الرسائل

1

الهجرة و واللاجئين / رد: شنو موضوع تلفون اي او ام عمان؟؟؟؟؟

« في: 14:42 10/05/2011  »

ماشي.... واني ممنون .. بس جماعة بغداد عدهم رقم تلفون؟؟؟ احد يعرفة؟؟؟
لان الايميل نفس الجواب الروتيني اللي محضريه ويمكن اصلا ميقرون شكو بالايميل
اكو احد يعرف رقم اي او ام بغداد؟؟؟؟
شكرا

2

الهجرة و واللاجئين / شنو موضوع تلفون اي او ام عمان؟؟؟؟؟

« في: 14:14 10/05/2011  »

اخوان .. اخوات
هاي صار اكثر من ثلاث مرات اخابر علة رقم اي او ام عمان علمود استفسر علة الكيس مالتي يكولولي احنة ما النة علاقة بكيسات العراق...زين لعد ليش اي واحد يخابروا علة موعد سفر لو الدورة التثقيفية لو مقابلة من رقم عمان؟؟؟؟
اكو غير الارقام اللي دا اخابر عليهة؟؟؟ فدوة اذا احد يعرف غير ارقام يدزهة ...
اني الكيس مالتي نامت عليه طابوكة.. رقم 103XXXX واني ممنون منكم
0096265625585
0096265625423
هاي الارقام اللي اخابر عليهة ويجاوبوني احنة مالنة علاقة

حيدر بايو

3

الهجرة و واللاجئين / رد: واخيرا....خابرو الكفيل...يعني شكد باقيلي؟؟

« في: 14:06 10/05/2011  »

حبيبي..... اني كفيلي وقع يوم 6 بشهر الواحد والكيس مالتي رقمة 103 .. يمكن اعتك واحد..
والفحص عايدة مرتين... وكلشي مخلص .. ونايمة علية الطابوكة.... بس الله كريم

4

الهجرة و واللاجئين / رد: سؤال اكو احد اضاف طفل بعد المحلفين

« في: 12:21 24/03/2011  »

اخي العزيز.... اني شخصيا الله رزقني بولد واني جنت مكمل مقابلة ثانية وفحص طبي ... دزيتلهم ايميل كلتلهم كالو دز بيان الولادة .. دزيتة كللولي انضاف عالكيس مالتك من تطلعلة جواز نكمل الاجراءات... وبقيت انتظر بيان الولادة يوصل لدائرة النفوس مال الكرادة لان ميصير واحد ياخذة باليد بعد... المهم والله 4 اشهر الى ان وصل البيان للجنسية وطلعتلة هوية الاحوال وهمزين عندي معارف بالجوازات طلعتلة جواز ودزيتة الهم وطلبوا مقابلة علمود ياخذولة صور وفحص طبي بعيادة اومار بالجادرية وخلصنة وكالوا هاهية.............زين عمي وهسة ابني راح يصير عيد ميلادة بنص الشهر الرابع  وجنت مقشمر نفسي بلكي اول عيد ميلاد هنااااااااك ... هناااااااك.. اويلي يابة .. بس مو مشكلة الله كريم ....
بس يااخي لازم تطلع جواز للطفل ... والجواز لازم جنسية ... مو لو مو مو؟؟؟

5

الهجرة و واللاجئين / رد: اخبار جديدة اي او ام بغداد.... مهمة

« في: 11:08 23/03/2011  »

اعزائي.....
الاخت absent . lola  تشتغل وياية ومقدمة اس اي في وكلتلكم اللي ديصير... وتأكدو انه السفارة دتصدر فيز يومية ...
واكو شغلة مهمة لجماعة الاس اي في.... اقتراح للعندة امكانية انه من تجي الفيزة يسافر علة حسابة ومينتظر مساعدة الاي او ام حتة يكون مصيرة بيدة .. مو بنص الطريق يكلولة تاجل السفر علمود هالشغلة....هواية احسن واضمن

تحياتي

6

الهجرة و واللاجئين / رد: اخبار جديدة اي او ام بغداد.... مهمة

« في: 09:30 23/03/2011  »

عمي تتدللون ...................
وهاي شغلة السفر دايركت لأمريكا تخبل علوا اكو هيج خط حتة بدون بهذلة الاردن او بهذلة الطريق للاطفال..........
بس هم هينة.... والله هينة... والله كريم

7

الهجرة و واللاجئين / اخبار جديدة اي او ام بغداد.... مهمة

« في: 09:00 23/03/2011  »

اخواني واخواتي......
قبل فترة اكو جماعة اعرفهم مقدمين اي او ام صارلهم سنة وليهسة ممقابلين فطلبوا مني الاستفسار بما ان مقرهم بنفس المقر اللي اشتغل بيه حاليا وعندي معارف موظفين فسالتهم عن قضيتهم.... مو هنا سالفتنة .. السالفة انه اجاني تأكيد 100 بالمية انه اكو مواعيد سفر حاليا يعني مستمرة مو مثل مسمعنة من البعض انه متوقف السفر... لا بالعكس دينطون مواعيد بس شوية ابطا من قبل.. ليش؟؟ لأن السيكيوريتي جيك صار اكثر بامريكا... وشغلة ثانية هم اكدلياهة الولد انه التخصيصات المالية لل اي او ام موجودة الى سنة 2015 ... يعني لا اكو الغاء او تاجيل باي شي....
بس حبيت اكلكم بهذا الشي .......................
ها صدك فد شغلة كلش مهمة.. يابة ترة منا وهيج لحد يأجل موعد مقابلة او موعد سفر او موعد بصمات .. لأن صايرين يكنسلون اي كيس يتأجل بطلب من صاحب القضية... وخصوصا المقابلة الثانية.... ديروا بالكم تاجلون .. مريض مدري شنو ترة تنضربون بوري من هذا الزين....
تحياتي للجميع

اخوكم حيدر المنتظر موعد سفر .. هههههههههههههههه

8

الهجرة و واللاجئين / رد: شلون يمعودين جوازي بالسفارة وطلعت سفرة ال iom

« في: 08:24 23/03/2011  »

طبعا يمكن انت متونس على هاي الشغلة.. كاعد تتفرج عالردود وكلنة دنكلك سافر...........مو كلنالك راسل السفارة واطلب جوازاتك ..............سافر رحمة للحمزة..... سافر رحمة للكاظم... سافر رحمة للعباس.............اي دسافر مو ذبحتني والله

9

الهجرة و واللاجئين / رد: شلون يمعودين جوازي بالسفارة وطلعت سفرة ال iom

« في: 12:58 22/03/2011  »

يعني انت صدك تحجي؟؟؟؟؟ منتظر هالفترة وبعدين متدري شتسوي؟؟؟ عمي سافر سافر سافر .. راسل السفارة واطلب منهم الجوازات.. لا تتورط وبعدين تضيع المشيتين... ساااااااااااافر..واذا انت اصلا رايد تطلع لامريكا وتستقر فمسالة الكرين كارت مو كلش ضرورية بالبداية مثل شغلة الاس اي في ... توكل على الله وسافر

10

الهجرة و واللاجئين / رد: عضو جديد ... واحتاج رأيكم

« في: 11:49 15/03/2011  »

عزيزي اذا تتذكر بالبداية جان من شروط الاس اي في يكون عندك ريكومنديشن من جنرال... وجان هذا شرط اساسي
مجان عندي هذا الريكومنديشن... ومتابعت الموضوع ومن انفتح الاي او ام حتة لليشتغلون وية المنظمات الامريكية قدمت اوراقي ... والامور اخذت مجراها الطبيعي.. وبصراحة بوكتهة خفت احول للاس اي في بلة شنو خفت لتتأخر الكيس مالتي!!!!
عالعموم ... اللي صار صار والحمد لله والشكر .... وارجع اكول .. صابريييييييييييييييييييييييييين والله يقدم اللي بيه الخير
وشكرا الك

11

الهجرة و واللاجئين / رد: عضو جديد ... واحتاج رأيكم

« في: 11:25 15/03/2011  »

اخواني الاعزاء ..........
اني جدا اشكركم عالردود ... بس والله يابة الظاهر الشغلة شغلة حظ لا اكثر ولا اقل..
لأن كل اللي اعرفهم اجاهم موعد سفر ورة فترة قصيرة من توقيع الكفيل..
على العموم صابرين ان شاء الله واللي يريد شي يعوف شي...
والاخ المغترب ..... هذا حجيك مو غريب لان انت عراقي والنعم منك.. ربي يوفقك ويعمر بيتك اني جدا ممنون...

تحياتي

12

الهجرة و واللاجئين / رد: دورة تثقيفية IOM

« في: 11:18 15/03/2011  »

شكرا ابو هبة...
يعني معنى كلامك راح يلوحنة السرة...
الله كريم وشكرا جزيلا

13

الهجرة و واللاجئين / دورة تثقيفية IOM

« في: 09:55 15/03/2011  »

صباح الخير اخوان.....
احد يعرف شنو موضوع الدورة التثقيفية مال IOM???
جماعة اعرفهم دازيلهم ايميل علة موعد للدورة اليوم ببغداد بنفس مقر ال IOM من 8 صباحا لل 4 العصر!!!!
بس لا يسووهة للكل بأثر رجعي .... واني مخلص كلشي صارلي اشهر ومنتظر موعد سفر.
تالي شلوووووووووووووووون

14

الهجرة و واللاجئين / عضو جديد ... واحتاج رأيكم

« في: 08:27 09/03/2011  »

اخواني الاعزاء .. منتديات عينكاوا
صحيح هذا اول موضوع الي بس اني صارلي سنتين اتابع منتداكم الرصين والمواضيع الخاصة بمنتدى الهجرة واللاجئين وبصراحة صار عندي خبرة بامريكا وحياتها ووضعيتها واني بعدني بالعراق... فتحية لكم جميعا والله ينطيكم اللي تتمنوه وعساه يكون خيرا لكم.
حبايب... اني مقدم عال اي او ام من 2008 .. وجبتهة من 2004 شغل وية الامريكان 3 سنين وبعدين وية ال USAID سنة ونص وهسة بالسفارة الامريكية يعني عتيك بالشغلة. جنة اني وزوجتي وبنتي وورة مخلصنة الفحوصات والمقابلة الله رزقني بولد وتدرون هاي السالفة مال بيان الولادة تاخذ جم شهر والجنسية والجواز وضفتة عالكيس مالتي ومقابلة وفحص للطفل وبعدين دزولي علة فنكر برنت المهم خلصت كلشي والكفيل مالتي وقع اوراقي بتاريخ 6\1\2011 ... هيأنة امورنة وعندي شقة ملك اجرتهة وبعت غراضي وكلت هاهية شغلة جم يوم .. ويوم يجر يوم ,, واسبوع يجر اسبوع .. وليهسة ممخابريني علة موعد سفر .. علما ان IZ مالتي 103 .. بس اريد اسأل .. اكو احد واصل مثل مرحلتي؟؟ شكد الوقت بين توقيع الكفيل وجدولة السفر؟؟ الحمد لله والشكر انه بعدني مستمر بشغلي.. بس طكت روحي والله..
علما ان الولاية اللي راح اروحلهة (المفروض) كاليفورنيا

تحياتي للجميع