مواضيع

1

الهجرة و واللاجئين / جماعة عمان ... محتاج معلومات عن محامي ملفات استراليا بجبل الحسين

« في: 20:30 13/02/2014  »

اخواني و اخواتي الاعزاء
ياريت اذا احد عده معلومات على " المغذي الجديد " محامي الهجرة اللي بجبل الحسين بخصوص استراليا
ياريت ينطيني تلفونه او بالضبط عنوانه...
 علمود انروح نتحمل غثاثة و دجل محامي اردني ونسمع شلون رح يسويه كمره وربيع
لان وبدخول السنة الرابعه من التقديم لاسخف وافشل برنامج للتوطين بالكره الارضية
اريد اروح بلكي نبدي بمخدر جديد اسمه استراليا

2

دردشة منتدى الهجرة واللاجئين / السيرة الذاتية لعراقي مكرود ... موضوع ما اله علاقة لا بامنيه ولا قرار محلف

« في: 21:45 30/10/2013  »

منقول من عراقي - ليكس

 السيرة الذاتية لعراقي مكرود

إنقلاب، ثورة، سحل، عدنان القيسي، أبو طبر، تصفيات، حوادث، مخابرات، أمن، لتحجي عالنائب، يا سيف يا راية يا فكر ويا عقيدة، سفرّوهم تبعية، إنذبـّوا جوّة، إنكطع الخيار بالسوك، إعدام، بالروح بالدم، سرة على أورزدي، أزمة بيض، أزمة طماطة، الأجهزة الدقيقة جابت حاسبات ...
======
حرب إيران، غارة، مسيرة ، نوط شجاعة، خائن، ديوزّعون لحم، وين وكع الصاروخ؟، أسرى، معوقين، دا أكلّه الفاو راحت، شهداء ، طابور خامس، إفرار، ملفوف بعلم، ميتسوبيشي٨٢ مال نواب ضباط كاعدين بيهه إثنين يقرون جرايد الظهر بتموز، العياده معزّلة الطبيب أخذوا جيش شعبي، زوجي وفردي، دينطون طبقتين بيض لكل واحد، تقشـّف، المؤتمر القطري السابع، ماليبو مال شهيد، عدي، قصي، لؤي، دفتر خدمة، إرهاصات، سيارة ما ماشية مال طبيبة ساكنة بشقه فوك العيادة مالتهه، ثقافة قومية، الفايدة، سنجار، عين زالة، كوبونات، خلصت الحرب .. إنتصرنه؟...
======
لك إفتح الراديو طبـّينه بالكويت... ببسي قواطي، كيت كات، بس لا يضربونه نووي، حصار إقتصادي واحتصار نفسي ، حرب الكويت... انتو وين بالنجف ؟ لا إحنا بالسليمانية، خالو بالفلّوجة، لا يظل بالكم، ماكو كهرباء، جواز باربعمية: حضر البدل لو تخدم، إحموا ألمي قبل الشرب، يكلون بغداد إنهجمت، أكيد حيطيّروه، مذكرة تفاهم، عِدموا تجـّار، حملة إيمانية، ضم صندوق فريدة جوّة الميز بالنادي، أبو سيّاف، فدائيين، يدز لإهله ميت دولار بالشهر وامورهم زينة الحمدلله، إبـّيش اليوم؟ الدولار إبالفين وخمسمية، فريق التفتيش...
=======
هو خريج علوم بس يشتغل سايق بالـ ، UNأسلحة الدمار الشامل، ترى الأمريكان جايين جدّيات هالمرة، لا يابه! خو جان سووهه بحرب الكويت ، ألفين وتلاثة .. أمريكا خشّت.. قاتلوهم ...الزيتوني بالشوارع...
=========
لا سنة ولا شيعة هذا الوطن منبيعه... يمكن يرجّعون الملكية، بابا أمريكا ما إحتلت بلد إلا وتطوره، مجلس حكم و ثناعاش رئيس جمهورية خلال سنة، إنتخابات الشمعة لو 555 ، حواسم، ميلشيات، مفخخة، حرب أهلية لو أهل حربية ... طكت! ومن التمّت العالم! طكت اللخ،...

========
حرب الدريلات، شسمك؟ أني علي بس يدلعوني عموري، تكنوقراط، إنتخابات، الوحدة الوطنية، إستحقاقات انتخابية، عنق الزجاجة، خمط مرعب، طكوك، مولدة، إحترك ابو الـ ...، إنعدام كلي للخدمات، إنحدار مخيف بالذوق العام، فساد X فساد = معجون (هذه من عندي)...
==========
اشو إتحوسمنه ديمقراطياً وإنعلسنه دستورياً وإنخطفنه أخلاقياً، إشتعلت الوطنية ؟!
إنطفت الوطنيه للأبد؟

وأهم فقره بالموضوع كلّه أنه الوطنية أنطفت وبس لا للأبد ...

شكرا للاخوه المشرفين على نقل الموضوع للدردشة

3

دردشة منتدى الهجرة واللاجئين / مبرووووووك على العراقييين

« في: 20:01 07/07/2013  »

اليوم كلنه عرررررااااااق
الف مبروك فوز الاسود
ان شاء الله فرحة العراقيين دائمة

4

الحوار الهاديء / ليتك لم تعد !!!

« في: 00:09 25/06/2013  »

كنت اتمنى ان تعود الكفاءات الى العراق من اجل بناء عراق جميل عراق يحترم الانسان عراق يحكمة القانون ولاشيء غير القانون لكنت يبدو ان الامنيات شيء والواقع شيئ اخر في العراق الجديد كما يطلق علية الانسان يهان من  قبل اشخاص هم اصلا عليهم ان يحموا المواطن  لكن يبدو ان الارهاب والقوات الامنية قد تسلطت على المواطن العراقي لماذا تركت هولندا يابو سمية لماذا تركت بلد الحريات واحترام الانسان لماذا تركت بلد فية الكل يحترم الانسان ويقدسة ويحترم الكفاءات بعد حادثة المغدور محمد عباس اتمنى ان لاتعوةد اي كفاءة الى العراق لان من الواضح ان الكفاءة هي لقوة اليد لابقوة العقل الكل يتحدث عن مقتل حسن شحاتة والكل حزن لمقتلة لكن هل تحدث احد عن حادثة محمد عباس اكيد لان لاننا ومن زمن طويل نقدر الغير ولانقدر انفسنا وابناءنا هل حزن اي مصري على مقتل اي عراقي لماذا وقف الجمهور دقيقة حداد على حادثة بو سعيدولم نقف نحن دقيقة حداد على ارواح الشهداء هل يستطيع اتحاد الكرة ان يلغي الدوري ؟؟؟ نحن لانقدس الانسان قواتنا الامنية لاتحترم الانسان لماذا هذة الهمجية من اين تعلمنا الهمجية هل نحن مسلمون ... الاسلام دين تقوى ومحبة وانسانية وليس دين التعدي على الغير وتكسير رقابهم ماذا قال الهمجي الذي ضرب محمد عباس هل يعرف ان لمحمد عباس عائلة تريدة ان يعود سالما الى البيت مثلما الجندي لدية اهل يريدونة سالما هل تعرفون ان محمد عباس عاد من هولندا لانة لدية بنات لايريدهم ان يختلطوا بالثقافة الاوربية والله الثقافة الاوربية ارحم من ثقافتنا لان ثقافتهم مبنية على الاحترام المتبادل وليس على الاعتداء على الغير ليتك لم تعد يا أبا سمية لان العراق اصبح لايطاق هل ان ابو سمية ارهابي ام من القاعدة وتنطبق علية مادة اربعة ارهاب  ستمرالحادث مرور الكرام لكن صدقوني سوف لن تمر الحادثة على الجاني لان ربك لابالمرصاد
 ليتك لم تعد ياابو سمية

الموضوع منقول من منتدى كووورة عراقي

5

دردشة منتدى الهجرة واللاجئين / شعر : الى العامرية .. مرة أخرى

« في: 13:58 20/04/2013  »

إلى العامرية...مرة أخرى
....................................
مرت سنين..
والعامرية مايزال في ليلها يعلو الأنين
وصراخ أطفال صغار
مالوا كعود الياسمين
وطغت على أجفانهم..نار،وطين
هم نفسهم ، أصحاب ذاك الملجأ الموبوء
حفروا بجدران الممات ...ليكبروا
ورموا بقمصان الحياة على وجوه العابرين
في بلد السلام...أو لاسلام
من بعد أن فات التخرج ...مرة أخرى نعود لنحتفي ببكائنا
كل الشباب سيلبسون ذات الملابس بعد أن يتخرجوا
ويحملون –كعاشقين- على الرقاب
ونزفهم نحو التراب
قد يكبرون سنابلاً خضراء من وجع العراق
قد يرتقون منابراً من نور في وجه الضياع
وينضجون من القبور ، ويذاكرون دروسهم
كي ينجحوا في ماتبقى من دروس ...ولاتخرج بعد ذلك
كل النهاية واحدة:
لك أن تموت بكاتم...أو أن تعانق قطعة من نار
أو أن يهز الصوت أركان الضلوع...فتروح للصمت الجميل
لك أن ....
لكن من المهم أن تترك الدنيا وترحل
فهي سجن المؤمنين...ونحن أجبرنا على الإيمان
فما لنا إلا الرحيل.
مرت سنين والعامرية ...صوت الأم
وهي تنثر الحلوى على جثمان ابنها
قبل الدخول إلى الحياة
وهي تخيط أثواب السواد...على مر السنين
تتنفس الصعداء...ثم تقطر دمعتين
وتغادر النصب ، لتبدأ من جديد
ترش ملحاً خوف أن يحسد الآباء ...ماتلد النساء
سيكبرون...ويرحلون
ويكون عنوان القصيدة
عامرية...أو خراب
.
20/4/2013
د. أحمد الظفيري

6

الهجرة و واللاجئين / أكذوبة كبيرة اسمه ... الامنية ...

« في: 20:21 07/01/2013  »

اخواني و اخواتي المحترمين
ارجو من حضراتكم بعد قراءة هذا الموضوع ... معرفة حقيقة السنوات الطويلة اللي ديعانيه العراقي المسكين بانتضار وهم اسمه " امنية "

راجيا من حضراتكم عدم التجاوز على اي جنسية .. بس اريد اعرف شنو المتعة و الحكمة بتاخيرنه



[صورة تعبيرية] قال دبلوماسي أمريكي إن إدارة الرئيس الأمريكي أوباما رفعت معظم القيود التي كانت تفرضها على السعوديين الراغبين بالسفر لأمريكا، وذلك بعد أكثر من 10 سنوات من فرضها في أعقاب أحداث سبتمبر 2001.

وقال مسئول كبير بالقنصلية الأمريكية بالظهران إن عدد التأشيرات التي منحت العام الماضي للسعوديين بلغ مستوى غير مسبوق ، مشدداً على أن أمريكا تهدف إلى زيادة عدد التأشيرات السنوية التي تمنحها للسعوديين وخصوصا لفئتي رجال الأعمال والطلاب.

ونقلت جريدة "وورلد تريبيون" عنه قوله إن القنصلية أصبحت تسرع الإجراءات وذلك بالتخلي عن بعض الاشتراطات التي كان يعمل بها سابقا مثل إجادة اللغة الانجليزية كما تم زيادة عدد الموظفين الذين يتحدثون العربية بالقنصلية لتسهيل الإجراءات.

وأضاف أن القنصلية تمنح ما يقارب 100 تأشيرة حاليا في اليوم وأن عدد التأشيرات التي منحت العام الماضي من قنصلية الظهران سجل رقما قياسيا قدره 21 ألف تأشيرة، كما قال إن 95% من الذين تقدموا بطلب السفر لأمريكا تم منحهم التأشيرة.
رابط الخبر :
http://akhbaar24.argaam.com/article/detail/122630/%D8%AF%D8%A8%D9%84%D9%88%D9%85%D8%A7%D8%B3%D9%8A-%D8%A3%D9%85%D8%B1%D9%8A%D9%83%D9%8A-%D8%A8%D8%A7%D9%84%D9%85%D9%85%D9%84%D9%83%D8%A9-%D8%A7%D9%84%D9%88%D9%84%D8%A7%D9%8A%D8%A7%D8%AA-%D8%A7%D9%84%D9%85%D8%AA%D8%AD%D8%AF%D8%A9-%D8%B1%D9%81%D8%B9%D8%AA-%D9%85%D8%B9%D8%B8%D9%85-%D9%82%D9%8A%D9%88%D8%AF-%D8%B3%D9%81%D8%B1-%D8%A7%D9%84%D8%B3%D8%B9%D9%88%D8%AF%D9%8A%D9%8A%D9%86-%D8%A5%D9%84%D9%8A%D9%87%D8%A7

7

الهجرة و واللاجئين / لاتخاف في الحق لومة لائم .. شكرا لكي Dr. Marla

« في: 17:44 09/12/2012  »

اختي المحترمه د. مارلا اخواني المحترمين الاعضاء الصادقين ... شكرا والف شكر لكم

اخواني الاخت الغالية د. مارلا فتحت قلبه وبكل شجاعه ومكانت مثل النعامة لم تدفن رأسها بالتراب ..
لكن غيرته على اخوته العراقيين ما خلته الا ان تقول كلمة الحق نصب نفسه مدافعه عن اخوته من الذين اتعبهم الانتضار و من كانوا يتمسكون ولو " بقشاية " كما عبر احد الاعضاء الطيبين .. لكن هل دائما ننساق للاكاذيب ؟؟؟ خصوصا انه قد يحدث ما لايحمد عقباه .. وراينا الاخ يعطي  المواعيد باليوم و يعمل المقابلات بالسكاي بي و يحدد ساعات عمل لاجراء مقابلات للمستضعفين من اخوتنه .. اخواني منو رح يعوض المسكين اللي يصدق كلام " ابو علي العينكاوي " ويروح يبع التكسي اللي يعيل بيه اسرته ؟؟ ومنو يعوض صاحب المحل اللي يترك تجارته بانتضار موعد سفر خادع نطاهيا من لا يخاف الله ؟؟ ومن يرجع الموضف اللي يستقيل ؟؟ ووو الكوارث كبيره .. و الكذب مكروه وعاقبته الفشل
اخواني تره " ابو علي العينكاوي " مسح موضوعه مو بسبب د. مارلا  ... مسح الموضوع لان الاخ " اسبيرو " وجهله سؤالين فقط .. سؤالين كانت كافيه انه تكشف زيفه وكذبه .. واجاب اجابه ياريت تارك الموضوع كان كلكم عرفتو منو هو " الكذاب  الاشر "
اخواني د. مارلا ما سوت اي مداخله بموضوع صاحب الضجه .. نزل موضوع مستقل وكانت واضحه و صريحه ..
شكرا لكي اختي المحترمه .. شكرا للاعضاء الصادقين .. ادعوا الله ان يفرجه علينه و عليكم [/size]

8

الهجرة و واللاجئين / خبر سعيد .. جماعة حالة الملف HOLD

« في: 19:06 28/11/2012  »

اخواني الاعزاء ..
يوم غد فجرا ان شاء الله رح يسافر احد معارفي وعائلته من مطار عمان متوجها الى اوهايو ..
الاخ كان حالة ملفه هولد وهو من جماعة شهر 2 و بعد استلامة نتيجة الدفرل لتر
اتحول ملفغه الى هولد
وقبل شهر اتحول الى اكتف مباشرة وبنفس اليوم امنيته اكتملت  ... وبعده باسبوع اتصلو بي على تثقيفيه ونطو موعد السفر
ان شاء الله التوفيق للجميع
واعتقد الموضوع صار واضح وجلي بخصوص الحالة HOLD

9

مواضيع الحياة العامة في بلاد المهجر (امريكا) / القاء القبض على قاتل العراقية في " الكاهون " و المفاجئة ...

« في: 07:46 10/11/2012  »

كشفت الشرطة الأمريكية أمس الجمعة عن القاتل الحقيقي للاجئة عراقية قضت قبل 7 أشهر في جريمة غامضة ومحيرّة تهشّم معها رأسها بأداة معدنية داخل منزلها في مدينة "ال كاهون"، بمقاطعة سان دييغو في ولاية كاليفورنيا.

مرتكب الجريمة التي اعتبرها الأمريكيون، ومعهم المجتمع الدولي، واحدة من أبشع جرائم "الكراهية ضد العرب" في الولايات المتحدة، ليس كارهاً للعرب على الإطلاق لأنه منهم، وهو قاسم الحميدي، زوج القتيلة شيماء العوادي، الأم منه لخمسة أبناء.

ولم تأتِ الشرطة الأمريكية في حيثيات اتهامها للزوج على الأسباب التي دفعته لقتل زوجته التي نقلت الحكومة العراقية جثمانها على نفقتها لدفنها في العراق بعد أسبوعين من سقوطها قتيلة وهي بعمر 32 سنة، لكن قائد شرطة "الكاهون" جيم ريدمان قال إن السبب هو "العنف العائلي"، خلال مؤتمر صحافي عقده أمس الجمعة، من دون أن يشرح المزيد، طبقا لما أطلعت عليه "العربية.نت" من وسائل إعلام أمريكية فجر السبت.

وفي المؤتمر أعلن ريدمان أن الزوج المتهم بالقتل العمد من الدرجة الأولى تم اعتقاله ليلة الخميس الماضي، من دون أن يفصح عن الدلائل التي تملكها الشرطة ضد قاسم الحميدي كقاتل. لكن "العربية.نت" التي كتبت تقارير عدة عما حدث لشيماء قبل 7 أشهر، أطلعت بعد مقتلها على معلومات من أصدقاء لعائلتها تؤكد أنها كانت تنوي طلب الطلاق ومغادرة كاليفورنيا للعيش في تكساس، حيث تقيم والدتها، وأن الشرطة عثرت على طلب الطلاق داخل سيارتها بالذات.
"ارجعي إلى بلادك يا إرهابية"
الزوج يحمل صورة زوجته
الزوج يحمل صورة زوجته

وسبق أن تحدثت "العربية.نت" بعد 6 أيام من الجريمة التي وقعت في 21 مارس/آذار الماضي، إلى قاسم الحميدي نفسه، فذكر أن زوجته "قضت ضحية كاره للعرب"، وأنها مثله من مدينة السماوة، مركز محافظة المثنى بجنوب العراق، وقضت تاركة له 5 أبناء: فاطمة ومحمد وعلي ومريم وسارة، البالغين من العمر 17 و16 و13 و12 و8 سنوات.

كما تحدثت "العربية.نت" عبر الهاتف أيضا إلى حسين العوادي، ابن عمة شيماء، فلخص معلومات الشرطة الأولية عن القاتل بأنه تسلل صباحاً من حديقة البيت الواقعة خلف المنزل فكسر زجاج باب المطبخ بطريقة لم يحدث بها أي ضجة، ثم فتحه من مقبضه وتوجه إلى الداخل بعد أن شاهد زوج القتيلة وقد خرج ليقل بسيارته 4 من أبنائه إلى مدارسهم، فيما بقيت كبيرة الأبناء في البيت الذي اتجه إلى داخله بحثاً عمن يقتله "بدافع كراهيته للعرب" وفق تعبيره ذلك الوقت
 وحين وجد القاتل شيماء في غرفة الطعام انقض عليها وعاجلها بقضيب معدني "فانهارت فاقدة الوعي، وعلى أثرها غادر المكان". ولأن كبرى الأبناء كانت نائمة والضرب على والدتها كان سريعاً وسبب فقدانها للوعي، فإنها لم تشعر بشيء إلا حين استيقظت ونزلت إلى الطابق السفلي، وفيه رأتها مغمى عليها ونازفة من دمها وبجانبها ورقة كتب عليها القاتل ما معناه "ارجعي إلى بلادك يا إرهابية"، فنقلوها إلى مستشفى فارقت فيه الحياة بعد أن فشل الأطباء في إسعافها طوال 3 أيام، إلا أن ذلك القاتل لم يكن سوى والدها نفسه بحسب ما اتضح أمس فقط.

المصدر  http://www.alarabiya.net/articles/2012/11/10/248675.html

10

دردشة منتدى الهجرة واللاجئين / اللي ناوي يسافر الى ميامي .. لازم يسوي رجيم

« في: 15:27 13/06/2012  »

اخواني واخواتي ...
اللي مقدم على ميامي بفلوريدا .. خلي يحضر نفسه رح " ياكلوك اكل " صدك مو شقه .. و السبب

حذرت شرطة ولاية ميامي الأمريكي من ظهور مخدر اصطناعي جديد يطلق عليه اسم "السماء السابعة" يشتبه في أنه يثير شهية متناوليه للحم البشر.

وأوضحت صحيفة "البيان" الإماراتية أن شرطة ميامي أصدرت تحذيرا من المخدر الجديد بعد سلسلة من الهجمات حاول خلالها معتدون أكل لحم ضحاياهم.

واضطرت الشرطة إلى قتل أحدهم بالرصاص بعد اعتدائه على مشرد ومحاولته نهش جزء من وجهه  في أحد شوارع مدينة ميامي.

وبعد وقوع حادث ثان من هذا النوع، حيث قام مشتبه فيه يدعى براندون دي ليون بتهديد شرطيين بأكلهما، طلبت إدارة الشرطة من جميع وحداتها توخي الحذر الشديد إزاء هذا المخدر الجديد الذي يأتي على شكل أقراص وهو من نوع "الاكستازي".

وأظهرت التحليلات التي أجرتها الشرطة أن المشتبه فيه تناول مخدر"السماء السابعة" فعلا، ولكنه لم يكتف بذلك فقد تعاطى أيضا الكحول والحشيشة إضافة إلى بعض الأدوية.
المصدر
http://maktoob.news.yahoo.com/%D9%85%D8%AE%D8%AF%D8%B1-%D8%AC%D8%AF%D9%8A%D8%AF-%D9%8A%D8%AF%D9%81%D8%B9-%D8%A7%D9%84%D9%85%D8%AA%D8%B9%D8%A7%D8%B7%D9%8A%D9%86-%D9%84%D8%A3%D9%83%D9%84-%D9%84%D8%AD%D9%88%D9%85-%D8%A7%D9%84%D8%A8%D8%B4%D8%B1.html

11

صندوق الشكاوي / الاخوة الاعضاء الاخوة الادارة دقيقة من كرمكم

« في: 00:11 10/06/2012  »

اخواني الاعزاء الاعضاء و الاداريين ...
بعد اذنكم هذا الموضوع اطرحه لانه موضوع عاجل ولا يتحمل التاخير  ...
وارجو من الله طامعا بكرمكم اخواني وواثق من اخلاقكم ان تفتوني في سؤالي وانتم ان شاء الله فاعلين
اخواني ظاهرة مهاجمة الاعضاء وخصوصا ممن لا يسعني وصفهم الا بالطفييلين وعلى الخاص و العام .. هذا الشئ سبب و يسبب الى الان بجعل اعضا كثيرين اما هجرو المنتدى او ممن الان يفكرون بهجرته .. واعتقد جازما ان الكل يتفقون على ان فراق الكثير من الاعضاء سبب خسارة كبيره لاخوه لنا كانو كبائعي المسك  نستفد من تجربتهم و تطيبنا بمعلوماتهم .. واكثرهم وقفو مواقف لا تصدر ممكن حتى من اقرب الاقرباء وهذا كله بسبب هذا البيت الرائع .. اخواني اختكم ريم البارحه تكلمت بموضوع و نطقت بالحق .. هوجمت كثيرا على العام وكانت الاخت الادراية المحترمه الارمنية موجوده .. لم تتجاوز في موضوعها ولم تخطئ بحق احد .. تعرضت  من البارحه الى الان الى مايشبه تسونامي من الرسائل على الخاص فيه كلما لا يمكن لاحد ان يتحمله .. لان الطفيليين يتكلمون بحال واقعهم واخلاقيات مجتمعهم .. عموما اخوتي الاعضاء اخواني الاداريين ...
ولكي لا اطيل  الموضوع .. اطلب منكم ان تتفقو معي وان يكون اتفاق يتبعه فعل .. نريد منكم انه من يتجاوز على العام او على الخاص العمل على حضر هذه الطفيليات المؤذية .. اخواني تقبلون اختكم او اخوكم يتعرض لمسبه و غلط و يتردد باعلان ذلك لانه مايشعر انه محمي ... هل نخاف ونحن في بيتنا عين كاوا ؟؟؟؟ 

12

دردشة منتدى الهجرة واللاجئين / اتحداك ... تحشيشه كلش حلوه

« في: 21:16 28/05/2012  »

مساء الخير
اخواني اتحداكم انه تلمسون وجه الرجال اللي بالرابط بالماوس ...
يعني حاول اتمرر الماوس على وجه وشوف
http://www.goyouth.ps/url/touch/

13

الهجرة و واللاجئين / سؤال مستعجل ... خبراء اس اي في

« في: 20:58 30/04/2012  »

السلام عليكم اخواني ...
عندي صديق هو عضو مجلس بلدي في بغداد من اول ما اتشكلت المجالس البلدية بوقت بريمر .. الرجل كان يعمل مع فيلق المهندسين المختص بالاعمار وعمل معهم سنوات طويله وعنده هويات كثيره لدخول المطار و حمل السلام وطبعا عنده شهادات كثيره من الجيش الامريكي ... بسنة 2010 منحه قائد فيلق المهندسين ركمنديشن يطلب بي في بدايته منحه الفيزه الخاصه ( siv ) والرجل قدمتله على ايو او ام بغداد وبعد شهر اجا رفض من الاي او ام اعطو اي زت لكن خبرو انه غير مشمول بمعاييرهم .. سؤالي هل ممكن ان يقدم مباشره على اس اي في على اسا س انه الركمنديشن مالته تنصح بهذا الشي ... وهل رفض اي او ام يأثر بهذا الشي

14

دردشة منتدى الهجرة واللاجئين / قصة وعبرة " من وحي اللي ديصير بالمنتدى "

« في: 19:55 13/04/2012  »

اخواني واخواتي الاعزاء
قصتي من تراثنة العراقي البدوي الجميل وبعدين وره ما تقرون القصه اكلكم العبرة وين " لا تستعجلون " القصه اسمه " صكر فليح " وفي روايات اخرى " صكر افيلح " حسب اللغة البدويه .. اغاتي هذوله البدو و العرب عموما يفتخرون باقتناء افضل انواع الصقور اللي تجلب لصاحبه المتعه و من يخرج للصيد ممكن اصيدله طيور نادرة مثل الحبر و الدراج و الغزلان ايضا وكلكم يمكن تعرفون و شفتو هذا الشي بالتلفزيون طبعا " لان احنه االعراقيين وينه ووين لحم الغزلان مي عدل مشبعانين " عموما موهذا موضوعنه .. اجا اخوكم فليح و اشتره ذاك الصكر بعد ان اداين كوومة افلوس وباع اللي عده و اللي ما عده " الماعده شلون باعه همين الله واعلم و ايضا معلينه بالناس " اجا اخوكم وطلع ويه جماعته للصيد و اطلق العنان للصكر ماله بعد ان صالت و جالت صقور اصحابة و اصطادة ما لذ وطاب من الطرائد النادر و اصحابه يركضون خلف صقورهم ليحضو بصيدهم و يفتخرو به ... الا صاحبكم افليح الصكر ماله كام يدور بذيج الصحراء و شكو افعى سامه  الا شاله وجابه على صاحبة الرجل الشجاع فليح و شكو عقرب الله يجيرنه منه الا رفعه هذا الصكر وجابه لفليح بحيث ان المسكين باء من يجي الصكر عليه ينهزم منه " من دون العالم " و هذا الصكر يضل طاير الا يذبه بحضن فليح مثل ما علمه المسكين ... الزبده و العبره هي
الله يرضى عليهم هاي الفتره اكو من اخوانه و اعرف قصدهم المشاركة و الفائده لكن شكو خبر يجلط و شكو سالفه اتخليك اتهز ركبه بنص الليل منزليه على المنتدى يوم يكلك الجماعه الاي او ام طلع بيتهم ايجار مو ملك و كلبو بملفاتنه وبعد ميرجعون اللاخ يكلك طريقم مسدود مسدود مسدود .. شنو عبد الحليم همين ما لح هيج .. اللي عده شي خاص بي ويريد يشاركنه بي اجزانه افراحه احنه اول الناس ويا بس اخواني هي المركب بالكوه تتمشي عليمن كل شويه مهبطين الناس هي ناقصه وانصحكم لا اتصيرون ... مثل صكر افليح

15

الهجرة و واللاجئين / استفسار عن الدراسة الجامعية في الاردن ..

« في: 23:55 11/03/2012  »

اخواني اخواتي يسعد الله ايامكم
اتصلو بيه عائلة اقارب يسالوني.. عدهم بنت سنة ثالثة كلية اداب انكليزي و ابن سنة ثانية هنسة ميكانيك في جامعة حلب بسوريا وهمه ديجون للاردن سالوني عن هل ممكن يسجلوهم بنفس مرحلتهم الدراسية وبنفس الكليه هنا بعمان ؟؟؟؟ و ايضا تكاليف كل كلية كم بالسنة او بالفصل .. الشئ الاخر اللي هو جان عدهم اقامة على اليو ان بسوريا وبعض الاخوه تكلمو عن انه موجود اعلان بالحدود ميسمح للي عده اقامة على يو ان يدخل للاردن الا يبدل الجواز ؟؟ ولكم خالص الشكر و التحية

16

الهجرة و واللاجئين / الاخ انور .. غريبة تنقل موضوع الاسعار في امريكا

« في: 00:35 25/02/2012  »

الاخ انور من حقك لا بل من واجبك ان تنقل المواضيع اللتي لا تخدم اصل المنتدى بالهجرة و اللاجوء وانا معك بهذا هسه نزلت موضوع بكل رحابة صدر ممكن تنقله
لكن موضوع الاخ وديع عن الاسعار وفيه اسئلة واجابات جميله و خبرات من اخوتنه في امريكا .. فكيف هذا الموضوع ينقل بالرغم من فائدته الكبيره
؟؟؟؟؟؟ لا اعرف ياريت قبل ما تحذف هذا الموضوع تعطيني وجهة نضرك ... للعلم فقط

17

دردشة منتدى الهجرة واللاجئين / فوربس: قطر الأغنى عالمياً بحصة الفرد للناتج المحلي

« في: 00:31 25/02/2012  »

احتلت دولة قطر المرتبة الأولى على قائمة مجلة فوربس الأميركية لأغنى دول العالم في العام 2011، فيما جاءت دولة الإمارات العربية المتحدة في المركز السادس، وحلت الكويت في المركز الـ15 ضمن قائمة "فوربس".

وقالت "فوربس" إن تصنيف هذه الدول الثرية كان وفق حصة كل فرد من الناتج المحلي الإجمالي، والمعدل بحسب القوة الشرائية لنحو 182دولة.

واستعانت المجلة ببيانات صادرة عن صندوق النقد الدولي لعام 2010، وهي آخر البيانات المتوافرة، في حين كانت أرقام الناتج المحلي الإجمالي لبعض الدول مجرد توقعات.

وتأخذ المجلة بعين الاعتبار في تصنيفها هذا تكلفة المعيشة نسبيا، ومعدلات التضخم، بدلا من معدلات الصرف فقط، الذي قد يحرف الاختلافات الحقيقية في الثروة.

وتعليقا على ذلك، يقول البروفيسور المساعد في علوم الاقتصاديات في جامعة نيويورك، جيان لوتشا كليمنتي، إن هذه هي الطريقة الوحيدة المتوافرة لمقارنة الناتج المحلي الإجمالي بين البلدان، وهي أكثر الوسائل المقبولة في الحسابات.

وأشارت المجلة إلى أن الكويت تعتمد على احتياطياتها النفطية في تشكيل نصف ناتجها المحلي الإجمالي على الأقل، وجميع إيراداتها من الصادرات النفطية، وكذلك دخل الحكومة تقريبا. وبلغ دخل الفرد نحو 38.7 ألف دولار.

من جهة أخرى، قالت المجلة إنه إذا كانت القوة تقاس بالثروة، فيحق لدولة قطر أن تستعرض عضلاتها، باعتبارها أغنى بلد في العالم، ورغم أن عدد سكانها لا يتجاوز 1.7 مليون نسمة، فإن الناتج المحلي لكل مواطن فيها هو الأعلى بين المعدلات الأخرى بفضل انتعاش أسعار النفط واحتياطياتها الضخمة من الغاز الطبيعي.

وبعد تعديل القوة الشرائية، سجلت قطر ناتجا محليا إجماليا لكل فرد يزيد على 88 ألف دولار كما في 2010.

أما أفقر الدول فتقع في قارة إفريقيا، التي تعاني بعض بلدانها من الضعف الاقتصادي والسياسي، وهي بوروندي وليبيريا وجمهورية الكونغو الديموقراطية، حيث يصل الناتج المحلي الإجمالي لكل فرد إلى 400، و386، و312 دولارا سنويا على التوالي.


المصدر http://www.alarabiya.net/articles/2012/02/24/196714.html

18

الهجرة و واللاجئين / استفسار للي عنده خبرة من جماعة عمان

« في: 21:30 24/02/2012  »

اخواني اخواتي السلام عليكم
حبيت اسالكم اذا احد منكم مستلم طرد يريدي و اكرر بريدي مو دي اج ال ... من اميركا وشكد ياخذ وقت ؟؟؟ تقريبا طبعا
لان بعثولي طرد على عنوان شقتي من المانيا وما وصلني ابد .. فهل توصل الطرود للشقه لو لازم اروح اراجع عليه بالبريد ؟؟؟
ولكم الاجر والثواب والشكر الجزيل للاجابة

19

دردشة منتدى الهجرة واللاجئين / بسلا تطلع اخته متزوجة عراقي

« في: 11:14 18/02/2012  »

يابه شوفو هذا شيريد يسوي .. بسلا يطلع جيرانهم يعرف واحد بنت عمته عده صديق بالفيس بوك .. عراقي وهمين يذبوه براسنه


أعتقل مكتب التحقيقات الفدرالى " اف بى آى " مواطنا مغربيا يدعى أمينى خليفى بتهمة التخطيط للقيام بعمل ارهابى فى الكونغرس الأمريكى.

ويقول الاف بي اي أن خليفى البالغ من العمر 29 عاما والمهاجر غير الشرعى أعتقل على مسافة وجيزة من مبنى الكونغرس بينما كان يتجه إليه للقيام بهجوم انتحارى.

ويضيف ال " اف بى آى " وشرطة الكنغرس أن الخليفى ظل يخضع لمراقبة شديدة لعدة أسابيع وانه أبلغ ضابطا من ال " اف بى آى " كان يتعامل معه تحت غطاء بانتمائه الى تنظيم القاعدة غير أن الأجهزة الأمنية الأميريكية تقول انها لم تعثر على أى روابط للخليفى بتنظيم القاعدة .

وقبض على الخليفى مرتديا سترة اعتقد انها مليئة بالمتفجرات ولكن اتضح فيما بعد انها تحمل موادا غير مضرة وضعها ضابط ال " اف بى آى " الذى كان يتعامل معه تحت غطاء.

ومثل خليفي أمام المحكمة لفترة وجيزة وفدمت لائحة اتهامات ضده تتضمن محاولة استخدام سلاح دمار شامل ضد ممتلكات أمريكية، وهي تهمة، في حال ثبوتها،عقوبتها القصوى السجن مدى الحياة.
المصدر  http://maktoob.news.yahoo.com/%D8%A7%D8%B9%D8%AA%D9%82%D8%A7%D9%84-%D9%85%D9%88%D8%A7%D8%B7%D9%86-%D9%85%D8%BA%D8%B1%D8%A8%D9%89-%D8%A8%D8%AA%D9%87%D9%85%D8%A9-%D8%A7%D9%84%D8%AA%D8%AE%D8%B7%D9%8A%D8%B7-%D9%84%D9%84%D9%82%D9%8A%D8%A7%D9%85-%D8%A8%D8%B9%D9%85%D9%84-%D8%A7%D8%B1%D9%87%D8%A7%D8%A8%D9%89-040312348.html

20

الهجرة و واللاجئين / معلومة ان شاء الله اتكون مفرحه ..

« في: 17:51 17/02/2012  »

اخواني و اخواتي
اقاربي البارحه قابلو بالاي او ام مال عمان طبعا .. والموضفه اكدتلهم شئ " و طبعا العهده على اللي نقلي الخبر " انه ان شاء الله الفتره المقبله رح تشهد تسريع معاملات الاي او ام طبعا لكل الدول و هذا المفروض بالنص اللي كلتلهم الموضفه المسئوله عن ملفهم .. طبعا هو ممكن بنج من الموضفه لكن شنسوي خليج ورا الكذاب .. مو صحيح كلت بلكي خبر مفرح احسن من ماكو شي مو صحيح ..
وربي يسهل على الجميع ان شاء الله

21

دردشة منتدى الهجرة واللاجئين / أكبر خطأ اتسوي

« في: 00:59 17/01/2012  »

مساء الخير اخواني و اخواتي ...

اكبر خطأ ممكن اتسوي و خصوصا اذا كنت ساكن بعمان .. انه اتنام ساعه تسعه ليلا و تكعد ب 11 للاسباب التاليه :

 اولا : البيت كله ينام ب12

ثانيا : ماكو مكان اتروحله بعمان لان الدنيه بااارده هاي الايام و ماكو شي يفتح ليلا الا ذيج اللي بالي بالكم ... ( مراكز الشرطة ) صفو نيتكم

ثالثا : رح اضل بس ادور اكل واذا اطلع صوت ام الجهال تكعد واضل اتحقق وياك شدتسوي بهليل .. و الشك لا يفارق باله ( على اسا س لا اطلع صوت رح يكعدون الجهال تكعد اتراقبك ..

    و الله تعذروني اخذت من وقتكم حقيقا بس لو جان عدكم شغل هسه مجان بهليل كعدت تقراء اللي كتبته 
     

22

دردشة منتدى الهجرة واللاجئين / مهم جدا .... للفائدة

« في: 22:49 06/01/2012  »

كتابة (( إن شاء الله )) و (( إنشاء الله ))....

...فأيهما أصح ؟؟؟....

وأيهما اوجب للكتابة ؟؟؟...

وما معنى كل جملة منهما ؟؟؟...

فقد جاء في كتاب((شذور الذهب )) .. لابن هشام ..ان معنى الفعل انشاء -من انشأينشئ-..اي ايجاد ...

ومنه قول الله تعالى (( انا أنشأنهن إنشاء )) آية 35 من سورة الواقعة ...اي اوجدناها ايجادا ..

فمن هذا ..لو كتبنا (( انشاء الله )) .. يعني كأننا نقول اننا اوجدنا الله - تعالى الله علوا كبيرا - وهذا غير صحيح ..

اما الصحيح ...هو ان نكتب (( ان شاء الله )) ..فاننا بهذا اللفظ نحقق هنا ارادة الله عز وجل ،

فقد جاء في معجم ( لسان العرب ) ...معنى الفعل شاء ..= ..اراد ، فالمشيئة هنا هي الارادة ...

فعندما نكتب ((ان شاء الله )) كأننا نقول ..إن أراد الله نفعل كذا ..،

ومنه قول الله تعالى (( وما تشاؤن الا ان يشاء الله )) الاية 30 من سورة الانسان ..

فهناك فرق بين الفعلين ( انشئ اي اوجد ) والفعل ( شاء اي أراد ) ...

فيجب علينا كتابة (( ان شاء الله )) و تجنب كتابة (( انشاء الله )) للاسباب السابقة الذكر...
لا ارجو الا الفائدة و الدعاء لاهلينا واهليكم بالرحمة و المغفرة و لنا ولكم بتحقيق الاماني و لكم الشكر

23

الهجرة و واللاجئين / سؤال عن الاخ ابو عمر من تركيا

« في: 16:02 05/01/2012  »

اخواني اخواتي
الاخ ابو عمر من تركيا الحقيقه كان شخص مبادر لتقديم المشوره و النصيحة لكل واحد يطلبه و ايضا كان الاخ يقضي وقت ليس بالقصير على الياهو ماسنجر لتقديم النصيحه مع من يحتاجه ...
واعتقد ان صار اله فترة ما داخل على المنتدى فياريت اللي يعرف خبر عنه يطمنه عليه فقط
الحمد لله نحن ليس بينه اي قصد مادي او شئ اخر الا المودة و الذكر الطيب لكل انسان محترم

24

الهجرة و واللاجئين / سفر من مطار بغداد يوم 6\1

« في: 11:28 04/01/2012  »

السلام عليكم
ان شاء الله خير ماشاء الله صايره سفرات هذا الشهر من بغداد ممتازه عيني عليه باااردة ... البارحه بليل خابرني اقاربي يودعني سفره 6\1 من بغداد وهو صارله تقريبا سنة ونص او شويه اكثر ... ان شاء الله التوفيق للجميع و السفر القريب

25

الهجرة و واللاجئين / بعد السلام عليكم .. سؤال مهم

« في: 22:14 01/01/2012  »

اخواني اخواتي
احتاج الى ارسال اوراق ومواقع على الانترنت تضاف الى ملفي في اي او ام .. طبعا الاوراق ابعثهم بملف pdf مو مشكله لكن روابط النت هل اضعهم كرابط بنفس صفحة الاوراق ام افتحهم واخليهم كنسخه ؟؟؟ ياريت اللي عنده معلومه يساعدني .. طبعا اذا خليتهم كنسخه مرح يبين عنوان الرابط للرجوع له للتاكد

26

دردشة منتدى الهجرة واللاجئين / رسالة من ابو سلوان لابنه ..حكمه عجيبة

« في: 11:13 01/01/2012  »

رساله من والد كثير النسيان
ولدى الحبيب...

أكتب لكِ هذه الرسالة، فإذا لم تصلكِ أخبرني، لكي أرسلها لكِ مرة أخرى.

أنا أكتب لكِ ببطء لأنني أعرف أنكِ لا تجيد القراءة بسرعة.

هذه الرسالة سوف أرسلها مع أخوك سلوان وهو الآن نائم لذا سأضعها في جيبه حتى لا أنساها، كما أنك تعرف أخوك فهو مثلي ينسى كثيرا، لذا إن نسي أن يعطيك إياها مد يدك في جيبه الأيمن وخذها.

الجو هنا رائع، لم تتساقط الأمطار الأسبوع الماضي إلا مرتين فقط، المرة الأولى استمر المطر ثلاثة أيام متواصلة، والمرة الثانية 4 أيام.

بالنسبة للجاكيت الذي تود ان أرسله لك سيكلف كثيرا في الشحن، لأن الدكم ثقيلة جدا لذا قُمتِ بشلع الدكم ووضعتها في أحد جيوب الجاكيت.

بالمناسبة فان أخوك وجد عملا بعد طول انتظار.. وهو مسئول عن ما يقارب 500 شخص! تصور؟! نعم هذا حقيقي.. فهو يقوم بتنظيف الدغل عن القبور في مقبرة الكرخ.

أُختكِ نادية حامل ولكننا لا نعرف حتى الآن جنس المولود، لذلك فلن يكون بإمكاني إخباركِ إذا كنتِ ستصبح خالا أو عمّا!!

وإذا رُزِقَت أنت بطفل فأرجو أن تسميه على إسمي... هذه أول مرة أسمع فيها أحد يسمي ابنه أبويا!!

ذهبنا مع أخوكِ سعد الى اربيل الا أنه وقع في مشكلة كبيرة.. فقد أقفل سيارته السوبر والمفاتيح بداخلها، واضطر للعوده الى السليمانيه ديجيب المفتاح الآخر.. لكي يخرجنا من داخل السيارة.

مع حبي.. أبوك الحنون

ملاحظة: أردتُ أن أضع لكِ بعض الفلوس في الظرف، لكني مع الأسف تذكرت ذلك بعد أن أغلقته..
العبره من هذه القصه ......انه ديربالك تفكر هواي بالهجرة تره اصير مثل ابو سلوان

27

الهجرة و واللاجئين / فيزه من سوريا للاردن ؟؟؟

« في: 16:06 30/11/2011  »

اخوتي اخواتي السلام عليكم
اتصلو بيه اقاربي قبل شويه من سوريا يريدون شلون ممكن احصللهم على فيزه من سوريا لدخول الاردن فشنو هي الطرق الي برايكم ممكن تضبط خطيه كلش تعبانين وضايجين هناك ... وهل ممكن الي عده اقامة وديعه يسويلهم  دعوه ؟؟؟؟ يعني لكن مو قريب الهم .. و الشي الثاني اذا احد يعرف مكتب سياحه شي يسويه ياريت ينطيني عنوانه هنا بعمان لو حتى بدمشق ممكن انروحله واللي عده اي فكره لان العراقيين حقيقتا صارت عدهم افكار عبقريه لتجاز ازمات الفيز

28

الهجرة و واللاجئين / شقه بجبل الحسين فدوه لعيونكم

« في: 15:18 13/11/2011  »

السلام عليكم اخواني اخواتي اليوم جنت بجبل الحسين تحديدا بدوار فراس و الله منطقه كلش حلوه و عجبتني هواي اكثر من الكاردنز لان هنا كله بس مصارف و صيرفه و مطاعم ... بالله عليكم اللي يندل شقه فارغه او مؤثثه ياريت يدليني عليه او ينطيني تلفونه اتصل بي و لكم الاجر و الثواب اني دورة بالوسيط و خابرت كم واحد بس طلعت الشقق يضربون بالعالي يعني كلش اتصور  الكاردنز ارخص منه لانه عرفوني ما اندل زين و طبعا عراقي فلازم عندي بير نفط ابيتنه ابغداد و اصدر منه .

29

الهجرة و واللاجئين / اخوانه في مصر وينه موضوع " الحياة العامه في مصر "

« في: 21:16 17/09/2011  »

السلام عليكم اخواني و اخواتي
مشكورا الاخ عادي ري يسهل اموره و للجميع نزل موضوع جميل جدا اسمه اهم المواضيع في الاردن وارجو من اخواني الي في مصر ياريت يسوون هيج موضوع و ينزلون بي كل مايريده المستعون او القارءون الاصح من معلومات عن مصر واواضاعه ولكم الشكر الجزيل
اخوكم ابو شمس

30

دردشة منتدى الهجرة واللاجئين / حل جذري وسحري لمشكلة الجفاف في الصومال

« في: 00:50 28/08/2011  »

اخواني طبعا الموضوع رح ينخمط و تاليته بازقة الدردشه المغلقه .. عموما تعرفون شنو الحل الاكيد لمشكلة الجفاف الي تتعاني منه دولة الصومال هو فتح لجؤ و اعادة توطين للعراقيين بالصومال و السؤال ليش هذا الشي ؟؟؟؟ مو صحيح لك عيني شلون رجلينه خضره ليش هو بقة دولة مطبينه بيه ما سوينه بيه فيضانات و بلاوي وبعد المنضمات الانسانيه خوب مو انتو بباله اني و ابن عمي على الغريب مو صحيح و خسائر ماديه فوك م الجماعه بس بعد يسوون الفود ستامب لفات فلافل و العمبه علينه همين .. يماشاء الله خلينه دولة طبينه بيه مخربت من سوريا لمصر لليبيا للليمن لامريكا و حتى لندن صار بيه حواسم  ... يلا يابه هاي سالفة قبل السحور لا تغث ولا ثكيله على المعده مو صحيح

31

دردشة منتدى الهجرة واللاجئين / سالفه خفيفه مال وره الفطور رمضان كريم

« في: 22:02 20/08/2011  »

دأئما يتهم الولد من قبل البنيه على انه هو احسن منها وعآيش حياته ويكدر يطلع ويطب وكلشي يسوي

وبالك عنك اما البنيه فهي المظلومه وشايله هموم الكون كله ومحرومه من ابسط حقوقها ...

بس بعد التجارب والتحليلات المضنيه والشبه مستحيله تبين ان البنيه عآيشه احسن من الولد بهوايه و

كلش متونسه بحياته وتمارس حقوقها الانسانيه اخسن من الولد والولد هو المظلوم والمحروم والواكع

بيها دأئما وهسه راح تعرفون من خلال الاستنتاجات التآليه :

1-البنيه كلشي متدفع الابوها ولخطيبها اما الولد فه واكعه الدكه براسه وبركبته كلشي من اول متنولد
لحد متموت (أكو من بصرف عليها).

2-البنيه تحجي براحتها بالموبايل واذا يعجبها تخلص 4 كارتات باليوم ولازم الطرفين اعلاه يدفعون.

3-بيوم العرس محد يباوع على بدلة العريس كلها تباوع على بدلة العروسه ويكصون بيها.

4-البنيه فاتت من سيطره كبل يمشيها اما الولد فيبزعه بالتفتيش وحتى بالجواريب يفتش.

5-البنيه بالعيد اذا مانطت عيديه لابن اختها الصغير مرح يحجون عليها وراح يكولون زوجها بخيل.

6-بالكليه البنيه اذا اتاخرت بالمحاظره الدكاتره يتسامحون وياها ويفوتوها بس لو ولد يرزلوا كبل
ويطردوا ويكلوله روح كمل شغلك بره علويش جيت واذا جيت مره ثانيه اكسرها لرجلك.

7-البنيه اذا فد يوم معجبتها خلقتها تغيرها بالمكياج الولد ميكدر يبقه نفس الجهره.

8-البنيه اتشيل غراضها بجنطه على جتفها يعني حماية 200% بينما الولد بمحفظة صغيره وبجيببه الوره يعني قابله للخمط بسهوله تامه.

9-البنيه اذا تعاركت ويه ابوها مرح يكدر يطردها من البيت وراح تبجي شويه مل جذابيات يعني وراح ينكسر كلب ابوها عليها وهو يجي يصالحها بس لو ولد كبل اطلع بره شوفلك مكان تنام بي برررره.

10-نجي للقسم الاخير وهو يتكلم عن تدليع البنات من اول ميجون لحد ميموتون ... البنيه : سنتين (كتكوته) .. 5 سنين (عسوله) .. 10 سنين (فدوه لالله شكد حلوه) .. 20 سنين (حبيبه ماما وبابا) .. 25 سنه (آنسه) .. 30 سنه (سيده) .. 40 سنه (مدام) .. 50 سنه (ست الكل وامنا كلنا) .. 60 سنه ( حجيه) .....
هسه نجي على الولد : 5 سنين (زعطوط) .. 10 سنين (لك عمو انت بعدك صغير) .. 20 سنه (شطولك تصير بعد) .. 30 سنه (ابو كويظم) .. 40 سنه (حجي) .. 50 سنه ( شايب).

32

الهجرة و واللاجئين / عاااااااجل مواعيد سفر اي او ام بغداد

« في: 21:12 12/08/2011  »

السلام عليكم
بركات شهر  رمضان بدت اتهل ان شاء الله موعد سفر يوم 24 \ 8 من بغداد ان شاء الله ابن خالي وعائلته احد المسافرين ضمن هذه الرحله ان شاء الله .. كلت ابشركم وره الفطور ربي يجعله رمضان خير و يسهل اموركم اخواني و اخواتي وتحقيق الاماني

33

الهجرة و واللاجئين / رشا يمعوده اخرتينه قرن و الله ... متابعة مسلسل محمد ورشا

« في: 00:41 18/06/2011  »

السلام عليكم اخواني اخواتي
( تره جان اكو جزء اول للسالفه الموضوع اسمه مبروك اخت رشا عدج مقابله ... هااا خما تكولون مكالنه )
يابه اليوم اجانه رد رسالتي للاي او ام بغداد و صدك الي كال دمهم ثكيل دم مال دببة و الله شلون دزيتلهم رسالة كله تصنيف كلت بلكي ينفع بس لاهش ولانش جاوبوني برساله رسمية بس هاي المره مصحيين الخطاء وكاتبين اسم ابو جاسم بالاحمر علمود يكلك تره احنه نفتهم ؟؟ عموما اسمعو هذا الجواب همه لو يريد يضوجونه لو كلامهم صحيح وطبعا جوابهم ياريت يصير بي نقاش لان كلش محير .. الجماعه كالو هاي اللغوه مال نشكرك على المراسله والخ الخ انه انته الان في جدول لاجراء مقابله ثانية وللعلم للعلم اخوية مخلص كلشي يعني عده موافقة محلفين وكلشي وكلاشي ومثل مكلتلكم جان عده موعد سفر العام بشهر الثالث بس لانه زوجتة دخلت بشهره للولاده اجلو سفرته و همين اضاف بنته و اعاد فحص مرتين واجته كل الموافقات ليش ديكلوله عدك مقابله ثانيه ؟؟؟؟؟؟؟؟؟ سامعين هيج شي وهاي مقابله مال شنو ؟؟؟ ياريت الي يعرف يفيدنه ولكم الشكر ..
رشا شسويتي بينه رحمة عله والديج ... هي رشا منو ؟؟؟؟؟؟؟؟؟ 

34

الهجرة و واللاجئين / مبروك اخت رشا عدج مقابله ,,, شلون مضبوطين

« في: 13:09 15/06/2011  »

اخواني اخواتي
خلي احجيلكم هاي القصة صارت بينه  البارحه اخوية الي اسمه محمد والي جان عده موعد سفر قبل سنة واربع اشهر واجلوه واليوم يومكم الولد حتى شعره وكع بعد ميشبه حتى نفسه من الانتضار دزلهم رساله قبل اربع ايام كلهم يابه شنو اروح اشتريلي سايبا بالتقسيط اعيش حياتي لو شنو هلمغذي من موعد سفر الى اتاجل سنة واربع شهور خوش لحد الان كلش عادي شجابو .... عزيزتي رشا نحن نظرنا الى ملفك بتمعن ونبلغك بانه قريبا سيكون لديك مقابله لاتمام بقية المقابلات نرجو منك الانتضار ... خوش مضبوطين الجماعه شلون مرتبين امورهم يعني حتى اسم امي مو رشا ولا زوجة اخوية و حتى عدنه كرايب وحده اسمه رشا ( على فكره والله صحيح ليش محد مسمي رشا بكرايبنه ؟؟؟) عموما اي ابشر الجميع يابه الجماعه شغلهم دقيق ومضبوطين هواي وكلكم رح اتسافرون اذا محمد سوو رشا .. طبعا هذا اي او ام بغداد بسلا جانت الكهرباء طافية من جاوبونه ممكن ؟؟؟
وهسه كل من اسمه رشا مقدمه على اي او ام بغداد عمي .. رشا .. رشا .. يمعوده حضري اوراقج و دفتر الخدمه مال ابو الجهال تره عدج مقابله عن قريب ,, موتنسين الحلوان

35

الهجرة و واللاجئين / للي يكدر يساعدني ويفك هلشفره

« في: 14:39 09/06/2011  »

اخواني اخواتي السلام عليكم
اليوم استلمت رساله من اي او ام بغداد اني راسلتهم علمود صارلي اكثر من اربع اشهر قدمت وما دزولي رقم اي زت علما انه اصحابي وراه عشرين يوم دزولهم جاوبوني الشيوخ بمكان المرسل اليه كاتبين اسمي و كاتبين رقم اي زت يبدي ب 126 طبعا و بعدين بالاخر هاي الرموز ( Case Status/SNK/IZ ) هسه ياريت من اصحاب القلوب القوية والي عدهم خبره بتفسير الرموز يساعدوني شنو يعني حالة قضيتي ( SNK/IZ ) ولكم الشكر الجزيل .

36

الهجرة و واللاجئين / مضلومة سوادي و ابو الحسن من ماليزيا خرجا ولم يعودا

« في: 21:46 01/04/2011  »

اخواني اخواتي
و الله البارحه اجه ببالي الاخت مظلومة سوادي و الاخ ابو الحسن من ماليزيا شو اختفو من المنتدى و صارلهم كلش هواي مداخلين المنتدى ويجوز اني مقاريلهم مشاركة جديده على العموم نتمنالهم الصحه و العافية و لو اني( سمعت انه الاخت مظلومة فاتحة محل بالتيم سكوير مال مولدلت تايكر و بنكات اندولا وواتربمبات الله يوفقه بلية حسد والاخ ابو الحسن يكلك بايع محبس مال رزق لدونالد ترامب وطاكه الامور ويا يلا بالعافية خما دنحسدهم ) هاي نتلاشه وياهم بلكي يطبون ويجاوبون . تحياتي للكل

37

الهجرة و واللاجئين / سألوني ومكدرت اجاوب بلكي اتساعدوني

« في: 23:31 31/03/2011  »

اخواني اخواتي السلام عليكم
عيوني اليوم سالوني جماعه اقاربي همه بسوريا وعلى موعد الطياره صارلهم تقريبا سنة و مكلين كلشي الجماعه كفيلهم يعني خلو واتورطو لان صار مشاكل بينهم ( هاي مالنه بيه خبزه شعلينه ) والسؤال هل الكفيل ممكن ياثر سلبا على تاخير سفرهم لان ديخابرو يكلهم رحت للمنضمة بمنطقتنه و كالو اصلا ماكو هيج رقم ملف الهم ولا اواصلهم شي طبعا همه حتى موافقات امنيه مكملين و مشتولين فالجماعه ديحسون هيج عدين ممكن ضالمين الولد لو هل صحيح ممكن ياثر عليهم سلبا ؟؟؟ ورحمة على والديكم جاوبونه

38

الهجرة و واللاجئين / تره اكو مواعيد سفر من بغداد هذا الشهر

« في: 21:08 24/03/2011  »

السلام عليكم اخواني اخواتي
اتصل اليوم بينه صديق وكان بيودعنه و موعد سفره 28 بهذا الشهر يعني الشهر الثالث هو كان متاخر لان زوجته كانت على ولاده وكملوله اجراءاته بعد اضافة الطفل الجديد بس حبيت اخبركم هذا الشي لان اعتقد هذا الشي ينفي تاجيل السفر شهرين و ان شاء الله التوفيق للجميع

39

الهجرة و واللاجئين / هل يؤثر التقديم على اي او ام على الكفاله الخماسية ؟؟؟؟

« في: 19:47 24/03/2011  »

السلام عليكم اخواني و اخواتي الاعزاء
اخوكم مقدم على اي او ام بغداد لحد الان ما مقابل ولا مقابله و هسه اجتني فرصه لعمل كفاله خماسية لكند هل لازم اضحي بواحده منهم او لا يوجد تاثير بالواحده على الاخرى لان مثل متعرفون اثنينهم بيهم بواري فبلكي ربي يسهل وواحد منهم تضبط ارجو منك الجواب ... و لكم الاجر و الثواب . صرت شاعر بالله شلون بعد بس اغنيه  

40

الهجرة و واللاجئين / كارت اصفر مصر هل يؤثر على اي او ام في تركيا ؟؟؟ ارجو المساعدة

« في: 19:51 27/02/2011  »

اخواني اخواتي الاعزاء
اني كنت ماخذ كارت اصفر في مصر يعني على يو ان قبل سنتين ولمدة ثلاث سنوات ورجعت للعراق و هسه قدمت على اي او ام من العراق وناوي انقل ملفي لتركيا فهل تعتقدون انه ملفي في يو ان مصر طبعا اني مثبته في تقديمي الى اي او ام ياثر او رح ياخر معاملتي في تركيا لان صديقي نقل ملف من مصر الى عمان مطول ثلاث ايام سحبو من اي او ام مصر الى عمان ...
اخواني اخواتي للي عنده معلومه ياريت ما يبخل عليه ولكم الشكر الجزيل .

41

الهجرة و واللاجئين / الاخوان في تركيا ولو انتعبكم بس ممكن كم سؤال

« في: 21:33 15/02/2011  »

السلام عليكم اخواني / اخواتي
ان شاء الله بحاول ادرس خيار السفر الى تركيا للتقديم على اي او ام ياريت كم سؤال وخير الناس من نفع الناس اول شئ هو هل من المفروض ان اقدم على يو ان ومن ثم اقدم على الاي او ام ام اقدم على اي او ام مباشرة و الشئ الثاني قريت انه يو ان يحددلك المنطقة الي تسكن بيه واكو مناطق حسب مفهمت مابيه غرامات طيب شنو هاي المناطق الي مابيه غرامات خصوصا لان احنه اصحاب عوائل ومن ثم هل بيه مناطق يعني امينة و السكن بيه معقول لان تعرفون منريد نطلع من العراق و نبهذل النوب خارجه اريد اسالكم كم متوسط صرف العائله من اربع اشخاص بس والله خجلان لان هواي طولت طبعا اب وزوجه و طفلين للي خلكه طويل ويريد يجاوب واني ان شاءالله يوم الجمعه ادعيلة بعد الصلاة هههههههه دا احجي صدك مو اشاقة  وهل اليو ان ام الاي او ام بيعطو ورقة حماية بديله عن الاقامه ؟؟؟؟

42

الهجرة و واللاجئين / سؤال عن التقديم الى اي او ام من ماليزيا ولكم الشكر

« في: 22:15 12/02/2011  »

السلام عليكم اخواني اخواتي
عندي استفسار عن امكانية التقديم على اي او ام من ماليزيا للي عنده معلومه وهل التقديم هناك ياخذ وقت كبير ام اسهل من الاردن لان مصر بعد تعذروني و   و الاردن بصراحة اخاف طابكة على السره يجيه الدور بالثورة وسوريا تتاخر كلش هواي فبقت ماليزيا متحتاج الى فيزه ويمكن السفر اله لان الصيف قرب بالعراق و الكهرباء هسه تعبانه بالصيف شلون .
اخواني الاعزاء اشكركم مقدما و خير الناس من نفع الناس