مواضيع

1

اجتماعيات (ترحيب، تهاني و تعازي منتدى الهجرة) / after the long time um soso on the land of the : United States of America

« في: 00:35 12/12/2012  »

السلام عليكم
بسم الله والصلاة والسلام على سيدنا محمد وعلى اله الطيبين الطاهرين اجمعين
ضاقت ولما استحكمت حلقاتها فرجت وكنت اضنها لا تفرج

اما بعد
بعد عناء طويل دام لمدة 5 سنوات مع منظمة الهجرة واللاجئين تم بعون الله ورعايته تسفيرنا الى الولايات المتحدة الامريكية واستقرارنا على اراضيها

الرحله كانت شاقه بمعنى الكلمة وخصوصا للاطفال ولكن تحقق الحلم اخيرا

اتمنى لكل شخص منكم ان يحقق امنيتة بالوصول

حقيقة لحد الان كولشي ما اعرف عن اي شي لاني وصلت قبل ايام قليله

احب اشكر ادارة المنتدى واعضاءه وزواره
متمنيه من الباري عزوجل ان يوفق اصدقائي القدماء ويمن عليهم بالسفر السريع  خصوصا من كان معي في جمعيه الاخت جورجيا ابتداءا من جورجيا _داليا الوردة الوردة _يوزارسيف _صفاء الصحفي_جاكوار _بدر العراقي واعذروني اذا نسيت احد

تفاصيل ملفي هي
تقديم سنة 2008
الحصول على الايزت نمبر 2009
مقابلة اولى وثانية 2010
فحص طبي اول 2010
موعد سفر وتأجيله 2011
واكتمال الامنية شهر 7_ 2012
اعادة فحص طبي شهر 9 _2012
رجوع الامنية انتظار شهر 10_2012
اكتمال الامنية وتحديد موعد السفر شهر 11_2012
السفر شهر 12_2012
ودمتم سالميــــــــــن

2

دردشة منتدى الهجرة واللاجئين / @@@ للتســـــــــــليـة @@@

« في: 22:13 16/08/2012  »

.
  اضغط على الرابط ادناه ... دع الماوس و استرخي واستمتع  بالمشاهده ......انه عمل ابداعي فعلا
اتساءل من لديه الوقت لعمل كهذا؟؟؟؟




http://fc01.deviantart.net/fs13/f/2007/077/2/e/Animator_vs__Animation_by_alanbecker.swf

3

الهجرة و واللاجئين / حاله مستعصية

« في: 14:30 16/06/2012  »

السلام عليكم
اني من جماعة iom بغـــــــــــــداد
سويت فحصوات طبيه بشهر 9 _2010
من أسسو موقع الاي او ام لحد الان اني فحصي الطبي ان بروسز يعني هو اكسباير من شهر 9_2011 واحنا هسة شهر 6_2012 وما متصلين بيه على أعادة فحص طبي
شنو هالحاله؟؟؟؟؟ مرفوضة بعون الله ومديكولولي   هسة مرفوضة علواه بس اريد افتهم

4

الهجرة و واللاجئين / ســـــــــــــــــــــــؤال؟؟؟

« في: 19:01 25/10/2011  »

مساء الخير

اخوان بالنسبة لاعادة المحلف عدنا في بغداد صار بعد سنة من المقابلة الاولى بعد ماكان سنتين وتصير المقابلة اكسباير سؤالي هل هذا نفس الشي بالنسبة لدول الجوار ام بعدكم ع السنتين يلا تصير مقابلة الوفد عدكم اكسباير وهل اكو شخص استلم موعد مقابلة ثانية (اعادة مقابلة المحلف)

شكرا جزيلا

5

الهجرة و واللاجئين / فيزة سياحية

« في: 12:41 12/09/2011  »

السلام عليكم
عندي اخ بأمريكا وضعة الصحي تعب بالفترة الاخيرة والدي يريد يروح زيارة لامريكا الي اريد اعرفه هل يحقله ان يدخل امريكا بفيزا سياحية؟ واذا نعم كم تكلف وعن اي طريق يقدم عليها؟وكم المده المسموح بيها بقاءه هناك ؟وشكرا الكم

[/size]

6

الهجرة و واللاجئين / ايميل جديد

« في: 15:05 25/08/2011  »

 السلام عليكم
قبل كم يوم اجاني هذا الايميل واني اعرف معناه هذي الكليشة الجديدة بس الرمز الي وصل وية الايميل هو ADJ اريد اعرف معنى الرمز من اصحاب الخبرة يدل على شنو؟؟
 
A careful review of our records indicates that your case is currently pending U.S. Government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you with update accordingly.
 
 

7

دردشة منتدى الهجرة واللاجئين / رمضان كريــــــــــــــــــم

« في: 15:40 25/07/2011  »

إلى كل اصدقائي واخوتي في المنتدى
 
بقلب يحمل لكم كل الحب والتقدير والاحترام
يسعدني أن ارسل لكم اطيب التهاني والاماني
بمناسبة شهر رمضان العظيم
فكلها أيام قليلة ويهل هلاله باليمن والبركات
يحمل في حناياه كل الخيرات والرحمات
 
أســأل الله الكــــريم أن يبلغكم رمضان
وأن تكونوا ممن لهم وافر الاجر والثواب
ويتقبل منكم الصيــام والقيـــــام
ويجعلكم ووالديكم في زمرة عتقاء الرحمان
آمـــــــــين يــــــــــــــــارب
 كما ادعوا الجميع بالتسامح واستقبال رمضان بقلوب صافية
عسى الله أن يبارك لنا في هذا الشهر

وتقبلوا احترامي وتقديري(stawberry)
وكل عام وانتم الى الله اقرب 

8

سجل الزوار و باب الاقتراحات / طلب تغيير اسمي

« في: 18:33 23/07/2011  »

اذا امكن اود تغير اسمي من ام سوسو الى strawberry

مع جزيل الشكر والتقدير 

9

الهجرة و واللاجئين / توصيل طلبــــــــــــــــــــــــات

« في: 09:48 29/05/2011  »

السلام عليكم

اخواني عندي اخ بأمريكا وطلب مني اشتري  اله اغراض منا (العراق) هية عبارة عن ملابس وعطور الي اريد اعرفه شلون ممكن اوصل هذي الغراض اله شنو اسرع وارخص طريقة ممكنه علما انو الحقيبة وزنها تقريبا 20 كيلو

وشكــــــــــــــــــــــــــــــــرا مقدما

10

دردشة منتدى الهجرة واللاجئين / صفعة قويــــــــــــــــــــــة

« في: 18:51 25/05/2011  »

..هناك شاب ذهب للدراسه في أحد البلاد وبقي فترة من الزمن ثم رجع... لبلاده واستقبله أهله أحسن استقبال ولما جاء موعد
الصلاة رفض الذهاب الى المسجد وقال لاأصلي حتى تحضروا لي أكبر شيخ يستطيع الإجابة على أسئلتي الثلاثه
أحضر الأهل أحد العلماء
فسأل الشاب ماهي أسئلتك قال الشاب : وهلتظن باستطاعتك الإجابة عليها عجز عنها أناس كثيرون قبلك
قال الشيخ : هات ماعندك ونحاول بعون الله

قال الشاب : أسئلتي الثلاثة هي :
1- هل الله موجود فعلا؟ واذا كان كذلك ارني شكله؟



2- ماهو القضاء والقدر؟



3- اذا كانالشيطان مخلوقا من نار..فلماذا يلقى فيها و هي لن تؤثر فيه ؟





وما ان انتهى الشاب من الكلام حتى قام الشيخ وصفعه صفعة قوية على وجهه جعلتته يترنح من الألم
غضب الشاب وقال : لما صفعتني هل عجزت عن الإجابة ؟
قال الشيخ : كلا وانما صفعتي لك هي الإجابة
قال الشاب لم أفهم!!!!!!!!!!!!
قال الشيخ : ماذا شعرت بعد الصفعة ؟؟
قال الشاب شعرت بألم قوي !!!
قال الشيخ : هل تعتقد ان هذا الألم موجود ؟؟
الشاب : بالطبع وما زلت أعاني منه !!!
قال الشيخ : أرني شكله
قال الشاب : لا أستطيع
قال الشيخ : فهذا جوابي على سؤالك الأول كلنا يشعر بوجود الله بآثاره وعلاماته ولكن لا نستطيع رؤيته في هذه الدنيا
ثم أردف الشيخ قائلاً : هل حلمت ليلة البارحة أن أحدا سوف يصفعك على وجهك ؟؟
قال الشاب : لا
قال الشيخ : أو هل أخبرك أحد بأنني سوف أصفعك أو كان عندك علم مسبق بها ؟؟
قال الشاب : لا
قال الشيخ : فهذا هو القضاء والقدر لاتعلم بالشيء قبل وقوعه
ثم أردف الشيخ قائلاً : يدي التي صفعتك بها مما خلقت ؟
قال الشاب : من طين
الشيخ : وماذا عن وجهك ؟
قال الشاب: من طين أيضاً
الشيخ : ماذا تشعر بعد انصفعتك ؟
الشاب : اشعر بالالم
الشيخ : تماماً .. فبالرغم من ان الشيطان مخلوق من نار .. لكن الله جعل النار مكاناً اليماً للشيطان
بعدها اقتنع الشاب وذهب للصلاة مع الشيخ بعدما أزيلت الشبهات من عقله
وبالنهاية لايسعني سوى ان أقول





اللهم يامقلب القلوب ثبت قلوبنا على دينك

11

الهجرة و واللاجئين / هل من الممكن تغير الاوزان

« في: 12:55 27/02/2011  »

السلام عليكم

اخواني اني اتحددلي موعد سفر وانلغى لكن ما حددولي خط الرحلة فقط حددو الاوزان انو لكل شخص حقيبتين 20 كيلو هل من الممكن بعد ما احصل موعد ثاني تتغير الاوزان الى حقيبة واحدة لكل شخص بعد ان كانت حقيبتين اي يتغير مسار الرحلة ؟؟؟؟

ارجو الاجابة من اصحاب الخبرة

12

الهجرة و واللاجئين / موعد سفر أفيدوني رجاءا

« في: 16:29 06/02/2011  »

السلام عليكم أخواني واخواتي عندي موعد سفر منتصف هذا الشهر اتمنى نصيحة من كل شخص سافر او عندة موعد او عنده معلومات من صديق سبقه بالسفر معلومات تخص الرحلة او الاغراض الواجب اخذها معي علما أنو اني عندي اطفال  أني عندي معلومات كثيرة لكن ماخاب من استشار واحتمال اكو اغراض غافله عنهم ولكم مني جزيل الشكر مقدما

13

دردشة منتدى الهجرة واللاجئين / تزوروني

« في: 18:15 23/01/2011  »

تــزورونــي... تــعــرفـونــي شــفـيـع إلـكـم
أســامــيــكــم ...أســجــلـهـا أسـامـيـكـم
هــلا بــيــكـم يـازواري هـلا بـيـكـم...تـزورونـي

وحـق جـف الـكـفـيل وجوده والرايه ...انا وعباس وياكم يمشايه
...يـامـن بـعـتـو النفوس وجيتو شرايه...علي واجب اوافيكم ياوفايه
تــواسـيـنـي شـعـايـركـم..تـرويـنـي مـدامـعـكـم
أواسيكم انا وجرحي أواسيكم...هلا بيكم يازواري هلا بيكم...تزوروني

هـلا يـالـ مانسيتو ع الوعد تحظر ... اجيت ولا يهمك لا برد لاحر
وحـق دمـع العقيله وطبرت الاكبر... احظرك مااعوفك ساعة المحشر
عـلـى الـمـوعـد اجـي يـمـكـم ... ولا ابـعـد واعوفنكم
محاميكم وحق حيدر محاميكم... هلا بيكم يازواري هلا بيكم...تزوروني

يـاهـل شـايـل الرايه وجاي قاصدني... تعرف رايتك بيمن تذكرني
بـالـقطعوجفوفه وصاح لدركني ... صحت ويلاه ياخويه والظهر محني
كـسـر ظـهـري سـهـم هـجـره ... نـفذ صبري بعد عمره
اوصيكم على الرايه اوصيكم... هلا بيكم يازواري هلا بيكم...تزوروني

يـامـن قـاصـد والدمعه تجريها ... اعرف حاجتك مو داعي تحجيها
وحـق نـحر الرضيع الحاجة اقضيها ... يازاير عاهدت كل عله اشفيها
اخـو زيـنـب فـرح بـيـكـم ... هـلا ومـرحـب يـناديكم
يـحـيكم ابو الغيره يحيكم ... هلا بيكم يازواري هلا بيكم...تزوروني

زيـنـب مـن تـشـاهـد تـزوروني... تناديكم لون بطف تحظروني
مـاامـشـي يـسـيـره ولا يسلبوني... ولا بسياطهم قدرو يضربوني
تـنـاديـنـي انـا بـحـيـره ... واصـد عـيـنـي لـبو الغيره
ابـجيكم على مصابه ابجيكم... هلا بيكم يازواري هلا بيكم...تزوروني

14

دردشة منتدى الهجرة واللاجئين / قصيدة تحشيشية بين الحجي والحجية!!!!

« في: 09:32 23/01/2011  »

شلـّـج با لحياة العبرت الخمسين
عا له انتي اعله ناس اللي يحبونج
ولو مقسوم حد هذا وبعد تردين
داري صحتج واهتمي بسنونج


=================
اداري صحتي طبعا واحد سنون
خا فن الك يوم وتلعب بذيلك
اعضنك ثلث عضا ت بـا لزردوم
واتوبنّـك بعد ما تنهض بحيلك


=======================
عمي انوبه صدكـَـي وذاني اجرهن حيل
شلــــــّـلي بها لسوالف بطـلت منها
جـنت ازغير جدمي ما تشيله الكـَـاع
وحيلي ركــَـد هسه وايـدي غاسـلهه


========================
ايه هيجي اريدنك صريح وبيك خوفه اتصير
حـــــــــسبا لك مراهق - انت بالعمرين
جــوز مـن الــغزل وسوالـف العـشـا كــَـ
عــــمـرك عمــر تفكــَه من خذاك البين

15

دردشة منتدى الهجرة واللاجئين / منتخبنا الوطني

« في: 14:45 18/01/2011  »

يخبل لعبه من يلعب ويونس أبو ذنون منو مثلك يسفاح

السفاح من يلحگ بيه يونس لقبوك الماكنه ولقبوك ذباح

بهجمه لو هجم علگول يونس تخاف الحراس منك چنك شايل سلاح

يخلي الگولچي يتمنه المنيه ومنو مثلك جاب الكاس راسه


أبو الغيره منتخبنه وعالي راسه

فاز على الفرق كلها وجاب كاسه

سوه الماسوته رجال السياسه

وحد بين الشيعه والسنه

وخله بعز السما يرفرف علمنه

صفه گلوبه وفرح شعبنه

وبفوزه سنين ظلت فرحانه ناسه...
إضافة شرح
يخبل لعبه من يلعب ويونس أبو ذنون منو مثلك يسفاح

السفاح من يلحگ بيه يونس لقبوك الماكنه ولقبوك ذباح

بهجمه لو هجم علگول يونس تخاف الحراس منك چنك شايل سلاح

يخلي الگولچي يتمنه المنيه ومنو مثلك جاب الكاس راسه


أبو الغيره منتخبنه وعالي راسه

فاز على الفرق كلها وجاب كاسه

سوه الماسوته رجال السياسه

وحد بين الشيعه والسنه

وخله بعز السما يرفرف علمنه

صفه گلوبه وفرح شعبنه

وبفوزه سنين ظلت فرحانه ناسه...

16

دردشة منتدى الهجرة واللاجئين / فتاة هـــــزت أركان شــــاب !!!

« في: 17:58 17/01/2011  »

حاول شاب أن يستوقف فتاة ليصف لها مدى إعجابه بها ..

ولكن الفتاة لم تكن صيدا سهلا .. كباقي الأسماك المغفلة أو ربما البريئة ..

ردت عليه بطريقة جعلته يدور حول نفسه دورة كاملة ويهتز في مكانه ..

والأكثر من هذا أنها قلبت طريقة تفكيره وجعلته يغير نظرته القزمة تجاه كل فتاة أراد أن يتسلى بها ..

أتعرفون .. بما وكيف ردت عليه ..

بهدوء الواثقة العاقلة قالت له :

أيُّها الشابُ النبيلُ تنحّى .. إن مازالتْ فيكَ نخوةٌ عربية ..

سألتُكَ إن بقيتْ فيكَ ذرةُ كرامةٍ .. دعني أمُرُّ ولا تُكثر عليَّا ..

لديَّا مُحاضرةٌ أو موعدٌ أم أبي ينتظِرُني .. أنتَ لا يعنيكَ بِما لديَّا ..

لو كُنتَ تراني أميرةً في نظرِك .. فدعني أراكَ فارِساً عربيا ..

دعني أُصدِّقُ أنَّ الرُجولةَ مازالت في شبابِنا .. أم أنّكُم ترتدونها في المُناسباتِ الرسميِّة ..

أو في غُرفِ نومِكُم .. وعلى مقاعِدِكُم .. أو عِند مُحاولةِ صيدِ فتاةٍ غبيِّة ..

أنا كأُختك .. ولا أضُنُّكَ ترتضي لأُختِكَ هذا
أم أنَّها مُحرّمةٌ .. وأنا مسموحةٌ وشرّعية ..

أم أنَّها عذراءٌ ومُقدَّسةٌ بِالنسبةِ لكَ .. وأنا لستُ مِثلها صَبيِّة ..

أيُّها الصديقُ الشهمُ .. تَفضّل إن كانَ عِندكَ ما تقولُ
كُلِّي آذانٌ صاغية .. فأنا لكَ صَديقةٌ وفيِّة ..

ولكِن مِن فضِّلك ... لو سمحت

لا تبدأ في الحديثِ المُمِّلِ ذاته .. أَنّني أُعّجِبُكَ وأنَّكَ
على استِعدادٍ أن تتقدمَ رسميِّا ..

وأننّي مُنذُ بدايةِ العامِ أُفكِّرُ بِكِ .. ولا أنامُ ولا أآكلُ
تَصوّري .. حياتي تَلخبطت كُليَّا ..

وأنني وأنني ...

فهذا اللِسانُ ما عادَ يقطُرُ عسلاً .. ولا يحمِلهُ سِوى الأغبياء
ولستُ أتَشرّفُ إن جئتني غبيَّا ..

صَعَدَ العالمُ إلى القمرِ ومازلنا نُقزِّمُ فِكرنا بِالتفاهاتِ العاطِفيِّة ..

ومازالَ أقصى ما يَصِلُ إِليّهِ فكرُنا .. كيفَ نواجِهُ تِلكَ الصبيِّة ..

وماذا نَقولُ .. وكيفَ نَقولُ .. وأيَّ قِناعٍ نلبسُ وأيَّ شخصيِّة ..

تنّحى حضرةَ المُحّتَرم .. فلا ترضى إِمرأةٌ كريمةٌ أن تُرى هكذا

ولا أَضُنُّ أنَّ رجُلاً كريماً يَرتضي لي نظرةً دُونيِّة ..

فاحفظ ماءَ وجهِكَ وتوكّل على الله ..

إن كانتْ أوقاتُكَ لهوٌ وعَبثٌ .. فأوقاتي يا سيِّدي ذهبيه

17

دردشة منتدى الهجرة واللاجئين / عربي عربي من الالف للياء

« في: 17:50 06/01/2011  »

قاموس نك النسوان  

من الالف للياء

الالف : اريد فلوس دأشتري هدوم  
الباء : باجر لازم توصلني لبيت اهلي جيرانهم عندهم حفلة  
التاء : ترى اليوم آني ممسوية عشة جيب وياك سفري.. لو تريد
        نطلع بره نتعشه؟
الثاء : ثلاث اسابيع ما طلعنا تمشينا يالله اليوم حظر نفسك تطلعنا  
الجيم :جيرانا اشترو بيجو جديدة.. احم احم.. واحنا  
الحاء : حبيبى..اريد اغير ساعتي ,مليت من ساعتي الرولكس ؟؟  
الخاء : خابر اهلك اليوم انت ماتروح يمهم ..انا عازمتك نتعشى بره,
           بس على حسابك
الدال : دور لنا على فيلا على 3 شوارع شنو يعني بيت أخوك أحسن
            منا
الذال : ذيج السنة (قبل 10 سنوات) قلت لك اشتريلي سيارة وانت
          غلست  
الراء : روح قدم على اجازة و خلينة نسافر لتركيا.. غيرنا مو
         احسن من عدنا
الزاء : زيد مصروف البيت يعني يادوب يكفي  
السين : سنتين حابسني بالبيت .. رح اطك
الشين : شيل الولد شنو متشوفة كاعد يبجي؟ مو زين خلّفته؟
الصاد : صفط هدومك بمكانهم,مليت واني ارتب وراك  
الضاد : ضاع عمري وياك .. ليش شفت شي من حياتي؟
الطاء : طلع الملابس وشرهن حتى ميروح عليّ المسلسل
الظاء : ظليت تسمع حجي اهلك .. شوف شصار بينا
العين : عيوني..اليوم.. حجت اختك وياية على التلفون ياربي على
          هاالنفسية التعبانة
الغين : غير يا اخي ها المواضيع .. انت ليش ما تكللي احبج ؟ 
الفاء : فهمت عليك لا تكمّل ( تقطعلة كلامه حتى تحجي شغلة براسها) 
القاف : قدّر يا اخي شوية...كل شغل البيت على راسي..وانت شكو
             عليك يوميه طالع تفرفر...............
  
الكاف : كم مرة قلت لك أمك ماتحبني
اللام : ليش اهلك عزموا بيت اخوك وما عزمونا ؟؟
الميم : ما أجي وياك ببيت اهلك ..ما عزموني رسمي ..افتهمت؟  
النون : نسيت انو باجر عيد ميلاد بنت اخويه؟
الهاء : ها ..اشو هم تأخرت ببيت اهلك؟
الواو : ولدت اخت بت خالة صديقتي.. شنوديلهم هدية؟ 
الياء : يالله ايدك على25000  (حمرة) حلاوة المصالحة..لانك
        زعلتني وكسرت خاطريs

18

دردشة منتدى الهجرة واللاجئين / قصيدة تحشيش

« في: 23:26 05/01/2011  »

قصة طالب يريد يصارح بنيه طالبة وياه بالقسم
(قصيدة تحشيش)

طالب وعايف دروسي       واقرا اشعار وجرايد
وعاشگ بنيه بقسمنه      والگلب بس الها رايد
هي حلوة .. هواية حلوة    واني عمي شلون واحد
بالفرن ناسيني اهلي        وحتى لون عيوني جارد
حاولت الفت نظرها         بكل وسيلة وماكو فايد
غيرت لبسي ومشيتي       وفكري بالمودات شارد
وجللت شعري وصبغته     ولبست حتى گلايد
گعدتني ع الحديدة          لا بعت حتى الحدايد
لا تگلي ولا اگلك           بهذلتني الله شاهد
وهي تدري بس خبيثة      مثولة والدلال بارد
وانه نار بنص دليلي        خاف اصارحها وتعاند
مرة اگول احجي معاها      ومرة اگولن خلني راچد
وين چانتلي يربي           چنت متونس وگاعد
وقررت لازم ابوح           بحبي الها وما احايد
بوري ما بوري اسولف   قابل مصارح مجاهد
جيت وتقربت يمها          جسمي يرجف حيلي بايد
والضغط يمي تخربط        مرة نازل مرة صاعد
گمت اتمتم گمت اعتعت    گمت احس بلساني جامد
چني سيارة عتيگه          وانكسر من عدها گايد
ردت افلت ما عاد ينفع     گالت اتفضل شرايد
گلت عفواً من رخصتچ     بلكي عندچ قلم زايد  

19

دردشة منتدى الهجرة واللاجئين / أسماء الزوجات في بعض موبايلات أزواجهم

« في: 15:50 02/01/2011  »

أسماء الزوجات في بعض موبايلات أزواجهم

 

مرحلة الخطوبة:
 
1.
 My Love  
 
2.
 بيبي
 
3.
 حبي
 
4.
 حياتي
 
5.
 عمري
 
6.
 روحي
 
  
 
مرحلة شهر العسل:
 
1.
 عيوني  
 
2.
 قلبي
 
3.
 ميمي (إسم الدلع)
 

 
 
لما يصير عندهم طفلين:
 
1.
 أم فلان
 
2.
 البيت
 

 
 
بعد 5 سنوات زواج:
 
1.
 المحقق كونان
 
2.
 تعال للبيت
 
3.
 مصيبة في الطريق
 
4.
 لا ترد
 
5.
 المباحث
 
6.
 غلطة عمري
 
7.
 ودني لأهلي
 
8.
 أعوذ بالله من الشيطان الرجيم
 
9.
 أكلنا هوا
 
10.
 عذاب القبر  
 
11.
 البلاء الأعظم
 
12.
 غوانتانامو  
 
  
 


 

20

دردشة منتدى الهجرة واللاجئين / احبــــــــــــــــك بجنـــــــــــــــون

« في: 14:50 02/01/2011  »

كان ياما كان في قديم الزمان
‏حيث لم يكن على الأرض بشر بعد
‏كانت ‏الفضائل والرذائل , تطوف العالم معاً
‏وتشعر بالملل الشديد
‏ذات يوم وكحل لمشكلة الملل المستعصية
اقترح الإبداع لعبة
وأسماها الأستغماية
أو الغميمة

‏أحب الجميع ‏الفكرة
والكل بدأ يصرخ : ‏أريد أنا أن أبدأ .. أريد أنا ‏أن أبدأ
‏الجنون قال :- أنا من سيغمض عينيه ويبدأ العد
‏وأنتم ‏عليكم مباشرة الاختفاء
‏ثم أنه اتكأ بمرفقيه على شجرة وبدأ
‏واحد , اثنين , ثلاثة
‏وبدأت الفضائل والرذائل ‏بالاختباء
‏وجدت ‏الرقه ‏مكاناً لنفسها فوق ‏القمر
‏وأخفت ‏الخيانة ‏نفسها في كومة زبالة
‏وذهب ‏الولع ‏بين الغيوم
‏ومضى ‏الشوق ‏إلى باطن الأرض
‏الكذب ‏قال بصوت عالٍ :- سأخفي نفسي تحت الحجارة
ثم ‏توجه لقعر البحيرة
‏واستمر ‏الجنون :- ‏تسعة وسبعون , ‏ثمانون , واحد ‏وثمانون
‏خلال ذلك
‏أتمت كل الفضائل والرذائل ‏تخفيها

‏ماعدا ‏الحب‏

كعادته لم يكن ‏صاحب قرار وبالتالي لم يقرر ‏أين يختفي
‏وهذا غير مفاجئ ‏لأحد , فنحن نعلم كم هو صعب ‏إخفاء الحب
‏تابع ‏الجنون :- ‏خمسة وتسعون , ستة وتسعون , سبعة وتسعون
‏وعندما ‏وصل ‏الجنون ‏في تعداده إلى :- المائة
‏قفز ‏الحب ‏وسط أجمة من الورد واختفى بداخلها
فتح ‏الجنون ‏عينيه ‏وبدأ البحث صائحاً :- أنا آتٍ ‏إليكم , ‏أنا آتٍ إليكم
‏كان ‏الكسل ‏أول من ‏أنكشف لأنه لم يبذل أي جهد في ‏إخفاء نفسه
‏ثم ظهرت ‏الرقّه ‏المختفية في القمر
‏وبعدها خرج ‏الكذب ‏من قاع البحيرة مقطوع النفس
‏واشار الجنون على ‏الشوق ‏ان يرجع من باطن الأرض
الجنون ‏وجدهم ‏جميعاً واحداً بعد الآخر
‏ماعدا ‏الحب‏
كاد يصاب بالإحباط واليأس في بحثه عن ‏الحب
واقترب الحسد من الجنون , ‏حين اقترب منه ‏الحسد همس في أذن الجنون
قال :- ‏الحب ‏مختفيا بين شجيرة الورد
التقط ‏الجنون ‏شوكة خشبية أشبه بالرمح وبدأ في ‏طعن شجيرة ‏الورد بشكل طائش
‏ولم يتوقف إلا عندما سمع صوت بكاء يمزق القلوب
ظهر ‏الحب من تحت شجيرة الورد ‏وهو يحجب عينيه بيديه والدم يقطر من ‏بين أصابعه
‏صاح ‏الجنون ‏نادماً :- يا إلهي ماذا فعلت بك ؟
لقد أفقدتك بصرك
‏ماذا أفعل كي أصلح غلطتي بعد أن أفقدتك ‏البصر ؟
‏أجابه ‏الحب :- ‏لن تستطيع إعادة ‏النظر لي , لكن ‏لازال هناك ما تستطيع ‏فعله لأجلي

( كن دليلي )‏
وهذا ما حصل من يومها
يمضي ‏الحب ‏الأعمى ‏يقوده ‏الجنون
ولهذا عندما نحب أحدا نقول له
أحبــــــــــــك بجـــــــنــون..

21

دردشة منتدى الهجرة واللاجئين / 2010 ...... مرت وراح تروح بعد اسبوعين ... شنو التغيير الي حصلك بهاي السنه؟؟؟

« في: 12:51 15/12/2010  »

صباح الخير عليكم ...

ومساء الورد هم عليكم ...

شلونكم يارب الجميع بخير

هسه نبدي ....


سنة 2010 جتي عشناها بكل

لحظاتها وثوانيها ودقايقها وساعاتها وايامها وشهورها

وبقت اسبوعين وننتقل

..
...


الى

2011

شنو الي قدمتلك سنة 2010؟؟

شنو التغيير الي حصلك بهاي السنه؟؟؟

تقدمت خطوه للامام؟؟

بقيت بنفس مكانك؟؟

او رجعت خطوه للوراء ؟؟؟

تغير شي بيك ولو صفه بسيطه او انضافت الك تجربه

خلتك تغير ولو فكره بسيطه من افكارك؟

خلونه نسمع ارائكم .....


وان شاءالله سنة 2011

تكون سنة خير عليكم ويارب

الي ما مسافر يسافر

الي ما مشتغل يشتغل 

والي ممتخرج يتخرج 

والي ممتزوج يتزوج

والمتزوج يصير عنده نونو 

22

دردشة منتدى الهجرة واللاجئين / رومانسية زوجان

« في: 12:17 12/12/2010  »

دخل زوجان كبيران في السن أحد المطاعم



وجلسا على إحدى الطاولات




وقد لفتا أنظار المحيطين عندما طلبا وجبة واحدة فقط !!!




بعد أن قدم لهما النادل الطعام



لاحظ جميع الموجودين في المطعم





أن الزوجة بدأت تقسم وجبة الطعام بالتساوي بينها وبين زوجها




حتى الشراب قسمت نصفه لها ولزوجها في كوب آخر




بعد ذلك بدأ الزوج يتناول طعامه في هدوء




بينما ظلت الزوجة تنظر إليه من دون أن تأكل



أثار الموقف فضول أحد الموجودين في المطعم فاقترب من طاولتهما وقال

عفواً !!!


أرى أنكما طلبتما وجبة واحدة فقط !

فهل تسمحان لي أن أطلب لكما وجبة أخرى ؟



ردت السيدة بهدوء على الشاب وقالت


لسنا في حاجة لوجبة أخرى


أنا و زوجي تعاهدنا أن نتشارك في كل شيء بحياتنا


كل شيء .....


حتى وجبات الطعام و الشراب



رد الشاب وقال : ولكنك لماذا لا تأكلين يا سيدتي


فقط تنظرين لزوجك بينما هو يأكل


فكيف تشاركين معه وأنت لا تأكلين ؟






قالت السيدة : أنتظر طقم الأسنان الذي يأكل به

هههههههههه

هذه الرومانسيه على اصولها 

23

دردشة منتدى الهجرة واللاجئين / أرجوگ أعدنآ آلى گوگبنآإ الصغير

« في: 13:14 09/12/2010  »

••»••» أرجوگ أعدنآ آلى گوگبنآإ الصغير «••








مگآن آلرحلة : گوآگب آلدنيآ
وقت آلآقلآع : رحلة وآحده گل دقيقه


آلقبطآن قآئلآ:
آرجو من آلجميع إلتزآم مقآعدهم
ستنطلق آلرحله آلآن ..
نتمنى لگم رحله سعيده
وفعلآ إلتزم آلجميع مقآعدهم وجلسوآ في أمآگنهم متشوّقين للرحلة


آنطلقت آلطآئرة آلى وجهتهآ آلأولى ...
بآتجآه آول آلگوآگب وهو :


¤¤ گوگب آلخيآنه ¤¤


عدد سگآن هذآ آلگوگب گبير جدآ
گل يوم مقيم جديد
أمآ عن آهله فهم أنآس يعرفون آلحب
فآلحب موجود لديهم بوفرة ..


لگن مقآبل هذآ آلحب هنآگ آطنآن من آلخيآنة تبآع گل يوم أحبگ وأخونگ بنفس آلوقت
أهديگ گلمآت آلحب بغزآرة
أمنحگ قلبي ببرآءة لأجدگ تطعنه من آلخلف بسيفگ
مرّت سآعآت عديده في هذآ آلگوگب آلعجيب
خرجنآ منه لنتجه آلى گوگب آخر قريب ..




¤¤ گوگب آلمصآلح¤¤


أمآ عن عدد سگآن هذآ آلگوگب فهو لآ يعد ولآ يحصى
واما آهله فهم أصدقآء مع گوگب آلخيآنة
تعجّبنآ آثنآء تجوّلنآ ..
فآلجميع هنآ يعآملنآ وگأننآ قطط ولسنآ بشر
آلگلمة آلتي تخرج من أفوآههم تحمل في ظآهرهآ آلمحبة آلگبيرة
لگنهآ من خلفنآ تحمل في طيآتهآ معآني آلگره وآلحقد
فلآ يوجد آصدقآء في هذآ آلگوگب
وهنآ يسود آلمثل : آلگنز ليس دآئمآ صديق
لگن آلصديق دآئمآ گنز


خرجنآ من هذآ آلگوگب بعد تعب شديد
لتتجه آلطآئرة آلى گوگب گبير جدآ
يبدو وگأنه من آگبر آلگوآگب آلتي رأينآهآ ..



¤¤ گوگب آلضّمير¤¤


گوگب غريب بكل مآتعنيه آلگلمة من معنى ...
فحين أردنآ دخوله طلب منآ أن نرمي شيئآ نمتلگه في دآخلنآ
في آلبحر آلموجود في بدآية آلگوگب
فبعد أن نرميه سنصبح بلآ قيود
لآ يهمنآ هذآ أو هذه
فسنصبح أحرآرآ نفعل مآ يحلو لنآ
سألنآهم ومآ هو هذآ آلشي ؟؟


أجآبونآ ببرود شديد : هو شيء يرآه آلنآس گبير
لگننآ نرآه صغير جدآ بل ومهمش
هو شيء يدعى " آلضمير "
شيء بآت ضآئعآ في هذآ آلزمن


خرجنآ من آلگوگب يملؤنآ حزنٌ شديد
آننآ فقدنآ شيئآ من أنفسنآ حتى ندخل لذلگ آلگوگب آلشنيع ..


توّسلنآ آلقبطآن أن يرجعنآ آلى گوگبنآ آلوديع
وأن يوقف آلرحلة
فآجآب: مآ زآل هنآگ آلعديد من آلگوآگب لم تروهآ بعد
تعجّبنآ في آلبدآية ثم سألنآ : ومآ هي هذه آلگوآگب ؟؟
فقآل: گثيرة ..



مآ زآل هنآگ گوآگب آلحقد وآلغيرة
وآلگره وآللؤم وآلخدآع و و و و ....


فقآطعنآه قآئلين: أرجوگ أعدنآ إلى گوگبنآ آلصغير


وبعد محآولآت عديدة آستجآب لندآئنآ ..
وتوجه بنآ إلى گوگبنآ آلصغير
لگنه تعجب من صغر حجمه آلمتنآهي
ومع ذلگ فهو يرآنآ نحبه حبآ لآ ينتهي
تسآءل: ومآ هو آسم گوگبگم آلصغير هذآ ؟؟


فأجبنآ بگل ألم : " آلگوگب آلضآئع "


قآل: ومآ هو شعآره ؟؟
فأجبنآ: شعآره بسيط جدآ
آلمحبة .. آلطيبة .. آلصدق .. آلآخلآص .
ثم تآبعنآ وآلدموع آلصغيرة تخرج من أعيننآ بغصة شديده :


لگن هذآ آلشعآر بآت معدومآ للأسف ...


ولهذآ



.. فگوگبنآ مهدد بآلآنقرآض ..
.. فگوگبنآمهدد بآلآنقرآض ..
.. فگوگبنآ مهدد بآلآنقرآض

24

دردشة منتدى الهجرة واللاجئين / سوالف كبل!!!!

« في: 18:35 23/11/2010  »

مســاء الورد والياسمين على احلى اعضاء بالكون
اهم شي لحد يكح اعرف نفسي قديمة
بس خوش بنية والله 

 
اي يابه ندخل بصلب الموضوع
اليوم رغم موجود كلشي بالحياة
يعني مثلاً الصبح  نظفت وطبخت ووووو لعبت نفسكم مو؟ 
والضهر غديت الجهال ونيمتهم والحمد لله ورجعت كعدت شو هم ضايجة
ورغم انهُ اكو ستلايت وديفيدي
واكس بوكس وحاسبه ونت
وكل هذا وضايجة
(( هسه يكولون شنو هلبطر ))

بس هي هاي الحقيقه والله فد نوب ضايجة لان وين اروح قابل
جان افكر بأهل قبل شون جانو يكضون وكتهم

تعالوا شوفوا شلكيت
بالنسبه للمزعطه مال قبل احله لعبه عدهم
منو يشعل النار بالعوده اسرع
للعلم يسوون دوري وبي كأس
يشرب مي حلو لمده 3 ايام ووياها بطانيه خوص

اما بالنسبه للبنوتات الصغيرونات
فلعبتهم بيت بيوت بالخيمه 

هسه نجي للكبار شويه (( للمراهقين ))
الشباب هناك سوده عليه كل شي مشايفين
بس احله ونسه عدهم لمن يروحون للبحيره
يتفرجون علسمج كل خميس وجمعه ويشربون
شربت عنب

بالنسبه للبنوتات
كل شغلهن من يتشاوفن
وحده تغور اللخي بالهدوم اللي لابساتها
وهن كلهن حفاي

هسه نجي لاهل الخبره الكبار
هذول كارثه عدهم يتجمعون كل شهر مره يسوون لعبه
ياهو اليكتب شعر اطول
ووره شهر يتلاكون
والكل خسرانه
تسئلهم ليش
يكولولك (( عولمه ))

اما الحجيات الكبار فهذني بس يقشبن علعالم
ومايبقن احد على ذمته

عمي الله يعينهم اهل قبل والله
والسلام عليكـــــــــــــم

25

دردشة منتدى الهجرة واللاجئين / تـــوقـ!!ـع ( أوصـف) شكــل ألعضـو ألـي قبلـكـ ..}

« في: 18:21 23/11/2010  »

هلاوز 

شلونكم ؟؟


فكـرة جتي ببـالي وحبيت اطرحـها هنـا

صحيـح بعض الاعضاء والعضوات واحد شايف اللاخ بس اكو اعضاء مشايفيهم بس راسمين الهم صـورة ببالنـا

مو صح ؟

فهذا الموضوع الي هو واضـح من أٍسمـه تخيل شكل العضـو الي قبلـك !!

مثلا أشكـَر .. أسمـر .. طويل .. كصير .. سمين .. ضعيف .. ألـخ

بالأضافه الى ملابسـه ستايل شعـره ووو هواية شغلات حسب ميجي ببالكم ..

يعني هسـة الي يجي ورايه يـوصف شكلي حسب ميتوقعه او حاطة بباله

والوراه نفس الشي وهكـذا ..

أن شاء الله تعجبكم اللعبـه

يلا

هـزووووو  هزوووووو
..

26

مواضيع الحياة العامة في بلاد المهجر (امريكا) / المساعدات في امريـكـــــــــــــــــــــــــــــــــــا

« في: 18:20 09/10/2010  »

السلام عليكم احبتي

اخواني واخواتي الاعزاء لدي اخ وصل الى امريكا تحديدا الى ولاية جورجيا _اتلانتا وصل قبل اسبوع تقريبا اتصلت به واردت ان اعرف كيف سارت اموره من لحظة دخولة الى حد الان اتضح لي ان الكثير من الحقوق التي يجب ان يحصل عليها كاي لاجئ لم يحصل عليها .....اسئلتي كانت لة

انطوك الولكم؟

لا ولا فلس

ليش ؟

داعيت بيها والموظفة الي بالمنظمة التابعة للهجرة كالت ماكو ولكم لان اشتريتك سرير ودفعتلك ايجار 3 اشهر مقدم وووو

زين انطوك مصرف جيب؟

اي 20$!!!!!!

والفودستامب ؟

على اساس 200$ بس هية الموظفة طلعت وياية واتسوكتلي  

زين سولك ssn؟يعني السوشل سكيورتي نمبر؟

لا

زين شوكت تسحب نت؟

ما اسحب اكو يمنا مكان خاص بيه مقهى نت وصالة للالعاب وحديقة تابعة للبيت الي ماجره اي مجانا الاشتراك بيه بس ما يصير اشد اللابتوب مالي ممنوع وممنوع افتح ماسنجر  

اخواني ياريت تفهوني شنو السالفة وشنو هذا الحجي ترى بديت اقلق على اخوية وعلى نفسي بالمستقبل  

تحياتي للجميع اختكم

ام سوسو

27

دردشة منتدى الهجرة واللاجئين / شيقربلك هذا الاسم؟؟؟

« في: 00:04 14/09/2010  »

مرحبــــــــــــــــــــــا

شلونكم عيني ان شاء الله مرتاحين جميعا


اللعبة كلش سهلة الواحد هوة ومغمض يلعبها


واحد يكتب اسم يدخل الثاني يكول شنو يقربلة الاسم



مثلا هسة اني اكتب اسم سارة مثلا يجي واحد يكول اختي او بت خالي ويكتب وراه اسم ثاني وهكذا

سهلة السالفة مو لو مو مو


يلة نبدي



احمـــد

28

دردشة منتدى الهجرة واللاجئين / * ♥ ~ اذا ضـايــّجـْيـنْ تـــعــّالـــوا نــَغــنـيّ سْـويــّـة ~ ♥

« في: 16:52 13/09/2010  »

صبآحكمـ / مسآكمـ .. ورد جوري

كيفكم احلى اعضاء ان شاء الله بخير..



الموضوع واضح من عنوانه : اذا ضايجين او ما ضايجين تعالوا نغني سوية هنآ ،.

تحيات مال اني الكمـ

راح ابدي اني احم احم

جيت وشجابك حبيبي
من بعد طول المغيبي
ولا ناوي يا حبيبي
تغرك الغركان اكـــثـــر ..!!

يارب يعجبكم الموضوع وكلكم تشاركون

29

الهجرة و واللاجئين / الفحص الطبي

« في: 16:45 22/08/2010  »

السلام عليكم

تحية الى كل شباب منتدانا

عندي بعض الاسئلة الكم وياريت الكالها جواب اني سبق وان كلتلكم قابلت محلف نهاية شهر السابع وبصراحة من دزت المنظمة الايميل وحددت موعد لمقابلة المحلفين استغربنا لان كنا متصورين مقابلة اولى +فحص طبي+مقابلة المحلفين بس بعدين عرفت ممكن تصير مقابلة المحلفين مباشرة بعد المقابلة الاولى والفحص الطبي بعدين

اسفة على الاطالة

اسالتي هي

1_اكو واحد منكم مقابل محلف شهر السابع وما مسوي فحص طبي لحد الان؟

2_الي قابلو محلف باي شهر كان شكد الفترة الي بعد المقابلة واتصلو بيكم على فحص؟

3_ممكن يكون اكو علاقة بين تاخير الفحص والرفض؟بمعنى اصح اذا هملو الفحص او اتاخر معناه الرفض او همة ديمشون بالسرة وسرانا ما واصل

اتمنى تجاوبون على الاسئلة هذي واكون شاكر الكم ترى بديت اخاف  :'(مع احترامي ومودتي

30

الهجرة و واللاجئين / يوم 28

« في: 20:09 30/07/2010  »

السلام عليكم

اخواني اني قابلت اني وزوجي واطفالي مقابلة اولى iom بغداد وبعدها كنا منتظرين ان يعطونا موعد فحوصات طبية واذا بهم دزو ايميل وانطونا موعد للمقابلة الثانية وكانت اول امس 28_7 دخلنا على المحلفة كانت صينية او كورية لكن هية اكيد اصولها امريكية حققت وياية سالت كم سؤال ما الهن اي علاقة باسئلة المقابلة الاولى بعدها طلبت مني اني والاطفال ننتظر في غرفة استراحة العوائل بعدها اجة زوجي ضايج وعرفت منه انو مخربط بالتواريخ مو بالوقائع سؤالي الكم هل هذا الشي ممكن ياثر علينا والسؤال الثاني بعد مقابلة المحلفين شكد ويدزون علينا فحوصات مع مودتي واحترامي