الرسائل

1

الهجرة و واللاجئين / رد: منظمة اي او ام مو ثقة نهائيا

« في: 05:58 05/12/2013  »

اخي الله يعينك ... احنا مشكلتنا لاحول لنا ولاقوة ..لان احنا اصلا سلاحنا هو الصبر والمعلومات الي تتناقل من هنا وهناك وتجارب واتصالات بقية الاخوة وي المنظمة ... صحيح اني ما اريد اهبط المعنويات بس انشالله حضرتك احسن من هواي غيرك واذا كنت صابر كل هاي المدة ومن 2011 فانشالله الفرج قريب .. وانته تكدر تتواصل وي المنظمة بكل الطرق وتلح عليهم وهذا حقك من جهة وواجب المنظمة من جهة ثانية ... تمنياتي الك بالسفر العاجل وانشالله معنوياتك اعلى واعلى غصبن على التاجيل ... ومن الله التوفيق النا والكم .

تسلم عيني على هذه الكلمات الجميلة بس حبيت انقلكم تجربتي لتعم الفائدة على الجميع ولا تتسرعون وتتصرفون باثاثكم واعمالكم على اساس عدكم موعد طيران لان المنظمة عدها استعداد تلغي الرحلة باي لحظة واتمنى من الله الصبر للكل علما اني تقديم سنة 2008 والموعد الاول 2011

2

الهجرة و واللاجئين / رد: منظمة اي او ام مو ثقة نهائيا

« في: 10:05 04/12/2013  »

والله يا اخوية شكلك اكيد مو غلط عادي لان مصائر ناس وعوائل متوقفة على هذا الموضوع وهمة بكل برود ياجلون بالعالم بدون ما نعرف السبب اكيد هو سوء ادارة من قبلهم والمشكلة ماعدنا حل غير ان نسلم امرنا للواحد القهار هو ارحم بحالنا بس يا اخي لا تسكت وظل راسلهم واتصل بيهم واعرف شنو سبب التاجيل

كلامك صحيح بس اتمنى منكم انه اذا حددولكم موعد سفر لا تتصرفون باي شي الى حد اقلاع الطيارة لان ايكنسلون السفر حتى لو كنتوا على الطيارة فهذا من اخلاق المنظمة واتمنالكم مستقبل امين ورائع انشاء الله

3

الهجرة و واللاجئين / رد: منظمة اي او ام مو ثقة نهائيا

« في: 09:31 04/12/2013  »

شكرا اخواني على مروركم الكريم

الملاك الحائر : اسف جدا خطأ مطبعي 24-11-2013
HYTHAM : صراحة ما اعرف اشوكت الموعد الي بعده لان لحد الان ورغم الاتصالات والايملات ما عرفت سبب تاجيل الموعد
هذا عراقي : ارسلت ايميلات للكل وشرحت بيه الموضوع وكل الردود تنحصر بانهم اعادوا ارسال الايميل الى عمان يعني الموضوع كله يم عمان وهذا فد شي سبب الي الاحباط صراحة

ولكن سؤالي للكل واتمنى تفكرون بالموضوع بشكل جدي ، اذا منظمة بهذا المستوى من الخربطة هل من الصحيح اجازف وانقل حياتي وعائلتي واروح ابدء من جديد بامريكا؟ ثقتي بهم تدنت تحت الصفر والراي عندي هم مو ثقة نهائيا فشنو رايكم لو هاي خربطة عادية؟

واتمنى السفر للجميع 

4

الهجرة و واللاجئين / منظمة اي او ام مو ثقة نهائيا

« في: 06:55 04/12/2013  »

في عام 2011 انطوني موعد طيران ونزلونه من على الطيارة بحجة تشيك امني ما قبل السفر وطبعا سلمنه للامر الواقع وها انا انتظر منذ ذلك الحين الى الان وقبل فترة حددولي موعد سفر بتاريخ 2013 - 24- 12  وبلغوني قبل 6 ايام فقط بحجة انهم مستعجلين ولازم اسافر وميصير ااجل الموعد والا يلغوا فقبلت بالموعد رغم عدم كفاية الفترة ورفضت موظفة المنظمة ارسال ايميل الي حتى اتاكد من الموعد ثم هنا جاءت الطامة الكبرى ، تلقيت اتصال من عمان قبل يومين من الرحلة يبلغني بالغاء موعد الرحلة لاسباب امنية الى اجل غير مسمى فثرت على الموظف الي اتصل بيه (وهو شعليه خطية) وكتله تنتوا ناس مو ثقة وان منظمتكم فاشلة في عملها ، طبعا من حركة قلبي والان بعد التفكير وبهدوء قررت ان المنظمة مو ثقة نهائيا وما اقدر احط مصيري ومصير عائلتي بيديهم فهم اسوء من القتلة الذين يهددوننا فهم يلعبون بمصائر الناس ويجعلون امانينا لعبة بيدهم ولقد اتخذت قراري وسيبقى مصيري ومصير عائلتي بيدي لا بيد منظمة الهجرة السخيفة الفاشلة وتقبلوا اعتذاري على الاطالة

5

الهجرة و واللاجئين / رد: كروب الاخوة من 2008 IZ-102XXX

« في: 12:15 22/10/2013  »

هواي اتصلنت بالمنظمة محد يرد والمشكلة دا اخابر من بغداد فاذا احد يعرف رقم يردون عليه اكون ممنون يدزلياه

6

الهجرة و واللاجئين / رد: كروب الاخوة من 2008 IZ-102XXX

« في: 10:15 21/10/2013  »

الله يحيكم اخواني تواصلنه مع بعض ايصبرنه لان جماعة الاي او ام مصخوها زايد الوضع يسوء يوم بعد يوم وملفاتنا لحد الان ما تتحرك طبعا اني اجاني موعد طيران ب2011 وهم اجلوا ولحد الان عدت الفحص وماكو اي نتيجة

الله ايحلها

7

الهجرة و واللاجئين / رد: كروب الاخوة من 2008 IZ-102XXX

« في: 13:43 20/10/2013  »

زين وتالي العالم كلها سافرت ليش احنه لا
الكيسات القديمة لازم ايشوفولها حل
اذا اكو مكان نقدر نشتكي بيه فياريت احد ايدلينه

8

الهجرة و واللاجئين / رد: كروب الاخوة من 2008 IZ-102XXX

« في: 10:50 20/10/2013  »

حياكم الله شباب بس احنه بقينه حلو كلش حلو

9

الهجرة و واللاجئين / كروب الاخوة من 2008 IZ-102XXX

« في: 07:42 20/10/2013  »

السلام عليكم
اخوان منو بقى من الاخوة المخضرمين جماعة 2008 خلي نتواصل

10

الهجرة و واللاجئين / رد: تم غلق الكيس والحمد لله على كل حال

« في: 11:21 15/04/2013  »

والله يا اخي خطوة جبارة وكلام رائع اتمنالك التوفيق واسئلك تندعيلي امتلك هذه الجراة وخاصة ان عمري بدء ينفذ ولا ابو علي ولا مسحاته لا لجوء ولا عمل ثابت هنا
اتمنالك التوفيق ولعائلتك السعادة
وسعادة العائلة فوق كل شيء

11

الهجرة و واللاجئين / رد: جماعة 2008 & 2009 خلينه نعرف منو بقه من عدنه (جديد جدا) 17\1\2013

« في: 06:33 04/03/2013  »

السلام عليكم
اني من جماعة بغداد 2008
رقمي 102ْْْْ
والله كريم

12

الهجرة و واللاجئين / رد: من لديه سفر من العراق الى تركيا في الايام القليلة القادمة ؟؟

« في: 07:03 03/03/2013  »

اخي العزيز السلام عليكم
عندي سفرة الى تركيا بالايام القادمة تقريبا خلال اسبوع الى انقره وراح ابقى اسبوع وارجع للعراق فارسلي معلومات الاتصال بيك عنوانك او تلفونك وباي مدينة حظرتك حتى اقدر اوصلك الدواء وانشاء الله بالشفاء العاجل

13

دردشة منتدى الهجرة واللاجئين / رد: اخوان هاي الصورة متحتاج الى تعليق بس موتتني من الضحك

« في: 13:16 07/03/2012  »

ههههههههههههههههههههههههههههههههههههههههه
صدك صدك عاشت ايدك وردة واقع صحيح

14

الهجرة و واللاجئين / رد: ارجو المساعدة منظمة RTI التابعة لوكالة التنمية الامريكية

« في: 07:34 19/02/2012  »

الله يساعدك اخوية العزيز
اعتقد اقدر اساعدك بهذا الموضوع لاني اعمل وياهم لحد الان بس اشرحلي شتريد واني بخدمتك

الله يوفق الجميع

15

الهجرة و واللاجئين / رد: قضيـــة الهجرة ؟ اقصد سبب السفر.. نقــــــــــــــاش

« في: 11:37 02/07/2011  »

السلام عليكم اختي
منو كال الوضع الامني زين؟صح افضل من قبل بس بعد اكو تهديدات وقتل وانفجارات اضافة الى الوضع المادي السيء لارتفاع الاسعار بشكل مو طبيعي .اتوكلي على الله وقدمي والاسباب هواي والله يسهل امورك وحضرتك من يا دولة تردين اتقدمين؟

16

الهجرة و واللاجئين / رد: ▓▒░ بغـــــــــــــداد - IOM ░▒▓

« في: 11:25 02/07/2011  »

السلام عليكم
رقم الكيس 102 واخر تحديث كنسلوا سفري شهر الثالث وماكو شي جديد

17

الهجرة و واللاجئين / رد: استفسار من فضلكم اهل الخبرة

« في: 13:21 29/06/2011  »

... انت نزل الرموز بلكي انشالله  يكدرون يفكوها

               تحياتي

                    تقبل مرور اخوك نوار تيتو

ADJ-IZ هذا الرمز الي اريد اعرفه وتسلم اخي على ردك

18

الهجرة و واللاجئين / رد: استفسار من فضلكم اهل الخبرة

« في: 13:18 29/06/2011  »

اخ ددوفي
شكرا على ردك راح اعتمد فحوى الرسالة واهمل الرموز

19

الهجرة و واللاجئين / رد: استفسار من فضلكم اهل الخبرة

« في: 13:13 29/06/2011  »

الرسالة كالمعتاد اتقول انك على التدقيق الامني وانتظر بس حبيت اعرف الرموز اله معاني لو لا؟ وشكرا اخواني على ردودكم

20

الهجرة و واللاجئين / رد: أتيت ومعي أخبار جميلة IOM -SIV

« في: 12:32 29/06/2011  »

اخبار حلوة وعاشت ايدك وشكرا على نقل الخبر

21

الهجرة و واللاجئين / استفسار من فضلكم اهل الخبرة

« في: 12:27 29/06/2011  »

السلام عليكم
اخواني اجاني البارحة ايميل من IOM بيه الرمز ADJ-IZ علما انه اني من جماعه بغداد فهذا معناه انه انحطيت على جدول السفر لو شنو يعني هذا الرمز؟

22

الهجرة و واللاجئين / رد: قبلوني والسوبرفايزر اكدلي التعيين مالي

« في: 16:50 21/06/2011  »

الاخ عبد الله :اذا مسوي تزكية ميقدر يقول ما اعرفه لان راح ايقلوله اشلون سويت تزكيه؟ المشكلة بالتزكيه فقط

23

الهجرة و واللاجئين / رد: اخوان اكو احد من جماعتي النايمة الطابوكة عليهم من بغداد , والي رقم ملفة يبدي ب IZ 102xxx فوتوا

« في: 10:34 20/06/2011  »

موعدي كان بشهر الثالث واتكنسل

24

الهجرة و واللاجئين / رد: اخوان اكو احد من جماعتي النايمة الطابوكة عليهم من بغداد , والي رقم ملفة يبدي ب IZ 102xxx فوتوا

« في: 10:17 20/06/2011  »

السلام عليكم اخوان
يمكن اني رقم 11 وياكم ملفي IZ 102xxx ومقدم من 2008 واجاني موعد وكنسلوه ونامت الطابوقه فوقي ومنتظر والله كريم بس صراحة كلش تعبت من الانتظار

25

الهجرة و واللاجئين / رد: فرصة عمل جديدة بglsكمترجمين واستمر التعيين

« في: 14:48 18/06/2011  »

صراحة يبقى العراقي صاحب غيره الف رحمة على والديك والله يسهل امورك اتصلت بيه ودزيتله السيفي مالتي وعدني انه راح ايساعدني وصارت او ما صارت اني كلش ممنون للمساعده اخي الفاضل الله يوفقك

26

سجل الزوار و باب الاقتراحات / تغيير اسمي رجاءا

« في: 09:26 18/06/2011  »

ارجوا من الادارة الموقرة تغير اسمي الى (الحالم ) مع الاحترام وشكرا

27

الهجرة و واللاجئين / رد: كفالة الخماسية للكنده وطريقة التقديم الى كنده من تركيا

« في: 10:14 11/06/2011  »

اخي العزيز
اقدر اقدم المعاملة وامشي بيه للنهاية واني بالعراق لو لازم اروح لتركيا؟ صديقي كمل كلشي بس يقولوله لازم اتروح لتركيا علمود تكون قريب على السفارة الكندية هل هذا صحيح؟
وشكرا

28

الهجرة و واللاجئين / رد: سؤال للاخوان الي مقدمين IOM من بغداد مهم جدا

« في: 09:58 08/06/2011  »

اخواني الاعزاء
كان موعد سفري يوم 8-2 وتم التاجيل لحد الان ماكو خبر كل اسبوعين اتصل بعمان على المكتب مال اي او ام ويكولولي بعد موافقاتك ما اجتي من تجي انحددلك موعد وهم الي اتصلوا بيه على الموعد الاول وعن طريقهم صار التاجيل فجماعه عمان هم مسؤولين عن ملفات بغداد وتحديد المواعيد بس يكولون مابيدينه شي الاجراءات من امريكا مو يمنا احنا بس انبلغ والله اعلم
رقم التلفون الي اتصل عليه هو : 0096265625426

29

الهجرة و واللاجئين / رد: اي او ام بغداد سؤال يمعودين ؟

« في: 09:51 08/06/2011  »

اخواني جماعه بغداد
اكو دورات تثقيفيه بس شو مو الكل خابروهم عليها بعض العوائل الي اعرفهم راحوا على الدورات واعرف عوائل حددوا الهم موعد وهواي ناس ما اتصلوا بيهم بعد ما اعرف ليش وشكرا

30

الهجرة و واللاجئين / رد: معاملة لم الشمل

« في: 07:57 08/06/2011  »

الف رحمة على والديك وشكرا على الرد ياطيب

31

الهجرة و واللاجئين / رد: معاملة لم الشمل

« في: 16:35 07/06/2011  »

اخوان ساعدوني بالرد رحمة الله والديكم الموضوع متوقف عليه سفر عائله

32

الهجرة و واللاجئين / معاملة لم الشمل

« في: 11:13 07/06/2011  »

السلام عليكم اخواني
بدون زحمه اريد اعرف تفاصيل لم الشمل يعني اشكد اتطول وشوكت الواحد يالله يبدي المعاملة؟

33

الهجرة و واللاجئين / رد: جماعة 2008 و2009 دعوة للتظاهر السلمي

« في: 10:02 07/06/2011  »

احنا جماعه بغداد منقدر نتظاهر امانه بركبتكم تحجون باسمنا واني اايد التظاهرات السلمية

34

الهجرة و واللاجئين / رد: نقل معاملتي الى تركيا؟

« في: 11:49 14/05/2011  »

شكرا اخواني الاعزاء على اجابه السؤال ممنون لكل جهودكم الرائعه

35

الهجرة و واللاجئين / نقل معاملتي الى تركيا؟

« في: 11:03 14/05/2011  »

السلام عليكم
ممكن تشرحولي اشلون ممكن صديقي ينقل معاملته الى تركيا؟ وهل هذا راح اياخر سير المعاملة حيث انه فتح فايل ابغداد ولحد الان ما قابل اول مقابلة وهل راح ينقلون الفايل لو يفتحون فايل جديد؟ وين اتنصحوا يتوجه بتركيا؟ وهو متزوج وعنده 3 بنات اكبرهن 8 سنوات (لو يبقى بالعراق افضل) مع الشكر والامتنان

36

مواضيع الحياة العامة في بلاد المهجر (امريكا) / رد: هل الاولاد مشكلة؟

« في: 08:36 09/05/2011  »

السلام عليكم
شكرا لكل الاخوه الافاضل الي ساهموا بهذا الموضوع و قدموا ناتج خبراتهم واتمنى الاستفادة للجميع وصح (كلمن وحليبه) بس حبيت اسمعها منكم اصحاب الخبرة والف الف شكر الكم 

37

مواضيع الحياة العامة في بلاد المهجر (امريكا) / رد: هل الاولاد مشكلة؟

« في: 11:20 27/04/2011  »

اختي انجي بارك الله بيك ويحفظ اولادك طمنتيني وعاشت ايدج على هذا الشرح المفصل الي ساعدتيني بيه اني وهواي عراقيين راح انقللهم هذا الكلام وطبعا كلامك ولد عندي اندفاع للامام وتمسك وعدم تخوف من الهجرة
اتمنالك حياة طيبة انت واطفالك ودعائي لكل العراقيين بالموفقية انشاء الله

38

مواضيع الحياة العامة في بلاد المهجر (امريكا) / رد: هل الاولاد مشكلة؟

« في: 10:21 27/04/2011  »

شكرا اخت انجي على ردك قصدت بالدين اشلون اقدر اغذي اولادي بافكار الاسلام وتعاليمه؟ لازم جهود فردية اعتقد ؟ وبعدين الاطفال عدهم لازم الهم حرية اكثر من اللازم يعني لا ترهيب فقط بالترغيب هل هذا صحيح؟
ويقال انه اذا ثبت سوء معاملة للطفل يعني اذا اتبسطة ممكن ياخذوا منك؟؟؟
و أحد الراجعين من امريكا يقول رجعت لان فقدت السيطرة على الاطفال وما اقدرت اتبع وياهم اي اسلوب للتربية هل هذا صحيح لو كلام مبالغ فيه؟ وقال بعض الراجعين انه هناك تفقد اي نوع من السيطرة على الاولاد وطبعا اقصد الاطفال (ولد وبنات)
ارجوك هذا موضوع حساس جدا لان سفرتي كلها علمود اولادي صراحة وما اريد افقدهم هناك والف الف شكر اخت انجي على كل جهودك الرائعه بس حبيت رد كامل ومقنع على هذ الكلام علما عندي ولد 2 بس و اني ذاهب الى ولاية فيرمونت

39

مواضيع الحياة العامة في بلاد المهجر (امريكا) / هل الاولاد مشكلة؟

« في: 08:08 27/04/2011  »

السلام عليكم
طبعا هذا الموضوع كلش امدوخني وهواي ناس تركوا موضوع اللجوء بسببه( هل راح افقد السيطرة على الاطفال؟) واشلون اقدر احافظ على دين الاطفال هناك؟بالله احنا كبار وعدنا مبدء بس الاطفال اشلون بالذات ابني عمره 10 سنوات يعني راح يعيش المراهقة هناك ارجوا من الاخوان اصحاب الخبرة ايشرحولنه هذا الموضوع مع الشكر والامتنان

40

الهجرة و واللاجئين / رد: الى الاخوان الي سافرو من مطار بغداد

« في: 12:20 22/04/2011  »

السلام عليكم
مثل ما اتفضل الاخ كلامه صحيح اكو فحص قبل يوم من السفر في ابن البيطار وللكل اما الذهب و الفلوس ياثر عليج هناك من حيث المساعدات يعني من ايشوفون عندك فلوس وذهب يقللون المساعدات  والجنط 25 كيلو مع بعض الكيلوات سماح والله يوفقك

41

الهجرة و واللاجئين / رد: اعادة الفحص الطبي

« في: 12:46 20/04/2011  »

اشكرك اخي العزيز على الرد وممنون لمساعدتك يا وردة

42

الهجرة و واللاجئين / رد: عضو جديد ممكن سؤال؟

« في: 12:43 20/04/2011  »

شكرا اخت انجي وطبعا اني صارلي سنه اتابع هذا الموقع واعرف اشكد انت اخت عزيزة لكل العراقيين لأن هواي ساعدتي ناس بمعلومات قيمه ربي يوفقك وشكرا على ترحيبك اختي العزيزة هذا من طيب اصلك

43

الهجرة و واللاجئين / رد: ارجو المساعدة

« في: 10:42 20/04/2011  »

السلام عليكم ايحقلك اتسوين معاملة منفصلة وتذكرين بيها زوجك واطفالك وكيس نمبر منفصل عن معاملة والدك وبالذات اذا كنت اتسكنين قريبة على والدك

44

الهجرة و واللاجئين / اعادة الفحص الطبي

« في: 10:01 20/04/2011  »

اشكد ويسقط الفحص الطبي لل IOM ؟ ومن يعاد يعاد كله يعني العائلة كلها اتروح؟ وهماتين فحص اشعه بيه؟ وممنون اغاتي

45

الهجرة و واللاجئين / رد: استفسار مهم لجماعة اي او ام بغداد

« في: 09:57 20/04/2011  »

الاخت العزيزة حملك بالشهر الاول مابيه مشكله بس اذا اتقدم الحمل راح يتاجل السفر حسب حاله صارت عند زوجة صديق بس كانت حامل بالسابع واجلوها 6 اشهر تقريبا لان الطيران بعد الشهر السابع بيه اشكال بالمطارات واني مريت بهاي الحالة ايضا رفضوا سفري بعمان لان زوجتي بشهر الثامن كانت

46

الهجرة و واللاجئين / رد: عضو جديد ممكن سؤال؟

« في: 09:29 20/04/2011  »

ممنون اخت انجي على الرد ومعلوماتك وافيه جدا

47

الهجرة و واللاجئين / عضو جديد ممكن سؤال؟

« في: 09:07 20/04/2011  »

السلام عليكم اني عضو جديد حبيت اسلم عليكم واسئل اذا اكو واحد عنده معلومات عن ولاية فيرمونت ورحم الله والديكم