بس عنده باج المكان الي جان يشتغل بيه يكدر ايقدم لو ما ياكل الباج الي عنده ارجو التوضيح



اختكم
الملاك الحائر

69
الهجرة و واللاجئين / الفحص الطبي ما قبل السفر
« في: 14:27 07/01/2012  »
السلام عليكم شباب

بما انه دا ننتظر الامنية والي ما ادري شكد اتطول كلت خلي اسال على الفحص الطبي الي ايصير قبل السفر اريد اعرف شوكت ايصير بنفس يوم السفر لو قبله بيوم او وين بيا مكان وشنو ومنو ............ز اريد ابداعاتكم بهالموضوع




اختكم
الملاك الحائر

70
الهجرة و واللاجئين / جماعة اربيل الي يدري خل يدخل
« في: 10:03 14/09/2011  »
السلام عليكم

شباب منو عنده معلومات عن مكتب اي او ام الي باربيل يعني اكو مراجعات او اجراء مقابلات يمهم لو شنو ومنو يندل عنوانه اني الي افتهمته صاير بعنكاوة وكبل بس وين ما ادري الي يدري خل يجي ايكلي



اختكم
الملاك الحائر

71
الهجرة و واللاجئين / تصديق الوثائق
« في: 09:34 13/08/2011  »
السلام عليكم كروبي العزيز شلونكم عيوني
بس محتاجة احد ايكلي مكان التصديقات مال وزارة الخارجية وين صاير اني الي اعرفة يم سيد ادريس بكرادة داخل بس كلت اتاكد بعده هناك لو تغير مكانة



اختكم
الملاك الحائر

72
الهجرة و واللاجئين / سؤال الى الاخ كوندا وكل من لديه معلومات
« في: 11:09 11/08/2011  »
مرحبا اخوية كوندا قبل فترة نزلت موضوع بخوصو ال 40 فيزة جتي لل دي اج ال باربيل
سؤالي هو ليش دا اتجي الفيز لاربيل يعني اكو سفر من اربيل  ??? ??? ??? ??? ??? ???



تحياتي اختكم
الملاك الحائر

73
الهجرة و واللاجئين / الموضوع ايخص جماعة SIV
« في: 08:24 06/08/2011  »
السلام عليكم كروبي العزيز

عيوني ولو اني ما عندي خبرة بالسف وما ادري اذا كنتوا اتعرفون هاي المعلومة لو لا بس كلت اكلكم عليهة حتى المايعرف خلي يعرف
عيوني بالفترة الاخيرة كلنا عرفنا بانه كومة رفوضات اجتي على جماعة السف فاذا كان سبب الرفض السكيورتي كليرنس ابد لايفكر ايقدم على الاوم كحل بديل لانه نفس الكليرنس وهم يجية نفس الجواب بس اذا كان الرفض انه ما مستحصل شروط التقديم على السف يكدر ايقدم على الاوم
وهاهية عاشو عيشة سعيدة واتمنى اكون فدتكم جماعة سف


اختكم
الملاك الحائر

74
الهجرة و واللاجئين / يحتاج ناخذهن لو لا
« في: 12:50 04/08/2011  »
شلونكم شباب
فد سؤال هسة يلة اتذكرته واجة على بالي  ;D ;D ;D ;D جنت نايمة  ::) ::) ::) ::) ::) ::)
من سوينا الفحص الطبي بابن البيطار يحتاج انروح ناخذ التقرير الطبي لو لا علما وراهة قابلنة المحلف وهسة داننتظر الجواب



اختكم
الملاك الحائر

75
الهجرة و واللاجئين / احصائية السفر لشهر اب
« في: 08:37 04/08/2011  »
السلام عليكم شباب
هواية مواضيع دا اقراهة بالمنتدى عن مواعيد سفر لشهر اب الحالي فكلت خلي انسوي احصائية او جدول حتى نعرف شكد راح ايطلعون هالشهر
حسب ما اذكر قريت موضوعين الاول اكو موعد سفر يوم 17/8/2011
والثاني بتاريخ 21/8/2011

خلي انسوي جدول ونكتب التواريخ بس اني ما اعرف شلون ارفق الجدول اريد متبرع  ;D يجي ايسوي الجدول
وياهو عنده موعد سفر خلي ايضيفة عالجدول


اختكم
الملاك الحائر

76
الهجرة و واللاجئين / تدرون شنو سبب التاخير
« في: 11:42 02/08/2011  »
عيوني هاي اخر الاخبار الي وصلتني بس ترة اني ما مسؤولة على مصداقيتهة  ;D ;D ;D ;D ;D ;D
ايكولووووووووووون احد اسباب التاخير
انهوووووووووووووووووووووا
المنظمة داتسوي غربلة عالكيسات شلون يعني  :o :o :o :o :o :o :o
يعني الواحد ايقدم باكثر من كيس  ??? ??? ??? ??? ??? شلووووووووووووووووووون
يعني ايقدم كيس باسمه
وبعدين ايقدم كيس باسم زوجته
وبعدين ايقدم كيس باسم امه او ابوه
او وه وه وه وه الخ
فبهالحالة راح تصير كومة كيسات وهية لشخص واحد وحتى يشوف ياهو الي تمشي بسرعة يمشي عليهة


شنو رايكم بهالخبر سامعين هيجي شي



اختكم
الملاك الحائر

77
الهجرة و واللاجئين / تتوقعون هو هذا السبب
« في: 08:34 02/08/2011  »
شلونكم اعزائي اعضاء عنكاوة
اكيد كلكم مرتاحين وفريش   :o :o :o :o :o :o :o وابد مدا تفكرون بالسفر  :( :( :( :( :( :(
كلنا عرفنا سبب تاخير القضايا مالتنا اذا جانت سف او اوم من وره مشعولين الصفحة هذولة العراقيين الاثنين الي لزموهم بكنتاكي
بس اعتقد الازمة المالية الي دتمر بيهة امريكا حاليا هية هم سبب من الاسباب والله يستر بس لا يقللون المعونات الي ينطوهة بالبداية  ??? ??? ??? ??? ??? ??? ???
شنو رايكم انتوا هذا موضوع مهم ومطروح للنقاش


اختكم
الملاك الحائر

78
الهجرة و واللاجئين / اكو داعي كلنا انروح
« في: 08:21 02/08/2011  »
كروبي العزيز اعضاء المنتدى الكرام
بما انه راح انقبط ال 60 يوم مال مقابلة المحلففي بغداد بعد 4 ايام واني متفائلة بالموافقة  :D(شكد حلو لو يجينا الرفض ترس الله لا يكولهة) :'( :'( :'( :'( :'(
دا احضر روحي علمود الدورة التثقيفية الي ما اعرف شوكت راح ايخابرونه علمودهة  :P :P :P :P :P :P :P
سؤالي هو كالاتي  ;D ;D ;D ;D ;D ;D
اكو داعي كل العائلة تروح للدورة التثقيفية لو بس ابو الجهال ايروح يتثقف وايجي يفتحلنة مدرسة ويدرسنا ثقافة  ;D ;D ;D ;D ;D ;D ;D


اختكم
الملاك الحائر

79
الهجرة و واللاجئين / جماعة فرجينيا خلي نتعارف من هسة
« في: 13:05 25/07/2011  »
هلو شباب شلونكم خو ما صاعدة الكآبة عدكم مثلي  :-[ :-[ :-[ :-[
بما انه صارلي 48 يوم دا انتظر جواب المحلف ولحد هسة ما اجة اي جواب كلت خلي شوية انلهي روحنا واتعرف على جيران المستقبل  ;D ;D ;D
عيوني اني انشالله وجهتي لفرجينيا وهاي دعوة لكل اهالي فرجينيا الي راحوا والي بعدهم ما رايحين
وانتظر تنورون موضوعي بحظوركم


اختكم
الملاك الحائر

80
الهجرة و واللاجئين / صدك هذا الحجي مال محلفيييييييييييييين
« في: 13:47 10/07/2011  »
السلام عليكم خواتي واخواني
هواية اكو امقابلين محلفين وعبروا ال60 يوم وما اجاهم جواب للمقابلة  ??? ??? ??? ???
صدك على اساس الي ما يجيه جواب المحلف او يتاخر هواية تجيه الامنية وية الجواب يعني اثنينهن سوة  ::) ::) ::)
زين بهالحالة هم تاخذ نفس اللفترة الزمنية الما معروفة لو اقل لو اكثر
الي مار بهيجي حالة خلي اينورنة
واذا طلع الموضوع جذب وماكو هيجي شي اعتبروه موضوع للتعارف  :P :P :P :P


اختكم
الملاك الحائر

81
الهجرة و واللاجئين / خلي انشوفلنه جارة
« في: 09:08 28/06/2011  »
السلام عليكم
بالاونه الاخيرة كثرت اغلاط اي او ام هواية وكامت اتخربط واتدز رسائل بالغلط , زين شنو الحل ممكن قضايانا كلهة متاخرة من ورة عدم درايتهم بادارة الامور زين شلون وشنسوي واحنا مصيرنا متعلق بيهم واكيد الكل مو بس اني مدايكدر يتحرك خطوة لان موضوع السفر اباله
فاني اقترح واستفسر هل اكو جهة مسؤولة عن هاي المنظمة حتى الواحد ايراسلهم ويشتكي على ادائهم المخربط لو انحط ايدنا على خدنا وننتظر فرج شوكت يجي .



تحياتي
الملاك الحائر

82
الهجرة و واللاجئين / وييييييييينك محمود يمعود بعدك بالامنية
« في: 10:19 27/06/2011  »
البارحة كلت خلي ادز ايميل للنايمين للضحى جماعة اي او ام اسال على قضيتي واشصار منهة داننتظر جواب المحلف , المطفين دزولي جواب مرحبا اخي محمود انت بانتظار الامنية واحنا مانعرف شوكت تخلص .
كلت ايباه هاي مثل مسلس رشا واللاخ ما اذكر شسمه رشحوني ادخل بالمسلسل وياهم زين عجباه هاي المسلسل مثل المدبلج التركي 500 حلقة لو اكثر .
عيني محمود انتظر الامنية والك الله


تحياتي
الملاك الحائر

83
الهجرة و واللاجئين / جمعية انتظار جواب المحلفيين للمقابلين بشهر 6 ,2011 بغداد
« في: 08:50 15/06/2011  »
مرحبا شباب
والله الانتظار راح ايخبلني صارلي اسبوع من قابلت المحلف ويومية افتح الايميل اكول بلكت اجاني الجواب ياربي شراح ايكظيهة ال60 يوم  ??? ??? ??? منو بيكم قابل بهذا الشهر اقصد ال6 واجا جواب يمعودين بشرونا ومنو بيكم امقابل وداينتظر زي حالتي


تحياتي
الملاك الحائر


84
الهجرة و واللاجئين / خلصت مقابلة محلف كلش بسيطة
« في: 12:36 11/06/2011  »
مرحبا شباب شلونكم

الحمد لله مقابلة المحلف وخلصناهة وجانت بسيطة وهسة دا انتظر اشوكت يجيني جواب المحلف



تحياتي
الملاك الحائر

85
الهجرة و واللاجئين / منو عنده مقابلة محلف بشهر 6
« في: 13:05 25/05/2011  »
مرحبا شباب شلونكم
عندي مقابلة محلف الشهر الجاي وحايرة ومتوترة ولو ايكولون سهلة وما بيهة شي بس ما اعرف ليش متوترة فحبيت اعرف منو عنده مقابلة بنفس هاي  الفترة حتى اعرف شنو الأحتياطات الي مسويهة ونتبادل الاراء .

تحياتي
الملاك الحائر

86
الهجرة و واللاجئين / المقابلة الاولى IOM
« في: 13:40 23/04/2011  »
مرحبا شباب باركولي واخيرا اجرينا المقابلة الاولى وية جماعة ال IOM  طبعا انشتلنا ساعتين لحد ما دخلنا لصالة الانتظار وبعدها ينادون عالاسماء لاجراء المقابلات والحمد لله مشت الامور وكملنا المقابلة الاولى وهاي بعض النصائح اخذوهة من اخت امجربة والي هية اني
1. لحد ايترجم الوثائق مالته لان ماطلبوهة من عدنا .
2. لحد ايجيب مي وياه لان المي امكوم هناك بس جيبوا اكل .
3. لحد ايجيب غراض زايدة وياه مثل فلاش ميموري ريحة ومن هالسوالف لان اتعطله بالتفتيش .
4. ها هية ماكو شي والي ايحب يسالني اني بالخدمة


مع تحياتي
الملاك الحائر


87
الهجرة و واللاجئين / فد سؤال
« في: 12:53 16/04/2011  »
مرحبا شباب شلونكم اني اجاني موعد للمقابلة الاولى وسمعت الي ساكن محافظات ايطبكون المقابلتين الاولى والثانية سوة فما ادري صدك هذا الحجي؟ ياريت تنطوني خبر بسرعة


تحياتي الكم
الملاك الحائر

88
الهجرة و واللاجئين / واخيرا اجاني موعد للمقابلة الاولى
« في: 11:03 16/04/2011  »
مرحبا شباب ابشركم اجاني موعد للمقابلة الاولى بعد انتظار 10 اشهر تقريبا علما احنا امقدمين من بغداد

تحياتي الكم
الملاك الحائر

89
الهجرة و واللاجئين / اسئلة المقابلة الاولى
« في: 10:51 12/04/2011  »
مرحبا شباب شلونكم بما انه دا انتظر للمقابلة الاولى والانتظار طووووووووووووووووووووووووووووويل جدا كلت خلي امرن نفسي على الاسئلة الي تنسئل بالمقابلة الاولى فارجو من الي الله سهل عليه وقابل مقابلة اولى خلي ايكولي شنو هية الاسئلة واشكد اتطول المقابلة الاولى وعندي استفسار ثاني اذا سالو عندك اقارب بامريكا , هل الاصدقاء من ضمن الاقارب في هذا السؤال او لا لان ما عندي اقارب والكفيل مالتي صديق .


تحياتي
الملاك الحائر

90
الهجرة و واللاجئين / فد سؤال بخصوص اوراق الخدمة العسكرية (الكنية ودفتر الخدمة )
« في: 10:42 07/04/2011  »
مرحبا شباب شلونكم , عندي فد سؤال بخصوص دفتر الخدمة والكنية اذا ضايعة وبالمقابلة اكول خدمت بس ضاعت الاوراق بالحرب فشنو الحل عادي تمشي الامور لو شسوي



تحياتي
الملاك الحائر

91
الهجرة و واللاجئين / منو الاي زي مالته يبدي 118
« في: 08:27 04/04/2011  »
مرحبا كروبي العزيز شلونكم , اريد اعرف اكو احد الاي زي مالته يبدي 118 اشو سنطة كلشي ماكو لحد الان ما مقابيلن ولا مقابلة انتظر ردودكم اخوتي مع العلم اني حنا امقدمين من بغداد شهر 6/2010



تحياتي الكم
الملاك الحائر

92
الهجرة و واللاجئين / KBR
« في: 12:46 27/02/2011  »
مرحبا اخواني ارجو ان تساعدوني محتاجة ايميل وعنوان المكتب لشركة KBR واكيد مراح اتصرون وياية



تحياتي
الملاك الحائر

93
الهجرة و واللاجئين / جماعة الكيس رقم 117
« في: 12:49 09/02/2011  »
مرحبا شباب شلونكم بس اريد اعرف اكو احد رقم الكيس مالته يبدي 117 اذا اكو خلي ايكلي اشصار وياه امقابل لا وين صفة بيهم الدهر اشو صنطة لاحس ولاخبر . شو جنة هذا الرقم فكر



تحياتي
الملاك الحائر

94
الهجرة و واللاجئين / IOM , SIV تغلق ابوابها ؟؟؟!!!
« في: 09:53 08/02/2011  »
شباب اليوم جبتلكم ابشارة قبل يومين سمعت لقاء  على راديو سوا وية جماعة IOM , SIV (المنسقين بيت مكتب الهجرة والحكومة الامريكية هيجي شي ) وكان سؤال المعلق هل لكم فترة زمنية محددة لهذه البرامج ؟؟؟؟
وكانت الاجابة لايوجد فترة زمنية محددة بالنسبة لل iom  واما بالنسبة للsiv كل سنة نستوعب 5000 شخص وخلال السنين الماضية ماتحقق هذا الرقم .
يعني لحد ايشيل هم مراح تنسد هذي البرامج والكل انشالله ايسافرون وتتحقق احلامكم
نقلا عن راديو سوا قبل يومين هههههههههههههههههه


تحياتي
الملاك الحائر

95
الهجرة و واللاجئين / لغز iom جماعة 2010 و2011
« في: 09:40 08/02/2011  »
مرحبا شباب شلونكم عندي فد سؤال لجماعة iom الي مقابلين والي ما امقابلين سمعت ايكولون انه المنظمة اتخذت سياق ثابت للمقدمين الجدد انه بعد استلام الايميل الي بيه طلب اللجوء احسب 10 اشهر وايسولوك موعد مقابلة اولى بالنسبة الي اني امقدمة من شهر 6/2010 ولحد الان ولا مقابلة امسوين يعني المفروض على هالحجي بعد شهرين وايحددولنا مقابلة اولى
سؤالي لللاخوة الي امقابلين خلي يحسبون الفترة من اول ايميل دزوه ولحد ما قابلو المقابلة الاولى صدك عشر اشهر (هذا الحجي للمقدمين الجدد جماعة 2010 و2011 ) .


تحياتي
الملاك الحائر

96
الهجرة و واللاجئين / iom 2010 الي امقدمين بالاشهر 6و7و8
« في: 12:10 01/02/2011  »
مرحبا شباب شلونكم اني ضايجة وطاكة روحي من الانتظار صارلي فوك الست اشهر امقدمة على iom ولحد الان ماكو جواب من المنظمة فكلت خلي اطرح هذا الموضوع ونشوف بلكت اكو احد امقدم بهالاشهر ومسوي مقابلة خلي كل واحد يكتب
1. مكان التقديم
2. تاريخ التقديم
3. استلام ال iz وشكد (طبعا اول 3 ارقام)
4. واذا امسوي مقابلة لو لا

على الاقل نتعرف على بعضنا ونعرف ليوين واصلة معاملاتنا

تحياتي
الملاك الحائر

97
الهجرة و واللاجئين / احسن مدينة بولاية فرجينيا
« في: 09:43 24/01/2011  »
شلونكم كروبي العزيز  انشالله الكل بخير يارب
عرفت من الكفيل مالتي الي هوة بفرجينيا ساكن بمدينة اسمهة الكسندريا فاذا احد يعرف اي معومات عن هاي المدينة زينة لا ياريت ايكلي ويا مدينة زينة بولاية فرجينيا من كل النواحي الي عنده معلومات ياريت ايساعدني

تحياتي
الملاك الحائر


98
الهجرة و واللاجئين / معلومات عن ولاية فرجينيا
« في: 11:12 19/01/2011  »
مرحبا كروبي العزيز
فدوة الي يعرف معلومات عن ولاية فرجينيا ايساعدني من ناحية المساعدات والسكن والعمل والعيشة بصورة عامة راسلت الاخت سرى حسب ما عرفت من الاخوة انه هي هناك بفرجينيا بس للاسف ماجاوبتني نعذرهة مو مشكلهة .
والي يعرف فد رابط بالمنتدى ياريت ينطينياه


تحياتي
الملاك الحائر

99
الهجرة و واللاجئين / منو يعرف منظمة Kurdish human rights
« في: 12:00 17/01/2011  »
مرحبا شباب قبل كم يوم سالت الكروب على هاي المنظمة ومشكورات الخوات شموسة وسرى على مرورهم الكريم بس للاسف ما استفاديت باي معلومة ايكولون مميزاته احسن من باقي المنظمات ز


تحياتي
الملاك الحائر

100
الهجرة و واللاجئين / استفسار ارجو المساعدة
« في: 11:44 15/01/2011  »
مرحبا شباب شلونكم انشالله الكل بخير , عندي فد سؤال بلية زحمة سامعين بمنظمة Kurdish human rights ايكولون كلش زينة وامتيازاتهة هواية بخصوص اللاجئين لامريكا ياريت الي عنده معلومات يفيدني

تحياتي
الملاك الحائر

101
مواضيع الحياة العامة في بلاد المهجر (امريكا) / كل واحد يحجي عن حياته في امريكا بايجابياتها وسلبياتها
« في: 10:22 11/01/2011  »
مرحبا كروبي العزيز

جتني فكرة بعد ما قريت موضع الاخ ماجد وهو يحجي عن تجربته في امريكا وطريقة العيش هناك تحياتي للاخ ماجد طبعا
فياريت لو كل واحد وصل لامريكا وعنده تجارب هناك يحجي ويوضح ايجابيات وسلبيات الحياة هناك حتى تتكون صورة عند الي بعدهم ما مسافرين ويستفادون من المعلومات ويعرفون شلون يواجهون المواقف الي تصادفهم لمن راح ايسافرون بأذن الله .

تحياتي الملاك الحائر

102
الهجرة و واللاجئين / خبر عاجل
« في: 07:59 05/01/2011  »
مرحبا شباب شلونكم كروبي العزيز
سمعت خبر كلش حلو كلت خلي افرح كروبي الخبر ايكول انو المحلفين راح يجون بشهر الثالث يعني الي عنده مقابلة محلف خلي ينتظر على شهر الثالث وانشالله تتسهل الامور .
تحياتي للجميع

103
الهجرة و واللاجئين / ترجمة الوثائق
« في: 11:15 16/12/2010  »
مرحبا اخواني واخواتي انشالله الكل بخير
عندي فد سؤال عن ترجمه الوثائق (الجنسية والهوية والشهادات والخ) هل هي مطلوبة بمعاملات iom لو بس siv  او وين اترجم الوثائق باي مكتب ؟ لو شنو وياريت الاخوة ايساعدوني وينطوني عنوان مكتب اذا الترجمة مطلوبة .
تحياتي للجميع

104
الهجرة و واللاجئين / قرعة امريكا
« في: 08:44 15/12/2010  »
مرحبا كروبي العزيز
صار فترة طويلة ما زايرة الموقع لانشغالي بأمور الحياة انشالله الكل بخير بس عندي فد سؤال عن التقديم للقرعة مال امريكا اشلون الطريقة وهسة المقبلات مال ال IOM ليوين واصل تسلسل المقابلات اني رقم الكيس مالتي 118 واتمنى للكل الموفقية .

105
الهجرة و واللاجئين / رفض معاملات IOM لسنه 2010
« في: 19:00 02/09/2010  »
مرحبا شباب شلونكم اليوم سمعت من معارفي بان IOM بدات ترفض معاملات الي امقدمين عالهجرة لسنه 2010 بسبب كثره المعاملات وانهم دا يمشون جماعه 2008 و 2009 وتقريبا انرفضوا 3 اشخاص اني اعرفهم ومشتغلين بهواية اماكن وية الجيش وعدهم ريكومنديشنات منهم وحتى ما يعرفون شنو سبب الرفض فياريت لو احد سامع بهيجي خبر يعلمنا بالموضوع صح ام اشاعه

106
الهجرة و واللاجئين / المنظمات التي تتكفل اللاجيء الى امريكا في برنامج IOM
« في: 00:38 29/08/2010  »
مرحبا اخوان الي عنده معلومات عن اسامي المنظمات التي تتكفل اللاجيء العراقي في برنامج IOM وعن الخدمات التي تقدمها وامتيازات كل وحده . وهل الخدمات هاذي ثابته من ولاية الى اخرى لو اكو اختلاف وسؤال ثاني بله زحمه اختيار المنظمه احنا انحدده لو جماعه ال IOM  يلة جماعه الخبره اريدهم ايبدعون بمعلوماتهم حتى انفيد ونستفيد

107
الهجرة و واللاجئين / عضو جديد
« في: 10:10 22/08/2010  »
مرحبا اخواني
اني عضو جديد في هذا المنتدى وبصراحه كلش ارتاحيت من لكيت منتدى الهجرة واللاجئين الي ايخص امريكا لاني امقدمه على برنامج ال اي اوم ام من الشهر 6/2010 وحصلت على اي زي نمبر الحمد لله وقريت كتابات الاخوه وكل شخص والحاله الي ايمر بيهة وبصراحه حسيت هذا الموقع ايواسيني وايصبرني حتى اتحمل طول الانتظار لحد ما احصل على الموافقة بالسفر الى امريكا , ما اطول عليكم بس حبيت اسلم على كل اعضاء المنتدى واعرفكم عن نفسي .

مع تحياتي
الملاك الحائر

صفحات: [1]