مواضيع

1

الهجرة و واللاجئين / سؤال عن سعر صرف الدولار ( تركيا , لبنان , الاردن , سوريا )

« في: 15:26 14/09/2010  »

كل عام وانتم بالف خير ,,,, ويارب الكل تتوفق وتنجح وتتحقق جميع امنياتكم يااااااااااااالله ياااااااارب . اخواني اخواتي عندي سؤال بلا زحمة عليكم ارجو الجواب :   كل 100 دولار  كم تعادل بالنسبة لليرة التركية ,, واللبنانية ,, والاردني والسوري ....  وشكرا لكم .  لنو بصراحة مثل ما كلت سابقا عندي اصدقاء هوايا يريدون يسافرون وما عدهم نت وما يعرفون يستخدموه ودائما يسالوني وانا ما عندي غيركم الكا الجواب الى في المنتدى العظيم عنكاوه .

2

الهجرة و واللاجئين / موقع فيه كل ايميلات وموبايلات السفارات في كل العالم ,, ادخلوا راح تستفادوا

« في: 18:56 05/09/2010  »

اخواني الاحباب اقدم اليكم موقعا فيه كل ايميلات السفارات وارقام موبايلاتهم  ,,,  طبعا هاي السفارات كلها موجودة في جمهورية مصر العربية  واللي ايريد يتصل بيهم عن طريق الموبايل لازم يتصل قبل انتهاء الدوام الرسمي طبعا ,,,  او اذا تحبون ترسلولهم ايميل عن طريق النت وياااارب تستفادون منه ,,,,,  اخوكم ابو سعدون .  
   اليكم الموقع :  http://www.ejazti.com/EjaztiWorld/Encyclopedia/Figures.aspx?Countryid=171&CityID=2164&LangID=1&LangValue=ar-Eg

3

الهجرة و واللاجئين / سؤال الى الاخت كوكي و بقية الاعضاء اللي في الاردن حصرا ولبنان .

« في: 18:43 05/09/2010  »

السلام عليكم جميعا وكل عام وانتم بخير ,,, عندي سؤال الى الاخوة اللي بالاردن :    الواحد ( العائلة اقصد )شكد يكدر ايجيب وياه جنط مال سفر بحدود كم كيلو ,,,,  بالنسبة للسكائر ما هو المسموح به كم تكة يعني ,, ,وهل هنالك فرق في الاوزان بالنسبة للسفر ان كان برا  او  جوا ,  وشكرا للجميع .

4

الهجرة و واللاجئين / الدول المانحة للفيزا ,,, استفسار مهم ارجو الاجابة

« في: 20:14 03/09/2010  »

اخواني الاحباب الافاضل ,, جاءني سؤال من احد الاقارب وبعض الاصدقاء :  من هي الدول التي تمنح فيزا للعراقيين عدا سوريا والاردن ولبنان ومصر وتركيا,,,,  عدا هاي الدول اكو  لولا وشكرا للجميع .

5

الهجرة و واللاجئين / اكو هيج شي بسوريا لو لا ؟؟؟

« في: 23:15 01/09/2010  »

احبابي الغالين شلونكم ياااارب بخير ,, اخواني عندي صديق مقرب مني جدا جدا ويريد يقدم لليو ان عن طريق سوريا لنو  اخوته وخواته واقاربه هناك ,, وهو قلق جدا لنو  اقاربه كالوله مننصحك تقدم لليو ان بسوريا لنو الموظفين الي هناك اكثرهم يشتغلون لصالح المخابرات السورية وبس يعرفن بيك مشتغل ويا الامريكان راح الموظف ايعرقل طلبك  ويماطلون وياك وروح وتعال فد سنتين ثلاث وبالاخير متحصل شي ,,,,,,,,,,,,  احبابي اكو هيج شي لو لا ,,وهو خطية اتوسل بيا حتا اتصل بيكم وننتظر نصيحتكم لنو حسب معلوماتي عنه هو ما ايريد ايسافر ( ايقدم ) لاي دولة عدا سوريا لنو اخوته وخواته  واقاربه هناك ويكول اخاف اخوتي خافوا  او ظاجوا من كلتلهم اني جنت مشتغل مع الامريكان واريد اقدم لليو ان في سوريا ........ شكرا شكرا للجميع..

6

الهجرة و واللاجئين / فيزا الاردن شلون ومتى واين ( للعراقيين اللي بعدهم بالعراق حصرا ) .

« في: 00:51 01/09/2010  »

احبابي الغالين الطيبين السلام عليكوووووووم ( لكل العراقيين اللي بعدهم بالعراق بس ) حبيت انطيكم رابط لكل من يرغب بمعرفة تفاصيل الفيزا الى الاردن ( وين وشلون ) ,, بصراحة انا ما طلعت فيزا بس اقاربي طلعوا فيز هواي عن طريق هذا العنوان , وعلى كل حال ماخسرانين خسارة عناوين  وايميلات وموبايلات الشركة كلها موجودة ع الرابط , ونشالله تستفادون,  اخوكم ابو سعدون .
   http://iqp1.maktoobblog.com/9/%E2%80%8F-%D9%83%D9%8A%D9%81%D9%8A%D8%A9-%D8%A7%D9%84%D8%AD%D8%B5%D9%88%D9%84-%D8%B9%D9%84%D9%89-%D8%A7%D9%84%D9%81%D9%8A%D8%B2%D8%A7-%D8%A7%D9%84%D9%89-%D8%A7%D9%84%D8%A7%D8%B1%D8%AF%D9%86-%D9%85/[/color][/b]
           

7

الهجرة و واللاجئين / خايف ومحرج - افيدونا مشكورين

« في: 20:31 28/08/2010  »

[color=red]اخواني احبابي اكو عندي سؤال كلش يقلقلني ويخوفني :  اذا الواحد طب لعمان او لبنان خوما اكو خطورة عليه اذا كان يعمل مع الامريكان لنو بصراحة اخاف من الاغتيال من قبل الارهابيين او البعثيين او او او ؟  لنو اعتيادي وشي اكيد راح يسالون الشخص شعندك طالب لجوء شجنت تشتغل وهذا سؤال بديهي وخصوصا من قبل اخواننا العراقيين او الجيران او الاصدقاء في الاردن  . يعني الواحد شيكول للناس .[/color][/b]

8

الهجرة و واللاجئين / اين يقع مكتب الامم المتحدة في بيروت

« في: 01:46 26/08/2010  »

السلام عليكم ايها الاصحاب الاحباب ,, شلونكم انشاء الله زينين وبخير :  اخواني اخواتي اين يقع مكتب الامم المتحدة في بيروت الخاص بتقديم طلبات اللجوء, اريد العنوان بشكل دقيق ومضبوط بيا منطقة ,,,, وهل هناك مكتب اخر في لبنان عدا بيروت  واين ,,, وهل يوجد شقق للايجار قريبة من مكتب الامم المتحدة  وشلون السعر ,,,, اخواني اتمنى الاجابة بشكل مريح وواضح الله يحفظكم ويحقق كل ما تتمنوه وبسرعة ياااااااااارب امين يااااااااألله .

9

الهجرة و واللاجئين / عن لبنان ,,فد واحد يطلب مساعدتكم المعنوية

« في: 01:50 25/08/2010  »

احبابي الغالين تحياتي اليكم جميعا ونشاء الله تكونون بالف الف خير ,,,, شكد ما احجي لاصدقائي المقربين عن منتدى عنكاوه وطيبتكم واحترامكم لكل فكرة ورأي ولما تقدموه من مساعدات فكرية ومعلومات طيبة  ,, كاموا يسمونني ( ابو كاوه ) ههههههه ,, لنو جميع اصدقائي ما عدهم خط نت بس اني وتلكاهم يوميا يسلوني الف سؤال والكل ايريد يطلع بره خارج العراق ونا اكوللهم قابل اني ماعندي شغل وعمل ,, بس حقهم والله الناس تعبانيين ويفكرون بعيشة افضل وما الومهم ,,, المهم اخواني واحد من اقربائي ( ابن خالي متزوج وعنده عائلة ) كلفني ان اسالكم سؤال عن لبنان :  اسعار الشقق ,, اسعار بيوت الايجار ( من - الى , اسعار تقريبة يعني ) ,, وين يتواجد العراقيين اكثر شي في بيروت ,, الاسعار بصورة عامة خوما مثل الاردن كل شي نار ,, شنو هي المناطق الامنه اللي ما بيها مشاكل وقال وقيل ,,, واي معلومات اخرى عن لبنان ممكن تفيدوه بيها  ....  مع احترامي للجميع والف شكر وتقدير الكم ,,, اخوكم ابو سعدون .

10

الهجرة و واللاجئين / سؤال بخصوص اسعار الفيزات

« في: 00:05 22/08/2010  »

اخواني احبابي مرحبا بكم وامنياتي للجميع ,,  فد سؤال بليا زحمة عليكم : سؤال للعراقيين اللي سافروا قبل فترة قصيرة يعني لهذه الدول:   مصر ,, الاردن ,, لبنان ,, سوريا .
   ممكن اتفيدونا باسعار الفيزا بالنسبة ( لمصر - الاردن - لبنان - سوريا ),,,  لنو اخوكم ابو سعدون كاعد بلبيت وما اطلع بره لظروف خاصة مؤقتة ,,,    اني خلاص امقرر اروح الى الاردن لكن عندي اصدقاء هوايا ما عدهم انترنت ويريدون ايسافرون باسرع وقت .  وطلبوا من هل شي : تحياتي وما تقصرون والله .

11

الهجرة و واللاجئين / افيدوني عن موضوع ( ايميل المسؤول ) .

« في: 20:47 20/08/2010  »

[b]احبابي الغالين شلونكم ,, والله المنتدى صاير اكثر من رائع ,, والواحد كلشي ايدور بذهنه يلكا جواب يمكم ,,, اخواني عندي سؤال بخصوص ايميل المسؤول :  اني اشتغلت بشركة امريكية مدنية مرتبطة بالجيش الامريكي ونطوني كتاب توصية وتزكية موقع من ظباط كبار لعدة وحدات عسكرية لكن الكتاب ليس فيه مذكور ايميل الشركة لاننا ماينطونا ايميل الشركة اثناء عملنا معهم ,, لكن عندي ايميل الشخص المسؤول عني وهو عراقي يحمل الجنسية الامريكية وهو المسؤول عن عملي ونتابادل العمل والامور الاخرى عن طريق ايميله الخاص ,,,, زين اذا مسؤولي راح الى اهله في امريكا  او مات لا سامح الله او او او او  يعني الحياة كلشي بيها . ونتهى عمله في الشركة في هاي الحالة شلون ,,,,,   ارجوكم افيدوني مشكورين .[/b][/size]

12

الهجرة و واللاجئين / سؤال الى انجي وبقية الاخوة والاخوات

« في: 18:28 18/08/2010  »

السلام عليكم جميعا ايها الاحباب ,,, صديقي سألني سؤال وحبيت تجاوبون عليه وخصوصا الاخت انجي , السؤال هو انه صديقي عنده كتاب توصية وتزكية وشهادة عمل مع الامريكان وموقع من بعض الجنرالات : الكتاب صدر في الشهر السابع من عام 2010  لكن صديقي لا يرغب بالهجرة حاليا لا رتباطه بعمل جديد مع احدى الشركات الامريكية بالعراق وينتهي عقده في شهر شباط القادم ,,,, يريد ان يعرف هل يؤثر هذا في حالة تقديمه لطلب الهجرة ,,, يعني ( انه يريد التقديم بعد ستة شهور من الان , فهل يؤثر هذا على قبوله على اعتبار ان الكتاب والتوصية سيكون عليها سنة  من الصدور,, هل سيعتبرون الكتاب قديم أم ان هذا لا يؤثر )  نرجو الاجابة من اصحاب الخبرة . مشكوريييييييييين وتحيات للجميع .

13

الهجرة و واللاجئين / زوجتي ام سعدون ( اختكم ) سألتني سؤال وماعرف الجواب : جاوبوني

« في: 14:14 06/08/2010  »

احبابي اليوم ويوميا نحجي انا وزوجتي بموضوع اللجوء والحمد لله كل ما يدور بذهنا من اسئلة لكيناله جواب شافي وكافي ,, ماعدا اهم سؤال اليوم سالتنياه قبل شوية ومكدرت الكاله جواب وكلتلها خلي انشوف الاخوة بلمنتدى اللي عايشين بمريكا هم اصحاب خبرة : السؤال :  اذا احنا طبينا لمريكا وبعد اسبوع شهر شهرين ما اعجبتني الحياة هناك مثلا , وردت منك نرجع للعراق ؟؟ شلون اذا ردنا نرجع وما عدنا فوس وتكاليف الرجعة الى الاردن او العراق منو راح ايرجعنا ,,,
    اخواني والله اريد جواب مضبوط 100 مية لنو بصراحة هذا سؤال كلش مصيري وحيوي ومهم ,,, جاوبونا الله ايخليكم قبل ما تقلب زوجتي وتعوفني اسافر لوحدي ههههههه .

14

مواضيع الحياة العامة في بلاد المهجر (امريكا) / هل الشهادة الجامعية ضرورية ,, افيدوني ع السريع رحمة لوالديكم

« في: 04:43 06/08/2010  »

[size=16pt]احبابي الغالين --- سلام عليكووووووم : اريد نصائحكم ومعلوماتكم ايها العنكاويين :
   هل جلب الشهادة الجامعية وشهادة التخرج من الجامعة امر ضروري ومهم في اوراق التقديم للهجرة ,, ان كان الجواب نعم ,فهل يتطلب الامر تصديق الشهادة من وزارة الخارجية العراقية ببغداد ام اكتفي فقط بختم وتصديق الكلية ورئاسة الجامعة فقط ,,  ,fhgks  وبالنسبة للمستمسكات الشخصية التعريفية مثل هويات الاحوال والجناسي العراقية خوما همين يحتاجن ترجمة .
   وقبل لا انسى الشهادة اجيبها بلغة انكليزية لو عربي  لو ميفرق شي .  افيدو اخوكم ابو سعدون .[/size]

15

الهجرة و واللاجئين / جماعة شركة سوسي SOSI. اللي مشتغل بيها يطب , مهم

« في: 07:21 05/08/2010  »

احبابي الغالين شلونكم انشاء الله زينين وياربي ايوفق الكل ,,, حبيت اسال اذا اكو واحد يعرف هاي الشركة  ( SOSI)ومشتغل بيها وبعدين حصل لجوء ,,,, طبعا ما اريد اذكر اي معلومة عن الشركة بس اللي مشتغل بيها يعرفها زين ,, اذا اكو هيج واحد اتمنا يخبرني حتا نتناقش بالمهم ,    تحياتي للكل اخوكم وعمكم وخالكم - ابو سعدون -

16

الهجرة و واللاجئين / لا تضجون مني ارجوكم : سؤال مهم جدا

« في: 17:49 04/08/2010  »

بالنسبة لطلبات التقديم ع الهجرة لامريكا ,, ومثل ما ذكرت في موضوع اخر عندي كل مايؤيد الاوراق الثبوتية ,,, صحيح انا عملت الشركات المرتبطة بالجيش الامريكي لمدة سنتين ونص ,, لكنني ولله الحمد لم اتعرض الى اي تهديد بسبب حرصي والسرية التامة التي اتمتع بها ( تعرفون واحد مثلي عمره فوك الاربعين - خبرة يعني ) , سؤالي : يعني هل يشترطون تعرض الشخص الى تهديد وما شابه ذلك  لو مو شرط ,,, يعني اذا سالوني تعرضت لتهديد راح اكول لا ,, لكن اكول الهم اني ارغب باللهجرة وعندي شهادة وكتب رسمية ووو :   مو هيج الحجي لو اكو غير معلومات ,,, افيدوني ومن خبرتكم يستفيد اخوكم ابو سعدون .
    وسؤال اخر رحمة لوالديكم : هل استطيع من التقديم الى بلد اوربي اخر عدا امريكا اذا اني مثلا مقتنعت بموضوع امريكا - يعني اكدر اقدم ليا دولة وهل راح ايكولون لي يابه انت مشتغل مع الامريكان روح عليهم وعلى دولتهم احنا ما النا علاقة ؟؟؟[/color]

17

الهجرة و واللاجئين / فدوة لعيونكم فد سؤال زغير من اخوكم ابوسعدون

« في: 13:12 04/08/2010  »

اذا واحد منا طب الى اميركا في بداية الوصول وما عنده بس مبلغ بسيط جدا بجيبه ,,, شلون راح يتصرف اول يوم,, ثاني يوم,, ثالث يوم ,,(((( يعني اكو مساعدة مالية في بداية الوصول ))) يعني هيج سؤال جاي على ذهني وخصوصا اني عندي عائلة من اربعة اطفال دون السابعة . افيضوا عليا ايها العمالقة باجوبة تشفي الغليل , وما تقصرون والله .

18

الهجرة و واللاجئين / راسي راح ايطك - فهموني يمعودين الله ينطيكم كل ما تتمنون؟

« في: 10:44 04/08/2010  »

عندي سؤال امدمرني افكر بي ليل نهار - ولو هو سؤال سابق لاوانه بس كلش مهم :  اريد افتهم الواحد لمن يحصل على اللجوء ويطب لامريكا وتوا نزل من الطيارة وين ايروح هو عائلته ( شنو ايعفوه ايروح ايدور سكن مثل الاعمى لو يتركوه يا موسى انت وربك )
  يعني اكو منظمة تستقبله حال الوصول لكي يضمن وين اينام هو وعائلته لو شنو السالفة وشلون :  اريد جواب مال لحظة ما تطب ارض المطار وين تروح وشلون تسكن كأول خطوة مباشرة .

19

الهجرة و واللاجئين / بعون الله راح اسافر الى الاردن ,, اريد جار عراقي اكون قريب منه واتشرف بيه

« في: 21:59 03/08/2010  »

احبابي العراقيين اللي موجودين بالاردن انا قررت ان اسافر قريبا الى الاردن للتقديم من هناك بعد ما اخذت بنصائح وتجارب الاخوة مع احترامي لبقية الردود والنصائح الاخرى على عيني وراسي ,, اتمنا من اي عراقي عايش بالاردن يدلني ويعلمني على منطقة سكن بيت او شقة تكون مناسبة من ناحية السعر والجيران وياريت ايكون جيراني عائلة عراقية ,, لذلك اتمنا وقبل ما اجي ان احصل على جيران عراقيين في الاردن لنو انا ما امسافر لاي دولة هاي اول مرة بحياتي  ومثل ما تعرفون انا عندي عائلة متكونة من زوجة و طفلين والثالث بل طريق يمكن يولد بالاردن اذا شاء الله ,, اذا اكو احد يساعدني ويدلني على منطقة سكن تكون هادئة واهم شي بيها عراقيين اكون ممنون منه جدااااااا ,,, واتمنا من يريد مساعدة ابو سعدون ان يكتب لي ع الخاص تلفونه ام ايميله للتواصل والتفاهم   او ع القليل ينطيني رقم موبايله مال الاردن حتا من اوصل اتصل بيه  ونا اتشرف بكل عراقي شريف غيور طيب ولكم من الله الثواب والاحسان ومني لكم الدعاء خالص الدعاء مني ومن ام سعدون .

20

سجل الزوار و باب الاقتراحات / مهم جدا وضروري

« في: 17:35 03/08/2010  »

[size=16pt]احبابي الغالين بعد التحية والسلام من ابو سعدون ,واقترح عليكم ان تنشئوا لنا قسم خاص يتم فيه عرض من قبل الاعضاء المقيمين في اlميركا بنشر صور عن  الولايات والمدن الامريكية بالنسبة  للعراقيين المقيمين بامريكا هناك ليتسنى لنا اخذ فكرة عن :  الشوارع مثلا الحدائق الاسواق البارات  المنتزهرات  محلات بيع والتسوق و و و  لكي نعرف كيف يكون عيش العراقي وكيف هي منطقته ,, يعني لناخذ فكرة مبسطة لتترسخ باذهاننا  ولكي اقوم بعرض الصور على زوجتي واطفالي واقول لهم انظروا هنا يعيش اخوانكم وهذه حياتهم مو مثل حياة ابو سعدون وصلت فوك الاربعين والحمد لله لا بيت ولا وظيفة وشهادتي الجامعية تخت واكلها ا الفار وصارت لوحة فنية للرسام فان كوخ  وسلفادور دالي  ودافنشي .  وشكرا ,, اتمنا متظوجون مني .  اذا تمت الموافقة ارجو اعلامي .[/size]

21

الهجرة و واللاجئين / اروح لسوريا لو الاردن لو وين ياهو احسن بلد عربي

« في: 17:14 03/08/2010  »

احبابي والله كلمة شكرا قليلة بقكم ايها الاحباب الالباب ,, احبابي اني بعد كم راح اسافر من العراق لغرض تقديم اواراقي الى اي او ام  او اس اي في  لكنني محتار اروح لسوريا سمعت ايكولون هناك اكو عرقلات هواي لنو نظاهم وحكومتهم شويه معقدة وخصوصا العراقي اللي كان يعمل مع الامريكان مثل ابو سعدون --- بس اني اتمنا اروح لسوريا لانها رخيصة  لكن خوفوني منها   ,, مدري هيج سمعت من اكثر من واحد ,,, وذا اروح لمصر  لازم اطلع فيزا للعائلة لكل فرد فيزا ب 1300 دولار للواحد وهذا مكلف حيل على ابو سعدون ,, فكلت ويا نفسي وقررت اروح الى الاردن احسن لي ....  بعد ما ادري اذا اكو دولة عربية غير هذني تمنح فيزا رخيصة للعراقيين مثل الاردن ,,, افيدوني واريد اسالكم عن لبنان ممكن اروح الها وهل هي مكلفة من ناحية الفيزا ,,,, جاوبو اخوكم ابو سعدون عفيه الله يرعاكم يااولاد عمي .

22

الهجرة و واللاجئين / عندي مدة عمل مع الامريكان سنتين ونصف - ايهما احسن للتقديم IOM أو SIV

« في: 14:56 03/08/2010  »

زملائي وزميلاتي الله يرعاكم انا عندي شهادة وكتاب يثبت انني عملت مع القوات الامريكية سنتين ونصف ,, ردت اسال السادة والسيدات الافاضل ايهما افضل لي للتقديم على الهجرة  IOM   ام   SIV   افيدو وفيدو  اخوكم ابو سعدون ترا عمري عبر الاربعين وبعدني اراوح بالعراق وكلشي ما املك لا بيت لا وظيفة لا كهرب لا ماء وفوك كل هذا ضياع في ضياع ع القليل اضمن مستقبل هذولة اطفالي ليصيرون مثل ابوهم تعب في تعب في معناة حتا عبرت الاربعين وبعد لحد الان اصارع الامل والامل وماريد ايئس ارجوكم اني بذمتكم وانخاكم نخوة عراقي اصيل .

23

الهجرة و واللاجئين / انا وافراد عائلتي نحمل جواز جي ماعدا طفللنا الصغير عنده جواز فئة A

« في: 14:47 03/08/2010  »

اخواني زملائي كيف حالكم اتمنا ان تكونوا بخير ,, حبيت اسال العمالقة الكبار والصغار في منتدى كل العراقيين والعرب عن شغلة صغيرة قبل ما اسافر واترك العراق لطلب اللجوء الى الولايات المتحدة وقبل السؤال طبعا عندي كل مستلزمات الهجرة انشاء الله لكن سؤالي هو : انني انا وزوجتي وبقية افراد العائلة جميعا نمتلك جوازات من فئة G   ماعدا طفلي الصغير وعمره اقل من سنة عنده جواز من فئة  A  فهل هذا يؤثر على حصول الموافقة بطلبات الهجرة ,,, علما انه حاليا متوقف اصدار الجوازات من فئة جي وحاولت بكل جهدي ان احصل لطفلي جواز جي لكن بدون فايدة ,,  ارجوكم افيدوني افادكم واغناكم الله .