عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - السفير المغتربين

صفحات: [1]
1
الهجرة و واللاجئين / بالعراق وضيع الكرين كارت
« في: 15:03 06/05/2011  »
اخواني اليوم اجيتكم بموضوع جديد ما دام اصبح المنتدى مكان تثقيفي ومعلوماتي فهذا الموضوع ايضا مهم حتى الشخص من يصير هيج بيه هذا الشي شنو الاجراءات الي ممكن يسويه
مثلا واحد وصل لبغداد ووره شهر او شهرين وهو يهيء نفسة للرجوع لامريكا يضيع الكرين كارت وبطاقات السفر
بهاي الحالة شنو لازم الي يسويه؟ وشلون يثبت انه فعلا جان بامريكا ولازم يرجع باسرع وقت لان مثلا مرتبط بعمل واذا ما رجع البلات تروح للكلكشن ويجوز يضيع شغله شنو الاجراءات الي لازم يسويهه

2
الهجرة و واللاجئين / رد: العودة الى اميركا
« في: 22:10 05/05/2011  »
علاء شكد صارلك من تركت امريكا؟

3
الهجرة و واللاجئين / رد: كرين كارت وسفر لكندا
« في: 00:34 05/05/2011  »
كل ما هنالك اكو واحد دزلي هاي الاسئلة على الخاص وكاتبلي ارجوك ساعدني على اساس اني مدير الامكريشن هههه ووعدته انزله بالمنتدى

4
الهجرة و واللاجئين / رد: كرين كارت وسفر لكندا
« في: 22:08 04/05/2011  »
اي والله قابل هيج عدهم كمبيوتر يسجل منو طلع ومنو رجع وبيا تاريخ  امريكا يوميا بيه 8000 رحله يوميا بينما كل اوربا 3000 رحلة يوميا.. بس تدري هاي السالفة تفيد جماعة الكرين كارت الي سافروا خارج امريكا وبقوا فترة طويلة  بالعراق ممكن يرجعون عن طريق كندا لان حدود كندا ما يحتاج جواز بس الكرين كارت ID . لان بالمطارات لازم يشوفهم الجواز بس الحدود ما يحتاجون الجواز.

5
الهجرة و واللاجئين / رد: كرين كارت وسفر لكندا
« في: 21:31 04/05/2011  »
يا معود حجي مغترب خمس اسأله متوالية ركز ويانه وراح تلكي الاسئلة :P

6
الهجرة و واللاجئين / رد: كرين كارت وسفر لكندا
« في: 21:18 04/05/2011  »
اي والله راكو تره كلش خوش سؤال هههههه

7
الهجرة و واللاجئين / كرين كارت وسفر لكندا
« في: 21:06 04/05/2011  »
حسب معلوماتي حامل الكرين كارت الامريكي يدخل كندا بدون فيزا. زين اذا حامل الكرين كارت في بغداد وقطع تذكرة سفر لكندا ,, راح يتفهم عاملي مطار بغداد هذا الامر لو راح يكول وين فيزتك يا معود ؟؟ زين لو فرضنا طار واكيد ترانزيت في احدى دول اوربا, دولة الترانزيت راح تخليه يكمل لكندا؟ زين وهم لو فرضنا خلاه بكندا راح يكلوله ليش طرت من بغداد لهنا مو من امريكا ويدخلوه ام لا؟ زين نكول دخوله من يريد يرجع لامريكا بالسيارة من وينز لديترويت نقطة السيطرة مال ديترويت الي بالنفق راح يكلوله انت ما مبين عدنه مسافر من امريكا لكندا ووين جنت وليش رحت لكندا؟؟ طبعا سبب زيارة كندا هم زيارة احد الاصدقاء الاعزاء
دوختكم مو؟؟؟ هههههه

8
الهجرة و واللاجئين / رد: اللي قابل واتعرض للاساءة من قبل الشخص اللي قابلة شيسوي ارجو النصيحة
« في: 18:07 03/05/2011  »
الموضوع انتهى وانسى الموضوع ولا تفتح على نفسك باب .. صير مثل الاخوه المصريين داري خبزتك ومن توصل لامريكا وتكرر الموقف سوي الي تريده بحدود القانون. لو فرضنا انك اشتكيت والشخص كان على خطأ راح يسالوه وهو محلف عن الي صار ممكن يتبلى عليك من باب هو الدفاع عن نفسه ومن هاي السوالف وتاليه يحطوك على الشحن

9
الهجرة و واللاجئين / رد: السلام عليكم اخواني ارحوكم انا في بلوه نزلت علي هههههههه
« في: 18:04 03/05/2011  »
اضيف مو شرط صدك اذب جوازك بالمي والموضوع ما يحتاج شهود سواء للشرطة او التامين انته كول وكعت جنطتي الي بيه كم فلس والجواز بالمي قابل راح يدزون فريق غوص يبحثون على جوازك ههههه

10
الهجرة و واللاجئين / رد: السلام عليكم اخواني ارحوكم انا في بلوه نزلت علي هههههههه
« في: 17:44 03/05/2011  »
حبيبي كلنا قبل ما نوصل لاوربا فلسنا الخرايط تفلس وعرفنه حتى المدن واسماء الشوارع وانت ما تندل فنلندا وين صايرة.. يله مو مشكلة راح اعيد الحل بس قبلها اكول اذا تغسلة هم راح يبين الختم بس اذا تغسلة غسلة زينه وتضيع الاثر طبعا هذا الحل هو افضل من الضياع نهائياً.
شوف السالفة ما ينراد اله شهود بس الخطوات هي كالاتي
1 تتصل على شركة التأمين وكللهم اريد اسوي تأمين للسفر بالنرويجي ينكتب Reiseforsikring بس ما اعرف شسمه بالسويدي.
2 تقطع تذكره سفر بالباخرة من ستوكهولم الى اي مدينه بفنلندا والحجز يكون اما بالانترنت او مكاتب السفر الي بمدينتك.
3 تروح وترجع
4 اول ما توصل تتصل على شركة التأمين وكللهم جنطتي وكعت من ايدي واني اصور البحر على سطح الكروز.. راح يكولون وشنو ضاع بعد كللهم الجواز واذا تريد تزيد هاي بقت يمك.
وراها تروح للشرطة وكللهم نفس الحجي مال التأمين وراح تجيك رسالة من التامين تطلب ريبورت شرطة وانت ادز الريبورت للتامين وهمه بيناتهم تصير اتصالات وهنا راح تكون مصداقية على كلامك
وأخيراً اكول مقولة هنا تطبق دكول المقوله
الكذب المصفط احسن من الصدك المخربط يعني اذا تشوفهم جوازك وبيه روحتك للعراق فأنت تنطيهم سبب لسحب لجوئك او رفض منحك الجنسية وتحلم تشوف الجواز الاحمر.
تحياتي اخوك حامل الجنسيتين واحد احمر والاخر ازرق وافكر اطلع جواز A من اروح للعراق

11
الهجرة و واللاجئين / رد: السلام عليكم اخواني ارحوكم انا في بلوه نزلت علي هههههههه
« في: 23:49 02/05/2011  »
الي يحصل على اللجوء السياسي ينكتب في جوازه عدى بلدة بس اول مرة اشوف واحد عنده لجوء سياسي وما يدري بنفسه ههههه
اخويه ما عندك غير تصعد باخره وتروح لفلندا وبالطريق تذب الجواز وتتصل على شركة التامين ودكول جنطتي وكعت بالبحر بيه الجواز والكامره وبهاي الحاله يصير عندك اثبات من جهه وبنفس الوقت دكول جوازي وكع من ايدي واني اصور البحر . اما اذا يلكون انت داخل فعواقبه وخيمه وراح يضيع اللجوء والجواز وولا ابو علي ولا مسحاته وقد عذر من انذر هههه

12
الهجرة و واللاجئين / رد: انقذوني من الهلاك ارجوكم
« في: 18:37 02/05/2011  »
خلال الكلام اخت ريم الي نزلتيه اعتقد اكو هناك أمل بالنسبة للاخ بلكي الله يسهل عليه

13
الهجرة و واللاجئين / رد: انقذوني من الهلاك ارجوكم
« في: 18:04 02/05/2011  »
حامل الكرين كارت شغلته اسهل
بس اخت ريم عبد اعتقد اذا الاخ يراسل USCIS بالانترنت افضل يمكن ينزل الفورم ويمليه ويدزه للسفارة
ما ادري ليش احس نفسي حيل متعاطف ويه الاخ احس الظروف قهرته بس ما عندي نصيحه سوى ان يبقى مصر على موقفه ويدز ايميل من العراق لل USCIS الي بامريكا ويشرحلهم ظروفه واذا اكو وثائق بعد افضل كالعملية الجراحيه او حالة الوفاة

14
الهجرة و واللاجئين / رد: انقذوني من الهلاك ارجوكم
« في: 13:02 02/05/2011  »
مقتبس من: silver_d في 11:40 02/05/2011
صاحب الموضوع
مع احتراماتي الك
انته لو بوقت الي رايح بيه بال 2007 وضليت الى 2008
جان قدمت ترجع للعراق كمترجم من امريكا واتصور هذاك الوقت كانو يدورون على العراقيين دواره وحته بالشوارع الركروتريه يفترون حته يعينون يا صديقي
ابهالحاله انته يا غشيم مصلحة
يا انته كسلان ومتعلم عالخده والخدر ابن عمي
ورجعتك لامريكا سهله بس يرادلها شوية ذكاء ابن عمي
يله ارجع امريكا حته ترجع مترجم اليبيا خوش فلوس بيها وربي

تحياتي


اخي العزيز تره الاخ مدمر نفسيا مو مال تزيد جرحه بكلامك هو يكول ظروف قاهره مرت بيه وكل انسان معرض لاتخاذ قرارت خاطئة وصحيحه بس هسه لو نكدر بس نقدمله النصيحه بكيفيه الرجوع لامريكا حتى بلكي استاد من الدرس وتعلم كلبه على التحمل والصبر
تحياتي واحترامي الك

15
الهجرة و واللاجئين / رد: انقذوني من الهلاك ارجوكم
« في: 12:07 02/05/2011  »
اخوية الغالي تره تكدر ترجع لامريكا بس لا تخلي الفشل كدامك . بس سؤالي عندك كرين كارت لو بس وايت كارت؟

16
دردشة منتدى الهجرة واللاجئين / رد: هل صحيح خبر مقتل بن لادن ؟؟؟!!
« في: 11:40 02/05/2011  »
صحيح ومبروك للجميع

17
الهجرة و واللاجئين / رد: استفسار مهم حول اوربا والبصمات ارجوا المساعدة رجاءا
« في: 10:55 12/04/2011  »
اخي انت راح توصل بالوقت الضايع لان هسه فرصة اللجوء ضعيفة لعراقيين .. النمسا مو زينه بس حاول على بلجيكا او فنلندا وانت بكل الاحوال راح توصل واذا طلعت البصمة والي اعتقد ما راح تطلع انت ما راح تخسر شي .. البصمة تطلع فقط على طالبي اللجوء مو الي يدخلون شنكل فيزا

صفحات: [1]