مواضيع

1

الهجرة و واللاجئين / بشــارة الف الحمد لله والشكــر

« في: 14:04 31/12/2013  »

الــسلام عليـــكم
بعد اكتمال الامنية في يوم 12 /12 والملف ايضا اصبح فعال بنفس اليوم
امـس بعد الثانية صباحا تحول السفر انتظار ولله الحمد وبعث لي ايميل بجدولة السفر من المنظمة في عمان
الف الحمد لله والشكر حبيت افرحكم وادعولي الله ييسر الي وويسر الكم
معلومات الملف

تقديم 2010
توطين 2012
IOM شهر الرابع 2013
محلفين شهر الخامس 2013
فحص طبي شهر السابع 2013
تغير كفيل شهر الثامين 2013
الاتصال بالكفيل شهر الثامن 2013
اكتمال الامنية 12/12 2013
تحويل خانة السفر الى انتظار 31/12 2013
يوم الي الكم حبايبي
تحياتي

2

الهجرة و واللاجئين / أكتمال الامنية والملف اصبح فعال

« في: 11:00 18/12/2013  »

الســلام عليــكم اخواني
أكتملت الامنية عندي الحمد لله قبل 4 ايام من جيكت الموقع والى الان والملف اصبح فعال بعدما كان بأنتظار النتيجة لكن السفر غير فعال الى الان
معلومات الملف
محلفين الشهر الخامس ونتيجة 30/6
تتوقعون الامور تبشر بخير لأكتمال امنية اغلب الاعضاء وسفر بعضهم لو ممكن تروح الامنية ؟
علمنا هاي اول مرة تكتمل عندي ويارب تضل يمي ويمكم
تحياتي للجميع وحبيت أبشركم انو اكو حركة واي جديد اكتب بأذن الله
مودتي

3

الهجرة و واللاجئين / سؤال يرحم والديكم

« في: 12:55 15/12/2013  »

السلام عليكم صارلي تقريبا 5ايام مفاتح الموقع واليوم فتحته لكيت متحول الملف من انتظار الى فعال والامنيه مكتملة والمطار والمدينه مختفيات من الخلل .. فدوة طمنوني كملت الامنية صدك لو هم خلل فني اكتمالها ؟؟
تحياتي الكم ويارب تفرج عالجميع

4

الهجرة و واللاجئين / محتاجكم بأستفسار اخواني الاعزاء ضروري جدا

« في: 03:07 14/07/2013  »

الســلام عليـكم جميعا

اني قابلت محلفين يوم 27 /5 /2013
وبنفس اليوم صار المحلفين كوبليت وورة يومين صار الفحص فعال
واستلمت النتيجة بفضل الله وحمدة موافقة مبدئية يوم 30 /6
واكثر الوجبة الي وياية كملت فحص طبي واني الى الان ما اتصلوا بية ومن اتصل بيهم يكولولي اسمك بالجدول
وايضا رحت الخميس الي فات ونفس الكلام
هذا الشي طبيعي ماخرين الفحص مالتي؟ لو اكو خلل
لان الصراحة بديت اقلق

وشكرا جزيلا مقدما للناس الي راح تجاوب
تحياتي جميعا

5

الهجرة و واللاجئين / سؤال يرحم والديكم وشكرا مقدما

« في: 23:03 28/06/2013  »

الســلام عليــكم
حبايبي اني قابلت محلفين يوم 27 بالشهر الي فات وبعد المقابلة بيوم صارت خانة المحلف كومبليت وبعد 4 ايام او 5 تقريبا صار الفحص فعال
والى الان نفس الشي , اغلب الي اعرفهم الي قبلي قابل والي بعدي فحصوا فحص طبي واني ليهسه مخابروني فهل هذا شي طبيعي ؟
وخانة المحلف من تصير كومبليت والفحص فعال يعني مو امل عالموافقة زين لو هم بية نسبة رفض او تعليق جبيرة ؟
محتاج اجوبتكم للي عندة خبرة بالموضوع واكون ممنون منكم
وهاي حالة ملفي

Pending Result (بانتظارالنتيجة)   
Case Size (عدد الأفراد)   1   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   IN PROCESS (فعال)   
Security Review (التشييك الامني)   Pending (بالانتظار)   
Travel Status (حالة السفر)   NO ACTIVITY (غير فعال)   

تحياتي الكم

6

الهجرة و واللاجئين / دخيلكم ساعدوني

« في: 23:21 11/06/2013  »

الــسلام علــيكم

اخواني اروحلكم فدوة اريد كفيل بنيويورك ويفضل ب albany واكون الكم ممنون
كلشي ما اريد من الكفيل بس يجيبني يمة لان نيويورك لازم كفيل يلا اكدر اجيبة لاجيء
ساعدوني الله يفرج همكم انتوا او الي تعرفوة اخوكم محتاج مساعدة ويارب ما تفشلوني
تحياتي الكم يا اهل الخير

7

الهجرة و واللاجئين / مسأاعدة يا أهـل الخـير

« في: 10:23 23/05/2013  »

الســلام عليـكم ورحمة الله وبركاتـة

شلونكم يا اهل الخير يارب بخير وصحة وسلامة
محتاج منكم كفـيل بنيـويورك بمنطقة Albany جدا
الي يكدر يكفـلني " معنويا " فقط اكون الة ممنون لان محتاج اجي بهاي المنطقة
والي يكدر ينطيني معلومات على المنظمة اكون ممنون
وبارك الله بيكم مقدما
تحياتي

8

الهجرة و واللاجئين / أشــاعة

« في: 18:18 11/04/2013  »

السلام عليكم ورحمة الله وبركاتة

اٍسم الموضوع شوية يجذب لذلك كتبته بهاي الطريقة

اليوم الموضوع بخصوص الاشاعات الي تصير كل سنه ومع الاسف العراقين بالاخص يكرروة وما يتوبون
يعني بس كولولي منين يجيبون اخبار انو الملفات راح تخلص بفلان شهر ؟ او IOM راح ينسد بفلان شهر؟
الله شافو بالعين لو بالعقل يابة!

ال IOM والكل تعرفين انو بدت تسرع اجرائاته من شهر الثالث 2012 والتسريع جاري الى الان واتحدى اي نفر بعين كاوة او حتى بامريكا شوكت ينتهي التسريع
اتقوا الله قبل لا تنزلون موضوع وتخبلون بي العالم
تره اكو ناس توة مقابلة توطين مثلا لو توة مقدمة وكلها امل وانتوا بمواضيعكم المغرضة الي ما اله معنى دتسوون احباط الهم وممكن بموضوع من مواضيعكم الوهمية تخلون عائلة تسمع كلامكم وترجع للجحيم الي جانت عايشة بي واعتقد العاقل يتفق وياية بهذا الشكل

ارجوكم خلو هذا الموضوع مثبت بدماغكم

1: ماكو يو ان راح ينسد بفلان سنه
2: ماكو IOM راح تنسد هاي السنه وهذا الشي محد يعرف بي غير ادارة المنظمة للهجرة
3: ماكو شي اسمه بالتاسع راح يسفرون الكل
4: ماكو شي اسمة بالسادس يسفرون الملفات القديمة وبعدها الجديدة والدليل كل يوم دنشوف ملفات تقديم 2012 وديسافرون ما شاء الله
فالرجاء الرجاء لا تنقلون اشاعة بدون ما تتاكدون مليار مرة لان اعيد واكرر بكلامكم هذا ممكن تنهون مستقبل شاب او عائلة دتسافر

تحياتي للكل وارجوا ان تقرون الموضوع زين وتفهمون شنو قصدي بي من خير للجميع وايضا الي يريد يتهجم بالردود كل الهلا

تحياتي الكم

9

سجل الزوار و باب الاقتراحات / طلب تغير اسم

« في: 03:17 27/09/2012  »

ممكن تغيرون اسمي لطفا الى اسم

هاهيه لعد

وشكرا جزيلا مقدما

10

قسم الشكاوي والاقتراحات الخاص بمنتدى الهجرة / تغير الاسم

« في: 00:37 27/09/2012  »

السلام عليكم كيف حال الاداره
كيف اكدر اغير أسمي لطفا؟ والامر ضروري جدا وتحياتي لكم

11

الهجرة و واللاجئين / موضوع اللجوء في عمان

« في: 00:53 18/09/2010  »

السلام عليكم اخواني الاعزاء ...
الصراحه انا زمان وانا اتصفح في هذا الموقع الرائع والمساعده المعنويه الي يقدمه وجزيل الشكر الكم..

اخوان انا قدمت لجوء في تاريخ 17/8/2010
شافني الموظف سألني أعزب وشاف تاريخ دخولي الى عمان قبل يومين من موعد تقديمي
كلي باجر مقابلتك الاولى
يعني المقابله الاولى يوم 18/8/2010

الصراحه اانا صغير بل العمر وعايش وحدي هنا وجيتي لعمان لجوء فقط يعني لا يمنه ولا يسره
وكلش قلق وخايف لان نهائيا ما اكدر ارجع لبغداد
قابلوني وكالو كلامك بي اثبات كتلهم اي اثبات تقارير وصور تضهر اني متعرف للتعذيب البشع وكالو راح نرفق الكلام هذا بملفك وفي حال قبلوك للتوطين لازم تجيب الاثبات لان سجلنه عندك اثباتات

الصراحه انا خايف وبنفس الوقت متفائل لان ناس هوايه طمنوني وبعد ما اعرف
الي دا اسمعه انو اللجوء صاير سريع بعمان والله اعلم


فأتمنى تفيدوني وشنو انتظر اني هسه منهم لان كلشي ما اعرف بسالفه اليو ان يعني مجرد اسمع حجي

ياريت تساعدوني لان وضعيتي تعبان ومحتاج اي واحد يصبرني بكلمه
شكرا جزيلا اخوكم احمد