الرسائل

1

الهجرة و واللاجئين / رد: اخوان اني رايح لالمانيا احد محتاج شي مناك ؟ اني محتاج اذا احد عنده نصيحه

« في: 02:30 15/04/2011  »

شكرا للاخ ابو ابراهيم الورده وفداء الروح

بارك الله بيكم ويارب يوفقكم ويسهل كل اموركم

وشكرا مرة ثانيه

ومثل مكلتو كلشي نيرادله تعب والله يسهل ان شاء الله

2

الهجرة و واللاجئين / رد: اخوان اني رايح لالمانيا احد محتاج شي مناك ؟ اني محتاج اذا احد عنده نصيحه

« في: 00:11 15/04/2011  »

طبعا شكرا لكل الاخوة والاخوات على ردودكم وتعاطفكم ويايه وان اشاء الله اكدر اردلكم فضلكم

اخويه ريان
اني الي اعرفه انه الكامبات بيهه بهذله ومعاملاتهم طويله ولازم قصه قويه بس وراهه الواحد يرتاح

اذا عندك غير معلومات ياريت تفيدني بيهه لان كتلك معلوماتي الزينه والموزينه اخذتهه من وجوه طيبه مثل وجهك

واكو صديق اخذ لجوء بيهه قبل سنه تقريبا وهو سوالي واهس وكلي جيب كل اوراقك واني ارتبهه الك قبل لتقدم واني اعلمك على كلشي الى ان تاخذ الاقامه ان شاء الله

اخويه العزيز ياريت تكولي معلوماتك حته استفيد

3

الهجرة و واللاجئين / رد: اخوان اني رايح لالمانيا احد محتاج شي مناك ؟ اني محتاج اذا احد عنده نصيحه

« في: 22:43 14/04/2011  »

شكرا الكم اخوتي

اني احب المانيا من قبل والشي الثاني اكو وجوه مثل وجوهكم الطيبه بالمانيا كالولي انه المانيا بلد حلو واقتصاده قوي لان بلد صناعي وتقريبا رخيص مقارنتا ببلجيكا وغيرهه لانه بلد منتج

وكالولي صح البهذله بالبدايه بس الي يحصل الاقامه يرتاح

وبالنسبه للقضيه الحمد لله اذا اسولفلكم هسه تبجون من القهر علي بس اوراقي شويه قديمه وهسه اولاد الحلال دلوني على طريق اسوي بي شغلات الجديده

واروح والله يسهلهه وشكرا لاهتمامكم اخوتي

4

الهجرة و واللاجئين / رد: اخوان اني رايح لالمانيا احد محتاج شي مناك ؟ اني محتاج اذا احد عنده نصيحه

« في: 19:12 14/04/2011  »

شكرا الكم اخواني على التعليقات الحلوة

اني قفلت على المانيا ورح اضبط قضيتي واتوكل واذا رادو يرجعوني للعراق احاول انهزم واذا مكدرت احرك روحي واخلص لان والله طكت روحي

والله كريم

اخويه فراس طبعا احتاجك فياريت نتواصل

وشكرا

5

الهجرة و واللاجئين / اخوان اني رايح لالمانيا احد محتاج شي مناك ؟ اني محتاج اذا احد عنده نصيحه

« في: 16:31 14/04/2011  »

السلام عليكم ورحمة الله

اخواني ان شاء الله اني متوكل الى المانيا اذا احد محتاج شي مناك يدلل

واذا احد عنده معلومات عن الكامبات والاقامه والجنسيه والحياة هناك وفتره الحصول على اللجوء ياريت يفيدني واكون ممنون

وشكرا الكم

6

الهجرة و واللاجئين / رد: استفسار مهم حول اوربا والبصمات ارجوا المساعدة رجاءا

« في: 22:12 07/04/2011  »

شكرا اخت سارة بس شلون قابل بكيفي ما ابصم لو شلون ؟؟؟

اذا من ضمن الاجراءات ابصم فلازم ابصم

وما ادري بعد

7

الهجرة و واللاجئين / رد: استفسار مهم حول اوربا والبصمات ارجوا المساعدة رجاءا

« في: 22:11 07/04/2011  »

ام زيودي اسبانيا من ضمن الاتحاد الاوربي

وما اعرف اذا ياخذون بصمه لو لا بس اريد احسب حساب خاف كلشي يصير

يكولون ياخذون بصمات
وناس تكول البصمات متأثر لان بصمات اللجوء وحد وبصمات الفيزا وحد
وناس تكول تأثر وانلكف ويرحلوني

وما اعرف بعد ياريت اذا احد من الاخوة باوربا يفيدنه بهذا الموضوع

وشكرا الج ولكل الاعضاء

8

الهجرة و واللاجئين / استفسار مهم حول اوربا والبصمات ارجوا المساعدة رجاءا

« في: 20:18 07/04/2011  »

شلون الشباب

بدون زحمه عندي عمي بأسبانيا رح يسويلي دعوة زيارة ومناك افلت لبلجيكا او للنمسا حته احصل لجوء

بس ردت استفسر عن البصمات

اذا بصموني بالسفارة انلكف من اقدم لجوء لو ما الها علاقه

ياريت احد يشرحلي شويه لان اشو ديخوفوني على اساس يلكفوني من البصمات ويرحلوني

والكم جزيل الشكر