الرسائل

1

الهجرة و واللاجئين / رد: اخواني وخواتي من اصحاب الخبرة ارجو من حضرتكم الجواب الشافي

« في: 20:26 17/11/2011  »

اشكركم اخواني على الرد السريع والله يوفقكم ويديمكم لفعل الخير شكرا جزيلا .

2

الهجرة و واللاجئين / اخواني وخواتي من اصحاب الخبرة ارجو من حضرتكم الجواب الشافي

« في: 19:43 17/11/2011  »

السلام عليكم جميعا ...
اخواني وخواتي اعضاء عينكاوا المحترمين ارجو من حضرتكم ان ترشدوني الى الطريق الصحيح اني قبل فترة سألت حضرتكم سؤال واجابني شخص واني اشكرة عالجواب . واليوم اسالكم سؤال اتمنى الاجابة من اصحاب الخبرة واللي مارين نفس حالتي .
اني امقدم على برنامج ( الاي او ام ) تقديم مباشر وبنفس الوقت امقدم على التوطين في منظمة الامم المتحدة الشغلتين نايمةجدا وشاءت الصدفة والحمد لله انه اتصلوا بية منظمة الامم المتحدة بلغوني احالة ملفي الى قسم التوطين وكذلك بعد يومين اتصلوا بية منظمة (الاي او ام) وبلغوني انه سوف يحددون لي موعد مقابلة اولى . سؤال يصير يكون عندي ملفين يعني اذا التوطين قابلوني حيندز ملفي الى( الاي او ام )واني اصلن عندي في منظمة ( أي او ام )  رقم كيس اني وعائلتي يصير عندي ملفين لو لازم استغني عن واحد منهم واني شاكر تعاونكم معي . علما اني امقدم من الاردن وصارلي سنة وشوية وشكرا مرة ثانية .

3

الهجرة و واللاجئين / رد: سؤال ارجو الاجابة من حضرتكم جميعا وسؤال للمشرفين المحترمين

« في: 22:58 10/11/2011  »

اخي العزيز اشكرك على ردك اني كنت اعمل مع مقاول عراقي صاحب شركة عراقية والشركة امنفذة عقود مع الامريكان وقبل فترة سالت عن الوحدة العسكرية في موقع عنكاوا لكن نصحوني ان ابحث عالفيس بوك ولكن ملكيت شي ولا المقاول كادر يتصل بيهم لان الوحدة منسحبة من العراق فقط عدنة عقود اللي امنفدة مع الامريكان وريكوةمنديشن بسم الشركة لكن ايميل الضابط الامريكي ممذكور بالريكومنديشن ومنكدر نتصل بي المهم اخي اني امقدم من الاردن تقديم مباشر ونطيتهم ايميل الشركة الرسمي لكن ليحد اليوم لم يبعثوا رسالة الى المدير (المقاول يعني )وكل ما اراسلهم يكولولي قضيتك قيد المعالجة الادارية اني صارلي سنة امقدم لليوم لا مقابلة ولا كلشي فقط عندي اني وعائلتي ارقام كيسات .واشكرك مرة ثانية على ردك السريع

4

الهجرة و واللاجئين / سؤال ارجو الاجابة من حضرتكم جميعا وسؤال للمشرفين المحترمين

« في: 22:15 10/11/2011  »

السلام عليكم اخواني وخواتي .... عندي فد استفسار رحمة لوالديكم اللي يعرف الاجابة عليه ياريت ينطيني الجواب المفيد .
طبعا اني مقدم على امريكا تقديم مباشر بس شغلتي نامت حيل وعندي اخوية مشتغل مع الامريكان مترجم بس جنة ممقدمين بسمة لان اتصال بالضابط مالتة مكان عدنة بس الحمد لله كدرنة انحصل عنوانة وايميلة للضابط سؤالي بدون زحمة عليكم . احنة اهلي امقدمين وياية كل واحد عندة رقم كيس يعني اني صاحب الكيس الرئيسي والبقية وياية بس حاليا اذا انريد انقدم على قضية اخوية بعتبارحصلنة اوراق تثبت عمله وحصلنة الضابط  شسوي ابلغ المنظمة لو لازم اسد القضية مالتي الاولى لو شسوي لان اني عندي رقم كيس وكذلك اخوية اللي انريد انقدم عليه تقديم جديد همينة عندة رقم كيس يصير تقديم راسا ادز الاوراق على ايميل( IOM) لو يصير عدنة اكثر من قضية شسوي برأيكم رجاء افيدوني .



الشغلة الثانية اخواني يا مشرفين الموقع رحمة لوالديكم اني هذا التسجيل مالتي كنت ناسي والى ان اتذكرت اليوزرنيم شلع كلبي اول بارحة سويت تسجيل جديد اللي اجاني من حضرتكم انه عينكاوا يرحب بيك انتضر موافقة المدير يوصلك منعدنة لنك التفعيل كلت اخاف اكو خلل رجعت سويت اشترك على غير ايميل ونفس الكليشة وصلتني رحمة لوالديكم لنك التفعيل لليوم موصلني زين اللي محتاج سؤال للموقع بحالة مستعجلة شسوي اني من اراسل
( IOM ) يجاوبوني ثاني يوم . بس سؤال هو موافقة المدير شنو يعني صار التسجيل بعينكاوا بي موافقة ( محلفين لو شنو ) اني اول ايميل مفروض وصلني موافقة اولية اتوقع صاير اكو استعلام امني قبل التسجيل  . ياريت ادزون الاكتف حتى الناس تستفاد واشكركم . وعذروني من كلامي بس احنة انحب الموقع ولو منحبة مندخل عليه واشكركم مرة ثانية .

5

الهجرة و واللاجئين / رد: ارجو من اصحاب الخبرة من مشرفين واعضاء التفضل في مساعدتي ولكم جزيل الشكر

« في: 21:48 06/06/2011  »

السلام عليكم
تحية طيبة وبعد ...
اخي العزيز عمر ....بالنسبة الى قضيتك لايوجد امامك سوى البحث من خلال النت عن جماعتك في السابق وانا مررت بنفس حالتك ولايوجد لدي الاوراق الثبوتية حتى لايوجد لدي تزكية وانا لدي شركة ايضا وايضا تم تلف كل الموجود ولكني قمت بما يلي :
كتابة اسماء كل الاشخاص الذين اعرفهم والبحث عنهم في الفيس بوك والتويتر والوايت بايج والاول والياهو والهوت ميل ومبقيت مكان يعتب عليه حتى في اللينكد ان ووجدت اصدقائي وقمت بمراسلتهم ولم ياتيني اي رد من قبلهم وقمت بارسال رسائل الى اصدقائم في هذه المواقع لغرض الاتصال بهم واخبارهم بحاجتي للاتصال بهم الى تم اتصالي بواحد منهم وطلع متقاعد وبعد فترة جائني رد من احدهم لانني تركت رسائل للجميع بان يتصلوا بي فور ايجادهم رسائلي واستطعت ان اعيد علاقاتي مع الجميع عدا واحد ما اعرف وين صار ...انا اعرف ان الموضوع متعب جدا جدا لانك ستجد لكل اسم الف والفين شخص بنفس الاسم ونصيحتي ان تقوم بكتابة رسالة تبين فيها من انت وماذا حصل معك وحاجتك للاتصال بهم وفي حالة ان الشخص المرسل اليه هو المطلوب فترجوا ان يقوم بالرد عليك بحيث انا لدي الان يمكن فد 1800 شخص امريكي صاروا اصدقائي بسبب هذا الموضوع وبالمناسبة تعرفت على شخص صديق صديقي قام بالاتصال بوالد الامريكي الى ان تم ربطي به ...يعني الشغلة ينرادله وكت وانا هذا الموضوع كول ويايه 5 اشهر يوميا ابعث رسائل بلا كلل ...هذه نصيحتي لك وبالمناسبة ماكو غير حل ...والحمد لله الان لدي رسائل تزكية من الجميع وبتواريخ حديثة حتى انني قدمت على الاي او ام والاس اي في ...فا اخويه من طلب العلا سهر الليالي ...واي شيء تحتاجه اني حاضر .....ودمتم للنضال .

اشكرك اخيالعزيز والله يكثر من امثالك 

6

الهجرة و واللاجئين / رد: ارجو من اصحاب الخبرة من مشرفين واعضاء التفضل في مساعدتي ولكم جزيل الشكر

« في: 21:10 06/06/2011  »

ما اعرف نشوف بقية الاعضاء والله يسهلها وعلمني اذا تعلمت

اشكرج اختي وبارك الله بيج

7

الهجرة و واللاجئين / ارجو من اصحاب الخبرة من مشرفين واعضاء التفضل في مساعدتي ولكم جزيل الشكر

« في: 20:34 06/06/2011  »

السلام عليكم ورحمة الله وبركاته بعد التحية ...
اخواني واخواتي من اعضاء ومشرفين منتدى عين كاوا المحترمين
ارجو التفضل في مساعدتي من اصحاب الخبرة اني اعمل مقاول وصاحب شركة وقمت بتنفيذ عقود مع الامريكان غادرت العراق منذ سنة ونصف لان بعد ما اتهددت وقاموا بحرق بيتي وادى ذلك الى تلف اغلب الاوراق التي احتفظ بها فقط الان املك ورقة ( ريكومانديشن ) من ضابط امريكي ولكن لا يوجد بها الايميل الرسمي فقط اسم وتوقيع الظابط اضافة الى نسخة من عقد قمت بتنفيذه في موقع ( الرضوانية ) حاولت ان اصل الى الظابط عن طريق البحث في الانترنيت لم استطع الوصول الى معلومة مفيدة . وكان التعاقد بصورة مباشرة مع الجيش الامريكي في مطار بغداد ارجو من حضرتكم ان تساعدوني في الوصول للحصول على ما يثبت عملي مع الامريكان سواء تزودوني ايميل اقوم بمراسلتهم او موقع شركة مثلا او اي شي استطيع ان اثبت عملي عن طريقه لان منظمة ( iom) طلبوا مني ايميل رسمي حتى يقومون بمراسلتهم واني لا املك غير الذي ذكرته لحضرتكم . علما اني مقيم في الاردن وسوف اذكر لكم اسم الوحدة اللي مذكور اسمهة في الريكومنديشن جائز واحد يتعرف عليهة ولكم جزيل جزيل الشكر .
combined joint special operations task force( CJSOFT
اسم الظابط :RHONDA R. CRAWFORD CAPTAIN USAF