عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - ابن الحله

صفحات: [1]
1
الهجرة و واللاجئين / تغير وجهه النهائيه بالرغم من وجود كفيل siv منو ماره بيها
« في: 20:05 27/12/2013  »
السلام عليكم حبايب شونكم وشخباركم
اني فيزتي طلعت يوم 29-9 -2013 و ما اتسلمتها من السفاره الى يوم 15-10-2013 يعني اكثر من شهر نايمه يمهم .و زوجتي كانت حامل بشهرها و الحمدلله ولادت وراسلت السفاره على الاضافه و انطوني رساله اطيها بالمطار تعفي الطفل من الفيزا
هسه نجي لترتيبات السفر
اني عندي ايزي من الاي او ام و متصلين بكفيلي من انطيت عنوانه وهسه ارسلت الفيز يوم 24-11-2013 و ماكو ايميل و لا شي؟؟؟ لحد الاسبوع الماضي راسلوني siv_ope@iom.int  و بيها اتاجمنت و المفاجئه انه مغيرين وجهتي النهائي بالرغم من اني عندي كفيل و موقع اوراقي وراسلوه قبل اسبوع و اكد كلشي وقبل يومين هم راسلوه و كذلك اكد موافقته على تكفلي. و بنفس الوقت عمان راسلوني انه ملفي تحت البروسسنك و خلال اسبوعين نحدد موعد سفر.
لكن اني ما اريد هاي الوجهه الجديده وراسلتهم حتى اغير او بالاحرى اصحح وجهتي النهائيه زين شلون تحددون كيس وركير من جهه و من جهه انه يتصلون بكفيلي و يطالبوه بمعلومات و الى اخره من هاي الاشياء؟؟؟؟
منو ماره بيها هاي الحاله؟؟؟؟ اني راسلتهم و منتظر جواب و فيزتي 6 اشهر صلاحيتها بشهر الثالث تنتهي ان شاء الله اذا راد و سهل اكدر اغير الوجه و الله يسهل عليكم و تحياتي
ممنون للجميع
تحياتي
ابن الحله

2
الهجرة و واللاجئين / منو مار بيه هيج شي بأضافة طفل(SIV) نورونا الله ينوركم
« في: 14:27 04/11/2013  »
السلام عليكم حبايبنا مثل ميعرف البعض انه تم و الحمدلله و بعد عناء طوووووووووووووووويل اصدار الفيزا مالتي و للعائله من يوم 22-10 و اليوم فقط يالله الجماعه بعثولي ايميل التبريكات و تتبع الفيزا بالدي اج ال
في هذه الاثناء زوجتي كانت حامل و الحمدلله تمت الولاده بسلامه و خير في يوم 17-10 يعني قبل الفيزا بكم يوم و راسلتهم قبل و بعد الولادة اسألهم على الاجراأت المطلوبه ولكل لاجواب ولا شي لليوم و مباشره بعد وصول ايميلهم ارسلتلهم ايميل استفسر شنو المطلوب وكان جوابهم سريع بانه اكمال المستمسكات و ارسال الجواز و الشهاه لغرض تعين موعد مقابله و احضار بقية المستمسكات و الفحص الطبي... لهنا اوكي و تمام
ولكن بعد نصف ساعه اجاني ايميل ثاني مختلف كليا عن الاول وهو:

Dear Mr. XXXXXXX,
 
Thank you for your e-mail.
 
Please be advised that since your baby was born after your visa was issued and before you were admitted as a permanent resident, she does not need an immigrant visa. Your baby may travel with her passport and birth certificate (original and translation).
يعني متوهمين لو دايخين شلون صدرة الفيزا قبل ولادة الطفل وهو الاصدار يوم 22 - 10 و اني مبلغهم بالايميل انه الولادة كانت يوم 17-10 ؟؟؟ سوالي هل هذا الشي جائز؟؟ و طبيعي خاف هناك لنهم مسويلي مشكله او احتمال الا او ام ميرضون يحجزولي
شلون حيره هسه اني عليمن امشي
اكو احد مار بمثل هل المسأله او الشغله؟؟وهل وارد هل الشي انه الطفل يدخل بدون فيزا فقط على الجواز و الشهادة الجنسيه؟؟؟
راح اكمل الوثائق كلهم و منتظر جواب منهم.
تحياتي
ابن الحله 

3
قسم الشكاوي والاقتراحات الخاص بمنتدى الهجرة / سوال للادارة الكريمه و الاداريين " شنو سالفة الكروب مالتنه اشو انحذفت كم صفحه منه"
« في: 21:42 03/02/2013  »
السلام عليكم يا ادارة منتدانه الغالي
حبيت استفسر عن مشكله هسه انتبهتلها الا وهي فقدان 3 صفحات من الكروب مالته
 كــــــــروب(SIV) المقابلين للسنه (2012) من شهر الواحد فما فوق

http://www.ankawa.com/forum/index.php/topic,556846.new.html#new

اكوا مشكله صايره لو بس عندي متظهر الصفحات يا ريت تجاوبنه حتى نعرف اكو شي صاير يسبب حذف هذه الصفحات
تحياتي
ابن الحله

4
الهجرة و واللاجئين / اكوا واحد اجاه هذا الاتصال اس اي في
« في: 18:28 06/09/2012  »
شونهم الحبايب العينكاويه ان شاء الله تكونون بخير و يفرج الله على الجميع
مثل مايعرف البعض اني اس اي في و مقابل بشهر الواحد و بالتحديد يوم 19 و ولا واحد اعتقد شفته طلع من هذا اليوم اقصد الفيزا على العموم
اليوم الظهر اجاني اتصال من رقم من خارج العراق ( الو طلعت بنيه كالت حضرتك ابن الحله كتله نعم كالت وياك اي او ام عمان ...اهلا وسهلا اتفضلي كالت احتاج معلومات منك ...كلت اوك شنو ؟ انت كيس ثلاث اشخاص جاوبت نعم- مقدم على الهجره  جاوبت نعم -كفيلك اسمه فلان و انطتني عنوانه جاوبت نعم -الي وياك بالكيس فلان وفلان -نعم اكو امراض او حمل او اي شي -لا.
اوك استاذ ابن الحله من تصدر الفيزا ارسل نسخه النه حتى نرتب سفرك خلال اسبوع .اني شكرا جزيلا)
الغريب انه اني مكمل كل هاي المعلومات بايميل قبل فتره و انطوني ايزي نمبر ونفس الحجي مالتها اني جاوبته بالايميل واكدوا ان المعلومات كافيه و اوك انت.ليش هسه اتصلوا يعني اكو شي جديد اطور لو فقط تجيك اعتيادي ؟ و هل اكوا احد احاه مثل هذا الاتصال؟
تحياتي للجميع
ابن الحله

5
قسم اهم مواضيع منتدى الهجرة واللاجئين / الاتصال المجاني لأمريكا عيديه للعينكاويه مضمون 100% ان شاء الله يرجى تثبيت الموضوع للفائده
« في: 17:46 19/08/2012  »
بالبدايه ايامكم سعيده وكل عام وانتم بالف الف الف خير وان شاء الله ياربي عيد القادم بامريكا نعايدكم
تحياتي و سلامي لكل العينكاويه و ربي يسهل امركم و يحفظكم جميعا و يوم السفر للكل
اليوم كلت خلي انزل عيديه للاعضاء الغاليين موضوع يمكن مطروق سابقا  وهو الاتصال بامريكا مجانا و هامن صدك يعني مجانا و صوت واضح جدا جد و مكالمات بدون اي تقييد يعني مابيها اي مده لان مثل ماجربت هواي برامج  انه خمس دقايق و تخلص المكالمه و لازم تعيد الاتصال لان ابلاش او لازم تدخل على موقع يوفر الاتصال المجاني و لكن بمده و ليس بالجوده المطلوبه. طبعا الطريقه من خلال كوكل جي ميل او كوكل فويس وادري هسه الكل يكول جانت الطريقه مجانيه ولكن الان صبحت بفلوس وتكون مجانيه فقط للي بامريكا او كندا. بهاي الطريقه الي استخدمها اني اغير الابي مالتي و بطريقه ناجحه ومضمونه انا شاء الله واكون الاتصال مستمر و واضح جدا بدون انقطاع و مفتوح. و بالتجربه و البرهان وللعلم ممكن تنصيب نسخة البرنامج الخاصه بالتلفون ولكن يجب عليك ان يكون تلفونك اي فون او من الانواع العامله بنظام الاندرويد وشي اكيد لازم يكون الانترنيت فعال.
هذا لينك بيه الشرح الي يريد يحمله اوك خاف الصور متظهر
http://www.mediafire.com/?83j6243aua9ir77

و هذا لينك لسه فرش سويت بيه تصوير فيديو لسطح المكتب لكيفية تشغيل البرنامج و فحص الايبي و عمل مكالمه قبل وبعد تشغيل البرنامج للتأكيد و الفائدة

http://www.mediafire.com/download.php?m8yma71ko8r8fbu

بالاول نوفي احتياجات الاتصال
1-   حساب في Google voice   or Gmail  و هن نفس الشي تره بس الاول يكدر المتصل يترك رساله صوتيه و الثاني مختص بالايميل
2-   برنامج  اسمه Hotsopt Shield  و هو برنامج مجاني واكو بفلوس ...اكيد احنه نروح على البلاش .  و هذا اللينك مال البرنامج فقط انسخه وخليه بالمتصفح

 http://mydati.com//download/hss-win2/HSS-2.67-install-download-394-conduit.exe

تحميل مباشر و يدعم الاستكمال
ثانيا الطريقه : عمل الحساب و تشغيل البرنامج : تابع الصور

6
الهجرة و واللاجئين / العينكاويه الاعزاء ممكن مساعده في البريد و الله مشكله
« في: 16:38 17/08/2012  »
تحياتي لكل الاخواه الاعزاء طبعا حرت وين اسال و مليت من عدم الجواب على سؤالي ياريت و الف ياريت لو واحد عنده معلومه انه ميبخل عليه بيها.
عندي صديقي بامريكا و هو كفيلي بنفس الوقت اشتريت عن طريقه كامره ديجتال نوعيه ممتازه وحقيقة عجبتني كلش ...و كما هو متعود يرسل طرود الى اهله عن طريق USP البريد الامريكي للبريد العراقي الاعتيادي الي بالاتصالات فنصحني اسوي صندوق بريد و فعلا سويت و انطيته العنوان و كالي راح ارسلك الكامره مالتك على عنوانك الجديد و فعلا ارسلها و ارسلي رقم الوصل   ....ولكــــن و للاسف لسه ماوصلت وكل مايسالهم يكولوه ماعدنه علم بيها الطرد خارج امريكا ....للعلم الطرد من الشهر الثاني و كل ما اسال ربعنه بالبريد يكولون ماواصلنه شي و للان وجربت بشي ثاني وهو ارسال غير طرد اقصد رخيص و وصل بعد فتره.
سوالي اكو طريقه احد يعرفه وين اسأل او استفسر اقصد بالكمارك مال المطار  او اي شي ليش هيج يسون بينه حرامات
اتمنى من اي شخص عنده معلومه ياريت يساعدني
تحياتي و شكرا للجميع

7
الهجرة و واللاجئين / اخوان ..حبايب استفسار بخصوص(Revocation Letter) لل SIV المساعده رجاااااااااء
« في: 21:00 28/07/2012  »
السلام عليكم حبايبنه العينكاويين
طبعا الموضوع من الي ولكن لاحد اصدقاء المقربين كلفني اسئله بالمنتدى الغالي...صديقي مقدم اس اي في قديم وصدرتله فيزا و لكن لظروف خاصه منعته من السفر و سقطة الفيزا ..و العام الماضي قدم على البرنامج من جديد و مشت المسائل اوك و قابل ويايه بشهر الواحد و ماكوا اي مشكله ولكن و بشهر الخامس خابروه السفاره انه الامنيه مالته كامله و مابيه اي مشكله. و طلبوا منه الاجابه على سوال هو قد جاوبهم من قبل اثناء المقابله و هو ما سبب عدم سفرك عندما اصدرنه فيزا الك فجاوبهم مثل ما بلغهم بالمقابله و بالايميلات...المفاجاء اجتي بعد يومين Revocation Letter  يعني بين قوسين رفض من البرنامج ...شلون الامنيه اوك مابيه شي و اجاه رفض وبلغوه ان  جوازك يم الدي اج ال استلمه ...اريد اعرف شنو هاي الرساله وبصير يحقله يقدم من جديد على اس اي في او يحقله يقدم على الا او ام  لو شلون شنو الحل اسعفونه ربي يخليكم.هم اكوا احد ماره عليه هاي السالفه او هاي الشغله. اكون شاكر و ان شاء الله متقصرون
تحياتي
ابن الحله

8
الهجرة و واللاجئين / كــــــــروب(SIV) المقابلين للسنه (2012) من شهر الواحد فما فوق
« في: 18:16 26/01/2012  »
السلام عليكم ياعينكاوية ان شاء لله بخير و سلام
اخواني الاعزاء
حبيت انشاء هذا الكروب او هاي المجموعه خاصه فقط ( SIV) الذين قابلوا من الشهر كانون الثاني 2012 فما فوق ,علمود نعرف شكد قابلوا ومنو راح تطلعله فيزا ان شاء الله وياريت كل عضو يخلي تاريخ المقابله حتى لو قريب من التاريخ الحقيقي لاسباب امنيه اما بالنسبه للذين قابلوا يعني مثل حالي فعادي يخلي تاريخ المقابله و موجز بيسط عن احداث المقابله.
ابدي اني :مقابلتي كانت يوم 19 كانون الثاني 2012 و جانت كلش سهله و بسيطه و اخذوا الجوازات وايضا اخبرني نائب القنصل ان الفيزا محتمل تكون شهرين او سته او 9 اشهر
رايدين مشاركتكم علمود نعرف احوالنه و اشكد مقابلين او راح يقابلون... يا ريت كل من الاخوان الي راح يشاركون يذكرونه تاريخ المقابله, ومكانها في اي بلد  وربي يوفق الجميع
تحياتي للجميع بالتوفيق يوم صدور الفيزا ان شاء الله
تحياتي
اخوكم ابن الحله

9
الهجرة و واللاجئين / مقابلتي اليوم 19 كانون الثاني وكلش سهله كانت!!!!!!!
« في: 17:14 19/01/2012  »
السلاك عليكم يا حبايبنه العينكاويه
شونكم و انشالله يوم كل الي بالمنتدى يسافر و يخلص
اليوم Jan 19  2012  كان يوم مقابلتي للعلم اني اس اي في .وصلنه بالسته و ربع لباب معسكر الازدهار و طبعا اني طلعت من البيت بالاربعه الصبح لان اخوكم محافظات فحطيت وقت احتياط . ماليكيت فقط شخصين قبلي وبعد قليل اجه الحرس شاف الجوازات و فتشنه وكال ادخلوا انتظروا جوه بالداخل . اكو مساطب 2 خشب كعدنه هناك و بدائت العوائل و الافراد بالتوافد و الساعه 7:15 اصبح العدد كبيييير جدا و ايضا جان اكو تأخير بالدخول وذلك بسبب شكوه قبل يوم .طبعا الموجودين اي او ام + اس اي في + دراسه+وبعثات و غيرها. و بعد انتظار طويل بالسره الي اني اصبحت بيه و للاسف بسبب تخلف بعض الاشخاص الي ضربو السره وصاروو بالبدايه صرت اني رقم 8 .. على العموم مو فد شي بس للاسف اكول. بعدالتفتيش بكافة الانواع وصلنه اني و زوجتي الى كرفان الانتظار و انطونه باجات ملونه وبيها رقم الشباك و ايضا انه كل شخص رقم تسلسل لازم تحفظه و اخذنه الباص الى الخضراء =السفاره الامريكيه و انتظرنه هناك العوائل بالبدايه و هنا صارت مشكله مع شخصان اعزب و شخص اخر يظن نفسه فرعون ( وفعلا هذا الانسان خارج هاي البنايه هو فرعون) وكام يهنبل و اني اني ..المهم مشه السره مثل ما راده الموظف يعني العوائل بالبدايه.
دخلنه على قاعة المقابلات وكانت الابتسامات تعلو الوجوه من بداية المشوار والى هذا المكان, طبعا اني رحت الى شباك رقم 2 وانطيت الجوازات مالتي و زوجتي و طفلتي الي ماجايبها و بعد تتدقيق كالي انتظريم شباك 6 او 7 و فعلا بعد شويه ناده شخص عراقي بسمي على شباك رقم 9 اخذ كل المستمسكات و اني مكملها كلها طبعا ماعدا شي بسيط و هو عقد الزواج الاصلي يطلعون عليه فقط لان جنت جايب مستنسخ مع الترجمه وكال مو مشكله ارسله بالبريد السريع وانطاني رقم كال من يظهر على الشاشه روح على الشباك المطلوب  .وراها كال انتظروا =و فعلا بعد قليل رقمي على الشاشه رحت اني و زوجتي جانت اكو موظفه شويه كبيره بالعمر و لكن مرحه جدا كالت اني راح اخذ البصمات و بصمة العيم مالتك و فعلا بصمنه اني وزوجتي وكال انتظروا رقمك يظهر على الشاشه حتى يقابلك القنصل وانطتني ورقم اكتب بيها جميع اسماء اخواني و اخواتي مع المواليد لي و لزوجتي ...وبعد نصف ساعه اخيرا ظهر قمي على شباك رقم 9  وكان جالس هناك موظف اشقر لطيييف جدا يحجي عربي و متساهل جداااا.بالبدايه سلم علينه و رحب بينه اتشكر على حضورنه هنا طبعا اني الشكرته لعى المقابله و سلمت عليه.  و كالي انت جنت تشتغل مترجم مع الجيش الامريكي كتله نعم كال اشكرك على خدماتك النه.
اتاكد بالبدايه من اسمي و المعلومات الي اني منطيها بالاستماره دي اس 260 =خلي انادي القسم بان المعلومات هاي كلها صحيحه و كال بالاول الفيزا راح تصدر احتمال بشهرين او سته او بالاكثر تسعه كتله لييييييش كال ما ادري بس هي هاي اجراات هوايه فاني اختصرتها يعني اجرارات امنيه كال نعم و بعد الكثيير من الاجرات الاخرى سال خادم بالجيش لو لا عندك دفتر خدمه لو لا طبعا اني لاخادم و لاعندي دفتر خدمه..اتهددت طبعا كتله نعم كال بالهاتف لو ايميل و لو رساله ..كتله اني برساله و مره اخرى وجه لوجه.. بس ما سئل على التفاصيل .و وراها سال سافرت خارج العراق هل لديك جواز اخر هل تم القاء القبض عليك مره وهل تنتمي الى اي حزب سياسي او ديني.كال اريد ورقة معلومات اخوانك و اخواتك و انطيتهياه و بالنهايه كال اكو واحد عنده سوال سئلته مره ثانيه على موعد الاصدار كال ما ادري و كام يضحك بالشقه...و كال هسه اني ماعندي اي شي وياكم و انتظروا الباص مع السلامه.
دامة المقابله اقل من 14 دقيقه
سهله جدا
 فقط اجرات التفتيش طويله و مزعجه قليلا
نصيحتي لكل واحد انه يحضر من وقت حتى تدخل بالبدايه
و لاتتوتر من المقابله و اتاكد من جميع المستمسكات
اتمنه ان ل اكون طولت عليكم بس حبيت افيد الي ينتظر مقابله لان البارحه شفت نفسي وشلون ما ادري شسوي
شكرا الكم و انشالله بالتوفيق
اخوكم ابن الحله

10
الهجرة و واللاجئين / اصحاب الخبره ( SIV) ممكن مساعده وينكم؟؟؟؟؟
« في: 21:08 12/01/2012  »
السلام عليكم يا عينكاويه
عندي مقابله انشالله بعد كم يوم ( SIV) و ان شاء الله امكمل كل اوراقي و فحوصاتي و تقريبا نفسيا مستعد. سوالي هو قبل قليل صديقي اخبرني انه لازم اتصل بالسفاره علمود يخصصولي ايسكورت (مرافق) علمود يدخلني حبيت استفسر من الاخوان الي قابلوا خلال هذه الفتره اكو هيج شي لو هاي معلومه قديمه.حسب معلومات السفاره انه لازم اخذ رساله تحديد الموعد الى مدخل السفاره في ساحه النسور قبل الموعد بساعه .ياريت ياريت  لو واحد يوضحلي شلون ومنين ادخل لان حقيقه مامتاكد؟
جزيل الشكر  

11
الهجرة و واللاجئين / اليوم اتصلوا السفاره و فد شي غريب.!!.اكو واحد مثلي؟؟
« في: 20:05 08/12/2011  »
السلام عليكم جميعا يا عينكاويه
انشالله بخير و مرتاحين
اليوم الساعه 8:30 الصبح اتصل بيه شخص من السفاره اتاكد من اسمي و موعد المقابله و الي المفروض كان تكون في 02 Jan 2012  و اخبرني بان موعد المقابله اتغير بسبب الزخم الحاصل على القنصل و اتاجل الى 02 الشهر الرابع 2012 و راح ارسلك ايميل بالمعلومات.كتله شلون هيج كول غير اني مو عندي احسابات عاده و مكمل اجلني بس مو 3 اشهر .كال اسف هذا قرار القنصل كتله اوك شسوي لعد و سد التلفون و اني ضجت كلش و كلت انلاصت. و بعد خمس دقايق اتصل بيه نفس الشخص و كال ولو اليوم سببنالك ازعاج بس الموعد هم اتغير كتله كول غير شنو اليوم ناوين تودوني للمستشفى ضحك كال لا خير انشا الله... كالي اني حاجيت القنصل و كتله ميصير انأجله 3 اشهر فقترح عليه القنصل ان المقابله تكون يوم 19 واحد 2012 يعني التأجيل فقط 17 يوم و كال اهمل الايميل الاخير  و راح ارسلك ايميل ثاني .. و الحمدلله اجاني ايميل كاتبين هذه موعد مقابله اطبعها و جيبها وياك.و اتاج فايل بيه معلومات الفحص و المقابله.
حبايب هم اكوا واحد مثلي اجلوه يعني هذا طبيعي وشنو الفلم؟؟
تحياتي للجميع
اخوكم ابن الحله

12
الهجرة و واللاجئين / الحكولي غلطت باستمارةDS-260 وشلون مصيبة
« في: 16:47 02/08/2011  »
السلام عليكم يا عينكاويه
اولا رمضان كريم عليك وربي يتقبل صيامكم ويعود عليكم
عندي استفسارين
الأول صار عندي خطأ بتاريخ الولادة مال بنتي يعني كتبت 24 بدل 25  بلاستمار مال نبراسكا
الثاني :اليوم من دا أملي استمارة DS-260  و طبعا مثل متعرفون هاي استماره اونلاين.احنه عائله مكونه من ثلاث نفرات اني و بنتي و زوجتي. مليت اليه وكملت بسلامه و ملئة لطفلتي ذات السنتين وطبعا صححت التاريخ ومادري بعد, و سويت صبمت و أطبعت الكومفرميشن ,و من دا أملي لزوجتي وجت اني وضعت رقم البنفشري الخاص بزوجتي بدل رقم طفلتي, يعني توهمت بلارقام هناك اني عندي خرط السوك و كلت انلاصت بدلت الارقام هسه لسه ماكملت استمارة زوجتي بسبب هذه المشكلة,حطيت رقم البنفشري مال زوجتي لرقم بنتي.
شنو الحل برأيكم وخبراتكم للعلم اني راسلت الان في سي علمود انطيهم علم
و الله كريم
ممنون من الجميع
اخوكم ابن الحله

13
الهجرة و واللاجئين / سوال لاهل الخبره SIV هاي اول مره اسمع بيها...ممكن ارأئكم او معلوماتكم
« في: 22:34 17/07/2011  »
السلام عليكم ياعينكاوبه
اليوم رحت زرت صديقي. انهى مقابلة القنصل على برنامج الاس اي في و اول شي سالته شونها كال جانت زينه و المحلف زين و جرت بشكل طبيعي و بالنهايه القنصل اعطاء ورقه كما هو معروف لدى كل من قابل G221 و مأشريله على الرفض و طلب منه ان ينتظر 8 الى 9 اشهر الى هنا كلش طبيعي ولكن شفت اوراقه الي سلمهن وشوفني وصل صغير ماخذين من عنده 1600 دولار رجعوله منها 86$.. طبعا هاي اول مره اسمع بيها انك لازم تدفع الف و ستمئة دولار اجور مقابله محلف ...سوالي اكو هيج شي لو هذا روتين جديد؟ من خلال قرائتي لكافه مقابلات الاعضاء محد ذكر انه دفع 1600 $ للسفاره. وللعلم الوصل قانوني و صادر من السفاره و ايضا صديقي هو على البرنامج القديم للاس اي افي يعني 50 شخص يسافرون احتمال لان هو على هذا البرنامج.
طالب خبرتكم و اكو هيج شي علمود احضر روحي من اقابل انشالله منو يفكر ياخذ وياه 1600$ للمقابله
شكري و تقدير للجميع
ابن الحله

14
الهجرة و واللاجئين / الي يريد يطلع على استمارة DS-260 يطب يشوفها
« في: 19:22 09/07/2011  »
السلام عليكم ياعينكاويه
انشالله مرتاحين اليوم جايبلكم شي يمكن جديد بس مو اول مره ينطرح ,هواي من الاعضاء(SIV) وخصوصا الي واصلين مرحله NVC يتسائلون عن الاستمارة DS-260 و مثل ما بعض الاعضار انطونه رابط مال موقع يطرح هاي الاستماره بس بفلوس و اكيد هي نموذج بس فقط علمود واحد يعرف شنو هاي الاستماره؟ و شنو متطلباتها؟ و شنو راح يسألوه بيها وشلون يتعامل؟ وياها لان هي اونلاين.
شسويت اني طيب وصوره على شكل فيديو تكدر تشغله وتشوف تصفح هاي الاستمار و تكدر تسوي بوز( توقف) على كل صفحه علمود تقراها على راحتك طبعا الكل يعرف انه هاي استماره تفاعليه يعني بيها اسئله نعم او لا فأذا جاوبت نعم راح يطلعلك غير اذا كان جوابك لا,و الموجود بالموقع و الفديو الحالتين يعني راح يطلعلك الجواب بعم شنو وراه و الجواب لا شيطلع وراه.
هسه نجي للجوده مال الفيديو يعني تقريبا زينه(تكدر تقراها و تكدر تسوي زيوم بس ميحتاج لان هي واضحه)وهي بامتداد AVI   والي عنده خبره بالحاسبة يعرف شنو هذا, اما عن الحجم (69.7) م ب - اغلب العراق خدمة النت ضعيفه فسشسويت اني حملت الملف على موقع ميديافاير(الصوره رقم 1 شلون تحمل منه) وهو موقع يدعم استكمال التحميل يعني اذا حملت نصف الفايل و توقفت تكدر تكمل بعدين ومن المكان الي وصلتله يعني ميحتاج ترجع اتحمل من جديد( الصوره رقم 2) و الملف مضغوط ببرنامج RAR يعني لازم تفك الضغط الصوره تلكاه بالاسفل على طريقة فك الضغط ( صوره رقم 3).
و أي استفسار اني حاضر و بخدمتكم ننتظر اصحاب الخبره علمود يعلقون علي فقراتها هاي الاستماره ولو هي واضحه يعني وين ماتوصل بيها يتكدر تسوي حفظ وبعدين تكمل بس للتاكيد.
تحياتي للجميع اتمنى ماطولت عليكم ويدلل العينكاوي .....صدك كبل ما انسه هذا اللينك او الرابط



اخوكم ابن الحله

15
الهجرة و واللاجئين / ماهي (Post Decision Activity ) في مرحلةUSCIS
« في: 21:39 22/06/2011  »
السلام عليكم يا عينكاويه الاعزاء
قبل اقل الشهر ارسلت اوراقي الى نبراسكا و تم استلام الوصل و اعطوني تراكنك نمبر و بديت اتبع مراحل القضية مالتي و البارحه جيكت بالموقع لكيتهم واصلين الى Post Decision Activity  شنو هاي المرحله و لفت نظري فدشي ثاني وهو انتقلوا مباشرة الى Post Decision Activity  بدون وضع قضيتي في مرحلة الDecision هل هذا طبيعي و شنو السالفه

16
الهجرة و واللاجئين / ال( uscis) راح يخبلوني ممكن استشارة من الخبراء ولمن مره بهذه المرحله
« في: 00:00 05/06/2011  »
السلام عليكم
شونكم ياعينكاويه
 قبل اسبوع ارسلت اوراقي الى نبراسكا و قبل قليل صديقي استلم وصل الاستلام و ارسلياه عن طريق الايميل. ولكن المفاجئه انه حينما اضع (Receipt number: LIN-xx-xxx-xxxxx)مالتي بخانت البحث عن حالة قضيتي يعلمني ان الرقم غلط او ماموجود رغم اتباعي جميع الارشادات بالموقع .استفسار لمن مره بهذه المرحله هل هذا طبيعي؟ و متى استطيع ايجاد حالة القضيه مالتي بالموقع؟
شكري و تقدير للجميع
اخوكم ابن الحله

17
الهجرة و واللاجئين / استفسار عن الوثائق المصاحبه لل DS-360 مســــــتــــعـــجلــــه
« في: 21:12 22/05/2011  »
السلام عليكم
مثل ما يعرف البعض اني حصلت على الكوم قبل فتره قصيره و حاليا اكملت املاء استمارة DS-360  و قد تم اعلاامي بأرسالها الى نبراسكا مع مجموعه من الوثائق و التي هي
1-نسخه من الجواز
2-نسخه من الجنسيه او شهادة الجنسه مصحوبه بالترجمه المصادق او المعترف فيها
3- نسخه من توصيه او تزكيه ايجابيه من شخص امريكي الجنسيه(ركمنديشن)
4-و اكيد الاستماره الممليه DS-360
--------
استفساري هل هي هاي جميع الوثائق المراده للتأكيد فقط قبل ان ارسل الطرد الى نبراسكا
وهل هناك وثائق اخرى مثلا نسخه من الباج او فاريفيكيشن لتر HR من الجي ال اس
ارجوا النصيحه ممن اكمل هذه المرحله
و استفسار اخير وهو كم سعر توصيل الطرد الى نبراسكا بواسطة الدي اج ال..هل هي 41 $  لو 91 $
علما اني من سكنة محافظة بابل
شكرا للجميع و تحياتي لكم
اخوكم ابن الحله

18
الهجرة و واللاجئين / واخيرا الكوم الغالي بين اديه!!!!!!!
« في: 16:20 08/04/2011  »
السلام على العينكاويه جميعا
انشالله عساكم بخير و سلامه
يا عالين اريد ابشركم اني البارحه ليلا بالتحديد استلمت الكوم ابروفل و عليه توقيع رئيس البعثه بتاريخ 1 /4
للعلم اني كملت اوراقي بتاريخ 14 /1/2011 و البارحه يالله استلمته مع اشعاري بأرسال الاستماره اي 360
انشالله ربي يكمل ويسلم كومات الجميع باسرع وقت
تحياتي للجميع
اخوكم ابن الحله
[/color]

19
الهجرة و واللاجئين / ممكن استشارة من الخبراء عاجله
« في: 17:47 02/04/2011  »
السلام عليكم احبتي الغالين
خدمات هذا المنتدى لاتعدد ولاتحصى و الحمدلله على وجود هذه النخبه من الشباب و الشابات المستعد للمساعده
مثل مايعرف البعض اني قدمت على SIV ودا انتظر الكوم راح يصير 3 اشهر
عندي سؤال : وهو اني قدمت لنفسي بالفورمه DS-157  وكملت اوراقي سوالي متى اقدم لزوجتي ولابنتي الصغيره هل وجب ان اقدملهن معي بنفس الوقت او ليس وقتهن الان. وان لم يكن الان متى يكون؟
انتظر الجواب من الاخوه و الاخوات الاعزاء ممن لديهم معلومه او خبره بهذه القضيه
اخوكم ابن الحله

20
الهجرة و واللاجئين / حبايب ,ممكن مــــعلومـــات عن (سانت لويس ولاية ميزوري)
« في: 20:25 14/03/2011  »
السلام عليكم
انشالله بخير كل العراقين بشكل عام و العينكاويه بشكل خاص
احبتي ان امكن لو احد يزودني بمعلومات عن سانت لويس ولاية ميزوري ولو ياريت لو ساكن هناك
(من طبيعة العمل ,الاجواء ,الاسعار للسكن و المعيشه او المنظمات ودعمها)

21
الهجرة و واللاجئين / موافقة الكوم مـــــــــــفاجئه غير مــــفاجئه
« في: 16:00 08/03/2011  »
الله حيو شونهم الشباب و العينكاويه انشالله مرتاحين و كاعدين مزرعين لو منتظرين موافقة الكوم (مثل حالتي) لو منتظر مقابله لو منتظر فيزا
على العموم شوفو الاجراء الجديد الي ما ادري بيه و هو بخصوص موافقة الكوم
الي اعرفه و حسب ما ارسلولي اخر ايميل ان اوراقي كامله و ان مراجعة القضيه سوف تأخذ شهر و تأتي الموافقه .....و قد مر اكثر من شهر فأرسلت  لهم استفسر على الموافقه و اذا بالمفاجئه شوفوا جزء من الايميل و انت افتهموا

Your case is currently under review at U.S. Embassy Baghdad with the Chief of Mission designee.  U.S. Embassy Baghdad's Chief of Mission designee generally requires approximately three months to complete the case review.


22
الهجرة و واللاجئين / منو من الاعضاء من كنساس,منهاتن او اي مدينه منها طلب نصيحه
« في: 22:56 23/02/2011  »
شونهم الحبايب .رايد استفسر على ولايه كنساس و اريد واحد كون هناك لان ناوي اسافر لكنساس انشالله ....بعد عمر طويل

23
الهجرة و واللاجئين / رايكم ياعينكاويه. شلون شغله؟؟؟
« في: 09:02 22/02/2011  »
السلام عليكم
تحياتي لكل الاعضاء الكرام (العينكاويه)
رايد رايكم بخصوص شغله و هي:
قدمت على SIV و اخر شي انهم راسلوني و كالول ان اوراقي كامله و سنضعها تحت الدراسه و المراجعه وان هاي العمليه سوف تأخذ شهر
سوالي: لقد تجاوز الشهر بايام ولم احصل على شي فهل برايكم ياعينكاويه اراسلهم لو انتظر
اشو اني بده قلبي يلعب مع العلم اني مستوفي للشروط ميه بالميه
منتظر رايكم

24
الهجرة و واللاجئين / الى من يريد الحصول على HR Letter او Verification of Employmen يتفضل
« في: 18:17 13/02/2011  »
السلام عليكم اخوتي و اخواتي الاعزاء
كثر ما اسمع و اقرأء من الاعضاء الكرام حول استفساراتهم حول (HR Letter  )او التي تعرف ب( Verification of Employment)
و التي يم طلبها من قبل موظفي السفاره او دائرة الهجره
اخواني الاعزاء :هذه المذكره هي عبارة عن كتاب او استماره تبين وضع الموضف (المترجم الي هو يعني احنه) تعطي هذه الوثيقه معلومات عن الموظف, اسمه الكامل,محل و تاريخ تولده, و المهم و الاهم  نوع و متى بدا العمل (كمترجم او أي شي اخر) تاريخ المباشره و تاريخ الانتهاء لمن انهى خدماته.
كذلك تبين المكان الذي عملت به , مثل هذه المعلومات مهمه و هم يحتاجونها لكي يعرفوا هل انك صحيح ما قدمت من معلومات في الاستمار الاولى للتقديم (DS-157)
طريقة الحصول عليها
الطريقه الاسهل و الي اني سويتها و هو مراسلة الشركة عن طريق البريد الالكتروني
 (linda.mclaughlin@L-3Com.com) او   Haze.Hanna@L-3com.com.) )  
او عن طرق الذهاب الى مقر الشركة و للاسف لا اعرف العنوان و اعتقد انه في ساحة النسور
و للاعضاء الكرام لمن اراد أي استفسار فأنا حاضر و بخدمتك و بخدمة عينكاوه
وتعديلا على ردود احد الاعضاء الكرام (شكري له للتنويه)  للعلم  هذا الكلام يشمل جميع شركات الترجمه واقصد تايتن -جي ال اس -ال او 3- لان هم يستخدمون نفس قواعد البيانات او بالاحرى هي هاي كله شركه وحده بس هم يغيرون بس الاسم و الشعار علمود الضرايب...
وهذه صوره عن الاستمار طبعا خاليه من المعلومات ولكن لكي يكون عندك فكره عنها.
[/size]

صفحات: [1]