مواضيع

1

الهجرة و واللاجئين / استفسار عن محامي هجرة

« في: 08:15 31/07/2014  »

السلام عليكم اخواني واخواتي الاعزاء
اولا كل عام وانتوا بالف الف خير اعاده الله عليكم بالخير والبركات وعلى بلدنا العزيز بالامن والامان.. انشالله تنزاح هالغمة من الامة يارب ويرجع الامان.
ثانيا اني اعتذر ما تواصلت وياكم هالفترة لان حيل مشغولة بلكي افرغ وارجع اتواصل وياكم من جديد.
اخواني عندي استفسار ياريت تساعدوني للي عنده معلومة.. عدنا احد الاصدقاء عنده جنسية امريكية ورجع للعراق وتزوج وصار عنده اطفال وقرر ان يرجع لامريكا ويجيبهم وياه اتصل عالسفارة كالوله لازم تقدملهم فيزة هجرة حتى يكدرون يطبون على امريكا وحسب كلامه كالوله حط محامي حتى يمشيلك بالمعاملة.
اللي يعرف محامي مضبوط ، ويفضل ان يحجي عربي حتى يكدر الولد يتفاهم وياه ، ياريت يخبرني وينطيني عنوانه ورقمه واللي عنده معلومة اضافية تخص هالموضوع ياريت يفيدني بيها. للتأكيد محامي هجرة وليس لجوء
مشكورين الشكر الجزيل وتحياتي للكل

2

مواضيع الحياة العامة في بلاد المهجر (امريكا) / البنات اللي ساكنات كاليفورنيا سكرامنتو

« في: 22:14 19/06/2014  »

السلام عليكم
بنات اللي ساكنات كاليفورنيا سكرامنتو خلي نتواصل حتى لو عالخاص اريد بنات التقي بيهم ونطلع سوة لان كتلتني الضوجة كل الموجودات هنا متزوجات وعدهن ارتباطات والتزامات 

3

الهجرة و واللاجئين / تفاصيل رحلتنا الى امريكا

« في: 08:01 10/04/2014  »

السلام عليكم
اعذروني على التأخير بكتابة تفاصيل السفر لان انشغلت بعدة امور ومصار عندي وقت كافي.
اولا وقبل كلشي اريد اشكر الاخ العزيز دبس وراشي على وقفته وياي اللي ما انساها ابد وادعيله دائما ان ربي يوفقه ويستر عليه وعلى اهله ويارب يفرحنا بخبر سفره بالقريب العاجل انشالله.
سفرنا كان يوم 23 بشهر 3 قبلها بحوالي أسبوعين اتصلت بينا المنظمة وحددت موعد السفر طبعا انخبصنا خبصة مو شلون ماجان صارت مفاجئة لان الموقع جان باقي على حاله إله اكثر من 3 شهور يادوب لحكنا نلم غراضنا ونصفي امورنا. ظلينا منتظرين فحص ماقبل السفر ومحد اتصل بينا لحد ما اجة يوم الاربعاء صادف 19 بشهر 3 كلت خلي اتصل بمستشفى ابن البيطار همزين فتحوا خط كتلهم يابة احنا سفرنا يوم الاحد وانتوا لسه ما اتصلتوا بينا على فحص ماقبل السفر كلي انطيني ارقام الكيسات انطيتهن اياه جيكهن وكال انتوا عدكم فحص يوم 20 صفن شوية ورجع كال يعني باجر اي تعالوا باجر اني كلت همزين اتصلت بيهم جان راحت علينا هو هم الافندي اللي رد عليه مدري شبيه جان مدري نعسان مدري دايخ واني ذيج الايام جان كلبي لاعب من سالفة التأخير عاد والله ثاني يوم رحنا للفحص شفنا هواي عوائل اكثرهم ترانزيت ومن اربيل احنا لا سفرنا دايركت الحمد لله بغداد - عمان - شيكاغو - اريزونا - كاليفورنيا سكرامنتو.
جان موعد التجمع بساحة عباس ابن فرناس ساعه 6 الصبح احنا اجينا قبل يوم لبغداد لان احنا محافظات وبقينا يم اقاربنا اني ليلتها مانمت جنت حيل قلقة بحيث نمت ساعه 2 ونص الفجر وكعدت ساعه 4 وربع الفجر حتى قبل مايدك المنبه من كد ماقلقة حضرنا كلشي ورتبنا امورنا وجيكت كلشي خاف ناسية حاجة حتى ماتريكنا لان مانشتهي المهم اجانا السايق ساعه 5 وصلنا للساحة ساعه ب6 عالموعد لكينا جماعتنا هناك جيكوا اسماءنا ودخلنا بنقاط التفتيش وخلصناها لحد ما وصلنا المطار طبعا الطريق من من ساحة عباس ابن فرناس لحد مانوصل بوابة المطار عبارة عن نهب مو طبيعي اللي يشيل الجنطة خطوتين لازم ياخذ اقل شي 10 الاف دينار فاللي عنده سفر لازم يحسب حسابه مو اقل من 250 الف دينار يحط بجيبه ولايتوقع يرجعله شي منهن.
اجينا على خانة ميزان الجنط والشحن مالتهن فانطانا الموظف الستيكرات اللي لازم تتلزك على الجنطة واللي بيها الرقم التسلسلي مال الجنطة ومكان الوصول انتبهوا على هاي الفقرة هاي الستيكرات كلش مهمة لان اذا لاسامح الله ضاعت جنطة وصاحبها يريد يبلغ عنها لازم عنده النسخة الثانية من هاي الستيكرات حتى يعرف شكد رقم الجنطة فأحنا من لكزنا الستيكرات بيدينا والموظف مدري راح شيسوي خلصنا وانطينا الجنط وعفناه ورحنا نختم وننتظر بصالة الانتظار بدون ماناخذ نسختنا من هاي الستيكرات وماندري ومانعرف شنو الموضوع صارت ساعه 9 موعد الرحلة صعدنا بالطيارة وصلنا لعمان ورة ساعه ونص تقريبا اجة موظف الاي او ام انطانا علاليك خاصة مال المنظمة وجيك اسماءنا ووقعنا على اوراق وشغلات وكال روحو اخذو البورد مال البرحلة مالتكم لشيكاغو من رحنا كاللنا الموظف وين الستيكرات كلناله ياستيكرات كال ستيكرات مال الجنط لازم تكون عدكم نسخة منها حتى ماتضيع جنطكم ما اجحيلكم شصار بينا كلنا هاي هيه راحت الجنط شصار بينا 8 جنط ماخذين ويانا حاطين بيها كل غراضنا الموظف كال خلوها على الله وانشالله ماتضيع لان هي اساسا بالشحن هسه وباجر تروح على شيكاغو فانتظروها هناك بس احنا كلش ضجنا ومانعرف شنسوي .. خلصنا اوراقنا وشغلاتنا كلها وراها اخذونا لفندق المطار نبات هناك وثاني يوم طيارتنا طبعا الفندق مو كلش نظيف وخدماته موشي اتصلت بيهم ردت اكنك على النت جان يكولولي لازم تدفعين كل ساعتين ب8 دولار اني كتلهم بكلبي عزة بعينكم فنادق العراق اللي احنا شاردين منه احسن منكم! كضيناها شلون ماجان وخليت سالفة الجنط على رب العالمين ثاني يوم ساعه 7 ونص الصبح اجتنا السيارة خذتنا للمطار استلمنا الجوازات وتوجهنا لصاله الانتظار وهناك اتصلت بالاخ دبس وراشي علمود سالفة الجنط خطية الولد ماقصر روحة وجية وسؤال وجواب كلي شوفي روحي احجي وية جماعة الخطوط الاردنية لان الموظف سلم نسختكم بيد الكابتن رحتلهم ما انطوني جواب ابد كالوا احنا شمدرينا ياكابتن جان وياكم البارحة الشركة بيها هواي موظفين رجعت اتصلت على دبس وراشي كلي روحي لقسم التضييفات مدري التشريفات المهم رحتلهم هم مانطوني جواب وروحة وجية ماحصلت اي شي منهم وخليتها على الله.
صعدنا بالطيارة واقلعت ساعه 10 ونص الصبح طرنا حوالي 13 ساعه ونص والطيارة ابد مو مريحة جانت جنت ماخذة وياي مخدة مال ركبة حتى انام تالي ما استخدمتها وظليت كاعدة ماكدرت انام نهائي للامانة وزعوا هواي وجبات اكل وعصاير ، وصلنا شيكاغو ساعه 5 العصر ظلينا بالمطار حوالي 3 ساعات بين ماكملنا كل الاجراءات عاد والله اول ماخلصنا وشفنا الجنط اجت ركضنا عليهن واني الوج خايفة لاتضيع وحدة منهن والحمد لله والشكر لكيناهن كلهن الف الحمد لله والشكر.
خلصنا كلشي واخذونا للفندق جنا ميتين من التعب الفندق حلو ونظيف لكينا المنظمة محضريلنا وجبة طعام بيها قطع دجاج ما اكلناها لان كلنا اكيد مو اسلامي جان النوم همنا الوحيد اكثر من الاكل بحيث اخذنا حمام وكبل للفراش كعدت ساعه 6 الفجر كلت ليش هيج كعدت من وكت تذكرت ساعتي البيولوجية بعدها تشتغل على توقيت العراق 
رحنا تريكنا جان الريوك بسيط صمون وبيض مسلوك وحليب ، ساعه 8 اجتي موظفة المنظمة حتى تاخذنا للمطار رحنا دنجيب الجنط لكينا قسم منها مبلل من سألنا كالوا الليل كله سكف غرفة الجنط تنكط مي وقسم من الجنط تنكعت كلنا ليش كالوا لان الفندق صاروا هواي لاجئين تبيتهم المنظمة بي فماكاموا يهتمون بي بس احنا الحمد لله جنا حاطين الجنط بالجهة الثانية فما لاحهم مي. بقينا بس جم عائلة لان الاكثرية توزعوا على الولايات فرحنا للمطار اخذتنا الموظفة بس جانت تحجي بعصبية وضايجة مدري شبيها بعدين افتهمنا سالفتها انه حضرتها ضايجة من اللاجئين لان دينافسون الامريكان بشغلهم ردت اعيط بيها بس لزمت نفسي كلت مو من اول طبتي اسوي مشكلة وتتسجل عليه خلي تولي وصلتنا للطيارة وانطتنا التكتات مال الرحلة الداخلية وكملنا كلشي وصعدنا توجهنا على اريزونا ورة 3 ساعات نزلنا بالمطار كعدنا بس نص ساعه وراها توجهنا للطيارة الثانية على سكرامنتو وصلنا ورة ساعه ونص او ساعتين الا ربع. لكينا اختي اللي هي الكفيلة محضرتلنا الشقة ومأجرتها وحاطين بيها بس فراش فارتاحينا واكلنا ونمنا وطلعنا ثاني يوم اتسوكنا باليوم الثالث رحنا للمنظمة استلمنا مبلغ الويكلم كامل لان اختي واخوية طلبوا من المنظمة انه همه يأجرون الشقة ويأثثوها والمنظمة ماعليها بأي شي.

انشالله الموضوع الجاي اذكرلكم بي مجموعة ملاحظات وامور تستفادون منها قبل واثناء وبعد السفر
تحياتي

4

اجتماعيات (ترحيب، تهاني و تعازي منتدى الهجرة) / برنسيسة تحييكم من امريكا

« في: 01:14 04/04/2014  »

السلام عليكم اخواني واخواتي الاعزاء
حبيت افرحكم بخبر وصولي الى امريكا .. اني اعتذر ماكدرت افتح نت خلال هالفترة لان لسه ماكدرنا ننصب نت بالبيت وهسه فاتحة من موبايل.
وانشالله اول مايصير عندي مجال واكمل تنصيب النت راح انزللكم موضوع بي تفاصيل السفر.
امنياتي للجميع بالسفر العاجل للمنتظرين وبالموفقية والاستقرار للي سافروا
تحياتي

5

الهجرة و واللاجئين / خبراء الفحص الطبي والامنية .. ممكن ارائكم؟

« في: 20:25 12/08/2013  »

السلام عليكم كل عام وانتوا بالف خير وسلامة
راح ادخل بالموضوع مباشرة لان لان ميتة قهر وما اعرف شسوي
من جان ملفنا بسوريا الفحص صار اكسباير بشهر 3 وخبصونا الا نجي نعيد الفحص وبسبب الوضع اضطرينا ننقل ملفنا للعراق ومن نقلناه غلسوا على سالفة الفحص .. قبل شهرين اكتملت الامنية كلنا خلص مابقى شي كمنا راسلناهم وورة كومة ايميلات يالله رجعوا اتصلوا وكالوا اي احنا رفعنا اسماءكم ومن تنحطون بالجدول يتصلون بيكم وهاي الفحص اله 5 شهور ونص اكسباير والامنية خلصانة شينتظرون بعد بس فهموني؟؟ اريد اعرف شديصير؟
زين سؤال ثاني شلون اعرف اسماءنا واصلة للجنة الفحص وجماعة اللجنة هامليها او مغلسين عليها؟ اشو من اتصلت بيهم وانطيتهم رقم الكيس طلعلي الاسماء اللي موجودة بالكيس يعني عادي همه عدهم معلومات عن اصحاب الكيسات ليكدام لو الا من يتحدد الموعد يالله ياخذون المعلومات؟؟

6

الهجرة و واللاجئين / للي ساكنين تركيا .. مساعدة انسانية

« في: 17:09 10/07/2013  »

السلام عليكم
شفت هذا البوست بالفيس بوك وكلت انشره هنا عسى ولعله الام تلكى ابنها

:: نداء الانسانية الى اهلنا بـ ديار بكر/ تركيا ::

هذا نداء الانسانية موجه لكم احبتنا من ام منهارة افطر قلبها البعد والشوق لرؤية ابنها الصغير وأسمه (بيار دندار احمد البرواري) عمره ١٢ عام ومن المفترض وجوده بصحبة ابيه في تركيا ولكن اخباره انقطعت منذ عام 2009 بصحبة والده ولمن يعرف اي شئ عنه ولو صورة للطفل نود منه مراسلتنا على وجه السرعة او الاتصال بهاتف الصفحة
https://www.facebook.com/iraq.poverty?ref=stream&hc_location=stream
بوركتم لكل عمل انساني مهما قل شأنه.. وهذه المعلومات

الأسم : بيار دندار أحمد البرواري
المواليد: 19/5/2001
العنوان المحتمل: تركيا/ ديار بكر. بصحبة أبيه

صورة قديمة للطفل (بيار دندار)

7

الهجرة و واللاجئين / جماعة تكساس وكاليفورنيا محتاجة معلوماتكم

« في: 08:38 30/06/2013  »

السلام عليكم اخواني واخواتي انشالله كلكم بخير
محتارة والله لايحير عبده ...
عيني عندي استفسارات ياريت اهل الخبرة يجاوبوني عليها... احنا ولايتنا تكساس دالاس وعندي اختي بكاليفورنيا طلبت منا انه ننقل ملفنا على كاليفورنيا ونعوف تكساس كتلها غالية ومابيها شغل تكول امريكا كلها مابيها شغل ومو كلش غالية لان هي مأجرة شقة غرفتين وصالة ب700  او 800 دولار ما اتذكر بالضبط  (هي بسكرامنتو). اسئلتي هي:

1- اذا رحنا لتكساس وبقينا كم شهر وبعدها حولنا على كاليفورنيا المساعدات تنكطع لو تبقى مستمرة؟

2- عندي اخوية المفروض يروح للكولج مباشرة اذا راح لهناك يكدر يقدم بسهولة لو لازم بنتظر فترة يالله يوافقون عليه؟ حسب ما افتهمت من اختي انه لازم يبقى سنة بكاليفورنيا يالله يحقله يقدم على الدراسة. اللي عدهم ابناء بالكليات ياريت ينطوني صورة كاملة عن هذا الموضوع.

3- قوانين كاليفورنيا مقارنة بتكساس اسهل لو اصعب طبعا سؤالي للي عاش بالولايتين اريد اعرف طبيعة القوانين بيهن (سؤالي هذا عام بس احب اعرف عن مجمل الامور اللي يواجهها اللاجيء).

للعلم اختي عدها اطفال واحنا اني واهلي واخوتي كبار اكثر من 21 سنة فمساعدات العائلة اكيد تختلف عن العزابية.
اي ملاحظات اضافية عدكم ياريت تذكروها.
تحياتي الكم والله يوفقكم

8

الهجرة و واللاجئين / صاحب الطلب الرئيسي

« في: 19:15 24/06/2013  »

السلام عليكم
لاحظت الكثير من الاعضاء يشكون من شغلة انه صاحب الطلب الرئيسي سفره او امنيته تتأخر واهله يسافرون اوتكمل امنيتهم قبله.. طبعا نزلت هذا الموضوع بعد ما شفت هذا الشي من خلال ردود الاعضاء بالمواضيع.
للعلم قبل كم يوم اكتملت امنية اهلي واني بعدني  وطبعا اني صاحبة الطلب الرئيسي
فهل هذا صحيح؟؟ اذا صحيح ليش وشنو السبب؟؟ والكل يعرف انه صاحب الطلب هو المهدد بالدرجة الاولى 

9

الهجرة و واللاجئين / سؤال عن لم الشمل

« في: 00:35 22/06/2013  »

السلام عليكم اخواني واخواتي انشالله كلكم زينين
حبيت اسأل عن لم الشمل وياريت اللي عنده معلومات او صايرة عنده قضية لم شمل يجاوبني ويشرحلي التفاصيل .. عدنا معارفنا اولادهم بامريكا صارلهم اقل من سنة ويريدون يسوون لم شمل لامهم وابوهم فشلون يكدرون يسووها وشنو المطلوب منهم؟

تسلمون ومشكورين مقدما

10

الهجرة و واللاجئين / شوكت لازم واحد يتصل بالمنظمة ؟!

« في: 10:50 16/05/2013  »

السلام عليكم
اتصلت بالمنظمة اليوم وساعة كاملة ادك ما احصلهم حضرتهم لو مايجاوبون اصلا خلص رصيدي من وراهم
بس اريد اعرف شوكت الواحد لازم يتصل بيهم وشوكت يردون على المخابرات
اتصلت بيهم على هذا الرقم 96265625020
اكو ارقام ثانية اكدر اخابرهم عليها وياترى يجاوبون لو هم ابقى عالشحن؟
تحياتي

11

الهجرة و واللاجئين / ارجو الدخول .. فائدة للجميع ج3

« في: 23:09 22/04/2013  »

السلام عليكم
بالعودة لمواضيعي السابقة اللي نزلتهم قبل فترة وانشالله الاخوان استفادوا منها

http://www.ankawa.com/forum/index.php/topic,651881.0.html
http://www.ankawa.com/forum/index.php/topic,652168.html

حبيت ارجع ارفع المواضيع من جديد حتى باقي الاخوان يطلعون عليها حتى يستفاد اكبر عدد منكم انشالله ، ولو تأخرت عليكم بتكملة هذا الموضوع والسبب هو انه واهسي صاير قليل بهواي شغلات بسبب انتظار الامنية والوضع التعبان ... لاحظت بعض الاخوان سجلوا بالمواقع اللي نزلتها بدون مايستخدمون الاكواد اللي حطيتها فقررت ابديلكم وية الاكواد ولو اني شرحتها سابقا بس يمكن كم واحد ما عرف شلون ووين يخليها فأريدكم تحطوها حتى تجيكم منها نقاط اضافية وبعدها اشرحلكم شلون تحصلون منها تطبيقات اكثر حتى تجيكم نقاط اكثر...

اولاً: الاكواد

1- Appnana.com : بعد التسجيل بالموقع راح تشوفون مربع مكتوب بي input invitation code فتحطون هذا الكود    n223858  ومثل ماموجود بالصورة






2- Appbounty.net : بعد التسجيل راح يطلب كود فتحطون هذا  الكود  kghtto  ومثل ماموجود بالصورة






3- Check points : اثناء التسجيل بي يطلب كود فتحطون هذا الكود  enas




4- Juno Wallet او Bambo Wallet : اثناء التسجيل يتم وضع هذا الكود  ES1666729 او ممكن بعد التسجيل يكدر الشخص يحط الكود اذا ماحطه بالبداية من Settings 




5- Oh Gosh : اثناء التسجيل يرجى وضع هذا الكود  PPY4761






ثانياً: وهي الاهم طريقة الحصول على اكبر عدد ممكن من التطبيقات وبالتالي اكبر عدد ممكن من النقاط ويكون بعمل شبكة انترنيت وهمية او مايسمى VPN هاي الشبكة تقوم بتغيير IP الاعتيادي الى IP امريكي لان هاي المواقع تعتمد على المستخدمين اذا جانوا بامريكا فتنزللهم تطبيقات اكثر واكثر وبشكل مستمر بدون توقف وحتى نحصل على هذي التطبيقات لازم نسوي هاي الشبكة الوهمية عن طريق تطبيق اسمه Tunnel Bear وهذا موقعه على الاب ستور هو مجاني وحجمه زغير
https://itunes.apple.com/us/app/tunnelbear/id564842283?mt=8

تنزلوه وتنصبوه فراح يطلب تنصيب بروفايل فنصبوه عادي مابي اشكال وبعد التنصيب ترحون على اعدادات الشبكة وعلى VPN تدوسون on  او تشغيل فراح تشتغل وروحوا على هاي المواقع راح تلكوها مليانة تطبيقات مثل ماتشوفون بالصور.
هسه مثلا موقع m.junowallet.com قبل الVPN ديكول ماكو تطبيقات




وبعد تشغيل الvpn شوفوا الصورة كدامكم 




تحياتي الكم واتمنى تكونون استفاديتوا
وكالعادة طولت وياكم بالشرح 

12

الهجرة و واللاجئين / ارجو الدخول .. فائدة للجميع ج2

« في: 23:06 18/03/2013  »

السلام عليكم
اليوم راح اكمل وياكم موضوع الهواتف الذكية وشلون واحد يحصل فلوس منها خلي نكول هدايا بسيطة
http://www.ankawa.com/forum/index.php/topic,651881.0.html

<اخوان فدوة لاتنسون تحطون الاكواد من تسجلون بالمواقع>

بعد ما ادرجت الكم اهم المواقع والتطبيقات اللي تنطي نقاط وارصدة مجانا هسه راح اعلمكم شلون تسجلون بهاي المواقع .. التسجيل سهل بس حتى تشوفون الخطوات بالصور:
- المجموعة الاولى اللي هي مواقع الويب
موقع Freemyapps
http://m.freemyapps.com/share/email/2b6124ce

تدخلون على الموقع عن طريق متصفح النت راح تظهرلكم هاي الصورة تدوسون على get started


راح يطلب منكم تسجيل الجهاز للموقع تدوسون اوكي


راح ينصب بروفايل تنطوه install وبعدها اوكي


راح تشوفون الموقع انفتح يمكم وبي مجموعة تطبيقات تدوسون على هاي التطبيقات راح تطلع رسالة تكللكم سيتم تحويلكم الى الايتيونز حتى تنزلون التطبيق منه ولازم تستخدموه خلال 48 ساعة حتى تنحسبلكم النقاط .. هسه مثل ماداتشوفون بالصورة التطبيق حاطين كدامه رقم هذا يمثل عدد النقاط للتطبيق يعني بعد ماتنزلوه وتستخدموه راح تنزل برصيدكم هاي النقاط .. اذا مالكيتوا تطبيقات اول ماتفوتون للموقع انتظروا فد يوم يومين لحد ماتنزل تطبيقات جديدة ..


طبعا كل تطبيق اله مجموعة من النقاط اكو تطبيق قيمته مثلا 80 او 90 او 160 او اقل او اكثر انتوا نزلوا هاي التطبيقات وهي تتراكم وحدها مثل ماداتشوفون بالصورة الاخيرة على اليمنة ليفوك اكو رقم 2120 هذا هو مجموع النقاط اللي تراكمت من تحميل واستخدام التطبيقات من هذا الموقع


- موقع FeaturePoints
https://featurepoints.com/r/LSFDYY
التسجيل بي نفس طريقة الموقع الاول تدوسون sign up وتمشون بالخطوات من تنصيب البروفايل الى استخدام الموقع وتنصيب التطبيقات.. اذا طلب منكم ادخال كود حطوا هذا الكود : LSFDYY



- موقع Freeappslot
http://freeappslots.com/?refcode=55ffwlme
ايضا بنفس الطرق السابقة يتم تسجيل الموقع وللحصول على التطبيقات دوسوا على Get More Spins



- موقع AppNana
appnana.com  ... بعد الدخول للموقع راح يطلب تسجيل مثل باقي المواقع ووياها راح يطلب الايميل




هنا بالصورة اكو مربع يطلبون ادخال كود Enter Invitation Code بهاي الحالة حطوا هذا الكود : n223858


- موقع AppBounty
http://appbounty.net/contest
دوسوا على المربع الاحمر Enter the iPhone5 Contest لان هسه الجماعة مسوين مسابقة للي يسجل جديد يدخل اسمه على السحب على ايفون 5 وخلي نشوف ياسعيد الحظ اللي يحصله وبالعافية عليه مقدما    ، بعد ماتدوسون عليها تطلع تعليمات تكولك يابة لازم تفتح الموقع من متصفح سفاري وتسجل البروفايل حمل على الاقل واحد من التطبيقات الموجودة بالموقع وحط الايميل مالتك حتى يراسلوك عليه بعدها راح يطلبون كود فنتوا حطوا هذا الكود : kghtto



- موقع AppCasher
http://www.appcasher.com/m?&r=347387&s=email

نفس الخطوات السابقة كلها اذا طلبوا منكم كود حطوا هذا : 347387

واعذروني طولت عليكم
بالموضوع الجاي انشالله راح اشرحلكم التطبيقات اللي تنطيكم الـ Rewards

13

الهجرة و واللاجئين / ارجو الدخول .. فائدة للجميع ج1

« في: 21:55 16/03/2013  »

السلام عليكم اخواني واخواتي الكرام
من رخصة الاخوة الاداريين حبيت انزل هذا الموضوع يمكن هو بعيد عن الهجرة لكن بي فائدة للاعضاء ولان العدد الاكبر منهم متواجدين في هذا القسم

قبل فترة واثناء تصفحي للنت لكيت شغلة مفيدة وانشالله الكل يستفاد منها تخص الاجهزة الذكية اجهزة ابل (ايفون/ايباد/ايبود) واجهزة سامسونك الاندرويد ونسبة كبيرة من الناس صار عدها مثل هاي الاجهزة وصار محد يكدر يستغني عنها .. الشغلة الحلوة اللي لكيتها هي انه يكدر الواحد يحصل على رصيد ايتيونز لمستخدمي اجهزة ابل او رصيد كوكل بلاي لمستخدمي السامسونك او ممكن الواحد يحصل رصيد امازون مثل ماراح تشوفون بالصور بنهاية الموضوع او مبلغ مالي يرسل لحساب الشخص على موقع PayPal واكيد الاكثرية يعرفون شنو هذا الموقع.
هذا الموضوع راح يفيد الاشخاص اللي ينتظرون الامنية يعني نكدر نكول واحد يكضي وكت ويتسلى بين ماتخلص الامنية ويجي موعد السفر ولذاك الوقت الشخص يكون عنده فد رصيد لابأس بي يشتري بي هدية من امازون مثلا .. بالمناسبة اللي ساكنين بامريكا راح يستفادون اكثر بسبب توفر العروض هناك فممكن هذا الرصيد يفيد في دفع فواتير النت مثلا.

الشغلة ومابيها انه يكدر الواحد يدخل على مواقع معينة وينزل من خلالها تطبيقات مجانية يجربها وبعد مايجربها راح يحصل نقاط عن كل تطبيق قام بتجربته وبعد ماتتجمع هاي النقاط يكدر ياخذ بمكانها الرصيد اللي يعجبه. هاي المواقع اني جربتها بنفسي وتأكدت منها سليمة ومو وهمية ولاشي بالعكس لكيتها كلش حلوة وحتى بيها تطبيقات مفيدة تركتها بجهازي مامسحتها بعد ماجربتها .. هسه نجي لهاي المواقع

المجموعة الاولى:
1. Freemyapps:  
http://m.freemyapps.com/share/email/2b6124ce

2. featurePoints:
https://featurepoints.com/r/LSFDYY

3. Freeappslot:
http://freeappslots.com/?refcode=55ffwlme

4. Appnana:
appnana.com بعد الدخول للموقع وتسجيل الجهاز ارجو ادخال هذا الكود : n223858

5. AppBounty:
http://appbounty.net/contest   ،بعد الدخول للموقع وتسجيل الجهاز ارجو ادخال الكود التالي: kghtto

6. AppCasher:
http://www.appcasher.com/m?&r=347387&s=email

هاي المواقع بعد ما الشخص يدخل عليها راح تطلب تنصيب بروفايل خاص بيها ، هذا البروفايل مطلوب حتى يعرفون شنو التطبيقات اللي نزلها الشخص حتى ينطوه نقاط اعتمادا عليها.


هسه نجي للمجموعة الثانية واللي هي عبارة عن تطبيقات تنزل من الاب ستور وتشتغل نفس شغل المواقع اللي بالمجموعة الاولى:

1. Check Points:
http://chk.pt/k273ni ، بعد التنصيب راح يطلب كود دخلوا هذا الكود : enas

2. Super Gift Card:
http://itunes.apple.com/us/app/super-gift-card-reward-plus/id445524060?ls=1&mt=8
بعد التنصيب هم راح يطلب كود فدخلوا هذا الكود : 8c8335342

3. Juno Wallet:
هذا التطبيق يشتغل من جانبين الجانب الاول تطبيق ينزل من الاب ستور تشوف فيديوات منه وينطي نقاط عليه
http://bit.ly/UM08jD
الجانب الثاني هو موقع ويب تنزل من خلاله تطبيقات وينطي نقاط عن كل تطبيق ينزل من خلال هذا اللنك
m.junowallet.com

4. Oh Gosh:
https://itunes.apple.com/us/app/oh-gosh!/id547062403?mt=8  ، بعد التسجيل ارجو ادخال هذا الكود : PPY4761

5. Mobile Rewards
http://mobile-rewards.net/frontend/signup.php?id=6xJHBMQBlRSEW


كل هاي التطبيقات تحتاج كود حتى تنطي نقاط ببداية التسجيل بيها ، هي هم سهلة الاستخدام ماتحتاج صفحة طويلة عريضة من التسجيل بس ايميل حتى يكدرون يدزون الرصيد اله. قسم منها تشتغل على اجهزة ابل واندرويد سوية وقسم لا بس على ابل اني حطيتهن كلهن وانتوا جربوهن.
اللي متواجدين بالعراق او دول الشرق الاوسط راح يلكون التطبيقات قليلة بس اللي بامريكا لا التطبيقات وحدة ورة الثانية مايخلصن بس اكو طريقة تخلي اللي ساكن بالعراق او الدول العربية يحصل على التطبيقات اللي منزليها لسكان امريكا وكأنه عايش هناك .. انتوا بلشوا بالبداية بالتسجيل بيها وبعدين اعلمكم شلون تحصلون باقي التطبيقات كأنه انتوا بامريكا.

هسه هنا راح تشوفون الصور لحسابي مال امازون اللي يثبت صحة عمل هاي المواقع .. الصورة الاولى هو الايميل اللي وصلني من احد هاي المواقع بعد ماجمعت نقاط بقيمة 10$ كدرت اسحبها كرصيد امازون وبالصور الثانية والثالثة دخلتها لحسابي .. حسابي اصلا بي رصيد من نقاط جمعتها من هاي المواقع

اسفة طولت عليكم بس حبيت اشرحلكم الموضوع بالتفصيل الممل واي شي تحتاجوه انشالله ما اقصر

14

الهجرة و واللاجئين / خابرونا على اعادة فحص طبي ومحتارين خايفين نروح

« في: 14:01 07/03/2013  »

السلام عليكم شلونكم
البارحة خابرونا الاي او ام على اعادة الفحص الطبي كلنالهم احنا بالعراق مانكدر نجي نخاف الطرق مو امينة والوضع مو مثل قبل .. يعني اتذكر العام هيج وكت اول ما فحصنا فحص اول جان الوضع احسن ب1000 مرة عن هسه.
كلنالها للموظفة مانكدر شلون شوفيلنا حل خليلنا الفحص يصير بالعراق او لبنان تكول لا ميصير اذا بدكم انقلوا ملفكم واحنا مانريد ننقل ملفنا كلنالها زين خلينا ننتظر لحد ما تكمل الامنية ونسوي فحص وية موعد السفر كالت لا مايصير اصلا انتوا ماتكدرون تسافرون اذا مو كل الخانات بحالة الملف تكون كومبليت كاملة كلها.
زين هسه احنا شنسوي حايرين نخاف نروح الطريق موزين والوضع هناك هم موزين لايروح يصير بينا شي 
عفية اريد نصيحتكم خصوصا جماعتي اللي بعدهم بسوريا

15

دردشة منتدى الهجرة واللاجئين / طريقة لاستخدام الهواتف الذكية للحصول على جوائز مادية

« في: 16:19 12/01/2013  »

السلام عليكم اخواني واخواتي انشالله تكونون بخير
بطريق الصدفة واثناء تصفحي للنت لكيت اكو طريقة ممكن الشخص اللي يحمل هاتف ذكي (ايفون ، ايباد ، سامسونك كالاكسي) ان يستفاد منها بشكل مادي من خلال تنزيل بعض التطيبقات المجانية واستخدامها لدقائق معدودة ..
هذي الطريقة راح تخلي الشخص يجمع نقاط كلما ينزل تطبيقات اكثر كلما تزيد عنده النقاط ومن تصير عنده كمية لابأس بيها من النقاط ممكن يحصل منها على بطاقات آيتيونز او امازون او PayPal او قد تكون عن طريق صك يعني فلوس كاش توصل للشخص او غيرها الكثير..
احد هذي المواقع هو موقع اسمه  FeaturePoints وشرحه وطرقته كالاتي:

مَوقع ( featurepoints ) للحصول على بطاقات (iTunes,Amazon,PayPal)
والحصول ايضاً على أكواد لبرامج و ألعاب مدفوعة

---------------------------------
شرح featurepoints للحصول على بطاقات iTunes,Amazon,PayPal مجاناً

نَتبع الخطوات :
( 1 )
الدخول إلى الموقع من الايفون - الايباد - الايبود تتش ..يعني من الجهاز نفسة وليس من الكمبيوتر

https://featurepoints.com/r/LSFDYY

( 2 )
اظغط على Sign Up to start earning ، كمآ موضح في الصورة


( 3 )
اضغط على Let’s go


( 4 )
بعد أن تضغط Let’s go سيتم تحويلك على الإعدادات (Setting) وبعدها اضغط على (تثبيت)


( 5 )
اظغط على I agreet to the terms


( 6 )
حمل التطبيقات للحصول على النقاط

ملاحظة : عند الدخول للموقع ارجو ادخال الكود LSFDYY حتى تحصلون على 50 نقطة كبداية للتسجيل وراح تجي النقاط تباعا لكل تطبيق ينزل بالجهاز
أتمنى الفائدة للجميع..
وان شاء الله اي شي جديد هم ابلغكم بي[/size][/color]

16

الهجرة و واللاجئين / فصل كيس ونقله .. محتاجة رد مضبوط وسريع

« في: 17:57 30/09/2012  »

السلام عليكم

اخواني عندي سؤال بلكي اللي يعرف يجاوب عليه
احنا الملف مالتنا بي 4 نفرات وطبعا كل واحد اله رقم كيس خاص بي ماعدا اخوية الزغير خاليه وية الكيس مال امي يعني ملف واحد وبي 3 كيسات .. نكدر نفصل هاي الكيسات وننقل واحد منهن على بغداد؟ منو منكم مار بهيج حاله؟
ارجو الجواب من اصحاب الخبرة والتجربة

انشالله ياربي يسهل امركم وتفرج على الجميع

17

الهجرة و واللاجئين / تغيير الجواز

« في: 10:37 01/08/2012  »

السلام عليكم
اخواني عندي استفسار بخصوص تغيير الجواز اللي عنده معلومة صحيحة او مارة كدامه فد حاله يجاوبني سؤالي هو ...
اذا واحد جوازه قريب مايصير اكسباير ويريد يغيره شنو الاجراء اللي لازم يتبعه بعد تغيير الجواز يعني لازم يبلغ المنظمة؟ وهل هذا الشي راح يأثر على الملف اذا جان الشخص ينتظر موعد سفر يعني تتأخر الاجراءات تصير عراقيل؟
ممنونة منكم

18

الهجرة و واللاجئين / اي دولة بعدها تسمح للعراقيين حاملي جواز S بالدخول الها؟

« في: 14:43 19/07/2012  »

اخواني حبيت اعرف اي دولة مازالت تسمح للعراقيين حاملي جواز S بالدخول لاراضيها ؟ مصر لو تركيا لو لبنان لو غيرهن بالنسبة النا كلاجئين؟
اللي عنده معلومة اكيدة خلي يجاوبني عفية
مشكورين مقدما

19

الهجرة و واللاجئين / سؤال مستعجل .. تغيير بحالة الملف لاخوية

« في: 17:56 01/05/2012  »

اخوان السلام عليكم

اليوم فتحت الموقع مال تجييك الملفات حتى اشوف حالة الملف مال اخوية .. هو مقدم من بغداد
بالبداية جانت

Case Status (حالة الملف)   Pending Result (بانتظارالنتيجة)   
Case Size (عدد الأفراد)   1   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)


وهسه صارت

Case Status (حالة الملف)   ACTIVE (فعال)   
Case Size (عدد الأفراد)   1   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)


هاي شنو معناها عفية؟؟ اكو تحرك بالملف لو لا؟؟

علما هو مكمل مقابلة المحلفين بشهر 4 سنة 2011 وهو IOM
وعاد الفحص الطبي نهاية الشهر 2 بهاي السنة
تحياتي

20

دردشة منتدى الهجرة واللاجئين / الى جميع الاعضاء بلا استثناء .. ارجو الدخول

« في: 22:32 20/03/2012  »

اخواني الاعزاء
ارجو من كل عضو موجود في منتدى عنكاوة  اسمه الحقيقي مؤيد ان يراسلني على الخاص لامر هام ومستعجل جدا جدا

ارجو من الادارة عدم نقل او حذف الموضوع لحين الوصول الى الشخص المعني عندها سأطلب منكم نقل الموضوع او سأقوم بحذفه بنفسي
شكرا لكم جميعا

21

الهجرة و واللاجئين / مساعدة عاجلة رجاءاً رجاءاً

« في: 11:52 04/03/2012  »

شلونهم الشباب والصبايا
اريد منكم وبشكل مستعجل موقع ويب سايت للبحث عن شقق او سكن في مدينة بورتلاند ولاية اوريغون
اللي يعرف هيج شي لايبخل عليه لان جماعة طلبوه من عندي واني وعدتهم اجيبلهم الموقع بظرف يومين 
تحياتي

22

دردشة منتدى الهجرة واللاجئين / اعضاء غائبون ((عائدووووون)) :-))

« في: 21:14 20/02/2012  »

تحياتي لجميع اخواني واخواتي بالمنتدى الغالي بيتنا الثاني اللي جمعنا كلنا اخوان واحباب ان شاء الله
حبيت اسأل على اعضاء غالين صارلهم فترة ماكو
اولهم عمو شمعة منورة
عبادي
ام الهنا
ابو ديانا Edy Simon
المارد لولو
كرك
ابو آرا COBRA
ابو مريم سوريا مؤسس جمعية انتظار الوفد في سوريا

وكذلك ابو خالد need justice1 صار تواجده قليل واحب اكوله رغم الخلافات اللي تصير بس نبقى اخوان ومحد يكدر يتبره من اخوه  

اللي يعرف اخبارهم خلي يطمنا عنهم وانشالله يكون المانع خير
تحياتي لكل الحاضرين والغائبين
 

23

مواضيع الحياة العامة في بلاد المهجر (امريكا) / مساعدة لاختكم برنسيسة "اللي ساكنين بتكساس وخصوصا الاخ ابو قمر"

« في: 17:04 31/01/2012  »

مرحبا اخواني واخواتي الاعزاء في هذا المنتدى الغالي
حبيت اطلب منكم معلومات عن ولاية تكساس ، يعني يامدينة افضل من غيرها
دالاس ، هيوستن ، اوستن ، سان انطونيو ، إل باسو ، آرلنغتون ، هارلنجون لو غيرهن؟
اني اسأل عن الافضلية من ناحية السكن للعوائل للمسلمين خصوصا والحصول على فرص العمل...
من خلال بحثي بالنت شفت ان هيوستن هي احسن من غيرها ، حسب مامذكور بالنت، لكن بيها نسبة افارقة هواي وكذلك نسبة الجرائم بيها مرتفعة ولو الحفظ والستر من الله سبحانه وتعالى...
صحيح هذا الشي يعتمد على الانسان نفسه ونظرته للامور وكل واحد وتجربته اللي عاشها ووضعه السابق والحالي بس اني احب اجمع اكبر عدد ممكن من المعلومات وادري بيكم ماتقصرون
تحياتي

24

دردشة منتدى الهجرة واللاجئين / عالخييييييييييييييييييير انفتح قسم الدردشة

« في: 12:37 30/12/2011  »

http://www.ankawa.com/forum/index.php/topic,551702.0.html

 

25

دردشة منتدى الهجرة واللاجئين / عالخييييييييييييييييييير انفتح قسم الدردشة

« في: 12:34 30/12/2011  »

صبحكم الله بالخير اخواني واخواتي الاعزاء
واخيرا تم بعون الله وبمساعدة الادارة الطيبة فتح قسم الدردشة
وبهاي المناسبة السعيدة انتوا معزومين يمنا على جاي حتى نكعد ندردش للصبح 
واهلا وسهلا بيكم نورتونا 

26

الهجرة و واللاجئين / استفسار عن المنظمات الي تكفل اللاجئين الع

« في: 16:16 29/12/2011  »

السلام عليكم
اخواني احب استفسر عن المنظمات اللي تكفل اللاجئين العراقيين وتساعدهم بالتوطين في امريكا
هل هي منظمات امريكية ام عراقية؟ ام انها امريكية بكادر عراقي؟
اني شفت اكثر مواضيع الاعضاء تتحدث عن معاناتهم وية هاي المنظمات.. يعني اذا هاي المنظمات موزينة ليش مايكدر اللاجيء يشتكي عليهم
ممكن اصحاب الخبرة واللي عدهم معلومات كاملة ان يوضحون هاي المسألة حتى الواحد من يروح لهناك تكون عنده صورة كاملة عن الموضوع ويكدر يتعامل وياهم اذا تحقروا وياه واستغلوه؟؟

27

الهجرة و واللاجئين / اللي عنده كرين كارد واجة للعراق زيارة ورجع لامريكا .. ممكن يتفضل عندي سؤال

« في: 20:40 03/12/2011  »

السلام عليكم اخواني وحبايبي ان شاء الله تكونون بخير
عندي استفسار زغير
اذا شخص طلع لامريكا IOM واخذ الكرين كارد وقبل ماياخذ الجنسية اجة للعراق زيارة فترة قصيرة ، هل هذا الشي ممكن يخسره اقامته في امريكا؟ اني سمعت انه اللي طلع من العراق واستقر بامريكا صعب ان يجي للعراق ولو زيارة احتمال يسحبون الاقامة منه وتروح عليه الاقامة ويضيع الاول والتالي.. هل هذا الكلام صحيح؟
اريد الاخوان اللي مروا بهيج تجربة يردون عليه يعني كل شخص اجة للعراق ورجع لامريكا ان يجاوبني
ومشكورة منكم جزيل الشكر ياورود 

28

مواضيع الحياة العامة في بلاد المهجر (امريكا) / برامج اتصال مجانية لامريكا من اي دولة في ال&#

« في: 18:06 22/11/2011  »

السلام عليكم
مرحبا اخواني واخواتي يارب تكونون بخير
حبيت اقدملكم برنامجين للاتصال الى امريكا بشكل مجاني واني جربتهم ثنينهم بنفسي ومميزاتهم حلوة

البرنامج الاول: اسمه icall
حسب ما اتذكر انه احد الاعضاء نزل موضوع عن هذا البرنامج فحبيت اذكركم بي ، موقعه على الويب سايت   www.icall.com
مميزات البرنامج انه تكدر تتصل لامريكا في اي وقت بشكل مجاني لكن لمدة 5 دقائق فقط ينتهي الاتصال وبعدها تكرر الاتصال لمدة 5 دقائق وهكذا

البرنامج الثاني: اسمه Whistle
موقعه على الويب سايت  www.whistlephone.com
هذا البرنامج ينطيك اتصال مجاني لامريكا لمدة 20 دقيقة متواصلة ينقطع عند الدقيقة 20 وتكدر ترجع تتصل مرة ثانية وهكذا

بكلا البرنامجين اول ماتتصلون يطلعلكم فاصل اعلاني ل10 او 20 ثانية وبعدها يدك الرقم اللي متصلين عليه
هذي البرامج راح تنطيكم ارقام امريكية وكانه رقم موبايل وانتوا بامريكا يعني اللي تتصلون بي ممكن يتصل عليكم من خلاله اذا انتوا اون لاين او اي واحد بالعالم ممكن ان يتصل بيكم على رقم البرنامج بس قبل ماينطوكم الرقم لازم تسجلون بالموقع ويصير عدكم اسم مستخدم وكلمة سر

البرنامجين جربتهن بنفسي ويشتغلن 100%
اخواني اني حبيت افيدكم واللي اريده منكم بس تندعولي بقضاء الحاجة وتسهيل اموري

لتحميل البرنامج من موقع رفع الملفات دوس على الرابط
http://www.mediafire.com/?5btt2yc5hsbmwkk

29

الهجرة و واللاجئين / الى الاخوان اللاجئين في سوريا .. ارجو الدخول

« في: 14:25 20/11/2011  »

السلام عليكم اخواني الاعزاء ومساكم الله بالخير

من بعد المبادرة الجيدة اللي اقترحها علينا الاخ جيفارا نت بمراسلة القنوات الفضائية واللي شفنا نتيجتها الايجابية وهذا طبعا بعد تظافر جهودنا جميعا .. هالمرة اني اقترح ان نراسل الاشخاص المعنيين بشكل مباشر عن برنامج اللاجئين والمهاجرين ، اجت ابالي هالفكرة اثناء قراءتي لمواضيع بعض الاعضاء حيث انه احد الاخوان قام بمراسلة السيدة بربارا ستراك مسؤولة قسم اللاجئين والمهاجرين في DHS لدى الحكومة الامريكية وكيف كانت استجابتها سريعه.
لذلك اطلب منكم ان نرسل ايميلات لمكتب بربارا ونحاول نسوي ضغط عليهم احنا جماعة سوريا اللي عافونا وراحوا ومايقبلون ان يحجون بينا وبقضيتنا اصلاً !!
اذا يكدر واحد من الاخوان يسويلنا كليشة مرتبة حتى لو بالعربي واني اترجمه او اذا تريدون انه كل واحد يدز الايميل بالكليشة اللي تعجبه لكن المهم انه اكبر عدد من الاعضاء يدزون ايميلات حتى يعرفون احنا فعلا بحالة مأساوية ويشوفولنا حل مو يبقون نايمين ومهتمين بغير امور
اتمنى من الكل يشارك وياريت لو يكون قبل نهاية هذا الشهر لان الشهر الجاي نهاية سنة وراح تكون بي اعياد الكرسمس والجماعه كلهم باجازاتهم.

انطوني رأيكم بالفكرة حتى انطيكم ايميل بربارا
وانشالله ما اكون طولت عليكم
تحياتي لكم جميعاً

30

الهجرة و واللاجئين / اريد انقل ملفي من سوريا للعراق .. يصير لو ميصي

« في: 19:07 10/10/2011  »

السلام عليكم اخواني واخواتي

حبيت استشيركم بشغلة ياريت لو تنطوني نصيحة عليها اسويها او اتركها
اني من جماعه اللاجئين في سوريا اني واهلي
قابلنا الوفد الامريكي بشهر 9 سنة 2010 والمحلفة رفضتنا الله لاينطيها لسبب جدا تافه
قدمنا استئناف في وقتها ومن هذاك الوقت لحد الان ننتظر يتصلون بينا لاعادة المقابلة
وبما انه ماكو وفد بسوريا اصلا ففكرنا انه نرجع للعراق ونقدم على بغداد
ياترى راح يعتبر تقديم جديد لو يكملون من وين ماوصلنا
لو نترك الفكرة ونبقى ننتظر بسوريا
شتكولون انتوا
اريد اهل الخبرة واللي عدهم جواب صحيح يجاوبوني رحمة لوالديكم 

31

السياحة والسفر / طلب من الاخوان.. فيزة سياحة الى فرنسا

« في: 18:36 20/07/2011  »

السلام عليكم اخواني
حبيت اطلب منكم طلب واتمنى تساعدوني

اريد اقدم على فيزة سياحة لفرنسا من السفارة الفرنسية في بغداد
ومثل ماتعرفون الفيزة الها شروط من ضمنها تأمين صحي بقيمة 30,000 يورو
اني كل المتطلبات عندي من عمل مستمرة بي وحساب بنكي وعقار ملك الحمد لله
كل اللي اريده هو شلون احصل على اشتراك تأمين صحي بهاي القيمة ومن داخل العراق
اللي اريده هو فقط فيزة سياحة ماريد فيزة اعبر بيها لغير دولة ولا اطلب لجوء ولاهم يحزنون

اللي عنده معلومات كاملة ياريت يعلمني بيها وله الاجر والثواب 

اتمنى تردون عليه بسرعه لان مستعجلة عليها

وشكرا جزيلا منكم مقدما

32

الهجرة و واللاجئين / طلب من الاخوان.. فيزة سياحة الى فرنسا

« في: 18:36 20/07/2011  »

السلام عليكم اخواني
يمكن هذا الموضوع مكانه مو هنا بس لان اكثر المشتركين بالمنتدى يدخلون على هذا القسم
لذلك حبيت اطلب منكم طلب واتمنى تساعدوني

اريد اقدم على فيزة سياحة لفرنسا من السفارة الفرنسية في بغداد
ومثل ماتعرفون الفيزة الها شروط من ضمنها تأمين صحي بقيمة 30,000 يورو
اني كل المتطلبات عندي من عمل مستمرة بي وحساب بنكي وعقار ملك الحمد لله
كل اللي اريده هو شلون احصل على اشتراك تأمين صحي بهاي القيمة ومن داخل العراق
اللي اريده هو فقط فيزة سياحة ماريد فيزة اعبر بيها لغير دولة ولا اطلب لجوء ولاهم يحزنون

اللي عنده معلومات كاملة ياريت يعلمني بيها وله الاجر والثواب 

اتمنى تردون عليه بسرعه لان مستعجلة عليها

وشكرا جزيلا منكم مقدما

33

منتدى كتب وبرامج تعلم اللغات الاجنبية / طلب ... قاموس الماني ناطق

« في: 10:06 03/01/2011  »

مرحبا شباب

حبيت اطلب منكم طلب اللي يكدر عليه لايبخل عليه بالرد ولو اتعبكم وياي

اريد قاموس الماني ناطق يترجم للغة الانكليزية او العربية ومايحتاج اتصال بالنت حتى يشتغل

مشكورين مقدما

34

استراحة الخواطر / طلب زغير

« في: 09:21 23/12/2010  »

مرحبا شباب شلونكم
حبيت اطلب منكم طلب زغير
اريد قصيدة شعر شعبية بيها عتب كلش قوي لشخص كلش عزيز عليه اخطأ بحقي وتركني لا اجة ولا اعتذر  
اتمنى ما اثقل عليكم بطلبي هذا

35

الهجرة و واللاجئين / قابلنا الوفد بشهر9 وتم رفضنا - احتاج مساعدتكم

« في: 20:24 17/12/2010  »

مرحبا شباب
اني سجلت قبل كم يوم بالمنتدى حتى انضم الكم واصير منكم وبيكم
ماكنت اعرف انه هذا المنتدى موجود الا قبل فترة قصيرة جدا.

عندي استفسار واريد مساعدتكم بي
اني واهلي سوينا مقابلة الوفد بشهر 9 بسوريا وللاسف تم رفضنا.. قبل هاي المقابلة بحوالي سنة اني جنت مقدمة على الIOM بغداد وحددولي موعد مقابلة بس اني هملته لكن بعدها راسلتهم وحددوا موعد ثاني لكن فقط لاخواني اللي بالعراق وتمت مقابلتهم.
سؤالي: بعد ماتم رفضنا هل من الممكن ان اطلب من مكتب IOM بغداد ان يسوولي مقابلة اني واهلي اللي انرفضوا وياي؟

اخوان اي واحد يكدر يساعدني بهذا الموضوع اكون ممنونة منه